رمزيات بلاك بيري خدمة تفسير الأحلام تصميم مواقع وصفات طبخ أعلن معنا


العودة   منتديات فريج دبي > فريج أم سعيد > قصص وروايات > قلم رصاص يسرد روايات

قلم رصاص يسرد روايات يختص في طرح الروايات


آخر المشاركات المطروحة في منتديات فريج دبي .


لأإ تغصبونيَ ـأحبـهِ ., !

قلم رصاص يسرد روايات


إضافة رد
 
أدوات الموضوع
  #1  
قديم 18-09-2009, 12:50 AM
الصورة الرمزية ع ـسولة  
ع ـسولة
~ • غـٍُالٌٍُيً نـٌٍُِشًَُِيـًٍِط • ~
 
 


معلومات اضافية 
  النقاط : 10
  الجنس :
  الدولة :
  الحالة :
8656[2] لأإ تغصبونيَ ـأحبـهِ ., !

 



السلام عليكم ورحمة الله وبركـــأإته ., !


شحـأإلكوون ؟ علومكوون ؟؟

عســأإكون ـألأ بخــي‘ـر ., ^,^ !

بدون لف ولا دورـأإن .. أقدم لكمَ قصتي { لأإ تغصبونيَ ـأحبـهِ { .,

تمني‘ـأإتي ـأنهــِىَـ تنـــأإل أعجــأإبكم ^,^ .,

×

×

×


((لا تغصبوني احبهـ))
~..الفصل الأول..~
ليش يا دييييييييييييييوه !!! ديييييوه ليش يا ديييوه !!
هيئة كهرباء ومياه دبي تدخل فيها يابس تطلع منها حلي
ما يحتاي اتكلم ما يحتاي اشكي هيئة تعبانة والكل يدري
كل اللي يمر علي يهوون الا تجربتي مع ديوه خلتني مهمووم
كنت قبـ......

شمة :ههههههههههه صدق أغبية شباب دبي دامهم مايحبون الشركة خل يدورون شغل ثاني ! ..حمد توه طلع من الحمام وجافهم بس ما جاف اللاب عندهم
حمد : شتسوون ؟!
مهرة وهي ترفع الابتوب : شهالاغنية العجيييييييييبة !
حمد : اففففف ظهرن برع يالله ولابي مرة ثانية ما تفتحونه سمعتووو ! .. ظهرت البنتين من الجحرة وراحوا حجرة شمة
مهرة : اففف ها اخوووج حمدووو زطي !
شمة وهي رافعة حوايبها : لا والله اخووج عمرووووو هو الزطيي انزين !
مهرة : عمور زطي ؟!.. غمزت لشمة : الحين بقوله تر
انسدحت شمة ع شبريتها وهي ملانة من هالطاري"عمر وعمر..متى بتفهمين يا مهاري انني ما احبهـ !"
شمة : شسوي ؟! ارقص !؟ههههههه"وقالت بولهـ"آآآه فديته سلوووموو
مهرة تتحرا اخوها سالم ما تدري انها ترمس عن سالم حبيبها : فديته والله ولا تصدقين اليوم ما شفته ؟ وينه ؟
شمة : هههه سلوم اخوي الصراحة ما اعرف يمكن ماما ودته وياهم تراها كان يلعب ويا يهال الفريج العصر ولما ييتو كان يسبح
مهرة : اهاا ولا اقول وين لابج ؟
شمة اشرت ع جنطتها مال الجامعة : هناك روحي ايبيها انا بعد براويج شي
مهرة : اوكي .. اكييييد كل وحدة شغلت ايميلها وترمس من هني وهني .. "شمة20 تدرس بجامعة زايد ببوظبي واخوانها حمد23 وسالم4 يعيشون بالسمحة شرق التابعة لمناطق بوظبي ومهرة20 قدها وهي بنت خالتها"..استوت الساعة 2:45 الفليل والبنات هم الوحيدات اللي هب راقدات بالبيت ..مرة وحدة ....طق طق طق
شمة : بسم الله منو قايم هالحزة؟ ..طق طق طق
مهرة : سيري فتحي الباب انا ما بروح.. لبست شمة الشيلة يمكن واحد من خوان مهرة ..اول ما فتحت الباب لفت تطالع يمين ويسار : منـ..؟ الله ياخذك عمروو يالجلب خوفتني "عمر22 اخو مهرة"
عمر : ههههههههههههههه فديتج احلى شي لما تخافين عاد انا بنقذج
شمة وهي معصبة لانه شرا تفكير مهرة .. متوقع انها تحبهـ بس تتغلى : اففففففف روح لا
عمر : مال الشارجة لاـ..
شمة : جب ولا كلمة .. راحت يلست عند مهرة وكملت سوالف .. رفعت عيونها تشوف عمر يطالعها وهو مبرطم
مهرة دزتها من جتفها : سيري سيري سوالف خاصة !!
عمر : الله يخليج انتي وسوالفج الخاصة ! حشى مو سوالف اسرااااااار
شمة وهي رافعة حوايبها : ارتاحي فديتج مهووري وسولفي ع كيفج ! وانا بروح اييب شي ناكله وبيي
مهرة وهي تتطنز ع عمر : فديتج مشكوووووورة.. ظهرت شمة من الحجرة ونزلت المطبخ تدور أي شي ينأكل"تر البنات ما تعشن!"
شمة : الله ياخذك !
عمر اونهـ هادي : اششش بتقومين الرقوود
شمة : ليش انت هديت فيني روح عسب اقوم حد ! اففففففف منك وليش نازل ؟ .. حطت شمة شوية فواكه وعصاير حقها ومهاري واكيد السيد عمر
عمر : امممم بس جي اشوفج ....تبيني اجابل مهروو اللي باقة عينها بالاب
شمة وهي تضحك : ههههههه صدقك هاي محد ايلسها ع المسن.. حطت فواكه وعصاير وراحو الاثنين فوق
مهرة وهي تطالع الاب: باي باي
عمر : تكلمين منو ؟
مهرة : رفيجتي ندووي عندك مانع !؟
شمة : هههههههه اكيييد هالبوية ؟
مهرة : لالالا مسكينة ندووي بنوتة وما عليها كلام الحبيبة
عمر : عيل ليش ترمسج مايك ؟
مهرة : ليش المايك حراام اللي يقول تيلفون بس ع الاب
شمة تتمصخر عليها : اونه ما كنت اعرف ههههههههههههه .. تمو يالسين يسولفون وعقب راح عمر رقد لانه قايم من الساعة 9 الصبح .. شمة ومهرة قعدوا ولما اذن الفير صلن وحطوا راسهن بيرقدن
مهرة : بغيت اراويج شي بس ما حدر ...رت
شمة : ما يوصل الصوت لحجرت الشباب.... المهم منو ها بعد ؟
مهرة : واحد من الجامعة قال ماخذ ايميلي من عند رفيجه ويتحراه مال ولد
شمة : اهااا تعرفينه ؟ شكله يعني ؟
مهرة : هيه راواني صورته وعرفته شكله يعني ....اسمه بدر سعيد ال...........
شمة : اللي شعره طويل ومدرج ودوم يلبس بدل وماركات ومرة سواه سبايكي عسب يتحدى بوية ؟
مهرة : بل بل هههههههه ما اعرف يمكن هو المهم البارحة كلمته وقالي جي ولما عمور دخل بندت عنه واليوم ما كلمته لانه اليوم
شمة : هههههههه المهم رقدي رقدي وبعدين برمس هالبدر وبعرف لو قاص عليج .. اونهـ اتحرا ايميل ولد ....اللله يخلي بو الخرط بس
مهرة : يالمغازلجية ! ما تستحين ريلج هني اليوم
شمة كشرت : مهرو تكفين لا تذبحيني بسالفة عمور
مهرة : سوري بس شسوي ما عندي غيرها !!
شمة : سكتي سكتي الشمس طلعت وحن ما رقدنا .. اكيد شمة رقدت بس مهرة بعد نص ساعة ...
>>>اليوم اللي بعده-الساعة 2:03 الظهر<<<.. ام حمد جهزت الغدى وراحت عند ام فيصل في المستشفى"تراها ربت قبل يومين
مهرة : شمووووووو يالله فجي الباب ايدي بتنكسر .. من داخل الصالة
عمر : خليها ما تفتحين الباب
عمر وحمد وفيصل"فيصل23 هو اخو مهرة الثاني": هههههههههههههههه
شمة : حرااااام عليك بتمووووت !
عمر : ونفتك منها قولي آمييين..قامت شمة تفتح الباب ..عمر: والله بزعل !
شمة : ازعل شسوي بك !!
عمر : افـــااا .. فتحت شمة الباب ومهرة حطت الصينية وهي تتحرطم .. عمر ظهر بره
حمد : وين رايح ؟
عمر : مالي خلق آكل شي نفسيتي منسدة
مهرة : علهااا كل يوم جي !
عمر : سيري لا !! .. راح عمر برع والكل تغدى .. اول ما خلصو تموا يسولفون عن الدراسة اكيد والسيارات والماركات .. طلعت شمة ومهرة يودن السفرة والصحون المطبخ"ترا الخدامة بالمستشفى ويا ام حمد".. شافت شمة عمر يالس ع الدجيج ..راحت صوبه
شمة : عمووور ؟ .. لف يطالعها
عمر : شتبين ؟
شمة : عمر لا تستهبل تراني ما احب حركات اليهال مالتك ! تراني انا اللي بزعل ؟!
عمر : افففف خلاص مب زعلان انزين تراج والله تقهريني
شمة : هههههههه هيه احسن عسب ما تصدق روحك وايد
عمر : شمووو عن العبط ! .. تموا يسولفون شوي
شمة : ولا صح سلووم ويا امي ولا هني؟
عمر : لالا اكيد وياهم ترا هذي حزت اللي يسوي حشرة والبيت هادي مافيه حس
شمة : ههههههه اونك تعرف تنكت
وسكتوا شوي
عمر قال بولهـ : شمة احببج .. شمة وقفت ومشت بعيد عن عمر
شمة وهي تفكر : اففففف ياخي عمر ما اقدر احبه وانا ما احبه ! انا احب سلووم فديته حياتي ..ما قدر يمسك روحهـ وتجرب ووقف وراها ..لوى عمر ع جتاف شمة من ورا وهي تمت واقفة مكانها ..لما بغى يلفها صوبه .. ابتعدت عنه بسرعة وهي متنرفزة من شعورها اللي رد و ياها
شمة : عمررررر قوم عني
عمر : اييييه فضحتينا !
شمة : لا فضحتك انت مو روحي اففففف صدقك سخييف ! .. راحت الحجرة وهي معصبة .. بطلت الاب ودخلت ايميلها "دلع uae".. تترياه تترياه
شمة بينها وبين نفسها : اففف سلوم وينك بتذبحني!؟ .. دخل عمر الحجرة
عمر : شمو اتمصخر زعلتي ؟
شمة : لالا ما زعلت خلني روحي شوي ابي اسولف ويا رفيجتي
عمر حرج من اسلوبها
قال بطنازة : رفيجتج ؟! هئ امحق جذب ! .. ظهر من الحجرة وشمة صكت الباب وراه وهي شوي وتصيح
شمة : سخيييييييييف اكرهه .. صوت من الاب"حد دخل المسن".. ركضت شمة صوبه : فديته اللي يحس بي لما احتاجه

سالم : ياااااااا هلا والله الغاااااااااالية حبيبتيه !
شمة : هههههههههههههه سلوومو عن العبط
سالم : ليييييش ؟ الغالية حرام ؟
شمة : مو الغالية اللي يمها ! استحي ما تدري بي !!
سالم : واي واي فديييييييييته اللي يستحي .... ها استويت طماطة ولا بعدج؟ .."اخبركم عن سالم .. شمة صارلها سنة تكلمه وهو بجامعة الامارات اكبر عنها بسنة يعني 21 .. لا هو شايفنها ولا هي شايفتنه بره بس مرة شغل الكيمرا بس شمة ما رضت تشغل مالتها..تراها بنية بنهاية المطاف"
شمة : سلووووووووم بغيتك بشي ؟
سالم : أي شي قولي ومن الحين حااااااااااظر ؟؟؟
شمة : امممممممم امممممممم امممممممممم
سالم : قولي يعني هالقد معقد ؟!
شمة : هييه بقولك بس لا تزعل لاني الصراحة ما ابي اوصلك شي غلط.. لاني احبك وما احب غيرك
سالم : السالفة هالقد عووووووووودة ؟ ولا حبيبي قولي احبك مرة ثانية
شمة : ارفع السهم وبتلقاها فوق مرة ثانية هههه صدقك غبي
سالم : افاا عليج انا غبي ! خخخخخ المهم قولي ما عليج مني لو قاطعتج
شمة : امممم سالم ابوي يبي يزوجني ولد خالتي
سالم : شوووووووو !؟ لالالالالا
شمة : سالم اسمعني ! انا ما واقفت وقلتله نوووو يعني نوو
سالم : انزين وشو ؟
شمة : المشكلة انه قالي ان اخوي حمد ما بيعرس وهو يبي يستانس فيني وبسرعة فلو ما انخطبت او حمد ما غير رايه بتزوج غصبن عني !
سالم : شنوووووو !؟ ع كيفه هو ؟! شمة اللي بتوافقين له بيكون انا ولا غيري سامعة !؟ والله لا اذبحه اللي ياخذج عني !
شمة : سالم ها ابوي لا تقول عنه جي وبعدين ادري به يبي يفرح وبس
سالم : شمة انا بعدي ما اشتغل يعني ما اقدر .. قبل ما يطرش التكملة
شمة : سالم اخطبني وبس انا مابي فلوسك انا اباك انته

"تعرفون شببال سالم الحين">>يالس يرمس تيلفون ويا رفيجه صلوح وهم ناقعين ضحك"
صالح : حشى تباك تخطبها ؟! هههههههه مصدقة السالفة الحبيبة !
سالم : المهم شسوي ابها ما تفهم اقولها ما اشتغل وما اقدر تقولي مابي بيزاتك
صالح : لالا يا حبيبي هاذي تقول جي بس ماكوووا بنت ما تبي بيزات !!!
سالم : اسمع شكتبت ... سالم فديتك بظهر الحين...اوبس بلاهـ علق"ورد يقرا" سي يو بعدين
صالح : بتروح تغازل
سالم : قوم خلنا نروح المرينا نشوف غراشيب هههههههه
صالح : اوكي .."سالم نسى انه شمة تعرف شكله"

شمة : مهرووو عن العبط ! يعني انا اروح ويا الشباب !؟
مهرة : انزيييين والله تعبانة وبعدين اخوج بيروح يعني مو روحج!
شمة : صح صح هالولد لووتي ما يقول لاخوانج شي وتعرفين انا ما احب ايلس وياهم وااااااااايد يتفلسفون !
مهرة : خلاص بيي بس لو تعبت ورديتكم البيت ويايه لا تزعلين
شمة وهي فرحانة حيل : اوكي .. راحت الحمام تبدل-عزكم الله-وكل اللي يدور ببالها : ان شاء الله ايي سلوم المول وااااي فديته من زمان هب شايفتنه
وآخر يوم ما شفته ! بكلمه يمكن يحبني اكثر ويوافق ع الخطبة .. الكل تجهز وظهروا من البيت ....
حمد : خخخخ ياخي لا تتكلم تراك ما تعرف شقاعد تقول !
فيصل : شحقى !؟ وبعدين انا حر باللي بسويه انت شلك !؟
عمر : فيصلووو انجب احسن لك ولا بصمك كم كف عسب تفتهم
مهرة : ويييييه سكتووا كلكم والله صدعت
شمة : ههه حمد شغل غنية عيضة المنهالي"مايس القد".. شغلوها والشباب سووا فرقة حمد وعمر يغنون"صوتهم حلو" فيصل شوي بيرقص..عمر يدق ..(حمد يسوق وفيصل يالس يمه ورات حمد شمة وعندها مهرة وع الطرف عمر).. طبعا البنات بيروحن بروحهم والشباب بروحهم..وصلو المرينا
شمة : وين نلتقي ؟
فيصل : والله بندق لكم تتحرينا زط بالرصيد !
الكل غير شمة : ههههههههه .. تفرقوا وكلن راح دربه .. صوب الشباب >>>> تموا يتمشون واول شي راحوا يشترون عطور"لازم!"
حمد : okay thank U .. حمد وعمر ظهروا برع المحل فيصل بعده داخل .. بنتين بيدخلن المحل .. تموا يطالعون الشباب وكل وحدة رافعة التيلفون "مغازلجياات اكيد"
البنت1 بدلع : هلااا والله
عمر وهو يطنز: رمستج بس !
حمد : عموور ..لف يطالعهن : شحالج الغالية ؟
البنت1: الحمد الله ومن صوبك
البنت 2: عمر؟
عمر مطنشنها : حووو وين خوي ؟
حمد : داخل .. رد يسولف ويا البنية : ولا ما تعرفنا ؟ انا حمد
البنت 1: انا علية وهذي رفيجتيه عفرة
حمد : تشرفنا
فيصل : حمدوو !! .. سكت شوي يشوف البنات ورفع حوايبه : انت شتبا هلك يقولون عنك معرس وتغازل ؟!
حمد : معرس بعيييينك! .. طالع البنات: يتمصخر ....هذا ولد خاالتيه فيصل
فيصل : ههههه .. لف يطالع البنات : هلا والله بغراشيب بوظبي .. راح عمر يمشي روحه لانه ما يحب هالسوالف "بس دومه يسولف جي ويا شمة"..
>>صوب البنات<<
شمة شوي وتصيح: اففف مو ممكن يكون هو ! اليوم كنت اكلمه اليوم !
مهرة : شمة يمكن مو هو !
شمة : لالالا هذا هو ها سالم هو ورفيجه دومي اشوفهم طالعين ويا بعض
سالم ويا صالح يغازلون ويرقمون افكورس"ترا هذي شغلة الشباب"
شمة : الا واكلمه الا واعرف .. شدت مهرة وراحوا صوب سالم وصالح .. اول ما طافن تم صالح يطالع شمة وهو منصدم
صالح مشغول البال بس بشو؟تم يطالع شمة وهي تطالع سالم ونظراتها كلها حزن .. صالح يفكر ويحاول يتذكر : مو معقولة شمة اللي احبها تكون نفسها اللي تكلم سالم لالالا مو ممكن ما تسويها ! ولا ليش شو مانعنها؟! الحين ظاهرة بروحها ويا رفيجتها ومافي حد معارض فاكيد لو تبي تكلم حد مو مشكلة .. سالم راح صوب صالح لما خلص سوالفه ويا بنت
سالم : صلوح شفيك ما ترد ؟
صالح : ها؟ لالا بس كنت...... يوعان يا ربي يالله بنروح ناكل لنا شي
سالم : اوكي .. يلسو جريب من المطاعم والاثنين ساكتين
سالم :صلوح شفيك ؟ مو طبيعي ؟ شي صار؟
صالح : لالالا ... الموهم نسولف عنك انت والحبيبة.. ضحك عسب ما يشكك سالم : سلووم هاي شمة من الجامعة ؟
سالم : هيه
صالح : شتعرف عنها ؟ تراك من متى تكلمها وموول احسك ما تعرف شي عنها ؟ واونك بتخطبها
سالم : لا شو اعرف امممم هي عمرها 20 متخصصة بزنس .. قاطعه صالح
صالح : شو اسمها الكامل؟ ابوها ؟
سالم : اممم اظنه حسين ال....... او يمكن حسن ما اعرف ياخي ما اكلمها بجي اشيا بس حب وغزل خخخخ وحليلها مصدقة ههههه المهم بروح اطلب ....شتبي ؟
صالح : اللي بتاكله انت .. راح سالم يطلب وصالح مشغوول باله : لالالا مو ممكن شمة حسين ال....... بلى هذي نفسها بالجامعة واصغر عنا بسنة يعني تكلم سلوم ويمكن تكلم غيره مليوون ! انا شقى حبيت وحدة جي ؟! شقى انخدعت جي ؟!.. مرت بنية متغشية من يم صالح وفرت ورقة ع الطاولة ..كملت دربها بدون أي كلمة .. طالعها وهو مستغرب
صالح وقف وراح صوبها : ختيه الور.... انصدم !


يتبع>>>>>>>>>

 

 

 

رد مع اقتباس

رمزيات بلاك بيري | تفسير الاحلام | أخبار الامارات | أخبار دبي | وصفات طبخ


قديم 18-09-2009, 01:02 AM   رقم المشاركة : 2
ع ـسولة
~ • غـٍُالٌٍُيً نـٌٍُِشًَُِيـًٍِط • ~
 
الصورة الرمزية ع ـسولة 




معلومات اضافية 
  النقاط : 10
  الجنس :
  الدولة :
  الحالة :
الرسالة الشخصية

التقييم

افتراضي

 

 

لو حبي‘ـتو القصة ردوـأإ علي .,

عسب ـأكملهــأإ :approved:


وبدوون ردود بع ـتبرهاا ما عيبتكم وخلاااص ما بكمل .,



تحي‘ــأإتي ....:


عسلـي‘ـنــوو ., !

 

 

  رد مع اقتباس
قديم 18-09-2009, 03:10 AM   رقم المشاركة : 3
M S . H A B L A ©
 
الصورة الرمزية M S . H A B L A © 





معلومات اضافية 
  النقاط : 11998
  الجنس :
  الدولة :
  الحالة :
الرسالة الشخصية

التقييم

افتراضي

 

 

ياااااااي نااايس القصهـ

اووه سوري

السلام عليكم ورحمة الله وبركاته

شحالج ختيه ع ـسـولـة

القصه ناايس اتريا البارت ع احر من الجمر :approved:

 

 

 لِنگُن أرواح -[ رآقيَہ . .
نحٺرم ذآٺنا ، و نحٺرم الغير !
عندمآ نٺحدّث ، نٺحدّث بـ عُمق ،
نطلب بـ أدب ، نشّگر بـِ ذوق !
. . ونعٺذر بـِ صِدق

  رد مع اقتباس
قديم 18-09-2009, 08:26 PM   رقم المشاركة : 4
ع ـسولة
~ • غـٍُالٌٍُيً نـٌٍُِشًَُِيـًٍِط • ~
 
الصورة الرمزية ع ـسولة 




معلومات اضافية 
  النقاط : 10
  الجنس :
  الدولة :
  الحالة :
الرسالة الشخصية

التقييم

افتراضي

 

 

تسلميييييييييين غنــأإتي ع المــرـوـر الطي‘ـب ., !

وجــأإري تحمي‘ـل البـأإرت الني‘ــو :99: .,




دقي‘ـقــة بس !

 

 

  رد مع اقتباس
قديم 18-09-2009, 08:33 PM   رقم المشاركة : 5
ع ـسولة
~ • غـٍُالٌٍُيً نـٌٍُِشًَُِيـًٍِط • ~
 
الصورة الرمزية ع ـسولة 




معلومات اضافية 
  النقاط : 10
  الجنس :
  الدولة :
  الحالة :
الرسالة الشخصية

التقييم

افتراضي

 

 

((لا تغصبوني احبهـ))
~..الفصل الثاني..~
>>بيت بوطلال"جيران قوم بو حمد"10:30الفليل<<
دخلت الام والابو البيت"توهم رادين من بيت بو حمد يباركون لهم بالمولودة اليديدة حور"..كلن راح بشغله ..لكن هو كان يالس بالحجرة يطالع من الدريشة اللي تطل ع حجرة شمة..دقت الام الباب
الام : طلال كليت شي ؟
طلال :هــ هيه هيه لحد ايي يدق علي يمكن ارقد .."طلال28 اكبر واحد بالبيت.. واخوانه زايد18 وياسر14 والبنات مها19"
ام طلال : اوكي بس لا ترقد لا صارت الساعة 4 تراه وقت الاذان
طلال وهو يتأفف في خاطره : انزين انزين .. شاف ليت حجرة شمة ينفتح ، تم يفكر : بتيلس ولا بترقد ؟
>>في حجرة شمة"عمر دخل يدور كابه يمكن فره لما يلس ويا البنات"<<
عمر : اففففففف وينه هالكاب ؟! والله هب طالع بدونه مكان.. نزل راسه تحت الشبرية يدور"الاشياء تختفي وممكن تكون بأي مكان"..فر المخدات هالصوب وهالصوب .. يلس ع الشبرية يطالع باستغراب
عمر بقلبه : شهالدفتر؟ معقولة مذكرات شمو ؟ اشيله ؟ افتحه؟ يمكن القى فيه اجوبة ؟!.. مد ايده وسمع صوب حد ياي .. عدل كل شي ورد يدور الكاب.. دخلت شمة الحجرة
شمة : عموور يتريونك بالسيارة
عمر : هيـ.. ادور كابي ما شفتيه؟
شمة وقفت : هيييييييه ليش ما تقول حطيته بكبت حمدو اتحرى ماله
عمر : اهااا اوكي ثانكس ... يالله مع السلامة وشمة ديري بالج على نفسج .. ظهرت برع الحجرة وهي مقهورة..ظهر وبايده شي"تعرفون شو؟ بلى شل مذكرات شمة" سلم ع خالته ام حمد وابو حمد وركب السيارة وقلبه يدق ويدق
عمر طول الدرب محتار: ليش سويت جي؟! ادري الكلام هذا بيجرحني بس ما اقدر اخسرها! شمة ما اقدر اخسرج!! .. وصلو البيت ونزلوا الاشياء وراحوا العيال"فيصل ومهرة وعمر"عند امهم عسب يشوفونها والصغيرونة حور.. قربت الساعة 1:45
ام فيصل : حبايبي روحوا رقدوا من الصباح ناشين
مهرة : ماااااااابي بتم عند حووروو
فيصل : من الحين تقولها حورو لا كبرت بتتعقد !
مهرة : جب جب متعلمة منك كله مهروو !! .. تموا يتضاربون ويطنزون ع بعض .. وقف عمر وراح صوب امه
عمر : امايه رقدي زين باجر ما باكل غير طباخج ! .. باسها ع راسها وراح الحجرة وفر روحه ع الشبرية.. لف يطالع جنطة ثيابه"اللي كان ماخذنها بيت بو حمد".. طلع الثياب الوسخة حق الغسيل..فتح الجرار من يدام
عمر يفكر : بلى بلى بقرااه والله عشان احبج مو شي ثاني !.. فتح الدفتر "مذكرات شمة" وتم يفرفر الاوراق..((اليوم:الاربعاء 12\3\2008..
اليوم رحنـ.............نزل عمر عيونه يدور شي ورد يقرى : شفت سالم بالمول البارحة والله انه عجييييييب فديته والله! المهم انه ما شافني اخاف ما اعيبه تراه حليييييو حيل اممممم بس صدق قلبي دق من الخاطر اول ما شفته)).. لف الصفحات وكل صفحة
((سالم ..... وسلوم.... وسلومي قال.......)).. لقى اسمه بس بدون طاري بدون ذكرى
عمر عصب : منو هالسالم ؟! الله ياخذج جهنم الله ياخذج يالخايسة الحقيرة اكرهج اكرهج !! شقى تسوين فيني جذيه !؟ شقى شقى!؟ .. فر روحه ع الشبرية وهو يدندن مو طايع دموعه تنزل..شل الدفتر وحطه في الكبت وقفله..راح بسابع نومه بعد ما انفجرت عينه من الدموع.. نام وهو يتوعد يوعدها.. انا اللي حبيتج وما عرفت افكر بغيرج تسوين فيني جي !
مرت الايام وبعد اسبوعين
>>بيت بو فيصل الاهل مجتمعين-بالميلس ع الساعة 4:50<<"توهم رادين من المسيد
بعد دقايق من رجعة الرياييل من المسيد.. البنات يلسوا بالحوي..دخل عمر ويا مبارك"مبارك22 رفيج عمر وولد عمه"
عمر : اقول برووك بييك بعد شوي بكلم... المهم روح انت انا بييك
مبارك : اوكي .. راح الميلس وعمر اشر ع مهرة تيي عنده
مهرة : شتبي ؟
عمر : وين شمة ؟
مهرة : جنه بحجرة الكمبيوتر ويا شموس يالسات ع المسن
عمر راح بدون ما يقول شي وكل اللي بباله: الا واعرف ليش.......ليش اتحبينه !!! ليش اتكلمين هالاشكال ! .. دخل الحجرة وكانن هناك
زاغوا لما جافوه وبسرعة كل وحدة لبست شيلتها
شمسة : ايييييه شو ما تعرف ادق الباب؟!ما ادري وين داخل !؟
عمر ببرود : بيتنا ! شمة اباج بسالفة تعالي
شمة: دقيقة بس الحـ...
عمر : بعدين كملي سوالفج ! .. ظهرت وهي زايغة راحوا حجرة عمر وشمة مستغربة"يعني شممكن يقول؟"
شمة : شتبي ؟
عمر فتح الكبت وفر الدفتر يدامها وهو ساكت
شمة : .............. نزلت عيونها وهي مفتشلة
عمر : عرفت اني بنجرح ! واعرفج ما تحبيني بس ها
شمة : قريت آخر صفحة ؟
عمر استغرب : ما......ما اعرف مو مهم
شمة قاطعته : اقراها وبعدين احكم ! صح اني غلطت باللي سويته بس انت مو حقك تشيل الدفتر وتحاسبني ع حياتي .. فتح عمر الدفتر آخر صفحة ..((اليوم:الاحد 24\7\2008..
ما اصدق اني احب واحد حقير مثل سالم ! شفته توني بالمرينا وكان هو ورفيجه قاعدين يرقمون البنات بالمول . ما اصدق انه جذب علي بعد كل الوعود اكيد كلها جذب في جذب والله لا اسوي أي شي ع اني انساه ! ما احبه ! اكرهه !!!...........)) انصدم عمر من المكتوب ويلس يدام شمة وهي تصيح وتصيح بهدوء تام قالها والقهر متملكنه
عمر حنون كعادته : ما اباج توافقين لانج مجروحة من غيري
شمة رفعت عيونها وهي تصيح : مااظني بواف....عمر احبك كاخوي مو شي ثاني
عمر حن قلبه ع حبيبة دربه .. بسبعد تقطع من الكلمة اللي قالها : خلاص ختيه روحي مسحي ويهج تراج تخوفين ههههه
ضحكت شمة وراحت مسحت ويهها .. شلت الدفتر وظهرت برع الحجرة .. ردوا قوم شمة البيت ع الساعة 8 ونص العشى وربعت شمة الحجرة تفكر باللي صار واللي قاله عمر عن اللي كاتبتنه.. فتحت الدفتر تقرا كلامها قبل ما ...
شمة : قبل ان عرفتك ! يالحقير بسبتك نسيت عمر وحبي العذري له والحين ما اقدر احبه ما اقدر ! ليش ياربي ليش ؟!..نزلت دمعة من عينها بدون قصد..دخل حمد الحجرة وهو مستانس مستحها بسرعة والتفتت له
حمد : قولي شصاير ؟
شمة باستغراب : شو ؟
حمد : طلال توه يا يكلم ابوي
شمة : شيعني دومه ايي ؟
حمد : لا جنه ياي .... يخطبج
شمة : شنوووو ؟!! لا لا لا مااااااابي
حمد : حشى شمو منو بخاطرج قولي تراه ابوج بيغصبج اذا ما قررتي هذا ثالث واحد وع طوول مرفوض
شمة : انزين انت عرس ! انا مابي اففف
حمد : انزين حد بخاطرج الحين بخليه يخطبج
شمة نقعت ضحك : صدقك ما تستحي روح انفذ برع يلا !
حمد : ههههههه المووووووهم شموو صدقي اتكلم لو حد بخاطرج قولي مو مشكلة والله ما اخبر ابوي
شمة ترددت الكلمات ببالها((شمة انا بعدي ما اشتغل يعني ما اقدر))آآه كيف صدقته .. طالعت حمد وهي متوترة : اممم خلاص بفكر وبخبرك ولا انت شدراك طلال ياي يخطبني يمكن يبي يسولف ويا ابوي عن ابوه-الله يرحمه- او شي جي تراك تعرفه يكره ريل امه
حمد : شدراج يكره...؟ المهم انا لما ابي اعرف شي بعرفه غصبن عنج وعن اللي يابج سمعتي هههه
شمة : ههه متفيج ! الموهم روح عن ويهي انا ابا ارقد تراني تعبانة حييييييل !
حمد : ان شاء الله .. ظهر من الحجرة وشمة حطت راسها ورقدت
>>بالميلس-- بوحمد وطلال<<.. تم يطالعه طلال وويه بو حمد ما باين عليه شي
طلال تم يفكر : اكيييد بيرفضني وما بيقولها تراني اكبر عنها بوايد بس شله العمر بالزواج!بس والله اني احبها من قلبي !
بوحمد : خلاص طلال بخبرها بس .... ابوك وينه ؟
طلال وهو يتأفف من داخل : ما اعرف ما شفته اليوم ابد والصراحة نويت ايي بدون لف او دوران
بو حمد : خلاص طلال ما تشيل هم بس القرار قرار شمة بنهاية المطاف
طلال : اوكي .. سلم طلال عليه ورد البيت .. دخل حمد ع ابوه الميلس
حمد : هلا بويه .... شبغى طلال ؟
بو حمد : شمة صاحية ولا ؟
حمد : لا اظني رقدت واي ؟
بو حمد : ارمس عربي !! شو {واي} ها !؟
حمد : ههههههههههههه يعني ليييييش !؟
بو حمد وهو يطنز : يعني ما تعرف ؟
حمد : اعرف بس جي شمو قالت بتفكر بس شكلها بترفض
بو حمد عصب : هالبنت شو ما تتزوج ؟! وانت بعد والله تراكم ذليتوني !
حمد : اففف انزين شو بالغصب !
بو حمد : هيه غصب مو بس شمة وبخليك انت تتزوج غصب لو بغيت !
حمد : والله ما تجوفني لا زوجتني بدون نيتي !.. فلع الباب بالقو وام حمد ظهرت تشوف شسالفة ..طلع حمد من البيت وهو معصب وما كلم امه ....
>>بيت صالح"رفيج سالم"<<.. تم يالس يطالع اليدران وهو متوله
صالح : هي شمة ؟ بلى والله هي بس ليش كلمت سلوم ؟ يعني صدقها تحبه؟ وليش كانت تصيح لما عطتني الورقة ؟.."صالح 21اخوه حسن16 وخواته غدر18وهدى 17 "....صوت ع الباب : طق طق طق
هدى : صلوووووووووح !.. راح فتح الباب
صالح : شتبين ؟
هدى : لابك دقييييييقة
صالح : ليش ؟
هدى : ربيعتي طرشت لي شي ع المسن وحسون ما يخليني ايلس
صالح : ع كيفه ؟ قولي له يخليج ولا بينضرب
هدى : قلتله ما يصدق !..راحو الاثنين الصالة"تراهم محطين الكمبيوتر هناك"
حسن : والله بقوم الحين ! بس دقيقة
صالح : حسوون بقوم ارقعك بسرعة اظهر بسرعة من كل شي
حسن : اففف انزين انزين
صالح : لا تتأفف ولا برقعك صطار من الخاطر !
هدى : وي وي
صالح بعصبية اكثر : جب انتي الثانية
هدى صخت .. ظهر حسن من الحجرة ويلست هدى ع الايميل
هدى : افففف ما حدرت اكييد سلوم ما خلاها .. راح صالح فوق وهدى تمت يالسة شغل الاب وتم يطالعه بتوتر
صالح : اظيفها ولا ؟ شيعني يمكن تحبني؟ سلوم ما كان يحبها وهي تكرهه وانا اصلا ما اعرفها ولا هو فمو مشكلة لو تعرفنا !بلى بلى عادي.. دخل المسن وظاف "دلع الامارات- تعرفون منو؟ تذكرتو ؟ بلى هي شمة"
صالح : افففف ما حدرت.. قربت ع الساعة 12:30 بند صالح اللاب وراح يرقد
>>بعد اسبوع-4:53 العصر<<
امينة : فهدوووووووو يالجلب !!!
فهد : انتي الجلبة اففف

فهد : اقول علاو بصكر بعدين بدق لك اختي تبي التيلفون اوك ؟
علي : اوكي يالله مع السلامة
فهد : مع السلامة

امينة : واخييييييييييرا ! .. شلت التيلفون وظهرت من الحجرة
فهد : اففففففف وايد تتفلسف .. شغل البلايستيشن وتم يلعب"عايلة بومبارك عيال عم عمر::فهد20 واخوانه: مبارك22 وسعيد 16 اما البنات: امينة21 وقمر وشمسة التوأم 13 وغدر سنتين"..دخلت شمسة وقمر الصالة
شمسة : فهد حبييييييييييبي !
فهد : يلا مناك انا حبيب قمور
قمر : وي وي
فهد : شتبون ؟طيبات؟ وما دخلتوا تسبون فيني؟
قمر : فهد نبى نروح نتشرى قطع ما بقى الا شهرين ع بداية المدرسة
فهد : وليش ما تروحون ويا امكم
شمسة : راحت بيت عمو يمكن ما ترد لين المغرب
فهد : اممممم انزين باجر بوديكم بطلع ويا علاوي .... صح روحوا شوفوا امون وين بتخلص رصيدي !
شمسة : اوكي اوكي وينها؟
قمر : اكيد بحجرتها يعني وين ! هههه هبلة .. راحوا ركض لفوق ..يابوا المبايل وظهروا فوق مرة ثانية..رن تيلفون البيت
فهد : قمور ؟ شموس ؟ امون ؟ وينهن ؟.. شل التيلفون
بنت : الو السلام عليكم
فهد : وعليكم السلام ..تم يحاول يتذكر الصوت: اعرف الصوت صوت صوت.....
بنت : اممم امينة موجودة ؟
فهد : هيه.... منو اقولها ؟
بنت : ش.ـ..شمة ازقرها
فهد : اوكي الحـ....تم ساكت وسرح وهو يتذكرها : شمة اللي تستوي لقوم عمو ؟ بلى هاي هي فديتها والله انها غاوية .. تذكر نفسه حط المبايل وراح ينادي امينة

امينة : هلا والله
شمة : هلا امون ... خرعني منو شال التيلفون ؟
امينة : ههههههههههه ها فهد اخوي ... ها سوري والله ابوي شال المبايل عني وقال بس حق الجامعة بنعطيج سخيييييييفين !
شمة : لا مو مشكلة الموهم عندج البروجكت ولا ؟
امينة : بلى ادخلي الايميل الحين بطرشه بس لازم افهمج عنه لو عندج مايك ركبيه عسب اكلمج اوكي ؟
شمة : هيه عندي ... اوكي ادخلي الحين اشوفج هناك .. راحت امينة فوق
فهد تم يطالع التيلفون بتردد:اشيله ولا؟ يمكن حد يجكها او تخبر واحد من الشباب ويعرفون رقمي؟لالا يصير خير.. راح صوب التيلفون وحط الكاشف وشاف آخر رقم متصلين منه"رقم مبايل شمة".. حفظه في تيلفونه وراح حجرته وصكر الباب ... توت توت توت توت
ولد : الو ؟
فهد :.........


يتبع>>>>>>>>>



بــأإيَ

 

 

  رد مع اقتباس
قديم 19-09-2009, 05:20 AM   رقم المشاركة : 6
M S . H A B L A ©
 
الصورة الرمزية M S . H A B L A © 





معلومات اضافية 
  النقاط : 11998
  الجنس :
  الدولة :
  الحالة :
الرسالة الشخصية

التقييم

افتراضي

 

 

ابيييه >_<"

اوه سوري ^^"

السلام عليكم ورحمة الله وبركاته
شحالج عسولتنا؟! انشالله ماتشكين باس ^^
ممم ثاانكس ع الباارت والقصه الناايس
انتضر الباارت الياي ع احر من الجمر :approved:
تقبلي مروري خويتج

ş.ђάplάђ...~

 

 

  رد مع اقتباس
قديم 19-09-2009, 06:06 AM   رقم المشاركة : 7
ونـﮧ القلب الڪسيـر ~
V!P
 
الصورة الرمزية ونـﮧ القلب الڪسيـر ~ 





معلومات اضافية 
  النقاط : 233
  الجنس :
  الدولة :
  الحالة :
الرسالة الشخصية

التقييم

افتراضي

 

 

سلمتي ونرقب اليديد من صووبج ..

:approved:

 

 

 

,,
لا يـآس مـع الحيـآة|~

  رد مع اقتباس
قديم 19-09-2009, 09:06 PM   رقم المشاركة : 8
ع ـسولة
~ • غـٍُالٌٍُيً نـٌٍُِشًَُِيـًٍِط • ~
 
الصورة الرمزية ع ـسولة 




معلومات اضافية 
  النقاط : 10
  الجنس :
  الدولة :
  الحالة :
الرسالة الشخصية

التقييم

افتراضي

 

 

تسلمين مس هبلة ع المروور الطي‘ـب والمتـأإبع‘ـة :99: .,

ومشكوورة خويتي { ونـة القلب الكِسي‘ـر { ع الطلة الطي‘ـبة .,


وجــأإري تحمي‘ـل الجزء الي‘ـدي‘ـد ., :approved:

 

 

  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 07:45 AM.


Powered by vBulletin® Version 3.8.7
Copyright ©2000 - 2019, Jelsoft Enterprises Ltd