رمزيات بلاك بيري خدمة تفسير الأحلام تصميم مواقع وصفات طبخ أعلن معنا


العودة   منتديات فريج دبي > فريج أم سعيد > قصص وروايات > قلم رصاص يسرد روايات

قلم رصاص يسرد روايات يختص في طرح الروايات


آخر المشاركات المطروحة في منتديات فريج دبي .



إضافة رد
 
أدوات الموضوع
  #1  
قديم 11-03-2010, 09:15 PM
الصورة الرمزية εïзĴή8ăłĩāђεïз  
εïзĴή8ăłĩāђεïз
 
 


معلومات اضافية 
  النقاط : 10581
  الجنس :
  الدولة :
  الحالة :
(115)[1] خل العذوؤل موطي الرآآس منكوس..ابطالهـا أعضاء فريج دبي

 



السلآم علـيكم والرحـمهـ..~

شحـآآلـكم؟؟

هـاي ثاني راويهـ فـ المنتدى تكون ابطاآآل الروايهـ اعضآآء فــريج دبي فـ الاعضآآء الي اخترتهم ماأباهم يزعلون اذا الدور مب طايح عليهم بس انا اتخيلتكم جي..~

اذا بتقرون الروايهـ انصحكم أتخلون الكلينكس جريب منكم ..لاني انا يوم قريت الروايهـ في بعض الاحداث تصيح ف كنت اصيح وهاي من احلى الروايات الي قريتها ..ممم ثواني وانزل البارت الاول من الروايهـ..~

=)

 

 

 

رد مع اقتباس

رمزيات بلاك بيري | تفسير الاحلام | أخبار الامارات | أخبار دبي | وصفات طبخ


قديم 11-03-2010, 09:16 PM   رقم المشاركة : 2
εïзĴή8ăłĩāђεïз
 
الصورة الرمزية εïзĴή8ăłĩāђεïз 




معلومات اضافية 
  النقاط : 10581
  الجنس :
  الدولة :
  الحالة :
الرسالة الشخصية

التقييم

افتراضي

 

 

هلا بالي تسيد بين خلانه ... هلا بك يا هلا بك يا هلا ....قد ما حلق من طيور الفلا ...قد ما شافت عيونك من تراب...
قد ما تملك لأمك من غلا ...

الحلـــــــــقة الاولــــــــــى ....

بطلت فواله عيونها ابكسل اليوم و ع دقة باب حجرتها و ع رنة موبايلها يلست ع الشبريه ابسرعه متروعه ع بالها مستوي شيء ...؟؟ كانت تسمع صوت امها تزقرهااا من ورا الباب نشي

نسايم : فوااااااااااااله نشي يلا قوميي سهرانه الطفسه ع اللانتوب يلا قومي..

يتني ضحكه بوقت انا متضايجه من الحشره الي قاعده اتصير اونه لانتوب ..مليون مره قلتها لابتوب ..
صرخت بكل قوتي فواله : ان شااااااااااااااااااااااااااااااااااااء الله ...نشيت خلاص..
سمعت ردها نسايم : قومي يلا ..عن ازقر اخوج عليج..

اتنهدت و ما رديت عليهااا صديت صوب التلفون و اطالع اسم " روحي تحبك" ع الشاشه ..كنت برد بس سمعت دقت الباب مره ثانيه و صوت امايه نسايم : فواااااااااااله فجي الباب ..اجووف ..

حولت الموبايل صامت و ركضت صوب الباب يمدحونه الركض من صباح الله خير ..فجيت الباب و انا
ازااااااااعج فواله : وااااااااااااااااااااااااااااااااااااااااااااااااا ااااااااااااااااااااااااااع
نقزت امايه لورااامتروعه وحطت ايدها ع صدرها نسايم: بسم الله الرحمن الرحيم ...شو بلاج ..
رديت راسي لورااا ميته من الضحك ع امايه فواله : خخخخخخخخخخخخخخخخخخخخخخخخخخخ اتروعتي ..

حرجت علي نسايم : هبله انتي ..
رديت و انا اضحك فواله: شسوي تراني قلتلج نشيت مب راضيه اتفجين عن الباب ...
طالعتني ادقق في ملامحي نسايم: انتي متاكده انج كنتي راقده ..

حضنتها فواله : و غلاتج ..

ارتحت و انا اسمع ضحكتها نسايم : ههههههههههه ما بقولج شيء لان بس اليوم حفلة تخرجج ..
ابتسمت فواله : فديتج امايه ..عسى ربي ما يحرمني منج ...

نسايم: آآآآآآآمين يالله روحي اتغسلي روحي ...ولا اتعيدنها هذي حركتج انا يالله يالله في ديني ..

ضحكت من خاطري فواله : ههههههههههههههههههههه
مر حذالنا شؤؤني اخوي و هذا اكبر عني بسنتين بس عفانا الله الي يجوفه يقول اكبر عني بثلاثين سنه امصدق روحه الحبيب ولي أمرنا ..

خطف عدالنا و شكله متنرفز شؤني : شو ها الحشره من صباح الله خير ..
و اختفى ...
رمسته امايه نسايم: بغيت شيء يمه ..

سيفاني امكمل طريجه شؤني: لاع .
همست فواله : عفانا الله انا بسالج ها من وين يايبتنه ..

ردت عليه امايه نسايم: بسم الله الرحمن الرحيم يالله بالستر من وين بعد يايبتنه ...

رفعت شفايفي و كأني متجززه منه فواله : ملييييييييييق

امايه طبعا كالعاده ادافع عنه نسايم : عيب يمه هذا اخوج العود ..روحي تغسلي عن تتاخرين روحي يالله ..
عقدت حياتي فواله : عيل سعيد شو يطلع ..
نسايم : بس عاد بروح اجوف اخوانج مب اتردين ترقدين ..

ابتسمت لها طبعا ... و رجعت دشيت حجرتي ..و قفلت علي الباب مدري ليش اول مره احس بها النشااط مع اني راقده متاخره .اممممممممممم لالالا مب قاعده اسولف بالموبايل ..

كنت ع قولت امايه نسايم كنت قاعده ع الابتووب ..كنت اقرا الحلقات الاخيرة من قصه ابوي لو صد عني ما ترجيته يا ويلي حالي ع فارس ...

حظها و بختهااا نوره ...شو روعه النهايه صج يا معاني كنتي قدهااا .. ههههههههههه الله ع ذيج الايااام ..كنت اتخبل يوم اجوف الحلقات الاخيره .. و كنت اموت و احترق بداخلي يوم اجوف معاني اتاخرت علينا بحلقه .. ابصراحه هذي القصه اجمل ما قرت عيني ...

اممممممممممم فارس عكس شخصية مزيون دفش تمااام الا اني كنت اتابع القصه بس علشان فارس لاني احب شخصيته بس مزيون دفش بعد اموت و احيااا فيه ...نقزت يوم رن الموبايل .. هذي خامس مره يرن ...

رديت ابسرعه فواله : صباح الخير حياتي ...

ياني صوت مزيون دفش من الطرف الثاني مزيون دفش: صح النوم يا الكسوله .. حرقت موبايلج و انتي ابد ما اتردين ..

طحت ع الشبريه بكسل فواله : كنت احلم ...

مزيون دفش: فيني صح ..
ضحكت فواله : ههههههههههه لا في فارس و نوره ..

مزيون دفش يعاتنبي : فواااااااااالهــــــ

ضحكت فواله : هههههههههه فديت الي يغارون ..
مزيون دفش يتكلم ابجد : انا فعلا ما ادانيي هالشي فيج ...

سويت روحي زعلانه فواله : يعني شوووه بتزعلني من الصبح "ودلعت صوتي " لا و بعد في يوم تخرجي ..

حرج علي ابصراحه مب شيء غريب ع مزيون: انتي اتبين هالشيء ..ولا انا الف مره قلتلج ..ما تطرين هالخرابيط الي قاعده تقرينها و اتحلمين فيها ..

خذت نفس طويل فواله : ان شااء الله ..شو ها اليوم كل واحد يزاعج علي عفااانا الله

مزيون دفش: متى رقدتي البارحه ..؟؟؟

همست فواله: حبيبي مب وقته نتحاسب انا ما ابا اتاخر ع الكليه ...و اتعرف اليوم حفلة تخرجي ..

غمضت اعيوني يوم سمعت رده مزيون : اوكى انا الغلطان الي متصل بج باي "وصكر التلفون ابويهي "

صرخت ابصوت عالي ياربي شو ها البلوه ... رجعت اتصلت به بس ما رد علي فريت الموبايل ع الشبريه ابكل غييييض .. و رحت الحمام اتغسل ...عقب نص ساعه ...خلصت و لبست دقت علي امايه الباب ...
فجيت لها الباب شهقت نسايم : شو هاااااااا يمه ..لو جافج مرعب دي اكس بي شو بيسوي فيج ..

يالله انا ابروحي امعصبه من مزيون دفش بعد امايه اتزيدني بهاي الرمسه ..طنشتها لاني ما ابا اقل ادبي مع امايه ..رحت صوب موبايلي علشان اتصل بـ مس هبله..

نسايم: شو بلاج متضايجه ..

رديت ابصوت واطي فواله : ماشي ...الدريول برع ..؟؟

نسايم: هي بس تعالي كلي لج لقمه ...و حاولي شويه اتخفين من ها الي محطتنه ع ويهج ..

صكرت الموبايل لان مس هبله ما ردت علي طالعت امايه : حبيبتي اليوم يوم تخرجييي ..خليني استانس شويه ... و بعدين مرعب وين بيجوفني ..؟؟؟ انا مدري انتي ليش وايد اتحاتينه ..؟؟

نسايم: تدرين به يوم يعصب الله لا يراوينا ..

خذت نفس طويل فواله : انا عندي اخو اكبر عني و عن مرعب اسمه شؤني..

اتنهدت نسايم: شسوي فيكم .. و الله احترت معاكم..
حضنتها مدري ليش غمضتني فـواله : فديتج اماايه لا تضايجين جان تبين اغسل ويهي .. بس لا اتسوين ابروحج جذاا ..

ابتسمت نسايم : زين تعالي كلي لج لقمه ..

شليت شنطتي و شلتيت موبايلي الي كان يرن فواله : باكل في التقنيه .. بس تعالي الحفل انتي و استايلي شيوخي زين .. و ربعت برع من غير ما اسمع ردهااا .

.نسايم انسانه حنونه احبها وايد و غير انها انسانه صبوره ...صابره ع حياتها مع ابوي و مع عيالها و مشاكلهم ....الا هم نحن لووووووووووووووول ... شنسوي ..

كل شخص لازام يطلع لها الدنيا و يكون عايله و يتحمل مشاكلهم مافي بيت يخلو من المشاكل ...بس يالله شنسوي ..

.بنحاول انخفف ع امايه ... علني ما خلا منها ...اليوم انا طايره من الوناسه .. اليوم بتخرج من كليه ... اليوم بودع المرحله الدراسيه ...يالله ما اعرف كيف اوصف لكم شعوري و احساسي ...

فكه كم اكره الدراسه و حياتها ...بس ايامها وايد حلوه و اكيد في يوم بتمنى ترجع هاي الذكرى الحلوه في حياتي ...
نقزت ابمكاني يوم سمعت صوت غرشوبة دبي: شو ها فواله اخرتيني ..من متى الدريول يترياا ..
كلمت الدريول فواله : يالله محبوب اتحرك ..."طالعت غرشوبة دبي" زين شسوي جي ما قومتيني من وقت يوم انج ناشه ..؟؟

غرشوبة دبي: انا كنت اسمع امايه شويه و بتكسر باب حجرتج و انتي موليه ما عندج احساس ..

رديت عليها فواله : ههههههههههه سمعتيني يوم روعت امايه ..نقزت جنها ارنب .

غرشوبة دبي: ههههههههه لا سمعت مرعب بيوم قاعد يتحرطم عليكن ..
اشرت بيديها مب مهتمه فواله : ها الانسان وايد امسوي له راس جنه ابوي مب عايش ..

هزت غرشوبه راسها بمعني لا : اصلا ابوج حي ولا ميت نفس الشيء ...
فواله: صدقج بس مب من حقه مرعب الي يسويه فينااا.. و عقب شؤني اخوي اكبر عنه و افهم عنه ...

شلت غرشوبه شنطتها لانا وقفنا عدال مدرستها خلاص و قبل لا تطلع قالت غرشوبه : مبروك ع التخرج مقدما ..
ابتسمت لها فواله: الله يبارك فيج ..عقبالج ..؟

ردت علي بابتسامه غرشوبه : امين مع السلامه و صكرت باب السياره ...

حطيت ايدي ع خدي و انا اطالع الدنيا برع ...تذكرت مس هبله..اتصلت بها علشان اقولها تظهر برع ..لانا جريب نوصل لها عند الباب ...
سمعت صوت مس هبله: الوووووووووو

ابتسمت فواله : صبااح الخير ...شو راقده ..؟؟

مس هبله: لا لا سوري ما رديت عليج كنت مشغوله باخواني ..؟؟
رديت عليها فواله : الله يعينج ...

مس هبله: آآآميـن ..وينج ..؟؟
قلتها فواله : واصلتنج ظهري برع ..

مس هبله: اوكى ثواني و ياايتنج ..

مسكينه مس هبله كل ما ارمسها تغمضني ...مب لسبب واحد لسببين ..عاد السبب الثاني ما اقدر اخبركم .. اخاف تاخذون عني فكره غلطه ... اووووووووووه اتذكرت مزيون دفش هذا زعلان .. اتصلت به ابسرعه قبل ما تظهر مس هبله... رن موبايله ماحد رد علي .. طرشت له مسج " زين لا تزعل في يوم تخرجي انا احبك .."

و صكرت ع الموبايل .. اتريا مس هبله تركب السياره ...شويه و قعدت حذالي رفعت غشوتي
قلتها فواله : مس هبله جوفيني كاشخه ..
شهقت مس هبله : مب جنج امبالغه ..

رديت عليها ابسرعه فواله : لا طبعا ..شووو اليوم حفله تخرجي .. اذا ما كشخت اليوم متى بكشخ ..؟؟
مس هبله: عاد مب لها الدرجه ..
طنشتها فواله : زين رفعي غشوتج خليني اجوفج ..؟؟

ردت علي مس هبله : كشخت بس بساطه حتى ما ايبين ..
اصريت فواله : زين اجوفج ..؟؟

نزلت مس هبله غشوتها ...صحيح كانت كاشخه ..بس ابد مب محطيه ميك اااااااااب بس روج و كحل ..

قلتها فواله : ليش ...؟؟؟؟
ردت مب مهتمه مس هبله : ما احب اتبرج وايد ...

سالتها فواله : اتخافين من خالج ..؟؟ جوفي انا مرعب راص علينا بس جوفيني كيف كاشخه ..

مس هبله: بس خالي ما يقولي شيء ..انتي تدرين بها الشيء ..
اتنهدت و قلتها فواله : و الله مدري ..

فتتحتت شنطتي اشيك ع موبايلي حسيت بالاحبااط يوم جفت مزيون دفش طنشني و ما رد ع مسجي ..
سالتني مس هبله: شو بلاج ..؟؟

قلتها فواله : ماشي ..

وصلنا التقنيه ..حسيت الكل كان مرتبش ..تنظيم الحفل و كل شي .. و بس اصلا مب باجي ع بدايه الحفل غير ساعتين يعني شي وقت .. رحنا سوينا برووفت التخرج .. و عقبها رحنا الكلاس ..من دشينا الكلاس انا و مس هبله اتيمعوا حولي البنات .
لزيمة الروح: فواله شو ها الكشخه .. ماشاء الله عليج جميله ..

ابتسمت فواله : حتى انتي قمر ..

عقب التفت لـ وصايف الروح: الله عليج فواله سكتينا :: شو ها الجمال ..
رديت تسلمين ..

عاااااااااااااد طول هالفتره بس كنت ارد ع كلمات الاطراء الي كانت اتييني من بنات الكلاس ..سمعت مس هبله اتقولي : يا سلام الكل اليوم يتمدح فيج ..
ضحكت مستانسه فواله : هههههههههههه شنسوي لو ادري جي البنات بنبهرون فيني .. جان كل يوم كشخت .
مس هبله: ههههههههههههه الله يحفظج من كل عين ..

حضنت مس هبله: فديتج مس هبله انا وايد احبج .. ربي ما يحرمني من صداقتج ..

مس هبله: هههههههههههه شو بلاج فوالتي..

رجعت لورا و تميت اتاملها .. ابتسمت لي و قلتهاا في خاطري سامحيني .مس هبله . انا ابد ما استاهل صداقتج ..
مس هبله اتحرك ايده ابويهي: ايييييييييه وين سرحتي ..

ابتسمت لها فواله : معاج .. يالله انروح ..

كنت بروح بس زخت ايدي وييرتها مس هبله : فوالتي ع بالج اذا خلصت الكليه بتنقطع علاقتنا في بعض ..؟
شهقت فواله : طبعا لا ... انتي صديقتي من ايام الدراسه ..

مس هبله: زين عيل ليش عيل تضايجتي من شويه ..
قلتها فواله : لا ماشي سرحت ..

مس هبله كانت لحوحه : في شوه ..
رحت عنها فواله : مب مهم يالله انروح ..

شو تبيني اقولج يا مس هبله شوه ...و نحن رايحات كملت كلامها مس هبله : فوالتي نحن ساكنات بنفس الفريج و جريب من بعض يعني عادي بتزاور صح ..

غمضتني مس هبله وايد بها العباره فديتها وايد متعلقه بصداقتنا حتى انا ما استغنى عنها لانها انسانه طيبه و حبوبه ..و كانت بينا عشره فوق 9 سنوات كنا شرات الاخوات ..

وقفت معايا بفرحي و ضيجي و انا وقفت معاها باحزانها وا فراحها .. و خاصه يوم توفوا امها و ابوها و حرمة خالها الي اتصير عمتها بنفس الوقت ابحادث .. و ماتوا كلهم .. و تمت وحيده بهالعالم ..

.ما معاها غير خالها ..و اخوانها الصغاريه . هذي الحادثه صارت تقريبا من اربع سنوات و انا الحينه بس حسيت اننى ردت لطبيعتها .. و لحياتها ... ..الله يعينج مس هبله..

بد الاحتفال و كان الشيخ نهيان بن مبارك موجود ... عقب ما القى كلمته .. تم تكريماا ..كلنا نحن الخريجات نعيش نفس المشاعر الفرحه و الوناسه ..

و زادت فرحتي يوم جفت امايه و استايلي شيوخي حرمة اخوي شؤني قاعدات بين الحضور ... طرت من الوناسه ..يالله كيف يكون شعور الام يوم اتجوف بنتها اتودع المرحله الدراسه و تخطي خطوه يديده في حياتها صوب مجال العمل .. شي جميل .. و رائع ..

عقب ما خلص الحفل .. كل طالبه راحت لامها تحضنها و اتبوسهااا ..و اتبارك لها بها التخرج ..لمحت مس هبله كانت نظرة الحزن مرسومه بعينه سحبتها معاي و خليتها اتسلم ع امايه و اتبارك لها جنها بنتها ..حسيت ب مس هبله استانست ... كنت دايم احاول احسس مس هبله انها اختي الثاني ... و كانت هي تتقبل ها الشي بصدر رحب ..

استايلي شيوخي: شو هالزين كله فواله..

ابتسمت فواله : حلوه .؟؟
استايلي: ملاك
..: هي ملاك ما يجوفج مرعب.نسايم.

قلتها فواله : اووووووووووووه امايه لا اتنكدين علي ..

استايلي شيوخي+مس هبله: ههههههههه
نسايم: جوفي مس هبله كيف حلوه لا محطيه هالاصباغ ولا شي
..مس هبله: تسلمين خالوه
..فواله: مس هبله دومها حلوه .....
: حتى انتي حلوه بعد من دون هالسوالف نسايم..

رفعت راسي فواله : يا ربي شو بلاها امايه اليوم علي ..
استايلي: ههههههههههه بس عموه خلي فوالتي تستانس بحفلة تخرجهاا ...

: زين اتصلي بـ شؤني خليه ايي ياخذنا البيت ..نسايم.
رديت ابسرعه فواله: ليش ليش ..؟؟

نسايم: شو ليش ..؟؟ بروح اسوي الغدااا ...
فواله: تعالي تغدي هني عيل ليش ل هالاكل ..

استايلي: ما عليه فواله المهم مبروك ع التخرج ..و عقبال الوظيفه انتي و مس هبله ..

فواله و مس هبله: الله يبارك فيج .

و قبل ما اتروح امايه قلتها: لا اتخلين محبوب ايمر علي الساعه هنتين بتتاخر انا ابروحي بتصل به ..
نسايم : ان شاء الله ..

سمعنا وحده اتقول بنات التخرج تعالوا اتصورواا ..عقب ما تصورنا و رحنا نتغدااا و ناكل ...ها اليوم قضيناه بالوناسه ..رغم كل ها كان بالي مشغول صوب مــــــزيون...كنت اتصل به بس ما ايرد علي ...

مدري مرات احس بالغيض منه لانه امطنشني و مرات احس بالخوف انه تركني خلاص ...التفت للصوت الي كان وراي ..منوه مس هبله...
سمعت مس هبله اتقول : انا ..

شهقنا كلنا يوم جفنا باقة ورد كبيره ..و من كل ورده كان فيها لون ...
مس هبله مب مصدقه : لي ..؟؟

قالت: هي عطوني ياها و قالوا عطيها لـ مس هبله..

اتيمعوا البناات كلهم صوبنا ..لان الباقه كانت وايد كبيره و ملفته .. كلنا كان فينا فضول من منوه ها الباقه ...و منوه هالشخص الي عنده ذوق ...بس ابصراحه مس هبله تستاهل ..
شلت مس هبله البطاقه ابسرعه ..و ايدها كانت ترتجف من الصدمه .. و قرتها ابصوت عالي " مبروك عليج التخرج و عقبال الوظيفه "خالج سكوتي" صرخوا البنات و صفقوا و حضنت مس هبله استانست من كل خاطري لان مس هبله كانت محتاجه لها الشيء ...محتاجه اتحس ان حد يفرح لفرحها

مس هبله تضحك: هههههههههههه و الله خالي فاجئني ..فديته ..

فواله: تستاهلين مس هبله

وحده من البنات : عادي اخذ لي ورده ..
مس هبله مستحيه : عادي ؟

رديت انا ابسرعه فواله : طبعا لا . شو الباقه مالت مس هبله خلوها تفرح فيهااا ...عفانا الله ...
حست البنت باحراج و روحت ...عقب ساعه ...

ياني الدريول و روحت معاه بس مس هبله رفضت اتيي لان خالها اتصل بها و قالهاا بييها .. و بيعزمها ع الغداا ...

صدقوني .. لو كانت وحده غيري اكيد بتحسد مس هبله ع ها الخال بس .. مس هبله تستاهل اكثر و اكثر عقب الي جافته بحياتها و الاشخاص الي خسرتهم ...في حياتهاا ..

نزلني الدريول عند بيتنا و راح اييب غرشوبه.. و انا داشه البيت لمحت باباتيه قاعد ..يسقى الزرع رحت صوبه ..

باباتيه : خلصت من الكليه ..اتخرجت جوف"قعدت اراويه شهادة التخرج"فواله:
ابتسم لي ابتسامه و هز راسه راضي ..حضني و باسني ع راسي .. و بدوري حضنته . و بسته ع راسه ..

و رحت داخل ..عنه .من فتحت اعيوني للدنيا و بعمري ما سمعت حس ابوي . لانه انسان ابكم .ما يتكلم ... في بدايه حياتي كان هالشيء يضايجني ...

لاني كان بخاطري اسولف و اتكلم مع ابوي شرات كل الناس ... لكن عقب ما صار الي صار ب مس هبله و خسرت ابوها حمدت ربي الف مره .. كافي وجوده معانا و انه بصحه و سلامه .


مع انه الفتره الاخيره من فتره لفتره يروح دبي ..ابسبب قلبه ...اتنهدت تنهيده هم و عذاب ...يالله تشفى ابوي من كل شر و من كل مرض ..قبل ما ادش الصاله كنت في عالم انا و افكاري ..فما انتبهت لـ مرعب الي زخني من ذراعي .
. ووقفني رفعت راسي اطالعه فواله : سوري كنت سرحانه ..

جفت ملامحه معصب ..ما كنت اعرف شو بلاه سالني بعصبيه مرعب : شو ها الي مستونه بويهج ..؟؟

رديت لورا بس تم مرعب زاخ ذراعي قلتله بنبرة خوف فواله: اليوم حفلة تخرجنا ..

قاطعني مرعب : و حفله تخرجج اتخليج اتسوين هالعلوم ...
عصبت منه ها بدال ما يقولي مبروك ع التخرج و يعصب علي ..ييرني داخل الصاله و عقني ع الكنبه ..

كمل كلامه مرعب: شو ماشي ريايييييييييييل هناك ..

تميت ساكته مرعب تسكتين عنه بينطم و ما بيرمس ..بس هالمره اليني راكب راسه عدل ...

مرعب يصرخ علي : ليش تطلعين من البيت جذااا ..شو بيقولون عنج الناس وحده مب متربيه .. اهلج ما عرفوا يربونج ..

صرخت عليه لان كلامه غايضني فواله : امايه ما قالت لي شي ..

رد علي بنفس الاسلوب مرعب: انا ما علي من امج ..يعني تبين حد يرمس عنج ..
فواله.............................."ماشي رد"

مرعب كمل كلامه : يعني انتي تبين يقولون ابوها مب صاحي و هي تلعب ع كيفها مالها ظهر ولا سند ولا حد يوقفها عند حدها ..

ما تحملت كلامه صحت ابصوت عالي و قلته فواله : شو جايفني ..شو سويت انا ..شو تتحراني مافيني ادب .
صرخ اكثر و اكثر مرعب: الي يسوي هالعلوم ما يهمه شي ..

قعت اصيح فواله : انت ما يخصك فيني ..مالك حق علي ..

ما كملت كلامي لاني حسيت للحظه ان ويه تكهرب من لمست ايده الي كانت شرات الكهربه ..يتني صفعه قويه منه ...صرخت من الويع و العذااب ..يلست اصيح بصوت عالي ... و كان بصفعني مره ثانيه ..بس جفت ابوي يزخه من ذراعه .. و امايه لوت علي تحضني ...و كانها تحميني منه ..


كان ابوي يحاول يوصل له شي بس مرعب يوم يحرج ما يجوف شي جدامه ...
نسايم: شو تبا فيهااا ..خلها .

مرعب بعده امعصب : محد مخربنها غيركم ..هذي وحده مب متأدبه..

كنت برد عليه لانه كلامه كان وايد جاسي ..بس خفت لا اتزيد المشكله اكثر و أكثر ..دشت غرشوبه اختي بها اللحظه و يوم جافت الموقف حطت شنطتها بالارض و يلست اتصيح ...من الخوف ..و بنفس الوقت من الصدمه ...

نسايم: بس انزين ما اتجوف حالة اختك ..

كنت بداخلي متألمه مدري ليش الله بلانا بها الاخ الجاسي ..يتحرى ولي امرنا ...صحت اكثر و انا اجوف ابوي مب قادر يسوي لنا شي او يحمينا من اخوي .. لانه وايد ضعيف وايد .. و هالشيء الي كان يعذبني اكثر و شؤني.. بعيد عنا ...

ابوي من جاف غرشوبه اختي قاعده ع الارض اتصيح هد يد مرعب و راح يحضنها يخفف عنها .. بها اللحظه مرعب انتهز الفرصه و عفد صوبي انا و امايه .

.دفنت راسي بصدر امايه و كأني احمي نفسي من يد مرعب الي كان ايير شعري علشان افج عن امايه ...بس انا كنت متمسكه بامايه و امايه كانت اتحاول تبعد تفج يد مرعب عن شعري ..

ما حسيت الا بصوت شؤني يدز مرعب ابعيد عنا ...
نسايم تصيح : تعال الحق علينا اخوك ذبح اختك ..

شؤني محرج ع مرعب: مليون مره قلتلك مالك شغل فيهن..

مرعب بعده امعصب: انت ما اتجوفها كيف متبرجه ..

ما سمعت باجي مناقشاتهم لان استايلي خذتني حجرتي . مدري شو صار لاني حسيت بثجل بعيوني و من حطيت راسي ع الشبريه ما دريت بشو يصير حولي ...

رقدت حوالي ساعه .. عقب نشيت و انا مصدعه ..اتذكرت ابسرعه ..شو يصير حولي كانت غرفتي فاضيه ..محد فيها لا ..استايلي ولا امايه ...

كنت بدعي ع مرعب دعوه بس حسبي الله عليه ..نشيت رحت الحمام تسبحت و عقب ما خلصت سمعت موبايلي يرن ..و كانت المتصله مس هبله ..كنت ابا ارمسها ...ابا اشكيلها عن ها السبال مرعب,,>>السموحهـ القصه جي ><مااقدر اغير غير الاسماء><...
رديت ابسرعه فواله : الو ..

: راقده فوالتي.مس هبله.
قلتها فواله: لا ..

مس هبله: شو بلاج ..؟؟

كنت بشكي لها بس يوم حسيت ان مس هبله مستانسه شي منعني ..فسكت ..
همست فواله : ماشي ..انتي شو اخبارج ..؟؟

مس هبله: ماشي كنت بقولج ..خالي ذياب خذني الشارجه اتغدينا هناك بالمطعم ..شو اسمه اممممممممممم يا ربي نسيت ... المهم و ياب لي طقم ألماس هديه ..بمناسة التخرج و الله طرت من الوناسه .. و قلتله كيف البنات تخبلوا ع الباقه ...انا بطير من الوناسه ..اتصدقين تمنيت كل اسبوع اتخرج بس علشان يتكرر الي صار لي اليوم ...

كنت اصيح بصمت و انا اسمع رمست مس هبله..كانت مستانسه و انا ميته من الصياح .. ويتها هدايا و انا يتني بكسااااااااااات>> ..

مس هبله: الوووووووو
صكرت الخط ابويهاا و يلست اصيح ...مقهوره من الي يصير لي ؟؟رن موبايلي ع بالي مس هبله..بس طلع مزيون..مدري ليش صكرت التلفون ابويهه و غلقت موبايلي و فريته ع الارض .. محد يحس فيني .. محد يهتم فيني ...ليش كلهم يكرهوني انا شسويت ...انا بشو غلطت ...

حسيت ابعمري سخيفه ..انا لازم اواجهه كل الي يصير لي ...لازم افتح ذراعي للحياة و اتلقى كل الي يصير لي منها ..بس اتجنب الشي الي بضرني منهااا ...
رحت الحمام اغسل ويهي ... و انا ظاهره ..

جفت شؤني اخوي قااعد ع شبريتي يتريـــــــــاني ..وقف يوم جافني يايه صوبه ..رفع راسي اطالعه ..
سمعته يقولي شؤني : مبروك ع التخرج ..
حطيت ايدي ع ويهي و قعدت اصيح ..حضني و عاد من طاااح راسي ع صدره يلست اصيح ابصوت عالي ..: شؤني: خلاص شوقاني لا اتصيحين ..؟؟

قلته بصوت يتقطع فواله : خرب علي وناستي ..

: ما عليج منه انا بأدبه لج .. اوعدج هذي اخر مره ايمد ايده عليج .شؤني.

رفعت راسي اساله فواله : ليش يسوي جذا ..ليش لو ابوي مااا كانت جي حالته كان قدر يقوله شيء ..
مسح دموع عيني و حضن ويهي بيده شؤني : لا مستحيل يقدر و بعدين مرعب..يبا يفرض سيطرته باي طريجه بس مب عارفه ..

رجعت اصيح فواله: زين مب من حقه ..مب من حقه ..

شؤني يخفف عني : خلاص فوالتي لا اتصيحين جي قطعتي قلبي .انا وعدتج انه ما بيمد يده عليج ...كلنا ندري مرعب يسوي جي من خوفه عليكم .. و ادريبه اسلوبه غلط ..بس عااااااااد لا اتصيحين جذا ..

ابتسمت لاني اول مره احس ان حد وراي يحميني مب بس من مرعب من الدنيا ابكبرها حضنته و انا قاعده اصيح قلتله فواله: انا محتاجتنك ...

سمعت ضحكته شؤني : هههههههه زين انا موجود وياكم ما بمموت ..
شهقت و رفعت راسي ابسرعه فواله: لا اتقول جي ..الله يعطيك الصحه و العافية ..وطولت العمر

بطل شؤني حلجه علشان يرد عليها بس بها الوقت دش اماراتي كشخه ولده .. و الي كان عمره 4 سنوات تقريبا>>ههه ...
صرخ اماراتي كشخه : باااااااااااااااااااااااباااااااااااااااااااااااا

وربع صوبنا ايير كندورة ابوه ..
شؤني يضحك : هههههههههه شو بلاك ..

اماراتي كشخه: بابا مالي مالي ..

قلتله فواله: انا افتك من مرعوب اتييني انت>>مرعب دلعه مرعوب هع ..
شؤني: ههههههههههه
اماراتي كشخه يصرخ : انا ما ابا مرعب..بابا ريولي تعورني شلني شلني .

قلته و انا مصدومه ممنه فواله : اونك يا العيار .." و اوني احضن شؤني" ما يخصك باخوي طوف يالله ..

اماراتي يصرخ و شويه بيصيح يمد ايده حق شؤني: بابا بابااااااااااااااا ا شلني ريولي تعورني ..

شله شؤني و قعد يبوسه : يالعيااااااااااااااااااار طالع ع منوه ..

اماراتي كشخه مستانس : عليك ..

شؤني+فواله: ههههههههههههههههههههههههه

شؤني: فوالتي تبين حايه انا بظهر ..
هزيت راسي بمعنى لا فواله : تسلم الله ما يحرمني منك ..

شؤني يبتسم " زين عيل روحي قعدي عند استايلي ابروحها في الحجره ..جان ودج يعني ..

ابتسمت فواله : ان شاء الله ...بروح .. بس عقب شويه ..
اماراتي كشخه يرافس بريوله : يلالالالالالالالالالالالالا انروح ..

شؤني و هو طالع من حجرتي فواله : من قالك بوديك معاي ..
اخر شي سمعت صرخت اماراتي يحتج ..ابتسمت ..مدري لولا شؤني كيف بتكون حياتنا ...حسبي الله ع ابليسك يا مرعب..

فكرت اتصل بـ مزيون بس عقب غيرت رايي .. خلني شويه اتغلى عليه بس انا ما اصبر .عنه موليه .. زين منه اتصل فيني دوم اذا زعل شويه و بحب ريوله علشان يرضى .. اتنهدت الله بلاني فيه بلوه ..

مشط شعري و ظهرت من حجرتي رايحه حجرة استايلي..عقب ما قررت ...اني برمس مزيون قبل لا ارقد و ارمس مس هبله باجر ..

دقيت باب حجرة استايلي.. ماشي رد ..دقيت مره ثانيه بعد ماشي رد ..عيل ليش شؤني يقولي روحي قعدي معا استايلي..يمكن استايلي في حجرة غرشوبه ولا امايه ... رحت حجرة غرشوبه كانت فاضيه . و عقب رحت حجرة ماماتيه جفت بس ابوي دااخل يطالع مباراة .. ربع صوبي من جافني قاعده اواايق من ع الباب .رحت له ..حضني و باسني ع راسي و قعد يتحسس ويهي و راسي ع باله ان مرعب جرحني ..

ابتسمت و انا اطمنه فواله : ما فيني شي باباتيه ..ها جوفني ..انا ابخير ..

حضنته و بسته ع خده .مدري ليش كلنا تعلمنا في البيت من اجوف باباتيه لازم نحضنه ..يمكن هاشيء انولد فينا من كنا صغار ..رجع و قعد ع الكنبه يطالع التلفزيون .
.اشرت ع الشاي و قلته فواله : تبا شاي..

هز راسه بمعنى هيه صبيت له الشاي و عطيته قطعة بسكويت ...كنت بساله عن امايه بس دام غرشوبه محد اكيد طلعوا مشوار ..
رجعت حجرتي اصلي المغرب ...عقب ما خلصت رحت حجرة استايلي..
دقيت البا ب : استايلللللللللللللللللللللللللللي..

سمعت ردها ااستايلي : تعالي فواله..الباب امبطل ..
فجيت الباب .. و اول ما خطيت داخل شهقت من المفاجـــــــــــــاة و الصدمــــــــة في نفس الوقت

محتاج لك يا نور عيني و شفقان...لا جابوا اسمك صرت انا تقل مختف..مالي على نفسي الي اطروك سلطان ..من غير حبك غضت عيوني الطرف...

 

 

  رد مع اقتباس
قديم 11-03-2010, 10:33 PM   رقم المشاركة : 3
همس الأمل
~ • غـٍُالٌٍُيً ذًٍُِّهـًٌٍُِبًٍَُِيًِ • ~
 
الصورة الرمزية همس الأمل 





معلومات اضافية 
  النقاط : 1400
  الجنس :
  الدولة :
  الحالة :
الرسالة الشخصية

التقييم

افتراضي

 

 

تسلمين الغاالية الصرااحة القصة ناااااااااااااااااااايس

نتريا البااارت البااااجي

 

 

  رد مع اقتباس
قديم 11-03-2010, 10:41 PM   رقم المشاركة : 4
أم مايد
V!P
 
الصورة الرمزية أم مايد 




معلومات اضافية 
  النقاط : 3860
  الجنس :
  الدولة :
  الحالة :
الرسالة الشخصية

التقييم

افتراضي

 

 

نآيس..ْ القصه

أتريآ الجزء الثآني

تسلمين

 

 

 

  رد مع اقتباس
قديم 11-03-2010, 11:05 PM   رقم المشاركة : 5
أحلام أميرة
~ • غـٍُالٌٍُيً حـًٍُِبًٍُِوبًٍِ • ~
 
الصورة الرمزية أحلام أميرة 





معلومات اضافية 
  النقاط : 1871
  الجنس :
  الدولة :
  الحالة :
الرسالة الشخصية

التقييم

افتراضي

 

 

آآآآخ يا هل المرعب هذا صج صاير مرعب والله يوم قاعدة أقرى فيني غيض

يعني فواله كانت لابسه الغشوه وجدام البنات خوزتها ماسارت جدام الأولاد عشان يقول انها متبرجه ويا راسه

ومس هبله صج الله خذ عنا أغلى الناس بس عوضها بخالها الحنون عليها

تسلمي هموسة على هالقصة الأكثر من روووعة

وماشاء الله عليج مبدعة

تقبلي مروري

دمتي بود

 

 

 



يحميك ربي من متاهات الاقدار

يا بهجة الدنيا ونجمة سماها

بينك وبين العمر لو كنت باختار

ارخصت نفسٍ لك عطت ما وراها

  رد مع اقتباس
قديم 11-03-2010, 11:22 PM   رقم المشاركة : 6
إݥاݛاتيـﮯ ڪڜڅـﮧ
موقوف
 
الصورة الرمزية إݥاݛاتيـﮯ ڪڜڅـﮧ 





معلومات اضافية 
  النقاط : 293
  الجنس :
  الدولة :
  الحالة :
الرسالة الشخصية

التقييم

افتراضي

 

 

تسلمين الغ ـإليه على الطرح الغ ـآوي

ربي يعطيج الف صحه والف عافيه

لـ’ـآ هنتي ختيه

نتريأإ البأإأإأرت اليأإأإأإي ~ْ

هع اوني اليااهل هااا ~ خيخييخيخي ~ اسولف ^^

فمأإن الله

 

 

  رد مع اقتباس
قديم 12-03-2010, 12:27 AM   رقم المشاركة : 7
سكوتي
المدير العام
 
الصورة الرمزية سكوتي 




معلومات اضافية 
  النقاط : 51596
  الجنس :
  الدولة :
  الحالة :
الرسالة الشخصية

التقييم

عطــاء بــلآ حدود 

افتراضي

 

 

ماشالله عليج صدج مبدعه
الصراحه دمعت عيني من كثر ما مركز في الصفحه ومندمج مع القصه
واللهتستاهلين التقييم علا القصه

 

 

  رد مع اقتباس
قديم 12-03-2010, 01:06 AM   رقم المشاركة : 8
M S . H A B L A ©
 
الصورة الرمزية M S . H A B L A © 





معلومات اضافية 
  النقاط : 11998
  الجنس :
  الدولة :
  الحالة :
الرسالة الشخصية

التقييم

افتراضي

 

 

همووس
حراام ليش دوري كئيب خخخخخخخخ
حوليله اماراتي الياهل هههههههههه
سكوتي الاخ الحنون اونهـ يعني <~ لازم تعكسين احس ضلمنا مرعب وايد هههههههههههه
يسلمو ع الـ طرح غناتي وننتضر يديدج هع

 

 

 لِنگُن أرواح -[ رآقيَہ . .
نحٺرم ذآٺنا ، و نحٺرم الغير !
عندمآ نٺحدّث ، نٺحدّث بـ عُمق ،
نطلب بـ أدب ، نشّگر بـِ ذوق !
. . ونعٺذر بـِ صِدق

  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
100 نكته لعيون أعضاء فريج .. ™ĀĻ•Ṱặļỳậήξ•⑩ مـسـاحــة حـرة 14 25-07-2009 01:39 PM
التوحيد يا أعضاء فريج .. تعلموا فإنكم مسؤولون الفتى الأثري نفحـات أسلامية 12 28-03-2008 02:58 AM
كنت في طائره فيها كل أعضاء المنتدى قالوا الطائره بتطيح ولازم نرمي أعضاء الممثل احمد ابراهيم المكرر وسلة المحذوفات 2237 18-01-2008 02:43 AM
إهداء خاص لــ كل أعضاء فريج دبي .. سيارات فلم tokyo drift اليديد .... MHYAAY عالم المحركات 4 31-12-2007 09:48 AM
صور للقمر يا أعضاء فريج دبي صدق الشعور مـسـاحــة حـرة 7 09-06-2007 06:15 PM

الساعة الآن 07:28 PM.


Powered by vBulletin® Version 3.8.7
Copyright ©2000 - 2019, Jelsoft Enterprises Ltd