رمزيات بلاك بيري خدمة تفسير الأحلام تصميم مواقع وصفات طبخ أعلن معنا


العودة   منتديات فريج دبي > فريج أم سعيد > قصص وروايات > قلم رصاص يسرد روايات

قلم رصاص يسرد روايات يختص في طرح الروايات


آخر المشاركات المطروحة في منتديات فريج دبي .



إضافة رد
 
أدوات الموضوع
قديم 05-08-2010, 07:09 PM   رقم المشاركة : 137
яǻɜчț றşђǻќεı
عضو
 
الصورة الرمزية яǻɜчț றşђǻќεı 





معلومات اضافية 
  النقاط : 10
  الجنس :
  الدولة :
  الحالة :
الرسالة الشخصية

التقييم

افتراضي رد: ليشّ تتعّمـد تعّـذبنّي ؟..}~* .. بقـلم [ غيوورة ]

 

 

اڵڵه اڵڵه حږڪُااااااااات هاڵقڝڝه ..
ېعطېچ اڵعاااڤېه دبۈَۈَه .
. ۈَتسڵمْ ېمْڼااچ ع هاڵقڝڝه اڵحڵۈَۈَه ..
ۈَڼتږېااا اڵتڪُمْڵڵه ..

 

 

  رد مع اقتباس
قديم 10-02-2011, 10:28 AM   رقم المشاركة : 138
Сгαżч ƒшαℓℓα
~ • غـٍُالٌٍُيً مـٌٍُِألـًٍُِقَ • ~
 
الصورة الرمزية Сгαżч ƒшαℓℓα 





معلومات اضافية 
  النقاط : 2150
  الجنس :
  الدولة :
  الحالة :
الرسالة الشخصية

التقييم

افتراضي رد: ليشّ تتعّمـد تعّـذبنّي ؟..}~* .. بقـلم [ غيوورة ]

 

 

باااك

تـابع /


سلطـان سار ويلس حذالهاا : ولهت علييج
ساره تمت مستغربه سكتت ماقالت شي
سلطـان : شو ما ولهتي علييه ؟
ساره كــاانت حيل منصدمه ومستغربه وماتعرف شو تسوي
سلطـان : وين كنتي ؟
ساره : فالعيااده ، سلطـان انا تعباانه بسير اريح
وظهرت من الميلس
سلطـان انصدم منهاا بعدهاا زعلاانه يعني سار عند حصه وسألهاا بلاها ساره وجيه
خبرته شرى إلي ساره بغته
ساره من حدرت حجرتهاا يلست تصييييييييح
حدرن امهاا وحصه
وحصه خبرت امهاا عن سالفه سلطـان وساره كلهاا وقالت لهاا انها حامل ألحيين
ساره : اماايه مابي هاليااهل ولا ابي ابووه
عوشه : يابنتي يا حبيبتي مب زيين ، سلطـان شو قالج ؟
ساره : ماخليته يرمس ظهرت عنه
حصه : ترااه بعده تحت يبى ايي ويرمسج بس ابويه ماخلااه ايج الحجرة قال انج تعباانه وسرتي ترقدين
عوشه : حبيبتي ساره فكري عدل مب زين
ساره تمت ذابحه روحهاا صياح : ماابااه ماابااه
ظهرت عوشه من حجرة ساره
وتمت حصه عندها
حصه : شو إلي ماتبينه ساره نحن هب فـ فلم مصري اغدي حرمه خلااص مب زين تجتلين روح حرااام تعرفين شو يعني حراام
ساره تمت تصيــــح : ألحين بس رجعلي ليش وينه عني هذاك الاسبوع ودرني روحي يوم ييت اخبره يا يدزني شرى الحماره لا وبعد يوم ييت اقله الصدق قالي ترومين تسيرين بيت هلج حصوو حسي فيه سلطـان واايد ظلمني انا مظلوومه
حصه : بس بعـد هو انظلم معااج رمسيه عرفي شو وجهة نظره عرفي شو رايه وشو إلي غيره
ساره : مــاابااا هو دوم يتعمد يعذبني انــاا ألحين بتعمد اعذبه بخليه يذوق ربع إلي انا ذقته
حصه : ساره انتي وحده عاجل هب ياهل فكري بالولد إلي فـ بطنج
ساره قاطعتهاا : ها انا بعقه
حصه حرجت : مينونه انتي ؟ جان ماتبينه ربي ويبيه انا بربيه بدالج
ساره صــااحت بمرااره
حصه حضنتهاا ويلست ترمسهاا وتنصحهاا

سلطـان عقب ما فقد الأمل ان يجوف ساره رد لبيتهم
تم يحاول كل مره يتصل فيهاا مبايلهاا مغلق كل مايسير إلهاا البيت مايحصلهاا يقولون له طـالعه
بس هيه اصلا كانت راقده فـ بيت حصه وأحمد كان مسافر عنده دوره لمده 4 شهور
عقب مرور 3 شهور ع هاي الحاله
سلطـان يحاول يجوفهاا ويرمسهاا وهيه تتصداه

فـ هاليوم كانت فـ بيت ابوهاا وحصه وامهاا و فاطمه كانوا ظاهرين ويا راشد وبو راشد
وحمده حرمه سيف عند هلهاا سيف قال بيوصلهاا وبيرد عند ساره

ساره كانت روحهاا فالبيت مع الخدم والياهال
كانت فوق فالصاله تطالع تلفزيون وكانت منسدحه ومندمجه بالرسوم وحالتها حاله
حدر سلطـان بيتهم وتم يدور عليهاا حصلهاا فوق من جافهاا تخبل عليهاا كانت لابسه بجامله برموداا ورصاصيه وفوقه كات وردي وفيه صور مرسومه بالرصاصي

سلطـان : ههههه فديت حرمتي اليااهل انــااا
ساره على طول نشت ويلست عدل وانصدمت من وجوده
سلطـان سار ويلس حذالهاا : شو تجوفين ؟ توم وجيري ههههههههههه
ساره اطالعته بنظره وسكتت تمت تطالع التلفزيون
سلطـان : اجوفج مرتااحه هنيه مب مسوتلي سالفه حتى صايره دبــه وظاهرتلج كرشه
ساره انصدمت حطت ايدهاا ع بطنهاا واطالعت سلطـاان
سلطـان : اعصاابج حبيبي عن تكفخيني
ساره سكتت عنه
سلطـان تجرب منهااا : يالظالمه ما ولهتي عليه ؟
ساره حست روحهاا صدق صدق متولهه عليه فـأي لحظه يمكن تقله خلاص احبك برجع معااك
بس فـ هاللحظه حدر سيف
على طول نشت ساره جنهاا ماصدقت تشرد وسارت حجرتهاا
سيف : اووه سلطون عندناا ياخي شل حرمتك
سلطـان : هههه والله جان زيين اقنعهاا تعبت انــاا
سيف : هههههههههههههههههه
سلطـان : اجوفهاا مرتااحه هني حتى جوفهاا كيف صايره دبه وظاهرتلهاا كرشه
سيف : ههههههه لاازم ترى الكرشــه من ...
ف هاللحظة رن تلفون سيف وكان حارب
رمسه وعقب سكر عنه
سيف : بتي سايرين ويا الشباب استار بكس
سلطـان : اممم اوكي يلاا
عقب ساروا سيف وسلطـان لستار بكس
وجافوا الشباب ويلسوا معاهم وتموا يستهبلون وسوالف وظحك

هيه صح كانوا مقررين كلهم يسيرون المزرعه ويباتون هناك 3 ايام

مر هاليوم على خير
فاليوم إلي عقبه كلهم نشوا من وقت ، الحريم ساروا يساعدون عوشه والريايل إي يدخل السامان للسياره وإلي يالس يسولف ويا اليده موزه
عالساعه 10 تحركوا وساروا صوب العزبـه
وعالساعه 11 ونص وصلوا
كانوا كلهم هناك ( مريم و ميثه / مايد و أمل / خميس وظبيه / عبدالله و ميره / بو عبدالله و ام عبدالله وسعيد / سيف و حمده / راشد و فاطمه / اليده موزه / محمد وعوشه / عبدالرحمن / هزاع و شيخه / حصه وعيالهاا / سلطـان وامه )

فـ ماكان شي مكان فـ خلوا شرى قبل البنات فـ حجرة والشباب فـ حجرة
اما الكبار كل واحد فـ حجرة


عقب ما ساعدوا ونزلوا السامان من السياره
ساروا الشباب يظهرون دراجاتهم عسب يلعبون
خميس / وسلطـان / وسيف / عبدالله / مايد
اما الباقي كانوا تعبانين قالوا عقب بيلعبون
خميس كان يسرع ويسوي حركات بالدراجه وظبيه كانت تطالعه وتظحك علييه وبنفس الوقت خايفه عليه

تموا يلعبون ويتسابقون وحالتهم حاله
عقب اذن الظهر ساروا يصلون بعدين تغدوا
عقب الغدى بعضهم ساروا يرقدون بعضهم ساروا الملعب يلعبون كره و بعضهم يلسوا فاليلسه وبعضهم تموا يتمشون


يتبع

 

 

 طرشت [ آبليس // يحببڪَ فيني

رد آلملعوؤن مولع فيڪَ . . !
...................................... مولع فيڪَ . . !
.................................................. ......... مولع فيڪَ . . !

  رد مع اقتباس
قديم 10-02-2011, 10:31 AM   رقم المشاركة : 139
Сгαżч ƒшαℓℓα
~ • غـٍُالٌٍُيً مـٌٍُِألـًٍُِقَ • ~
 
الصورة الرمزية Сгαżч ƒшαℓℓα 





معلومات اضافية 
  النقاط : 2150
  الجنس :
  الدولة :
  الحالة :
الرسالة الشخصية

التقييم

افتراضي رد: ليشّ تتعّمـد تعّـذبنّي ؟..}~* .. بقـلم [ غيوورة ]

 

 

تابع /


ظبيه وخميس كانوا بعيد عنهم خميس كان بالدراجه اما ظبيه كانت تتمشى وهو يلحقهااا سوى روحه طــاااح
ظبيه زاغت ربعت صوبه
ظبيه : خموس بلاك
خميس سوى روحه ميت
ظبيه شوي وبتصيــح : خموس حبيبي بلااك ؟
خميس : ....
ظبيه : خموس لا تودرني وتموت والله احبــك ( ويلست تصيـح )
خميس نش وهو يظحك : يموع مات تزوجتيني لو انا مت بتزوجين سبت
ظبيه وهيه تصيح ظحكت ع تعليق خميس
خميس : هههههههه انتي شكلج بتتزوجين ايام الاسبوع
ظبيه ضربته : سخييييف زيين ، ليش تسوي فيه لو سرت عني ( حطت ايدهاا ع بطنهاا ) منو بيربي ولدك معااي
خميس فرح إلا طــــااار من الفرحه : شووو انتي حـــاامل ؟
ظبيه ابتسمت : هييه
خميس : وماتخبريني من متى ؟
ظبيه : كنت شاكه من زماان بس لما فحصت أكدولي
خميس : يــــآآآآآآآس بسير ابوو
ظبيه : ههههههه بس عن الخبـااال
خميس حب ظبيه : احبـــج والله اموت فيج يا ام ولدي
ظبيه ضربته : جب جب تقص عليه اونه مت هااه سخيف والله كنت بموت وراك انــاا
خميس لزق بظبيه : بسم الله علييج كله ولا حرمتي فديتهاا
تموا يظحكون ويسولفون
وحالهم تحسن عن قبـل بوااايد ظبيه حبت خميس وااايد
وخميس كل يوم عن يوم يحب ظبيه اكثر

صوب مايد وأمل
كانوا يالسين يتمشون رواحهم ويرمسون عن عدة مواضيع
أمــل وعدت مايد انها بتتغير وانهاا بتصير انسانه ثانيه بس يسامحهاا وحبه لهاا إلي غيرهاا
مــاايد استانس ع امل واايد وارتاحلهاا وحس بتغيرهاا
وانها صارت انسانه احسن عن قبــل بوااايد

عبدالله و عبدالرحمن و هزاع و راشد واحمد وسيف
كانوا يلعبون كره سلـه
وحريمهم يالسين يشجعونهم
سيف كل شوي يطنز ع فطيم يقلهاا ظهري عن يظربونج بالكره والياهل يطييح و راشد اونه يحرج علييه وهزبه
والشباب يظحكون عليهم

اما سعيد و سلطـان
كانوا يلعبون بليارد اونه سعيد بيغلبه ومتحمس وحالته حــااله

اما ساره كانت يالسه ويا يدتهاا موزه وامهاا وحصه
مر الوقت وكلهم يلعبون ويظحكون ومستانسين

صارت الساعه 10 تعشوا كلهم ويلسوا فاليلسه كانوا يسولفون بس ساره كانت يالسه تلعب ويا شوق ومستانسه عليهاا وسلطـان يراقبهاا
سيف لاحظ هالشي
سيف صاصره : ياخي ليش تعذب روحك حرمتك هاي سير عندهاا
سلطـان : هيه ماتسويلي سالفه
سيف : ماعليك مره مرتين ثلاث وبعدين بترد لك صدقني
سلطـان : بحــااول
نش سلطـان وسار يلس حذال ساره
أول ما نش كلهم يلسوا يراقبونه حس بقفطـه بس طنش
ساره انصدمت بس ماسوت له سالفه يلست تلعب مع شوق
سلطـان همس إلهاا : زين عبريني شوي
ساره طــااف ولا جنها تسمعه

أمــل لاحظت ان سلطـان وساره بعدهم ماتراضوا كرهت عمرهاا وكرهت الساعه إلي رمست فيه ملاك الزفته
قالت لازم ترمس ساره عسب تراضي سلطـان هو ماله ذنب

ساره مارامت تستحمل قرب سلطـان
ساره : بسير ابدل شواقي
شلت شوق وسارت داخل لحقهاا سلطـان
سلطـان : ساااره
ساره : شو تبى مني ؟ خلاص ودرني انا تعبت منك
مب كنت تباني ارد بيت اهلي خلاص رديت ماتروم تعيش ويا وحده خايسه خلاص لا تعيش هالخايسه ع قولتك خلاص ماتبااك
سلطـان انصدم من رمسه ساره بس بعد ما استسلم :
بس أمــل خبرتني كل شي
ساره : أمــل شو تعرف عسب تخبرك ؟
سلطـان : امــل وملاك هم إلي كانوا مسوين كل شي عسب يخربون امبيناا
ساره : شوووو ؟! امــــل !!! مستحيـــل
سلطـان : والله العظيم ييت ذيك المره اخبرج بس انتي شردتي ماعطيتيني فرصه
ساره : حتى لو تتحرى اني بردلك لااا سامحني
اناا واايد تعذبت بحبك وانت عارف هالشي مب مستعده اتعذب زيااده
سارت عنه الحجرة وسكرت الباب وقفلته
يلست تصيـــح ماتروم تودره هيه تحبه إلا تموت فيه بس لاوم تسوي فيه جيه عسب يعرف قدرهاا هب كل مره جي يسويبهاا
رقدت بدون لا تحس بطلت عيونهاا ع صوت دق عالباب وصيـاح شوق
حصه : شو تسوين فـ بنتي ؟
ساره : هههه اصلا كنت راقده نسيتهاا
فاطمه : لاا والله ليش بطلتي الباب عادي نحن بنرقد برع فالحوي
ساره : ههههههههههههه سامحيني مرت اخوي المصون
ميره : لالا ليش فالحوي عادي فالصاله الحياه حلوه
ساره : اوووه قلتلكم سامحوني رقدت
الكل : ههههههههههههههههههههههههههههه
حدرن البنات الحجرة ويلسوا يسولفون وبعضهم ساروا يطالعون فلم برع
ساره كانت فـ عالم ثاني عالم مول مايخصه ابهم عالمهاا الخـاص عالمهاا هيه وسلطـان تفكر شو مصير هالياهل شو مصيرها هيه ويا سلطـان شو نهايه علاقتهم
بطلت الدريشه جافت سلطـان يالس روحه فاليلسه وشكله تعبــااان غمضهاا يلست تتأمله وهو هب منتبه إلهاا
وتم يشل :


حاول القصيد يسايرني واسايره
ونكتب سوى عن خلي المجنون
اخط القلم والعبرع حايره
كيف العيشه بدونه تكون ؟!
لا يا عيوني حبيبتي ماهي زايره
كفي دمعتك حبيبتي نظر العيون
بحكمها ودي وبظلمها جايره
وعلي ادري عمرها ماتهون
حبها حقيقي والعشره شايره
والمحبه بين ضلوعها ماتخون
احبها حدي بالحب داريه
وعليها ابيع الدنيا والكون
مطلبي انها بجنبي باقيه
بعدها مابي الي يشرون
قصتي معها ماهي عابره
والله هايم ابها هيام و مفتون


االبنـات من سمعوا صوت سلطـان يشل
وجافوا ساره واقفه حذال الدريشه كلهم ساروا صوبهاا وتموا يتسمعون اول ماخلصوا
البنــاات : صح لسااانك ههههه
سلطـان قفط من جافهم : صح بدنكم اشعنه مب راقديين ؟
( وطاحت عينه ع ساره على طول دخلت راسهاا )
البنات : كنا نسولف سمعنااك تشل حلوه الشله وربي
سلطـان : تسلمون
وســاار داخل ويلس ويا الشباب

ساره تمت تفكر فـ القصيده عيبتهاا واايد بالذات هالمقاطع وتمت ترددهاا :

اخط القلم والعبرع حايره
كيف العيشه بدونه تكون ؟!
لا يا عيوني حبيبتي ماهي زايره
كفي دمعتك حبيبتي نظر العيون
بحكمها ودي وبظلمها جايره
وعلي ادري عمرها ماتهون



مسحت الدمعه إلي نزلت من عيونهاا
جافت ميره اطـالعهاا
ميره : بلااج ؟
ساره : مــااشي بس تعبـاانه ابا ارقد
ميره صاصرتهاا : متى بتخبرينه انج حـامل ؟
ساره انصدمت : شووو اشدرااج ؟
ميره : مب علي متنانه وظاهرتلج كرشه اصلا اشكره ينباان مادري شقايل سلطون ما عرف
ساره : ميره بلييز لا تخبرينه
ميره : تطمني ، مب حرام ماتخبرينه ويفرح
ساره : يستااهل عسب ماسويبي جي
ميره ضربتها عراسهاا : خقــااقه رقدي رقدي
ساره : ههههههههههه

فاليوم إلي عقبه
الصبـح عالساعه 9 بطلت ساره عيونهاا
تمت تجوف حواليهاا
جافت البنات كلهن رقود نشت من مكانهاا سارت الحمام تغسلت وبدلت ثيابهاا وتعدلت وظهرت
جافت عمتها شيخه و اليده موزه وامهاا و ام عبدالله وام احمد يالسين فالصاله
اما ابوهاا و هزااع و سالم و راشد وعبدالله كانوا يالسين بـرع
سلمت عليهم وسارت تتريق وهيه يالسه تاكل حدروا سيف و خميس و سلطـان
سيف : اووه اختي المصون هنيه
خميس : عيل وين ظباي ؟
ساره : البنات رقود
سلطـان كان ساكت ويراقبهاا
سيف : متى نشيتي ؟
ساره : من شوي
يلسوا الشباب ياكلون نشت ساره
خميس : وين ؟ ليكون خربنــاا عليج ونشيتي عشاناا ؟!!
ساره : لا والله عليكم بالعافيه بس شبعـت
ظهرت ساره من الحجرة وتموا الشباب ياكلون
سيف يصاصر سلطان : شو ماشي تطورات امبينكم
سلطـان : جــاان زين والله اختك عنيده وراسها يابس
سيف : ههههههههههههه
خميس : ظحكوناا معاكم
سيف : سـر سـر
عقب ما كلوا وشبعوا ظهروا يتمشون

ساره من ظهرت عند الشباب سارت يلست ويا الحريم
كانوا يالسين يسولفون ، هيه ملت سارت توعي البنات
نشن ميره و حمده والباقي تموا رقود
عقب ما صبحوا عالكل وساروا وتريقوا
سارن صوب الحوض ميره كانت تذكر الموقف إلي صار
لما ساره دزتهاا فالحوض وظبيه الذكيه سارت وزقرت عبدالله ويا وشلهاا
تمت تظحـــك ساره وحمده استغربواا منهاا
عقب خبرتهم السالفه يلسوا يظحكون معاهاا
عقب يلست ساره بعيد عنهم وحمده وميره يلسوا يسولفون وساره تفكر فـ روحهاا وفـ الياهل إلي فـ بطنهاا و فـ سلطـان
جان مره وحده يحدرون فاطمه وظبيه وهم ناقعين من الظحك
كلهم اطالعوهم
ميره : بلاكن يايات كل وحده شاقه البوز ؟
ظبيه : فـــااااتج نص عمرج ماجفتي الشباب خبــااال من خــااطر
ميره + حمده : شو شو شو ؟
ساره يلست تراقبهم وتسمعهم
فاطمه : آآآخ يابطني والله تعبت
ميره : اففف قولي زين وانتي بطريقوو يلسي يلسي
فاطمه : اييه سكتي بخبر راشد عليج
ميره : وااابويه
الكل : ههههههههههههههههههههههههههه
حمده : زين خبروناا شو سووا الشباب عسب جي تضحكون ؟
ظبيه : الله يسلمج مايد وسعيد وعبدالرحمن كانوا توهم ناشين من الرقااد وسايرين المطبخ يتريقون سيف وسلطـان كانوا هناك ، سلطـان جاف اشكالهم مـاال رقــاد من خاطر سار صوب الثلاجه وظهر ثلج وفراه عليهم وهم جي انصدمواا سيف يلس يظحك على اشكالهم
حرجوا تموا يلحقونهم وصلوا صوب الملعب رشوهم بماي وخلوهم هناك وقفلوا الباب عليهم
الكل : ههههههههههههههههههههههههههههههههههه
حمده : وفديييت ريلي اييه يالسيين تظحون بيمرض حراام
فاطمه : دواااه
حمده : سكتي بفرج فالحوض ترى
ساره : ههههههههه يلا حمدوه عليهاا
حمده : انتي ورااهاا بعــد
الكل : هههههههههههههههههههههه

صوب الشباب
سلطـان وسيف نقزوا من الدريشه وظهروا ساروا صوب الحوض لأن هم البارحه كانوا حاطين إلهم ثياب هناك
تموا يربعون صوب الحوض عسب محد يجوفهم اول ما حدروا انصدموا من وجود البنات والبنات زاغوا بالأول بعدين يلسوا يظحكون ع اشكالهم
سيف وسلطــان قفطوا من خــااطر
عقب حدروا وبدلوا عقب ساروا للحجرة سبحوا

صوب البنات
فاطمه كانت ميوده مبايلهاا وصلهاا مسج من راشد

( فطامي تعالي انا اتريااج صوب الملعب
بنسير نتمشى شوي )


عقب ماقرت فاطمه المسج
فاطمه : يلا عيل انا بسير اتمشى ويا رشودي شوي
ساره تلعوزهاا : عادي انا ايي
فاطمه وهيه تتمصخر : لالالا تمي
الكل : ههههههههههههههههههههههههههههه
عقب مافاطمه ظهرت يا خميس وشل ظبيه وساروا


يتبع

 

 

  رد مع اقتباس
قديم 10-02-2011, 10:32 AM   رقم المشاركة : 140
Сгαżч ƒшαℓℓα
~ • غـٍُالٌٍُيً مـٌٍُِألـًٍُِقَ • ~
 
الصورة الرمزية Сгαżч ƒшαℓℓα 





معلومات اضافية 
  النقاط : 2150
  الجنس :
  الدولة :
  الحالة :
الرسالة الشخصية

التقييم

افتراضي رد: ليشّ تتعّمـد تعّـذبنّي ؟..}~* .. بقـلم [ غيوورة ]

 

 

تابع /

تموا فالمسبح ساره وميره
ميره : مــلل كل وحده سارت ويا ريلهاا
ساره : إلا أمــل وين ؟
ميره : اممم ما اعرف والله ماجفتهاا يمكن بعدهاا راقده ، تعاالي نظهر ملييت والله
ساره : تعبت
ميره : اوونج حامــل ألحيين محد يروم يرمسج
ساره : ههههههه سكتي عن يسمعونج
ميره : منو سلطـاان ؟!!
ساره سكتت وتمت تفكر شوي : هيه ما ابااه يعرف
ميره : ليش انزيين ؟
ساره : ميروه منو خبرج اني حامل ؟
ميره : سمعت امج وحصه يرمسون
ساره : اووونه ؟! حد عرف غيرج ؟
ميره : تطمني كنت روحي ، وبعدين لين متى بتخشين عليهم ؟!
ساره : انا مب خاشه ع الكل سيف يعرف ورشود بعد يعرف وحمده وفطيم وحصيص وامايه بعد يعرفون بس يدوه موزه و سلطان ما اباهم يعرفون ولا امج
ميره : ليش يعني ؟
ساره : لأن لو يدوه وامج عرفوا بيخبرون سلطـان وبيخلوني غصب اردله وانا ماابااا
ميره : الله يهدييج بس
ساره : افف لا ترمسين عن هالسالفه والله احس انها معقده
ميره : محد معقد غيرج
ساره اطالعتهاا بنظره ، ميره يلست تظحك
عقب عالساعه 2 تغدوا كلهم والعصر
إلي رقد وإلي ركب حصان وإلي لعب فالملعب وإلي سبح فالمسبح
ساره كانت تتمشى روحهااا وصلت صوب المكان المنعزل ع قولتهاا
أول مره تسير هالمكان إلي يحيطه كله اشجار حدرت وتمت يالس روحهاا وتتأمل الاشجار مره وحده جافت حد يلس جدامهاا لأول مره عقب ماودروا بعض تمت تطالعه فـ عيونه عرفت كيف هو محتاج إلهاا وكيف هو يحبهاا
كانوا ساكتين كل واحد يطالع الثاني وسرحان فـ عيون الثاني ويفكر فيه
بس قطع هالصمت صوت سلطـان : شو تسوين روحج هنيه ؟
ساره : مــااشي كنت اتمشى تعبت ييت ايلس هنيه
سلطـان : لا اتين روحج هنيه مب زين ؟
ساره : ليش ؟
سلطـان : مافي حد ايي هنيه واايد مب زين اتمين روحج
سكتت ساره ونزلت راسهاا وطاحت عيونهاا ع بطنهاا ردت ورفعت راسهاا وجافت سلطـان
سلطـان : بلااج ؟
ساره توهقت : مـــااشي
ووقفت عسب تسير بس سلطـان يودهاا
سلطـان : اتريي ابا ارمسج
وقفت ساره ولا نطقت بحرف وااحد
سلطـان : ساره انا تعبت ما اروم اعيش بدونج ، خلاص انسي كل إلي صار يعني إلي فـ مكاني كان بيسوي شرات إلي انا سويته انتي جفتي الصور شقايل والتسجيل كيف ماكنتي تبيني اصدق ؟! خلينا نرد لبعض ونقهر العذال ، ساره انــاا آســف والله
ساره : خلصت ؟
سلطـان : شو اخلص ولا شوو إلي فـ قلبي عمره ماراح يخلص بس خلي إلي فالقلب بالقلب
ساره اطالعته وسارت
سلطـان من حركتهاا فقد الأمل انهاا ترد لـه بس هو مابيودرهاا هو غلط ولازم يصلح غلطته بس بعد هو ماله ذنب

صوب اليلسه
كانت امل يالسه ويا مايد كل شوي مبايلهاا يرن وتحطه عاسايلنت
مايد شك : شو سالفه تلفونج اليوم ؟
امــل : مــااشي وحده مابا ارد عليهاا
مايد : اشعــنه ان شاء الله ؟
امـل : وحده متفيجه
مايد : زين هاتيه انا برمسهاا
امــل : مايد لاا
مايد : زين هااتيه
امـل عطته الفون رد مايد ظهرت ملاك غســل شراها تم يهزبهاا عقب بند التلفون فـ ويههاا وقال لـ أمل لو ردت عليها ولا اتصلت فـ ملاك لا اتعرف مايد ولا يعرفهاا كــاان حيـــل محرج من حركات هالياهــل
امــل بعد كانت واايد حاسه بالذنب وقالت بترمس ساره وبتفهمهاا ع كل شي ولازم تخليها ترد لـ سلطـان
لأنه إلي سووه هيه وملاك مب شويه

ساره من عقب ماودرت سلطـان سارت صوب حصه ويلست حذالهاا تمت تلعب مع شوق وتلعوز عبيد
شوي وتسولف معاه شوي
مر هاليوم وماصارت فيـه احداث كثيره

فاليوم إلي عقبه
يوم الرحيــل ( العوده لـ دبي )
كانوا كلهم مشغولين عقب ماحطوا السامان فالسياره وصلوا الظهر قرروا يتحركون
كلهم تحركوا بس بقى سلطـان وقوم سيف
سيف : وين امك ؟
سلطـان : سارت ويا احمد
سيف : تعـال تعـال بخبرك شي
عقب ما سيف خبر سلطـان ، سلطـان تحمس للفكره واستاانس واايد
سلطـان : فديتك والله ما اعرف كيف اشكرك
سيف : هههههههههه اييه لا تتفداني حرمتي تغار
سلطـان : ههههههههههههههههههههه
عقب ركب سيف سيارته
سيف : اووووووه نسيت تلفوني فالحجره
ساره : اوهووووووو شو انت سير ييبه بسرعه ابا اسير البيت
سيف : جب جب لا افرج من سيارتي ألحيين نزلي يبييه
ساره : تعبـــاانه هب متفيجه انزل
حمده : انا بسير اييبه
سيف غمز إلهاا : لا انــاا ساروه تسير اشعنه ترمس
ساره : والله سخيــف
ونزلت من السياره وسارت داخل
فـ هاللحظه سيف حرك شوي وصرخ بأعلى صوته : هالله هالله بأختي
سلطـان تم يظحك على خباله

ساره سارت الحجرة وتمت تدور وتدور وتدور بس ماحصلت التلفون قالت بتتصل فـ حمده وتسألهاا بس تذكرت انها ودرت تلفونهاا فـ السياره ظهرت عسب تخبر سيف بس انصدمت ان سياره سيف مب موجوده بغت تصيـــح ماعرفت شو تسوي مره وحده جافت سلطـان جدامهاا
ساره : متفقيين صــح ؟
سلطـان اطالعهاا : شووو ؟
ساره عصبت : بلى استهبــاال وين سيف ؟
سلطـان : اشدرااني اناا ، شو تسوين هنيه ؟
ساره : ألعــب يعني شو اسوي ؟
سلطـان : اجوفج قمتي اطولين لساانج يلا عيل انا ساير كملي لعبج
ساره : سلطـــااان
سلطـان : نعـــم
ساره : بتودرني روحي هنيه !! اترياا سيف بيي بعد شوي
سلطـان : ما اظن
ساره : يعني تعرف انه ســاار يو اقلك متفقيين
سلطـان : شو ع كيفج تخمنين كل شي
ساره : معقــووله بيودرني ليش يعني ؟
سلطـان : اشدرااني انــااا تعالي بوديج معااي
ساره : لا اترياا ألحيين بيي سيف ، بتصل فيه عطني مبايلك
سلطـان : مبايلي مافيه جارج
ساره : افففففف
سلطـان : زين تعالي بوصلج ماباكلج انــاا وبعدين لا تنسين تراني بعدي ريلج
ساره نزلت راسهاا ويلسن تفكر
سلطـان : براايج انا ساير فمـان الله
ساره : سلطـــااان
سلطـان كان فخاطره ينقع من الظحك عليها بس يود روحه وسوى روحه جدي : شوو بعـد تراج ماتبين اتيين معاي انا واحد مشغول حدي
ساره استسلمت : زين بيي معــااك ، بس وصلني بيت هلي
ركبت ساره ويا سلطـان وطول الدرب سلطـان يغني شوي ويشل شوي آخر شي تم يقصد

ودي احطك بين ضلوعي واغمض
واعيش تالي العمر وياك
ودي اهمس في اذنك حيل احبك
واخلي العالم يختفي لحظه لقاك
يا غايب(ن) عن عيني
ورسمك في خيالي مايختفي يتبع خطاك
اعيش في حلم(ن) ارتسم لأجلك
ويعيشني حلمك عالي في سماك
يا انت ضلوع قلبي تحتفل بك
وما هايمت بحلم رومنسي لولاك
بالله كيف حبك ملكني وانتثر بك
وخلاني انادي آآآه اهواك
أحبـك واحبـك وحيل مغرم بـك
والذي زادني فيك طلة محياك
ضيعني في دربك واعشقني على مهلك
وخلنا سوى مالي انـا سواك



كل شوي كان يطالع ساره أول ما خلص
ساره : صح لســاانك
سلطـان : صح بدنج
عقب تموا ساكتييين كل واحد يفكر فالثاني
ساره مالاحظت ان سلطـان ساير صوب بيتهم أول ما وصلوا ساره انصــدمت وتوها تستوعب السالفه
ساره : سلطــاان بسير بيت هلي الله يخلييك
سلطـان : بلاج بعدين بوديج ابا ارتااح تعبان انــاا
ساره تمت معانده اونهاا مابتنزل من السياره إلا لما يوديها بيت هلهاا سلطـان طنشهاا وسار لحجرته بعد خمس دقايق جافهاا حدرت الحجره
سلطـان : اجوفج حدرتي نور البيت بوجودج
ساره : البيت منور بأهله
سلطـان : وانتي من اهله
ساره : انا برد بيت هلي
سلطـان : مب على كيفج
ساره انصدمت : شــووو انت وعدتني
سلطـان : متى انتي روحج رمستي انا ماقلتج بودييج
ساره شوي وبتصيح : مايصيـــرر جي حراام عليك والله انا مابا اعيش معااك
سلطـان : مب لعبه اناا كل ماتبيني اتين ويوم اتملين تردين بيت هلج
وظهر من الحجرة وقفل عليهاا الباب
ساره تمت تصيــح وتضرب الباب وتسب سلطــاان سب
وهو حرج وظهر من البيت وما سوالها سالفه




كــاات
يتبع

 

 

  رد مع اقتباس
قديم 10-02-2011, 10:33 AM   رقم المشاركة : 141
Сгαżч ƒшαℓℓα
~ • غـٍُالٌٍُيً مـٌٍُِألـًٍُِقَ • ~
 
الصورة الرمزية Сгαżч ƒшαℓℓα 





معلومات اضافية 
  النقاط : 2150
  الجنس :
  الدولة :
  الحالة :
الرسالة الشخصية

التقييم

افتراضي رد: ليشّ تتعّمـد تعّـذبنّي ؟..}~* .. بقـلم [ غيوورة ]

 

 

بس بآجي آخخر بآرت عقب بنززلـه موتوآ قهههر ههههـه



برووب

 

 

  رد مع اقتباس
قديم 02-04-2011, 09:34 AM   رقم المشاركة : 142
بَنۈتـﮧۦ برسّتيجْ..!
~ • غـٍُالٌٍُيً نـٌٍُِشًَُِيـًٍِط • ~
 
الصورة الرمزية بَنۈتـﮧۦ برسّتيجْ..! 




معلومات اضافية 
  النقاط : 20
  الجنس :
  الدولة :
  الحالة :
الرسالة الشخصية

التقييم

افتراضي رد: ليشّ تتعّمـد تعّـذبنّي ؟..}~* .. بقـلم [ غيوورة ]

 

 

آووف وآللـٍه حرآآم ،، يوم قعدت آقرآآها
مـآفي آخرر بـآِإأرت ،،

 

 

  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 08:01 PM.


Powered by vBulletin® Version 3.8.7
Copyright ©2000 - 2019, Jelsoft Enterprises Ltd