رمزيات بلاك بيري خدمة تفسير الأحلام تصميم مواقع وصفات طبخ أعلن معنا


العودة   منتديات فريج دبي > فريج أم سعيد > قصص وروايات > قلم رصاص يسرد روايات

قلم رصاص يسرد روايات يختص في طرح الروايات


آخر المشاركات المطروحة في منتديات فريج دبي .



إضافة رد
 
أدوات الموضوع
قديم 26-02-2010, 08:58 PM   رقم المشاركة : 17
.. τңβ7ЙЏ 7βқ
~ • غـٍُالٌٍُيً ذًٍُِّهـًٌٍُِبًٍَُِيًِ • ~
 
الصورة الرمزية .. τңβ7ЙЏ 7βқ 




معلومات اضافية 
  النقاط : 785
  الجنس :
  الدولة :
  الحالة :
الرسالة الشخصية

التقييم

افتراضي

 

 

يا ربي صار لج 3 ايام تقريبا مو منزله البارت..ع ما اعتقد يعني..

عسى ما شر حبوبه..؟؟


جاأأأري الانتظاااار..><

 

 

  رد مع اقتباس
قديم 27-02-2010, 12:10 PM   رقم المشاركة : 18
εïзĴή8ăłĩāђεïз
 
الصورة الرمزية εïзĴή8ăłĩāђεïз 




معلومات اضافية 
  النقاط : 10581
  الجنس :
  الدولة :
  الحالة :
الرسالة الشخصية

التقييم

افتراضي

 

 

اقتباس:
المشاركة الأصلية كتبت بواسطة خبالي دلعــ مشاهدة المشاركة
يا ربي صار لج 3 ايام تقريبا مو منزله البارت..ع ما اعتقد يعني..

عسى ما شر حبوبه..؟؟

جاأأأري الانتظاااار..><
السَمُوحَهـ فْدَيتَجْ ...عَ التَأخْير..مَشْغُولهـ ف التَحْضير الدْروُس والمَذاآآكَرهـ وانشااللهـ الحين بَنَزَل البَاآآرت

 

 

 

  رد مع اقتباس
قديم 27-02-2010, 12:28 PM   رقم المشاركة : 19
εïзĴή8ăłĩāђεïз
 
الصورة الرمزية εïзĴή8ăłĩāђεïз 




معلومات اضافية 
  النقاط : 10581
  الجنس :
  الدولة :
  الحالة :
الرسالة الشخصية

التقييم

افتراضي

 

 



البــارت الـ 5 ..


..


فطـوم الدموع عيونهـا .. بصوت متقطع وهب مفهوم : عـ عــ عـمي .. و ولدك هـ هـب مسـ . مسوي شي !!
بو راشـد : شو هب مسوي شي !! وانتي كيف هانت عليج نفسج اتمين ويا واحد فـ البييت !! ماتستحين .. وين اهلج !!
فطـوم مارامت تستحـمل خذت اغراضهـا ودشت الحجره و صكرت الباب ..
راشد سار صوب غرفتها وتم يدق الباب وماترد عليه ..
راشـد : استغفر الله !! ابويه الله يهديك ليش ماتعرف تتفاهم !!
بو راشد استغرب بردوة ولده : راشد انته تخديت ؟؟؟؟ شو بيقولون النـاااس !!
راشـد : يا ابويه حرام علييك ! والله حرام .. هيه روحها هالسبـوع طالعه من المستشفـى !!
بو راشد استغرب : اخبرك .. تعال الميلس فهمني شو السالفه !!
راشـد : ان شاء الله .. تفضـل ..
عنـد فطـوم .. كانت ترمس مريوم ..
مريـوم : انزين فديتج .. ماعليه يوم بيفهم ابوه السالفه بيي بيتأسفلج ! لانج انتي نيتج صافيه والحمدالله ماسويتي شي غلط وسـاتره عمرج جدامه !! لايكون بعد تكونين بدون شيله فالبيت ؟
فطـوم وهيه تصيح : والله يا مريوم اني حاشمه عمريييه !! تعرفيني ماحب اطلع شعرييه !! البس كله طويل و وسيع !! امي معودتني ع هالشي .. وادري شو الحرام انا هب غيره اعرف كل شي !!
مريـوم : ماعليه فديتج انتي الحين اهدي !! وراج سفـر ..
فطـوم تهدي عمرهـا : شكلي مابسـافر !!
مريـوم : ماعليج بتسافرين و بتستـانسيين !!
فطـوم : الله يسمـع منج .. قوليلي شخبارج انتي ؟
مريـوم : والله تمـام ..
فـ الميلس ..
بو راشـد : الله يهديك راشد !! وليش ماقلتي من قبل ! خليتني اهزب البنيه !!
راشـد : انته الله يهديك !! ماحييدك جيه يابوي !! احيدك تتفاهم اول وعقب ترمس ..
بو راشـد : وبتسـافر وياك ؟؟؟
راشـد : هيه طال عمرك ..
بو راشد : وليش ما تبـا ترد بيت اهلهـا ؟؟
راشـد : تقول مرتـاحه اهنيه ..
بو راشـد : بعد هب زين .. الحين بيقولون سويت شي حق بنتنـا ومادري شو ..
راشـد : يا بوي والله مامسيتهـا بلااك انته !!
بو راشـد : انزين وينها هيه برمسهـا ..
راشـد : دخيلك ابويه لاتعصب عليهـا روحـها تعبانه ..
بو راشـد : ماعليك فديتك .. شرات بنتي وبحطهـا فعيوني ..
جـان يسير صوب غرفتها ودق الباب ..
دق دق دق
فطـوم : مــن ؟
بو راشـد : عـمج عبدالله .. فجي الباب فديتج ..
فطـوم استغربت لبست شيلتهـا مال البيت و فجت الباب و مارمست سيده يلست ع الشبريه ..
بو راشـد : شحالج غناتي ..
فطـوم استغربت .. ابتسمت : يسرك الحال عمي ..
بو راشـد : فديتج عـاد اسمحيلي !! ها الهرم ماخبرني السالفه من قبل ..
فطـوم : مسموح الغـالي ..
بو راشـد : لاتشلين فخـاطرج .. وانا آسف مره ثانيه
فطـوم قامت و حبه ع راسه : مسموح قلنـالك .. ابتسمت له ..
بو راشـد : فديتج والله .. صح الله خذا مني حرمتي وبنتي .. بس عوضني بـ بنت شراتج ..
فطـوم انصدمت : ليش ام راشد متوفيه ؟
بو راشـد : هيه فديتج .. الله يرحمهـا ..
فطـوم حزنت : الله يرحمهـا ..
بو راشـد : ها عيل يقولون بتسـافرين شهر العسـل ..
راشد دش عندهم : ههههههههههههههه اي شهر عسل الله يهديك ابويه .. شاف فطوم وهيه موخيه راسها ومحمرره ..
راشـد : جيه زين ابويه !!
فطـوم : انزين انا استحيت !!
بو راشـد : شحلاتج وانتي تستحيين ..
فطـوم : بس عـاد عمييه !!
بو راشـد : هههههههه فديتج والله .. انزين رشود خلني ويا حبيبتي اليديده وانته سير كمل شغلك ويا شنطتك ..
راشـد : ههههههههههه مبروك ابويه ..
فطـوم احمرت : اييه عاد بسكم !!
بو راشـد : ههه اسولف وياج فديتج ..
وعقب طلع راشد سـار يكمل شنطته .. وهوه يفكـر فحركات فطوم و ابوووه ..
اما فـ غرف فطوم ..
بو راشـد : تعالي ترا ولدي مغـازلجي درجه اولا !! اول ماتشوفينه يغازل ع راسه
فطـوم : افا عليك عمـي من عيوني هاي قبل هاي ..
وعقـب فطـوم تمت تسولف ويا عمــها حبته حييل ,, لين السـاعه 4 ونص .. ماحست فـ الوقت
فطـوم شهقت : اوييه شوف السـاعه كم ,, ولاتقول ورايه سفـر !!
بو راشـد : الله و اكبـر .. قومي قومي وعـي رشود وانا بسير اتيدد ..
فطـوم : اوكيه ..
قـام بو راشد يتيدد .. و سارت فطوم توعي رشود .. دقت الباب مره مرتين مارد عليهـا .. دشت عليه .. فجت الليت الصغيـر .. وسارت صوبه شافته فـ سابع نومه وشعره ع ويهه وشكله كيووت تمت تضحك عليه ..
فطـوم : راشد .. راششد ..
راشـد : ......
فطـوم : رشوود !!
راشـد : همممم
فطـوم قووم نش الصـلاااه !!
راشـد : الساعه كم ؟
فطـوم : 4 ونص يلا قوم ..
راشـد قام وعدل شعره : ان شاءالله ..
فطـوم طلعت عنه وسارت الصـاله ..
بو راشـد : هاا نش ؟؟
فطـوم : هييه ..
بو راشـد : انزين فديتج .. انا بقفل عليج باب البيت وانتي دشي الحجره و قفلي ع عمرج الباب واذا سمعتي حد يدق عليج لاتفتحين ..
فطـوم : لاتوصي الغـالي ..
وعقب 5 دقايق ,, يا راشد وهوه كاشـخ .. جان يطلعون و يسيرون المسيـد ..
وفطـوم دخلت الحجره تشوف شو ناقصنهـا وجيه والحمدالله هب ناقصنـها شي .. طلعت من الحجره سارت سوت ضـوو !! ويوم خلص حطته فـ المدخن ودخلت الحجره .. دخنت عباتها و شيلتها و ثيابهـا .. و طلعت وسارت غرفة راشد و دخنت الثياب اللي بيلبسهـم .. وعقب حطت المدخن فـ الصـاله .. وسـارت الحجره .. لين ما وصـلوا راشد و ابوه .. جان تطلعهم ..
بو راشد يشم ريحة البيت : يالله محلاات الريحه
فطـوم : ههههه .. انا مدخنه البيت
بو راشـد : عيل تعالي دخنيني ..
فطـوم : من عيوني .. جان تاخذ الدخون وتدخن بو راشد ..
بو راشد : تسلمين فديتج ..
راشـد : وانا ؟؟
فطـوم : دخنت ثيابك فـ الغرفه ..
راشـد : هييه مشكـوره
بو راشـد : متى السفـر ؟؟
راشـد : بنطلع سـاعه 6 ..
بو راشـد : خلاص انا بوديكم المطـار ..
وعقب سوالف و الضحك .. استوت السـاعه 5ونص .. قامو راشد و فطوم يتلبسـون .. و بو راشد سار يبدل ثيـابه ..
عنـد رشـود ..
دش ياخذ شاور منعـش ع السريع .. و يوم خلص .. سار نشف شعره الغلييض .. ولبس بنطلونه الجنـز .. وقميص بيبي بلوو وعليه كتـابه هب مفهومه باللون الازرق الغـامج ..
تعطــر و حط دهن عود كشكش شعره و لبس نظـارته الشمسيه وطلع سـااااكب !! وسـار وقف شنطته ..
عنـد فطـوم ..
توها طالعه من الحمـام .. زهبت شنطتها اللي بتشلهـا " كانت خلقتهـا جنز ولون الشنطه حمـرا" .. وحطتلهـا شدو الاسود و جحال و مسكره و كمن قلوس وعطر صغير .. سارت لبست ثيـابهـا واللي هم .. قميص ابيض ايد طويله .. وعليه قميص احمر و ابيض مخطط بخطوط عراض > بالطول .. وياي وياه تنوره طويله بس هب وايد جيه ياي كسرات .. ولبست بنطلونها الجنز .. ويلست ع الكرسي وخذت شنطتها و طلعتلها جحالها و مسكرتها و قلوسهـا .. رسمت عيونها و حطتلها مسكره و حطت قلوزها اللي ياي ع وردي واحمر .. تعطرت وحطتلها البودره .. وطلعت كيـوت .. وكانت مزهبه اكسسوار .. لبست كواشيها " لونه احمر " والمريه كبيره عليها لولو احمر .. ولبست ساعتها و كمن سويره > مال الدفاشه لول .. لبست سوكسهـا و بوتهـا ..
دق دق دق
فطـوم : منـوووه ؟
بو راشـد : فديتج خلصتي ؟
فطـوم : هيه عمـي .. دقابق وبييكم ..
بو راشـد : انزين فديتـج ..
يوم لبست بوتهـا عدلت بنطلوهـا من تحت .. شلت الاغراض اللي طلعتهم من الشنطه وردتهم .. لفت شيلتهـا .. ودزت شنطتهـا مال السفـر ..
شافت راشد جدامهـا .. تمت تشووفه وفخاطرهـا : سبحـاان الي سواااك !!
راشـد بصوت واطي : ياويل حاليه كااشخه ..
فطـوم رفعت حيايها وفيها ضحكه : نعـم ؟
راشـد : سلامتج .. عطيني الشنطه ..
فطـوم : بسير البس عباتي و بييبكم السيـاره ..
راشـد شافها : اوكيه فديتج ..
فطـوم قفطت .. وروحت بسرعه وسارت لبست عباتها وخذت شنطتها و سارت عند بو راشد ..
بو راشد : ماشالله ع بنتي مستويه حلوه .. اغار انا شو مسويه !!
فطـوم استحت : الله يهديك عمي هب مسويه شي ههههه
راشـد كان توه محطي شنطت فطوم و جان يركب جدام و تحركـوا .. و عـاد فطـووم تتامل صوب الدريشه وهم يسولفون عن الدوام و الشركات ومادري شوه .. بو راشد يشوف فطوم سرحـانه
قال بيطفربهـا شويه ..
بو راشـد : اكيد تفكر فيني
فطـوم طـاف : ...........
بو راشـد : هاا وين وصلتي ؟؟
فطـوم انتبهت : هاا شوه ؟
راشـد : ولا على بالهـا
فطـوم : بـلااكم ؟؟
راشـد : فشوه كنتي تفكرين ..
فطـوم : فنـاااس ..
بو راشـد : ههههههههههه .. ياويل حالي عليهم !! مساكين !
فطـوم : ههههه .. بصوت واطي : وابويه بطـني !! نسيت آخذ الدوا !! و الدوا فـ الشنطه .. استغفر الله !!
وعقب ربع سـاعه .. وصلـوا المطـار و كان زحمــه !! بس شغل الواسطـات يمشي عـاشو لوول
سلم راشد ع ابووه .. و فطوم سلمت عليه بعد ..
بو راشـد : تحمل ع فطيم عااد !!
راشـد : افا عليك ابويه .. فطوم اختييه و فعيوني
فطـوم وهيه تشوفه .. وفخاطرهـا : غربلات اللي بتاخذك لاتقول اختيييه =@ ..
بو راشـد : واذا احتجتـوا اي شي رمسني ..
راشـد : افا عليك .. يلا عيل .. تحمل بعمرك
فطـوم : تحمل بعمرك عمي .. ولاتسرع
بو راشـد : ان شاء الله غناتي .. فداعة الله ..
دشـوا المطـار صوب رجـال الأعمـال ..
راشـد : فديتج سيري ايلسي اهناك لين ما اخلص شغـلي ..
فطـوم : ان شاء الله ..
تمت يالسه وتفكـر شو بيستوي فـ الايام اليايه .. وتذكر راشد يوم كان فالمستشفى كيف كان يرمسها وعقب ربع ساعه يا راشد و قطع حبل افكـارهـا ..
رشـود : يلا طوفي ..
فطـوم : اوكيه ..
وعقب مشـوا امورهم و فطوم ولاكلمه .. سارو صوب مال التفتيش .. فتشتها الحرمه و يوم خلصـوا كملوا دربهم .. لين ماوصلوا سوق الحرّه ..
راشـد : تبين شي ؟
فطـوم لايعه جبدها من بطنهـا : لا سلامتـك ..
راشـد : فطـامي انتي بلاج ؟ شي يعورج ؟
فطـوم : لا بس تعبت من المشي وبطني يعورني حيل
راشـد خاف : انزين وين دوااج ؟
فطـوم : فـ الشنطه نسيت آآخذه !!
راشـد : شـاطره !! تعالي انزين باخذلج مسكن ..
وعقب سـار و خذالها مسكن و يلسوا فكوفي يتريقـون ..
تمـوا ويوم خلصـوا سـارو صوب انتظـار الطيـاره .. وقامت فطوم وسارت تشوف الطيأره وجان تصور " طيران الأمارات " .. صورت كمن صوره وطلعـوا خبـاال ..
راشـد ياي صوبهـا محرج : اييه انتي !! وين اختفيتي ..
فطـوم بدلع : اهيء لاتحرج علييييه .. جان تروح عنـه ..
راشـد بغا يذووب .. ولحقهـا و عقب دقيقه جان يدخلون الطيـاااره ..
وعقب تمت تدور وين تيلس .. شافت عدال واحد اجنبـي فجت حلجهـا ..
راشـد : ههههه لاتزعلين بخليه يبدل ويايه ..
فطـوم بوزت ..



.


.

 

 

  رد مع اقتباس
قديم 27-02-2010, 12:28 PM   رقم المشاركة : 20
εïзĴή8ăłĩāђεïз
 
الصورة الرمزية εïзĴή8ăłĩāђεïз 




معلومات اضافية 
  النقاط : 10581
  الجنس :
  الدولة :
  الحالة :
الرسالة الشخصية

التقييم

افتراضي

 

 



تــــــــــــــآبع البآرت الخآمس ...



..



جان يسير رشود و يرمس الريال عسب يبدل وياه و وافق .. فطوم يلست عدال الدريشه .. و رشود عـدالهـا ..
فطـوم : ويي الطيـران اليديده
راشـد : هييه ليش
فطـوم : اكرهه اليديمه !! ترفع الضغط و مُمله من الخـااطر !!
راشـد : هههههه هييه وايد ..
وعقب نص سـاعه جان تطير الطيـاره .. و فطـوم 24 ساعه تسولف ويا رشود ..
راشـد : هههههههههه انزين و شو سويتي ؟
فطـوم : انا بغيت امووت .. خذت الورقه .. قلت حق ربيعتي الحقي عليييه .. المهم سرنـا قردنا الابلا بس ماشي فايده .. المهم حصلنا ربيعة ربيعتي برع قلنالها حاولي تيبين الورقه
راشـد : الابلا زختهـا صح ؟
فطـوم : لا افا عليك هههه يابلولي الورقه
راشـد : حسبي يالله عليكم !! مصايب
فطـوم : هههههههه هيه عيل اشووه ..
راشـد : عيل احيد ايام الثانويه شو كنا نسوي .. بلاوي والله
فطـوم : قولي قولي .. اموت فـ سوالف الشباب ايام المدارس
راشـد : ههههههههه انزيين .. يقولوج رشود يبـا يغش
فطـوم : عااااااااش ..
راشـد : تعلمي هالحركه انزين
فطـوم : ههههههه بعلم مريوم ربيعتي !! كمل كمل ..
راشـد : تعرفين أوراق مال البروجكتـر ؟؟
فطـوم : هيييه ..
راشـد : الله يسلمج اكتبي عليهم اللي تبين تغشينه !! و حطيه ع الطاوله مابينبـاان مـررره
فطـوم فجت عيونهـا : يخرب بيييييتك !! صدق والله كشخه حرككه حلووه
راشـد : هههههه انتي شكلج هب مال غش خوافه !!
فطـوم : موووت !! هههه بس ماعليه مره كنت ببرشم فـ امتحان التربيه الوطنيه
الله يغربل التعارييف فرو مخي !! تقريبـا 14 !! بغيت اموت .. احيد اختيه قبل كانت تبرشم بـ قلامة الرصاص اللي ايون خشب وينكتب عليهم هههه .. سرت ادور المكان اللي كانو فيه بس ماحصلت جان انا بروحي ايب قلم عادي وتميت اسحت فيه وعقب كتبت بخط خفيف و اخويه سوا اعلان فالبيت .. فطووم تغش ومادري شوه و اميه تقولي عن يزخونج المهم وعقب ها كله جان اقول مافيني !! انا روحي خوافه وفريت القلامه
راشـد : هههههههههه .. حسيت والله ..
وعقب كمل سوالف مال المدرسه .. لين ماسكتـوا .. فطوم فجت التيلفزيون وهيه تبا تشوف 10 افلام فـ نفس الوقت .. وعقب حصلتلها فلم وتمت تشوفه .. وهيه فيها رقـاد وتثـاوب .. تمت تشوف لين ما خلاص الجرج مالها خلص .. جان ترد الكرسي ورا وتحاول ترقد .. رقدت ساعتين وعقب يابو الاكل ..
راشـد : فطـوم فديتج تبين اكل ..
فطـوم تفج عيونهـا وهيه تعبانه : هـاا .. هيه .. جان تعدل الكرسي .. وحطالها الصينيه و تمت تاكل .. بس ماكلت وايد .. ويوم خلصت استغرب راشد ..
راشـد : ماكلتي !
فطـوم : بسنـي شبعـت ..
راشـد : بالعافيه ..
فطـوم ابتسمت : الله يعافيك ..
ومـر الوقـت بســرررعه .. لين ماوصـوا كـانت السـاعه 10 فليل .. وفطوم كانت متنـحه من الخاطر !! وخايفه صح انه رشود وياها بس ماتعرف شو بيستوي !! مشـوا امور المطـار وخذو شنطهم و سـاروا الفنـدق .. و فطـوم من التعب رقدت وكانت صوب الدريشه حطت راسها ع جتف رشود بدون ماتحس و يوم وصلوا الفنـدق وعاها وجان ينزلـون .. وهيه مصطلبه .. شاف حجز الغرفتين .. ويوم خلص شغله .. ساروا صوب الغرف .. قاد فطـوم .. و وصلهـا غرفتهـا .. و اتريوا لين ما وصلن الشنط .. و دخلهن الغرفه..
راشـد : تحملي بعمرج فديتج ولاتفتحين لحد البـاب !!
فطـوم وهيه تثاوب وحاطه ايدها ع ثمهـا : ان شاء الله
راشـد : بخيهـا رقاد عيل
فطـوم : اسكت تعبانه من الخااطر !!
راشـد : هههه انزين فديتج .. تصبحين ع خير ..
فطـوم بحنان : وانته من اهله ..
وجـان يروح عنهـا وهيه دشت وعقب كل واحد سـار يرقد ..
اليـوم الثـاني .. غرفة رشود ..
توه فاج عيونه .. يت ع باله سييده فطـوم .. جان يتصل ع غرفتهـا .. تم يرن يرن يرن بس محد شله ..
رشـود : بلاها هاي .. شكلها راقده .. جان يقوم ..
قال بيتسبح و بيتلبس و بيتصلبها مره ثانيه .. دش الحمام وخذا شاور ع السريع .. ويوم طلع لبس ثيابه " بنطلون جنز اسود .. و قميص احمر عليه رسمـات بالاسود .. عدل شعره و يلس ع الشبريه واتصل مره ثانيه حق فطـوم ..
تمر يرن يرن يرن .. وفطـوم حست فخاطرهـا : ياربيه منو هـا !! ابا ارقد اانااا .. جان تمد ايدها صوب السماعه وشلتها وهيه مصطله هب حاسه فالدنيـا ..
فطـوم بتعب : آآآآلووه ..
راشـد فخاطره : ياويل حاليه راقده .. : صبـاح الخيـر ..
فطـوم تعدلت : همممم .. صباح الخيـر



..



كـــت ..



السموحهـ ..

 

 

  رد مع اقتباس
قديم 27-02-2010, 12:29 PM   رقم المشاركة : 21
εïзĴή8ăłĩāђεïз
 
الصورة الرمزية εïзĴή8ăłĩāђεïз 




معلومات اضافية 
  النقاط : 10581
  الجنس :
  الدولة :
  الحالة :
الرسالة الشخصية

التقييم

افتراضي

 

 

السلآم عليكم والرحمهـ~.
..
وهذآ الجزء السآدس~.
..
تمر يرن يرن يرن .. وفطـوم حست فخاطرهـا : ياربيه منو هـا !! ابا ارقد اانااا .. جان تمد ايدها صوب السماعه وشلتها وهيه مصطله هب حاسه فالدنيـا ..
فطـوم بتعب : آآآآلووه ..
راشـد فخاطره : ياويل حاليه راقده .. : صبـاح الخيـر ..
فطـوم تعدلت : همممم .. صباح الخيـر
راشـد : يلا بسج رقـااد ..
فطـوم تتمدد : آآآآآآآه ياربي فيني رقااد ..
راشـد : هههه بسسج !! يلا خذي شاور ع السريــع .. وبيطير النـوم ..
فطـوم : ان شاء الله .. جان تخوز اللحـاف ..
راشـد : يلا فديتج .. باي
فطـوم : بايات ..
جـان تقـوم وفجت شنطتهـا وخذتلها فوده وشامبـو .. دشت الحمام .. وعقب 10 دقايق طلعت .. نشفت جسمها ولبست ثيابهـا .. بنطلـونهـا الأسود .. و قميص اسـود نص كوم و لبست عليه قميص كت وردي هـادي طويل ومكتـوب تحت الصدر Be Be .. وتعطرت فالعطر الصغير اللي كان فشطتها الحمرا .. سارت صوب شنطتها طلعت سشوارهـا وشنطتها الصغيره .. اللي فيها سوالف المكياج و الكريمات ومادري شو .. اول شي سشورت شعرها لين ما جف .. وعقب لفته بتوكه .. وفجت الشنطه الصغيره ويابت شنطتها الحمرا .. طلعت اللي فيهـا .. رسمت عيونهـا وحطتلها مسكره .. وحطت شدو اسود تحت عيونها و شدو وردي خفيف فوق .. حطتلها بودره شويه .. وكوت شيلتهـا وطلعتلها الشنطه الورديه وحطت اغراضهـا فيها وشغلت فونهـا .. وسارت لبستلها اكسسوار .. وعقب لفت شيلتها .. وطلعت من الحجره وسارت حجرة راشـد .. دقت الجرس وحطت ايدها ع هالعيون
راشـد استغرب .. جان يفج الباب .. من شافهـا بغـا يذوب ..
راشـد : مرحب ملااااين ..
فطـوم : اهليين ..
راشـد : شو جاهزه ؟
فطـوم : هيييه ..
راشـد : انزين تريي بيب فوني ..
جان يسير ايب فونه و بوكه ونظارته .. وسكر بباب الحجره ..
فطـوم : تريا بيب عباتي ..
راشـد يغمزلهـا : هب لازم ..
فطـوم : ابركهـا من ساعه .. هههههههه منززمان وانا فخاطريه ما البس عباه يوم اسافر .. > استخفت خخ ..
راشـد : انزيين .. طووفي ..
وعقب سـاروا تريقـوا تحت .. وعقب سارو صوب السووق .. من الصبح لين فليل ..
وطبعـا راشد ماخلا مكان وماسارله ويا فطيـم .. وتمت طول اليوم مستانسه ..
واليوم الثاني .. سـار الجامعه .. من الصبح لين الظهر وهوه فالجامعه .. وعقب يطلع ويا فطوم يتغدون ويسيرون صوب السوق لين فليل .. وكل يوم ع هالحال وفطوم مرتـااحه وايد ويا راشـد .. كل يوم تتعلق فيه اكثـر من امس .. بس ساعات ايها شعـور غير اتجـاهه !! وخاطرها تفسره بس ماتعرف كيف !! ساعات تقول حب او اعجاب او .. او .. بس حطت فبـالها انه هوه معتبرنهـا شرات اختـه ومستحيل يحبهـا اصـلا !! وبعد فـارق السن !! و يا عيد ميلاد راشـد وسوو هم الثنين بارتي صغيرون .. وطبـعا راشد عمره مابينسـى هـاك اليـوم .. ومرت الايام ع خير .. وفطوم كل ما يروح رشود الجامعه تشبك ع النت .. وترمس مريوم و اسـووم .. وساعات ماتحصل حد لانه رقوود .. طبعـاً حالت ام محمد ماتسـر !! تقريبـاً شهر وهيه هب شايفه فطـوم ولا سامعه صوتها الا مريوم تقولهم شخبارها و شو احـوالهـا .. وعرفت انها مسـافره ..
ع العـمووم = ) .. مرت الايـام بسرعه .. وفطوم ماخذه كل اغراضهـا من بريطـانيـا ومتخبله ع الاغراض .. وعقب يومين ردوا البـلاد وكـان بو راشد يتريـاهم فـ البيت .. يوم وصـلوا .. كانو واصلين السـاعه 6 ..
فطـوم سـارت صوب بو راشد .. دشت البيت بـ شوق ..
فطـوم مستانسه : عمـييييه !!
بو راشـد شاق الحلج : فـاطمه !!
فطـوم سيده لوت عليه بدون ماتحس : شحالك فديتك ولهت عليك حييل !!
بو راشـد : فديتج والله بخير دامني شفتج .. الحمدالله ع السلامه غناتييه
فطـوم : الله يسلمك فدييتك ..
راشد دش : الله الله شوهالجـو الرومـانسي
فطـوم قفطت جان تعتدل : هـا مسوينـا شي .. ها شرات بابا ..
بو راشد : الحمدالله ع السلامه فديتك
راشـد : الله يسلمك الغـالي ..
بو راشد يشوف فطوم : جيه مستويه جيييه !! وايد ضعفتي ..
فطـوم : صدق ؟؟ احسن انا روحي ابا اضعف ..
بو راشـد : لا قبل احلى .. ويغمزلهـا
فطـوم قفطت تبا تغير السـالفه : هههه .. هيه انزين انا بخليكم ..
بو راشـد : وعقب تعـالي برمسج عن المدرسـه ..
فطـوم : ان شاء الله ..
شلت فطوم شنطتهـا العـوده و دشت الحجره .. قفلت الباب فصخت عباتها وفجت الشنطـه .. طلعتلهـا بجامه كيـوووت .. تسبحت ع السريع و تلبست و صلت جان تلبس شيلتها مال البيت وطلعت صوب بو راشد ..
بو راشـد : نعيمـا نعيمـا ..
فطـوم ابتسمت : الله ينعـم عليك فديتك ..
بو راشـد : انزين فديتج .. الحين بتسيرين صف كم ؟
فطـوم : يقولون .. اول ثانـوي ..
بو راشـد : هييه ماشالله .. انزين بتكملين دراستج فـ الشارجه
فطـوم بجديه : لا من قـال !!
بو راشـد : عيل وين ؟
فطـوم : اممم عـادي اهنيه ..
بو راشـد : ويا منو بتمين اهنيه ؟؟ عقب كمن يوم راشد بيرد يسـافر
فطـوم انصدمت فخاطرهـا : نعـم !! بيسافر وين بيسير !! مابـااا جان تسرح : .......
بو راشـد : وين بركنتـي ؟؟
فطـوم استوعبت : هـا هيه انزين
بو راشـد : بـلااج !! لايكون تحاتين ولدي .. جان يغمزلهـا ..
فطـوم ارتبكت : هـا لااا بس افكر فالمدرسه .. > عآآشو الجذب ..
بو راشـد : انزين فديتج .. انا بروحي فـ بوظبي من الدوام لين البيت .. وعند الربع .. شو رايج بيب اوراقج فـ بوظبي ..
فطـوم فجت عينهـا : انا بعييش فـ بوظبي ؟؟؟؟
بو راشـد : هيه ليش ..
فطـوم بحنـان : ياويل حـالييه .. هيه هيييه موافقه ..
بو راشـد : ههههههههه .. شوفيج ؟؟؟
فطـوم : ياخي اتخبــل ع بوظبـي .. يبـالي آآخذ واحد من غراشيــب بوظبي ..
بو راشـد يعتدل : جيه وانا هب غرشوب ؟
فطـوم : ابــــــدن !! اشهد انك غرشوب من غراشيب بوظبي!! .. الا اتخبرك .. وين رشود ؟
بو راشـد : راقد ..
فطـوم : هيه حليله .. انزين متـى بتسيير ؟؟
بو راشـد : اليوم بسير و بخلصلج الشغـل كله ..
فطـوم : انزين بالله عليك وين بتحطنـي فـ اي مدرسه ؟؟
بو راشـد : هههه لاتحاتين احسن مدرسه ..
فطـوم : هييه انزين مشكـوور ..
وعقـب تريـق وياها بو راشـد .. ونش سـار الشـارجه يكمل شغله .. و بـالمره سـار المدرسه اللي فطـوم كانت بتسيرلهـا و نقلهـا بوظبي .. وعقب رد سـار بيت دبي .. سلم ع فطوم عسب انه بيسير بوظبي .. وعطاها رقمه .. وجان يروح ..
فطـوم فخاطرهـا وهيه تشوف الموتر يوم يتحرك : فديتكـ والله .. الله لايحرمنـي منك !
قـربت المدرسه .. و قرب سفـر راشد .. وفطـوم الله يعلم شو بيستويلهـا وهوه ولا على باله يتحرا انه سفره عادي !! فطوم مابينت حق اي حد .. حتى مريوم !! مع انه هيه كاتمة اسرارهـا .. ولا خبرتهـا !! مرت الايـام ويا موعـد سفـر راشـد .. بو راشد و فطوم وصلـوه المطـار .. و فطوم شكلها متغيـر 180 درجــه !! ..



تآبع ...

 

 

  رد مع اقتباس
قديم 27-02-2010, 12:31 PM   رقم المشاركة : 22
εïзĴή8ăłĩāђεïз
 
الصورة الرمزية εïзĴή8ăłĩāђεïз 




معلومات اضافية 
  النقاط : 10581
  الجنس :
  الدولة :
  الحالة :
الرسالة الشخصية

التقييم

افتراضي

 

 

تآبع الجزء السآدس ..


..



بو راشـد : تحمل بعمرك راشد .. وشد حيلك !
راشـد : افا عليك ابويه .. لاتوصي ولدك ..
جان يسلم عليه و فطوم مربعه ايدها .. وتتأمل فيه ..
يووم سار بوراشد صوب السيـاره ..
راشـد : شو ماتبين تسلمين عليه !
فطـوم تمت ساكته وتشوفه ..
راشـد : شوفيج فديتج !
فطـوم تغيرت نبرات صوتهـا : لا ماشي رشود .. ابتسمت : تحمل بعمرك .. والله يوفقك .. وتروح و ترد بالسلااامه ..
راشـد حس فيها شي .. تقرب منها وخلا عينه صوب عيونهـا وهيه ماتحب هالحركـات كمن مره يوم تزعل يسويلها هالحركه : اشـوفج
فطـوم قفـطت : مـابا ..
راشـد : اشوف اشووف .. جان يخلي ويهها صووبه .. : شوفيج ؟ بتصيحين صح ؟؟
فطـوم مسكت عمرهـا جان تنقع من الضحك > من ورا خاطرهـا : ههههههههههههه لييش اصييح .. لا عيوني مابصيـح بس بتوله ع سوالفكـ ..
راشـد : افا عليج اختييه كل يوم برمسج ع المسن ..
فطـوم : يصير خير .. تحمل بعمرك ولاتفج الباب حق حد فليل ..
راشـد : جيه انا انتي !!
فطـوم : هههههههههه عن الجذب انا ما افج ..
راشـد : ادريبج خوافووه ..
فطـوم : هههههههه جب ..
بو راشـد : يلا فديتك .. > سلم عليه مره ثانيه ..
راشـد بصوت واطي : امانه عندك فطيم ..
بو راشـد : لاتخاف ع حرمتكـ ههههههه
راشـد : ياريـال شرات اختــيه !!
بو راشـد : هههه ادري انزين ..
جان يسير راشـد صوبها ومد ايده هيه فجت حلجهـا ماحبت تقفطـه مدت ايدها .. وتحس بايده ضاغط ع ايدها بالقوو .. رشـود فخاطره : فديت هالاييد !! آخر مره ميودنها .. فـ المستشفـى ,, فطوم يوم حست انه طولت مطت ايدها بسرعه .. جان يروح راشد وهيه امبوزه ومعقـده حياته جان تركب السيـاره وتغشـت .. تحرك بو راشد و سـار صوب داره >> ad
بو راشـد : فطيم فديتج ليش متغشيه محد اهنيه و السيـاره مخفي ..
فطـوم تهدي عمرهـا : لا فديتك انا جيه مرتـاحه ..
بو راشـد : اوكيه فديتج ..
جـان يشغـل الـ f.m .. كانو محطين بداية غنية " غيرك بقلبــي "
فطـوم فخاطرها : العـووق !! جان تطول عليهـا .. وعـادة ذكريـات اول .. صاحت زياده بدون صوت
فـ نص الطريج اتصل راشد ع ابوه و قال انه بيركب الطيـاره الحين .. و فطوم من عرفت دمعت .. بو راشد حس !!
بو راشـد : فطوم شلي اللي ع ويهج
فطـوم فخاطرهـا : لااا ودموعي .. : عمـي انا جيه مرتـاحه قلتلك ..
بو راشـد : وانا ابا اشوف ويهج ! افا ترديني !
فطـوم نزلت الغشـوه : ماعاش من ردك ..
بو راشـد : صايحه ؟؟؟ لييش !
فطـوم : لا ماشي اذكر يام المدرسه ..
بو راشـد : تجذبين عليه !!
فطـوم ارتبكـت : هـا .. لا لا
بو راشـد رفع حيايه : فطيييم !! اعرفج انا .. قوليلي شوفيج ..
حبك حبيبي في الضماير كواني
كل الجوارح تشتكي من طعونك
لو بإختياري ما إفترقنا ثواني
ولا عشت لحظه ياحياتي بدونك
الحال عقبك صار ناحل و داني
لو شفتني بتسيل دمعة عيونك
فطـوم اهنيه صاحت : ياعمييه مافيني شي ..
بو راشـد : انزين عيل ليش تصيحين ؟؟
فطـوم تمسح دموعهـا : ماعرف ..
بو راشـد : راشـد ؟؟
فطـوم : هـاا !! هيييه
بو راشـد : فطيييم .. جان يغمزلهـا : لايكون تحبينه
فطـوم فجت عيونهـا : هااااااااا !! لاااا عمـيييه احبه شرات اخوويه لا اكثر ولا اقـل !!
بو راشـد هب مرتـاح : اهاه اوكي ..
وعقب ساعه ونص .. وصـلوا بوظبي ..
وفطـوم هب مصدقه عمرهـا .. منزمـاان فخاطرها تسيير !! تمت شاقه حلجهـا طووول الوقت و بو راشد يضحك عليهـا .. و يوم وصـلوا البيت .. الخدم دخلـوا شنطتهـا .. وبو راشد دش وياها البيت ..
فطـوم : مشالله .. بيتك رووعه ..
بو راشـد : تسلمين فديتج .. والي هوه بيتج بعـد
فطـوم شافته و ابتسمتله ..
بو راشـد : يلا بابا رقـاد شوفي السـااعه كم !! وراج مدرسه باجر ..
فطـوم : انزين عمييه اخاااف !!
بو راشـد : تخافين من شووه ؟
فطـوم : المدرسه ماعرف عنهـا اي شي !!
بو راشـد : ماعليه فديتج .. انا بوصلج لين داخل ..
فطـوم : انزيين ..
بو راشـد : انتي الحين ظبيانييه انزين
فطـوم : ههههههههههههههه .. عـااشو ..
بو راشـد : هيييه عيل اشووه .. اي حد بيسـالج قوليلهم من بوظبي ..
فطـوم : هههههههه .. ان شاء الله عمـي ,, تصبح ع خير ..
بو راشـد : وانتي من اهله فديتج ..
ركبت الدري .. وسـارت تدور عاد وين ودوو شنطتهـا .. شافت البشكـاره توها طالعه من غرفه .. عاد فطوم لوح دشت الغرفه وهيه ماتعرف مال منـوه .. يوم دشت شافت كل شي مرتب و الحجره حجرة بنـاات .. لونهـا وردي و كيـوووت .. لفت جان تشوف شنطتهـا .. عرفت انه غرفتهـا
سكرت الباب .. دشت اتسبحت بسرعه ولبست ثيابها و صلت .. وعقب طلعتلها عبااتها و شيلتهآ و البس اللي بتلبسه باجر " حالييـا لين ماتيبلهـا ملابس المدرسه " .. جان تطلع من الحجره شافها بو راشـد ..
بو راشـد : خير فديتج ؟؟
فطـوم قفطت : هـا لا بس ابا حد يكويلي ثيابي حق باجر ..
بو راشـد : عطيني ياهم انا بعطيهم البشكـاره .. عصب عليهـا : انتي ارققدي
فطـوم خافت : ان شاء الله ان شاء الله ..
سصكرت البـاب .. واتصلت حق مريوم ..
مريـوم : ياااااحييج .. عيل صرتي ظبيـانيه
فطـوم : اسكتي مريوم عووقي عوووقي
مريـوم : انزين عيل سافر رشودج ؟
فطـوم تغيـر صوتهـا : هيه سافر .. الله يحفظه و يرده بالسـلامه ..
مريـوم تبا تلعوزهـا : هااا فطـوووم .. شالسالفه ؟؟
فطـوم تبا تكابر : ياختي ماافي شي !! اخويه و احاتيه حرام ؟
مريـوم : اخـوووج ؟؟
فطـوم : اخبرج الشرهه هب علييج .. ع اللي يتصلبج . يلا باي .. مدرسه باجر
مريـوم : قمنـا نحب
فطـوم : لا قمنـا ولا يلسنـا .. يلا باي ..
مريـوم : هههههههه .. باي ..
.
.
.
الاحــد .. سـاعه 6 ..
عنـد فطـوم ..
دق دق دق .. دق دق دق
فطـوم نشت : منـوووه ؟
روزلين : آآم روزلين ..
فطـوم نشت من الشبريه و سارت فجت الباب : هممم
روزلين : بابا يقول .. نشي و لبسي يور ملابس
فطـوم فخاطرهـا : عاشو شراتي هاي انجليزي ع عربي : ان شاء الله ..
صكرت الباب وخلت ثيابها ع الشبريه .. دشت الحمام تغسلت وعقب طلعت صلت .. لبست ثيابهـا واللي هم : بنطـلون سمـاوي شويه غـامج .. قميص ايده طويله وكان لين فوق الركب "فالنص"
تجحلت وحطتلهـا شدو اسـود تحت عيونهـا .. وحطتلها مرطب " لونه عنابي > ماكان ينبان وايد"
لبست جوتيهـا الاسود .. وتعطرت .. كانت عندها منظره صغيره خشتها فـ المخبـا اللي فالبنطلون .. و دفتر صغير و قلم لول .. وجان تطلع ..
بو راشـد : يه يه يه كاشخه ..
فطـوم : ههههههه .. افا عليك .. شكلي اليوم بتصفع انا
بو راشـد : يخسـون ! ماحد يروم يسويلج شي .. بجتلهم
فطـوم : هههههههههه ..
بو راشـد : تعالي تريقي ..
فطـوم : بس ابا عصير برتقـال ..
بو راشـد : بالعافيه فديتـج ..
يوم خلصـوا ريوق .. سارو المدرسه و فطوم قلبهـا يدق ويدق .. يوم وصـلوا دشوا صوب الاداره و بو راشد رمسهم وجيه .. وخلا حد يوديهـا صفهـا .. من دشت الصـف وهيه فاجه عيونهـا ..
فطـوم فخاطرهـا : ياويلي انا !! الله يستـر ..
جـان تيلس آآآخر وحـده صوب اليسـار .. وكل حد يشوفهـا .. وقفت جان تطلع الدفتر والقلم وتمت تشخبط .. ولا دقايق .. وحـده تي صوبهـا وهيه مصدومه ..
ميـره : فطـوووم !!!
فطـوم فاجه عيونهـا : خيـر ؟!
ميـره : ماعرفتيني !
فطـوم : لاء !!


كــــــــــــــــــــــــــــــــــــــــت !!

 

 

  رد مع اقتباس
قديم 27-02-2010, 06:51 PM   رقم المشاركة : 23
εïзĴή8ăłĩāђεïз
 
الصورة الرمزية εïзĴή8ăłĩāђεïз 




معلومات اضافية 
  النقاط : 10581
  الجنس :
  الدولة :
  الحالة :
الرسالة الشخصية

التقييم

افتراضي

 

 


البـــارت .. " 7 "


جـان تيلس آآآخر وحـده صوب اليسـار .. وكل حد يشوفهـا .. وقفت جان تطلع الدفتر والقلم وتمت تشخبط .. ولا دقايق .. وحـده تي صوبهـا وهيه مصدومه ..
ميـره : فطـوووم !!!
فطـوم فاجه عيونهـا : خيـر ؟!
ميـره : ماعرفتيني !
فطـوم : لاء !!
ميـره : انا ميمي !!!
فطـوم صرخت : مييييمييي .. اشحااااااااااااالج .. ولوت عليها بالقوو ..
ميـره : بخيير وانتي شحالج !! شو يايبنج اهنيه ؟؟
فطـوم : سالفه طويله عريضه ..
ميـره : احيد مريوم قالتلي انج فـ دبي ..
فطـوم : قالتلج السالفه كلهـا ؟
ميـره : هييه .. كسرتي خاطريه !! وانتي مسودة الويهه تشردين ليش ؟
فطـوم : ههههه كيفيي .. المهم انتي شحالج ؟
ميـره : بخير والله .. الحمدالله انج اهنيه .. بودر كلهم وبييج ..
فطـوم : ها صفج ؟
ميـره فرحـانه : هيييييييه
فطـوم : ياربيه ماصدق انج انتي اهنيييه !!
ميـره : ههههههههه حتى انا والله .. انزين خبريني .. شو يابج بوظبي ؟
فطـوم : الله يسلمج راشد مسافر .. وعمي عبدالله خـذاني وياه ..
ميـره شاقه الحلج : يعني انتي بتمين اهنيه دووووم ؟؟
فطـوم : هييييييييييييه ..
ميـره : ياويلي ياويلي !! احلى خبر سمعته اليوم ..
فطـوم : هههههههههههه .. خبله ..
ميـره : عيل قلبج سافر ..
فطـوم استغربت : اي قلب ؟
ميـره رفعت حيايه وغمزلتهـا: رشوود ..
فطـوم : اششش !! وطي صوتج .. سميهـا ريــم !!
ميـره : انزيين .. سافرت ؟
فطـوم : هيه امس فليل ..
ميـره : هييه ومتى بترد ..
فطـوم حطت كوعها ع الطاوله وكفها صوب راسهـا : ياختي ماادري !!
ميـره : اخبرج حلووو ؟؟؟ مريوم قالتلي يخبل !! بس ابا اسمع منج !
فطـوم : هههههههه .. خبله انتي .. هيه حليو ماشالله ..
ميـره : ياحييييج !! انزين قومي خلينـا نتمشـى ..
فطـوم : لا استحـي !!
ميـره : شو تستحيين .. تعالي ومطتهـا وطلـعوا برع .. وبنـات الثانويه كلهم يشوفون ميروه و فطوم ..
فطـوم : وييي احس شكلي غلللط !!
ميـره : طنشي !! خليهم يولون .. اخبرج .. قولي حق عمـج من الحين .. اذا طلعنـا وسرنـا المرينـا الخميس .. تعالي ويانا ..
فطـوم : اييه شو فشـله !!
ميـره : جب انزيين !!
فطـوم : ان شاء الله ..

وعقب رن الجرس .. وسـاروا الكفتريـا وفطـوم حيييل مستـانسه لانه حصلت ربيعتهـا .. وعقب ساروا ياخذون الكتب .. و فطوم خذت الملابس .. ليين مارخصـوهم .. فطوم اتصلت بسرعه حق عمهـا ..
بوراشـد : فديتج انا بطلع الساعه وحـده ..
فطـوم تشوف ميره : انزين ويت .. " ترمس ميره " : عادي توصلـوني البيت ؟
ميـره : من عيووني هاي قبل هاي ..
فطـوم : فديت عيونج .. انزين عمي .. ربيعتي بتوصلني ..
بوراشـد : ومن هاي ربيعتج ؟
فطـوم : هههههه بخبرك بعدين ..
بو راشـد : انزين عاد تدلين ؟
فطـوم : هيه ماعليه ههههههههه
بو راشـد : الله يستر .. تحملي بعمرج ..
فطـوم : ان شاء الله فداعة الله ..

وعقب اتصلت ميمي حق امها .. وعقب 10 دقايق وصلت .. سلمت ع ام ميره .. و ميره خبرتهـا عن فطـوم .. وعقب وصلوها البيت .. اونها تعرف وين مكـانه !! طفرت بـ بو راشد .. ويالله يالله لين ماوصلت .. وعقب ميره عطتها رقم بيتهم .. ودشت البيت .. سارت غرفتهـا بدلت ثيابهـا و صلت .. ويلست تجلد كتابـهـا .. ويوم خلصت سمعت صوت عمهـا .. هدت اللي فايدها وسـارت صوبه
بو راشـد : هـلاااا والله
فطـوم : هلا فييك .. اشحالك فديتك
بو راشـد : بخير ومن صوبج ؟
فطـوم : تماام والله
بو راشـد : اخبرج !! منو هاي ربيعتج اللي رديتي وياها وحالج رابعتي !
فطـوم : هههههههههههههه .. لا عمييه .. هاي اعرفها من فتره .. عرفتني بس انا ماعرفتها
بو راشـد : هييييه .. زين بعد حصلتيلج حد .. شو تغديتي ؟
فطـوم : لا اتريـاك .. يوعـانه !!
بو راشـد : يلا انزين الحين ياي ..

وعقب سارت صوب طاولة الطعـاام .. ودقايق جان اييها بو راشد .. وتغـدوا ..
وعقب 10 دقاايق ..
فطـوم : يالله شبعت !!
بو راشـد : مسسرعه !! كملي غـدااج
فطـوم : ههه فديتك والله شبعت ..
بو راشـد : بالعافيه فديتج .. انزيين .. شو سويتي اليوم ؟
فطـوم : والله ماشي خذت الكتب .. توني مخلصه تجلييد ..
بو راشـد : هب ناقصلج شي .. ماتبين تسيرين المكتبه ؟؟
فطـوم : همممم لين الحين لا .. بشوف لين الخيمس .. اكيد بيطلبون ..
بو راشـد : هييه انزين .. يلا تحملي بعمرج وانا بسير ارقد لين العصـر .. وعقب بنطلع
فطـوم : ع فيـن ؟؟
بو راشـد : بنغـاازل .. جان يغمزلهـا
فطـوم : ههههههههه .. ما اقول لا ..
بو راشـد : ههههههههههه .. بخبر عليج ولدي ؟؟
فطـوم : خبره شو بيسوي يعني هههههههه
بو راشـد : هههههههه لا لا اسولف وياج .. يلا انا ساير
فطـوم : تمسي ع خير فديتك ..
جـان يروح عنهـا وهيه تمت بروحهـا ..
وعقب نص سـاعه .. سارت تهذرب ويا مريوم شويه ..
فطـوم شهقت : ماقلتلللج !!
مريـوم : شو بعـد !!
فطـوم : انا وميمي كنـا يالسين بروحنـا فالكفتريـا .. جان ايوونـا شلة بنـات .. " بحطلكم الموقف"



.
.

البنيه : عـادي نيلس ؟
فطـوم ابتسمت : هيه عـادي ..
5 بنـات يلسـوا !! واللي عدال فطوم يمكن بويه .. و فطوم ماكانت مجابلتهم عـدل .. مايله صوب ميمي .. دقايق
البنيـه : شسمج ؟
فطـوم : فاطمـه ..
البنيه تشوف ميروه : وانتـي ؟
ميـره : ميـره ..
البنيـه : اهـاه .. من اي مدرسه ..
ميـره قبل لا ترمس مريوم: نحنا الثنين من قرطبـه
البنيـه : اهـاه ..
فطـوم شافت ميره و سكت ,, وردو يسولفون .. وفطوم زايغه و تيود ايدهـا
ميـره بصوت واطي : فطوم هدي ايدج ينبـان عليج !
فطـوم ضحكت : هههه انزين ..
عقب دقايق ..
البنيـه : تبيين > تاشر بالعصيـر ..
فطـوم : هـا لا ..
البنيـه : هيه .. ربيعتي تبا تتمشـى وياج ! عـادي
فطـوم توترت وماعرفت شو تقول : لا !
البنيـه : لييش ؟؟ معجبه فيج
البنيـه الثانيه : جذاااااابه ههههه
فطـوم تسوي طاف : انزين اقولج
ميـره : ياختي ابا اروح ..
فطـوم : ميمي قومي بسير الحمام ..
البنيـه : افا لايكون زعلتي ؟
فطـوم : لا حشى .. سي يو ..

.
.

مريـوم : هههههههههههه خوافه !!
فطـوم : جب لاه عيل تبيني اتم وياهم .. انزين اقولج بنسير نغـاازل اليوم
مريـوم : ويا منـوه ؟
فطـوم : انا و عمـي ..
مريـوم : هيه صح .. شخبـار رشـود ؟
فطـوم توترت : هـا !! ماعرف عنه شي
مريـوم : مارمستيه ؟
فطـوم : لا لا .. ماطرشلي مسج ..
مريـوم : اسالي عمج اليـوم
فطـوم : لا مافييـا ..
مريـوم : ليش انزين ؟
فطـوم : بس اخاف يقوله .. فطوم سالت عنك ..
مريـوم : انتي غبيه !! مخج فـ .....
فطـوم قطعت رمستهـا : هههههههه اعرف وين .. شراتج انزين :s ..
مريـوم : جب ياختي كلنـا فالهوا سوا
فطـوم : ايـواااا ..

تمـوا يرمسـون بعض لين مااذن العصـر .. سكـروا جان فطوم تسير تصلي و تلبس ثيابهـا .. لبست بنطلون جنز زيتي ع ازرق .. وبدي وردي هادي وفييه بنت مرسومه فالنص كيـوت ..
" باللون الاسود " كانت ايده قصيره والقميص ماكان طويل عـادي > استخفت البنيه <
ولبست اكسسوار و رسمت عيونها و حطتلها مسكره قلووز ولفت شعرهـا بالتوكه ونزلت قصتهـا بطريقه حلوه .. جان تسير اونها بتيب عبـاتهـا .. جان تخطف صوب الصاله
فطـوم :
اقضي الوقت من دونه اخايل نظرة اعيونه ..
وطيفه ساكن بعيني اباه ولا ابا غيره ..
احبه بشره وخيره ولا لكن لايخليني ..
فطـوم : عـااشوو ..
ودقايق جان تشوف بو راشد داش .. وسيده يلست ع الكرسي وتخلي التكيه صوب ويهـا ..
فطـوم : لاتشووووف !!
بو راشـد : ههههههههه بـلااااااج ؟؟
فطـوم : ابا شيييله
بو راشـد شل التكيه : ويا هالراس انا شرات ابووج بـلاج هب طايعه تفكرين
فطـوم احمـررت ونزلت راسهـا ..
بو راشـد اول مره يشوفها جيه .. شاق حلجه و يطالعها بنظرات شر > يوم شافته اتذكرت رشود يوم يشوفهـا جيه < ..
فطـوم مستحيه : عمـيه فيه شي ؟؟
بو راشـد : لا فدييتج .. بس تصدقين " جان يلس عـدالهـا " وهيه صدق قفطت جان تلز شويه "
بو راشـد يغمزلهـا : غرشوبه ..
فطـوم : بلبس عبـاتي انا ..
بو راشـد : ههههه .. اسولف وياج .. بسير السيـاره انا ..
فطـوم تضحك ع عمهـا جان تسير صوب البشكـاره وعطتهـا عباتها و شيلتهـا و سارت خذت شنطتهـا و ركبت السيـاره ..
بو راشد يبـا يطفربهـا : ياويلي ع العيـوون الوسـااع
فطـوم : هههههه .. جان تفج شنطتها وتطلع القلووس و نزلت المنظـره اللي فوق .. وهيه تحط
بو راشـد يغمزلهـا : بس هب زين وايد !!
فطـوم تشوفه ويوم خلصت : لا جيه احلى
بو راشـد : وايد
فطـوم : هههههههههه .. حمـار .. اوووبس !!
بو راشـد : هههههههههههههههههه .. انا حمـار !! ريلج الحمـار
فطـوم استحت : سوري عمـي .. لا !! انته جيه دشيت بـ السيـاسه .. لوسمحت بعييد ..
بو راشـد : ومن ها سعيد الحظ ؟؟
فطـوم : آآخ ليتني اعرف ويرتـااح ألبي ..
بو راشـد : بنأيلك زووج ع زووئي
فطـوم : ههههههه الله يخليك شعره طويل بس ..
بو راشـد : ههههههه يفدااج راشـد ..
فطـوم احمرت و قفطت بس سوت عمرها عاديه : هـا ههههههههه لا لا ها شرات اخويه
بو راشـد يشوفهـا ويغمزلهـا : شرات اخوج و احمريتي
فطـوم : ههههههه لا حرر
بو راشـد : هيه وايد ههههههه .. هيه تعالي بلاج مختشره منو ها اللي تبينه ولا تبين غيره
فطـوم : هههههه اغنـييي
بو راشـد : سمعيني عيل ..
فطـوم : هههه مابا ..
بو راشـد : اننف علييج .. ترديني !
فطـوم : لا حشـى .. انزين بغني هـممممم :
انا الحاير انا الصابر .. اعزي النفس والخاطر .. ولا لي من يعزينــــــي
ياليت الوقت يصفالي .. ويرجع صاحبي الغالي .. نشف دمي بشرايينــي
بو راشـد : يا لبيـــه .. بـلااج !! شكلج تحبيين
فطـوم : ههههههههههههههههههههههههه
بو راشـد : صدق شبـلاج ؟؟ ويرجع صاحبي الغـالي " غمزلهـا " : منو عندج مسـافر؟
فطـوم : عمـيييه بس عـاد .. انته قلتلي غني !!
بو راشـد : هههه اسولف وياج فديتج ..
فطـوم : انزين وين سايرين نحنـا ؟
بو راشـد : بسير محل اهنيه مابتـاخر و بنسيير عقب المريـنا ..
فطـوم : اهاه اوكيه ..

.
.


يتبـــ..ــع~.


..







 

 

  رد مع اقتباس
قديم 27-02-2010, 06:52 PM   رقم المشاركة : 24
εïзĴή8ăłĩāђεïз
 
الصورة الرمزية εïзĴή8ăłĩāђεïз 




معلومات اضافية 
  النقاط : 10581
  الجنس :
  الدولة :
  الحالة :
الرسالة الشخصية

التقييم

افتراضي

 

 

البــارت " 8 " ..




فـ بريطـانيـا .. فليـل
كان راشد طايح ع الشبريـه .. و يلعب فشعره .. وسرحـان فخاطره يقول : يالله !! منزمان ماشفتج ميثـوه !! تغيرتي وايد ! ولا دقايق فج عيـونه وفز
راشـد : فطـوووووووووم !! ولف سيده صوب موبايله و اتصلهـا ..
وهيه عـاد كنت تتريـاه عمهـا فالسيـاره كان نازل محل اشويه ..
سمعت صوت موبايلهـا و يوم شافت الاسم فجت عيونهـا !!
فطـوم : تـوه النـاس !! شلته ..
فطـوم : .......
راشـد بتعب " كان مدوخ " : الوو ..
فطـوم : مرحب ..
راشـد : مرحبتيين ..
فطـوم : ......
راشـد فخاطره : بلاها !! .. : شحالج فطـامي ..
فطـوم : بخير الله يعافيك ومن صوبك ؟
راشـد : يسرج الحـال ..
فطـوم : عسى دوم ..
راشـد : ويـاج .. " يسمع صوت الاغـاني " : شو طالعه ؟
فطـوم : هيييه .. اتريـا عمـي ..
راشـد : اهااه .. وين سايرين ؟
فطـوم : هههه ع قولته نغـازل ..
راشـد حس بالغيره شويه وتكـابر : اهاه رقمي برقمي اوكيه
فطـوم : هههههههههه الله يعطيك .. هاا شو الجامعه ؟
راشـد : والله ماشي الحـال .. كشخه كالعـاده .. سوالف بنـات و شباب ..
فطـوم فجت عيونهـا سكتت شويه و عقب رمسته : ليش عندك Girl- Friends
راشـد بكل برود : هيه وحـده قبل كنت دوم وياها ..
فطـوم رفعت حيايهـا وهب مستوعبه اللي يقوله : ...........
راشـد : بـلاج صخيتي
فطـوم شافت عمهـا : بخليك الحين
راشـد استغرب : ليش ؟
فطـوم : عمـي يا .. يلا باي ..
راشـد بعده مستغرب : ... > وسكر ..

جان يركب بو راشد السيـاره ..
بو راشـد : ها زخيتـج منو كنتي ترمسين ..
فطـوم من ورا خاطرهـا : ولدك ..
بو راشـد : هييه حلييله ..
فطـوم صدت الصوب الثاني و سرحت ..
فطـوم فخاطرهـا : عشـنا و شفنـا !! الحين اكيد يطلعـون مع بعض و يسوون الواجبـات مع بعض ومادري شووو ..
فطـوم بدون ماتحس زعجت : اففففففففف يرفع الضغـط قسم بالله بجتللله !!
بو راشـد من الزيغــه دح بريك بالقـوو ,,
فطـوم عصبت : خيييييييييبه انته الثـاني .. اففف
بو راشـد : ايه ايه وين يالسين نحنـا بلااج صرختي مره وحده عنبـووه روعتـيني !!
فطـوم فيها ضحكه حطت ايدها صوب حلجهـا ولفت الصوب الثاني .. بس ماقدرت تستحمل
فطـوم : ههههههههههههههههه ..
بو راشد عصب : ورييييييل !! بلاااج ..
فطـوم : وااايه بطنييه هههههههه .. شوفيك فديتك عصبت ؟؟
بو راشـد : انتي خدييه !! روعتيني يابوج ..
فطـوم : ههه السموحه فديتك .. كنت سرحـانه ووو ماحسيت بعمريه
بو راشـد : ومنو ها اللي بتجتلينه
فطـوم : ههههه محد تخبلت
بو راشـد يطالعهـا بنظرات : هييه مرره .. اشكره رشـود .. قالج سالفت ربيعته صح ؟
فطـوم حاست بوزهـا : مايهمـني ..
بو راشـد يبا يلعـوزهـا : لو مايهمج جان ماعصبتي
فطـوم عصبت : يابووي قلتلك مايهمنـي
بو راشـد : هييه هييه صح ..
فطـوم : عمـيييه شرات ما هوه معتبرني مثل اختتتته .. حتى انا ..
بو راشـد : انزين لو تعتبرينه شرات اخووج جان ماعصبتي .. > مشكله يوم يغايض بالواحد !!
فطـوم : اووووووووووه !!
بو راشـد : ههههههه .. مشكله اليهـال يوم يحبـوون
فطـوم رفعت حيايهـا وتمت تشوف بو راشد بنظرات قهـر !! ودقايق جان تصد الصوب الثاني ..
وعقب 5 دقايق وصلوا المـول .. نزلت فطوم وهيه معصبه ورضخت بـ باب السيـاره بالقوو ..
بو راشـد : ههههه اعصـابج عمتـيه
فطـوم : ماحبك لاترمسني !!
بو راشـد : جني ميت عليج
فطـوم : اييه رمسني عدل ماحب جييه !!
بو راشـد : هههههه .. فديتج والله تقرب صوبها ومسك ويهـا : انا آسف بس حبيت اطفربج
فطـوم مدت البـوز : ماحببك ..
بو راشـد : انـاا اموت فييج .. وخلاها صوب صدره
فطـوم : ياويلي ع الرومانسييه .. بس بس عمي عن يقولونـا حبابيب ..
بو راشـد : هههههههههه .. طوفي ..

بو راشـد صـح انه متـزوج .. بس مايبيـن عليه مووول .. حركاته حركـات شباب .. ملفت للانظـار حلييو يشبهه رشـود وايد .. حتى هوه مطول شعره > عاشو الشواب ..

فـ المول ..
طبعـا بو راشـد وايد وايد يحب يتسوق لوول كشيخ تراه .. نص اغراض فطـوم من ذوقه ..
فالمحـل ..
بو راشـد : شوفي شوفي ها .. خبال بيطلع عليج
فطـوم : هههه عمييه بس عنبـووه جنيه بعرس !!
بو راشـد : هييه .. ماعلييج .. بنجهزج من الحين
فطـوم : هههههههههههه .. حرام عليك !! بعدني ماطلعت من البيضه ..
بو راشـد يرفع حيايه : هييه امــرره ..
فطـوم تسوي عمرهـا برايئه ..

وعقـب فطـوم خذت اللي تباه و طلعـوا وكملـوا مشـوارهم .. وعـاد بوراشـد مانسـا عمره .. لوول سار خذا له كمن بدله طبعـا كلهم بذوق فطـوم .. وخذاله نظـاره كشييخ ماشالله .. وعقب تمـوا ليييين ساعه 10 .. تشعـواا وطلعـوا من المـول .. فـ السيـاره ..

بو راشـد : ان شاء الله حبيبتي استانست
فطـوم استحت : هـاا .. هييه
بو راشـد : ههه بـلاج ؟
فطـوم قافطه : مـاشي ..
ودقايق جان يرن تيلفون بو راشـد ..
بو راشـد : الـوو .. مرحبتيين .. والله فـ الدرب .. ليش خلصت .. اوكييه تماام انا جيه 10 دقايق و ياي .. خلاص ماعليه .. مع السلامه ..
فطـوم : عمـي بتردني البيت و بتطلع ؟
بو راشـد : افا والله !! لا فديتج .. بسير المحل الي اليوم سرته و بس
فطـوم : هيييه اوكيه ..

وعقـب دقايق وصلوا المحـل و فطوم فخاطرها تعرف شو السااالفه !! بس سكتت لوول .. نزل
بو راشـد وهيه اتصلت حق اسـوم ..
فطـوم : هـلاااا
اسـوم : اهلييين
فطـوم : اشحااالج
اسـوم : تمـااام وانتي ؟
فطـوم : زيينه
اسـوم : ههه بلااج ؟
فطـوم : مااااششي
اسـوم : هييه .. شو انتي وين ؟
فطـوم : كنـا نصيع انا و عمييه و الحين نازل شويه و بنرد البيت
اسـوم : اهـاااه . شخبـااار your love ؟؟
فطـوم رفعت حيايهـا : نعـم !! اي لووف ها !
اسـوم : هههه .. رشـووود ..
فطـوم : جب لااه .. حماره قلتلج ما احبه
اسـوم : انزيين .. شحاله ؟

فطـوم : تبين رقمه عسب تسالين عنه ؟؟؟
اسـوم : هههههههه .. بـلااج فطييم الحين ماقلتلج شي ..
فطـوم : اسكتي روحه قاهرني حيل !!
اسـوم : ههههه لييش ؟
فطـوم : " قالتلهـا السـالفه " .. >> جـان تشوف عمهـا ياي صوب السيـاره .. جان يركب ..
اسـوم : هههههههههههههههههههه واعليه تغار الحرمه ..
فطـوم سوت عمرهـا معصبه : جب انزين الشرهه هب علييييج !! ع اللي يتصلبج يلا يلا اجلبي فيسج
اسـوم : ههههههههه انتي حووبي
فطـوم : حـوووبي فـ ... مابكمل عمـي ويايه يلا باي
اسـوم : هههههههه عرفت لاتكملين .. باااي احبج
فطـوم : وانا امـوت فيج ..

جـان تسكـر .,

بوراشـد : انتي بـلاج كله تضاربين ؟
فطـوم : هههه مااشي بس هاي العنـز قهرتبي
بو راشـد : من مريوم ؟
فطـوم : لا لا اسوم اللي فدبي ..
بو راشـد : هيييه .. تبين تسيرين عندهـا ..
فطـوم : هـاا !! ليش ؟
بو راشـد : انا بطلع العصـر بسير دبي و مابا اخليج بروحج فالبيت ..
فطـوم : همممم بطرشلهـا مسج ..
بو راشـد : اوكيه ..
جـان تطرش ..

فطـوم " سودووه بتطلعين بـاجر " ؟؟
اسـوم " اممم ما اظني لانه اختي مسافره "

فطـوم : عمييه اختها مسافره يعني ماشي طلعه ..
بوراشـد : لافديتج في طلعه .. بنمر عليهـا و بوديكم المول
فطـوم : اوكيه بقولهـا .. طرشت " اخبرج عمي بيسير دبي .. ومايبـاني تم بروحي .. بتين ويايه الموول ؟؟ "
اسـوم " ويا منـووه ؟؟ "
فطـوم " انا و عمي بنمر عليج وبيفرنـا المول "
اسـوم " استحححيي =$ "
فطـوم " فخشششمج !! يلا انزين ؟؟ "
اسـوم " خلاص ماعليه .. بس اي مول ؟ "
فطـوم " برجمـان " >> ع كيفها الحين ماخبرت عمها خخخ ..
اسـوم " اوكيه خلاص .. ع العصر صح ؟"
فطـوم : عميييه بنوصل اهناك العصر ؟
بوراشـد : هيه فديتج ..
فطـوم طرشتلهـا : "بنوصل العصر .. انتي تزهبي ساعه 3 ونص "
اسـوم " خلاص اوكيه .. احمممر انزييين "
فطـوم : ههههههههههههه ..
بو راشـد : بـلااج ؟
فطـوم : ههه ماشي .. طرشتلهـا " ولا يهمج لوول " ..
بو راشـد : الااا تقوليلي ليش تضحكين !!!
فطـوم : هههه ماشي تقولي ألبسي احمر ..
بو راشـد : احمـــممر !! ياويل حاليه انا ,,
فطـوم : ههههههه استخف ..
بو راشـد يغمزلهـا : منزمـان يابوج هههه ..
فطـوم : ههههههههه ..

عقب وصـلوا البيت .. شلت فطوم اغراضهـا .. وسيده سـارت الحجره .. عقت عباتهـا وخلت الاجياس ع طرف ..



..



تآبـــــــــع~.



..



 

 

  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
.×. أَدْمَنْتْ ~ [ حَ ـبِكـَ ] ~ وُاسْتَحَلْ بِكَيَاَنِيِ .×. مكسور الخاطر المكرر وسلة المحذوفات 20 13-12-2007 11:06 PM

الساعة الآن 01:01 PM.


Powered by vBulletin® Version 3.8.7
Copyright ©2000 - 2019, Jelsoft Enterprises Ltd