رمزيات بلاك بيري خدمة تفسير الأحلام تصميم مواقع وصفات طبخ أعلن معنا


العودة   منتديات فريج دبي > فريج أم سعيد > قصص وروايات > قلم رصاص يسرد روايات

قلم رصاص يسرد روايات يختص في طرح الروايات


آخر المشاركات المطروحة في منتديات فريج دبي .



إضافة رد
 
أدوات الموضوع
قديم 22-02-2010, 04:17 PM   رقم المشاركة : 9
εïзĴή8ăłĩāђεïз
 
الصورة الرمزية εïзĴή8ăłĩāђεïз 




معلومات اضافية 
  النقاط : 10581
  الجنس :
  الدولة :
  الحالة :
الرسالة الشخصية

التقييم

افتراضي

 

 


.


.


ورجعنآلكم ..



..


البـارت الـ 3

..

راشـد : ههههه بالله عليج انا شو بسويلهـا يعني .. لاتحاتيين فطـامي فعيـوني الثنيين .. و يغمزلهـا ..
فطـوم احمرت و يودت ايد مريوم بالقو .. جان تضحك مريوم ..
نـوره : فطوم تبين اطلعلج بدل فاقـد ؟
فطـوم : حق رقمي ؟
نـوره : هييه ..
راشـد قال فخـاطره : انا اباها تنسـى شي اسمه " شباب " : لالالا انا بطلعلهـا رقم يديد وغـااوي شراتهـا ..
مريـوم غمزلتها : من قـدج ..
نـوره : اييه مريوم يلا خلينـا نسير .. ابويه بيحرج علينـا ..
مريـوم : خلاص ماعليه ..
فطـوم : تووه النـااس ..
مريـوم : ماعليه فديتج بنيـا كوول ..
فطـوم : خلاص ماعليه .. تحملـوا ع عماركم ..
نوره : ان شاء الله وانتي بعـد ..
فطـوم : من عيوني ..
مريوم + نـوره : يلا بباي ..
فطـوم + راشـد : فداعة الله ..

صكـروا البـاب ..
جان ايي راشد و يلس ع الشبريه صوب فطـوم ..
راشـد : انزين شيختـي .. بتسيرين ستي دبي ..
فطـوم فجت عيونهـا : شو يوديني !!
راشـد : تاخذيلج كمن لبس وهالسـوالف ..
فطـوم : اهاه .. هييه انـدووك جـوازي ..
راشـد : هههه والله اضحـكون انتي و ربيعج ..
فطـوم : ههههههه فديتهـا والله .. نسوي بـلاوي الدنيـا انا و هيه ..
راشـد : هههههههه ..
فطـوم : انزين .. هممم .. دام اني بسير دبي .. والسفـر جرب .. بطلع ويا ربيعتي بنسير نتشـرى ..
راشـد : مريوم ؟؟
فطـوم : لا لا وحده ثانيه ..
راشـد : انزين اندوج فوني و اتصليلهـا .. و باجر بوديكم انا المـول .. عاد هاي تعرف سوالفج ولا ؟؟
فطـوم : هههه هاي دمـار شامل .. جان تاخذ الفون و اتتصلهـا وتمت تسولف وياها ..
اسـوم : فطوم انتي منو وياج ..
فطـوم : رشود ..
اسـوم : طبجتــج !!
فطـوم : لااااااااا .. رشود .. بقولج السالفه بعدين .. انزين اخبرج .. فاضيه هالايـام ؟؟
اسـوم : ليش ؟؟
فطـوم : ابا اطلع وياج .. بسير اتشرالي حق السفـر ..
اسـوم : بتسـافريييييين !!
رشـود : بل
فطـوم :هههههه قصري حسج سمعـج .. مابتفهمين شي الحين .. بتسيرين ويايه امارات مول باجر العصر ؟؟
اسـوم : هيه ماعليه ..
فطـوم : خلاص .. بينـا كول ع هالرقم اوكيه ؟؟
اسـوم : اوكيه فديتج .. تيك كير ..
فطـوم : يو تو .. بباي ..
اسـوم : بـاي ..

اسـوم : عمرهـا 17 .. مخلصه من المدرسه .. حليـيوه .. تعرف فطـوم > عن طريق النت < و وايد وياها ..

رشـود : عيل باجر السيره ؟؟
فطـوم : هيييه .. رشود طلبتـك ..
رشـود : تـم !!
فطـوم : اباك تسير ترمس هالدكتـور و تقوله الحين تبا تطلع ..
رشـود : لييش ؟
فطـوم : ابا اسير مركز العهـود اللي فحلوان .. بسير افصلي عبي و شيل ..
رشـود : خلاص ماعليه ..

طلع و جـان يسير يرمس الدكتور و وافق .. وعطاه الادويه وخلصـوا الشغل .. وجـان يدخل عند فطـوم .. وكانت لابسه عباتها و شيلتهـا ..
راشـد : يـلا ..
فطـوم تشل اللحـاف : اييه يودنـي ما اروم امشي .. بطني يعورني حيل !!
راشـد عصب : دام يعورج ليش ماترمسيين !!
فطـوم : الممرضه قالت ها عادي ..
راشـد : انزين .. تقرب منهـا .. قبضهـا بالقو صوب ايدهـا " من فوق "ومسكت ايده "كفـه" ويوم نزلت تمشي شوي شوي ..
راشـد : عـدال عـدال .. حـامل اختي ؟؟
فطـوم قفطت فخاطرهـا : مالت عليك ماتعرف اصـلا انا شو فيني !! : ههههههههه ..
جان يهـدهـا ..
فطـوم : ها ها ها شووو .. امسكنـي ما اروم امشي !!
راشـد حس فيهـا : ان شاء الله ..
تم ماسكـنها لين ما وصـلوا صوب الدكتـور يعطيهـا ادويتهـا وجيه و جـان يطلعون صوب سيـارته ..
فطـوم : عـاش راعي النيسـان ..
راشـد فج البـاب : هههههههه ..
فطـوم فجت عيونهـا : ليش جـداام !!
راشـد : يلا يلا بـلا هالحركـات .. اركبي ..
فطـوم سكتت .. ركبت و هوه ماسكنهـا بنـد الباب و تحـروكـوا .. راشـد شغل الراديـو وتمو ساكتين .. جان يرمس ..

راشـد : وين ها المركز مالج ؟
فطـوم : سير صوب حلوان ..
راشـد : انزين ..

يوم وصـلوا دلته وين المركز .. جان تنزل شوي شوي و هيه روحها بتطلع بس متحمله .. نزل راشد و دخلوا المركز .. دشت المحل اللي تبـاه .. تنقتلهـا شيلتين ..
فطـوم : متى بتخلصلي ياهم ؟؟
الريـال : ورا بكـره ..
فطـوم : انزين .. ابا اسوي عباه ساده .. بعد بتخلصلي ياه ورا باجر ؟
الريـال : مافي مشكله ..
فطـوم : بس ابا قيـاس مضبوط !!
الريـال : لا اكيد قياس مضبوط ..
فطـوم : انزين ..
دشت غرفة " يوم يقايسون " و عطت راشد العباه .. وخذا المقـاس .. وعطاها وطلعتله ..
فطـوم : وييييييييييي ..
راشـد : بـلااج !!
فطـوم : مااشي ماشي .. شووف سجل الفاتوره باسم راشـد و انا بخلي اختيه تيبلك العربون ..
راشـد : جيه وانا جدامج لوح !
فطـوم : هـااا ..
راشـد فج بوكه و عطـاه 150 .. فطـوم فاجه عيونهـا ..
فطـوم : راشد ليش ؟؟؟
راشـد مارد عليهـا : عـاد بني عقب يومين .. ولاتقول ماخلصت ومادري شو .. لانه يوم الخميس نحنا بنسافر
الريـال : مافي مشكـل ان شاء الله خلاص ..

جـان يطلعـون ..
راشـد : وبعـد بسيرين فوق ؟؟
فطـوم : هيه ..

سـاروا فـوق وفطـوم 24 ساعه ماسكه بطنها وتتويع ع الخفيف .. ودشـوا محل ايليت و سوتلهـا شيلتين و طلعـوا وسيده فطـوم من ركبت السيـاره بغت روحها تطلع ..
راشـد : فطيم فيج شي ؟؟
فطـوم : ها لا لا ..
راشـد : صدق ؟
فطـوم : هيه ..
راشـد : ياليت ..
فطـوم ردت الكرسي السياره ع ورا .. تمـو يحاوطـون لين ما اذن المغرب .. جان يمر المسيـد .. فطوم فجت عيونهـا ..
راشـد : بتنزلين تصليين ؟؟
فطـوم احمر ويهـا و راشد عرف : هـاااا ..
راشـد : بـلااج ؟؟
فطـوم : ماشي .. انته الحين روح صـل ..
راشـد : ههههههههههههههههههههههههههههههه ..
فطـوم قفطت واحممر ويهـا : بـلاك !
راشـد رفع حيايه و ضحك : ههه ماشي .. يلا تحملي بعمرج و قفلي البيبـان ..
فطـوم : ان شاء الله ..

تمت فـ السيـاره ربع سـاعه وعقب طلع راشد و ركب السيـاره ..
فطـوم : تقبـل الله ..
راشـد : منـا ومنـكم .. وين تبين تسيرين بعد ؟؟
فطـوم : مادري ..
راشـد .. بنسير ستي دبي ..
فطـوم فجت عيونهـا وفخاطرهـا : ابا اسير الحمام انا !!! .. : ع راحتـك ..
راشـد : فطـوم انتي فيج شي .. قوليلي شوفييج ؟؟
فطـوم : هـا لا مافيني شي ..
راشـد : فطـووم !!
فطـوم : ودني الجمعيه ..
راشـد : ترا بنسير ستي دبي .. اهناك كارفور ..
فطـوم : بس انا ابا اسير الحين ضروري ..
راشـد : ع راحتج ..

سـار الجمعيـه .. وعـطا فطوم 100 و نزلت حاول ينزل وياها .. بس هيه ماخلته ..
راشـد : ورفجـه ماخليج ثـانيه !!
فطـوم فخاطرهـا : ياخي ماباك تشوف شو باخذ اناااا >.< : انزين ..

بركن السيـاره وجان ينزلون .. و فطـوم خذت جييس اول شي .. راشد استغرب .. فطوم تمشي بسرعه و بطنها يعورها !! يوم وصلت عند اللي تباه راشد كان وراها ..
فطـوم فخاطرهـا :ياخي سير شويه ابا آآخخخذ !!
راشـد : فطوم ابا اعرف الحين انتي شو تبين ؟؟
فطـوم يتها الجرأه و خذت اللي تباه وحطتـه فالجيس ..
راشـد كان فيه ضحكه ربع ايده و خلا اللي ع اليسـار صوب ثمـه عسب ما يضحك ..
فطـوم كانت فيها ضحكه رفعت حيايها : نعـم في شي ؟؟
راشـد نقع من الضحك : ههههههههههههههههههههههههههه ..
فطـوم شويه و بتصيح : جب ياحمـار انا الحين ماخذت شي غلللط !!
جان تروح عنـه و سارت تحاسب .. ويوم خلصت ..
فطـوم : تعال رشود ..
راشـد : وين بتسيرين ؟؟
فطـوم : الحمـاااام ..
راشـد : انزين يـلا طوفي ..
سارت فطوم الحمام خذت الجيس وياها و راشد يضحك ع شكلها لانه كان يضحك لوول .. المهم دشت و يوم خلصت حاجتهـا طلعت وهيه تعدل شيلتهـا ..
فطـوم : يـااااااه شحلات الرااحه ..
راشـد : يبـالج تسوين اعلان فالي خذتيه
فطـوم : رشود اصطلب !!
راشـد : هههههههه ..

سـارو السيـاره .. و اتجهـوا صوب ستي دبي .. و فطوم تمت تتعبث فـ الراديو جان تحط Fm ,,
وتـمت صـاخه طول الوقـت .. وعقب نص سـاعه وصـلوا .. نزلت فطوم وهيه خلاص تعبانه ..
بس ماتبـا تبين حق راشد هالشي .. تغشت و سارت صوبه وهيه متعلقه فيه ..
راشـد : فطـوم شوفييج ؟؟
فطـوم : هـا لا ماشي .. بس ما اشوف ..
راشـد : اوكيـه ..
وعقـب دشـوا الستـي .. دشت فطـوم برومود .. خذتلهـا تنوره و قميص " حق سيرة باجر " ودشت مكيـاجي خذتلهـا شـدو اسود و جحـال ومسكره و قلوز و كمن منكيـر.. و بودره تنـاسب بشرتهـا .. وهيه مفتشـله من راشـد .. لانه هوه اللي كان يدفـعلهـا !! يوم طلعـوا ..
فطـوم : مشكوره رشوود .. اتعـب فعرسك ان شاء الله ..
راشـد ابتسـم : العفـو .. وين تبين تسيرين بعـد ؟؟
فطـوم : هممم .. ماعرف بنحـوط و بشـوف ..
راشـد : اوكيه ..
تمـو يحوطون ودشت تاخذلهـا شنطه كيـوت سودا .. وهيه تحـوط جان تشوف محل لاسنـزا ..
فطـوم : راشـد همممم نص سـاعه وردلي ..
راشـد استغرب : ليش ؟؟
فطـوم : ماعليه عشـاني انزين ؟؟
راشـد : خلاص ماعليه .. ماتبين شي من باريس غـالري ؟؟
فطـوم : هممم لا لا ..
راشـد : اوكيه انـدوج عـطاها 500 .. وهيه ويها محمر ..
فطـوم : ثـ . ثانكس ..
راشـد ابتسم وجان يروح .. دشت المحل خذتلهـا ملاابس داخلييه و 3 قمصـان نوم .. ويوم خلصت تمت تتريا راشد لين ما يا .. وعقب سـارو كارفـور ..
راشـد : وين بتكـونين انتـي ؟؟
فطـوم : هممم بتشوفني صوب الشـامبـو وهالسوالف ..
راشـد : اوكيه تحملي بعمرج وانا مابتاخر ..
فطـوم : اوكيه ..


دشت فطـوم كارفـور وخذت اللي تبـاه .. امـا راشـد سارت محل مال الموبـايلات يسأل عن تيلفـون
سونـي اركسن K850i .. والحمدالله ها منزمان يتريـاه .. وجان ياخذله 2 .. " اسود و اخضـر " ويوم خلص سار عند محل يلفله الفـون .. ويوم خلص سـار كارفور يدور فطـوم .. تم يدورهـا لين ما حصلهـا ..
راشـد : انتي وينج ؟؟
فطـوم : سـوري عمـي راشـد ..
راشـد : ماشالله ماخذه الوان و دفتر تلويـن .. ودفتر و قلامه .. شو بتدخلين المدرسه ؟؟
فطـوم قفطـت : ياخي خلني .. ابا اعيش ايـام طفـولتي .. ملل ساعات فالبيت
راشـد : هههههه عـداال .. انزين خلصتي ولا ؟؟
فطـوم : هييه تقريبـا .. ماتبـا شي ؟؟
راشـد : آآآ ماعليه انتي مشي وانا بشوف ..
فطـوم : اوكيه ..

تمـوا يحوطـون وسـارت فطوم خذتلهـا كرواسـون ككاو .. وعصيـر ..
فطـوم : فخااطريييه فـ زيتوووون ..
رشـود : ههههه .. مشكله اللي يتوحـمون !!
فطـوم : ههههه جب ياحمـار ..

وسـارت خذت زيتـون لوول .. و عقب سارو صوب الجبس هالسوالف .. خذولهم .. وسارو صوب الحلاوه وجيه ويوم خلصـوا سارو يحـاسبون .. ويوم خلصـوا ,, ساروا يتعشـون من ماكدونـالز .. بس راشد طلب حقه و حق فطوم .. وسار هوه يصـلي .. ويوم رد .. تعشوا ودقايق جان يسيروا البيـت ..
راشـد : بالله عليج اشوف هالجيس اللي عندج ..
فطـوم : اي واحد ..
راشـد : هالابيض شرات الكرتـون

.

.


.. كـــــ..ـــــت ..

السموحهـ


.

.





 

 

 

  رد مع اقتباس
قديم 22-02-2010, 04:48 PM   رقم المشاركة : 10
.. τңβ7ЙЏ 7βқ
~ • غـٍُالٌٍُيً ذًٍُِّهـًٌٍُِبًٍَُِيًِ • ~
 
الصورة الرمزية .. τңβ7ЙЏ 7βқ 




معلومات اضافية 
  النقاط : 785
  الجنس :
  الدولة :
  الحالة :
الرسالة الشخصية

التقييم

افتراضي

 

 

وربي عذاااااااااااااااااااااب & طررررررررررررر..

تسلم يدينج حبوبه..

عسااج ع القوه دوووم يارب..

=)

 

 

  رد مع اقتباس
قديم 22-02-2010, 09:58 PM   رقم المشاركة : 11
حبوبة دوم
~ • غـٍُالٌٍُيً جـًٍَِديـٌٍُد • ~
 
الصورة الرمزية حبوبة دوم 




معلومات اضافية 
  النقاط : 20
  الجنس :
  الدولة :
  الحالة :
الرسالة الشخصية

التقييم

افتراضي

 

 

فدييييييت اييدج يا هموسه القصة طرطريشن
تثلم ايدج يالغلا ونتريا البارت الياااي بس لا تتأخرين علينا فدييتج
وانا ماشاءالله علي اقرأ 4 قصص ورى بعض وحدة ورى وحدة ههههههههههه
واترياا البارتات الثانية ف القصة الي قبلهاا بعد ولا تتأخرين علينا

 

 

  رد مع اقتباس
قديم 23-02-2010, 04:04 PM   رقم المشاركة : 12
εïзĴή8ăłĩāђεïз
 
الصورة الرمزية εïзĴή8ăłĩāђεïз 




معلومات اضافية 
  النقاط : 10581
  الجنس :
  الدولة :
  الحالة :
الرسالة الشخصية

التقييم

افتراضي

 

 

اقتباس:
المشاركة الأصلية كتبت بواسطة حبوبة دوم مشاهدة المشاركة
فدييييييت اييدج يا هموسه القصة طرطريشن
تثلم ايدج يالغلا ونتريا البارت الياااي بس لا تتأخرين علينا فدييتج
وانا ماشاءالله علي اقرأ 4 قصص ورى بعض وحدة ورى وحدة ههههههههههه
واترياا البارتات الثانية ف القصة الي قبلهاا بعد ولا تتأخرين علينا
اللهـَ يَسَلَمْجْ..الغلآآآ..امَبَين عليجـ اتحَبَين القراايهـَ =)

 

 

  رد مع اقتباس
قديم 23-02-2010, 04:06 PM   رقم المشاركة : 13
εïзĴή8ăłĩāђεïз
 
الصورة الرمزية εïзĴή8ăłĩāђεïз 




معلومات اضافية 
  النقاط : 10581
  الجنس :
  الدولة :
  الحالة :
الرسالة الشخصية

التقييم

افتراضي

 

 

البــارت الـ 4 ..


..

وسـارت خذت زيتـون لوول .. و عقب سارو صوب الجبس هالسوالف .. خذولهم .. وسارو صوب الحلاوه وجيه ويوم خلصـوا سارو يحـاسبون .. ويوم خلصـوا ,, ساروا يتعشـون من ماكدونـالز .. بس راشد طلب حقه و حق فطوم .. وسار هوه يصـلي .. ويوم رد .. تعشوا ودقايق جان يسيرون البيـت ..
راشـد : بالله عليج اشوف هالجيس اللي عندج ..
فطـوم : اي واحد ..
راشـد : هالابيض شرات الكرتـون
فطـوم فخاطرهـا : يخرب بيتي !! مالقيت الا هالجيس .. : هـا لا مابراويك !!
راشـد يااااه فضوول من الخـاطر : الا اشـوووفه !! جان يمط عنهـا الجيس ..
فطـوم : سوااااااااالف بنـاات انته بـلاااك !!
راشـد فج الجيس وهوه شاق الحلج يوم شاف الليي داخل .. قفــط !!!
فطـوم : يااااااخي عيييييييييييب " محمره "
راشـد : انـدوج انا ماسويت شي ..
وعقب نص سـاعه وصـلوا البيت .. نزلت شلت الاغراض و راشد ساعدهـا .. وجـان يدخلـون البيت ..
راشـد : تعالي بوديج غرفتـج ..
فطـوم : ........
جـان يوصلهـا الحجـره وهيه خلاص قافطه منه .. لدرجه ماتروم ترمسه .. دخل و حط الاغراض وهيه دشت ..
فطـوم : آآآ راشـد .. ماعرف شو اقولك الصراحـه !
راشـد ابتسم : لاتقولين شي .. المهم راحتـج ..
فطـوم : ....... .
راشـد : يلا انا بسير ببدل ثيابي و بي الصـاله ..
فطـوم : اوكيه ..
طلـع راشـد .. و فطـوم صكرت البـاب وفصخت عباتهـا وحطت اغراضهـا فالكـبت .. وطلعتلهـا بجامتهـا الحمرا " حرير " لبستهـا و لبست نعالهـا مال البيت " احمـر " و لبست شيلتهـا و طلعت صـوب الصـاله وكـانت مستحيــه مووت !!
راشـد : الله ع الاحمـر
فطـوم قفطت : هههه ..
راشـد : ويت بسير ايب فوني ..
فطـوم : اوكيه ..
قـام وسـار صوب غرفته وشل الجيس اللي فيه فون فطـوم اليديد .. وعقب سار صوب غرفة فطوم وحطاه تحت اللحـاف .. وبعدين خذا مفتـاح سيـارته و طلع الرقم اللي كان مفرور فالسيـاره " هالرقم غـاوي ولا مره استعمله بس جيه بطـران عيبه وجان ياخذه لول " وسـار صوب غرفتهـا وحطاه صوب كرتون الفـون
وعقب رد صوب فطـوم .. شافها تشوف التيلفزيون و تاكل زيتون .. يلس عدالهـا ..
راشـد : يوم اقولج دبه
فطـوم مندمجه فـ الفلم مدت ايدها وهيه تشوف الفلم : هـا خذ ..
راشـد : ثـاانكس ..
فطـوم : همم باجر وين بتسير ؟
راشـد : والله مادري .. بنمـر ع ربيعتج .. وبوصلكم و بسير اشوفلج حجـز ويايه ..
فطـوم : اهاه اوكيه .. وين فونك بتصل حق اسوم ..
راشـد : يودي ..
جان تتصلهـا ..
اسـوم : مرحب السـااع
فطـوم : مرحبتييين كبـاار
اسـوم : ههههه اشحاالج ..
فطـوم : بخيــرج ومن صوبج ؟
اسـوم : تمااام ..
فطـوم : اخبرج .. بنمر عليج عقب صلاة العصر ..
اسـوم : اوكييك ..
فطـوم : وين بيتكم ؟؟
اسـوم : جميـرا 1 ..
فطـوم : انزين وين بالضبط ؟؟
اسـوم : اول ماتدشين ..
فطـوم : لا صـبري !! انا ماعرف شي .. باجر دلي رشـود ..
اسـوم : ههههههه اوكيه ..
فطـوم : يلا عيل .. لاتنسيييين .. البسي قبل لانه سنه لين مانعرف بيتكم
اسـوم : هههههههههه اوكيه ماعليه ..
فطـوم : يلا فديتج .. باي
اسـوم : بايـات ..
وعقب دقـايق ..
فطـوم اتنـوود .. وهيه خلاص مافيها جرج ..
راشـد : هههههههههه عن ينطر حلجج ..
فطـوم : هههه اسكت لاااه فيني رقاد من الخـاطر .. برايك انا بسيـر ..
راشـد : قومي انزين بوصلج الغرفه ..
جان تقوم و راشد قام وياها .. كان يمشي عـدالها وهيه تمشي توهـا بتيود قبضت البااااااب جان تشوف طيطار صوب البـاااب ..
فطـوم : وااااااااااااااااااااااااااااااااااااااااااااااااا اااااااااي !!!! وسيده انخشـت فحظنه .. : طيطـاااااااااااااار !!!
راشـد خااف : بـلاااااااااااااج ..
فطـوم حست شو سوت !! على طول خازت : طيطـاااار .. مابا ارقد فهالغرفففه !!
راشـد : هههههههه باكلج ايـااه ..
فطـوم كفخته جان ادمع : ماحبك حمـااار ..
راشـد : بذبحلج يااه .. ايلسي فالصـاله ..
فطـوم مسحت دموعهـا : انزين ..
يلست فـ الصاله لين ما سمعت ضحك راشد اللي تتخبل عليهـا ..
فطـوم مستانسه : هاااا ذبحته ؟؟؟
راشد شلاه بالكلينكس و عقاه فـ المطبخ .. ياب كلينكس مافي شي .. جيه جسفه وسوا عمره انه داخله الطيطـار راشـد : فطـوووم !! وفره
فطـوم : واااااااااااااااااااي !! والكليلنكس كان فحظنهـا : رشوود رفججججه تشللله بمووووووت حرام عليييك !!
رشـود : هههههههه .. الغـلا كلينكس مافي شي .. اسولف وياج ..
فطـوم : صدق ؟؟
رشـود : هييه .. عنبـوه لهدرجه تخافين من الطيطار ؟؟؟ عيل السمسوم شو ؟؟
فطـوم : لا هاكي اليف خخخ بس هب اليف يوم يعظني
رشـود : هههههههههه .. يلا انزين قومي ارقدي ..
جان تقوم و تسير صوب الغرفه .. وهيه بتصكر الباب ..
فطـوم بدلع : تصبـح ع خير ونوم العـوافي ..
رشـود : وانتي من اهله الغـلا ..
فطـوم ابتسمت جان تصكر الباب .. وقفلته .. وسيده سـارت صوب الشبريـه .. شافت شي تحت اللحـاف ..
فطـوم : اشـوه هـا ؟؟؟
شلت اللحـاف جان تشوف ظرف وتحت الظرف بوكس مغلف .. يلست ع الشبريه و فجت الظرف اول .. وعرفت شو داخله !! ويوم فجت البوكس .. حلجهـا وصل عند بطنهـا !!
فطـوم : يا ويل حـالي .. هاا متــى نـزززل ؟؟؟ فجته بسرعه و طلعت تمت تبووسه : واخيراً ييت فحظن حبيبتـك . اموووت فيك انا .. >> ههههههههههه خبله .. الله يسلمكم هالفون كانت تتريـاه من متـى !!!
شافت جيس باريس غالري .. يوم فجته شافت عطـر اللي من متى فخاطرها فييه .. فجته جان تتعطر لول
فطـوم : ياحليلك يا رشوود .. والله ماعرف شو اقولك !! مفتشله منــك حييل !!
طلعت البطاقه وحطتها فـ الفون .. و خلته ع الجرج .. وجان ترقد ..
اليـوم الثـاني ..
سـاعه 10 ..
بتنش من الرقـاد بتسبح .. ويوم بتخلص بتلبس بجامتها الثـانيه كانت بيبي بلوو وعليها فراشـات .. نشفت شعرها و لفته ولبست شيلتها وجان تاخذ دواها و سـارت الصاله .. ماحصلت رشود .. طلعت 2 كرواسون سخنتهم .. و صبت عصيرين .. ويوم زهبت الريوق سارت صوب رشود توها بتدق الباب جان يطلع ..
فطـوم : صبـاحك عسـل
راشـد : صباح النـور .. كيف اصبحتي
فطـوم : ترتووبه ومن صوبك ؟
راشد : يسرج الحال ..
فطـوم : تعال تريق ويايه ..
راشـد : الله مانروم مسويه ريوق
فطـوم : هههه الكرواسون الامسي ..
راشـد : ههههههههه ..
جان يسيرون يتريقون ..
فطـوم تبا تفتح سالفه الفون والبطـاقه بس ماتعرف كيف .. وعقب دقايق ..
فطـوم : همم رشود ..
راشـد : لبييه ..
فطـوم : لبـاك قلبي .. هممم مشكور ع الفون والرقم و العطـر .. جان يحمرن خدودها
راشـد : افا عليج الغـاليه لاتشكرين ..
فطـوم : اتعب فعرسك ان شاء الله .. انته بس اشرلي ع البنيه اللي تباها وانا اقولك تم
راشـد : ختاريلي وحده ع ذوقج
فطـوم : هههههههههه خلاص ماعليه ..
جان يسكتـون .. مره وحده ..
فطـوم : انته جني !!
راشـود : هههه ليش ؟
فطـوم : عاد العطر اللي كنت اباه من متى يبتلي ياه .. حتى الفون >.< مابغـوا ينزلونه !!!
رشود : ههههههه هييه عجيب هالفون ..
تمـوا يسولفـون ليـــــــن ما استوت السـاعه 4 الا ربع .. فـ الصاله ..
فطـوم : عيل انا بقوم اتكشـخ ..
راشـد : مانروم ههههه
فطـوم : هههههههه .. يـلا سي يو
راشـد : هيه تعالي .. ماتبين تكوين ؟؟
فطـوم : هيييه لازم !!
راشـد : ههه انزين بتشوفين فـ غرفتي المكينه مال البخار .. شليهـا وياج
فطـوم : اوكييه ..
دخلت حجرته و خذت المكينه و سـارت غرفتهـا .. اول شي كوت عباتها و شيلتهـا .. و طلعتلهـا لبسهـا اللي هوه " تنـوره حمـرا .. مخططه ع شكل " 7 8 " بالعنابي و البرتقالي و البني .. بدي احمر وعليه قميص الشفاف ايد قصيـره .. حطتلهـا منكـير احمـر .. ويوم نشف رسمت عيـونهـا و حطتلهـا بودر و قلـوس جيه ياي ع احمر فاتح ع وردي .. كيوت .. ويوم خلصت سارت فجت موبايلهـا و طرشت مسج حق مريوم و اسوم " انا فطـوم وها رقمي اليديد "
وعقب دقايق جان تتصل اسـوم ..
فطـوم : هلا والله ..
اسـوم : الله يغربلج من وين لج هالرقم ..
فطـوم : هههههه .. رشود معطني ياه
اسـوم : خطييير !!
فطـوم : شو لبستي ؟؟
اسـوم : هيييه .. واانتي ؟؟
فطـوم : هييه .. اخبرج اسمع صوت رشود يزقرني يلا شكلنـا الحين بني ..
اسـوم : اوكيه ..
جان تصكر عنها .. وهيه تلبس عباتهـا ..
راشـد من ورا الباب : فطـوم : تراني فالسيـاره ..
فطـوم : اوكيه الحين يايه ..
روح راشد و فطوم لبست عباتها و لفت شيلتها بسرعه وتغشت .. ولبست نعالهـا و سـارت صوب السيـاره .. جان تدش السيـاره و شـافت رشـود .. تم يشوفهـا و فخاطره يشوف ويهـا !! وهيه قافطه ..
راشـد : ماشالله كاشخه ..
فطـوم : ههههه .. لازم عيل اشوه ..
راشـد : هههه .. بس بعدني ماشفت شي جان يغمزلها
فطـوم : ههههههههههههههههههههههه .. مابراوييييك ..
فطـوم فخاطرها شي واااحد !! انه تتامل فـ رشود .. ماتعرف بس تبا تتامل لوول .. المهم عقب ربع سـاعه وصلوا جميرا 1 و راشد رمس اسوم عسب اتدليه البيت .. ومالت ع التدلي اللي شراتهـا !! ماااتعرف شي !!
و فطـوم كل دقيقه تضحك ع شكل راشد .. وعقب معانااه حصـلوها واقفه برعه .. سيره فطووم نزلت بولهه
فطـوم شاقه : اسوووووووووووووم
اسوم مستانسه واخيراً شافتهـا : فطوووووووم .. فديتج والله
فطـوم : حيااااااتي اشحالج ؟
اسـوم : تماام وانتي شحالج ؟
فطـوم : والله يوم شفتج استويت احسن بوايد ..
اسـوم : ههههه مابغيتي يا الدبه اشوووفج !!
فطـوم : تعرفيني قبل ويا اهليه ما اروم اطلع الا ويا حد !! بس الحين هانت ..
اسـوم : الا تعالي من وين يبتي رشـود !!
فطـوم : ههههههههه يا حمااره !! بخبرج فالمول ..
طييييييييط طييييييييييييط
" فطـوم كانت شاله الغشـوه .. ومعطيه سياره راشد ظهرهـا يوم ضرب هرن .. جان تلف و تضحك ..
اسـوم وهيه تضحك : وابووويييييييييييه هههههههه
فطـوم : ههههههه طوفي نقعنـا الريـال ..
اسـوم : يـلا ..
دخلـوا السيـاره " فطـوم من الفرحه يلست عدالها ورا .. ورا راشد .. وهوه كل دقيقه يشوفها فالمنظـره وهيه هب حاسه لانه كان لابس نظاره ..
وهم فـ نص الدرب ..
اسـوم : ياختـي وااااايد .. فرحـااانه !!!
فطـوم : هههههههههه .. انا بطيير من الفرح ..
رشـود : لا تطيرين في ناس يبـونج ..
اسـوم شافت فطـوم بنظره وهيه شاقه الحلـج ..
فطـوم بصوت واطي : اييه لاتشوفيني جيه ..
اسـوم : هههههههههههههههههههههههههههههههههههه
فطـوم : اشش !!!
اسـوم : اعترفي اعترفي ..
فطـوم تشووفهـا بنظرره : اسـووووم !! ..
وعقب ربع سـاعه .. وصلوا المـول .. يوم نزلت اسـوم ..
رشـود : فطييم خلج شويه بغيتـج ..
فطـوم : اوكيه .. طلعت و جان تركب جـدام : آمر ..
رشـود : طلع من بوكـه 5000 .. انـدوج ..
فطـوم فاجه عيونها : حق شو هـا .. بغيت شي اخذلك ياه ؟
رشـود : لا فطووم .. هايـل لج !
فطـوم : بس راشد انا ماباخذ اشيـا وايد !!
رشـود : خذي كل اللي فخاطرج فيه ..
فطـوم نزلت راسهـا : ..............
رشـود مط شنطتهـا وحط الفـلوس و عطاها الشنـطه .. شافها و ابتسم : روحي و استانسي وانسي كل شي
فطـوم شويه و بتصيح : آآآ راشـد مشكور و ماتقصـر ..
رشـود : افا عليج فطوم .. انتـي اختييه !! وتامرين أمر !!
فطـوم بدون ماتحس بستغراب : اختــك !!!
رشـود استغرب : هيه ليش ؟
فطـوم : ها لا ماشي .. تحمل بعمرك ولا تسرع .. فداعة الله

..


كـــ..ـــــت ..


السموحهـ


.

 

 

  رد مع اقتباس
قديم 23-02-2010, 04:21 PM   رقم المشاركة : 14
حبوبة دوم
~ • غـٍُالٌٍُيً جـًٍَِديـٌٍُد • ~
 
الصورة الرمزية حبوبة دوم 




معلومات اضافية 
  النقاط : 20
  الجنس :
  الدولة :
  الحالة :
الرسالة الشخصية

التقييم

افتراضي

 

 

الله ونااسه هالباارت يلا تسلم ايييدج همووستي =)
يلا همووس نترياا البااارت الياااي بفاااارق الصبر

 

 

  رد مع اقتباس
قديم 23-02-2010, 05:41 PM   رقم المشاركة : 15
.. τңβ7ЙЏ 7βқ
~ • غـٍُالٌٍُيً ذًٍُِّهـًٌٍُِبًٍَُِيًِ • ~
 
الصورة الرمزية .. τңβ7ЙЏ 7βқ 




معلومات اضافية 
  النقاط : 785
  الجنس :
  الدولة :
  الحالة :
الرسالة الشخصية

التقييم

افتراضي

 

 

يااااأأأأأأأأي عجييييب والله..

تسلمين هموسه ع البارت الغاوي شراتج..

يعطيج العافيه..

نتريا البارت الياي ع احر من الجمر..هااع


=)

 

 

  رد مع اقتباس
قديم 24-02-2010, 09:02 PM   رقم المشاركة : 16
.. τңβ7ЙЏ 7βқ
~ • غـٍُالٌٍُيً ذًٍُِّهـًٌٍُِبًٍَُِيًِ • ~
 
الصورة الرمزية .. τңβ7ЙЏ 7βқ 




معلومات اضافية 
  النقاط : 785
  الجنس :
  الدولة :
  الحالة :
الرسالة الشخصية

التقييم

افتراضي

 

 

؟؟؟؟؟؟؟؟؟؟؟؟؟؟؟؟؟؟؟؟؟

جاأأأأأأأأأأأأري الانتظاااار..><

 

 

  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
.×. أَدْمَنْتْ ~ [ حَ ـبِكـَ ] ~ وُاسْتَحَلْ بِكَيَاَنِيِ .×. مكسور الخاطر المكرر وسلة المحذوفات 20 13-12-2007 11:06 PM

الساعة الآن 10:47 AM.


Powered by vBulletin® Version 3.8.7
Copyright ©2000 - 2019, Jelsoft Enterprises Ltd