رمزيات بلاك بيري خدمة تفسير الأحلام تصميم مواقع وصفات طبخ أعلن معنا


العودة   منتديات فريج دبي > فريج أم سعيد > قصص وروايات > قلم رصاص يسرد روايات

قلم رصاص يسرد روايات يختص في طرح الروايات


آخر المشاركات المطروحة في منتديات فريج دبي .


..))(( روحي لــغيركــ إرفضت ))((..

قلم رصاص يسرد روايات


إضافة رد
 
أدوات الموضوع
قديم 16-12-2009, 04:29 PM   رقم المشاركة : 17
3šђőǑő8t,ālain
~ • غـٍُالٌٍُيً حـًٍُِبًٍُِوبًٍِ • ~
 
الصورة الرمزية 3šђőǑő8t,ālain 





معلومات اضافية 
  النقاط : 615
  الجنس :
  الدولة :
  الحالة :
الرسالة الشخصية

التقييم

افتراضي

 

 

نهيان" و يصيح.. و يطاالع عليااا " : خاالوووه
عليا : انزين بس حبيبي انا بطلع ويااك
((و طلعت علياا وياا نهياان .. برع .. فحديقة البيت ))

.................................................. ...................
(( اليوم الثاااااانــــي ))
(( العصـر .. وفي المطااار ))
(( عنود مخبله بسلااامه ))

عنود : ما أبى ..!!
سلامه : جيييه بكيفج ثره هو ...!!؟؟
عنود : مب حلوه هالبدله سيري هاتيلي ثاانيه ...
سلامه : شو أبيض لج ثاانيه يعني ...؟؟
عنود: ماماتي شارتلي وايداات .. يالله سلاامه سيري ..
هند (( وأتي صوب سلاامه )) : بلاهاا أختج ...!! ترى مطاار دبي بيطيح على روسنا من صريخها ..
سلامه :يأخي خبلت فيني .. أونه ماتبى هالبدله ..
هند : حبيبتي عناادي .. يوم بنوصل بنبدلها لج .. وبعدين شو فيها بدلتج والله أحلى من اللي أنا لابستنها ..
عنود (( وتسحب عبااة هند تبى تشووف هند شو لابسه ))
هند (( وتسحب إيد عنود )) : واا غربلات عدووج من بنت .. فصختيني ..
عنود : أبى أشووف أنتي شو لابسه ..؟؟
هند : ياسلاام .. يوم بنوصل برااويج .. صدق متفيقه .. سلامه سويلها طااف ماعليج منها ..
عنود (( وتصيييييييح )) : ماأباااج أنتي خاايسه .. خوزي ..
سلامه : أش .. الله يغربلج سكتي .. شوفي النااس يطالعونا ..
هند : ألحين كلهم بيتحسبونها بنتج خخخخخخخخ
عنود (( وتفل على هند )): خاايسه ..
هند : أخييييييييييييييييه .. والله يالحيواانه دوااج يوم بنوصل ..
عنود (( وترد أتفل )) : خوزي عنا ..
هند : الله يأرفج .. يالخاايسه .. أبوي سلاامه أنتي أتصرفي وياها أنا بسير صوب قووم أماايه ..
سلامه : الله يساامحج ..
هند : خخخخخخ ..سحبيها من إيدها وفريها عند أمج وأفتكي من حشرتها ..

"وسلامه سيده على التنفيذ .. شلت عنود وودتها صوب أمها .. بس أمها عطتها رااشد لأن ماتروملهم بثنينتهم "

..." وعقب ربع سااعه .. طارت بهم الطيااره صوب ألماانيااا "...

.." وفي الطياره "..

عبيد (( وكاان يالس عداال حمداان )) : يأخي شووف أخوك يتمشى في الطيااره حااسب عمره على الكورنيش ..
حمداان : وأنته شو يعورك ..؟؟ خله يتمشى ...
عبيد : أندووك أنته سااير رااد صوب الشبااب اللي جداام .. أضني خبل بهم ..
حمدان : غربلاات عدو سلامووه أكيد أماايه مخلتنه عندها وهي مسوتله طااف ..
عبيد : هههههه .. يأخي هي هب بشكاارته عشاان تيلس أترااكض ورااه ..
حمداان (( ويصفر لراااشد )) : رشوود .. تعاال ..
(( ويا رااشد صوبهم ))

رااشد : سيييد جداام ...!!
حمداان : شووو ...!!
رااشد : سييييد مناااك جداام ...
عبيد : بأي لغه يرمس أخووك ..
حمداان : صخ وخلني أفهم شو يقوول ...(( ويرمس رااشد )) : بلااك ..؟؟
رااشد (( ومل منهم )) : سييييييد منااااااك .. بلوح أناا ..
عبيد : شوي سييييييييد..؟؟وشوي بلوووح...؟؟ والله مافهمناالك ..
رااشد (( ويقووم عنهم .. ويوده عبيد من إيده ))
عبيد : لا الغااالي تعاال أستريييييح مااشي سيره صوب الشباااب ..
رااشد (( وصاااااااااح ... وعبيد سيده بطل إيده ))
عبيد : يأخي مايتفااهموون أخواانك من حد أيودهم فتحوا هالونااان ؟؟
حمداان : يأخي شله لاتخليه جيه ياالس في الممر ويصييييييح ..
عبيد (( ويقووم ويشله )) : بابا رشوود بس أسكت ..
رااشد : بلوووووووووح سييييييييد ..
حمدان : والله خااطري أفهم شو يقوول ..
عبيد : صبر شوي .. أنا بفهم .. رشوود بلااك وين تبى تسير ..
رااشد(( وعصب .. وهو يصييييح )) : سيييييييد ..
عبيد : هيه فهمت .. أظني أنه يقوول سيده بس كلا حرف الهاااااااء ..
حمداان : عبوود هب وقت المصخره ..
عبيد (( ويفر عليه رااشد )) : عيل أبويه أنت أتفااهم ويا أخووك ..

.. وتم حمداان يسأل رااشد يبى يعرف بلااااه ..؟؟ ومنو سييد ..؟؟ وأخر شي أكتشفوا أن رااشد يتحسب وااحد من الشبااب اللي جداام هو سعييد ..

...×× ووصلوا ألمانيــااا ××...
.. وخذوا للحريم والبناات جنااااااح .. والريايل والشبيبه جناااح ..
.. وكانوا وااصلين المغرب .. ومن التعب كلهم أرقدوا ..

...×× اليوم الثاانـــي ××...
(( الصبح))

منصور (( قاام من الرقااد .. ودخل يسبح .. ويوم ظهر لقى الشبااب كلهو وااعين .. وجاالبين الصااله ))

حمد (( ويفر عبيد بالمخده )) : يالحيواان ..
عبيد : حموووووود لاتحط رااسك من رااسي ترى مدخرااتي أقوى ..
حمد : الله والمدخراات .. ماأدري شو عندك عااد ..(( ومااحس إلا وحد يسبحه بدبة مااي باارده ))

حمد (( ويلف يطاالع منو هذا المتجرأ يخرسه مااي .. )) : حمداانوه يالهرم ..
حمداان (( ويفر دبة المااي .. ويركض .. وقبل لايدخل الغرفة .. يوده حمد من قميصه من ورى .. ويلس يضربه على رااسه بالدبه اللي كاانت خاليه ومافيها.. شي))
حمداان : أأأأأأأأوج .. يعوور ..
عبيد (( ويسحب حمد من قميصه على ورى .. وطااح على الأرض وطااح حمد فووقه لأن الأرضيه كاانت خرساانه مااي ... ))
حمداان (( يشل الدبه .. وقاام يضرب بها حمد )) : كخخخخ ..يوم لك ويوم علييييك ...

فاارس (( وياالس جداام التلفزيوون )) : يالمهرمه ألحين وااحد من خواالي بيظهرلكم .. أسطلبوا وسلموا على عمااركم ..
حمد : جب أنته ...!! تشوف هاليهاال طاايحين فيه .. قوم سااعدني ..
عبيد (( وطاايح على الأرض وعدااله حمداان)) ليش أنته هب ريال تبى حد يسااعدك ...
حمد (( ويضرب عبيد على ريله بالقووو )) : عدل رمستك ..
عبيد (( ويقووم ياالس .. )) : أوووج يعوور .. الله يغربلك هب إيد ملاااااااس ..

...(( ونش عبدالله من الرقااد على الحشره ولمبااغم ))...

عبدالله (( وأول ماطلع أنتبه لحمداان اللي كاان طاايح على الأرض )): حمداان بلاااك ..

حمداان (( ويفز وااقف .. ويسير ويحب عمه على رااسه )) : صبااح الخير عمي .. لا لا مابلااني شي .. أنته عمي شو أصبحت ...؟؟
عبدالله: بخير الغااالي (( ويلف صوب حمد اللي كاان يتريا الهزبه من أبووه )) : حمد شو هالخدمه اللي خادمنا إياها ...يامسود الويه .. عنبووك ماتخلي حد يرقد .. ماتقول أبويه وعمومتي رااقدين ..
حمد (( ويتسرط )) : السموحه منك أبويه .. نحن أونه يالسين نسولف وعبيد جلبها ضراابه ..
عبيد : منو أناااا ....!!!
حمد (( ويضرب عبيد على ظهره .. بس من غير ماينتبه له أبووه ))
عبيد : هيه خاالي .. السموحه منك ...
عبدالله : وعقب شوو ..؟؟ عقب ماغثيتونا ...
فاارس : مااعليه خاالي .. أمسحها في ويهي .. وهالثوور دوااه عندي ..
حمد (( ويغير الموضووع )) : أبويه أنته شحاااااالك ..؟؟؟ وشو راايك ببرد ألمانيا
عبدالله : أمره ثلج مارمت أرقد الباارحه ...
حمد (( وأنا أقوول بلاااه الواالد نااش يفااتن ثره هب رااقد الباارحه ))

عبدالله : أسمعوا اليوم ثنينه منكم بيسيرون يبااتون أهنااك عند الحريم ..
منصور : ليييييييش ...؟؟
عبدالله :أماايه محتشره أونه مخلينهن بروحهن ..
حمد : أنزين ثرهن هن وين هذن إلا عدالنا ...
عبدالله : عااد أنتوا أتعرفونها أماايه أن بغت الشي لازم تسويه ...
فاارس : ومنو فينا ...
حمد : أكيد عبيد وحمداان ...
عبيد : شووو ...؟؟ لا لا ..
عبدالله : شو لا لا بعد ..ثركم أنتوا مابتيلسون أويااهن غير فالليل وطوول الوقت عندنا..
حمداان : وشمعنى نحن الأثنينه؟؟ ..
حمد : لأن أنتوا أصغر من البناات .. وبيقدرن يااخذن رااحتهن أكثر ...
عبدالله : صدقه حمد .. يالله أنا بدخل أسبح (( ودخل دااخل ))

..×× وعبيد وحمداان تموا ينااقشوون الموضووع .. ويوم لقوا أنه خلاص ماافي أمل أنهم يبقوون .. دخلوا يبدلوون ثياابهم اللي كاانت متخرسه مااي ××..

.................................................. .....................................
** الجهه الثانيه **
** و بالتحديد عند البناات **

(( البناات معروفاات ...موتهن و حيااتهن .. شي اسمه رقااد ... كلهن رقوود ..و محد وااعي غير العيايز .... اشويه و ادش عليهن مهره ...و كل سااعه تركب فوق وحده ..و تبطل عنها الكفر عشاان تشووف منوو هااي؟؟ ...و عقب تلعب بشعرهااا...و تضربهااا ...و توعيهااا .. ما شا الله .. مستويه منبه ...))

سلاامه : مهرووه قومي عني ..
مهره : ما بي .. ما بي .. !!
سلامه : الله يطولج يا رووح...
مهره : انتي حصااان " و يالسه اتناقز فووق سلاامه "
سلامه : مهرووه .. قومي عني .. بروحه جسمي متكسر من الخاطر .. بعد انتي اتزيدينه ...
مهره " سوت اكبر طااف لسلااامه ..و تمت اتغني ...و تناقز "
هند " خلاااص مل صبرهااا .و بصووت عالي " : مهرووه ..و عزرئيل يشلج قولي آمين ... قومي اطلعي وروحي عند امج .. بسرعااااه...
مهره " و شويه و بتصيح " : مابي .. و الله لخبر عليج بابا..
هند : سيري خبريه .. هكووه الدرب طاايح ...

(( و قامت و شلت مهره .. ومهره اتصيح و تراافس ...و طلعتهاا من الحجره ..و مشت لين الصاله ... عشاان تلحق على عمرهااا ...و تركض و تقفل عنهاا البااب ..و مهره شاله السويت فووق راسهاااا من الصيااح ..وهند كانت لابسه شورت لين تحت الركب ....و البدي مفصخ من الخاااطر ....يعني نص الظهر طالع من ورى ...و الله لااا يرااويكم كيف شعرها ... لاامتنه باي كلااام ))

هند " و تصارخ ": امااايه .. اماااااايه ... بعد هاااي وين ساارت
مهره " تصيح " : فجيني
هند : لاو الله .. عشاان ادشين الحجره و تركبين فوقناا و نحنا رقوود جناا حمير عندج....
مهره " و بعدهااا ما سكرت الوناان " : حمداان .. شووف هندووه السبااله
هند " و هب منتبه انه حمداان يالس فالصاله " : عداال الشيخه عن لااا يسمعج .. فارس احلااامج ...و يي ينقذج من الشريره هند..خخخخخخخخخخخخ
مهره " و تأشر وين حمدان يالس ": هاادووه ... الحين بيي يضربج يا النحسه
(( صدت .. صووب المكاان اللي اشرت صوبه مهره ...و شاافت حمداان متفيزر... و كاتم ضحكته .. عشان هند ما تنتبهله ... ورت مهره ....و ركضت صووب الحجره ..و ما خلت غير اغبرتهاااا وراها.... و الانسه مهره تلحقهاااا .. عشاان ادش الحجره ... بس هند سبقتهاا و قفلت البااب ...بس منوو يقوول .. مستحيل مهرووه تخليهن ... تمت يالسه و ترفس الباب عليهن ... لين ما لاعت جبدهااا ..و راحت تلعب و يا اليهال اللي من سنهااا...وحمداان .. مات من الضحك على هند ))

.................................................. ................
** و بعد الغداا **
** و عند البناات **

ريم : اماايه ترانا ملينااا ... من كثر اليلسه هني ... و لا انتوا ناوين بس تحبسوونااا فالفندق .... و نواايق على النااس من البلكوونه ..
مزنه " ام حمد ": و انتي شوو بلاااج مستعيله على رزقج ... الا امس واصلين...و اليوم الا مصبحين فيهاااا ...و لا انتي تبين الهواامه عند الاجاانب على الاربع و عشرين سااعه
ريم : هي .. انا ابي اطلع من الصبح و ما ارد الا فليل
مزنه : تولمي عيل .. بتبطين السااع يوم أن حمد ورااج ...
ريم : شوو يعني .. ليكوون بطلعوناا سااعه بس .. اسمحيلي .. انا يايبه كيمرة فيديو.. و الكيمرا العاديه .. و ما بخلي شي ما بصوره ..وهالسااعه اللي بتخصصونهااا النااا ما تكفيني .. وبعدين حمد هب سااد مانعنا من الطلعه في لبلاد بعد بيتحكم فينا برع لبلاد ..
مزنه : اوهوو ... قومي عني .. لااا اصب هالقهوه فووق رااسج
ريم " بصووت عالي " : افففف و الله انكم تقهروون ... و الله لوو ادري انكم جي .. لو يلست فالبلاااد
مزنه : و ان شا الله عند منوو بتيلسين اهنااك
ريم : .. بخلي حد يتبناني شهر لين ما توون
مزنه : هي و الله .. انا لو خليتج اهنااك هب احسن .. على الاقل بفتك من هالحس .. جنه حس صرنااخ يعاابل فاذني
اليده : شوو بلاااهاا ريمووه .. يالسه تتحرطم .. حتى ما خلتنااا نرقد
ريم " بصووت عالي ": بس هذاا اللي انتي تبينه رقااد ... و ليكوون انتي اهني يايه عشاان ترقدين
اليده : يا مسودة الويه شوو هالرمس
مزنه : ريمووه حد يكلم يدته بــ هالاسلووب .. سيري عند البناات و فكينااا من حشرتج ... و داامج ادورين الهواامه .. روحي صووب ابووج و خليه يحوطج ...
ريم : اففف منكم.... صدق انكم ترفعوون الضغط للي ما فيه ضغط .. ولا بعد اتيبوله السكر و الجلطه و القلب و امرااض الدنيا بكبرهاا
مزنه " و بعد ما روحت ريم ": احمدي ربج ان حد مسفرنج ...عمووه ماعليه امسحيهاا فويهي .. هي معصبه و بردت حرتهاا فيج
اليده : اصلا هذا التصرف هب يديد عليهاا.. انتي كل يووم تمسحينهاا فويهج ..
مزنه " و فخاطرهاا : غربلااات عدووج يا ريمووه ..يا اللي مفشلتني كل يووم جداام عمووه "
.................................................. ..........
** فقسم الشباب **

(( البناات كلهن هنااك ... هب سايراات حب" ن" .. فيهم ... بس لانهن يبن يعرفن الطلعه اليووم على وين ..و كانن معتمداات على ريم .. فــ هالشغله ...))

ريم : باباتي .. اليووم وين بنرووح
عبدالله : و الله ما ادري .. اسألي الشبااب
ريم " وبصووت عالي .. عشاان حمد يسمع لانه بعيد .. و يلعب بلبلي ستيشن اللي حمداان يايبنهاا ويااه من الاماراات " : حموود ... اليووم وين بنرووح
حمد " مندمج فاللعبه .. و هب فاايق لريم " : بعدين ..بعدين
ريم "و تعلي صووتهاا اكثر " : حمووووود
حمد: الله يغربله من حس.. ما صدقت افتك منه ..و يايه تلحقني لين اهني بعد
منصور: يا اخي تحبك
حمد : حبك برص انته و هي" و يعلي صوته" .. ويعه تويع بطنج قولي آمين
ريم : باباتي .. سمعته
عبدالله : حمد شوو هالدعااوي .. ثرك دعيتلهاا بالعاافيه
حمد : تكلم محامي الدفااع
منصور : هههههه ..و الله وما كنت ادري انها دلوعه لهدرجه
حمد : شوو راايك ايوزك ايااهاا ..و انا افتك من حشرتهاااا
منصور : لااا بوي مهرووه اتكفي و توفي .. بعد تبي اتزيدني
حمد : اصدق .. كلهن نفس الطينه على منو ظاهراات
منصور : ما يباالهاا تفكير يا ذكي .. طالعاات على العيووز
حمد : ههههه ..و الله انك ما جذبت ...بست كوبي منهااا
منصور : بس بس .. لااا تحش واايد بالعيووز .. ترااهاا ترووح .. ريحت الحش.. من بعد كيلووو
حمد : و الله .. هب خشم ... ثره امزوده من الخاطر.. عااد فاي غرااج
منصور : اسرااار .. ما أطيع اتخبر حد

ريم(( وتسير صوبهم .. وتيلس عداال حمد .. و بدلع )) : هااا.. وين قررتوا تودونا ..
منصو ر: بعدنا ماقررنا ...
ريم : عيل من مسااعه شو تقولون ..
حمد (( ويفرها بالشريط مال لبلي ستيشن )) : وأنتي شو دخلج في رمسة الريايل
ريم : أوف .. المهم وين بنسير ألحين..؟؟
عبيد : جهنم الحمرا ..أدلينها ولا ..؟؟
ريم : جهنم تتريااك يالكاافر ..
عبيد : حمد سكت أختك هالضفدعه .. لا أٌقووم وأترفس في بطنها ..
حمد :ريمووه سيري أهنااك لا أهوون وماا أطلعكن اليوم ..
ريم (( وحااسة بوزها )) : أنزين بسير.. بس بسرعه لو سمحت ترانا طفرنا ..(( وساارت ))
عبيد : والله هالضفدعه مسويلها واايد ساالفه ..
منصو ر: أنته كمل لعب .. وفكنا من ريمووه والضفدعه ..
عبيد : طااع هالغبي .. أقولك يوم بفضى بخبرك كل حد وشو تعيورته .. عشاان ماتفضحنا .. خخخخخخخخخخخخخ
(( وعقب ماخلصوا الشبااب من اللعب ظهروا ويا البناات وسااروا صوب بافاريا فيلم ... ))
.................................................. ........................
..(( وفي بافاريا فيلم ))..
(( عبيد مخبل بالمرشد .. ))

عبيد : أنزين أنتوا ماتوضفوون موااطنييييين .....!!
منصور : شو ماتوضفوون ..؟؟ أسكت دخيلك لا تفضحنا ..
عبيد (( وطااف لمنصوور )) : أقولك تدري أن هالشغله تاافهه وسخيفه ولا أدري كيف تحبون تشتغلون فيها ..

المرشد (( وكاان مغربي )) : أيش بتقوول ...؟؟
عبيد : سلاامتك ...؟؟ بس مااتبوون مرشدين .. ترى أنا عندي كل المؤهلاات اللي تسااعد أني أكون مرشد شرااتك ..
فاارس (( ويسحب عبيد... من قميصه .. بس من ورى )) : أقوول حط ألساانك في حلجك وفكنا ..
عبيد : أنشاءالله .. (( ويلسوا يتمشون ويا المرشد وكاان يرمس ويخرط .. وهم يدخلوون من اليمين ويطلعون من اليساار ))

ريم : حمد ...!!
حمد : خير ..
ريم : أبى آيس كريم ..
حمد : آيس كريم يدتج أهنيه .. بعد من وين تبيني أيب لج ..
ريم : أسأل هالجثه (( وكاانت تقصد المرشد )) ..يمكن يعرف ..
حمد : أقوول فكيني من صوتج .. ماأبى أسمعه إلين مانرد الفندق فااهمه ..
ريم :أوف أنشاءالله ..


عبيد (( وواقف صوب ميثا وسلاامه )) : الله يغربله هب طوول علييييييه .. ماتقولن غير أطول رجل في العاالم ..
ميثا : أطول رجل بكستااني .. هب مغربي ..
عبيد :والله أدري .. وبعدين مابيسلفني شوي .. بس يومين وبرده له ..
سلامه :سير أتخبره ...!!
عبيد : أتخبره قاالت .. أصلا ً أنا أزيغ أتقرب منه .. أخااف من طوله حد ينفخ عليييييييه ويطيح عليه ..
ميثا : ههههه ..
عبيد : ليش تضحكين .. قااايل نكته أنااا ..
ميثا : عبوود دخيلك سير بعيد عنا شوي ..
عبيد : ليش شكلي مفشل .. أنزين مااعليه يابنت الخاال .. مشكووره وأيي منج أكثر ..
ميثا : بس ..بس .. عنبوه أنا شوقلت ..أنا كنت أقصد ماأبى أيلس على الأرض من زوود الضحك ماكنت أقصد أن شكلك مفشل ..
عبيد : ماالت علييييييييج .. أنتي ليكوون قااصه على عمرج وحااسبه أنا يااي صوبج عشاان سوااد عيونج ..
ميثا : أدري يااي لأبله سلاامه ..
عبيد : أبله أونه .. أٌقولج خلااص أتقااعدت ماقاامت أدرس ألحين ..
سلامه : بسكم من الحش فيني ..
عبيد : هذي ميثووه اللي ياالسه أتحش فيييييييج ..

..×× وتموا يتمشوون .. وشوي رن موباايل حمد وعقب مابند قااللهم أن لازم يردون الفندق بسرعه .. والكل كاان مستغرب .. وهب عاارف شو السبب ××..

.................................................. ......................

..×× وفي الفندق .. وفي جنااح البناات ××..

فاارس : شو الساالفه شو قالولك ..؟؟
حمد : ماقالولي شي ..؟؟
فاارس : حمد شو هالرمسه .. أتقولنا أن يقولون لازم نرد الفندق بسرعه ويوم ردينا مالقينا حد في الفندق .. يأخي أرمس جاانك تعرف شي ..
حمد : والله ماأعرف شي .. أبويه أتصل وقاالي ردوا الفندق بسرعه ..أنزين ليش ..؟؟ مارد عليه وسيده بند ..
ميثا : أنزين أنتوا بلااكم ...؟؟ ألحين بيردوون وبنعرف الساالفه بكبرها ..
منصو ر: وبعدين يمكن الساالفه بسيييييطه وماتستااهل كل هذا اللي تسوونه ..
غايه : حتى يدووه هب موجوده .. يعني أكيد صاار شي ..!!
سلامه : يالله أنتوا لاتيلسون أتزيغونا ..
عبيد : يمكن العيووز تعبت ..
منصور : فال الله ولا فاالك ..
عبيد : ههههههه .. أٌقولكم تيكت إيزي .. ماصاار شي .. ألحين بيردوون ..
حمد : أنته في كل الأوقاات تضحك ..؟؟
عبيد : عيل شو تبااني أسوي ..؟؟ يأخي أنتوا ليش مصرين أن مستوي شي .. وحزناانين .. مجهزيين الدوا قبل الفلعه عرفوا الموضوع أول شي ..
فارس : عبوود قوم أظهر .. هب فاايقين لك ..
عبيد : بظهر أنزين ..!! إذا وصلكم شي أتصلوبي .. (( وظهر من الفندق .. الحبيب هب هاامنه شي .. ))

..×× سااعه سااعتين ثلاااث .. الكل مل من الأنتظااااار ... الكل يتريا يوصلهم خبر .. بس مااشي وصلهم ومحد رد الفندق ××..

..(( ودخل عبيد ))..

عبيد : هاا وصلكم شي ....؟؟
فاارس : شراات مااظهرت رديت ..
عبيد : مافهمت ..!!
سلامه : يعني شراات ماظهرت عنا ونحن هب عاارفين شي .. رديت ونحن بعدنا هب عاارفين شي ..
عبيد : بس هب جنهم أتأخروا ..
حمد : اللهم طولج ياارووح .. أبويه ماايرد عليه ..
عبيد (( وييلس .. ويحط إيده على خده )) : تبوني أتصل بـ أماايه ..
روضه : هيه عشاان تدفنه في ويهك .. ليش ماتدريبها أنها كارهه شوفتك وصوتك
عبيد : فرووس سكت أختك .. قبل لا أقوووم وأرتكب فيها جريمه ..
حمد : شو ليكون بتجلبونها ظراابه ..
فاارس : عبوود قووم أظهر ..
عبيد : وأنته ماتعرف غير هالجمله .. مامليت من زوود ماتعيدها ..
حمداان (( ويبى يهدي الوضع )) : عبوود قووم خلنا نظهر ..
عبيد : هب ظااهر .. عنبوه توني رااد .. حتى هب قاادرين تتحملوني ربع سااعه حمدان : عبود خلنا نظهر عنهم ..
..(( وقاام عبييد وظهر .. وظهر حمداان ورااه ))
.................................................. ..............................

..×× وفي المستشفى ××..

فااطمه: هاا عبدالله بشر ..
عبدالله : الدكتور يقوول أن حالتها خطيره .. وكاانت بتصيبها جلطه لكن الله ستر ... هي من كمن يووم هب ماخذه دواها .. وهذا أثر على صحتها ..
مزنه : ويعني ...؟؟!!
عبدالله : الدكتوور يقوول لازم نخليها في المستشفى تحت المرااقبه ... كمن يووم .. وأنا أفظل أن من يرخصها الدكتوور نرد لبلاااااد ..
فااطمه : لا مااعليه .. ماله دااعي كلكم أتردوون أنا برد أوياها وأنتوا تموا .. أنتوا بعدكم مايلستوا غير يوم وااحد ..
خليفه : أنا أشووف يلستنا في المستشفى مامنها فاايده خلونا نرد الفندق ..
فاطمه : أنا بيلس عندها ..
سيف : وشو الفاايده .. لابتدخلين عليها ولاشي .. إلا بتمين يالسه أهنيه ..
فاطمه : ماعليه أبى أيلس وياها ..
نوره : وأنا بتم ويااج هب زين أتمين بروحج ..
خليفه : خلاص نوره بتيلس ويااج وأنا بطرش إلكن عبيد وحمداان ..
عبدالله : يالله عيل خلونا نرد ..

..(( وردوا كلهم الفندق .. ))..
..((وأول مادخلوا جنااح الحريم .. قااموا كلهم .. مستغربين .. لأنهم نااقصين ))..

حمد : أبويه شو مستوي ...؟؟
فارس : ووين أماايه ويدووه وعمووه نوره ..؟؟
عبدالله (( وييلس )) : يدتكم أتعبت ووديناها الدختر ..
ميثا : بلاها..؟؟ شو صابها ....؟؟
عبدالله : مااشي بس هي هب ماخذه دواها من كمن يووم وتعبت ..
ميثا : كيف..؟؟ وأنا كل يوم أعطيها دواها .. وفي كل الأوقاات ..
عبدالله : والله علمي علمج ياميثا ...!!
خليفه : المهم .. عبيد وحمداان وينهم ..؟؟
حمد : ظهروا ...!!
سيف : وليش ثره هذا وقته عشاان يظهروون يحوطون ..؟؟
فارس : ملوا من اليلسه ..
خليفه : فارس أتصل بأخوك وعطني برمسه ..
فارس: أنشاءالله .. (( وتصل بعبيد .. ورمسه خليفه وخبره بكل الساالفه .. وخبرهم في أي مستشفى بيلقونهم .. وبعدين بند عنه.. وكل حد دخل غرفته يرتااح .. ومحد أتعشى ذااااااااك اليووم ))

 

 

 [align=center]
[flash=http://dc03.arabsh.com/i/01023/ol0c4ix3fh0h.swf]WIDTH=440 HEIGHT=180[/flash]
[/align]

  رد مع اقتباس
قديم 16-12-2009, 04:31 PM   رقم المشاركة : 18
3šђőǑő8t,ālain
~ • غـٍُالٌٍُيً حـًٍُِبًٍُِوبًٍِ • ~
 
الصورة الرمزية 3šђőǑő8t,ālain 





معلومات اضافية 
  النقاط : 615
  الجنس :
  الدولة :
  الحالة :
الرسالة الشخصية

التقييم

افتراضي

 

 

..×× فالليل .. وفي غرفة ميثا وغاية وروضه ××..

ميثا (( يالسه على سريرها وتصييح ))
غاايه (( ويالسه عدالها )) : ميثااني فديتج بس ...!! هي بخير ..
ميثا : يالله ياغاايه .. أحس بالذنب ..
غاايه : ولييييييش ...؟؟ أنتي ماسويتي شي ...
ميثا : ماأدري ...!! بس والله أني أعطيها دواها كل يوم وفي عمري ماتأخرت عن الموعد .. والدكتور قاال أنها ماتااخذ دواها ..
غاايه : ماعليج منه إلا هو ماايعرف ..
ميثا : وكيف مايعرف ..؟؟وهو دكتوور
غاايه : أنزين بس فديتج مسحي دمووعج .. ورقدي ..وأنشاءالله أن بااجر بنرووح صوبها ..
ميثا (( وتمسح دموعها )) : كيف بقدر أرقد وهي بعيد عني ..
غاايه : فديتج ميثووه لاتكبرين الساالفه .. أنشاءالله أنها بتقووم إلنا بالسلااامه ..
ميثا : أنشاءالله .. إلا روضه وينها ..؟؟
غاايه : يالسه في غرفة قووم سلاامه ..
ميثا : شكلي إزعجتها ..
غاايه : لا إزعجتيها ولا شي .. إلا هي ملت وساارت تسوولف ويا الساحرات الثلااااث ..
ميثا : هههههه
غاايه : يالله شحلااااااات هالبسمه .. يأخي نحن مانرووم نعيش بلاهااا ..
ميثا : فديتج والله ..
غاايه : يالله رقدي .. وأنا بسير أسحب هالعنز روضووه من الغرفة الثاانيه بخليها أتي ترقد ..
ميثا : أوكيه ..
غاايه : يالله تصبحين على خير ..
ميثا : وأنتي من أهله ..(( وطااحت ترقد .. أما غاايه فبندت الليت وساارت صوب الغرفة الثاانيه ))

.................................................. .................
** فالغرفه الثانيه **
** و عند سلامه و ريم و هندو روضه**

(( الحبايب هب هامنهن شي .. يالساات ..و دااقاات سوالف من الخااطر ..و عااد الضحك ماله حد ..و كل سوالفهن كانت عن السيره اللي اليووم سارنهاااا ...))

روضه " و تفر ريم بالمخده ": جب عااد ... لااا تيلسين تطنزين
ريم " و ميته من الضحك " :هههههههههه سلاامووه و الله انه فاتج نص عمرج
سلامه : شوو اسوي ... تراني نحسه
ريم : ههههههه ..و عااد رووضووه الهبله فااتحه حلجهااا
روضه " و ترد روضه و تفرهااا بالمخده " : ريمووه بس عااد .. و الله اني ما كنت ادري بعمري ..وكاان عقلي عند ناااس
ريم : اووو.. السالفه فيهاااا نااس .. يا اخي فضفضي باللي فخاطرج عن هالنااس ..و لا تخلين شي فخااطرج ..و تراا سرج فبير .. ولااا بعد اغطااته مسكره
روضه : هيه خبله انا اخبرج ... بطلع عنج ..و عقب ثانيه العائله الكريمه كلهاا تدري
ريم : اوووو .. لااا شكلهاا السالفه خطيره .. يا الله اعترفي .. منو تحبين
روضه " و تجذب " : يعني منو بحب .. هذي وحده من بناات كلاااسي .. تمووت فيه و اناا امووت فيهااا
ريم : ووع .. ما عندهاا سالفه اتمووت فيج .. السنه اليايه بتشووفني .. و بتودرج
روضه : سيري لاااا

(( و فتحت غايه عليهن الباب...))

غايه : الانسه روضه .. ياالله جداامي .. بنرووح انااام
ريم : و ليش يعني .. هي ريلج ... روحي ارقدي بدوونهاا .. ما بيستويلج شي .. و خليهاا اتونسني شوي ... بداال سلااامووه وهندووه .. اللي اربع و عشرين ساعه .. اشوفهن على اللاب
غايه : لااا و الله.... رويض بتقوومين ولاااا شوووو
روضه : يا الله يايه .. بس نتي اسبقيني
غايه : ما برووح الا ريلي على ريلج
ريم : رووحي بووي عن لااا تمووت الحرمه
غايه : انتي جب ..و رويض يا الله عااد
روضه : انزين كلتيني " و قاامت "

(( رااحن روضه و غايه يرقدن ... ولا الساحراات الثلاااث .. تمن وااعياات .. والسهره عندهن كانت مطووله ...))

.................................................. ..........
** فالمستشفى **

(( حمدان و عبيد .. يالسين يتحوطوون في ممرات المستشفى ....و شافوا بنتين جداامهم .... ))

حمدان : اووو .. و ين رااح حمد عنهن
عبيد : كخخخ .. هو اليووم من سرناا و هوو يدور بناات .. من بنااات الخليج بس ما حصل ... و ين على حظنااا
حمداان: ليش ناوي ترقمهن .. ما احيدك
عبيد : لااا بوي .... برقمهن لحمد
حمدان : كخخخخ .... شكلهن ضااعن من ايدك انته و حموود
عبيد : و منوو هذاا اللي ياا عندهن ..
حمدان : اكيد اخوهن
عبيد : الله يغربله .. و ما راام ايي .. الا يووم كنت برقمهن
حمدان : شفت عااد ... روح ريحت مغازلجي .. و طلع صوبهن
عبيد : انزين يمكن هو هب اخوهن .. و حاله من حالناا .. بس هن طلعن طيووبااات .. و عطنه فيس
حمدان : لاا و الله.. سير صوبهن ... جاان تبى تااكل منه ضرب من الخااطر .. و يرقدوونك عداال يدتك ... عااد هو ما شا الله عليه ... طول و عرض .. و انته قصير و ضعيف .. وعااد انا يووم بشووفه يدبغبك .. ما برووم اوصلك .. احليلي صدق اني طويل .. بس احطبه
عبيد : انزييين .. بس ...و ليش هالمحاظره الطويله العريضه .. انته الا خاايف .. ايي صووبك و يضربك ... ابوي خلاااص هوناااا .. بس عااد اذا شفتهن مره ثانيه روااحهن .. برقمهن من دون ما اسويلهن واحد ولا اا اثنين ...
حمدان : انته ما تبى تفتك من المستشفى
عبيد : هيه
حمدان : شو رايك باجر نخبر حمد و فارس عن البناات .. و عااد هم ما بيجذبوون خبر .. و بيوون يركضووون و هم حفااي .. عشاان هالبنتين
عبيد:هزرك .. عيل من الحين بطرش لحمد مسج
حمدان : لاا بوي ..لااا تستوثم بالرياال .. هو من يقرى المسج .. و يشوووف مكتووب بناات .. امره الليل ما بيرووم ايبااته.. و بيتم يفكربهن ... و بشوو بعد بااجر بيلبس .. و الطريقه اللي بيرقمبهاااا .. خلهااا بااجر احسن
.................................................. ....................................
** فغرفة قوم ميثاا **
(( كان الكل رااقد.. الا غايه .. كانت منخشه تحت الحااف و ميوده موبايلهاا فايدهاا .. و خااشه السمااعه فاذنهاا ))

روضه " و الرقااد عامينهاا " : غاايوه بس عااد ابي ارقد
غايه : و ليش شو اللي ما نعنج
روضه : صوتج
غايه : صوتي ؟؟.. اسمحيلي الغلااا كنت اسمع اغااني ..و اغني فنفس الوقت ... من دوون ما احس بعمري
روضه : انزيين خلاااص ابي ارقد
غايه " و تتكلم فالموباايل " : اقوول يا الله بااي .. شكلي قفلت .. و ابي ارقد
.................................................. ..................
**اليوم الثاني **
** في المستشفى **

(( الكل كاان عند اليده .. و حالتهاا واايد اتحسنت .. و صاارت احسن عن قبل ... من بعد دواا الاجاانب ...و حمد من سمع سالفة بنااات .. و هو ما قر.. و كل ساعه يحووط فالممراات ,, هو و فارس ....ولا عبيد و حمداان .. ردوا البيت .. عشاان يرقدون .. لان امس ما رقدوا طول الليل ....و اليوم على المساا بيطلعوون اليده .. من المستشفى ... و لانها ما تتحمل تغير الجوو..و لا كثرة الطلعاات..فقررت فاطمه ترد ويا امهااا اللبلاااد .. و غصبت فارس يرد ويااهااا ... و السفر بيكون بااجر على المسااا ...))

** في الممر **
فارس : و الله اني ما ابي ارد
حمد : انزين خل عبوود يروح ويااهاا
فارس : المشكله انه اماايه و عبوود على خلاااف ... فمحد غيري انا
حمد : انزين روح .. و بعد يووم رد
فارس : لااا تنسى انه ابويه .. هب فالبلاااد .. يعني بضطر اقعد ويااهم اسبووع ...و شكلي ما بييكم .. الا فجنيف
حمد : افاااا .. و انا هالمده ويامنوبيلس
فارس : و انته ما همتك غير اليلسه ...و بعدين عندك منصور .. و لا انته نسيت انه العلااقه صاارت زينه من بينكم
حمد : ما نسيت .. بس بعد احس غير
فارس" و يتنهد " : و الله لااازم ترضى بالامر الواقع نفس ما انا برضاابه
.................................................. .........................
** و بعد اياام طاافت بسرعه **
** و بعد ما ردت اليده البلاااد **

(( ردت ريم لحنتهاا .. اللي ما تخلص ... و حمد كل يووم خااطره يذبحهاا على حنتهاا ..))

ريم : حموود.. يا الله عااد..بعد 4 ايام بنروح جنيف .. و نحناا ما شتريناا شي من المانياا
حمد : ليش هب مكفنج اللي اشتريتيه
ريم : لاااااا
حمد : اووف منكن يا البناات .. ابي افهم هاللي انتي بتشترينه .. شوو بسويبه
ريم : بستخدمه
حمد : هاا كله بتستخدمينه
ريم : هي .. و بعدين ميثاا خاطرهاا ترووح مارينا بلازاا
حمد : و شوو هذااا
ريم : و ثره هوو ...في حد ما يعرفه
حمد : هي انا !!

ريم : هذاا شاارع طويييل ... فيه محلاااات ... و عاد نحناا نبى نسير اهنااك عشاان نتشرى
حمد :و الله اليوم ما اقدر .. قبل ما نروح جنيف بيوم بوديكن .. اليوم بوديكن هالحديقه اللي صووب الفندق
ريم : لاااا ؟... هالشارع وايد فيه محلااات فما يكفيناا يووم وااحد
حمد : صدق انج طمااعه ... وداام ميثاا تبى ترووح .. ليش اطرشج انتي .. خليهاا اتي .. و تقول من نفسهااا و بعدين بفكر اوديكن و لاا .. لاااا
ريم : حموود يا الله عاااد .. لااا تتنيحس علينااا
حمد : اووهووو منج ... روحي ييبي البلي ستيشن من قسمكم
ريم : ما ابي
حمد : ترا و الله ما وديكن أي مكاان.
(( و دش عليهم منصوور ))

ريم " و بدلع ": منصوووور
منصور: خير
ريم : قوول حق حمد يطلعنااا
منصور : حمود ... طلعهن و فكناا من حنتهااا
حمد : و الله هن يبن يروحن مكاان بعيد.. و يوم قلتلهن بوديكن الحديقه اللي صوب الفندق ما طااعن
منصور : و عااد شو هالمكاان البعيد
حمد : ما ادري شوو اسمه .. و لااا بعد اختك ميثووه .. هي اللي مشتطه و تباا ترووحله
ريم : ميثووه .. ما تبى تروحله .. بس انا جي يبت اسمهااا .. كعلثه
حمد : لاا و الله عيل اكثر بتنيحس عليكن
ريم" و ترد لدلعهااا " : منصوري .. حراام ودناااا .. بلييييز
منصور " و يلس.. ما صدق حد يدلعه "" : شوو اسم المكاان
ريم : مارينا بلازاا
منصور : و شوو بسون اهنااك
ريم : بعد شوو بنسوي بنتشراااا ... و بعدين انا و راايه جاامعه .. فيعني لااازم اكشخ
منصور : و يعني ما يستوي .. تشترين من الاماارات
ريم : لااا .. لاني عفت المولااات اللي فيهاااا
منصور : كسرتي خاطري يا ام الجامعه ... خلاااص بوديكن
ريم : احلف ..و الله و لو كنت اخويه لو بستك
حمد : قصوورج
منصور : لااا بوي بعيد ..و الحين روحي و خبري القوم مالج .. و فكيني من حنتج ...
.................................................. ................
** فالمارينا بلازاا **

(( البناات شيبن بحمد و منصووور ...))
حمد : اففف يا الله عااد نبي نرووح
غايه : اووهووو علينااا .. حمود شو فيك حشره
حمد : يا الله عااد بسكن .. ما خليتن محل ما دشيتنه ..و الله انهم استربحوا من ورااكن
ريم : حموود .. سير هااك المحل .. و بتحصل فيه بناات ..و شكلهن اماراتياات
حمد" بصووت عالي .. اشك انه الكل سمعه " : ما بيهن .. عفتهن ... ابي اطلع من هالمكاان و افتك
ريم :وااا غربلاااات عدووك .. قصر حسك .. فشلتناااا " و بروود " .. انزين انته شوو عايلنك اصبر .. بعد ساعتين .. بنفكر نطلع و لااا لاااا ..و الحين خلني اشتري مثل النااس و العالم.. اوووف
منصور : حموود ... تعاال ..
حمد : شووو
منصور : انته تعاال و شووف
(( قدر منصور يلهي حمد ..بسواالف الشبااب اللي يبيعونهن ...و اخيرا البناات افتكن من حشرة حمد .. و منصوور خذا اجرهن... و لا عند البناات .. ما خلن مكاان ما دشنه ... و خذن راحتهن .. من يووم حمد روح عنهن ... طبعا .. ما لحقن يدشن كل المحلااات .. فقررن باجر اين وايا حمدان و عبيد .. لانه باجر دورهم هم .. في تحويط البنااااات .....ردوا الفندق ... و البعض رقد ...و البعض لااااا ))

** في قسم البناات **
(( الشباب .. يالسين فالصاله ..و يلعبوون بلي ستيشن ...و شالين القسم فوق روسهم ...و اللي زاااد الحشره هالمره ... وجوود منصور و حمد.. من بينهم ...و كانوا محطين شريط .. كرة القدم ))

منصور : يا خي لااا تغش عاااد
عبيد : واا حليلي انا الحين استويت غشااش و اغش
منصور : ليش الغالي .. على بالك ما شفتك و انته تير واير الجهاز من تحت عشاان يفصل ...و لا بعد تتبلى عليه و اتقوول انه خرباان
حمد " و من بعيد " : حووو انتوا لثنينه متى بتخلصوون
عبيد : بعدناا مطولين ....
حمد " و يفرهم بالمخده مال الكنبه ": يا الله عاااد ... ذليتواا عارنااا .. ابي العب
حمدان : هي و الله حتى انا ابي العب
عبيد : " و يفر حمداان بالمخده " : انته جب
حمد : انزين كم من الوقت باقلكم
عبيد : ما ادري ... بس ممكن تسكتوون .. لاني اشووف هالمنيصير .. استقوى علي ..و يبى يسجل هدف
حمدان " و يفره بالمخده ": ما يهمنااا ....و يا الله عااد
عبيد " فر الجهاز ..من دون ما يضرب ستارت ..و يود فايده مخدتين و فرهن على حمد و حمداان " : يا هاللحلوووج ... و الله اللي يشوفكم مابيقوول غير سيلانياات حارمينهن من التااتاا ..
(( طبعا منصور .. استغل هالفرصه ..و سجل على عبيد هدف))

منصور : قوووووووول
عبيد:لاااا ..مالي خص .. بعيد الشوط
منصور : كخخخخ .. احلم
عبيد " اشويه و بيصييح ": غش و الله غش
حمد : اشووفك عيد الشووط جاان تباني ...اورك من البلكوونه
عبيد : ما لي خص .. كله منكم .. انتوا لثنينه لهيتوني
حمدان : و الله محد قالك ..." و يعلي صووته " يا الله عااد خلصونااا .. ترااناا ملينااا من الورقه
عبيد : مشكلتك .. داامك مليت من الورقه العاديه .. العبواا قماار
حمدان : استغفر الله ... قماار مره وحده ... اقوول حط عينك فالتلفزيوون و العب ..و عيااده ماشي... على باله يالسين بين الكفره .. و بنسوي مثلهم .. استغفر الله
عبيد : ما لي خص
منصور : يا اخي ارضى بالخسااره
حمد : و انتوا شوو فيكم . امكبرين الموضوع ..انا من اشووف الشوط خلص ... برفس عبوود ..و بخليه يطير لين الاماارااات
حمداان : كخخخخخخ.. حلوه
عبيد : اتصور وياهاا دامهاا عايبتنك
حمدان : انته جب ..و حط عينك فالتلفزيوون ... عن لاا اييب عليك منصور الهدف الثاني ...و ترد تاكلناااا..
(( دقايق ..و خلصت المبارااه ))
حمد " فر صلب الزقاره ..و رااح ... صوب منصور و عبيد .و يودهم .. من قمصاانهم ": يا الله كش كش
عبيد : ليش حد قالك ذبااب
حمد : و الله ذبااب ... خناافس .. حشراات .. ما يهمني ..و اللي يهمني انكم اتقوموون عن السوني
منصور " و اونه يقاايض عبيد " : ويييييو .. رشيتك
عبيد : سير لاااا .. و الله انه بالغش ...و بعدين انته على شوو مستاانس .. نحنا من ييناا هني ..و انا كل يووم ارشك .. فاكرمني بسكووتك
منصور : اووو .. هااك .... ماضي ..و الماضي تحول
حمد : بتقوموون ..و لااا اترفس في بطوونكم
عبيد : منصوور ...ابي اعرف .. شوو بلاااه ولد عمك ...ما كل قرصه نيي
منصور : والله ما دري .. هكووه هو جداامك و سأله
(( تمت هذي حالة الشبااب لين الفجر..و بعدين الكل رااح يرقد ...و مرت هالايام الاربع .. بسرعه ...و يا اليوم اللي بيسافرووبه لجنييف ... طبعا كان الكل مرتبش..و يدور لى اغراضه و يحطهن في الشنط .... مر هاليوم على خير ..وو صلوا جنيف ... و بعد خذولهم سويتين ....و عبيد و حمداان .. تموا عند الحريم))

.................................................. ...............................
** اليوم الثاني .. الظهـــر**
** فقسم الحريم **
** و بالتحديد فغرفة قووم ميثاا **

(( غايه .. كانت متلحفه و تتكلم في التلفوون ...و يتهاا روضه و فتحت عنهاا الكفر بقووو ))

روضه : باااااااااااااو .. زخيتج .. شو تسوووين ...؟؟
غاايه : ماااااااشي ..
روضه : عيل رحمي حاال هالفقير (( وتقصد الموباايل )) :وخليه يستريح شوي .. على كل سااعه رمستي حد .. ويوم بنرد لبلااااد بيلقوون الفااتوره موصله الآلاااااف ..
غاايه : أنزين بس فكيني من حشرتج .. وظهري من الحجره وخليني أرمس البنت على رااحتي ..
روضه : أنتي ياالسه ترمسين ...؟؟
غاايه : شراايج يعني ...؟؟
روضه : وأنا أشدرااني عنج يوم سألتج شو تسوين قلتيلي مااشي .. المهم .. منوو ...؟؟
غاايه : وحده من بناات لبلااااد ..
روضه (( ومااده إيدها )) : عطيني عيل خليني أتخبرها عن جو لبلااااد ..
غاايه : جو لبلاااد ..؟؟ عااد اللي يسمع بيقوول ماتعرفين كيف الجو عندهم ألحين
روضه : أنزين أنا مشتهيه رطب .. خليها أطرش لي ..
غايه : روضووه ظهري وفكيني ..
روضه (( وتيود موبايلها وتتصل بفاارس لكن موباايله عطاها مشغوول )): أوف
غاايه : بلااااااااج ...!!
روضه : هذا الحيواان فرووس أتصلبه وشااغل الخط .. ماأدريبه منو يرمس ..؟؟
غاايه : يمكن يرمس حمد ..؟؟
روضه : يمكن ...؟؟؟
غايه (( وضربة روضه كف على وييهها ))
روضه : والخيبه .. بلااااااااااج شو سويت بج عشاان تظربيني ..
غاايه : ههههههههه (( وبندت عن اللي كاانت أترمسها .. ويلست على سريرها )
غاايه : اللي كنت أرمسها وصتني أظربج ...
روضه : والله أمووت أعرف منو هااي اللي يالسه أترمسينها ,,,
غاايه (( تيود موبايلها وتمسح السجل .. وبعدين فرةموبايلها على روضه )) : يالله طلعيهاا .. (( وظهرت من الحجره .. وروضه أستاانست .. ويودت الموباايل تفتش بس شاافت أن غاايه مسحت السجل .. قاامت وفرته في الدرج وظهرت من الغرفة ))

..** في قسم الشباااااب **..

منصور : عبووووود بس عااااااااااد ..
عبيد : هههههه .. منصوور .. أنزين تذكر ..
منصور: هيه أذكر .. عنبو ذليت عااري .. أمره محد يرووم يسوي شي جداامك
عبيد : هههههههههههه .. يأخي كاان شكلك عجيييييييب ..
منصور (( ويفره بكرتون لكلينكس )) : بتسكت ولاا ...؟؟
عبيد (( ويرد عليه الكرتون )) : أنزين بسكت ... ههههههههه

(( وظهر حمد هو وحمداان من الغرفة ))

منصو ر: الله يساامحكم وين سرتوا وخليتوني أنا ياالس ويا هالثوور ..
عبيد : ألحين أنا ثوور يالكبش ..
حمد : لا حوووووووووول .. أنتوا ماتعرفون تيلسون ويا بعض وأنتوا سااكتين ..
منصور: هذاا ولد عمتك ورث هالشغله من عندك ..
حمد : ههههههه .. عبوود بس عااد ..
عبيد : أنزين خلااااااااص سكتنا ..
حمدان (( ويشغل لبلي ستيشن )) : منو بيلعب وياايه ..

(( ونطوا كلهم صوبه .. وأستوت لظراابه على الجهاااااااز ))

حمد (( ويسحب الجهااز من إيد منصور وعبيد )) : أنا الأكبر ..
عبيد (( ويحااول يسحب الجهااااااااز )) : وأنا الأصغر واللعبه للصغاار هب إلكم أنتوا يالشوااااب ..
منصور : لا أنته ولا هو (( ويسحب الجهااز )) : أنا اللي بلعب ..
حمد : ماايستوي عااااااااد .. أنا الأكبر وأحتراام لكبير وااجب ..
عبيد (( وميود الجهااز هو وحمد ومنصور .. وولا وااحد رااضي يتناازل)): أنزين نحن ألحين ماقلينا أدبنا عليييييك ..
منصور(( وبعده ميود الجهااز )) : والله نحن بنلعب .. هب ياين إلكم عشاان تعطونا درووس في الإدب .. يالله عبوود بطل
عبيد : آآآآآآسف البقااء للأقوى ..

..×× وأنفتح بااب غرفة عبدالله ((بو حمد )).. ومن شاافوه يااي صوبهم .. فروا الجهااز وكلهم يلسوا بأدب ..××..

حمد : 133
منصور (( ويكمل اللعبه )): 134
عبيد (( ويكمل ويااهم )):135
عبدالله (( ويدخل الصااله وييلس )) : بلااااكم تتنااقروون ...؟؟
حمد : هاا .. لا نحن يالسين نلعب ...
عبدالله : وشعنه الصريييييييخ ولمبااغم يوم أنكم تلعبوون ..
حمد : هيه أبويه أنته تعرف لعبة منو بيزوود .. وعااد هم كل شوي يغلطوون ويعصبون فيني .. وأنا يوم أتنرفز أيلس أبااغم ليس إلا ..
عبدالله : هيه أنزين يوم أن تحيدوون عماركم بتبااغموون دخلوا ولعبوها في الغرفة .. ترى عمومتكم رااقدين ..
عبيد : عمومتي في لبلاااااد ..
عبدالله (( وأطالعه بنظره )) : هب وقت أطناازه .. (( وقاام وظهر ))
عبيد : بلااااااااااااااه أبووك معصب وياالس يحرق علينا ..
حمد : مااعليك .. هذا تأثير الرقااد .. خخخخخخخخ
منصور (( وينط صوب حمداان وياخذ الجهاااز )) : البقاااء للأقوى ..
(( ونطوا حمد وعبيد صوبه يكملون ظراابه على الجهااز ))

..×× فالليل وفي قسم البنااااات ××..
..(( هند وسلامه طالعات على البلكونه ..وكانن مسكراات بااب البلكونه عشاان محد يشوفهن ويهزبهن ))..

سلامه : هند ..
هند (( وتطاالع تحت ...وسرحاانه ))
سلامه : هند ..
هند (( وتنتبه إلها )) : هلا ...
سلامه : اللي مااخذ عقلج .........
هند : والله محد ماخذنه .. ياغير أشوف اليهاال اللي تحت ..ماأدري كيف أهاليهم مخلينهم بروحهم ..
سلامه : أنتي تحيدينهم اليهاال محد يروملهم بعدين مخلينهم يلعبوون ..
هند : زين أن المسبح مافيه مااي ..
سلامه : ليش منو بيتسبح بعد فيه فالليل عشاان يكون فيه مااي ..المهم خلينا من اليهاال وخليني أقولج شو اللي عندي ..؟؟؟
هند : هاا قوولي ...!!
سلامه : هند مراات أبى أقولج شي بس متردده أقولج لأن أخااف اللي أنا أظنه يطلع كله غلط ..
هند : أنزين أنتي شو بغيتي تقولين بالضبط ...
سلامه : والله ماأدري بس مراات أحس أن حمداان يحبج ...
هند : شوووو ...!!! لا لا شلي هالأفكاار من بااالج أصلا ً أنا وحمداان شراات لخواان ..
سلامه : هند صدقيني .. نظرة حمداان لج غير ..
هند : سلاامه هو قاالج شي ...؟؟
سلامه : الصرااحه لا ...
هند : عيل ...
سلامه : عيونه اللي قاالت ..
هند : شوفي أنتي من البداايه قلتي يمكن اللي تظنينه يطلع غلط .. وبالفعل غلط ..
سلامه : أنزين أنتي بلاااج ...!!! ليكوون حد في باالج ..
هند : سلامه شو هالرمسه .. يعني لأني قلت مايحبني قلتي حد في باالج لاتيلسين تفكرين شراات تفكير العيااييز ..
سلامه : أنزين سووري .. مااكنت أقصد ...

..×× وتمن ساكتاات فترة يطاالعن اللي تحت .. والجو في جنيف عااد مايحتااااااي برد وعجيييييييب .. ××..

سلامه (( وتغني أغنية الوسمي .. روحي تحبك )):روحي تحبك والغلا ذابحني .. ودي بشوفك ياحياتي ولامااك ..حبن قديما ً في الضماير سكني داخل حنايا القلب رسمك وموطاك.. أهواك أنا ولاحد غيرك فتني لك صادق الأحساس والعمر يفدالك أهواك ياساكن في فكري وضني أرعااك بعيوني وأدور على أرضااك..

هند (( ويوم سكتت سلامه كملت هي لغنيه )): أصون حبك بالغلا لو محني غالي معي ياكبر حبك وماغلاك .. أنته وأنا والأصل منك ومني كل السعاده والأمل في محياك حكم الزمن مبعدك يازين عني وروح المشاعر تشتكي طول فرقااك بادر بوصلك مايفيد التمني وأنا مقدر لك ظروفك وأرعااك ..
(( ويوم سكتت هند .. أنفتح بااب البلكونه وسمعن حد يصفق .. أنصدمن وصدن سيده صوب البااب مال البلكونه ولقن عبيد وحمداان ))

عبيد : ياسلااااااااام .. ثره عندكن موهبة الغنا .. ونحن ماندري ..؟؟
هند : عااد هب من زين الأصواات ..
حمداان : لا ليش أصوااتكن حلوه ..
سلامه : أنتوا خلوا عنكم هالرمسه وشو درااكم أنا نحن في البلكونه .. وبعدين هب عيب عليكم تتسمعونا ونحن ماندري .. ولاتتجسسوا ..!!
عبيد : بل .. شو هالمحااظره الطويله .. خلصتي ولا بعدج..؟؟ عندج شي نسيتي أتقولينه ..
سلامه : عبود هب ياالسه أستهبل أناا ..
عبيد : ولا نحنا كنا نتجسس .. بس هذا مكانا ونحن كل يوم فالليل نيلس أهنيه .. واليوم قبل لاندخل سمعنا حد يغني .. قلنا يمكن نواال الزغبي وأليسا في البلكونه وأترينا إلين ماخلصتن لوحتكن الفنيه ودخلنا ..
سلامه : بل شو هالمحاظره الطويله .. خلصت ولابعدك ..؟؟عندك شي نسيت أتقوله..
حمدان : هههههه .. أسميكم أنتوا لثنينه حفله من دون كيك ..
عبيد : وألحين يالله شلن مايكرفوناتكن وظهرن من البلكونه ..
هند : ليش ماأحيدها مسجله بأسمك ..
عبيد : هندووه .. شوفي ترااني مصدع .. وجانج تبين أجر أنزلي تحت وأشتري لي كابتشينوو ..
هند : أنزل ألحين ...؟؟ ياعمي شوف السااعه كم وبعدين أرمس ..
عبيد : أنزين خلااااااااااص .. أستغنينا عن خدمااتج .. وألحين ممكن تظهرن من دون نقااش ..
سلامه : هناادي .. أبوي مالنا مكاان .. الحباايب مصدعين ويبون يعدلوون روسهم ..
هند ))وتشهق )) : ليكوون بيشربوون .. أقولكم ترى شي باار تحت في الفندق .. أهنااك سيروا سكروا هب أهنيه ..
عبيد : يالله يعلني بلااج وياها من رمسه ... " وبصووت عالي "... قومي ظهري من البلكونه لا أفرج تحت .. في ذااك المسبح ..
سلامه : هههههههه ..يالله طوفي ..
هند : أنزين يعني مايستوي تسلفونا بس صلب وااحد بنتشاارك فيه أنا وسلامه ..
عبيد (( ويفرها بالولاعه .. ))
هند (( وظهرت ركض من البلكونه ... ))
حمدان : يالله الشيخه سلامه وراها ..
سلامه (( وظهرت .. ويلست ويا هند اللي كاانت ميته من الضحك على عبيد ))
.................................................. .....................................

..×× الصبح ××..
..(( مجلعين عبيد وحمداان من رقاادهم بالغصب ))..
..(( وفي الصاااله ))...

..(( ميثا طالعه من غرفتها وساارت ولقتهم يالسين في الصااله .. وشوي وبيرقدون عين مسكره والثاانيه مفتوحه ))..

ميثاا : هههههههههههههههههههههههههههههههههههه
عبيد : بلاج تضحكين ...!! ماأذكر قلت نكته ..
ميثا (( وتيلس .. )): يأخي شوف أشكاالكم ... تضحكوون ..وبعدين ليش ماتريقتوا .. محطين الريوق إلكم زينه ..
حمدان : ماأروم أمد إيدي وأحط في حلجي تعالي أنتي أكليني ..
ميثا : والله .. ترى عاادي عندي ..
عبيد : حووووووه .. نحن هناا .. (( ويضرب حمداان على جتفه )) : يوم بتاخذها خلها أتأكلك هب ألحين ..
ميثا : ههههههه .. عبوود شو يوم بتاخذك ... أصلا ً نحن أخواان ..
حمدان : ماعليج من رمسته ... ترى هذا بعده رااقد .. تعاالي أكليني يوعاان ..
عبيد : سلااااااااااااااااااااااااامه ..
حمدان : شتبى بها ..؟؟
عبيد : بخليها أتأكلني ...
حمداان : قصورك .. هاللي نااقص ..
عبيد :شفت اللي ماترضااه لخوااتك لاترضااه للغير ..
حمدان : ويا هالرااس .. ميثا أكبر عني وبوااايد ..يعني مافي أمل تكون لي .. وبعدين أنا وهي شراات لخواان .. أما أنته سلامه من عمرك وعادي تاخذها ..
عبيد : جب يالله ماتأكلك .. ولاترى بتصل بمنصوور ..
حمداان : يالله عذوول ...
عبيد : والله كيفي .. عيل أنته يأكلونك وأنا لا ...
حمدان (( ويضربه على رااسه )) : جب أنزين يالحااسد ..
ميثا : أنزين باااااااااااااااس .. بأكلكم بثنينتكم ..
عبيد : روحي زين .. حبيبتي ماترضى تغاار .. ووالله أن شاافتج لا تعلقج من ريولج في الثريا اللي في نص الفندق وبتخلي الناازل والصااعد يتفرج علييج ..
ميثا : هههههه .. حبيبتك في لبلاااااد يعني ماابتشوفناا .. خخخخخخ
عبيد : أدري أنها مابتشوفنا .. لكن بتحس ...!!
حمداان : عنبوه حاب لك سااحره شووو ...؟؟
عبيد : هيه أم الدويس أتعرفها ولا ...؟؟
حمداان (( ويتقرب من الريووق .. )) : أم الدويس عااد .. الله يعينك عيل .. أقوول خل آكل بإيدي أبرك لي .. والله أن تميت على منتكم لأمووت من اليووع ..
ميثا : عبوود أتقرب شو تتريا ...؟؟
عبيد" اونه يمثل " : ذكرتوني بحبيبتي .. إهئ إهئ ..
ميثا : ههههههه .. أقول سير أتريق إبرك لك .. ترانا عقب شوي بنظهر ..
عبيد : أنشاءالله ..(( ويلس عداال حمداان ويلسوا يسولفون ويتريقوون ))
.................................................. ..........................
..×× الظهــر ××..
..(( كانوا كلهم طاالعين .. ويحوطون في جنيف .. وبالمره بيتغدون برع ..))

عبيد (( ويسحب النظااره الشمسيه مالت منصور )) : يأخي مااشي شمس شعنه لابسنها حااسب عمرك في الإمارات شوو ...؟؟
حمداان : لا اااا....يرااوينا أن عنده نظااره .. وأونه عااد مااركه ..
منصور (( ويسحبها من إيد عبيد )) : مابرد عليكم .. لأني ماأحط عقلي من عقل يهاااال ..
حمداان : هب جنه غلط ...؟؟!!
عبيد : هيه .. بس أنا وأنته ماسمعنا شي صح ..
حمداان : هيه والله .. الحمدالله والشكر مينوون .. ماأدري منو يرمس ..؟؟
عبيد : قلتها مينوون .. يعني يرمس عمره ..
منصور : حمداانوه وعبوود ..سكتوا عني ترى نفسي في خشمي ..
حمداان : في خشمه يقولك نفسه ..
عبيد : كيف يعني ...
حمداان : ماأدري خل نتخبره ((( ويرمس منصور)) : حووه الشييخ ..؟؟ كيف يعني ...!!
منصور (( وطاااااااااااااف ))
عبيد : هيه يقولك أطااع خشمي .. يأخي كلنا عندنا خشم .. لا وأطول عن خشمك بعد ..
حمداان : لا .. لا ترى هو فيه حااله نفسيه .. مينوون الحمدالله والشكر فــ يقولك يعني هالحااله ظاربتنه في خشمه ..
عبيد : ههههههههه .. هيه والله صدقك ..
حمد (( وأنتبه إلهم أنهم مغصصين بمنصوور )) : حمداانوه ..
حمداان : نعم حمدووه ...!!
حمد (( ويسحبه.. من قميصه صوبه )) : خلوا عنكم حركاات اليهاال .. ترى أبويه معصب اليوم ماأدري بلااه وأن شاافكم بيكنسل ويزتكم صوب الإمااراات ..
عبيد (( وسمع كل اللي قااله حمد .. وتقرب منهم )) : بس نحن ياين على وزية خاالي خليفه هب على ويزته ..كخخخخخخخخخخ
حمد : عبوود ...!!!
حمدان : أنزين ...!! عافان الله حتى الوااحد مايروم يسولف ويااكم ..
حمد : لا .. (( وساار عنهم ))
عبيد : الحمدالله والشكر كلهم مياانين ....
حمداان : هيه والله .. طوف خلنا نسير صوب اللي نفسه في خشمه ..
عبيد : هههههههههه .. يالله (( وسااروا صوب منصور .. وكل اللي قااله حمد جنه ماسمعوه .. ردوا يخبلون فيه بس منصور مسولهم أكبر طاااااااف ))

.................................................. .......................................

 

 

  رد مع اقتباس
قديم 19-12-2009, 05:00 PM   رقم المشاركة : 19
M S . H A B L A ©
 
الصورة الرمزية M S . H A B L A © 





معلومات اضافية 
  النقاط : 11998
  الجنس :
  الدولة :
  الحالة :
الرسالة الشخصية

التقييم

افتراضي

 

 

تسلمين دبوه ع الباارت
ننتضر البارت الياي
تقبلي مروري

 

 

 لِنگُن أرواح -[ رآقيَہ . .
نحٺرم ذآٺنا ، و نحٺرم الغير !
عندمآ نٺحدّث ، نٺحدّث بـ عُمق ،
نطلب بـ أدب ، نشّگر بـِ ذوق !
. . ونعٺذر بـِ صِدق

  رد مع اقتباس
قديم 23-12-2009, 05:24 PM   رقم المشاركة : 20
M S . H A B L A ©
 
الصورة الرمزية M S . H A B L A © 





معلومات اضافية 
  النقاط : 11998
  الجنس :
  الدولة :
  الحالة :
الرسالة الشخصية

التقييم

افتراضي

 

 

Hi kshOoh sh7alch
yaaaaay ylaa3 dbOoh nnt'9r eltkmlah hehehehe
i will baak
b.r.b

 

 

  رد مع اقتباس
قديم 24-12-2009, 05:32 PM   رقم المشاركة : 21
دلوعه بس خجوله
~ • غـٍُالٌٍُيً فـًٌٍُِضٌٍِيًٌَ • ~
 
الصورة الرمزية دلوعه بس خجوله 





معلومات اضافية 
  النقاط : 730
  الجنس :
  الدولة :
  الحالة :
الرسالة الشخصية

التقييم

افتراضي

 

 

روووووووعه البارتات واتريا البارت الياي ع احر من الجمر ولا طولين علينا

 

 

 دلوعه بس خجوله

  رد مع اقتباس
قديم 28-12-2009, 07:10 PM   رقم المشاركة : 22
мąžỵŏŋάђ
 
الصورة الرمزية мąžỵŏŋάђ 





معلومات اضافية 
  النقاط : 7946
  الجنس :
  الدولة :
  الحالة :
الرسالة الشخصية

التقييم

افتراضي

 

 

[align=left]halla .. halla

Wo0oW .. 3ybatni el-story wayd kash5a

tslmeen 7boOoba wala hnty

brb[/align]

 

 

 




»ڦڸٻيْ« څڌيٍٺہْ ڵَڪٍنَ ٳٍنًـہْ ڜٍۊيـًہْ ..
.................................................ٺٍڛْتًاْهٍلْ أَڪْثَرْ يَآ دٍوَاْيْ وْ طٍبيْبيْ

  رد مع اقتباس
قديم 28-12-2009, 07:38 PM   رقم المشاركة : 23
3šђőǑő8t,ālain
~ • غـٍُالٌٍُيً حـًٍُِبًٍُِوبًٍِ • ~
 
الصورة الرمزية 3šђőǑő8t,ālain 





معلومات اضافية 
  النقاط : 615
  الجنس :
  الدولة :
  الحالة :
الرسالة الشخصية

التقييم

افتراضي

 

 

سورري حبايبي تاخرت بس والله مب ايدي انا الحين مشغووله و ان شاء الله بتزل الباارتاات

وتسلمون حبايبي ع الرد و المروور
وربي لا يحرمني من ردوودكم و مرووركم ^^

 

 

  رد مع اقتباس
قديم 29-01-2010, 03:24 AM   رقم المشاركة : 24
M S . H A B L A ©
 
الصورة الرمزية M S . H A B L A © 





معلومات اضافية 
  النقاط : 11998
  الجنس :
  الدولة :
  الحالة :
الرسالة الشخصية

التقييم

افتراضي

 

 

بتوطى ببطنج انتي الثانية ابا البارت من 2009 وانا انتضرج وياراسج عندكم لين 2-1 ولا بتوطى ببطنكم خخخ

 

 

  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
خاطرت قلبي و روحي ®{ابو هزاع}® الخواطر ماهي حبر في يـوف قرطاس 4 17-08-2010 02:43 PM
[مدمنه روحي.~][انحني للهٍ,[.~ мazџôôη Dέƒşн التصميم و الدروس 11 23-08-2009 01:33 PM
ياروح روحي وين باروح(رنه) شـﮱـۈؤטּـﮱـي...}~~ الهواتــف المتحركــة 30 28-05-2009 03:40 PM
حبك ملك روحي وتعلى واعتلى((احدرووو كشووخه بوح القصيد والخواطر 5 24-08-2008 04:15 PM
فداك روحي »شقآوي الفجيره« الخواطر ماهي حبر في يـوف قرطاس 10 27-03-2007 04:18 PM

الساعة الآن 10:43 AM.


Powered by vBulletin® Version 3.8.7
Copyright ©2000 - 2019, Jelsoft Enterprises Ltd