رمزيات بلاك بيري خدمة تفسير الأحلام تصميم مواقع وصفات طبخ أعلن معنا


العودة   منتديات فريج دبي > فريج أم سعيد > قصص وروايات > قلم رصاص يسرد روايات

قلم رصاص يسرد روايات يختص في طرح الروايات


آخر المشاركات المطروحة في منتديات فريج دبي .


..))(( روحي لــغيركــ إرفضت ))((..

قلم رصاص يسرد روايات


إضافة رد
 
أدوات الموضوع
قديم 05-12-2009, 06:07 PM   رقم المشاركة : 9
3šђőǑő8t,ālain
~ • غـٍُالٌٍُيً حـًٍُِبًٍُِوبًٍِ • ~
 
الصورة الرمزية 3šђőǑő8t,ālain 





معلومات اضافية 
  النقاط : 615
  الجنس :
  الدولة :
  الحالة :
الرسالة الشخصية

التقييم

افتراضي

 

 

مررحبا الباجي

هههههههه الله يسلمج ههههههه

من عيوني
محد غيرج الدبه هع

ولا تحرميناا من ردووودج و طلتج الحلوه شرااتج

 

 

 [align=center]
[flash=http://dc03.arabsh.com/i/01023/ol0c4ix3fh0h.swf]WIDTH=440 HEIGHT=180[/flash]
[/align]

  رد مع اقتباس
قديم 09-12-2009, 04:44 PM   رقم المشاركة : 10
3šђőǑő8t,ālain
~ • غـٍُالٌٍُيً حـًٍُِبًٍُِوبًٍِ • ~
 
الصورة الرمزية 3šђőǑő8t,ālain 





معلومات اضافية 
  النقاط : 615
  الجنس :
  الدولة :
  الحالة :
الرسالة الشخصية

التقييم

افتراضي

 

 

[align=center]
"فالحوي"

" كانت العيووز ياالسه بروحها ..... ومن شافها عبيد يا صوبها .... و عقب ما حبها على راسها "

عبيد : هلا يدووه شخباارج ... اكيد تولهتي عليه
اليده : بعد وحالي بولهه عليك ... وأنته الا امس فاليل امفارقني..
عبيد : لاااااااااااااااااااااااااااااااااااااااا..
اليده : عثره ... شيااك اتبااغم شرواات البناااات..
عبيد : يدووه .... اونج انتي ما شفتيني من اسبوع و يوم .." غير راايه " ..و لا اقوولج خلاااص انسي ...."و غير الموضووع" ... يدووه سمعتي آخر نكته
اليده : لااا ... يا الله اطربنا بنكتك الي ما يخلصن..
عبيد : الله و كبر بتحسديني... ردي الشهااده ...
اليده : يا الله بستر الحين في وحده تحسد ولد بنتها...
عبيد : ماأدري والله .. بس إنا وصلتني رمسه ... وقالولي يدتك عيونهاا ماتسمي بالرحمن من ترمس عن شي رووح في حاال سبيله .. سااحره ثرج ..
اليده : اقوول عبوود قووم اذلف عن ويهي..
عبيد : افاااا .. و النكته...؟؟
اليده : ما ابي اسمعها ... بتقووم و لا اكرخك بهالعصااا " و ترفع عصاتها "
عبيد : لا بووي ما فيه تفلعيني .. و تخربين عليه اجاازتي؟؟
" و توه قاايم عن يدته ... الا بصووت مو بايله يرن ... "
" ويوم شااف الشااشه بيطاالع منو يتصل .. شااف " مخرب عيشتي " يتصل ..<< يعني سعيد >>..

" و يرد صووب يدته ... و و طى موباايله عداالها ...

عبيد: يدووه اوني نسيت موباايلي عندج اوكي...؟؟!!

" وخلا موباايله على الحصير و روح صوب فلة عمه خليفه"

"واحليلها العيوز كل ما تبى تغفل شوي تلفوون عبيد يرن ويخرب عليهاا .. إستوثم فيهاا ..... "
اليده :الله ينطبه من تلفون ..." و تيوده "..اششش .. اسكت .. اسكت .. اقوولك اسكت ... بتسكت ولا اكرخك بهالعصاا...؟؟

"و تشوفها ميثا من بعيد "

ميثا : هلا يدووه شكلج متلعوزه..
اليده : الله ينطبه من تلفوون ... ابي ارقد و هو هب امخلني .. هباابه الا يرغي
ميثا: ههههه " و عقب ما وقف الصوت " ... هذووه ها زااق منج ووقف
اليده : ليش ينيه عشااان يزيق مني..
ميثا :لالا .. امكرمه
اليده : قلت بعد يمكن عبوود نشر عني هالرمسه اللي تغث .. " ورد يدق موبايل عبيد مره ثاانيه "
ميثا : هاا شفتي رد يرن فديته ما يرضى عليه...
اليده : يا مسودة الويه اشعنه تتفدينه...؟؟!!! أخووج هو ولا أبووج ولا عمج ولا خاالج ...؟؟
ميثا : ههههه " و حبت اتغير الموضوع " .. موبايل منو ؟؟
اليده : موبايل عبيداان هالحشره ... ما نسلم لا من لسانه ولا من تلفوونه ... اييني شوور اوره لين ما يخفي...
ميثا : لادخيلج يديد الا من امساات شاارنه ... عطيني اطاالع منو الي دااق يمكن تكوون عمووه....

" شلت ميثا الموبايل .. و شاافت ** مخرب عيشتي يتصل **... على طوول عرفت انه سعيد "
ميثا : هذا سعيد..
اليده : ردي ردي ... خليني ارمسه و اخبره عن سواايا اخوووه.. هالطفس اللي هب مخلي حد إلا وغاثنه بــ لساانه ...
ميثا : يدووه حراام عليج..
اليده (( وتقووم يالسه ... شااده حيلها العيووز هاا كل بس عشاان تخبر على عبيد )): الله مااحرم .. عطيني الموبايل... إشووف ...
ميثا " و علموها بعد كخخ"..." قاامت ميثا وحطته صاامت والعيووز بتتحسبه بند "
ميثا : يدووه بند...
اليده : بند بروحه و لا انتي الي بندتييه عشاان ما اخبره عن سواايا اخووه ... يا مسودة الويه قوومي عنيي....؟؟!!
ميثا " لااا اليووم شي فيها العيوز " : انزين يدووه بااخذ الموبايل عشاان ما يأذيج...
اليده : لا خليه ..يوم بيدق سعيد بكلمه...
ميثا " و انتي شو عرفج فالموبايلاات ..اخافج بدال ما تردين اتبندين فويهه" : عيل فمان الله..

** ففلة خليفه **
" عبيد داش على البناات ويوول الحبيب طربااان "

عبيد " اونه ايول و يغني "...:شارك الغي في سما دبي كان تبغي تشوف الناس في جنه سلم و حيا ....مرحبااا السااع!!

هند : وييييييييه !!! عبوود اليوم اهنيه انتوا متاكدين انه عبود و لا طيف عبود..
عبيد : لا اولى ولا الثانيه ... الثالثه هي الي صح...
ريم : أي ثالثه .. هي ما قالت الا شيئين..
عبيد "و يلس عدال ريم و يحط ريل على ريل ... مستشيخ الاخو" : يعني جب ولا كلمه..
ريم " و تسويله مالت " : مالت..
عبيد " يطنز " : لمنو اتسوين باي باي..
ريم : حق حرمتك العوره..
عبيد " و بصوت عالي " : سلاااامه ... سلااااامووووه .... سلووووووم
سلامه " و نازله من فوق هي و روضه " : سلوم فعينك ... خير شو تبى الشيخ
عبيد : تعالي طاعي ريمووه يالسه اسبج و تقول انج عوره..
ريم : انا ما قلت سلامه انا قلت حرمتك..
عبيد : و ثرها منو حرمتي غير سلاامه..؟؟ فديتهاااا ...
سلامه : ليش ما شي شغله آخذك انته .. اسميك بتبطي؟؟
عبيد : ما عليكم البنت تستحي..
سلامه : سير لاااا... و بعدين انته اليوم شو يايبنك انا ضاريه هاليوم آخذ فيه راحه نفسيه من شيفتك..
عبيد : شفتواا ... قصدي سمعتواا تاخذ يوم عشان تتوله عليه فيه و تعرف كبر غلاااتيه عندها..
سلامه : دمك ثقيل..
عبيد : و الله ... و لا يهمج بسويله رجيم..
سلامه : افففف ... رويض طوفي " و طلعن هن الثنتين برع "
ريم : وحليله عصبت عليه المداام ...
عبيد : هذا كل من عيوونج ..؟؟!! ماألوومج يالسااحره ظااهر على يدتج ..

** ودخلت ميثاااا **

ميثا " و تيلس على الكنبه " : اففف .. صدق انه الصيف قرب ... افف و الله انه الجو حار...
عبيد : تبيني انفخ فويهج...؟!!
ميثا : واااع ... سير عني لااا ... دخيلك لا تلوع بجبدي و الحق على العيوز .. سعيد حاشر الدنيا و يدقلك .. و العيوز من عرفت انه سعيد اللي كان يتصل إلحين قااعده تترقبه عسب إترد عليه تخبره عن سوايااك وإلساانك اللي غاثبه كل حد على قولتهاا ..
عبيد : يا هالعيوز .. هي شلها بالموبايلااات..
ميثا : و الله عكيفك سير الحق على عمرك.. قبل ماتكوون نهاايتك على إيد سعوود والسبه يدووه ..
عبيد : افففففففففف " قام عبيد وطلع ساار يتلاحق على عمره .. قبل ما العيووز إتفتن عليه عند مخرب عيشته .."

.................................................. .............................

** فالمارينا مول **

حمدان " و يسلم على مايد بالخشوم " : مرحبا الساع ... وينك يا اخي مختفي من شهور .. والله و لك وحشه..
مايد : شو نسوي ..حبينا نتغلا شوي..
راشد : اقول خلكم من المجاملاات الي ما لها داعي و خلونا نلحق هالغرشوب..
مايد : بس هذا انته ما شي و راك غير رواغة هالخايسات و المغازل
راشد : شفت عاد ... هذي هي الموضه في هالايام
حمدان : اقول رشود روح الحقهن روحك ... نحنا شباب ما نحب هالمصخره
راشد : لااا و الله
مايد " و يقاطع راشد " : انزين خلااص ندري ... الحين بتسمعنا الاسطوانه اللي ما تخلص .. انا عرفتكم على بعض و الحين كلكم صرتوا ضدي .. طوف طوف نحنا شو ورانا غير هالخايسات

.................................................. ........


** ففلة سيف **
** وبعد صلاة الجمعه و قبل الغدا **

** حمد توه داش الفله من صوب الميالس **
** و محد كان موجود فالميلس .. غير منصور و عبيد و فارس و حمدان **

حمد : السلااام عليكم
الكل : و عليكم السلاام
حمد (( ويسير صوب منصور ويخااشمه ))
" ماكان منصور الوحيد .. هو اللي مستغرب من هالتصرف ... كان الكل مستغرب ... لان قبل حمد كان يسلم على الكل و ما كان يسلم على منصور .. و اليوم اول واحد سلم عليه .. هو منصور "

عبيد : صوبنا الشيخ...
حمد: عاد انته خشمك قصير اخافني اسلم عليك و اعفصه اكثر "و يطوف عن عبيد و سلم على الكل و بعدين رد صوب عبيد و سلم عليه "
عبيد : وياويهك .. إرفع من معنويااتي بداال ماتحطهن في القااع ..
حمد : هههههههه .. ليش ثرني شو قلت ..؟؟
عبيد : ماتعرف يعني .. مره تقولي إنت جيك وقصير .. ومره إتقولي خشمك قصير .. والمره الياايه الله يستر من اللي بتقووله ...
حمد : هههههههه .. إنزين قولولي شراايكم في كشختيه ...
فارس : لااا اليوم الكشخه غير شكل .. اكيد ناوي تروح المول على العصر..
حمد :احم .. لااا بوي هذي الكشخه لناس ناوي اليوم اسير صوبهم..
عبيد : الله. و النااس عااد .. ليكون وحده من خايساتك...؟؟ عاازمتنك عندها في البيت .. هاا حموود أعترف ...؟؟!!
حمد : اتخسي .. هذي وحده غير .. مثل ما يقولون ملاااك
عبيد : الله و الملاااك ... صدقني انها بتشرد عقب ما تشوفك يا الشيطاان..
حمد : اقول عبود اسكت عني .. ولو سمحت لا تخرب مزاجي .. شكلك الا غيران مني...؟؟!!
عبيد : مادري من شوو بغاار ياحظي ... في ذمتكم هب إناا أحلى ..
حمد : يعني إنا ماأقوول إنت هب حلوو ... بس إنا أحلى منك ...!
عبيد : ويعني ..؟؟!!
حمد : يعني إنا الملك وإنت الوصييييييييف ..يالله أكرمني بسكووتك ..
عبيد : مابكرمك غيااااااااااااااض ..

** دش عليهم .. سعيد و الشواب **

حمد " ويوجه الرمسه لعبيد و بصوت خفيف " : هاا شكلك الا غيرت رايك .. و بتسكت اللحين؟...؟؟؟
عبيد " و بصوت خفيف " : يا بوك دام هالنحيس سعود موجود غصبن من عيني بسكت..

** ففلة عبدالله **
**وين كانن البنات كلهن يالسات **

سلامه : هزركن هالسنه وين بنسافر..؟؟
ريم : و الله مادري .. بس جني سمعت باباتي .. يقول يمكن انسافر المانيا ..؟؟
روضه : المانيا عاد ... انا عني عفتها كثر ما نسيرها...؟؟؟!!
ميثا : هي و الله حتى انا عفتها ... الصيف اللي طاف كنا سايرين هناك..
ريم : انا عني خاطري اروح فرنسا و عقب بقطار لبلجيكا و عقب لندن...
غايه : اتصدقين فكره حلوه ... انا بخبر ابويه عنها...

** ويدخل عليهن حمد **

حمد : السلاام عليكم..
الكل : و عليكم السلاام..
غايه : خير الشيخ شو يايبنك اهني .. عند البنياات؟؟
حمد ((و ييلس على الكنبه اللي مجابله كنبة ميثا ... و يحط ريل على ريل )) : اولا ياي اتعطر و اشل عطر بحطه فسيارتي .. وثاني شي " و يوجه نضراته صوب ميثا " ... ياي متوله ..." الكل ما انتبه لحركة حمد ... الا ميثا فهمته "
ريم : و ثرك انته فيك قلب و احاسيس عشان تتوله...؟؟!!
حمد : لاا تدرين خليتهن حقج يالضفدعه ... اشوف قومي فزي و هاتيلي كوب عصير فرش....!!
ريم : لاا و الله حد قالك خدامه .. عشان اسير اييبلك عصير ولاا تبااني ادش المطبخ بعد .. بالمشمش فديتك ...
حمد : لا و الله و شو فيها دخلت المطبخ ... فديت حرمتي انا كل يوم احصلها فالمطبخ...؟؟!
ريم(( والغبااء إشتغل عندهاا )): لاا و الله ومعرس بعد ؟؟... و الله سيرلها و خلها تسويلك عصير فرش على قولتك...

" ميثا كانت متغصصه من حمد ... و حمد كان ملاحظ هالشي "

حمد: المشكله ما تهون عليه..
غايه " و تقاطع حمد " : حموود ممكن تطلع..؟؟!
حمد : امممم ... صبري بفكر .....؟؟!!
غايه : حموود عااد...
حمد : اوكي خلااص .. و عقب ما جحلت عيني بطلع عنكن ... جاجاو..!!
ريم " و عقب ما طلع " : اففف .. فكه .. الله بلااني باخووو ثقيل دم ..؟؟
سلاامه : ما عليه سويله رجيم...
ريم : افف منج انتي ثاانيه ... اشك انج سلاامه .. اخافج الا عبود..؟!!
سلامه : لا و الله...
روضه : افف منكن اشعنه رغتنه ... فديته و الله ... الصراحه حموود تحطيم..
ريم : مالت عليج و عليه...!![/align]

 

 

  رد مع اقتباس
قديم 09-12-2009, 04:47 PM   رقم المشاركة : 11
3šђőǑő8t,ālain
~ • غـٍُالٌٍُيً حـًٍُِبًٍُِوبًٍِ • ~
 
الصورة الرمزية 3šђőǑő8t,ālain 





معلومات اضافية 
  النقاط : 615
  الجنس :
  الدولة :
  الحالة :
الرسالة الشخصية

التقييم

افتراضي

 

 

[align=center]هند : اقولكن .. حمود فمنو منكن جحل عينه و روح..
ريم : لاا و الله سيري اسأليه ... و الله و فلسفة بنات الادبي بعد غير..
ميثا : ريم لو سمحتي ممكن تفكينا من هالاسطوانه اللي لوعتي إلنا بجبدنا فيهاا؟؟
هند " ما يلست عندهن وايد ... خمس دقايق و روحت بيتهم"
.................................................. ....................

** في العاصمه **
** و بالتحديد في بيت سالم السويدي **

ام مايد : اففف والله اني مليت من الشغله اللي انا فيها..
هزاع : و الله انا عني قلتلج تعالي اشتغلي فشركتي ... ومسمااج الوضيفي بيكوون أحسن من اللي إنتي عليه ... ومتى ماتبين لادااومين وجاان تبين بعد غيبي على طووووووووول.. بس إنتي اللي هب رااضيه ...!!
ام مايد : لاا و الله ... لو هي شركتك بروحك .. جان غبت على طول ... لكنك الا شريك ويا واحد ثاني...
هزاع : قصدج عبدالله ... هذا خليه على صوب ... بس اقوله انج تستويلي ... و بيخليج اتسوين اللي تبينه...
ام مايد : لاا عاد .. اذا فكرت و ييت صوبكم .. بداوم حالي من حال الموظفين
مايد "و توه نازل من فوق .. ويالس يتحلف لامل " : ما عليه يا املوه .. جان ما يبتلج اليوم صرصور و خليته ينخش فظهرج .. ما اكون انا ميود ولد عليوه..
ام مايد : هي إصغر عياالك أوني ...؟!!! عليووه أونه ...
مايد " و توه انتبه انه حد فصاله " ..: هلا والله ... منو هاللي مايستحي وقالج عليووه ... لالالالا شكله إلا مايدري إن سوبر ماان الرحبه يستوي ولدج ..
ام مايد : أقوول خل عنك سوبر مااان إنت من بونك تووم ..
مايد (( ويشهق )) : لا إنا بناات الحااره يسمني سوبر ماان حتى يوم شي يصيبهن تسمعينهن شالاات الحااره بصريخهن يزااقرن بإسمي .. لا وميووووودي بعد ..
عليا : يالله يا ماايد إلساانك عنبوه كل مايااه يطوول ...
مايد (( ويطلع إلساانه )):: قيسي طووله ..خخخخخخخخخ
هزاع : والله ماأقوول غير اللي يعينج ياخاالوه على ولدج تووم ...!!
مايد : و الله يعينك يا ولد خالوتي .. على اختك جيري..
.................................................. ...............................

" ففلة محمد الرميثي "
" الساعه 11 فليل "
و بعد ما ردوا من بيت خوالهم
سعيد + عبيد + فاطمه + روضه يالسين فالصاله

سعيد " و بصوت عالي " : و اشعنه يوم ادقلك ما ترد..؟؟
عبيد " خايف و يتصرط " : هااااا ...لا انا بس كنت ساير عند يدووه و نسيت الموبايل عندها...
سعيد : و انته شو مودنك عند يدتك...؟؟
عبيد : و الله يدووه داقتلي .. اونها متولهه و يالسه روحها و ملانه ...و تباني اييها اسولف وياها و اخبرها نكته من نكتي الخطيره..؟؟!!
سعيد : لاوالله ... و يعني هي ما تروم تتريا لين نحن ما نيها عقب العشا؟؟
عبيد : ماأدري يأخي إسألهاا هي .. إنا شو دخلني ليش يالس تبااغم عليه ..
سعيد : انزييين ... و العيوز تعرف للموبايلاااات و تعرف كيف تسكر فويووه النااس...؟؟
عبيد " مستغرب " : هااااا ... " و ذكر رمسة ميثا " ميثا : الحق على العيوز .. سعيد حاشر الدنيا و يدقلك .. و العيوز من عرفت انه سعيد نااويه ترد عليه و تخبره عن سواياك...."
عبيد " و الله و سوتها العيوز .. بداال ما ترد سكرت فويه سعيداان "
سعيد : هاا شفيك سكت...؟؟!
عبيد (( ولدرجة هب زاايغ ... شوي وبيصييح )) : هاا ماأدري ...؟؟؟ يمكن كاانت تبى ترد عليك وظربت على اللي يبند بالغلط ...
سعيد (( ويبغم )): لاو الله .. و شوو معنى ضربت على اللي يبند..؟؟
عبيد " اووهووو من هذا السعيد ... بااجر بنفتك منه ... و الله و جانك تبي تعرف روح اسالها " : إنزين إنت بلاك لاتيلس إتبااغم عليييييييه ... أخااف .. وبعدين هالساالفه مستويه إمس وأنت يالس إتحااسبني اليووم ...
سعيد : عبوود جااوب قد السؤاال ...؟؟!!
عبيد : ما.... ماأدري ..؟؟!! بس يمكن لإن موبايلي شوي معقد ترااك تعرف الموبايلات ليدااد ...
سعيد : عبوود اسمع هالرمسه زين وتم رددهاا عسب ماتنسااهااا .... من اليوم و ساير ... يوم الخميس ما تطلع الا اذا كنت انا ويااك ... حتى و لو امك تبااك اطلعها ... و هااي السيراات على بيت خواالك .. قلل منها ... و يوم بتسير لا تيلس ويا البنياات ...و ايلس فالبيت و ذاااكر.. و الحين روح و ارقد ... فاااهم
عبيد : فااهم " اووف منك يااخي اجلب ويهك ... و روح عني ... على باله انا حرمه .. عشاان ايلس فالبيت .. حتى الحريم هالاياام قاامن ما ييلسن فالبيت ...
اونه اسمه سعيد بعد .. هذاا المفرووض كانوا يسمونه تعيييييييس"
.................................................. ................

))(( العين موول ))((

فارس : شوو سويت من عقب ما رحت عنا من الميلس..؟؟
حمد : و الله محد قالك ما تي ويايه ... خل السوني تنفعك..
فارس: لاا و الله .. حموود قولي شو سويت..؟؟
حمد : آآآسف ما بخبرك...!!
فارس : ماالت ...خلااص ما بي اعرف...
حمد : شووف منصور هكوه جداامنا..
فارس : هاا شو ناوي اتسوي .... اترقم البنات برقمه...؟؟!!
حمد : وليش يعني ؟؟
فارس : و الله ما دريبك اسال روحك ... صااير ابن العم الحنون لمنصور
حمد : شوو نسوي .. وعدنى الغلا .. ولااازم نوفي

" اما فالطرف الثاني "
" و عند منصور و زايد تحديدا "

زايد : ما جنه هذا حموود..
منصور : اسكت ... ما درى شوو وراه ...
زايد : ليش ؟؟
منصور : مادري !!.... وايد متغير...؟؟؟!!
زايد : من أي ناحيه ... يعني بشكل سلبي و لا ايجابي...
منصور : يعني إنا من عرفته وهو كل شي فيه سلبي .. فــ بالعقل أكيد يوم بيتغير بيصير إيجاابي ..
زايد : و الله !!
منصور : هيه...
زايد : واايه .. منصور شوف اكيد هو يبى يورطك بشي ... ابعد عن الشر يا منصوورووه و غنيله..
منصور : لا و الله ... و بعدين بشو بيورطني ... انا و لد عمه ولا نسيت ؟؟
زايد : يا اخي ماأدري .. بس إنا هب مرتااح من قربه لك يمكن يبى ينتقم .. ولاتنسى أقرب لك عقرب لك ...
منصور : يأخي فكر زاايد فكر بــ منطق..
زاايد : هذا مجرد إحسااس ...
منصور: إنزين ممكن أتغير السالفه ...؟؟؟
زايد " ويتثاوب " : هي بغيرها برقده محترمه..
منصور : يعلك فشلتنا ... حد يتثاوب فالمول .. وبصوت عالي ... ما تقول غير مغارة علي بابا... طوف طوف ... بوصلك البيت و هناك خذلك رقده محترمه

.................................................. ...........................................

**ففلة الرميثي **
** الساعه 11 و نص "

" عبيد توه طالع من غرفته .. و شاال النعال فايده .... و يمشي بشوي شوي "
عبيد " اووف يليت غرفتي تحت .. جاان طلعت و دخلت من دون محد يدريبي ... و الشرداات بتكون اسهل "

" و هو ينزل من الدري .. سمع صووت ياي من المطبخ الدااخلي "

عبيد " خييبه منو هذا اللي ضااربنه يووع من الحين .. و ساير المطبخ .. عشاان يزط .... الله يسلمنا و نطلع من البيت من دوون محد يشكنا "

"فالحوي "

" عبيد توه واصل صوب سياارته .... لكنه انصدددم من شي "
" كان حد مركب فالتواير نفس سلسله من حديد ... و قافل على السلسله بقفل "

عبيد : يخرب بيتك ياسعيداان..و الله يخرب عليك عيشتك نفس ما خربت عيشتيه ...بس انا ارااويك يا الهيس..

** و جدام غرفة الدريول **

" عبيد كان واقف و يدق عليه الباب .. و بعد خمس دقايق فتح له الدريول "
عبيد :الله يغربل لك هالويه لمصفع ... اسمييييييك ما تحتااي حبة منوم عشاان ترقد.. يإخي الرقااد ماتتسلفه .. " والدريول مبطل عيونه مسطل وهب فااهم عبيد شو يخربط .. و يوجه الرمسه للدريول "أي حمزووه ما خذلك خمس دقايق .. بس عشاان تفتح الباب .. اعترف منو مدخل؟؟ " و يدش عبيد دااخل و شغل الليت " .. كخخخخخخ و الله و ظلمته المسكين..
حمزه : عبوود انته شو ريد ...
عبيد : والله صدق آآخر زمن حتى الدريول ماقاام يحترمني عبوود أونه (( ويفتن عليه )) بابا سعيد يريد سويج مال الفتك..
حمزه : شوو فتك..؟؟
عبيد : شوو فتك ..؟؟؟!! والله نحن اللي كبرنا لكم روسكم وركبنااكم فتكاات ولا إنتوا في بلاادكم إلا على سيااكل ... ((ويبغم عليه )) : ماأدريبك ... هالنيساان الإبيض اللي كل يوم ترتز فيه لا وتنفخ صدرك بعد .. ماأدري لو رااكب رنج شو بتسوي؟؟
حمزه" و يتثااوب"
عبيد : خيبه هب حلج .... يا الله عطني سويج ... الحين بابا سعيد بيسوي جنجاال حق انا .... وانا بقوله هذا حمزه سوي تاخير حق انا..
حمزه : انجييين ... صبر شوي..(( ويدخل الغرفه ))
حمزه (( وعقب دقاايق رد وظهر )): سويج مال نيسان عند ماما ... ما في غير سويج مال كلوزر..
عبيد " بعد هذي فطووم اشعنه تااخذ السويج " : هااته انزين " وأخذ له أحلى لفه بالكلوزر في الحااره "

.................................................. .

** يوم السبت **
** ففلة الرميثي **


" عبيد توه راد من مواقف باصاات الكليه "
**فالصاله **

عبيد : رويض صبيلي جااي..
روضه : هب خدامتك..
عبيد : شووفي رويض سوي اللي إقولج إيااه داام النفس عليييييييج طيبه .. لا أقووم وأنتف كشتج ...
روضه : تهبي الا انت...!!
عبيد : رويييييييض شوفي بعد لين الثلااااثه..!! ... "1.". "2 "..."2 ونص" ... 3 " و يقوم عبيد و يسير صوب روضه "
روضه " و تنخش صوب امها " : اماااااايه شوو فيه بيضربني...
عبيد : و الله انا حذرتج " و ير روضه من ايدها "
روضه " و تصارخ " :اماااااايه...
فاطمه " و تضرب عبود بكرتون الكلينكس " : هدهااا يا الهرم ..
عبيد : و الله محد هرم غير .............إممممممممممم .. حمززوه هالخاام ..
فاطمه : يا اللي ما تستحي ... بتفجها و لا ايبلك الخيزراانه...
عبيد : سيري هااتيها .. عادي تعودت على الضرب بالخيزراانه..؟؟!!

" ومط روضه من شعرها "

روضه : اماااايه..
فاطمه : و الله شو تبيني اسويبه ...ريال طوله طول .. وعرضه عرض ؟؟ ... و انتي اتصرفي اوياااه .. و انا يا ما قلتلج ... لا تتسببيله ... و خليج بعيد عنه .. بس انتي ما تسمعين الرمسه ...؟؟!!
عبيد : عنبوه ماتقولين غير السديس يالس يخطب في صلاة الجمعه ....؟؟!! (( ويمط روضه بالقوو من كشتهاا ويوجه الرمسه إلهاا )) مره ثاانيه يوم اقولج صبيلي ... بتصبيلي و لا .لاااا..؟؟
روضه : و الله اخدم نفسك بنفسك...!!
عبيد : " و يزيد الير " : هاا شو قلتي...؟؟؟؟؟ مااسمعت ...!!
روضه : لاااااا خلااااص بصبلك...؟؟!! بس بطل ...
عبيد " و يفتح ايده " : بنشوووف...؟؟!!

" و يدش عليهم فارس "
فارس : شووو هالصريييخ...؟؟
روضه " و تعدل شعرها " : هذااا عبوود ... يالس يضربني .. و ير شعري
فارس : عبيداان ... صدق ما تستحي يعني خلاااص سعيد روح .. و انته بتلعب لعووبك فالبيت .. اشووف قووم سير وياايه ... صووب الميلس ...عند الريااييل
عبيد " وباستهزااء " : هههههه .. هاللي قااصر .. اسير ويااك .. انا ما اصدق افتك من السعيداان ... تطلعلي انته .. بالمشمش ياحبيبي ....!!
فارس : صدق ما تستحي " و روح عنهم "
عبيد " و عقب ما طلع فارس ..... يلس يقلد فاارس" : صدق ما تستحي ...." و يعدل صوته " ... لااا الشيخ خليت المستحى حقك.....!!
فاطمه : صدقه اخووك ... روح اقعد ويا الرياييل...؟؟!!
عبيد (( وبستهزااء )): منوو ...؟!! ألحين رشوود و علووه عياال عمي ... متى صااروا رياييل ..يوم بشووف رياييل و النعم فيهم .. ذيج السااعه برووح جدااهم

.................................................. .................

** ففلة الرميثي **
** فالصاله **
** الساعه 4 العصر **

" فاطمه و عبيد قاعدين فالصاله "
فاطمه : يا هالدريول ... اسميه خسرني ... توه يايني وبعده يبا بيزاات للبترول ... و المشكله اني امس فالليل عاطتنه بيزاات عسب يفول الكلوزر ... و اليوم مصفر..
عبيد " و يشرق بالجااهي " : كح كح كح
فاطمه : حلو .. حلو
عبيد : تحلى دنيااج ..." يبعد الشبهه عنه " اماايه تراا هالدريول مالج امره ما يقر .. هباابه الا يهووم ....
فارس " وتوه نازل من فوق " : هي و الله .. هذا حمزووه امره ما يقر .. امس فالليل على السااعه 12 و نص .. شفته وااقف صووب الكفتريااا مال الهنوود و الكيما..
عبيد " و يصفع رااسه بإيده "
فاطمه " مستغربه " : عبوود بلاااك ...؟؟أستخف الفرخ ..
عبيد : هااا .. لاااا .. هذي الذباابه الله ينطبها .. هب امخلتني بحاالي " الله يغربل السالفه اخاافهم يهزبوون حمزووه .. و يقوولهم اني انا البارحه ماخذ السويج عنه .. الله يستر "

عبيد : انزين بسكم ... خلوا الرياال احليله ... يبى يرفه عن نفسه ... و انتواا ترااكم كلااا ضااغطين عليه ... و اذا هزبتووه بيزعل و ما بيشتغل عندكم ... و عااد عقب قوومي انتي و فرووس ..و روحوا العزبه ... و حد منكم يسقي و الثاني يحط الاكل للبوش و الحلااال..
فاطمه : هي و الله ما فينا بعد .... بنيبلنا وااحد غيره من دون ما يدري و هو بنفده..
عبيد " كخخخخخ .. و طلعت منها يا عبوود "

فارس : امايه انا و حمد اليوم بنروح دبي .. فيمكن نتاخر
فاطمه : حافظنك الله و عن السرعه
فارس : ان شا الله
عبيد " و يقوم " : و انا بعد استرخص
فاطمه : على وين انته الثاني
عبيد : برووح بيت خوالي
فاطمه : و رمست سعيد...؟؟
عبيد : ادخلها من اذني اليمين و اطلعها من اذني اليساار ... و الحين بااي ... بروح عند سلومتي بخليها اتذااكرلي فيزياااا.. " و يصاارخ " ... رويض خلصتي ولا لاااا
روضه " من فوق " : دقااايق ... بلبس عباتي و شيلتي و ياايه..
فاطمه "و بعد ما طلع عبيد و روضه " : الله يعينها هالبنت ... شكلها ما بتيب نسبه عااليه و السبه عبوود
.................................................. .......

** فالحوي **
** وعند العيوز بالتحديد **

عبيد " يالس يصب لعمره قهوه " ..: هاا يدووه تبين قهوه..؟؟
اليده : لااا ما بي...!!
عبيد : عيل تبين فردة سحيحه...؟؟
اليده : لااا مابي...!!
عبيد : اممممم .. عيل تبين نكته..؟؟
اليده : لااا ما بي..!!
عبيد " خيبه اليوم شوو بلااها العيوز..؟؟!! " : عيل اكيد تبين ريل..؟؟!!
اليده : عبوود قووم عني ... لااا افلعك...
عبيد : و شوو كبرهاا هالفلعه....؟؟
اليده : عبوود قووم عني لااا نجفت...
عبيد " و بصوت خفيف " : لااا .. اكيد واحد من عيالها رافعلها الضغط اليوم ... ولا هي امره ما احيدها اتعفن عن الريل...؟؟!!!!
اليده " و تضرب عبيد بالقب مالها " : و انته بعدك اهنيه...؟؟!
عبيد : آآآآي يعور ... لا هناااك .....!! " و عقب ما وقف و رااح شوي بعيد عنها " ... صدق عيايز آآخر زمن...!!
اليده " و تتحرطم عليه " : ما عليه يا ولد حموود وين بتروح عني يا الهرم
عبيد " و من بعيد .. و لكن بصووت خفيف " : زغت! والله صدق انها خرفت؟؟
.................................................. ............
** يوم الاحد **
** في بوظبي **
** ففلة سالم السويدي **
** الساعه 3 الظهر **
** فالصاله **

عليا : و الله و صاار الشغل يتعب من الخاطر
ام هزاع : يا خويتي و انتي شو تبيبه الشغل .. وما عليج قصور
عليا : شو نسوي ... تسليه ... بعد احسن من اليلسه فالبيت
هزاع : شو اخباره الشركه اللي تشتغلين فيهاا
عليا : على وشك الافلاااس
هزاع : افاااا.... دامها جي شو تبيبها ... تعالي شركتي
عليا : و انته الا تباني أي شركتك ... شو شكلك ناولي على نيه
هزاع : ناولج على الراحه ... هاا شو قلتي
عليا : يا الله بتشااور
هزاع : و بعدج ببتشاورين
ام هزاع : خل خالتك على راحتها ... و لا تيلس تضغط عليها
مايد " و توه نازل من فوق " : هاا هزووع شوو بلاااك تضغط على اماايه .... ليش امايه استوت ريمووت .. يضغطوون عليهااا
هزاع : لااا ... اتنكت
مايد " و ييلس عدال هزاع : لاااا .. احااول
هزاع " : كخخخخخخخخخ.... حلوه
مايد : و الله ... اتصور ويااها
هزاع : كخخخخخخخ.... بايخه ... قووم عني .. مافيني على ثقل دمك
مايد :و الله ... خلاااص عيل بسويله رجيم
هزااع : ابا اعرف .. انته منو معلمنك .. هالكلمتين ..و اليوم يالس اتقولهن
مايد : كخخخخ .... هذا ربيعي ... عااد امس يالس يخبرنا عن ولد عمته ... ابد ما ينغلب بالرمسه
عليا : عيل الله يعينهم عليه ... و يعيني انا عليك
مايد " و يحضن امه " : افاااا .. لهدرجه مخبلبج
عليا : و اكثر
مايد : اوكي .. عيل انا استرخص
عليا : على وين ؟؟
مايد : بروح العين
عليا : العين ؟؟!...ليش ؟؟ ..و ويا منو ؟؟!!
مايد : بسم الله .. شو فيج ... كليتيني بغشوري.. بروح ويا رشود .. و ليش .. عندنا بسزنس
عليا : و شو هالبزنس .. و بعدين انتوا ما عندكم ليسن ..عشان تروحون
مايد " وانا شو خلااني اقوللها": لاااا ... حمود اخوه عنده ليسن ...و نحنا بروح ويااه ... بااااااي .." أحلى صااروووخ "
عليا " و بعد ما طلع " : و الله أني خايفه عليه
هزاع : يا الله يا خالووه .. ميود هب ياهل ما شا الله عليه ..كبر و ستوى ريال و ملتحي بعد ... لين متى بتخافين عليه ...

.................................................. ..............................

** فالحوي ... و صوب الكراجاات " مواقف السيارات**

" كان حمدان قاعد و يتكلم فالموبايل "

حمدان : عيل عشااكم اليوم عندي....؟؟
مايد : لاا وين ... ما فينا نتاخر .. و الوالده اتم اتحاتي
حمدان : ليش بعدك ياهل
مايد : انا ياهل بنضرها ... تعرف الابن الوحيد ..و لين ما اشوب .. بتم ياهل عندها ..
حمدان : كخخخ ...حلوه
مايد : دامها عايبتنك .. اتصور وياها
حمدان : لاااا ... و علمك عبوود
مايد : حسيت
حمدان : يا الله عيل اتريااكم على العشا
مايد :لا انا ما قلت انا بني
حمدان : اسمع .. انا بجهز العشا و بتريااكم .. و ان ما يتوا .. لاا انا اعرفكم ..و لا انتوا تعرفوني
مايد : لاا قويه
حمدان : عكيفك ... انا اترياااك ..
راشد : شو بلاااه حمدانووه
مايد : ما شي .. يبانا نتعشى عنده ..و لا ما بيكلمنا مره ثانيه
راشد : لاا ... انا هب مستعد اخسر ربعتي ويااه .. " و يعلي صوته عشان حمدان يسمعه " ... حمداانوه .. امره لاا تحاتي.. السكاان فايدي .. يا يينكم اليوم على العشا .. عااد عشنا من الزين .. هب سندويجااات
حمداان : ميود .. حطني على السبيكر
مايد : اوكي
حمدان " و بعد ما حطااه على اللسبيكر " : عااد انا ما بخليك تضهر .. الا بعد ما تاكله كله
راشد : لعنه ... ناوي عليه شوو.. عيل خلاااص غيرت رايي
حمداان : هههه .. تهبي .. يا الله اتريااكم .. بااي " و بعد ما بند حمداان ...عبود كان توه ياي صوب الكراجاات...فما لحق الا على آخر الحواار "
عبيد : صااادووه .. ها حمداانووه شكينااك ...منو هالحلواات اللي تتريااهن اليوم ..ما حيد عندك هالسواالف ...
حمدان : هي اتبلااا علي ... وبعدين انته من وين تسمع
عبيد : صبر .. جاري تحديد المكااان
حمدان " و يركب سياارته " : باااي
عبيد : هي روح .. اتسلى ويا الحلواات اللي تتريااهن ... انزين اعزمنااا
حمدان :" رفع الجاامه ....وطلع من البيت .. من دون ما يرد على عبوود "
.................................................. ...............................

** ففلة خليفه **
** فالصاله بالتحديد **

" كانت ريم و هند .. يا لساات رواحهن فالصاله "

ريم : و الله اني خاايفه
هند :من؟؟
ريم : من الامتحانات
هند : انا عني .. احس الامتحااتناات .. استوت عااديه و ما ينخااف منها
ريم : هي .. اكيد .. ترااج انتي الا بنت الادبي و منااهجكم سهله
هند : لاا هب عشاان جي .. بس لان هالمره ما منمتحن كتابين .. الفصل الاول و الثااني ربااعه ....." و كان عبيد توه نازل من فوق "
عبيد : سلاااااااااام
ريم : بعد هالسلااااام .. كيف ينرد عليها
عبيد : افااا ... حااشرتنا بنت علمي و علمي .. آخر شي ما تعرفين اتردين السلاااام ... صدق انج يهوديه...!!!!!
ريم : جب جب ... و بعدين حرمتك اليهوديه....!!
عبيد : لا بوي ... حرمتي فوق .. قاعده تحفظ الآيه .. بااجر عليها تسميع ... يعني هب يهوديه ..
ريم :اففففف منك .... انا متى بفتك منك
عبيد : ليش قااعد فوق رااسج ... و بعدين هالبيت هب بيتكم ... يعني داامج انتي مستاذيه ... قوومي برررع من دون مطروود
ريم : لاااا و لا هو بيتكم .. و بعدين هذا بيت عمي
عبيد : لااا حتى انا هذا بيت خاالي و بيت عمي
هند : بعد كيف تستوي هذي
عبيد : يا ذكيه افهمي ... تراا خليفه هو خاالي صح و لااا خطأ
هند : صح ... بس هو هب عمك .
عبيد : امبلى .... ليش هب سلااامووه حرمتي المستقبليه .. يعني هو يستوي عمي بعد
ريم : ماااالت ...الله يعينها جاان بتااخذك .... اول شي بتربييك .. عقب بتربي اعياالك
عبيد : لاا و الله .. شو قصدج .... يعني انا هب رياال
ريم : اممممم ...و الله افهمها مثل ماتبي
عبيد : ريموووه ...لا تخلييني انشعج من قفتج ...و اخلييج صلعه ...و بعدين محد يبااج ... و بطييحين فجبد خاالي و جبد نفسج .... و بعدين بتزيد نسبة العنووسه فالدوله ...و عااد عقب اخاافج تنتحريين يا الهيسه ...و انا آخذ اثم من عقبج
هند : ما شا الله تعبير
ريم :اتهبي الا انته
" تمت هذي حاالة ريم و عبيد .... و حليلها هند يالسه من بينهم و مالها خص ....و بعد 5 دقايق "
هند : بااااااااااااااااااس
عبيد :و لعنه .... ثره حسج اخس من حس رويض
هند : بس يا اخي مل صبري ... ممكن اتوقفوون شوي ...و تاجلوون ضراابتكم لبعدين ... عنبووه .. جنكم يهاال ... كل واحد يفر على الثااني .. مخده و لا كرتوون الكلينكس و لا تكاافخوون بالنعوول ... هب بااقي غير انكم تتناشعوون بالرووس
سلاامه " و توها ناازله " : خيييبه ... شوو عندكم
عبيد : ما شي ... سلااامة رااسج ...
سلاامه : لااا و حسوووسكم شاال البيت
عبيد : اووو... يعني انتي اللحين ما تعودتي على طريقة حوارنا و نقااشااتناااا
سلاامه "و تقعد " : الصرااحه ... اشك انها حوااراات و نقااشااات
عبيد : عكيفج
" و يدشن عليهم ... روضه و غايه و ميثا "
عبيد : و عليكم السلااام
روضه : محد سلم
عبيد : افففف ... صدق غبااء
روضه : و الله ومرتك العوره هي الغبيه ..
عبيد : احم .. احم ... احترمي نفسج لو سمحتي .... تراا حرمتي موجووده
روضه : حلم فقارى
عبيد : جب جب

.................................................. .........................................

** فالميلس **
" رن موبايل حمدان "
حمدان : هااوينكم ؟؟!!
راشد : و الله قريب ..تونا داشين الحااره
حمدان : اهااا
راشد : حمداانووه ... بس شكلي بضيع
حمدان : لا والله ... احلف انته بس ... هذي هب اول مره اتي فيهاا
راشد : ادري ....بس من زماان ماييت ... و بعدين انا ضاري ايي فالنهاار .. فممكن تتكرم .. و اتي عند لفت الحاره .. و الا نغير رايينا
حمدان : صدق انك مذله .. انزين دقايق و انا بكون عندكم

" و بعد 5 دقايق ... وصل راشد و حمداان بيت قوم حمداان..وراشد توه ياي ايدخل سيارته فالحوي "

مايد : أي انته استهدى ..وين تبى ... ابوي البيت فيه بناات
راشد : طع هذاا .. ابوي هذي هب اول مره ادخل سيارتي .. فبيتهم
مايد " و بعد ما شااف . .. 3 فلل " : اقول
راشد : قووول
مايد " مستغرب " : اللحين ابو .. حمداان ما خذ ثلاااث حريم
راشد : كخخخخ... صدق انك حفله من دون كيك ... لاا بوي .. الفله اللي في الوسط هي فلة قوم حمداان .. اما البااقياات فهي فلل عمومته
مايد : اهاااا
حمدان " و يدق عليهم الجامه " : شوو هب ناوين تنزلوون .. شوو
...............................................

** فالمطبخ **
ريم : اللللله
ميثا : خيبه شو عندج
ريم " و تاشر على سيارة راشد " : شوفي
ميثا : شو اشووف
ريم : شوفي السيااره اللي هنااك
ميثا : انزين شفتها ... وما فيهاشي
ريم : اونه ما فيها شي ... انا كل يوم ... يوم اروح المدرسه اشووف نفسها عالطريق .. و خاصة يوم نوقف عند الاشاااير ... خااطري اسير اصورها و ايي[/align]

 

 

  رد مع اقتباس
قديم 15-12-2009, 07:07 PM   رقم المشاركة : 12
3šђőǑő8t,ālain
~ • غـٍُالٌٍُيً حـًٍُِبًٍُِوبًٍِ • ~
 
الصورة الرمزية 3šђőǑő8t,ālain 





معلومات اضافية 
  النقاط : 615
  الجنس :
  الدولة :
  الحالة :
الرسالة الشخصية

التقييم

افتراضي

 

 

[align=center]ميثا : قصوورج
ريم " و تصد صوب سلاامه " : سلااامووه .. بلييز تعالية
وياايه
سلاامه : جاان صوب هالقوطي " قصدها السياره " .. اسمحيلي هب ساايره
ريم : بليييز
سلاامه : نو وي
ريم : سلوومتي .... حراام عليج بس صوره وحده و بنرد
سلاامه : بزقر عبوود بخليه يصورها و ايي
ريم : و انتي ما عندج غير عبوود ..و بعدين انا ابي اشووفها من قريب ..و بعدين بصورهاا
سلاامه : لا و الله .. و ان طلع راعيهاا
ريم : لا ما بيطلع ...لانهم يتعشوون
سلامه : و انتي شوو تبيبهاا الصوره
ريم : تحقيق شوو ؟؟!.
سلامه : اول شي قوليلي شو تبين بالصوره ..و بعدين برووح ويااج
ريم : قولي و الله
سلامه : ليش ؟؟.. شو علباالج انا جذاابه
ريم : لااا ..
سلامه : يالله قولي .. قبل ما يتعشوون و يخلصوون
ريم : اففف ... بحطها صوره رمزيه فالمنتدى
سلامه : اممم .. سبب غير مقنع
ريم : سلااامه عاااد
سلامه : انزين طوفي و امري لله
ميثا : يا الله حد ايشووفكن
سلامه : داام جي .. خلاااص غيرت راايي
ريم " و تير سلاامه من ايدهاا " : ياا ربي .. ليش انتي جي جباانه .. يا الله
..........................................

** فالحوي **
** و قبل ما يوصلن **
سلامه : ريمووه .. خلاااص بنوقف اهنيه ...و يا الله انتي صوري ... عشاان من ايي حد ننخش ورى لشيره
ريم : لاا و الله انا ابي اكوون قريبه
سلامه : عيل رووحي برووحج
ريم : خلاااص برووح من دونج .. و انتي تمي اهني يا الجباانه " و روحت ريم صوب السياره اما سلامه فوقفت صوب الزراعه عشان اذا حد طلع تنخش ...و هي كانت هب واايد بعيده عن السيااره "
..................................................

** فالميلس **
** و بعد العشا **

راشد : شكلي برقد عندكم اليوم
مايد : احلف بس انته
راشد : الصرااحه ما خليت شي ما كليته .. فما فيه حيل عشاان اسووق
مايد : لااا ما عليك .. انا بسوق عنك
حمدان : انته شكلك عاايفنااا ... امره تبى تروح باسرع وقت
مايد : هههههه ...لا و الله .. بس الواالده هالاياام .. واايد تحااتي ...و اربع و عشرين سااعه ادقلي .,..و بعدين انا قايللها انا ما بنتاخر ... و انا اخوو المحرووس " قصده راشد " .. هو اللي بيسووق .. لان نحنا ما عندنا ليسن
حمدان : اهااا ... عادي .. تراا حتى اماايه .. نفس امك .. بست كوبي .. ما ترتااح الا اذا كنت فالبيت
راشد : " يوجه الرمسه لمايد " : شكلها امك اليوم نستك ... و الدليل ان من دشينا اهنيه .. ما دقت
مايد : هي و الله صدقك ... صبر بجيك .. لاني محطنه على الاجتماع يعني الا رنه وحده ... فيمكن ما سمعتهااا " و بعد فتره " ... شكلي الا نسيته فالسيااره
حمدان : ابوي سير ييبه ... الحين اكيد اتحااتي .. و لاعببهاا الشيطااان
مايد : اوكي
راشد " و يفر عليه السويج " : خذ السويج

.................................................. .............


++ و بعد ما طلع مايد من الميلس ..ورااح صوب السياره .. اللي شوي بعيده من الميلس ... شاااف حد مسااند على السيااره ... الله يسلمكم هذي ريم .. بعد ما خلصت و صورة ... اتسااندت على السياره بضهرها .. و و كانت . عااطيه الميلس بضهرها ... و كانت اطالع الصور اللي هي توها مصورتنهاا .... فما انتبهت انه حد طلع من الميلس ... و كانت سلامه اسويلها حركااات .. عشاان اتي .. لانها شافت مايد يوم طلع من الميلس ... لكن ما شي فاايده .. لان ريم محطيه عيونهااا .. فشااشة الكيمرااا ...++

++ و اول ما تقرب مايد اتحنحن ...... و ريم وقفت فمكاانها و هي متصنمه
ريم " يا رب يكوون وااحد من عياال عمي .. يا رب يكوون عبوود " ...++
و صدت صووب مصدر الصوت ببطأ..++

مايد : الشيخه...ممكن آخذ موبايلي...اللي فالسيااره
ريم " و هي خاايفه ...و ترتجف..ولا بعد فوق كل هذا كانت متخااديه .. و شويه و بتصيح .." : هااا ... هي ليش لااا .. السيااره سياارتك ... و السمووحه اذا اذينااك ..لاني انا عيبتني السيااره ..وياايه اصورهااا .. و السمووحه مره ثاانيه
مايد " ابتسم " : بالحل .. الشيخه

++.. و سارت ريم صوب سلاامه .. وهي تمشي بخطواات سريعه ++

مايد " و بعد ما طلع موباايله .. صد صووب المكاان اللي اتجهة ريم له .. بس ما حصلهاا " : خيبه .. وحاالها وصلت ..." بس سمع اصواات يايه من صووب الحديقه .. فعرف انها اتجهة صوبها ....و بعد ما كلم امه .. رد صوب الشبااب .. فالميلس "

++.. اما فالجه الثانيه .. و صوب سلامه و ريم ...++

سلامه : الله يغربلج يا ريموووه .. بعد عقب ما خلصتي تصوير .. اشعنه يلستي اهنااك .. تتريين صدقه ولا شووو...؟؟
ريم : اوو ... سلااامووه دخيلج اسكتي .. ما تتدرين شكثر خفت .. و قلبي كيف دق من سمعته يتحنحن ... ولا معلااايه ...
سلامه: تستاهلين يا الهيسه .. و اشعنه وقفتي تكلمينه
ريم : تدرين انه من الزيغه .. ما اعرف حتى شوو قاال ... و انا شوو خربطت
سلامه : ويا هالويه .. و الله اللي يسير ويااج .. ما تيه غير المشااكل
ريم : يعني انتي متندمه
سلامه : وااايد ... طوفي اشووف .. عن لااا يشووفنا حد اللحين " و بعد ما خطت سلامه خطوتهاا الاولى "
ريم : سلااامووه
سلامه "و تصد صوبها " : خير
ريم : كاان حليييو
سلامه " و تيرهاا من ثياابها " : طووفي جداامي ويا هالويه .. صدق انج هيلقيه
ريم " و هن يمشن .. وقبل ما يوصلن " : اللي يايين ... ربع حمدااان صح ؟؟!!
سلامه : هيه صح ..على شوو بعد نااويه
ريم : مالج خص
سلامه : ويا هالويه .. الحين رفعتي صوتج عليه ..من عقب ما خلصت حايتج ..صدق اللي قال .. افعل خيرا تلقى شراا....

.................................................. ......................

** الحوي **
** الساعه 10 و نص **

++.. عبدالله ابو حمد...و هو توه رااد من الشركه .. شااف سياره غريبه .. و سمع اصواات فالميلس .. دش و شااف حمدان +راشد+مايد ... يالسين فالميلس .. سلم عليهم .. و قعد شوي ويااهم ... و الساااعه 11:00..."

راشد: يا الله عيل نحنا نسترخص
عبدالله : افاا .. على وين
راشد : على البيت ..
عبدالله :يالله ما يلست ويااكم ... ولا يلستي هب عايبتنكم
راشد : يا الله يا عمي شوو هالكلااام .... اسميها اليلسه ويااك امره ما تنمل ... بس انته ادرى ... السااعه وصلت 11..و نحنا ورانا خط بوظبي ....
عبدالله"وعند السياره":ياالله ...حافظنكم الله .. وعن السرعه
راشد:انشاالله.....
عبدالله"وبعد ما راحوا .... اتجه صوب فلته"......." آآآآآآآه يا مايد... ملامحك ... ذكرتني بملامح انسااانه ...وينها هي الحين؟؟ .... و شو حياااتهااا؟؟ا ...حي ولا ميته ... !!!... الله يعلم ...." ....

.................................................. .............................

** اليوم الثااني **
** العصر **
** ففلة خليفه **

++.. كانت ريم قاعده ويا حمدان و سلامه و هند .... و كانت ريم قاعده عدال سلامه ...++

ريم : حمدااني
حمدان " و كان يلعب بلي ستيشن ... صد صوبه " : حد قالج اني اصغر عياالج عشاان تقوليلي حمدااني
ريم " و ترمس سلامه بصوت وااطي " : خيييبه ... جبريت " و توجه الرمسه لحمدان " ... سوري اذا ازعجك الاسم ... بس انا كنت ابي العب ويااك ممكن ؟؟

++.. حمداان .. يحب حد يلعب ..ويااه ... ويوم ايقولهم تعالوا العبوا .. محد يطييع ... وهذي اول خطوه اتسويها ريم .. عشاان تدهن سيره ...++

حمدان : ما حيدج ... تعالي اذا تبين
ريم " و تيلس صوبه .. و تيود الجهااز " :انزين .. ممكن نلعب سيايير ... لاني ما احب الكره .. احسهاا ولوديه .. اوفر
حمدان : ان شا الله الشيخه
ريم " و بعد فتره " : حمداان .. امس انته منو كنت عاازم
حمدان : يعني .. منو بعزم غير ربعي
ريم : اهاا .. شو قباايلهم
حمداان : و انتي شوو تبيهن القباايل .. بتيوزيينهم
ريم " و ابتسمت .... الكل بدورللهم حريم .. الا اللي انا شفته ... " ..: هههه ... لااا .. بس جي اشبع فضولي
حمدان : واحد فيهم منصوري .. و الثااني شامسي
ريم :هيييييه المنصوري .. هااك اللي اسمه رااشد و شفنااه في الموول ... و تم يسويلك حركاات يوم شاافك
حمدان : هي
ريم : و الثااني شو يقربلنا
حمداان : ما يستويلنا شي ...
ريم : اهاا ... بس نفس القبيله
حمداان : انزين هب شرط يقربولنا .. يا كثرهم الشواامس فالدول اللي ما يقربولنا
ريم " يا الله فديته .. طلع شامسي .. شرااتنااا " : هاا .. عيل شوو اسمه
حمدان : و انتي شوو تبيبه
ريم : يعني اعرف اسم المنصوري .. و ابي اعرف اسم الشاامسي .. اللي نفس قبيلتناا
سلامه : انا اعرفه اسمه ماايد
حمدان : و انتي شوو عرفتج
سلامه : انته برووحك .. مخبرني عنه .. ودووم تسوولف عنه ...
ريم " و ابتسمت .. و انتبهلهاا حمداان "
حمدان : لااا و الله .. و ليش هالابتساامه
ريم " ارتبكت " : هااا .. لااا ... بس انا كنت اقوول في خاطري ... سلامه الهيه عني ... عشاان اسبققك
حمدان " و يضربها فووق رااسهاا " : لااا و الله .. صدق انج عدوه .. و عقربه
ريم : هههه .. تراني العب ضدك .. فلاازم .. اكوون عدوتك [/align]

 

 

  رد مع اقتباس
قديم 15-12-2009, 07:11 PM   رقم المشاركة : 13
3šђőǑő8t,ālain
~ • غـٍُالٌٍُيً حـًٍُِبًٍُِوبًٍِ • ~
 
الصورة الرمزية 3šђőǑő8t,ālain 





معلومات اضافية 
  النقاط : 615
  الجنس :
  الدولة :
  الحالة :
الرسالة الشخصية

التقييم

افتراضي

 

 

.................................................. .....................

++.. مرت الايااام بسرعه ... و بدت امتحانات آخر السنه ...ومرت عليها 3 اياام .... و الكل ملتهي بالدرااسه ..و التركيز .. و الحفظ ... و اليوم هو يوم الخميس ... اليوم اللي العائلة تجتمع فيه .. عند العيوز .... الكل كان مجتمع .... خلوا المذاكره للجمعه و السبت ... و خلوا هاليوم للترفيه ..... الكل كان موجوود .. ما عدى حمد و فارس و سعيد .. اللي افتك منه عبيد هالاسبوع ... و خلاااه ييلس فالبيت عشاان يذاكر .....++

**فالصاله وين الكل مجتمع **
** الساعه 8 و نص **
++.... حمد و فارس توهم دااشين ... فارس سار صوب الكل عشاان يسلم ... اما حمد فرفع ايديه .. يقصد السلاام عليكم ...و كان شال موبايله فايده ... و محطي السماعه فاذنه ...و يتكلم في الموباايل ..... خطف عنهم .. و ساار الجهه الثانيه .. وين البناات يالساات ... و هي عباره عن صالتين .. مفتوحاات على بعض ... كانت صاله البناات يالساات فيهاا .. اما الصاله الثانيه ما كان حد يالس فيها ... و هو ساير صوب الصاله الثانيه ... بقصد جرب صوب البناات ... و كانت ميثاا .. قاعده عالطرف ...وكانت لابسه مشبك كبير .. وهو طايف .. ير المشبك شوي .. على تحت ...++

ميثاا : آآآي يعور
البنت اللي تكلم حمد : منو اللي صرخ عدالك
حمد:" و يمشي ومعلي صوته شوي على اساس ميثاا تسمع " ..: اللي صرخت ؟؟!... هذي بشكارتناا السيلاانيه...اقول غناتي .. ليكون اذتج بحسهاا " و سار حمد و قعد فالصاله الثانيه .. و على الطرف .. على اساس ميثا تسمع "

ميثا " و بصوت خفيف " ..: الله يغربلهن من خايساات
روضه " سمعت ميثا " : وينهن مسوداات الويه ... بخليهن يسبحن
ميثا : لا والله
روضه : ميثااني شوفي حموود كيف حليييو ... يا ويل حالي انااا ...
ميثا : ووع ... مالت عليج و عليه
روضه : ميثووه ... يالله عاااد ... طااعيه هب حلييو ؟؟
ميثا : ماالت
روضه : خلاااص زعلت... برووح عند غاايوتي
ميثا : سيري لااا .. اونها زعلت .. عشاان حموود

++ اما فالجهه الثانيه و صوب حمد ++

حمد : فديت هالضحكه انااا ... اسميها امره محد يسواااهااا ..... هههههه و الله .....انزين متى بشووفج مره ثاانيه ....... ما شبعت منج اليووم .... انا لو اقعد معااج بالسنين بعدني ما بمل ..." و تم يتامل ميثاا .. و هب منتبه على اللي يكلمهااا ... وبعد ما عيزت كثر ما تزقره بندت ... و انته حمد على صوت انقطااع الخط ... ورد ايدقلهاا ..."
حمد : افااا ... اشعنه بندتي
البنت : و الله و عيزت كثر ما ازااقر عليك و انته ما ترد
حمد: اهاا ... السمووحه غنااتي .. انشغلت شويه ........ افااا اشعنه زعلتي ..... و الله اني ما اقدر على زعلج ... حيااتي بس عااد .... لاا تخليني افر بعمري من فووق جبل حفييت ....و الله .... هههههه ... انزين حياااتي دامج رضيتي ... عيل انا بخليج ...... هههههه .... ان شا الله الساعه 2 على الليل بدقلج .... اوكي باااي غنااتي ..." بند حمد عن اللي كان يكلمها ... وميثاا سمعت كل شي حمد قااله .. وكاان حمد على علم بهذاا الشي .. اصلاا هو كان متعمد ...و بعد ما بند راح صوب اليده .."

++الجهه الثانيه .. صووب العيوز++

حمد : السلااام عليكم " و يوم يا ايسلم على العيوز"
اليده : قوم عني ... داام سلامك يا اللحين .. ما بااه
حمد " و ييلس عدالها .. و يحبهاا فوق راسها " ..: افااا ... ترااني سلمت عليج .. من اول ما دخلت
اليده : من زينه من سلااام ... لو ييت صوبنا و سلمت و عقب روحت ... بتمووت يعني ..... روح خل اللي كنت اتكلمها تنفعك
حمد : هههههههه ... حراام عليج ظلمتيني ...
اليده : انته تظلم ... ولا تنظلم
حمد " خيبه العيوز اليوم شي عندهاا " : يدووه كنت اكلم واحد من الربع ... احليله مساافر الخارج للعلاااج
اليده : قووم عني ... بعد قااعد تجذب عليه ... تراا ضحكتك امره ما وصلت اهنيه
حمد : ليش ؟؟ يعني الواحد ما يضحك الا اذا كان يكلم وحده
عبيد " اونه يلطف الجوو " : يدووه سمعتي آآخر نكته
اليده : قووم عني انته الثاااني ...
عبيد " و بصوت خفيف " : يلعن .... شي عندها اليوم
حمدان " بصوت خفيف " : ابوي ...ابعد عن الشر و غنيله
عبيد : هزرك .... خلاااص عيل خل العيووز .. اتلاااشط على حموود

++... و تمت هذي حاالة العيووووز .... و بعد ما يا سعيد ... اتعشواااا ...اما سيارة عبيد ... بعدها مربطهه بسلاااسل ....و ما بيفجها سعيد الا بعد ما تطلع نتيجة عبيد ....++

.................................................. ...................................

** اليوم الثااني **
**بوظبي **
** فلة السويدي **

++... كانت ام هزااع + عليا يالساات .... و يشربن جااهي .... ++

ام هزاع : اليوم عندج مرااجعه فالمستشفى .. صح ؟؟
عليا " تتنهد" : هي
ام هزاع " و بعد فترة سكووت " : متى بتخبرين مايد ؟؟
عليا : ما بخبره
ام هزاع : هب من حقه يعرف
عليا : اذا خبرته بهالشي ... اكيد بيأثر على درجااته
ام هزاع : هي و الله صدقج ....بس بتخبرينه بعد الامتحانات
عليا : ما دري .... بس غيري الموضوع و فكيني
ام هزاع : على راحتج !!
.................................................. ........................

** و بعد اياام**
** يوم الاربعااء **
** ففلة عبدالله **

++ ريم يالسه فالصاله اللي فوق .... و كانت اطالع التلفزيوون ... طلعت غايه .. و شافتها ....++

غايه : على ما اعتقد انه باجر عليج امتحااان..
ريم : و يعني اللي عليه امتحاان ... ما ياخذله بريك
غايه : و شكله هالبريك طول ... و على ما اعتقد كملتي ساعتين جداام التلفزيوون
ريم : عاادي ما يهمني ... حتى لو قعدت 3 ساعات ... باجر آآخر يووم ...و الماده سهله ... هب باقلي غير 30 ورقه
غايه : خييييبه ...متى بتخلصين

ريم : شو فيج انتي ... عادي ... آخذ فيهن ساعتين بس
غايه : لا و الله ... احلفي بس انتي
ريم : و الله ....و بعدين انتي لا تنسين اني كنت اذااكر فالاجازه ... و انا هذي الكميه .. امذاكرتنهاااا... فما يحتاااي اطول فيهاااا ....
غايه : ما عليه يا ريمووه ... على هاللعب اللي اليوم لعبتي فيه ... باجر الامتحاان بيكوون صعب ... و بتين اتصيحيين
ريم : فال الله و لا فاالج ... يا النحسه ...و ان شا الله بيي و انا طاايره من الوناااسه ...

++ خمس دقايق و يدش عليهن عبيد ++

عبيد : السلااام عليكم
غايه +ريم : و عليكم السلاااام
غايه : أي انته ... ما جنه بااجر عليك امتحاان
عبيد : هي علينااا .... بس تعرفين انا لااازم يومياا ... ايي ... عشاان اطمأن على طلاااب الثانويه العاامه .... يوم آآخذلي بريك....!!!!
ريم : مشكوور
عبيد : شو مشكووور ... اطوري قولي مخسيييه بالفرنسي
ريم : شووو فرنسي مال اول ...انا بقولك بالياباني
عبيد : لااا دخيلج اسكتي .... اونه ياباني ..... " و بصوت عالي " : هيييييييييه
غايه : بسم الله ... شو فيك
عبيد : على طاري اليابانيين .. اذكرت نكته ... بخبركم عنهاا ... الله يسلمكم وااحد مصري .. رااح اليابان و فتحله مطعم ... شووو سمااااه
ريم : كح كح .. اغبااار ... شو هاا ... مال اول
عبيد : عيل يا الله جاوبي
ريم : ناسيه الاجاابه
عبيد : لا والله ... هب نااستنهاا .... الا انتي هب عاارفه الاجاابه ... واصلاا عمرج ما سمعتيهااا
ريم : و الله اني سامعتنهااا
عبيد : جذااابه " و تقااطعه غايه "
غايه : بتقوول ولااا شووو
عبيد : شوووو
غايه : عبووود
عبيد : خلاااص بقولج ... الله يسلمج سمااه ... فوتواا موتوااا... فهمتي
غايه : هي فهمة بس ... باايخه
عبيد: مالت عليج
غايه : عبوود بالذمه شو عليك ؟؟ كم بااقلك ؟؟
عبيد ": عليه دين ... يمكن باقتلي نص الكميه
غايه : يعلك ... روح ذاااكر
عبيد : شوو فيج انتي ... بذااكر فليل .. لان العقل اكثر يستوعب .... و بعدين ... عاادي ... درسين بطوفهن ... و درسين بذااكر التقويم بس... و درس بذااكره بضمير ...و الدروس الطواال بذااكر بس اول صفحه ... و جي
غايه : غربلااااتك ... الحين هااي اتسميهاا مذااكره ....و الآياات
عبيد : اووو.. لا تسألين عن الآياات .... كلهن برشمتهن
غايه : ما عليه يا عبوود .... جاان ما خبرت عليك سعوود
عبيد : عادي خبريه ... بكوون ذيج السااعه غشيت و خلصت ... ريمووه يعلكم بتخلصوون ... قبلنااا
ريم : احم .. احم .... شفت عااد
عبيد : اصلاا ... انتوااا المفرووض اتخلصوون وياانا .. بس لانكم امتحنتوااا الانجليزي وياا السيباااا
ريم : انزين احسن ... افتكينااااا
عبيد " و يقوم ":عيل يا الله بااي .... بعدني ما روحت صوب حمداان و لا صووب هناادي .... بااااي
غايه+ريم: باياااات
.................................................. ........................

** اليوم الثاني " الخميس "**
** ففلة سالم السويدي **
** الساعه 3 الظهر **
** بعد الغداا**

++.. كانت العائله بكبرها يالسه فالصااله .... و كانوا يشربوون جااي ... ++
هزاع : خالوووه ... خلصت موظوعج بكبره ...ومن يوم الاحد تقدرين اداومين ... فشركتي
عليا : فاي قسم
هزاع : حطيتج فقسم شريكي ... لان قسمي ما فيه شوااغر ...واذا ما ارتحتي فيه ... بعد كمن سبووع اقدر ارتب الاموور ... و اييبج فقسمي
عليا : هاا مايد شوو سويت اليوم فالامتحاااان
مايد" كان محطي رااسه .. على ريوول امه .. وطاايح " : الي اعرفه حليته ... و سلمت الورقه
عليا : اموول ..و انتي شووو سويتي ؟؟
امل : و ا لله الامتحاان كاان سخيييييف ... و ضامنه الدرجه الكاامله
مايد : خيييبه يا المصريه
امل : قل اعووذ برب الفلق من شر ما خلق ...و الله لو مذااكر شراات النااس و العالم ... جاان قلت سهل
مايد : أي انتي لاا تقولين الناس .. شي ما قالووه ...لاني انا ما قلت انه صعب
امل : ما يحتاااي انك تقوول انه كاان صعب ... انا فهمتهاا من طريقة كلاامك
مايد " و يفرهاا بالكلينكس " : وفري كلااامج لعمرج ... يا الفيلسووفه.
امل : آآآآآآآي .... خاالوووه شوفيه
ام هزاع : بس عااد ...يعني انتوا لثنينه .. ما يستوي تقعودوون ... فنفس المكاان .. من دوون ضراايب
مايد" و يلعب بفروخته " : و الله هي اللي بدت
امل : اللحين انا اللي بديت .. يا الهيس
مايد " و ييلس " : ايي انتي ... احترمي نفسج .... و بعدين الهيس ريلج .. يا الهيسه
عليا : مايد بس عااد
مايد : ليش بس عااد ... و الله ان ما سكتت بشخطهااا .. بهالفرووخه اللي لابسنهااا
امل : اتخسي
هزااع " و بصووت عاالي " : بااااااس ... انتوا بتسكتووون و لا شوو.. صدق انكم ما تستحوون ..و لا تخيلووون ..... على الاقل احترموا الللي يالس وياااكم .. و بعد ما نقووم ... اضااربواااا ..و طلعوا اللي فخاطركم

++.. وبعد ما خلص هزااع كلاامه ... الكل سكت ... وامل صعدت فووق ..و مايد طلع من البيت .... ++

.................................................. .................

** ففلة خليفه **
**يوم الخميس ...العصر **

++.. ريم +سلامه +هند.... يالساات فالصااله .... اما حمداان .. فيالس فالصاله اللي عداال الصاله اللي هن .. يالساات فيهاا ..وكاان يلعب بلي ستيشن ...++

ريم: و الله اني مستاانسه
سلامه :بس عااد ... لا تقايضيناااا
ريم : ههههههه ... انزين انتي هب باقتلج الا ماده وحده ... هب بعض النااس باقتلهم مادتين ما دري ثلاااث " و كانت تقصد هند "
حمدان " سمع ريم ... لان الصالتين مفتوحاات على بعض ...و عرف انها تقصد هند "...
حمداان: عااادي ... ما تفرق .... " و ينقزهاا بالرمسه " ... ترا هم الا موادهم سهله و سخيفه ... فما يبيلهاا مذاااكره
ريم :هب اذن .... اقوول حط عينك فالتلفزيوون ... و شل اذنك ويااااك ...
حمدان : لاوالله... احلفي بس انتي ....ولا الشي اللي ما يعيبج .. ما تحبين تسمعينه ....
سلامه " و بصووت خفيف " : ريمووه ... بليز اسكتي عنه .... هو اليوم ما دري شووو بلاااه ... من الصبح و هو معصب ...
ريم : بس عشاان خاطرج

.................................................. .....................

** يوم الجمعه **
** ففلة الرميثي **

++.... روضه توها نازله تحت .... فالصااله ....و كانت شاله اللاب مالهااا ....و كان عبيد يالس على الكنبه و يطاالع فلم .....++

روضه : و انته ان شا الله ....شوو ميلسنك اهنيه .. ما عليك امتحااان ؟؟
عبيد : اوووهووو .... قومي عني لاااااا ... بعده اليوم الا الجمعه ... و الامتحاان يوم السبت
روضه : و الله عكيفك .... و انا شوو لي اناازعك ...الحمدالله خلصت مدرسه ...و الجاامعه فالطريق
عبيد : انزين بس ... ممكن تكرمينا بسكوتج .... ابي اندمج فالفلم
روضه : مالت ..عليك انته و الفلم ...مال اول

++... يلست روضه على الارض ...و حطت اللاب جداامهاا ...و كانت دااشه النت .... وكانت وايد قريبه من عبيد ... ولان عبيد كان يالس على الكنبه .... فحط رقبة روضه بين قاعاات ريوله... واونه بيزقدهااا ...++

روضه " و هي تصاارخ " : عبوود فجنيييييي ...و الله لخبر عليك سعوود
عبيد " و توه اذكر انه سعيد فالبيت " : هااااا ... لالالالا " و فجهااا ....و قاامتله روضه ..و تمت اتكفخه بالمخده مال الكنبه ...++
عبيد : لعنه ....قومي عني
روضه " و وقفت ضرب فعبيد " : احسن تستااهل ... عيل تبى تذبحني يا الهرم ..وانا بعدني شبااااب
عبيد : سيري ... الللي على المسن حشروووناااا" و ساارت روضه ....و يلست فنفس المكااان ....و بعد 5 دقااايق... كاانت روضه موخيه ..و شعر قصتهااا على ويهااا ... و اونه بيرفع شعرهاا بصبع ريووله .. بالغلط ... حط عبيد صبع ريله العود .. فحلج روضه...++

 

 

  رد مع اقتباس
قديم 15-12-2009, 07:13 PM   رقم المشاركة : 14
3šђőǑő8t,ālain
~ • غـٍُالٌٍُيً حـًٍُِبًٍُِوبًٍِ • ~
 
الصورة الرمزية 3šђőǑő8t,ālain 





معلومات اضافية 
  النقاط : 615
  الجنس :
  الدولة :
  الحالة :
الرسالة الشخصية

التقييم

افتراضي

 

 

روضه : واااااااااع... الله يغربلك يا عبوود " و ردت قامتله "
عبيد : و الله اني كنت رااقد على الكنبه .. و ما حسيت بصبعي يوووم سااار صووب حلجج
روضه " و تضربه بالمخده " : لااا و الله .... ليش هووو سيااره يسيير و يرد
عبيد : الله يغربلج .... ترااني اليووم واايد سااكت عنج ... لااا تخليني اقووملج
روضه : و الله من حقي ..اضربك يا النسر
عبيد : و و الله محد نسر .. غيرج انتي ,,و اخوووج سعوود
روضه" و بصووت عاالي " : سعييييييييد
عبيد " و يحط ايده عند حلجهاا .. عشاان يسكتهاا ": الله يغربلج لااا تزقرينه ...الحين هالنسر شووو بيفججني انا منه
روضه : و بعدك تقوول انه نسر " و تصااارخ " .. سعييييييد " و يحط عبيد ايده على حلجها ...و يرهاا من شعرهااا "
عبيد : يعني ما بتسكتييييين ... يا النسره ... و اذاا خبرتيه و الله لخبره عنج ...و بقووله انج داااشه المسن ...و عقب سعيد بيبند عنج المودم ...و بيااخذ عنج اللااااب
روضه : آآآآآآآآي ... انزين فج ايدك عن شعري " بس صوتهاا خفيف..و لا بعد ماا ينفهم ..لان عبيد محطي ايده على حلجهاا "

++....و يدش عليهم سعيد ...++

سعيد " و توه نازل من فووق " : شووو عندكم انتوااا لثنينه ... و رويض انتي اشعنه .. اتزااقريني
عبيد " و بعده محطي ايده على حلجهاا " : هااا ... لااا ما كاانت ازااقرك بقصد...انا بس كنت اسويلهااا تماارين لصوووتهاااا ...عن لااا تبلم ...و يصدين احبااالهااا الصوتيه " و كانت روضه ... تهز رااسه ... على انهااا اتأيد عبيد برمسته "
سعيد : لا و لله احلف بس انته .. تراا سالفتك هذي ماا دش فعقلي ..و شوو معنه اسمي
عبيد : تراا اسمك فيه تفخيم ..و تضخيم ...ويصلح للاوبرااا
سعيد : بسكم من هالخرااابيط ....و انته قووم رووح ذااكر
عبيد " و من دوون نفس ..و يقووم عن روضه " : انزييييييين

++.....و تمت روضه اتعدل شعرهاااا ...و لحقت على عمرهااا ... و بندت المسن...++

.................................................. ..................................

** يوم الاحد **
** فالشركه وبالتحديد الشركة اللي في أبوظبي**
** و في قسم عبدالله الشامسي بالتحديد **

++.... كان عبدالله يالس فمكتبه .....و يجلب فالفايلاااات ...و من بين هالملفاات .. ملف توظيف موظف جديد ... قرر عبدالله يفتح الفايل ....++

عبدالله " يقرى الاسم .. مره ..مرتين ..ثلاااث .. عشر مراات ..و هو هب مصدق"...:عبدالله : عليا راشد محمد علي .... معقوله من بعد هالسنين .. يمكن اشووف هالانساانه.. صدق ان الدنياا صغيره ...لاااا يمكن يكوون تشاابهه اسمااء

عبدالله " و يكلم السكرتيره ": مهاا .. ممكن اتناادين الموظفه اليديد ... عليا راشد
مهاا : ان شا الله

++....و بعد دقاايق .. و بعد استأذاان .. دخلت علياا على المدير عبدالله ..++


** ففلة عبدالله **
** السااعه 3 الظهر **
** و بعد الغداا **

++.. كان الكل يالس فالصااله ...++

عبدالله : مزنه " ام حمد "... عقب ما تخلصين ..من اللي فايدج .. تعاليلي المكتب
مزنه : ان شا الله
ريم " و بعد ما روح ابوها " : اماايه
مزنه : خيرر
ريم : ابويه ليش زقرج ..و شووو يباابج
مزنه : ويديه .. ريلي و يبااني ...و بعدين علمي علمج
ريم : ما قوول غير الله يستر ..لو كانت سالفه عاديه لو قالها جداامناا .. لكن اكيد شي جاايد مستوي
حمد : يعيني على الكويتيه .. اتقوول جاايد بعد
مزنه : واا غربلاااتج يا ريمووه ... و الله انج خوفتيني .. بسير اشووفه ..شوو يبااا
حمد " و يضرب ايده على الحد مال الكنبه " : لااا خطأ
مزنه " و توهاا قايمه " : شوو فيك انته الثااني
حمد : انتي خربتي المشهد .. الحين لااازم نعييد ..لااازم ما تقولين خوفتيني .. قولي خرعتيني
مزنه : سير لااا .. انته شوو يالس اتخوورط عليه "و روحت عنه "
ريم : ليش الشيخ .. على باالك مخرج شووو
حمد : في المستقبل ان شا الله
ريم : أي مستقبل يا الشيبه ..انته ريل فالقبر و ريل على الحاافه ... بعد اتقوول مستقبل
حمد " و يفرهاا بالمخده " : ريلج الشيبه .. فديتني .. بعدني صغيرو حليو ..و عمري الا 22...و بعدين انتي ما عليج مذااكره
ريم : لااا الشيخ .. اختك مخلصه من يومين
حمد : اهاا ..و متى النتاايج
ريم : و الله ما دري .. شغل الراديوو .. و بتعرف
حمد : ليش الاخت ثانويه عاامه
ريم : هي ... ليش على بالك اني صغيره
حمد : و الله انه على بالي انج بعدج ... تااسع .. عااشر .. جي يعني ..
ريم : لاا و الله
حمد : هي والله .. شوفي شكلج .. قصيره و ضعيفه
ريم : محد طلب راايك فيني ..باااي
حمد : باياات يا ام الثانويه العاامه ... اجذبي على اللي ما يعرفج
ريم : طع هذاا .. عكيفك لاا تصدق
++..رااحت ريم فووق ...و خلت حمد قااعد و يا غاايه .. اللي اتاابع المسلسل الكويتي .. اللي حمد متأثر فيه ...++

.................................................. ............

** فالجهه الثانيه فالفله **
** و تحديدا فالمكتب **

++..... دشت مزنه على عبدالله ..و شاافت ان حاالة حااله ....يلست مجاابلتنه..++

مزنه " و ااغربلااات عدووج يا ريمووه .. امبين من شكل عبدالله .. ان السالفه هب هينه ..."


.................................................. ..........................

** يووم الجمعه**

** الكل خلص امتحاانااته.. حتى شبااب الكليه ردوا لبيوتهم.. و هااي المره ما بيردوون الكليه الا بتااريخ 25-8-2007 ..و ما كان على طلاااب المداارس ..الا انهم يتريوون النتاايج ..و خاصة نتاايج طلااب الثانويه العاامه ...طبعن هب كل الطلاااب يبوون النتاايج ..لان البعض يدرون انهم مسودين الوييه ..فما يبوون يستلموون النتاايج الا بداايه السنه اليايه .. عشاان ما تخرب عليهم الفرحه .. بالاجاازه **

** اما فلة الرميثي **
** الساعه 5 العصر **
** سعيد كان واقف عند باب حجرة عبيد ..و كان يدق بكل قوته على البااب .. و عبيد ما كاان موجوود فالحجره ...لانه شرد من الظهر ..و هو قايللهم انه بيدش يرقد ...الحبيب..امبند الليت ...و مشغل المكيف ..و مسكر الستااير ..بس..عشاان محد يشك ...ودق سعيد طبعاا ما منه فاايده ..و طاافت عليه فاطمه **

فاطمه : ابوي سعيد خل عنك الدق ..تراا عبيد رقاااده ثجييل ..يوم انا اسير لين عنده و اصب عليه مااي ..يالله ياالله يقووم ...وين الحين .. يوم انه قاافل البااب ..ابوي اغسل ايدك...
سعيد : يعني ارووح من دوونه...
فاطمه : رووح ... عااد اللي يقوول الحين عبيد يبي يرووح ويااك..!!
سعيد : ليش شوو فيهاا السيره وياايه...؟؟
فاطمه : ما فيهاا شي ... بس انته الله يهدااك .. فج شوي عن الولد ... هب اتم ضااغط عليه.. خله يتنفس...
سعيد : لا و الله .. الحين هذي رمستج ... اوكي خلاااص .. خلي ولدج عندج ..و تفلي على ويهي ..ان شليته وياايه مره ثاانيه ...و خليه يسير بيت خواله ..و يقعد ويا البنيااات ..." و نزل تحت و هو معصب "
فاطمه : بسم الله .... شو فيه ولع " و بصوت عالي " ... روضه .. رويض ..يا الله انقفضي ...و لا ترااني بروح عنج " و نزلت تحت ...و حصلت سعيد يالس و معصب من الخااطر ...سوتله طاااف ..ووقفت عند باب الصاله تترياا روضه ....دقايق و تنزل ......و شافهاا سعيد "
سعيد : ما شا الله على وين ابهاا؟؟
روضه : بيت خوالي
سعيد " و يصرخ عليهاا " :و انتي كل يووم اتروحين بيت خواالج
روضه " و تطاالع امهاا ..كانت خايفه ..و شويه و بتصيح " : امااايه
سعيد : لاوالله .. اماايه اونه .." و يعلي صوته اكثر " ... رويض من دوون نقااشااات ..روحي غرفتج ..و سيره بيت خواالج ماشي ...طوول هالاسبووع..فااهمه
روضه : سعيد حرام عليك
سعيد "و يصرخ عليهاا " : اشوفج جداامي روحي فووق
++...وماكان جداام روضه خياار ...الا انها تروح غرفتهااا ...و حليلها...سعيد برد حرته كلها فيهاا ..و رااحت فاطمه بروحهاا ..و ما حبت اتناقش سعيد .. لانها دارستنه عدل ...و تدريبه انه يوم يعصب ما يسمع كلااام حد ... اما روضه فتحرمة السيره ....++

.................................................. ............................

** ففلة خليفه **
** الساعه 5 و نص **

++... كانن البناات كلهن يالساات فغرفة ميثاا ...++

غايه : يعلهااا رويض ... لين الحين ما يت
ميثا : انزين اتصلي فيهاا
غايه : شكلي جي
سلامه : شكلها ماتبي اتي ...لان عمووه يت و هي ما يت ويااها
غايه : احلفي
سلامه : و الله .. اني شفت عمووه يالسه وياا يدووه تحت
غايه : صدق انها هرمه ...بتصل فيهااا ..ما احيدهااا .. اتعفن عن السيره
ريم : و الله .. البنت و عاافة شيفتج .. بعد بتتصلين فيهاا .. خليهاا احليلهااا .. ما خذه اليووم اجاازه من مجاابل شيفتج و صووتج .
غايه : انتي جب " و اتصلت لروضه ....و روضه خبرت غاايه بكل اللي صاار ..وياا سعيد ...و بعد ما بندت عن روضه ... خبرت البناات ..++
ميثا : اووف يقهر
غايه : حسيتي
ريم : انزين عادي .. عقب ما ينفد و يطلع من البيت .. هي اتغاافله و اتي اهنيه .
غايه : هي و الله فكره..صبرن بتصل و بخبرهاا عن الخطه
ميثا: هي .. خلن سعيد يدريبهااا ..و يرااويهاا الويل
ريم: شوو يراويهاا الويل .. هي ما سوت شي غلط
ميثا : و الله انكن خرااب
سلامه : عاادي بسويلهن صياانه
ميثا " و تفرهاا بكرتون الكلينكس " : يا ثقل دمج .. اونج عااد صاايرتلنااا عبوود فالبيت...
سلامه : كخخخخ .. دامه ثقيل بسويله رجيم
ميثا : قومي اشووف جداامي
سلامه : على وين
ميثا : على حمر عين
سلامه : كح كح .. غباار .. صدق انج ماال اول
ميثا : لا و الله ... قومي برووح اوعي هند ...و تعرفين ارقاادهاا ثجيل .. و عااد بشلج انتي الدفشه عشاان اتوعينهااا
سلامه : اهااا .. قولي جي ... ارقاادها " و تقااطعهااا ميثاا ..لانها تعرف سلامه شوو بتقوول "
ميثا : لا الغاليه .. ارقاادهاا ما يباله رجيييييييم
سلامه : اهااا .. عيل يا الله ابهااا " و راحت سلامه ويا ميثاا ...و غايه اتصلت بروضه وقاالتلهاا على الخطه .. و روضه وافقت ..و نفذن الخطه ...بس فالنهاايه ما كشفهن سعيد .."

.................................................. .........................

** ففلة عبدالله **
** الساعه 2و نص **

++... اتصلت ربيعة ريم" شوق " ... و قالتلهاا ان يمكن النتاايج .. يحطونهن فالانترنت ...فقاامت ريم ..و شغلت الااب عشاان ادش و طلع النتاايج ...دقيقتين و بند الااب .. لانه ما فيه جرج .. من البارحه ...و غاايه كانت رااقده و غافله باب غرفتهاا .. فماا كان عندها خيار غير انها تنزل تحت .. و تستخدم لاااب ابووهاا .. المووجوود فمكتبه ..دشت ريم المكتب و دشت النت .. بس ما حصلت النتاايج ...++

ريم : اووهووو ... كل هذاا ..آخر شي .. ما حصلت النتايج ...بتصل لشووقووه .. و بطالعهاا
++.. دقت ريم على موبايل شوق .. بس هي كانت ناسيه موبايلها فبيتهم ..و قالتلهااا اختهاا " اخت شوق " ... ان شوووق محد ..و هي اللحين فبيت يدتهااا ..و عطتهاا رقم البيت .... فتحت ريم اول درج فمكتب ابووهاا ...و حصلت بطااقه بيضه شلتهاا ...و كتبت رقم بيت يدة ربيعتهااا .. بالرصااص .لان يمكن ابووها يبي الورقه ... و بندت عن اخت ربيعتهااا ...و سيده دقت لشووق ...++

ريم : يا الهرمه ... داقه تجذبين عليه .. ما حصلت النتايج
شوق : و حليلي .. وانا شو دراابي ... يالسه فبيت يدووه ..و يدووه ما عندهاا نت ... و هذا كان بس توقع من عندي
ريم : مالت عليج و على توقعج ...و انا بعد مستاانسه من الخاطر ..وآخر شي ..ما حصلت شي
شوق : انزين شو فيج ... بااجر بيظهرن النتايج
ريم : عكيفج هووو
شوق : لا والله .. هب عكيفي ... بس هذا اللي عرفته من الجراايد " صحف "
ريم : مالت عليج انتي و الجراايد ... اقولج طيري احسلج ... ضاربه فيني مقصه
شوق : هههه .. اوكي بااي .. و تصبحين على خير
ريم: أي خير بيني ... و انا امسيه على حسج
شوق : فقدتج
ريم: باااي
شوق : باياات

++....و بندت ريم عن شوق ...و كانت يالسه و هي مقيضه ..و كانت اجلب البطااقه اللي فايدهاا ..و لمحت صوره مطبوعه على البطااقه ..من الجهه الثانيه...جلبت البطااقه .. وشاافت صورة شخص.. سارق كل تفكيرهاا ... ومن شاافته و هي كل يووم تفكر فيه ..و تتمنى اتشوفه كل يووم ... وكاانت الصوره .. صورة " ماايد " ... انصدمت ريم من الخااطر ...و تمت تفكر ..و هي مستغربه ..كيف انه هالصوره وصلت عند ابووها .. و ليش ابووهاا محتفظ بصورة مايد.....و بصفته منوو ؟؟؟!!.. تمت هذي التساؤلااات تتردد فخااطر ريم ... مسحت الرقم من البطاقه ...و ردتهاا مكاانهااا ...و بعد ما ردتهاا.. ردت طلعتهاا .. ويتهاا فكره جنونيه ...++

ريم : " ليش ما اشل الصوره ... و الله انه حليو... وبعد خقااق ...طااع الحركه اللي مسونهاا .. وبعد مطلع السااعه .. بس عشاان انشووف انها ماركه ... .. اوهوو و الله اني خايفه اشلهاا و ابويه بااجر ايدورهااا.. .. بس احسن حل .. اسير اجرج اللاااب مالي ... و احط الصوره على السكنر..و احفظهاا عندي على اللاب ...و الصوره الاصليه بردهااا مكاانهااا ...."

++.. سوت ريم الطريقه اللي خطرت على بالهااا .. وطبعا محد كشفهاااا ++

.................................................. ...................

++... بعد يومين .... الكل كان مرتبش ... بالتلفوونااات ... في هاليوم .. طلعن النتايج ... و كانت نسبة حمدان ** 90.8**..... اما ريم فكانت نسبتهاا**93.5**... اما هند كانت نسبنتهاا هي الاعلى ** 97.2**.... و طبعا السفر بيكون فايد مكاان تبااه هند ....اما عبيد و سلامه .. فنسبهم طلعا .. قبل نسب الثانويه العامه بيوم ... و كانت نسبة سلامه ** 96.6**... اما عبيد فكانت نسبته ** 69.4**... الله يعين شوو بيسوي فالثانويه العامه ... ++

.................................................. ..............

** ففلة سيف **
** فالصاله **
** 4 العصر **

ميثا : هاا ريمووه شو شعورج .. و انتي خلاااص فري ...و افتكيتي من المدرسه نهائيا ..
ريم : اووو .. اسكتي دخيلج ... الا شوي ميوده عمري عن لا استخف
ميثا : هههه .. حليلج
سلامه : و الله يا حظكم خلصتوا .. هب انا بعدني
غايه : يالله عااد ... ما تفرق ... الا سنه
سلامه :انزين و السنه هب واايده
غايه : يالله .. السنه اطووف طر ... بس انتي شدي حيلج ..و ييبي نسبه اعلى من ريمووه
ريم : فديتني و فديت نسبتي .. ما جنكن حشيتن فيني
غايه : سيري لااا .. اونه حشينااا
سلامه : شووو نسوي ... خااطرناا فمحااشي ... فعااد حشيناا فيج
ريم : ماالت عليكن ... الا عبوود كم نسبته
سلامه : 69.4

** وأنفتح الباااااااااااااب **

عبيد (( وظهر بس رااسه من ورى البااااب )) : قصدج 96.4 يالهبله .. شعنه تجذبين عليهم ..
سلامه : حط في ذمتك ...
عبيد (( وسواالها طااف .. ودخل .. ومد إيده صوب ميثااا .. وميثا حطت إيدها في إيده..)) : مبرووووووووووك على نجاااح حمداان أخووج ..
سلامه :: وويعه تصيبك في بطنك .. ألحين بداال ماتبااركلي يالس أتباارك لميثا لا وأخوها بعد ..
عبيد (( ويحك عينه .. ويبطلها ويسكرها .. ويمثل )) : فديت الحلويييييين .. الصرااحه أنا قلت محد أخت حمداان غير هالخسفه (( ويقصد ميثا )).. ماتوقعت أن كل هالجماال اللي فيج وآخر شي تظهرين أخت حمداانوه (( وبطل إيده وساار صوب سلامه .. ومد إيده )): كاان رويشد ..
ريم : منو رويشد .. ؟؟
عبيد : جب أنتي ..
ريم (( وأنفجرت من الضحك .. وفهمت عبيد شو يقصد )) : قصدك كونغرتليشن
عبيد :شوووو ..؟؟؟ هي صح كونغرتليشن ..
(( وتمن البناات يضحكن عليه ))

سلامه : لا اليوم واايد مستخف دمك.. شو عندك أعترف ..؟؟
عبيد : هيه أنااااااا .. مستاااااااااااانس لأني عقب سنه برتااااااااااح ويا اللي قلبي يحبها (( ويلس عداال سلامه .. )) : أقولج عااد أنتي مااترومين أترديني .. لأني أنا أشطر منج وياايب شي وتسعين .. وأنتي إلا يايبه شي وستين . وبعدين أنا جماال وأخلااااااااق ..ودمي خفييييييييف .. وعندي x5 وأبويه قاالي يوم بتتخرج بشتريلك بنتلي ...
ريم : بس دخيلك .. أرحمنا شوي من هالجذب ..
عبيد (( ويرمس سلاامه )) : وهالضفدعه ريمووه تبااني آخذها .. بس أنا ما أبااها أباااج ..
ميثا : يعيش الحب ..؟؟
عبيد (( ويسوي طااف لميثا .. ويرمس سلامه )) : حتى هالخنزيره ميثووه تبااني .. بس أنااا أبااااااااااج .. (( وتم سااكت .. يتريا غاايه ترمس .. وعقب فترة ويوم مارمست غاايه .. ))
عبيد (( ويرمس سلاامه .. )) : ومااعليج من غاايوه هب تشوفينها سااكته ترى كل سااكت نااكت .. هااك اليوم ماخذه إيميلي ورمستني في المسن ويلست أطرشلي بووس .. مااعليج منهن كلهن يبني .. بس إلا يكاابرن .. عااد أنا أبااج أنتي .. أحبج ..واااااااااح بس تعبت ..
ميثا : خلصت محااظرت الحب ...
عبيد : أوووه علينا .. سلامه قومي برمسج برع ترى هذيلا عذاال .. قومي ..
سلامه : وين..؟؟
عبيد : برع في الحوي برااويج التوااير اللي ركبتهن لسياارتي .. قووومي ..
ريم : قومي ياابوج لا ينتحر قيس بن الملووح ..
عبيد : ألحين أنا لووووووح .. أنزين يالضفدعه .. سلاامه شوفي هذاا دليل أنها تغااار ..
سلامه : أنزين طوف وفكني .. (( وقاامة سلاامه بتظهر ويا عبيد .. وهي تمشي جداام وعبيد تعمد أنه يتأخرها .. ويوم طلعت سلامه لف صوبهن ..))
عبيد : موتن حره بتسير وياايه (( وطلع ألساانه .. وطلع .. والبناات ميتاات من الضحك عليه ))

** فالحوي **
** ويوم ظهروا **

عبيد : شرااااااااااايج ..؟؟
سلامه : زينااااااااات ..
عبيد : أيوااااه ..أنزين قومي بحوطج ..
سلامه : شو مينون أنته .. محد بيخليني ..
عبيد : وهم أشدرااهم بنشرد ..
سلامه : لااااااا أنته تبى يومي يكون على إيد حمد ولا منصوور ..
عبيد : حمد ومنصوور .. وشو يخصهم هالثنيبنه فيييييييج ..
سلامه : أنته بلااااااااااك اليوم ..؟؟ أشك الصرااحه أنك عبوود ..
عبيد (( ويرمس بجد ... وبعتااب )): أبى أفهم أنا .. أنتي ليش واايد مستهزأه فيني .. وفي حبي .. شو تتحسبيني ماأحبج يعني
سلامه : عبوود أنته شو تقوول ...؟؟
عبيد : يعني حركااتي مااتبين .. يعني في ذمتج أنتي دااخله في باالج ساالفة أني أييج عسب لمذااكره .. في ذمتيه أني أيي عشاانج .. ودوم أرمس وأخبرج بس أنتي إلا تتحسبيني أسوولف .. ترى صح أنا رمستيه كلها ضحك .. بس في ساالفة الحب أنا جدي ...
سلامه (( وتمت سااكته .. منصدمه ))
(( قاام عبيد وركب سياارته .. وحط أغنية عيظه أطيب قلب .. ونزل خيزراانه ونزل أيوول .. وكاان مطوول على الأخير .. والبناات من سمعن الأغنيه أظهرن يطاالعن شو مستوي.. وكاان يغني ويسوي حركاات لسلاامه بس البناات أمره هب فااهماات شي .. ))

يا أطيب قلب في العاالم وأكبر عااشق ظاالم أحبك والله العاالم وظلمك عدل في عيني
.................................................. ......................

 

 

  رد مع اقتباس
قديم 15-12-2009, 07:16 PM   رقم المشاركة : 15
3šђőǑő8t,ālain
~ • غـٍُالٌٍُيً حـًٍُِبًٍُِوبًٍِ • ~
 
الصورة الرمزية 3šђőǑő8t,ālain 





معلومات اضافية 
  النقاط : 615
  الجنس :
  الدولة :
  الحالة :
الرسالة الشخصية

التقييم

افتراضي

 

 

** ففلة خليفه **
** الساعه 9 و نص**

++.. عبدالله توه رااد من الشركه .. و حب يخطف بيت اخواانه .. عشاان يباارك لعياالهم ...و بالمره يووم ساار بيت خليفه .. حصل هند و البناات كلهن هنااك ..++
عبدالله : مبرووك .. على النسبه العاليه
حمدان : الله يبارك فيك
عبدالله : هاا ..وين ناوي ادش ان شا الله
حمدان : و الله خاطري اروح كلية خليفه الجويه
عبدالله : .ما شا الله ...و ناوي تستوي طياار هاا..
حمدان : هي نعم
عبدالله : يا الله .. ان شا الله يقبلونك ...و ان ما قبلووك "و قرب صوب اذن حمداان " ... انا اهنااك عندي وااسطه قويه ..و ان شا الله بدشهاا
حمدان : الله يخليك الناا يا عمي
عبدالله : الا ربعك شووو سوو؟؟
حمدان : منو منهم
عبدالله : مايد و راشد " و هني بدا قلب ريم يدق من سمعت طاري مايد "
حمدان : مايد ياب ** 81.9**...و راشد هذاا حمدنا ربناا انه نجح
عبدالله : كم يااب
حمدان : 67.1
عبدالله :يا الله ... المهم النجااح " و صد صوب هند "
عبدالله " ابتسم" : هاا هند مبرووك ...
هند : الله يبارك فحيااتك عمي
عبدالله : ثرج هب هينه ... غلبتيهم
" في هالوقت كانت هند تترياا ريم .. اتقول انها بنت ادبي .. لكن ريم الحبيبه ملتهيه عنهم ..و تفكر بــ ماايد "
هند : شفت عااد..؟؟؟؟
عبدالله :ههه .. ووين تبيناا انروح هالسنه
هند : و الله ما دري ..وين ما انتم تبوون
عبدالله : لااا .. نحنا ما بنسير الا المكاان اللي انتي تبينه ...ولا تراا ما شي سفر.. يا الله اليوم فكري ..و بااجر رديلي خبر
هند : ان شا الله عمي
عبدالله : حمدان ..الا ابووك وينه
حمدان : اتحيده ابويه بزنس... ما يرد الا الساعه 11 .. و احيانا يرد 12 و ما بعد
عبدالله : يا الله بالستر ... متخبل عالشغل هوو.. عيل يا الله استرخص عنكم .. بروح اسبح و ارتااح .. حمدان تعال ابااك بشي ....
++... طلع عبدالله ...و حمداان برع ...++
عبدالله : عندك رقم مايد و راشد .. ابي اباركلهم
حمدان : هي نعم عندي .." وطلع موبايله و عطا عمه الارقاام "
حمدان " فخاطره ...و بعد ما رااح عمه " : شو هالاهتماام .. الغريب و المفاجئ...اول مره اشوفه مهتم بربعي ... و لا بعد يسأل عنهم ..و بيباركلهم .. هو هب مهتم برااشد .. لانه يا ما شاافه ويايه .. هو من شاف مايد .. تم وايد مهتم ... و انا شو اللي فيه .. " و رد حمدان ودش دااخل "

.................................................. ..............................

** فالحوي **
** الساعه 11 ونص **
** و كاان الجوو بارد ..و رهيب .. معرووف جو العين .. فالمسا **


++... كان حمد و فارس و حمداان و منصوور .. يالسين فاليلسه البرعانيه... و منصور ما كان يبى ييلس ...الا انه حمد لزم عليه .....++

حمد " و يطلعه صلب زقاره من الكرتون " : منصور تباا
منصور : لااا شكرا
حمد : ليش ما دووخ ؟؟
منصور : لااا
فارس (( وجلب السواالف جد .. وعطااهم محااظره )): و الله احسلك .. هب نحناا . ابتليناا بـ هالزقااره .. و الحين حتى هب قادرين .. نتفجج منهااا... حتى فاياام رمضاان .. ما نصدق نفطر .. الا و سرناا و دخنالناا صلب و لا صلبين ..
منصور : محد قالكم .. اتعودوا عليهاا
فارس : طيش شبااب .. بعد شو تباانا نسوي
حمد : اوو حمداان .. نسيناا نباركلك .. مبرووك
حمداان : الله يباارك فيك
فارس : اتفيقت .. الحين ياي اتباركله .. انا الي هب ويااه فالبيت ييت و باركتله قبلك .. و انته الي ويااه ياي اتباركله .. بعدي
حمد : شو نسوي .. مبتلين بالبزنس
فارس: الله و البزنس ... بناات و مغاازل
حمد : أي لااا تنسى ترااك انته وياايه
فارس: شوو اسوي .. من راابع القوم اربعين يوماا صار منهم
حمد: احلف بس انته
حمدان : ليكوون بتجلبونهاا ضراابه
حمد : أي ضراابه .. هاي طريقة تعاملناا ويا بعض ..و لا انا اقدر اضارب ويا فرووسي ..و ما اكلمه ..نو وي ... قرب قرب .. ببووسك.. عشان نبينلهم ان القلووب صافيه " يقصد فارس "
فارس : بتبوسني ؟؟!!..لاا بوي انا هب وحده من خايساتك
حمداان : لااا بوي.. اسمحولي .. انتواا فيكم شذووذ
فارس : هاا حمداانووه .. لااا تجمع .. الحمدالله ما فيه شذوذ
حمد : اهااا .. قصدك الحين اني انا اللي فيه الشذوذ
فارس : اجلب على حمداانووه هو اللي قاال..هب انا
حمدان :و الله .. الحق ينقاال
حمد : ليش نحناا وين يالسين فمحكمه " و خطف عليهم عبوود و هو يركض ..و ساير صوب الباركناات "
حمد :بسم الله .. ابي افهم هاا اخووك شوو تتريوون .. بعدكم ما دخلتووه مستشفى الامل..
فارس : ههههه .. اسكت .. هو هالاياام مستاانس
حمد : ليش ليكون خطبتووله
فارس : أي خطبنااله أي خراابيط ... هو الحين افتك من سعوود
حمد : ليش سعود وين رااح
فارس : ما راح مكان ... موجوود فالعين ... بس خلاااص اتبرى منه .. و قال انه ما بيشله مره ثانيه ويااه ... فالميالس
منصور : ههه .. اكيد فشلاااه جداام وااحد من ربعه
فارس : الصرااحه .. ما ادري شوو السبب " و رد يركض عدالهم ..و هاي المره ساير صوب الفلل "
حمد " و يوم وصل عبوود عدالهم ..و هو يركض " : أي يا الخبله شو فيك تركض
عبيد " و قف " .: ريااضه ..و لا حراام الوااحد يسوي ريااضه
منصور : اشك الصرااحه
حمدان : وشو عندك ياالس أتخطط الحديقه ..
عبيد : لا و الله ساير اييب موبايلي من السياره .. لاني كاتب فيه نكت ..و عااد ابي اضحكهن (( وسحب الصلب من إيد حمد وحطه في حلجه ))
عبيد (( ويدووخ )) : والله زقاارتيه مخلصه وهب فاايق أسير أشتري .. ومصددددع ..
منصور : حتى أنته معلمينك ..؟؟
عبيد : ليش الزقااره لرياايل ولا ماتعرف ..
منصور : بس المريله هب بالدخاان ..
عبيد (( ويود كندورة منصوور من فووق .. وكاان أمره أشوي وبيزقده )) : شوتقصد يعني نحن حريم .. ولا شوووو ..؟؟
فاارس (( ويسحب عبيد عن منصوور )) : عبوود .. أسطلب عااد ..
عبيد : عيل نحن هب رياايل ..
منصور : أنا مااقلت أنكم هب رياايل ..
عبيد : ولا تقدر أتقولها أصلاً لأنك أن أتجرأت وعدتها لأدفنك في نص الحوي ..
حمد (( ويبى يغير الموضوع )): فديتك عبوود ..سير صوب البناات سمعهن النكت ..
عبيد (( ويلف صوب حمد والشرر يطااير من عينه)): شوو قصدك اني خوااني
حمدان : انتوا شو بلاااكم اليوم .. وااحد فيه شذووذ والثااني خوااني
عبيد (( ويصد صوب حمداان )) : يعني أنا خوااني .. صدق لاتخيلون ولا فيكم ذرة أحتراااام .. ولا تعرفون تتعااملون ويا الرياايل .. لكن الغلط هب منكم الغلط مني أنا اللي دووم أظاارب سعيد عسب أييكم .. وطلعتوا مااتستااهلون حتى حد ييلس أويااكم .. (( وفر صلب الزقااره عليهم .. وركب سياارته وظهر من البيت .. وكلهم مبطلين عيونهم ومستغربين من عبيد وكيف تصرفااته تغيرت وصاار موول يجلب الضحك جد ))
.................................................. ........................

**ففلة عبدالله **
**و بالتحديد فغرفة ريم **

++.... الحبيبه كانت مستهويه من الخاطر ...مشغله اغاني ..و مبنده ليتاات الحجره ..و فوق كل هذاا .. محطيه صورة مايد على شاشه اللاااب ..و فجأه انفتح الباب بكل قوه ... طبعا ريم خاافة .. من الاسلوب ففتح البااب ..فنقزة ..و ماكانت تعرف منو اللي دااش لانها امبنده اليتاات.. فالحجره بكبرهاا مظلمه ...و الضووء اللي ياي من ليتات الممر كانت قويه فما مميزت منو اللي دااش ... فخاافت يكون حمد ..فطلخبطت .. وسيدة دشت على الخصائص عشان تغير الصوره اللي محطتنها على شاشة اللااب " سطح المكتب " .....++

غايه : شوو سوين ؟؟
ريم : الله يغربلج يا غاايووه .. فلختيني ...
غايه : ليش شوو كنتي اتسوين ؟؟
ريم " خربت على عمري " : هاا.. ما كنت اسوي شي ...يعني بالذمه شوو بسوي ..بس حد يفتح البااب بـ هالطريقه
غايه : هي انا ... ليش عندج مانع
ريم : لااا .. عندي حمد .. اللي بيلفج كف لين ما تتناطحين ويا اليداار
غايه :" و تتقرب و تيلس عدال ريم.. على الشبريه ": و ان شا الله ليش يضربني
ريم : ما ادريبج .. اسألي عمرج .. مستويه بويه ..و تتفججين البيباان بدفاشه
غايه : لاوالله "و طيح " : افففف .... شو سوين
ريم : مثل ما تشوفين .. قاعده اسمع اغاني
غايه :و انتي هالاغاني .. امره ما اتعافين منهاا
ريم : و الله وكل يووم .. ينزلوون اغنيه يديده .. فكيف بعاافهن
غايه :اسمعي ..و خذي اثم
ريم : ان شا الله
غايه "و تضربها بالمخده ": و يا هالرااس ..
.................................................. ..........................

** وبعد مرور أسبووع .. مر حلوووو على الكل .. بس في نفس الوقت الكل كاان منصدم لأن عبيد من أسبوع ماادخل هالبيت ولا رمس حد منهم .. ودوم يوم حد يتصلبه ماايرد عليه .. ويوم أمه أتخبرته ليش قااطع خوااله .. مارد عليها .. يعني وبأختصاار محد كاان يعرف شو السبب غير اللي شهدوا الحدث اللي صاار ذااك اليوم **

(( يوم الخميس .. وفي بيت خليفه .. وبالتحديد في الصااله اللي تحت ))
(( وكاان المغرب ))

سلامه (( طاايحه على الكنبه .. ومتهاايزه تقووم أتشغل اليتااات اللي في الصااله .. ومحد كاان في الفله غيرها لأن أبوها في الشغل وحمداان ظااهر ويا ربعه وأمها وعنود ورااشد عند يدتها .. ))

سلامه (( طاايحه تفكر .. ومااخذه راحتها لأن البيت محد فيه )) : آآآآآخ عبيد من قاال ذييج الرمسه وأنا مااشفته ..؟؟ ليكوون عصب لأني أنا هب مهتمه .. آآآخ والله صدمني .. مااكنت أتوقع .. وبعدين هو أستوى واايد جدي ..؟ وأظني إلا كره اليلسه أويانا . ولا ماايبى يبين لحد أنه كاان أيي عشااني .. فقطع على أسااس أنه قبل أيي عسب لمذااكره .. والله وخوفي العكس .. أخااف إلا جذب عليه ..
(( وسطع ليت سيااره عندها في الصااله .. قاامت ووقفت عند الدريشه .. وشقت الحلج يوم شاافت الأكس فاايف ماال عبيد.. نزل عبيد .. وكاان كااشخ .. ومتغير شكله .. لأنه كاان دوم يشل لحيته ويسوي قفل .. وهالمره لحيته كاامله .. وكاان متسفر وبالعااده كاان دووم يلبس كااب .. نزل وكاان يدووخ فر الصلب .. ودخل صوب بيت خااله سيف .. وسلاامه مااجذبت خبر .. صعدت فووق أتيب إلها شيله .. عسب أتسير بيت عمهااا ))


** في فلة سيف **

(( عبيد توه دااخل .. ))

عبيد : السلام عليكم ...
الكل : وعليكم السلام ..
البناات (( مبطلااات أعيونهن .. منصدماات من شكل عبيد ..))

اليده : يامرحبا السااع .. أقرب فديتك ..
عبيد (( ويحب يدته على رااسها )) : شحاالج الغاليه ..؟؟
اليده : أمره حاالتي لاتسر لاصديق ولا عدوو من عقبك .. يالله ياعبيد شعنه قطعتنا .. ترى البيت أمره مايسوى شي من عقبك .. وصبحنا نفس مساانا والبسمه فاارقتنا .. أنته خبرني حد مزعلنك .. حد قاالك شي ..؟؟
عبيد : فديتج يا يدووه .. والله أنه محد مزعلني .. إلا بس يسد طوول السنه الدرااسيه وأنا ياالس عندكم والبناات أمره هب قاادراات ياخذن رااحتهن ..
اليده : أمره رااحتهن هب لاقيااتنها إلا وأنته موجوود ..
ميثا : يدووه ماعليج منه عبوود يتغلا علينا ..
عبيد (( ويلف صوب ميثاا )) : لااااااا .. أنتي شحاالج ..؟؟
ميثا(( وتتبسم )) : يسرك الحااال ..

×× ودخلت سلاامه ..××

عبيد (( رفع عينه يطاالع منو دااخل .. وأول مااطااحت عينه في عين سلاامه نزلها .. )) :وعلومكم بعد...!!
اليده : أمره هب طيبين من عقبك ..
فاطمه : يالله يا أماايه .. لهدرجه نحن أمره محد مهم فينا إلا عبوود ..
اليده : شو عبوود بعد هذي .. الولد كبر .. أزقرنه عبيد ..
فاطمه : هيه بزيه عليه أنا بروحي ألحين هب راايمه لبزااه ....
عبيد (( وبااله هب عند العياايز .. وياالس يبى يرفع عينه صوب سلاامه بس أمره هب متجرأ .. وقاام يلعب بطربووشته ..))

..(( وتموا يسولفوون .. وعبيد يلس ويا أمه ويدته وحريم خوااله وأمره ماساار صوب البناات ))..

** وعــ العشااا **
(( الرياايل كلهم يالسين .. ويتعشوون ))

عبدالله : عيال محمد ...

(( عبيد وسعيد وفاارس يطالعون بعض .. ))
فاارس :آمـــر ..!!
عبدالله : وينه أبوكم أمره ماينشااف .. أمره ماايفكر أيي صوب أنساابه .. جيه ليكوون شاال في قلبه علينا ...
فاارس : لا أمره لا شاال في قلبه ولا شي .. إلا مشغوول ..
خليفه : كلنا عندنا أشغاال .. بس عااد يوم الخميس أنفضي عمارنا .. عنبوه هو حتى أنتوا ماييلس أويااكم ..
سيف : أخااف إلا محطي وحده على رااس أمكم ..
عبيد (( وأتضاايق من رمسة خوااله عن أبوه .. وقاام )): الحمدالله ..
عبدالله : ماتعشيت ..!!
عبيد : الحمدالله .. (( وساار صوب المغااسل .. وخلااف ظهر ويلس في سياارته وكاان فااتح البااب .. لأنه كاان يدووخ .. وشااف سلاامه ياايه صووب بيت سيف .. وأول مااتقربت من السيااره .. كاانت تمشي وتطااع الأرض وما أنتبهت أن حد في السيااره .. قاام عبيد وضرب هرن ))

سلامه (( ونقزت .. زااغت ))
عبيد (( وكاان محطي الصلب في حلجه .. سواالها بإيده حركه على أنه يباها أتي صوبه ))

سلامه (( وتقربت من عبيد )) : هلاااااا ..
عبيد : أهلين .. شحاالج ..؟؟
سلامه : يوم بتفر هالسم من حلجك برد عليك ..
عبيد (( وفر صلب الزقااره .. وتم سااكت يتريااها ترمس ))
سلامه : أمممم .. أنته شحاالك ..؟؟
عبيد : نص نص ..
سلامه : أفاا لييييييش ..؟؟
عبيد : يأخي هذيلا عمومتج يصكوون نفس الوااحد ..
سلامه : ليش ..؟؟
عبيد : أشدرااني أبهم ياالسين يرمسوون عن أبويه وكل وااحد يقوول شي .. عااد أنا أتضاايقت من رمستهم .. وظهرت عنهم ..
سلامه : ماعليك منهم .. هذيلا جييييه ألحين تلقااهم متعااونين على حد .. وعقب شوي كل حد بيجلب على الثااني .. وبيتضااربوون وبيظهروون ..
عبيد : في ذمتج ..؟؟ وليش كل هذا ..؟؟ مااكاانوا جيييييه ..
سلامه : حتى أنته مااكنت جيييييييه ..
عبيد : ليش .. أتغيرت؟؟
سلامه : ليش ماتدري ..؟؟
عبيد : بلا .. بس للأحسن ولا للأسوء ؟؟...
سلامه : كله للأحسن إلا أنك تقطعنا ..
عبيد : ليش ولهتوا عليه ..؟؟
سلامه : ما أدريبك أتخبر عمرك .. يعني أنته مااولهت علينا ..
عبيد : تبين الصدق بس علييييج ..
سلامه ((( وأونها أستحت ))): أنزين أنا بدخل دااخل .. لا حد يطب علينا ويسون إلنا ساالفه .. يالله بااي
عبيد : بباااي .. (( وقبل ماتسير سلامه .. زقرها عبيد ))
سلامه : آمر ..
عبيد : أقدر أرمسج في الموباايل ..
سلامه : دومك أترمسني .. شمعنى هالمره تسألني .؟؟
عبيد : لا لأن المراات اللي طافن عسب الدرااسه بس هالمره غير ..
سلامه (( وفهمت قصده )) : لا طبعا ً ..
عبيد : أفااا .. أنزين عندي دور ثااني وأبااج أتساااعديني ..
سلامه (( وأبتسمت )): لا تحااول ..
عبيد (( وأونه بوز )) : أوكي على هوااج ..
سلامه (( ودخلت دااخل ))

** ومر اليووم عااااادي نفس كل يووم .. بس هالمره عبيد كان موجوود وشوي غير عليهم جوو **
.................................................. ..........

(( اليوم الثاانــي الصبح ))

اليده (( وترمس فااطمه في التيلفوون )) : ألحين أقولج طرشيه صوبي ..
فاطمه : أماايه أنا أدريبه عبيد عنيد ورااسه ياابس ومابيطيع أيي .. لأنه قاايل أمره هب طااب بيتكم إلا يوم الخميس ..
اليده : وليش أنشاءالله .. شو سوينا به ..؟؟
فاطمه : مااشي .. بس هو كبر ..
اليده : يالله في أسبووع كبر ..أنزين ماعليه بيحتااي لسلاامه وبيي يباها أتذااكرله فاطمه : أماايه ترااه قاال حتى مابيي يذااكر في بيتكم ..
اليده : أنزين وليكون بعد سفر مابيساافر أويانا ..
فاطمه : هههه .. شدرااج أنه قاال مابيساافر ..
اليده : يهبي الخاايس .. والله أنه ليساافر وريله على رااسه .. أنا هالولد ما أدري أشعنه شااف عمره علينا ..
فاطمه : أماايه لا شااف عمره ولا شي . ودخيلج خليه جيه أنا مااصدقته يسطلب
اليده : يعني أنتي عاايبتنج الحااله اللي هو فيها ..
فاطمه : هي .. أستوى رياال أمره من أنقوله شي يسمع الرمسه .. ولا يضاارب أخته .. أماايه أنا من متى أتريااه يعقل دخيلج هب أتردين تخرشينه ..
اليده : أنزين أنتوا بتساافرون أويانا ..
فاطمه : ثركم وين بتسيرون هالسنه ..؟؟
اليده : وأنا أشدرااني بــ هالبقع اللي هم كل سنه يتصاابون أبهن .. يابووج ماخلوا بلااد وماساروها..
فاطمه : يالله شو يسون بعد ..يسيرون يتكشتون ترااهم طول السنه يالسين في لبلاد .. وحليلهن البناات حتى من البيت مايطلعن
اليده : والله أني ما أدااني أخلي هالبقعه السمحه وأسير صوب هالمسييح .. بس شو أسوي أن ماسرت أنا كلهم مابيسيرون .. والبناات بيتمن إلا في البيت
فاطمه : يالله .. الله كريم .. أنزين أماايه بخليج أنا ألحين أسمع محمد يزقر عليه
اليده : هيييييه حموود بعد كبر راااسه علينا ماقاام إيي صوبنا ..
فااطمه : أماايه ألحين أنتي تبينه يهد شغله وأيي يلس أويااج ..
اليده : هيه أنتي وعياالج عاايبنكم .. يوم أنه دووم مسترغد عنكم وعااطنكم الخيط والمخيط ..
فاطمه : أماايه يوم بيظهربرد أتصلبج ..
اليده : قولي لعبوود أني هب مساافره إلا وهو وياايه ..
فاطمه : أنشاءالله .. فماان الله ..
اليده : يالله فماان الله (( وبندت ))
أما فااطمه فساارت صوب ريلها اللي كاان يزقرها

.................................................. ............................

(( في فلة عبدالله ))
(( البناات كلهن يالساات ويسولفن .. ))

ميثا : هب جنه مب بااقي شي عن السفر...؟؟
غايه : ليش متى بنساافر ..؟؟
ميثا : الأسبوع اليياي يوم الأربعااء .. بتكون الطيااره على السااعه خمس تقربيا
ريم : أوييييييييه .. عيل نحن أمره ماأشترينا شي ...!!
هند : هيه والله يبالنا أنسير من الصبح السووق وإلين فالليل يالله يالله جاان بنخلص شي ..
ميثا : لا عااد هب لهدرجه ..
ريم : لا صدقها هند .. يبالنا من الصبح إلين فالليل ..
غايه : وشعنه كل هذا ..؟؟
ريم : لأن بنيلس شهر هالمره .. هب عشرة أياام ..
سلامه (( واللي كاانت ساكته من بدااية النقااش .. )) : تتوقعون قوم عمووه فااطمه بيسيرون أويانا .؟؟
ميثا : والله ما أظن ..؟؟
سلامه : ليش ..؟؟
ميثا : ما أدري أحس واايد أتغيروا ..؟؟ يعني عبوود اللي كاان يعد بيتنا جنه بيتهم وييلس فيه أربع وعشرين سااعه قمنا ما أنشوفه إلا يوم الخميس لا وماييلس واايد ..وأن كثر ثلااث أو أربع سااعاات
غايه : صدقها ميثا .. حتى روضه ماقاامت أتينا ..
ريم : لاتيلسن تتفلسفن .. أصلا ً عبوود اللي تغير .. وهو اللي أثر على البااقين .. يعني قبل عبوود هو اللي كاان أيب روضه ويوم أنه قطعنا روضه مااقاامت تلقى حد أيبها ..
هند : عيل شمعنا عمووه أتينا ..؟؟
ريم : عمووه عاادي أتي مشي .. بس روضه بنت تبنها تمشي في الحااره ..
غاايه : والله كل شي جاايز .. سلاامه أنتي أتخبري عبيد .. أكيد بيخبرج ..
سلامه : وكيف أوصله أنا عبيد .. ترى حاالي من حاالكن ..
ميثا : ليش ماترمسينه ..؟؟
سلامه : حشى عليه .. حتى رقمه هب عندي .. يعني هب مخزنته وهو دوومه اللي يتصل ومن خلصت المدرسه ماقاام يتصل ..
ريم : يعني خلصت حاايته .. خلااج شراات قوطي البيبسي خذا اللي يبااه وخلااج
سلامه : شو تقصدين ..؟؟
ريم : قلت لج قوطي بيبسي .. يعني شرب البيبسي وفر القوطي خاالي ..
سلامه (( وقاامت وظرهت من غير ماتنطق بشي ))
غاايه : ريموه شو هالرمسه ..؟؟
ريم : والله أنا مااقلت شي يزعل .. وبعدين هي فهمتني غلط .. أنا كنت أقصد .. (( وقاطعتها غاايه ))
غاايه : لا الظااهر يوم هند قاامت تحقرج أستلمتي سلاامه ..
ريم : بس لااااااه (( وصعدت فووق .. والباقياات تمن يسولفن ))

.................................................. .................



(( في بيت محمد الرميثي ))
(( وبالتحديد في الصااله ))

روضه : حراام عليكم كلكم ياالسين .. قوموا وصلوني مابيستوي فيكم شي ..
سعيد : والله ما أظن بيستوي بج شي أن ماسرتي ..
روضه : سعيد والله حراام عليك أنا من متى ماسرتلهم .. حتى يوم الخميس كلكم سرتوا .. وأنا تميت يالسه في البيت ..
عبيد : يلسي في البيت أحسن لج ..؟؟ عنبوه شو تبين عيالهم يقولون عنج ..
روضه : مابيقولون عني شي ..؟؟وبعدين أنا أسير عسب البناات ..
سعيد : هب لازم ..
روضه : يأخي شو ذنبي أنا يوم أن أماايه مااياابت لي خواات .. يعني شو تبوني أسوي ..أنتوا تظهرون من البيت وأمايه وأبويه بعد يظهرون وأنا أتم يالسه بروحي ..
عبيد : أوووف حشرتينا ترااج ..
روضه : عبوود طاالبتنك لاتردني ..ودني ..
عبيد : أنزين يوم بسير أصلي المغرب بخطفج صوبهم ..
روضه : فديتك..!! والله محد يحس فيني غيرك ..
عبيد : أنزين بس فكينا ..
سعيد : أنا بسير صلاله ويا الشبااب ...
عبيد : متى ..؟؟
سعيد : عقب ثلااث أياام .. مابتخااوينا ..
عبيد : والله ودي لكني ما أقدر ..؟؟ يدوه طاالبتني .. وقاايله لأماايه مابتساافر إلا وأنا وياها ..
سعيد : زين زين .. سير ويا عيوزك أبركلك .. (( وقاام وظهر عنهم ))
روضه : قووم ودني ألحين ..
عبيد : ياسلاام وتبيني أوديج وأرد البيت وأرد أسير المسيد ..
روضه : هيه .. بلييييييييييييز ..
عبيد : أسميج أنتي أكلت فوااد مستويه ..
روضه : ههههه أختك الوحيده .. أستحملني .. إذا ما أستحملتني أنا بتستحمل منوو .؟؟
عبيد : أنزين بس فكينا وقومي لبسي عبااتج ..
روضه : أنشاءالله (( وركضت صوب غرفتها .. ولبست عباتها وبعدين عبيد وصلها بيت خوااله ورد البيت مره ثاانيه ))

.................................................. ......
(( في غرفة سلاامه ))

خوفي تقسى وهجرك أعلنته ..وفي هوااكم أصبح التاالي ..
عقب ماقلبي تملكته .. غاللي وتسعى لغرباالي..

(( سلاامه طاايحه على سريرها .. وتفكر في رمسة ريم اللي كاانت تتردد في إذنها ))

" خذا اللي يبااه وخلااج"

سلامه : معقووله عبيد سوا نفس اللي قاالته ريم ...!!! لا لا ما أظن ..؟؟ بعدين عبيد أعترفلي عقب ماخلصت المدرسه ..؟؟؟ أنزين ليش ..؟؟ شو اللي أخره .. مع أنه هو متخذ هالقراار من السنه اللي طاافت ...؟؟ معقووله يحبني من سنه ..؟؟

×× وسمعت دق على البااب ××

سلامه (( قاامت وفتحت الباااب ))
غاايه (( وميوده رااشد من إيده )) : ولدج شرااني ظرب بنتنا ..
سلامه : هههههه .. خل يطلع عينها بعد ..
غايه: أفاااااااا ... ليش كل هذا ..؟؟
سلامه : لأنها هب بنتج ..؟؟ إلا بنت عمج ..
روضه (( وتوها صااعده الدري ..وركضت صوبهن )) : بااااااااووو ...
سلامه : هلا والله بالقااطعه ...
روضه : هلااااااوي .. شحالكووووو ..؟؟ أدري أنكم ولهتوا عليه بس شو أنسوي يأخي ذلوا عااري بس عسب أيي بيتكم.. أتصدقن اليوم وعقب محاايل ويا عبوود وافق ..
سلامه : يا حيج .. أدخلن أنزين ..؟؟ شوو ليكون بتمن وااقفاات عند الباااب ؟؟
غاايه : ههههه .. لا أكيد بندخل (( ودخلن .. وتمن يسولفن .. ))
غاايه : سلاامه ..
سلامه : هلاااااااا ..
غاايه : لا تااخذين بخااطرج من رمسة ريمووه .. ترى أنتي عاارفه طبعها ..
سلامه : لا أفااا علييييييج .. حد يااخذ بخااطره على أخته ..
روضه : ليش هالنسره أختج شو مسويه ...
سلامه (( وحبت أتغير الموضوع )) : مااشي ساالفه فتحناها بالغلط وتسكرت ..
روضه : يأخي ريمووه تقهر ..
غاايه : هيه جيه طبعها .. إذا نحن أخوانها أتعاملنا بــ هالطريقه كيف أنتوا ..؟؟
سلامه : الله يهديها ..
روضه : عااد أتعرفون أنا شو مشتهيه .. ؟؟
غاايه : شووو ..؟؟
روضه : مشتهيه كيك ميثووه .. غربلاات عدوها .. ذااك اليوم على المسن قلتلها طرشي لي ويا أماايه وقاالت أنشاءالله .. وأثرها هالأنشاءالله أطلعت هوا .. ماوصلني شي ..
سلامه : ههههههه .. حليلها يمكن نست ..
روضه : والله يمكن كل شي جاايز ..
غاايه : أنزين عيل خلنا أنسير صوب بيتهم ونااكل من اللي مسوتنه اليوم ..قبل لا يخلصونه ..
سلامه : يالله (( وظهرن وساارن صوب بيت سيف ))

.................................................. ...................................

** في بيت سيف **
حمداان (( وكالعااده يالس ويا العياايز .. بس يالس يلعب بالبلي ستيشن ))

اليده (( ويلست صوب حمداان )) : حمداااااان ..
حمدان (( ومندمج في اللعبه )): هلا يدووه ..
اليده : خل عنك هالجهااز اللي قاابضنه من مسااعه .. عنبوه ياالس أتحااضيبه .. بعده لو أخووك ماابتيوده هالكثر ..
حمدان (( وبند لبلي ستشين .. وفر الجهااز )) : ههههه .. آمري الشيخه .. شو بغيتي ..؟؟
اليده : أبى من هالمصخره اللي يقولهن عبوود لي دووم .. ويضحكن ..
حمداان (( ماافهم )) : شوووو ..؟؟
اليده : هذي رمسه يقولي إيااها وتضحك .. إلا مره صعيدي ومره محشش ..
حمداان : هيه .. تقصدين نكته ...؟؟
اليده : هيه .. هي هيه والله وعرفت أسمها طلعت إلا أذكى مني ..
حمدان : ههههه .. هيه بس أنا مااعرف ..؟؟
اليده : يالله بالستر .. ألحين عبوود اللي أصغر منك يعرف .. وأنته يالعوود مااتعرف ,,
حمداان : والله أنا ما أهتم بــ هالأشيااء ..
اليده : فقتك .. أنا قاايله من زماان أنتوا أمره مااتنفعوون حد .. إلا تعرفون للطلعه ولمهاااوم واللعب
حمداان : يالله ألحين النكته منفعه ..
اليده : هيه نعم ... الله يرحم أياام أول يووم أن عبوود يقولي بالخمس والست .. بطر الولد ..بطر ولا ماابيخلينا وبيقطعنا .. شي قاالوله عنا ..
حمداان (( وبصووت خفيف )) : ثره هب هامنها إلا عبوود ..
اليده : شوووووو قلت ..؟؟
حمداان : مااشي بس كنت أحااول أتذكر شي من اللي يقوله عبوود ..

×× ودخلن البناااات ××
(( وحمداان لقاها فرصه أنه يشرد عن العيوز وحشرتها ))
حمدان : هاذن ينج قووم رويض وسلاامه أسأليهن أكيد يعرفن ..(( وظهر ))
اليده : رووووويض ..
روضه (( تسير صوب يدتها وتحبها على راسها )) : شحاالج يدووه ..؟؟
اليده :يسرج الحاال .. هاا حتى أنتي أشوفج بطرتي غديتي شراات أخوج ما أتينا
روضه : والله أني لا بطرت ولا شي .. لكني ما ألقى حد أيبني ..
ميثا (( ومن الصااله الثاانيه )) : رويض لحقي على أخر ثلااث قطع من الكيك ..
روضه : يدووه بسير أتفااول وبيي صوبج ..
اليده : سيري أنزين وطرشيلي سلااامه ..

×× وشوي ووصلت سلاامه ××

اليده : سلااموه ..
سلامه : هلا يدووه ...
اليده : تعرفين هالنكته ما أدري شو يسمونها .. هذا اللي عبوود دووم يقولي إيااهن ..
سلامه(( وتبى تفتك من حشرة العيووز .. وتجذب طبعا ً )) : لا فديتج ما أعرف
اليده : يالله يعلكم ....... أستغفر الله من رمسة كنت بقولها .. أنتي عندج رقم عبيد ..
سلامه : منو عبيد ..؟؟
اليده : ولد عمتج بعد مااتعرفينه ...
سلامه : والله وأنا أشدرااني أحيدكم إلا أتقولون له عبوود ..
اليده : قطعي الرمسه .. وأتصليلي به ... خليني أرمسه ..
سلامه : أنشاءالله (( وأتصلت بعبيد .. وحليله عبيد شق الحلج يتحسب سلااامه ومن قااال ألووو سمع العيووز هدااه .. وأستلمته بأحلى هزبه ... وسلاامه ساارت صوب البناات .. وتمت العيوز أتسولف أوياااه إلين مااخلص رصيد سلامه وقطع الخط .. ورد أتصل بها عبيد ويلس يرمس أوياها إلين صلاة المغرب .. وخلااف بند عنها .. لأنه بيسير يصلي ...))

.................................................. ....................

 

 

  رد مع اقتباس
قديم 16-12-2009, 04:26 PM   رقم المشاركة : 16
3šђőǑő8t,ālain
~ • غـٍُالٌٍُيً حـًٍُِبًٍُِوبًٍِ • ~
 
الصورة الرمزية 3šђőǑő8t,ālain 





معلومات اضافية 
  النقاط : 615
  الجنس :
  الدولة :
  الحالة :
الرسالة الشخصية

التقييم

افتراضي

 

 

.................................................. ....................

×× وبعد مرور أسبووع ... وعقب ماساافر سعيد صلااله ××
×× بااقي ثلاث أياام عن السفر ××
(( البناات توهن راداات البيت..وسيده أدخلن بيت سيف لأن الكل ياالس أهناااك ))
(( ولقن عبيد ياالس ويا يدتهن .. ودااق وياها سواالف .. والعيوز مستاانسه ))

ميثا : عااش من شاافك ولد العمه ..
عبيد : عااشت أياامج ...
ميثا : هاا يقولون إلا بتسير ويانا ..
عبيد : والله جانكم ماتبوني أسير .. ترى عاادي بهون ..
ميثا : ههههههههه .. لالا أفااا علييييييك نحن مانبااك أتسير ويانا ..؟؟
اليده : بس أنزين .. فكينا من ألساانج ..
ميثا : لا شكلها العيووز مستلمتنك .. يوم بتشبع منك تعاال صوبنا ..
عبيد : لا . .. لا .. عندي شغل ..
ميثا : أفاا ياعبيد .. أتردني ..
عبيد : والله مشغوول ..
ميثا : بس ربع سااعه ..
اليده : أنزين بيييييج .. قومي أنتي عنا ألحين ..
ميثا : نتريااك .. في بيت عمي خليفه .. (( وساارت ))
اليده : أنزين شو كنت بتقوول وهالملقووفه ميثووه قطعت علينا
عبيد : أممممممم هيه كنت أقولج أني بخبرج نكته رهيبه ..
اليده :بعد..بنت منو هااي ؟؟
عبيد : كخخخخ .. هاي هب بنت .. هاي نكته..!!
اليده : انزين منو هاي اللي اسمهاا نكته .. لتكوون البشكاره اليديده
عبيد "كخخ صدق ان العيوز خرفة " : يدووه هذي اللي دووم اخبرج عنهاا ..واللي أنتي حااشرتني أبها .. وكل يوم تتصلين بي .. وتقوليلي عبوود تعاال وخبرني عن مصخرتك..
اليده : هيه .. قوول جي ... توني الا ذكرتهااا .. ياالله قوول و سمعني
عبيد : امممم .. انزين خليني اذكر ... كنت امدورلج وحده كشوخيه .. بس انتي نسيتيني ..!!!
اليده : ثرك انته الا تجذب عليه ..؟؟
عبيد : لااا .. ثرني انا ارووم اجذب على حبيبيتي و غناتي مريوومه
اليده : و بنت منو هااي .. اللي يالس تتغزل فيهاا ياللي ما تستحي ..؟؟
عبيد : انتي هي مريومه ... ثرها منو غيرج أنتي مريم اللي سكنتي في وسط قلبي
اليده : ياللي ما تستحي .. يالس تتغزل في يدتك..؟؟
عبيد : ليش فيهاا شي ..؟؟
اليده : فيهاا و نص!!
عبيد : اوكي خلاااص .. فيهاا و نصين بعد هب بس نص وااحد!!
اليده : انزين يالله قولي نكته .. من زمان ما قلتلي
عبيد : انزين .. يقولج ..صعيدي طااحت حرمته فحفره .. قالتله : طلعني ... قالهاا : ما بطلعج ... حبج الشيطاان ..
اليده : انزين وبعدين شو أستوى .. طلعهاا ولا..؟؟
عبيد: و انا يعني من ساعه شو يالس اقوول ... احليلها خون فيها و ما طلعها
اليده : اسميه هالصعيدي .. امره ما يستحي ..
عبيد : حسيتي..؟؟!!
اليده : بشووو؟؟
عبيد " يا هالعييز .. اسميها بتخبلبي " : انه ما يستحي ..!!
اليده : هيه
عبيد : انزين يدووه بعد بخبرج وحده ثانيه ...
اليده :شوو هي اللي بتخبرني عنهاا
عبيد : يدووه .. نكته نكته..!!!
اليده : انزين شوو فيك معصب .. و مااكل عمرك ...ريريكس
عبيد : شووو..؟؟!!!
اليده : ريريكس
عبيد : هههههههههه..
اليده : ليش تضحك ..؟؟
عبيد : كخخخخ .. يدووه اتصدقين أنتي بكبرج نكته ..؟؟
اليده : يا اللي ما تستحي .. ثرك تضحك عليه يا الهرم .. اشووف قووم عني
عبيد "يبرر الموقف " : لااا .. بس ضحكتي هي نكته اللي كنت بخبرج عنها
اليده : الحين هالضحكه الماصخه تسميهاا نكته..اشوفك قووم قووم.. ياللي ما تستحي ..
عبيد" كان يالس يضحك .. ووقف ..و رد يلس مره ثانيه"
اليده : واشعنه بعد رديت تيلس
عبيد : هههه.. شو فيج يدووه .. تراني يالس اكملج النكته..و شو بيستوي فيهاا
اليده : مالت عليك انته و نكتك .. دامهن شرات ويهك .. امره ما بيهن
عبيد :ههههه ... يدووه .. انتي كل مره جي تقولين ... و فالنهاايه امره ما تعفنين عنهن ..و تسمعينهن ..و اذكر مره حلفتي يمين انج ما تسمعين نكتي ...و عقب نص سااعه من الحلاااف ..صخيتي ..و سمعتي النكته ...كخخخخخ.. ويوم قطعتج ومااقمت أقوولج أذيتيني وقمتي تتصلين بي عسب النكت وألحين يوم ييتج قمتي تهزبيني .. صدق أنج خرفتي ..
اليده : صدق انك ما تستحي على ويهك يا ولد حموود
عبيد : هااا .. يدووه .. حدج ..كله ولا ابويه فديته...
اليده : روح عني ..الله لااا عادك لااا انته ولا ابووك..
عبيد " وقف ..و بعده يضحك " :ههههههه..و حليلك يا بويه ..اسميهن الدعاوي ...اينك من يدووه ...و كلهن من وراايه .. اقول يدوه ...ريركس على قولتج ..باااي..
اليده : روح الله لااا عاادك...
عبيد : أنزين برووح .. بس عااد بااجر هب تتصلين بي .. ترااني هب يااينج ..
اليده : بتيني وريلك على رااسك .. ياولد حموود ..
عبيد : أنزين بنشوووووووف .. (( وظهر عنها .. وأمبونه بيركب سياارته وبيسير وبعدين أذكر أن ميثا قاالت بتتريااه .. فقاام وساار صوبهن .. في بيت خااله خليفه ... ))
.................................................. ...........................

(( في العين مووووول ))
(( منصور وزاايد يالسين في ستاار بوكس ))

منصور : حمد واااااااااايد أتغير ..
زاايد : أنزين ...
منصور : اللهم طولج يااروح .. يأخي خوز هالسم من أثمك .. وأسمعني ..
زاايد : قلتها بعظمة ألساانك .. هالسم على قولتك في أثمي .. وأنا أسمعك بأذني .. يعني ماالها دخل ..
منصور : يأخي قلبك غدا وااحد من جباال صلااله اللي من تصعده تلقااه مغبر من الضبااب ..
زايد : هههههههههههههههااي .. تشبيه بلييييييييغ .. جباال بعد .. أقولك أنته لو مستوي أستااذ جغراافيا جاان زين .. جان لقيتك ألحين قاابض العصا وتشرح على الخريطه وتقوول .. جباال وهضااب .... وشو بعد ..؟؟
منصور : وسهووول ..
زاايد : علييييييييييك نوور .. وهذه الجباال الدااخليه ما أدري الخاارجيه تغطيها الضبااب .. عااد يقولك وااحد من الطلااب .. أستااذ عطنا مثاال .. وأنته بتيلس أتفكر .. منصوور أتخيل وياايه .. هاا ياالس تعصر مخك .. وآخر شي بتذكرني .. تعرف أنا رجل المهماات الصعبه .. يعني أنقذك حتى يوم تشرح الدرس لطلاابك .. وبتقوول كــ قلب زاايد
منصوور : أتصدق ما كنت أتوقع أن تفكيرك وااايد عميييييق .. بس يالله شو نقوول شكلك واايد متأثر بالرسووم ..
زاايد : خخخخ .. هيه يوم أعياالي ييلسون يطاالعون أيلس أطاالع أويااهم ..
منصور : أعياالك ..!! الصرااحه ما أعايي عنك .. تسويها والله معرس وداسنها
زاايد : هههههه .. فال الله ولا فاالك .. (( ورن موبايله .. ))
زاايد : أقولك بخليك أناا بسير البيت ..
منصور : شو تسوي ..؟؟
زاايد : الواالده تبااني .. بنتلااقى خلاااااااف ..
منصو ر:أوكي ..
(( وظهر زاايد من المووول ))

.................................................. .......................

(( اليوم الثاانـــي ))
(( العصر))
(( وفي غرفة عبيد ))

عبيد : أقولج ما أعرف ..؟؟ أنتي رتبي لي ,,,
فااطمه : والله ما أقول غير الله يعين اللي بتاخذها .. يوم شنطتك مااتعرف ترتبها عيل شو تعرف أتسوي ..؟؟
عبيد : (( ويطيح على سريره )) : ما أعرف أسوي شي .. (( وتم يلعب بموبايله .. وفجأه يت سلامه على بااله .. وقاام وطرشلها مسج ))..
وكاان مكتوب في المسج ::-

هذا أنا من دون تفكير أناديك ؟؟
أحسبك عندي وأنت يابعد ممشاك ..
لو صار شوفك صعب ماني بناسيك ..
ولو حال دونك يأس لايمكن أنساك ..
لو عشت طول العمر بالعين أفديك ..
غالي وتساوي بالغلا عين مغليك ..

..×× ووصله مسج من عندها.. وكاان مكتووب فيه ××..

يكفي المشاعر في غيابك ترجاك
عافت جميع الخلق ترجي وصالك
قلبي نطق غصب عني وناداك
شوقي لك أكبر من حدود أحتمالك
ماقدر أشوف اليوم نفسي بلياك
وقلبي مايرضى شخص ثاني بدالك

عبيد (( وييلس على سريره )) : أمااايه ..
فااطمه (( وكاانت منشغله عنه وتحط أثياابه في الشنطه )) : آمــر ..
عبيد : إذا فكرت أعرس .. منو بتخطبين لي ..؟؟
فااطمه : يالله ياعبود شو هالسؤاال ..؟؟ بعدك أنته أصغير أشعنه تشغل باالك بساالفة العرس من ألحين .. ؟؟
عبيد : أممم .. ماأدري بس أنا من أخلص من المدرسه بعرس ..
فااطمه : وشعنه مستعيل ..؟؟
عبيد : لأن أخااف حد ياخذها عني ..
فااطمه : يعني أنته محطي وحده في باالك ..؟؟
عبيد : هيه ..
فااطمه : وليكوون وحده من هالخيااس اللي ترمسونهن في التيلفوون ..؟؟
عبيد : أنا ما أرمس .. وبعدين اللي أباها بنت عرب ونااس ..
فااطمه : وكيف عرفتها ..؟؟ يوم أنك تقوول أنته ماترمس ..
عبيد : أستغفر الله ... بنت خاالي ..
فااطمه (( وصدت صوبه ... )) : شوووو ...؟؟ ومنو فيهن ..؟؟
عبيد (( ومتردد )) : ومنو ثرها كبري غير سلاامه ..
فااطمه : منو سلامووه أم لساان طوييل ..؟؟ لا فديتك أمره من ألحين أقولك شلها من باالك هذي أمره ماتنااسبك ..
عبيد : شووووو ..؟؟ يعني أنتي اللي ألساانج قصيييييير ..
فااطمه : لا وترااددني عشانها ..؟؟
عبيد : هيه نعم .. أنا هالبنت أحبها وباخذها جاانج رااضيه ولا راافضه .. وهب شالنها من باالي .. وحراام أن اللي بيقرب صوبها لأذبحه ..
فااطمه (( ووطت كل اللي في إيدها )) : أنزين يا عبوود .. بشووف كيف بتاخذها (( وظهرت من الحجرة وهي معصبه ))
عبيد (( وبصوت عاالي عشاان تسمعه )) : روووحي زيييييين .. والله لا آخذها ..وغصبا ً من عين أمج وطواايفج وكل التوااااااالي ... وبشووف يا أنا يا أنتي ياابنت مريووم ..

(( ودخل علييييييييه فاارس ))

فاارس : حووه بلااك أنته ..؟؟ شعنه تصاارخ ..؟؟ وبعدين شو قاايل لأماايه ؟؟شعنه ظهرت من حجرتك معصبه ..
عبيد : فاارس لو سمحت أنا هب فااضي لك ..؟؟
فاارس : بلاااااااااااك أنزين خبرني أماايه شو قاالت لك ..؟؟
عبيد : سير أسألها ..؟؟ وقولها عبيد يقولج لو أنتي كنتي متحكمه فيه من يوم هو صغير .. فهو ألحين كبر وشوره أستوى في رااسه وبيااخذ اللي يبااها وأنشاااءالله لو مغربيه ..
فاارس : ألحين أنتوا يالسين تظاربون عسب ساالفة العر س.. يأخي أنته خلص المدرسه أول شي وبعدين فكر بالعرس ..
عبيد : والله هب أتخلوني اليوم أسير أخطبها ..
فاارس : ومنو هذا المينون اللي بيوز بنته وااحد ماايشتغل ..؟؟
عبيد : بشتغل في شركة ابويه ..
فاارس : عبوود دخيلك فكنا من المشااكل ويوم بتخلص من المدرسه وبتكون عمرك ذيج السااعه رد أفتح الموضووع .. ماله دااعي أتجهزوون الدوا قبل الفلعه
عبيد : فاارس .. سير وقول لأمك .. أنا ترااني قد رمستيه .. ووالله أن يلست أتعااند زوود لا أسير اليوم وأخطبها وباخذها وبسكنها أوياها أهنيه في نفس البيت .. عشاان تشوفها صبح وليل وتقتنع ..
فاارس : الله يهديك .. (( وظهر ..وعبيد طااح على سريره .. ويلس يفكر وهو منقهر .. ورقد ومن غير ماايحس بعمره ))

...(( ومر هاليوم عاادي .. والكل كاان منشغل فيه بالتجهييييييز لسفر .. وعبيد مايرمس فااطمه .. وفااطمه نفس الشي .. بعد مااترمسه .. وبيساافرون وهم متظااربين ))...

.................................................. ........................................

(( بااجر هو يوم الأربعااااء .. اليوم المنتظر مثل مايقولون .. هاليوم هو اللي بيساافرون فيه عربنا لألمانيه وبيلسون أسبوع وبعدين بيسيرون جنيف وبييلسون ثلاث أساابيع .. وبجيييييه بيقضون شهر كاامل برع لبلااااد))

×× الظهــر .. وفي بيت محمد الرميثي ××

.(( روضه وتدخل الصااله على عبيد اللي كان طاايح على الكنبه .. ويلعب بموبايله ))..

روضه (( وبسمه خبيثه )) : عبوود ...!!
عبيد (( وعينه في الموباايل وماأنتبه لبسمتها )) : خــير ...!!
روضه : يقولون تبى تعرس ... خخخخخخخ
عبيد : ماأظن الموضووع يضحك ..
روضه : وحليلك ياعبود .. يوم أخواانك اللي أكبر منك ماعرسوا .. وأنته تبى تعرس شعنه مستعيل ..؟؟
عبيد : روضووه .. هب فااايق لج .. قومي ظهري من الصااله داام النفس علييج طيبه ؟؟؟
روضه : ليش ليكون الصااله مسجله بأسمك ...
عبيد (( ويفرها بالمخده مال الكنبه )) : شوفي أنتي من زماان محد ضربج .. وشكلج في خااطرج اليوم إيييج كمن كف على مط شعر مني قبل لا تساافرين ..
روضه : أنزين يالله جاانك رياال قوم ومد إيدك ...
عبيد : حرمه يعني ...؟؟!!!
روضه : هيه نعم .. وعن عشر حرييم بعد ..(( ومااحست إلا وعبيد محطي إيده في شعرها .. وتمت تبااغم .. لأن عبيد كل شوي يشد أكثر .. ))

روضه (( وتحااول تبعد إيد عبيد عن شعرها .. بس مااشي فاايده كاان ماسك شعرها بالقوو ... وبرد حرته فيهاا ))

روضه (( ودموعها على خدها من الألم )) : بطل ياحيواااااااان (( وتبااغم )) : أماااااااااايه .. فرووووووووووس ...
عبيد ((وبعده محطي إيده في شعرها )) : عيل أنا حرمه وعن عشرة حرييم .. يأخي يوم أنج هب قد الرمسه شعنه رمستيها ..
روضه (( وتصيح .. وتبااغم )) : كيفي ..
عبيد (( ويسطرها على ويهها كفاات بس بالخفيف )) : بكيفج هاا ..!! أنزين جاان ماخليتج تحطين بااروكه على صلعتج ما أكون عبوود ..

..(( ونزلت فاطمه من فووق .. ودخلت عليهم الصاله ))..

فاطمه : بلااكم شو مستوي ...؟؟
روضه (( وتصيح )) : أماايه خليه يبطل شعري .. يعوووور ..
فاطمه (( تنتبه لعبيد وتسير صوبه عسب أتبطل إيده )) : عبوود بطل ..
عبيد (( وأحلى طااااااااااااااااف ))
فااطمه : عبوود هب أتخليني أتصرف ويااك تصرف ثااني ..
عبيد (( وبستهزاااااااااء )) : وشو بتسوين ..؟؟؟!!!(( ومااحس إلا وفااطمه تعطيه كف .. عااد هي بروحها مغيضه عليه من أمس وجنها تتريا عليه الزله ))

عبيد (( ويشد على شعر روضه بالقوو .. وبعدين بطل إيده .. )) : أنزين ياافطووم .. والله لتندمين على السااعه اللي مديتي أيدج عليه فيهااا .. (( وظهر من البيت بكبره ... ودخل عليهم فاارس ))

فارس : بلااااكم شو مستوي ..؟؟؟ بلااه عبوود ظااهر مسرع من البيت ..؟؟
×× وخبرته فااطمه بالساالفه بكبرها .. وطبعا ً فاارس ماقاال شي .. كلهم غلطاانين .. وروضه صعدت فووق .. تطاالع كم شعره خلالها عبيد في راسها ××

.................................................. ..................

(( في فلة سيف ))

اليده : ميثااااا .. ميثااااا .. ميثووووه ..
هند (( وناازله من فووق )) : ميثوه في المطبخ ...
اليده : أنزين أنتي تعاالي ..
هند (( وتقربت من يدتها )) : آمـــــــــري ...!!
اليده: شلي هالدله .. وخلي البشكاره .. أتسوي لي فيها زعتر ..
هند : أنزين المطبخ ممزوور دلاال .. يعني لازم هالدله ..
اليده : أدريبه أنه ممزوور .. بس عاد كل وحده ألعن عن الثاانيه .. ربع سااعه وبرد كل اللي فيهن ..
هند :لا والله أن القهوه والحليب يتم فيها حاار بالسااعاااات ..
اليده : هندووه شلي هالدله وفكيني من حشرتج ..
هند :أنشاءالله ..
اليده : صدق هيزه .. حتى الدله ماترومين أتشلينها ..؟؟
هند : أروووم ..
×× ودخل حمداااااااااان ××

حمدان : السلام عليكم ..!!
اليده +هند : وعليكم السلام ..
حمداان (( وحب يدته على راسها .. وساار صوب لبلي ستيشن ))
اليده : وأنته ماعندك شغله غير هاللعبه .. عنبوه بعده ربك ماتعبده شراات هب عاابد هالطفااااس ..
حمداان : أستغفر الله .. شو هالرمسه .. ؟؟؟
هند (( وطاافت صوب حمداان وبصووت خفيف )) : مااعليك منها تراها خرفت ..
حمدان : ههههههه ..
هند (( وظهرت ))
اليده : على شو تظحك ...!! على خيبتك ..؟!!!
حمداان (( ويقووم وييلس عداال يدته )) : يدووه ..
اليده : هاا شعندك ..؟؟
حمداان : ماتبين تعرسين ..؟؟
اليده (( وعصبت )): شووووو ...؟؟
حمداان : هااااا .. قصدي انا أبى أعرس ..
اليده : أنزين سير وعرس هكووه الدرب طاااااايح ..
حمداان : أفااا .. أصلا ً أنا محد بيخطب لي غيرج ..
اليده : لا والله تهبي .. جاان تبااني أسووم ويهي عند اللي يسوى واللي مايسوى عشاان هالخاايساات اللي تبونهن ..
حمدان : لا .. لا شو هالرمسه بزعل تراااااااني ..
اليده : والله أزعل هكووه الدرب طااااااااايح ..
حمداان ((ويقووم )) : حيااااااااااااااج ...
اليده : وين بتسير ...؟؟
حمدان : بيتنا .. لأن أنتي محد ييلس ويااج ..
اليده : صدق مافيك مذهب ياولد خليفه ..
حمداان : ياسلاام عيل أنا يااهل جداامج .. كل مارمسة وقلت شي سكتيني ولا قلتي هكووه الدرب ما أدري الطرييق طاايح ..
اليده : هيه نعم يااهل .. هب تتحسب خلصت المدرسه وكبرت ..
حمداان : باااااااااااي (( وظهر عن العيووز وخلاها بروحها تتحرطم ))

.................................................. .......................................

** فالــــمطبخ **

++ و بعد ما شكت هند ... لميثااا عن يدتهااااا ++

هند : يدتج تراها بزيه
ميثا : احليلهاا.. على راسج هي ... خليها تتبزاا
هند : هاي خلصت ولا .. بعدهاا " تقصد البشكاره "
ميثا : يا الله يا هندووه .. صدقهاا يدووه يوم قالت انج هيزه.. اتريي شوي
هند : اففف .. ما اقدر ...و انا اكره المطبخ ..و ما احب اقعد فيه
ميثا : عداال بنت سيف .. روحي الفله انا بيب الدله عقب ما تخلص البشكاره منها
هند : يكون احسن ...

(( طلعت هند .. الا بدخلت حمد .. و اول ما دش شااف ميثاا .. و اللي ما شافها من اسبووع تقريبا ...و عاد هو كان لابس شورت جنس. لين تحت الركب ...و بدي ضاغط ...و تقاسيم العظلااات اللي فجسمه .. باينه ...و كان شال موبايله فايده ...و النضاره كانت فوق الكاب اللي هو لابسنهااا ...و شكلها بيطلع بدراجته " البانشي " ....))

حمد : السلاام عليكم
ميثا: و عليكم السلام
حمد " سوا طاف لميثاا ..و سار صوب البشكاره " : رنجيووه ..وين دبة البترول
رنجي : ما في معلووم
حمد " و عصب ": ما في معلووم ؟؟... و انا كل ما اييب دبة و اترسهاا ..و أي اليوم الثاني اسال عنهاا اتقوليلي ما في معلووم
رنجي : انا واايد انسى ..انته رووخ دور دااخل استوور
حمد : و الدبه.. ديانة ابووهاا فالستوور
رنجي : يمكن انا ودي منااك
حمد : الله يغربل هالشيفه ...سيري دوريهاا بسرعااااااه
رنجي : ما يقدر .. انا سوي زعتر حق ماما كبير
حمد : العيووز لاحقه عليه الزعتر .. روحي ادوريلي ايهاا .. عن لااا اخش رااسج فبريج الزعتر اللي يالسه اتسوينه ..و اخليه زعتر بنكهة التاتا
ميثا " وااقفه و منصدمه من اسلووب حمد " ..:وحتى انته لاحق عليهاا الدراجه
حمد " سوا لميثا اكبر طاف " : و انتي بعدج واقفه .. سيري دوريهاا بسرعااااه
(( طلعت رنجي .. و دخل منصور ...و كان مطقم ويا حمد باللبس ))
ميثا " و فخاطرهاا ..: اووو .. اكيد بتبدى الضراابه الحين ... داام منصور دش "و عقب انتبهة انهم مطقمين... باللبس"... شوو السالفه ؟؟... اضني الا بالصدفه ..

منصور : يا اخي شوو بلاااك اتشااعط جنك حرمه ميت ريلهااا
حمد " و ييلس على الكرسي " : دخيلك اسكت عني ... هذي البشكاره كل ما اييب دبه ..و اترسهاا بترول ... قامت و ضيعتهااا...
منصور : منوو رنجي؟؟ .ابوي انا هذي متنسي منهااا
(( اشوي ودش رنجي ...و شالها فايدهاا ..الدبه...و عطتهاا حمد ))
حمد : توج اتقولين ما في معلووم .. صدق انكن ما تن غير بالعين الحمره
((و كان منصور واقف صوب الثلاجه ...و يشرب ماي ))
حمد : بو الشبااب ... لااا تكثر منه .. عن لااا اترجع .. فنص الطريق ..
منصور : لاا ما عليك ما يأثر ..انزين قوم شوو تترياا .. شكلك الا تبانا نروح على المغرب
حمد: و الله و فكره حلوه
منصور " و يفره بقطاة دبة الماي " : قوووم .. وخل عنك الهيازه
حمد " و يتمتح " : صبر بفكر
منصور " و يسير صوبه و ايره من ايده " : يا الله قووم

(( كل هذا استوا ..و ميثا هب امصدقه ..و كل شوي اتحك عينهااا .. بس آخر شي.. تذكرت .. يوم حمد كتبلها على الطحين كلمة " بحاول " ...و هالشي فرح ميثاا ..و بعدين شلت الدله ..و راحت صوب يدتهااا ))

.................................................. .......
** فالحوي **
** المغرب **
(( حمد و منصور و حمدان و فارس ..توهم رادين من برع ...و كل واحد و بدراجته ...و كانت سلامه و ريم ورضه و ميثا .. يالساات برع ...و سار حمد صوبهن ))

حمد : هااا ..منو منكن تبااني اردفهاا وراايه
روضه "و بصوت خفيف ..و ترمس ميثا " : آآآه ..و الله و لو كاان فرووس محد..لو ركبت ورااه
ميثا : خبله انتي ولا شووو
روضه : شوو اسوي .. متعذبه .. بس هو الحيوان ما يحس
ريم : حموود ... انا ..انا
حمد : لااا السمووحه ..انتي ما بركبج
ريم " واونهاا برطمت ": و ليش يعني
حمد : نسيتي كلمة الشيخ
ريم : انزين خلاااص ... الشيخ حمد ممكن اتركبني ورااك
حمد : امممم .. خليني افكر ...لااا آسف يت كلمةالشيخ متأخره
ريم : صدق مذله .. عيل محد بيركب ورااك
حمد : سلاااامووه .. يا الله تعالي بركبج
سلامه : لااا ..آسقه .. تذكر ذيج المره . قلتلي ما بشل ...و آخر شي لعبت فيني لعب.... حتى بغيناا ننجلب
حمد : يا الله عاااد .. و الله ما اشل بج
سلامه : آآآسفه .. شووف غيري
حمد : يعني تبين اركب الكباار
سلامه : عادي شوو فيهااا ؟.. وليش يعني انا صغيره ؟؟!
حمد : عيب .. شوو اركبهن .. منقووود ..و بعدين انتي اصغر من ريمووه النحسه ... يعني داام ريمووه صف 10 .. يعني انتي 9
ريم : عاشر فعينك ...انا خلصت الحمدالله ..و سلااامووه السنه الياايه بتكوون صف 12
حمد : حمدااان .. شووف اختك
حمدان" من بعيد " : شوو فيهاا اختي
حمد : هب طاايعه تركب
حمدان : لااا بوي خلهااا ..آخر مره ركبتهاا .. من الزيغه الليل ما بتته
حمد : هههههه .. احلف
حمدان : و الله
حمد : عيل لااا خلاااص غيرت راايي ... بااجر وراانا سفر .. ما فينااا نااخذ اثم من ورااهاا ...
سلامه : لاو الله ...و ربي انه جذااب
حمد: حمداان .. تقوول انك جذاااااااااب
حمدان :هههه .. هي الجذاابه
سلامه : ادريبكم .. انتواا الحين تبوون تستفزووني .. عشاان اغير رايي و اركب ...و آخر شي اتموون تضحكوون عليه
حمد : سلاموووه .. لااا تذلينااا
سلامه : آآآآآآآآسفه .. و انته اصلاا ما تبى اتركب ريمووه لانها ما تخااف ...و البااقياات لانهن كباار...و فشله تلعببهن ...صح كلامي و لااا خطأ
حمد : لاااا خلط ...عاادي الحين بسير اركب وحده من البشااكير .. كخخخ
سلامه : رووح انزين
ريم : وااااااع ... اونه وحده من البشااكيير
سلامه : ترى من مستوااه البشااكيير
((سوى حمد ... اكبر طااف .. الهن ...و اشوي و اذا الاذاان ..و الكل رااح يصلي ))
.................................................. .....................
** ففلة السويدي **
(( كانت عليا و هزااع يتكلموون عن الشركه ..و يابوا طااري عبدالله ))

مايد : هي عبدالله ..عم واحد من ربعي ..و يووم طلعت النتايج .. دق يباركلي
عليا : و الله
هزااع : و الله و فيه الخير
مايد : حتى انهم بيسافروون بااجر
عليا : هوو قالك
مايد : لااا . بس ولد اخووه .. اللي هو ربيعي .. خبرني
عليا : و انته تبي اتسافر؟؟
مايد :هي .. و ليش ما نسافر ؟ .. نحنا السنه اللي طافت ما سافرناا ..و بعد هالسنه بننحرم من السفر
عليا " كسر مايد خاطرهاا " : انزين سافروا .. بس انا ما بسافر وياكم
مايد : ليشش ؟؟
عليا " اتعلثة بالشغل " : لاني موظفه يديه .و ما عندي اجاازاات
ام هزااع : انزين ما عليه .. شو رايك .. انته و هزااع و امووله .. اتساافروون
اتغيروون جو وتردوون
هزاع : انا وراايه اشغاال
مايد :لااا خلاص لا اتعبوون عمااركم .. انا بدوون امايه ما بساافر
عليا" فخاطرهاا : ..و حليلك يا مايد ... شكلهاا السنه اللي قبل السنه اللي طاافت .. كانت آخر سنه اتسافربهاا وياا امك ...و بعد اياام امك بتفاارق الدنياا بكبرهااا ..و انته بتم برووحك ...لااا ما بتم ابرووحك .... بتسير عند ابووك .. ابووك اللي من اشهر و انته تسأل عنه ...."و قطع حبل تفكيرهااا . صوت نهياان.....و هو يصيح "

ام هزااع : لاااا ما شي طلعه... اسكت و فكني من صيااحك .. و دلعك .. عنبوو .. جنك بنت .. هب ولد
علياا : شوو بلاااه .. شوو يباا
ام هزاع : يبى... يلعب برع .. فهالليل

 

 

  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
خاطرت قلبي و روحي ®{ابو هزاع}® الخواطر ماهي حبر في يـوف قرطاس 4 17-08-2010 02:43 PM
[مدمنه روحي.~][انحني للهٍ,[.~ мazџôôη Dέƒşн التصميم و الدروس 11 23-08-2009 01:33 PM
ياروح روحي وين باروح(رنه) شـﮱـۈؤטּـﮱـي...}~~ الهواتــف المتحركــة 30 28-05-2009 03:40 PM
حبك ملك روحي وتعلى واعتلى((احدرووو كشووخه بوح القصيد والخواطر 5 24-08-2008 04:15 PM
فداك روحي »شقآوي الفجيره« الخواطر ماهي حبر في يـوف قرطاس 10 27-03-2007 04:18 PM

الساعة الآن 03:18 PM.


Powered by vBulletin® Version 3.8.7
Copyright ©2000 - 2019, Jelsoft Enterprises Ltd