رمزيات بلاك بيري خدمة تفسير الأحلام تصميم مواقع وصفات طبخ أعلن معنا


العودة   منتديات فريج دبي > فريج أم سعيد > قصص وروايات > قلم رصاص يسرد روايات

قلم رصاص يسرد روايات يختص في طرح الروايات


آخر المشاركات المطروحة في منتديات فريج دبي .


..))(( روحي لــغيركــ إرفضت ))((..

قلم رصاص يسرد روايات


إضافة رد
 
أدوات الموضوع
  #1  
قديم 24-11-2009, 06:50 PM
الصورة الرمزية 3šђőǑő8t,ālain  
3šђőǑő8t,ālain
~ • غـٍُالٌٍُيً حـًٍُِبًٍُِوبًٍِ • ~
 
 



معلومات اضافية 
  النقاط : 615
  الجنس :
  الدولة :
  الحالة :
افتراضي ..))(( روحي لــغيركــ إرفضت ))((..

 



...:: قصــــة::...
..))(( روحي لــغيركــ إرفضت ))((..
للكاتبهــ (( أم عبـــآآدي ))

التعــريف بالشخصيااات :-

مريــم:-
حرمه متزوجــه وعندها ثلاث أولاااد وبنت وكلهم معرسين وعندهم أعياال والاولااد يسكنوون أوياها في نفس البيت يعني الحوطه فيها ثلااث أفلل فله لعبدالله وفله لخليفه وسيف وأمه مريم في فله وبنتها فااطمه تسكن في نفس االحاره بس بيتها أشوي أبعيد .. وريلها متوفي من ثلااث أسنيين تقريبن...
1) عبدالله :-
البجر ... معرس وعنده ولد وبنتين ... ومأخذ بنت خالته وأسمها مزنه
وعياله :-
البجر :: مدد وعمــره 22 سنه هب معرس ويشتغل في الاتصالااات ... أحليــو وطويل وبشرته السمرا هي الي محلتنه خقااق بمعنى الكلمه عنده رنج أسبوورت أورنجي ومايدااني حد يقرب صووب سيارته .. وداايمن أضراابه مع منصوور ولد عمه معنى فاارق السن بينهم كبير لاكن داايمن ضراابه من يووم كاانوا يهاال ..

غايه :: عمرها 20 سنه ترووح جامعة الاماراات مع بنت عمتها روضه وهن ربع الرووح بالرووح ودايمن روضه في بيت خالها عبدالله ... مب حلوه لهااك الزوود بس يعني ملامحها هاديه وطفوليه ..

ريــم :: آخـــر العنقــود وعمرها 17 سنه ترووح المدرسه وفي صف ثالث ثانوي علمي ... حليوه ودلوعة أبــوها ... ودايما أضرابه مع هند بنت عمها سيــف

2) خليفه :-
إنسان كله مشغوول يعني مايعرف بيته الا يووم يحس عمره تعبان وفيه أرقااد وعنده ولدين وبنتين وأسم مرته نوره ..
وعيالــه :-
البــجر :: حمداان وعمره 17 سنه يرووح المدرسه صف ثالث ثانوي علمي ... حلمه يكوون طياار ... حليو وطويل لاكنه ضعيييف لدرجه فضييعه ...

سلامه :: بنوته كانت رقيقه جماالها أهم شي لكن من كثر ما تعصب أتحولت لدفــشه ماتهتم بشي ... عمرها 16 سنه يعني صف ثاني ثانوي علمي ... والمسكينه أبتلت بوحشين الوحش الاول : عـــــبيد ولد عمتها فاطمه الي دااخل علمي بس عشاان يحصل حد يشرح له ويااخذ كتبه عشاان ينقل الاجوبه منهن ... والمسكينه تعطيه كتابها ماشي أنضف منه لكن عبيد يرده جنه أكتااب أمطلع من الزبااله ... والوحش الثاني : أخوها راشد عمره سنتين وواايــد متعلق فيها ومايطيع يرووح عند المربيه يعني هي الي أتأكله وتلبسه يعني تهتم فيه ...

عــنود :: طفله بريئه مالها دخل في حد وعمرها 4 سنوااات

وآخــر العنقود :: راشــد وعمره سنتين (( ولــد سلااامـــه خخخخخخخ ))


3) سيـــف ::
رياال عااطي أعياله حريتهم يعني ما يمنعهم عن شي وكل الي يبوونه يخليهم يسونه يعني مايحب يخلي شي في خاطرهم عنده ثلاث بنات وولد وأسم حرمته موزه ..... وهو يسكن مع أمه في نفس الفلا
أعياله :-
البــجر :: ميثا ... بنوته وعمرها 19 سنه تروح الجاامعه الوحيده الي في العائله في هذا السن يعني محد كبرها ... أحلى وحده بين البناات الي في عائلتهم أتعقهن كلهن من جمالها .. بشرتها بيضا وخشمها طويل وعيونها أ وساااع ولونهن عسلياات شعرها طويـــل ولونه أسود داااكن ...

منصــور :: شااب وعمره 18 سنه يــروح الجامعه ... ربيعه زاايــد الرووح بالرووح مايفترقوون لكن مايمر يووم الا وتضااربو وعقب نص ساعه كل وااحد يتصل لثااني ... مايقدروون يتموون أكثر من نص سااعه وهم مايتكلموون .. وهو وحيد أمه وبووه ودلووع يدته

هنــد :: بنوته وعمرها 17 سنه يعني صف ثالث ثانوي أدبي أنطواائيه يعني أكثر أوقاتها تقضيهن في غرفتها عشاان أتذااكر يمكن مب تذااكر يمكن تنخش عن ريم بنت عمها لان من أتشوفها أتقولها " ها بنت الادبي شخباارج " ويووم يفتحوون موضووع وتم أتناقشه معااهم ريم أتقوللها " مشكله بعد أعياال الادبي يناقشوون " ...

مهــره :: آخــــــــــــر العنقوود عمرها 4 سنواات دلوعه لأبعد الحدوود ومن حد يقولها شي سيده تفتح الونااان وتخبر أبوها عشاان جيه الشبااب كلهم الي في البيت متجنبينها لان أن قالولها شي بترووح وبتحرجهم جداام عمهم .. لكن عبيد من يشوفها يقووم يعصببها ويخليها أتفج الوناان لان بالاصح ويهه لووح يعني عاادي عنده مايستحي من خاله سيف ...

وآخـــــــــــــــر العنقوود في العائلـــه ::
4) فاطــمه :: أم لثلااث أولااد وبنت ... تسكن في نفس الحااره الي أمها تسكن فيها ويوميا العصر في بيت أمها وعيالها مايفارقوون بيت يدتهم وخاصتن روضه الي دووم أمطيحه في بيت خالها عبدالله وعبيد الي دووم أمطيح في بيت خاله خليفه .. وأسم ريلها محمد
وأعيالها :-
البــجر :: فارس ... وعمره 23 سنه وهو ربيع حمد ولد عبدالله ويشتغل في الاتصالات وهب أخس عنه خقااق لأبعد الحدوود ..

روضه .. وعمرها 20 سنه وترووح الجاامعه ومثل ما قلت قبل دايمن أمطيحه في بيت خالها عبدالله عشاان غايه ..

سعيد :: واللي مشكل رعب في البيت لعبيد كل خميس ... يرووح كلية زاايد العسكريه ... واايــد عصــبي لدرجة حتى أنه متحكم في أخته روضه معنها أكبر عنه بسنه ..

عبيد :: آخـــــــر العنقوود وأدفش وااحد في العاائله الي قدر يحوول سلاامه البنوته الرقيقه الهاديه الى دفشه شرااته ونص حركاتها شراات حركااته ورمستها شراات رمسته يعني شراات أسلووبه ... يمووت على شي أسمه "سندويج كيما " (( عقدة سلاامه )) ودايمن سلاامه أتعااني من "سندويج الكيما" الي يكوون في كتبها وريحت كتبها كيما ... أتسبحهن كل يووم بالعطر عن الريحه خخخخخخخ
***________________________________________***

 

 

 [align=center]
[flash=http://dc03.arabsh.com/i/01023/ol0c4ix3fh0h.swf]WIDTH=440 HEIGHT=180[/flash]
[/align]

رد مع اقتباس

رمزيات بلاك بيري | تفسير الاحلام | أخبار الامارات | أخبار دبي | وصفات طبخ


قديم 24-11-2009, 06:51 PM   رقم المشاركة : 2
3šђőǑő8t,ālain
~ • غـٍُالٌٍُيً حـًٍُِبًٍُِوبًٍِ • ~
 
الصورة الرمزية 3šђőǑő8t,ālain 





معلومات اضافية 
  النقاط : 615
  الجنس :
  الدولة :
  الحالة :
الرسالة الشخصية

التقييم

افتراضي

 

 

..))(( الجـــزء الإول ))((..

..:: من رحلتوا ياغلا روحي معااكم إرحلت .. كن كوني بي خلا .. وكل ساعاته إوقفت ::..

..:: في بيت خليفه ::..
..:: سلامه وعبيد يالسين يذااكــروون ::..

عبيد : صبري إنزييييييييين .... بلااج إنتي منقعه التيربوو ..؟؟؟!!
سلامه : بلاك إنزين ...؟؟!!
عبيد : شرحي لي بشوي شوي ... عشاان المعلومه تدخل ... هب يالسه تشرحين بسرعه والله إني هب عاارف الإلف من الباااء..
سلامه : إنزييييييييين شيخي ... بنخف السرعه ولاتزعل ..
عبيد : يكوون إحسن عشاان مايمسكج الرااداار ...

..:: ودخل عليهم حمداان ::..

حمداان :شو تسوون ...؟!!
سلامه : شرايك يعني ...؟!!
عبيد : نآآكل الكتب مثل مايقولوون ...؟!!
حمداان : هيه بس إنا سمعتكم تطروون السرعه والرااداار قلت يمكن عندكم محاظرة مروريه ...
سلامه : ياثقاالة دمك .. أقوول قوم أظهر وخلنا نذااكر ..
حمداان : إنزين بيلس إذااكر عداالكم ...

..:: وتم حمداان يذااكر عداالهم ... ورااشد يلعب على صووب ... ورااشد كل مايشووف عبيد وسلامه يرمسوون يتحسبهم يالسين يلعبوون .. وإونه بيلعب إويااهم ... فقاام وفر مكعب بلاستيك عليهم وظرب على رااس عبيد ::..

عبيد : آآآآآآآآآآآآآآوج ...
سلامه : ههههههههههه... رشوود شو هالحركه ..؟؟!!
رااشد (( إبتسم .. أتحسبهم إستاانسوا فقاام وفرهم بثااني وثاالث وراابع ... وكله على عبيد ))

عبيد (( ويبغم )): إييييييييييييييييييييييييييييييه ....!!! بس عااد ...
رااشد (( وفتح الوناان من سمع صريييييييييخ عبيد ))
حمدان : بس إنزيييييييييييين ...!!
عبيد : جب إنته .. شوف شغلك في لكتااب وتم سااكت ...
سلامه : بس إنزين تعاال خلنا نكمل شرح المسائل البااقيه ..
عبيد :لالالالا ... ماأقدر ..
سلامه : وليش إنشاءالله ...؟؟!!
عبيد : رااسي يعورني وهذا أخووج زاادني .. إنا بااخذ بريييييييك بظهر أحوووط وبرد ..
سلامه : زوووول ... بس هب إتي تبااني أكمل لك شرح المسائل الباقياات ..
عبيد : شو يعني مابتشرحينهن لي لو يييييييتج ..؟؟
سلامه : لااااااااااااااع ...
عبيد : كوني قدها هالكلمة .. يالله فيماااااااااان الله ...(( وظهر ))


**في نفس المكاااان بس الفل-ة الثااانيه (((بيت سيف )))**

ميثا وهند يالسات في غرفة ميثا ...هند يالسة ع النت ادور لها بحث وميثا واقفة حذال الكبت تتنقا بين ثياااااااااابها

ميثااا: اوف شو هالحااااله ؟...........(وترد تتأفف)
هند : بلاج طيرتينااا كثر ما تتأففين ...شو فيج قوولي ؟...
ميثا : والله حالة هب عارفة شو البس حق الجااااااااااااااامعة خلصن ثياااااااااابي
هند : كخ كخ ...مرة وحدة خلصن هههههههههه
ميثا : بلاج تضحكين صدق ماعندي شي البسه ؟........
هند : انزين شرااايج نروح نتشرى..
ميثا : انا اقول بعد جي ..صبري بروح عند امااايه وبطالعهاااا
هند : زين ...لين ما أخلص البحث
ميثا : خلاص عيل .. أنا بسير أشاور أمايه وبسير صوب غاية يمكن تبى أتسير بعد (( وطلعت من الغرفة سايره صوب غرفة أمها ))

 

 

  رد مع اقتباس
قديم 24-11-2009, 06:52 PM   رقم المشاركة : 3
3šђőǑő8t,ālain
~ • غـٍُالٌٍُيً حـًٍُِبًٍُِوبًٍِ • ~
 
الصورة الرمزية 3šђőǑő8t,ālain 





معلومات اضافية 
  النقاط : 615
  الجنس :
  الدولة :
  الحالة :
الرسالة الشخصية

التقييم

افتراضي

 

 

(( وبعيد شوي عن العين .. وأهلها ,., وبالتحديد في العاصمه ))
(( و في بيت سالم السويدي ))

** وفي غرفة عليا **

(( عليا يالسه .. وترد لــ 17 سنه ورى .. وتذكر أيااام مرت عليها شرات السم .. هم ومعاناه .. وتربية طفل أبوه قدر يتخلى عنه وهو بعده في بطن أمه .. يلست تذكر عليا يوم أبوها غصبها تاخذ واحد من كبارية العين .. كان شريك وياه في شركته .. وقالها أنه لازم تاخذه لان هو ريال كبير ومريض .. وعادي يموت في أي وقت وهي ماعندها غير أخت وحده ومعرسه .. وأن هيه كيف بتعيش بروحها .. المهم عرست عليا .. وبعد شهرين من عرسها أبوها أتوفى .. المهم هالريال سكنها في العين والريال كان معرس وعنده عيال .. تم وياها خمس شهور .. وبالصدفه كانت تسكن في نفس الحاره اللي تسكن فيها ربيعة **حرمته ** .. فهي أستوت ربيعة عليا ودايمن أتزورها بس ماكانت تدري أنه ريل عليا هو نفسه ريل ربيعتها .. وبعد خمس شهور أكتشفت السالفه .. وطبعا ً خبرت ربيعتها .. اللي هي حرمته الاولى .. ومرته الاولى ماخبرت حد ولكن واجهت ريلها.. وخيرته بينها وبين عليا وأكيد هو أختارها هيه بنت خالته وأم أعياله .. وهو ماكان يدري أن عليا حامل .. صارح عليا وقال ألها أنه هو ماينفع لها وأن هو ريال معرس وإذا أمه عرفت بتسوي له سالفه .. المهم أنتهت علاقتهم بالطلاق وبعد طلاقها بشهر أكتشفت أن هيه حامل .. وقالت لأختها ماتخبر ريلها اللي طلقها .. وألحين ولدها ** مايد .,. عمره 17 سنه** ومايعرف أبوه .... وقطع حبل ذكرياتها .. نهيان ولد أختها الصغير (( عمره 7 سنواات )) ..


نهيان : خالوه .. خالوه ..
عليا : هاا .. حبيبي بلاك ..؟؟
نهيان : ميود .. وأمولي يتضاربون ..
عليا : وا غربلات عدوهم .. وهايلا مايوقفون من المضاربه ؟؟ (( وطلعت وسارت فوق .. وشافت مايد واقف عند غرفة أمل ويدق عليها الباب ويتحلف ألها ))


عليا : ميووود .. بلاك ويا بنت خالتك ؟؟
مايد : هذي أملووه قليلت أدب الخمه (( ويدق عليها الباب )) : ما عليه يالسباله مابتطلعين يعني ؟؟!!
عليا : بااااااااااااااااس .. وسير ذاكر أحسن لك من المضاربه ويا بنت خالتك .. أبى أعرف هالفقيره شو سوت فيك ؟؟ دوم محطي دوبك من دوبها .. جنها ماكله حلال أبوووك ..
مايد : ثره وين هو أبويه ؟؟ (( ودخل غرفته ))
(( وتمت عليا واقفه مكانها منصدمه من سؤال مايد اللي من 17 سنه وهو ما سأل عن أبوه .. ومن فتره بدا كله يسأل عنه .. خافت عليا أن مايد في يوم يجبرها أنها تقول الحقيقة .. ويعرف عبدالله كل شي .. وياخذه عنها ))

(( أمل بنت أخت عليا .. عمرها 17 سنه .. ** ثانويه عامه ** وهي ومايد ملقبين بتوم وجيري .. لأنهم دوم يتضاربون مع بعض ))


..:: وفي بيت عبدالله ::..

ميثا : هاا شوقلتن ...؟؟!!
غايه : أنزين منو بيسير إويانااا ...
ميثا : والله ماأدري ..؟!؟!
غايه : عيل يالذكيه بجيييييييه ماشي طلعه إذا مالقيتي حد يسير ويااج .. ولانسيتي شو صاار آخر مرة ...
ميثا : دخيييييييييلج سكتي لاتذكريني ...
روضه : خلاص إنا بتصل بــ عبيد ... شراايكن ..؟!!
غايه : شو راينا بعد آكيد موافقااات ...

..:: وتصلت روضه بــ عبيد وقالت له إنها تبااه يسير ويااهن الموول وهو وافق .. بشرط هو اللي يوديهن لإن مايحب يسير ويا الدريوول ::..

 

 

  رد مع اقتباس
قديم 01-12-2009, 03:35 PM   رقم المشاركة : 4
دلوعه بس خجوله
~ • غـٍُالٌٍُيً فـًٌٍُِضٌٍِيًٌَ • ~
 
الصورة الرمزية دلوعه بس خجوله 





معلومات اضافية 
  النقاط : 730
  الجنس :
  الدولة :
  الحالة :
الرسالة الشخصية

التقييم

افتراضي

 

 

تسلمين اختية على القصة الطرررررر
واتريا البارت الياي ع احر من الجمر

وما طولين علينا

 

 

 دلوعه بس خجوله

  رد مع اقتباس
قديم 04-12-2009, 01:38 PM   رقم المشاركة : 5
3šђőǑő8t,ālain
~ • غـٍُالٌٍُيً حـًٍُِبًٍُِوبًٍِ • ~
 
الصورة الرمزية 3šђőǑő8t,ālain 





معلومات اضافية 
  النقاط : 615
  الجنس :
  الدولة :
  الحالة :
الرسالة الشخصية

التقييم

افتراضي

 

 

[align=center](( وفي ســـتااار بـــوكس ))

++ منصور .. وزايد .. يالسين ويسولفون ++

زايـــد : آآآآآآخ .. يوعـــاااان ..
منصور : هيه والله حتى أنا يوعان .. قوم أطلب لك ولي ..
زايــد : نعـــم .. نعـــم .. وليش هب أنته اللي تسير تطلب ..؟؟
منصور : أحم .. أحم .. الصراحه أستحي ..
زايد : من شو ؟؟ أنشاءالله ..
منصور : أستحي أشل الصينيه ..والكل يتفرج عليه .. شراات البشااكير ..
زايد : ياسلاااااااااام .. يعني هم ماشلوا صيااني قبلك ؟؟
منصور : والله ما أدري ؟؟ .. بس أستحي .. يالله زيووود سير عااد ..
زايد : أنزين بسير بس لاتحلم وااايد .. ترى بس بطلب لي .. (( وقاام ))
منصور: بــليييييز .. زيووود ..
زااايد : رووح .. روووح (( وقااام وساار يطلب له ))
منصور : أنزين يا بو الصيـــاااااني كخخخخخخخخخ .. والله أنا بروحي يوعاان .. ياربي بس شكلي غلط وأنا شال صينية الأكل .. أنا شنطة اللاب توب ما أشلها أخلي البشكاره تشلها .. أسير ألحين وشل صينيه لا لا .. عزة نفسي ماتسمحلي .. كخخخخخخخخخ هذي هب جنها أغنيه .. (( ويلس يشوف زايد واقف صوب الكاشير يحط له الأكل ..))
منصور : زيـــــــــوووود ..
زايد (( ويلف صوبه )) : خــــــــــير ..
منصور : ههههههه .. قول لأبو كشه صفرا أيب لي وبعطيه 10 رياااال نوول ..
زايد (( وياي صوبه وشال الصينيه )) : هههههههه .. ترى يقولك حتى هو يستحي يشل صيااااني ..
منصور (( وعيونه على الأكل )) : هيه .. هب شراااتك ويهك لـــوووح ..
زايد : لوح .. حديد .. هب مهم .. المهم آكــل .. (( وميود الدونات بياكلها ))
منصور (( ومبتسم )) : يااااي هالدونااات شكلها لذيــــذ ..
زايد (( ومتعمد )) : كــح .. كــح .. لوسمحت منااك منااك مافيني بطني يعورني
منصــور : ههههههه .. أنزين أنته بعدك ماكليتها عطني أياهااا ..
زايــد : هههههه .. أتصدق أتضحكني .. أونك ولد وااحد من الكبااريه وأحلى وااحد في الجاامعه على قولتك ..وهب رايم أتسير تشتري لك أكل ..
منصور : يالخاام .. أنا هب سالفة فلووس .. بس ساالفة فشله فهمت ..؟؟
زاايد : روووح .. ولد عز ويوعااان .. كيف تستوي هذي .. الصرااحه هب عاارف .. ههههههههههه ..


..:: المغــرب ::..
..(( وفي فلة سيف))..

++ عبيد دخل .. ومعصب عــ الآخـــر .. على البناات++

اليده : يالله فديت ولد محمد النفيع .. فديتك وديت خواتك ..
عبيد (( وبعصبية )) : وياليت ماوديتهن ..
فاطمه (( أم عبيد .. تطالع عبيد مستغربه )) : لــــيش ؟؟
عبيد : الله يغربلهن .. ماييلسن في محل واحد وكل وحده يالسه في محل .. عنبوه خبلن فيني .. بس اللي يسمع رمستهن مره ثااااااااانيه ..
اليده : ههههههههههه .. أنزين هن الا مره وحده طلبن منك وبعد ياي تتحرطم عليهن ..
عبيد(( ويزعق )) : هيه كيـــــــــفي .. تراااني عيـــناااااااااااااوي ,,
فاطمه : عبـــووووووووود .. هب ترفع صوتك على يدتك .,,
عبيد : أووووه .. عاد بتبدى الحين الوالده محاضراااتها .. خل أسير صوب سلامه أحسن لي .. (( وطلع ))
فاطمه : غربلات عدوه .. من ولد .. كل خوانه يسمعون الرمسه إلا هو .. طالع غير عنهم ..
اليده : هييييييه .. لازم يطلع واحد في العائله عوي ..

..:: فالليل::..
..:: وفي غرفة عبيد ::..

عبيد (( طاايح على بطنه على كرفاايته .. ويالس ينقل من كتااب سلامه ويتعشى كيما وبرااته .. ))

..:: ودخلت عليه روضه ::..

روضه (( وتبغم )): عبووود ...
عبيد (( ونقز من الزيغه )): الله يغربلج بلااااااااااااااااج ,,,,.؟؟؟
روضه : حراام عليك إرحم حاال لكتااب .. كل برااته ..
عبيد (( ويرد ويطيح على بطنه )) : إووف .. وإنا على باالي مستوي شي ...؟؟!! وإذا على ساالفة لكتااب إلحين بنفضه ..
روضه : ماتنلاام سلامه يوم تتشكى من ريحة كتبهاا ثرك تااكل عليهن ..
عبيد : حشرتيني ترااج ..؟!!! إوووووووووه زين ألحين نقلت الإجاابه مكاان السؤاال الثااني ..
روضه : جييييييييييه أحووليت عنهاا ولا شوو ...؟؟!!
عبيد : روييييييييييض ظهري وفكيني من شيفتج ..
روضه (( وتتقرب منه وتيلس عدااله )) :عااد إنا ملانه ومااعندي حد إسوولف إويااه ..
عبيد : وأنا مشغوول ماتشوفيني ... علمي وحيااتج هب إدبي شراتج ..
روضه : إنزين أوكي بشووف كيف بتظهر منه ثاني ثانوي .. جاان ماغرزت فيه ماأكوون إناا رويييييييييض ...
عبيد : يالله يعلني بلااج ويااه من فاال ... تفاولي لي بشي عدل ...!!
روضه : ههههههههههههههه .. عبوود إنا إدريبك إنت ... لو مايبت دور ثااني بالنسبه لك إهااانه ...
عبيد : لالالالالالالالا .. إنشاءالله إن هالسنه مابيييب دوور ثااني ...

..:: ودخلت عليهم فااطمه ::..

عبيد : إماااااااااااااااااايه ظهري ..
فاطمه : عبوود ..؟؟؟ رمسني بحتراام ..
عبيد : يأخي إبى أعلمج الإدب ..
فااطمه : خليت الإدب لك ياقليل الإدب .. جيييييييه حد قالك هب مرباايه ..
عبيد : هيه .. لو إنج مرباايه جاان دقيتي البااب قبل ماتدخلين .. هب جيه دااخله عليه جنج دااخله زريبت هووش ..
فااطمه (( وتفره بكرتون لكلينكس )) : عدل رمستك ...؟!! ويالله قوموا نزلوا العشا زهب ..
عبيد :إنا ماأبى ...؟!! الحمدالله إتعشيت ....!!!
روضه : هيه وعشيت كتب سلاامه ويااك ..
عبيد : يالله قومن ظهرن ...ولا أقوول صبرن (( ويقووم وشاال في إيده كتااب .. ويعطره .. وبعدين يمد به صوب رووويض )) : إعطيه الدريوول خليه يوديه لــ سلامه ..
..×× وفااطمة ظهرت ××..
روضه (( وتتروح لكتااب )) : هيه والله ألحين ريحته زينه ...
عبيد : يالله عيل فديتج ظهري وسكري البااب .. برقد ..
روضه : يالله بااي ...(( وظهرت ))..(( وسكرت البااب ))



..:: اليوم الثااني ::..
في بيت خليفة ((في الصالة الساعة خمس العصر بالتحديد .........))

سلامة : والله يالخااااام برااويك ....ان ما ادبتك ما كووون سلامة بنت خليفة ..........
((وتدخل عليها امها))

نورة :بلااااج حاشرة الدنيا وجالبة البيت فوق راسج وقابضتلنا بنت خليفة وبنت خليفة ...بلاج ؟

سلامة (وهي معصبة ): هالخااام عبيداااان في غيره مسود الويه......
نورة((الام)):وحليله هالفقير بلاج عليه كل يوم الا فاتحتله محاظرات وتضاربينه ...؟
سلامة : تراكم ما تعرفون شو يسويبي ..يطفر فيني يذبحني ...انا اللي اعاااني
المشكلة الله بلاني بولد عمه مايفهم خديه وبأهل ما يعانون شراتي
نورة (الام): بس قطعي رمستج شو بعد ما يعانون وغيره ...بسج حشرة وقومي ذاكري ابرك لج.. من أعااااني وبريااني (( وسارت عنها ))
سلامة :تراني يوم اقول محد يفهم ....ابرك لي اذااكر وعقب اتصرف ويالخام عبوود...

..(( وفي فله سيف))..

++ عبيد يالس يسولف ويا أمه ويدته.. وهب هاامنه شي محطي إعصاابه في الثلاجه .. ++

عبيد : يـــدوووه .. بخبرج نكته ..
اليده : وأنته رديت على هالمصخره ..
عبيد : هههههههههه .. أنزين أقول ولا ؟؟
اليده : لا .. قول .. أسمعك ..
عبيد : يـــــقولج .. أثنينه بدو .. سايرين كنتاكي .. شو طلبوا ؟؟
اليده : وأنا شدراااني .. ماكنت أويااااهم ..
عبيد : براااته .. وكيمااا .. هههههههه .. ضحكي يدوه ضحكي ..
اليده : عــ شوه أضحك .. ألحين ساروا تنكااتي (( كنتاكي )) وطلبوا براته وكيما شو فيها يضحك ..؟؟
عبيد (( وبصوت خفيف )) : صدق أنها خرفت ..
اليده : شـــــــــــو ؟؟!!!
عبيد : هاا .. لا لا .. أقول بخبرج .. وحده .. ثاانيه .. يقولج وااحد كاتب على سيارته بو أحمد .. وقفوه الشرطه وقالوا له : وأنزين ويعني محد غيرك أستوى أبو .. جاان يقول لهم : وليـــش أبوظبي غير عني .. أدري أن سخيفه فلا تعلقين ..
اليده : أنته خل عنك هالرمسه اللي ماتنفهم .. وخلني أخبرك عن قصص زماان أول..
عبيد (( ومحطي أيده على أذنه )) : لاااااااااااااااا .. دخيلج كل ولا قصص أبوج وأخواانه ما أبى أسمعهن ..
فاطمه : حلاواااااااااااني وأخواانه ..
عبيد : وألحين شوخص حلاوااااني في السالفه ؟؟
فاطمه :هههههههههه .. نفس الوزن !!
عبيد : لاااااااااا .. أشهد أنج خرفتي ..
فااطمه : يامسود الويه .. ألحين أنا خرفت ؟؟
عبيد : هيه نعم .. أستويتي شراات أمج ..
فاطمه (( وتفره بكرتون لكلينكس )) : سود الله ويهك .. يالهرم (( وتقوم له .. بس عبيد شرد قبلها .. ويوم كان طالع من الفله كان يركض ويشوف ورااه وماحس الا ودعم في شي .. ))
عبيد (( ومحطي أيده على حلجه )) :: أوييييـــــه .. سوري ميثوووه ..
ميثا (( ومعصبه .. وشوي وبتصيح )) : وبشوه بتفيدني ســوري ؟؟
++ الله يسلمكم ميثا كانت شاله صينية الكيك وسايرتبها صوب يدتها وعبيد دعمها وطاحت الصينيه وطاح الكيك كله على الأرض ++
عبيد : هههههههه .. وأنا شو أسوي يوم أن أمااايه دااعيه عليه ؟؟
ميثا : ياسلاااااااااااام ... ويوم أنه أمك دااعيه عليك مارمت تدعي ألا تدعم صينية الكيك ..
عبيد : ههههههههههههه .. أنزين عااادي سوي غيرهاا شو يعني ..
ميثا : أسوي غيرها في عينك .. ترااني بشكاارتك أتم موقفه في المطبخ وجداام الفرن ..
عبيد : أنزين بعد إذا ماتبين كيفج أنتي حره ..
ميثا (( ومعصبه )) : أففففففففففف .. حيواان (( وسارت صوب بيتهم وهي تتحرطم )) .. (( أما عبيد فكمل طريقه صوب فله خاله خليفه ))

(( المغــرب .. وفي فلة سيف ))

++ حمدان وريم يالسين ويلعبون بلي ستيشن ++
(( ونزلت هند وسارت صوبهم ))

+هند : السلام عليكم ..
حمدان + ريم : وعليكم السلام ..
حمدان : شحاالج هند ؟؟
هند : يسرك الحاال ..
حمدان : وشحال الدراسه ؟؟
هند : والله زينه..
ريم : هيه لازم أنتو قوم بالأدبي المفروض ماتتكلمون ولاتقولون شي صعب لأن الصرااحه كل شي عندكم سهــــل ..
حمداان (( وأنقهر من رمسة ريم وحب يغير الموضوع )) : أقول هند خلصتوا شي من الكتب .. ؟؟
هند : لا والله بعدنا ..
حمدان : أهاا ..
هند : ريم ..
ريم : نعم ..
هند : أبى كتاب التطبيقاات مالج ...
ريم : ليش أنشاءالله ..
هند : لأن المس مالنا اليوم عصبت علينا وماطاعت تحل التمارين مال النحو وقالت لنا أن لازم باجر نكون حالينهن ولا بتنقصنا ..
ريم : تستاهلن .. أكيد مسوياات بها شي اليوم ؟..
هند : والله هالبنااات متخبلااات الحصه الأخيره ..
ريم : والله آســــفه هب عاطتنج ..
هند : ليــش ؟؟
ريم : والله أكيد الأبله شارحه الدرس .. ماتعرفين تحلينه ولا متهايزه ..
هند (( تمت ساكته .. أصلن كانت متوقعه هالرد من ريم .. فاقامت بتسير فوق ))
حمدان : هــــــــــــند ..
هند (( وتلف بويها صوبه )) : هــلا ..
حمدان : أنا بطرش لج كتاابي ويا سلامه يوم بتي تتعشا أنقلي منه ورديه وياها ..
هند : مشكوور (( وصعدت فوق ))
ريم : أفففففففف .. يعني أنته لازم تخرب .. أنا كنت أبى أذلها وبعدين بعطيها ..
حمدان (( وطالعها بنضره )) : يــاهل وبتمين يااهل (( وقام عنها وطلع ))

++ أما في بيت محمد الرميثي ++
(( حمد وفارس يالسين يسولفون ..وعبيد مخبل بهم .. ومن يقولون شي ألا ويسألهم منو ؟؟ وولــد منو ؟؟ ووين يشتغل ؟؟ ومن هالأسئله ))

عبيد : منـــو .. ؟؟
حمد : يا ربي .. ترااك خبلت فيني .. يوم ما أتعرف أسكت ..
عبيد : والله قلتها ما أعرف .. عاد أنا ابى أكون أعرف ..
فارس : عبـــود لو سمحت فكنا من أسئلتك الغبيه وطلع من البيت ..
عبيد : آســــــــــــف .. هب طاالـــع ..
حمد: أفففففففف .. (( ويمطه من شعره ** ترى عبيد شعره طويل** ))
عبيد : آآآآآي .. ياأخي أذا منقهر طول شعرك ..
حمد : ماالت .. من زين شعرك يعني عشاان أنقهر منه .. و بعدين تعاال شو محطي فيه ..؟؟
عبيد : جيـــل ..
حمد : ههههههههههه .. علموك الجيل بعد أنته ؟؟
عبيد : ليش تتحسبني بغااام ما أعرف شي ؟؟
حمد: ههههههه .. لا بس أسكت وفكنا ..
عبيد : أنشاءالله بابا (( ويلس يطالع التلفزيون ))
++ وعقب خمس دقايق ++
حمد : فرووس شراايك نشاارك في نجم الشله ؟؟
عبيد : ههههههههههههههه .. من زين أصواااتكم عاااد
حمد : جب أنته أحلى من صوتك ..
عبيد : هههههههههههه .. هيه والله أنتوا يالشوااب أحباالكم الصوتيه الا مصديه
فارس : ودك أنته بس شراات أصوااتنا ..
عبيد : فقتكم أنتوا وأصوااتكم .. أقول تموا يالسين وعدوا ضروسكم اللي طاحن أحسن ألكم .. يالشوااب (( وقاام عنهم ))
فارس : هب جنه غلط ..
حمد : خله عنك لا .. هذا أخوك مينوون ..
++ وشويه وهم يالسين سمعوا ركيض على الدري .. وكانوا روضه وعبيد يتضاربون ++

روضه : يالخاااام وين بتسير (( وتركض ورااه ))
عبيد (( ويسير صوب قوم حمد .. بس قبل مايوصل .. يودته روضه من شعره ))
عبيد : آآآآآآآآآآآآآآآآآي .. يالعنز .. يعور ..
روضه (( وتمطه أكثر )) : أحسن أتأدب ..
عبيد : آآآآآآآآآآآآآآآآآي .. فرووووووووس ..
فارس : أييييييييييييه رويض فجي أيدج عن شعره ..
روضه (( وتفج أيدها )) : يالخاام براااويك ..
عبيد (( ومحطي أيده على شعره )) : والله حرااااام عليج كله طااح .. يعل أيدج الكسر ..
فارس : عبووود جب .. وأنتي بلاج تضاربين أويااه ..
روضه : هالغبي .. أنا يالسه على الأنترنت وقام وفج الفيشه .. ويوم طلعت له جان يقول أونه ماشافها .. ويوم دخلت رد وبطلها بالعماله بس الغبي هالمره قطع الوااير ..
عبيد : أنزين شي في الدكان تبيني أسير أشتري لج ..
روضه : جب انته ..
عبيد : كونوا شاهدين أنا عرضت عليها خدماتي بس هيه ماوافقت ...
حمد : مسود ويهك وبعد تتكلم .. والله عجب ..
عبيد : ههههههههههه .. عااااااااااااااااادي ..
فااارس : أنزين سيري غرفتج وألحين أنا بطلع وبشتري لج غيره .. وأنته سير حق أمك متصله تبى حد أيبها ..
عبيد : أنشاءالله ..
حمد : أييييييييييييه .. ترى سيارتي حذاال سيارتك لا تشحفها ..
عبيد : ليش قالولك أحوول (( وطلع وسار صوب بيت خواله ))..

..:: اليوم الثااني ::..
..:: الظهر .. وفي بيت خليفه ::..
..:: عبيد وسلامه جالبين الصااله سااحة حرب ... ويالسين يتظااربوون::..

سلامه : ههههههههههههه ... عبوود بس ..(( ومااحست إلا المخدة تظربهاا على راسهاا ))
عبيد : تعرفين شو أحلى شي فييييييييييج ...؟؟!!
سلامه (( وتتقرب منه )): شووووو...؟!!!
عبيد : تقربي بهمس لج في إذنج ...
سلامه (( وتتقرب ))..
عبيد : يلعن إبوو الفضوول ...؟؟؟!!
سلامه : يالله إنزييييييييين قوول ...؟!!
عبيد : إمممم ... عيوونج ..
سلامه (( وتظربه بالمخده )) : تتغزل فيني يالخاام ...
عبيد : منوو ..؟!!! فيييييييج إنتي ليش مااشي شغله ولا مااشي شغله ..؟؟(( ويلست سلامه تظربه بالمخده ))

عبيد : الله يغربلج ..؟؟!!!............(( ومااحس إلا بظربه ))

عبيد : صبري إنزيييييييييين خل إرمس ...
سلامه : قوول شو عندك ..؟!!
عبيد : سلامي فديتج ... (( ويناافخ ))
سلامه (( وتظربه )) : ألحين خليني إرمس .. وخليني إرمس.. وآخر شي فديتج..
عبيد : صبري إنزين إنا ماكملت رمستي تعباان .. إبى مااي ..
سلامه : ياالله إرمس ..
عبيد : إنتي على منو طالعه فضووليه ..
سلامه : علييييييييك ..
عبيد : والله ...!!! فديت بنتي طاالعه على إبوهاا ...
سلامه : إنزين يالله باباتيه قول شو عندك ..؟!!
عبيد : هييييييه .. فديتج لاتظربيني على رااسي إنا برووحي ثوور وإستيعاابي بطيء .. هب مستزيد ...
سلامه (( وتناافخ )) : يالله إنزين قوم خلنا إنرتب الصااله ..
عبيد : ماأقدر ..
سلامه : عبوود لاتستوي نذل .. وتخليني إرتبهاا برووحي ماأقدر ..
عبيد : والله بس عشاان عيونج هالحلوه برتبهاا ويااج ولا إنتي ماتستااهلين ..
سلامه (( وتظربه بالمخده )) : مالك دخل في عيووني ..
عبيد : إنزين خلاص يابووج .. مابنقوول شي ..

..:: ويلسوا يرتبوون الصااله ويردوون مخااد الكنباات في إماكنهن ::..

.. (( وفي المــطبخ )) ..

++ ميثا يالسه تسوي كيك .. وحمدان يالس ويسولف وياها .. ويالسين مجابلين بعض على الطاوله ..++

ميثا : ها ... حمداانــي .., شو الدرااســه ..؟؟
حمدان : والله زينه ... (( ويالس يدور دبة الماي )) : ميثـاااني ..
ميثا : هلا ..
حمدان : تعاالي .. لعبي ويايه ..
ميثا : شو ألعب ..؟؟
حمدان : يعني انتي شووو تحيديني العب غير بلي ستيشن ..؟؟
ميثا : أوكيه .. بخلص الكيكه وبلعب ويااك ..

++ ودخل عليهم حمد .. لابس برمودا جينز تحت الركب .. وقميص أحمر ومخيوط عليه قطعه جينز محدده على شكل الرسمه .. ومحطي على راسه كااب ومثبت عليها النضاره الشمسيه وجوتي سبورتي .. وشكله كااان رووعـــــــه ..


حمد (( وساير صوب الثلاجه )): السلام عــليكـم ..
ميثا + حمدان : وعليكم السلام ..
حمدان : بــتطلع ؟؟
حمد : هيه نعم .. منسير صوب البدع بالدراجات ..
حمدان : والله !! .. ويا منو بتسير ؟؟
حمد (( ويطلع دبة ماااي العين كبيره )) : ويا فاارس والشباب .. تبى تسير ..؟؟
حمدان : هيه ..
حمدان : يالله عيل .. بسرعه غير ثيابك وشغل درااجتك ..
حمداان : دقااااااااااااااايق بس (( وطلع ))[/align]

 

 

  رد مع اقتباس
قديم 04-12-2009, 01:40 PM   رقم المشاركة : 6
3šђőǑő8t,ālain
~ • غـٍُالٌٍُيً حـًٍُِبًٍُِوبًٍِ • ~
 
الصورة الرمزية 3šђőǑő8t,ālain 





معلومات اضافية 
  النقاط : 615
  الجنس :
  الدولة :
  الحالة :
الرسالة الشخصية

التقييم

افتراضي

 

 

[align=center]
حمد (( ويحط دبة الماي على الطاوله وييلس مجابل ميثا ))
(( ميثا سيده شلت أغرااضها اللي كانت تشتغل فيهن وقاامت ))
حمد (( ويتبعها بعيونه)) : قسم بالله أليــف و ما آكـــــــل ..
ميثا : (( أكتفت بالسكوت .. وما ردت عليه )) :.......................
حمد : ميــثا .. ميثاانــي .. مــيثووه ..
ميثا : ............................................
حمد (( ويقوم من مكانه ويودها من أيدها ويلفها صوبه )) : أنا أكلمج ..
ميثا (( ومحطيه عينها بعينه ... وجنها تقول له لا تحاول ما بتنطق ))
حمد (( وعــصب )) : يعني حلال على حمداان وحراام عليه ...
ميثا (( ســااااكــته ))
حمد (( وبعده ما سكنها من أيدها )) : ممكن أعرف ليش تتطالعيني بــ هالنضره
ميثا (( وتسحب أيدها بالقو )) : لأن خاطري أعرف .. أنته ليش تكره منصور
حمد : وليش ما تسألينه .. ليش هو يكرهني ؟؟
ميثا : والله أنته اللي جبرته يكرهك ..
حمد : أنا !!
ميثا : هيه أنته .. لأنك أنته اللي كنت ما تحبه من يوم كنت صغير ..
حمد : والله .. أسمحيلي .. بس أخوج هب محترم .. وما كان يحترمني مع أني أكبر عنه ..
ميثا : ويوم أنك أنته أكبر عنه .. ليش ماكنت تاخذه على قد عقله؟؟ .. ولا يعني لازم من تيلسون مع بعض .. وااحد فيكم ينهزب ويتهزء عشاان الثاني يتشمت عليه .. وكل واحد يعامل الثاني جنه عدوه .. هب ولد عمه ..
حمد : والمــطلوووب,,
ميثا : والله أنا رمستيه خلصت وماعندي مطلوب .. بس بليــز حمد أوعدني أنك تغير أسلوبك ويا منصور ..
حمد (( وأتقرب من كيس لطحين ..و ميثا واقفه مستغربه .. وصب شوي طحين حذال ميثا وخلاه متساوي .. وبعدين وبصبعه كتب " بحـــــــــاااول " .. وشل دبة الماي وطلع ))
(( ميثا .. أبتسمت .. لأنها وااثــقه من حمد ))

..((فالليل .. وفي بيت محمد الرميثي))..

فاطمه : عبوود .. قوم فارج من جداام شيفتي ..
عبيد : وأنتي ماتعرفين غير هالأسطونه كل ماقلت لج شي .. قلتي لي (( ويقلد أمه )) : عبوود .. قوم فارج من جداام شيفتي .. (( ويعدل صوته )) : صدق تحفه ..
فاطمه : لا .. أنته أنا ماعرفت أأدبك .. بس ماعليه أن ماخبرت عليك أبووك ..
عبيد : فديت باباتي أنا باااااارد ومابيقول لي شي ..
فاطمه : ترى الضيااع كله من أبوك هو اللي مايهزبكم وعاطنكم الخيط والمخيط
عبيد : أي خيط أي مخيط .. الله يهديج وين يالسين في خيااط..
فاطمه : والله ياعبوود لخبر سعيد عليك ..
عبيد : هااااااااا!! .. عااد وصلنا عند سالفة حبيب قلبج .. وانتي ماتعرفين غير قوم فارج .. وسعيد حبيب القلب طبعا ً
روضه : باااااااااااااااااااااااااس .. امايه ممكن أنتي وولدج توقفووون من سواالفكم ترى أبى أتابع المسلسل وهب قااادره
عبيد (( ويفرها بالمخده )) : أنتي جب .. الله يغربله من حس .. عنبوه ماتحتاجين مايكرفون عشان يستوي عااالي ..
روضه : جب .. و أكرمني بسكوتك لوسمحت ..
عبيد : والله أنا بخــــيل كيف تبيني أكرمج ؟؟
روضه : دمـــــك ثقـييييييييييييل ..
عبيد : عاااااااااادي .. سوي له رجييييييييييييم ..
روضه : عبووووووووووود ..
فاطمه (( وتضرب عبيد على جتفه )) : قووم أطلع من البيت أشوف بسرعاااه ..
عبيد : آآآآآآآآآآآآآسف ..
فاطمه : عبوود قلت لك قووم أطلع .. أنا هب فاضيه لضراابتك .. قوم أشوف بسرعه ..
عبيد : والله أنزين بطلع .. بس ترى مابرد إلا عقب الساعه 12 .. أنزييييييييييين
فااطمه : أنزيييييييييين ... بس فاارج ..
عبيد : ههههههههههه .. ماما لا يرتفع لج الضغط .. (( وطلع ))..

..:: يوم الخميس . العصــر ::..
((في بيت محمد الرميثي ))

++ الحرب العالميه الثالثه ... بدت بين عبيد وروضه ++

عبيد : رويـــض .. فتحي البااب لا أكسر رااســج ..
روضه : أففففففففففف .. يعني أنا ما أصدق أفتك من الجامعه عشاان أرتااح تقوم أنته حضرتك وتغثني ..
عبيد : بلا جاامعة بلا بلاليــــط فتحي الباب أحسن لج ..
روضه (( وواقفه عند الباب من دااخــل )) : خــير .. أشتبى من غرفتيه ؟؟
عبيد : الله يلعنج يا رويض .. يعني أنا صوتي رااح من كثر ما أقول لج أن أبى الجرج ماال الموباايل ..
روضه : ياسلاااااااام .. ليش الجرج مالك وين ؟؟
عبيد : والله أمج خربته كثر ما تضربني فيه كل يوم الصبح ..
روضه (( وتفتح الباب وتفر الجرج على عبيد .. وضربه على ويهه ))
عبيد (( وميود الجرج في أيده )) : يالخاامه .. برااااااااويج (( ويلس يدز الباب من برع .. وروضه أدزه من دااخــل ))
عبيد : يالزلمه .. يالغنمه .. والله لتصفعين (( وقدر يدز البااب وأنفتح .. وتوه ماسك كشة رويض .. وما سمع غير صوت خلاه ينسى روضه وكشتها واللي مخلف روضه بعد .... وسيده ركض صوب غرفته وقفل الباب وروضه مثل الشي))

سعيد (( وواقف في نص الممر بين غرفة رويض وعبيد )) : سود الله ويوووهكم .. أنتوا ما تستحون .. عنبوا أصوااتكم واصله ألين الحوي ,., والله وما عرفت تربيكم أماايه (( وسار صوب غرفة عبيد ))

سعيد : عبيدااااااااان .. أفتح البااااب ..
عبيد (( وبعد معاناه قدر يبلع ريجه .. من الزيغه )) : هاا .. ليش ؟؟
سعيد : عبوووووود .. قلت لك أفتح الباااااااااب .. بسرعااااااااااه ..
عبيد (( وبدا التقردين عنده )) : يالله فديتك يا أخويه .. أقول أنته تعبااان سير خذ لك شور .. وأرتاااح .. وبعدين منتفااهم ..
سعيد (( ويدق الباااب بالقو .. لدرجة أن عبيد اللي كان يالس على حافة السرير طااح تحت من الزيغه )) : لا تتحــسب عمرك قدرة تجذب عليه بكمن كلمه .. بس أنا ساير أتسبح ويوم بطلع أبى أشوفك ميلس في نص الصااله فااهم ..
عبيد : أنشاءالله أبويه .. أووه .. قصدي أخويه ..
..(( وسار سعيد صوب غرفته وهو معصب ))...

..:: وكالعااده ... يوم الخميس الكل يتيمع عــ العشاا عند العيووز ::..
..:: ويتمون الريايل والحريم يالسين ويسولفون على صووب .. والبناات على صووب ::..

..:: عــ العشااا ::..

منصور : السلام عليكم
حمداان: لا سلااام على الطعاام
منصور (( فج عيوونه ))...(( آخر زمن يهال و يسكتوني ..... منصور سواله اكبر طاااف ولا جنه سمعاه و اضطر ييلس ما بين حمد و حمدااان )))
...عااد حمد ماراام يقر كل ساعه يقرب شي من الصحوون صوب منصور .. ومنصوور مستغرب من هذااا الاسلوووب العفوي ...))
حمد : تباني اغرفلك من السلطه
منصوور : سلطه فالليل ؟؟!!
حمد (( وبعد ما غرف لمنصور )) : لا ما عليه رجيييم
..(( وبعد ما خلصووو .. قام منصور و حمد ...و كانت المغاسل كلها مشغووله ... وكاان عمهم خليفه و حمداان و فارس هم اللي يتغسلون ... و بعد ما خلص فارس ... سار حمد بداااله ... وبعده منصوور واااقف ... و قام حمد وير حمداان من كندورته من ورى و خلا منصور يتغسل ))

حمداان : حووو ... انته ما تشوووفني بعدني ما خلصت ؟؟
حمد : لكباار أول .. وبعدين اليهاال قوم بو المدرسه ومسح الصبوره وصف الطبوور على الصبح خخخخخخخخخ
خليفه (( وبعد ما سمعهم و هم يتناقروون )) : حووو بلاااكم محتشرين ... كلكم بتتغسلون لا تخاافون .. مابيخلص المااي .. (( ويرمس حمداان )) :تعاال أتغسل مكااني .. (( وساار حمداان يتغسل بعد ما طلع أبوه من صوب المغااسل ))

حمد : هب هين بعد العم خليفه .. يالس ينكت .. خخخخخخخخ
منصور(( ويضرب حمد على رااسه ×× وبصوت خفيف ××)) : حمداان موجود يالثــور ..
حمد (( ومتلوم .. وأونه يرقع )) : فــديت عمي .. ثره أنا أقول ليش حمداان دمه ثقييل .. أوه قصدي خفيف .. ثره طاالع على عمي خليفه ..خخخخخخخ

(( اليوم الثااني ))
(( العصر ... وكانت الساعه تقريبا 4 ))

(( حمد توه رااد من مال الزينه ومزين سيارته بستيكرات العين ... وشرااايط ... وعاد كله ولا الدبدووب الكبير الي محطنه فالرنج ... كان ملبسنه لبس نادي العين وكاب عليها شعار العين ... وشريطه عيناويه على رقبته ... وشراايط على ايده ... وهذي اليوله كلها بس لانه اليوم بتلعب العين و الوحده ...كان وااقف فالكراجات .. ويالس يعدل الشرايط ... وياه منصور ... ))
منصور : الحين ها كله للمسيره
حمد : (( وكان يكلمه بأدب )): هي نعم
منصوور : خساره ..
رفع حمد راسه وهو مستغرب : شو قصدك
منصور (( يتكلم و بكل ثقه )): لانك بترد البيت و انته اتصيح من الخساره
حمد (( وعااد بدا يعصب )): لا والله ... اووو .. اتصدق نسيت انك وحداوي (( وكان حمد معزم انه ينقع البوكس ويا منصور لاكنه اذكر رمسة ميثا و سكت وقال ....حمد: بنشووف منو بيفرح اليوم و منو بينتف حوااجبه من القهر
منصوور (( بكل استهزاء )): ليش دياي
حمد : سخيف (( وقام وسار عن منصور و خلاه منصدم من ردت فعل حمد ))
منصور (( واقف و هو فاج حلجه ... انا فحلم ولا علم .... اموووت واعرف شو الي غير اسلووب حمد .. و خلاها جي ))


..:: في فلة خليفه ::..

++ سلامه يالسه في الصاله .. وماحست الا عبيد مسوي غزو عليها وحضرتها من دون شيله ++

عبيد : غـــــــرشـــوب رعبووووب .. سلااااااام .. سلااااااام .. (( وماحس ألا سلامه أختفت شرات البرق ))
عبيد : الله يسكنهم في مساكنهم .. مينونه (( وسار صوب الصاله)) : سلااااااام ..سلاااام ..

++ وطلعت سلامه .. ++

سلامه : السلام عليكم ..
عبيد(( ويغني)) : سلاااااااااااااام .. سلااااااااااااااام .. غرشوب رعبوب ... والخصر منهوب .. والعود مياااااااااااااس (( وماحس ألا بالمخده اللي تضربه على ويهه ))
عبيد (( وميود المخده )) : عنـــبوه .. منو وين يانا هالقصف ؟؟
سلامه : من صداااام وأخوااااانه .. ههههههههه
عبيد (( ويصفق )) عشره على عشره .. ماشاءالله حافظه الدرس ..
سلامه : هيه طبعا ً .. ثرك شو بتعلمني غير هالرمسه الضايعه ..
عبيد (( ويفرها بالمخده )) : يالخاااااااااامه ..
سلامه : خل عنك السوالف .. وقول لي .. شو سويت في الأمتحاان اليوم ؟؟
عبيد : والله وحده حليتها صح .. ووحده أمممممممم بس كتبت قانونها والباقيات فاضياات .. وسلمت الورقه ..
سلامه : يا التيــــس .. جان أنا يالسه وياك ساعتين أفهمك ..
عبيد : روحي زين .. أنا أحمد ربي .. يوم قدرت أحل مسأله وحده ...
سلامه : والله يا عبـــود أن يبت دويره حمرا في الفيزيا لا أذبحك ..
عبيد : ههههههههههه .. ليش وليت أمري وانا ما أدري ؟؟ (( وقاام وطلع ))

((فبيت سيف ))
(( وعلى الساعه ثمان ))

((منصور توه راد من عند ربيعه زايد ... و فج باب الصاله بقوو ... لدرجة ان البنات فزن زايقات ))

ميثا (( ترمس منصور الي كان يركض على الدري و هو صاعد فوق )): الحمدالله و الشكر ... اشبلاك..؟؟
منصور : بدت مباراة الوحده و العين .... وانا لين الحين ما اعرف شو النتيجه

(( ما صدق منصوور ... يوصل شغل التلفزيوون لاكنه تم يدور الريمووت فالصاله))

منصور : وقته الحين ..... وين سار ؟؟؟.... افففففف

(( وكانت مهاري توها طالعه من الحجره و شاله الريموت فايدهها و مركبه عليه العرووسه ... اونه الريموت حصاان ))

منصور (( بصووت عالي )): مهاري تعالي
مهاري (( من سمعت صوت منصور زااقت ... حليلها البنت حساسه ... وتتكلم و هي زايقه .. والدمووع بدن يمتزرن فعيونها ...)) : هااا ... شو تبا..؟؟
منصور (( يصاارخ )): هاتي الريموت فقدت هالشيفه لج..

(( حدث ولا حرج ... يلست مهاري على الارض و فجت الوناان ))

منصور : هي نااقص صيااحج بعد إنتي الثاانيه ((وسار لين عندها .. و ير الريموت من ايدها ... وحط على قناة دبي الرياضيه .... وشااف النيجه ... العين : 3 .... الوحده : 1..
عاد هني منصوور عصب من الخاطر ... و خاصت (ن ) ... انه اليوم قال لحمد ان الوحده هي الي بتفوز ... و مهاري بعدها ما سكتت ...و من الغيض فر عليها كرتون الكلينكس ... و كانت ميثا و سلامه و هند صاعدات عشان يشوفن مهاري ليش قاعده اتصيح ... ))

ميثا : منصووور ... بلاااك إنت على البنت ....؟؟
(( منصور كان يالس على الكنبه ... وكل أماله انه الوحده تسجل هدفين )): افففف ... قومي عني لا...

((اجدمت سلامه من التلفزيون و شافت النتيجه و من الفرحه تمت اتناقز))

سلامه : يالله فديتهم .. بوزع حلاوه على فوزهم..

(( ومن شافت نضرة منصوور سكتت و يلست اتابع آخر 3 دقايق فالمباراة ... وطبعا انتهت المباراة بفوز العين على الوحده ...و دش منصور حجرته اونه يبا يرقد ......و بعد ساعتين و نص من انتهاء المباراة ... دخل حمد الحوي ... وكان يدقق هراانه ,,,وضارب اربع اشاير ... ومطول على المسجل و محطي غنية حمد العامري (( يا عاذلي ))...و فاج الدرايش ... و الحبيب مرتبش من الخاطر ... وكان يالس يحوط من بين الفلل ... و عبيد يالس يلحقه .. عشان يركب اويااه .. وطبعا حمد ما كان يدري به...ومن سمع منصور الحشره برع ...عرف انه حمد ...وطلع برع جداام بيتهم ... وانصدم من الموقف .. حمد كان موقف جدام بيت قوم منصور ... و الغنيه طاره الحوي طر ... ومطلع الخيزرانه .. و يالس يوول))

منصور : حووو ... انته نحن نبي نرقد..
حمد " وبنقمه ":: ونحن نبا نحتفل ...!!

(( اتقرب منصور من حمد ...و منصور يتكلم و حمد مسوله اكبر طااف
و قام منصور ومن العصبيه ورفس تاير الرنج ... عااد حمد كله ولا سيارته ....ما تهوون عليه...))

حمد (( ويضرب منصوور على ريله بالخيزرانه )): اييييييييييه .. يالهرم .... اشووفك ارفس التاير مره ثانيه..

(( ويرد منصور ويحط ايده على جامة الرنج من جداام ... عشان تنطبع اياديه ))
حمد : يالله يعلها الكسر .. خوزهاااا ..
..بس منصور يزيد.. عنااد في حمد..

(( سار حمد صووب منصوور و يره من كندورته من ورى بقوووو ....لدرجة ان العقم الي جداام انقصن ....وكان حمد في خاطره يضرب منصور ضرب من الغيض الي فيه......لكنه ما قدر لان عمهم خليفه طلع من فلته و كان ساير صوب امه ... .....وشافهم من بعيد .....))

خليفه (( بعصبيه )):حووو .. انتوا لثنينه ما تيووزوون..؟؟؟ يعني لازم دووم هالضراايب ... سود الله ويووهكم ...

((حمد من سمع صوت عمه دفر منصوور و ركب سيارته... و شخط ويييل و طلع ....لكنه اتفاجئ من عبيد الي متفيزر فالرنج ويالس يتعبث بالمسجل ... و بالفصوص الي جدامه ))

حمد : بسم الله انته شو يايبنك اهني..؟؟؟!!!
عبيد : اللللللللله .... اصدق الرنج مالك فنتكه... إنا بخلي إبويه يشتري لي شرااته
حمد : الله يغربلك خوز ايدك بتخربهن .. و بعدين انته كيف ركبت...؟؟!!
عبيد : والله... شفتك و انته مسوي مسيره انفراديه فالبيت ... و احليلي انا من شفتك تمييت اركض وراك جني ابي صدقه ...و استغليت نزوولك عشان ترقص اوو قصدي تيوول و عااد انا ركبت .. و بعديين شفت المصارعه الحــ
ويقاااطعه حمد : بااااااااااااااااااااااس ... عنبووو بالع راديو ولا شو؟؟
عبيد : ولاشو؟؟
حمد : سخيييف..
عبيد (( وأنتبه للمسيرة )) : الله مسيره دش دش فيها..
حمد : عافان الله .. ليكون اول مره اتشووف مسيره جدااامك ؟؟
عبيد (( ويستهبل )) : لالالالا .. تقريبا الساابع مرة ...

(( وعبيد كل ساعه يتحرك و يصد ورى و يوم يبي يفج الفتحة الي فووق .. حمد ما يخليه ))

حمد (( متغصص من عبيد ... اصلا هو ما يحب حد يركب و ييلس فسيارته )): حووو انته ايلس يلسه و حده ... عنبو طريت قرطااس السيت..
عبيد : إنزين خلاص لا تصييييييييح .. باجر بسير إركب لسياارتك غرطااس إيديد

(( و يقوم عبيد و ينزل الدريشه الي عدااله ))

حمد : اييييييه انته بدخل الغبار و الجراثيم فسيارتي...
عبيد : عنبوه هب سيااره من حديد .. إنا قمت إشك إنها من ذهب ..

(( وقاام عبيد وظهر من الدريشة ويلس على حاافة البااب ))

حمد : ايييه بتكسر الباب..
عبيد : يابويه إنته بلاك متوااكل .. جان إنكسر بركب لك غيره .. بس إطمن داامني إنا عليه ماأظن لإن إنا ريشه ...
حمد : ابى اسألك ... سعييد وينه اليووم عنك؟؟
عبيد : اوووف .... يعني انته لاااازم اتخرب وناستي.. وتذكرني بــ هالسعييييد ..

حمد : إنزين خل عنك سعيد .. وقووم إنزل وسكر الدريشه .. لا يدخل لغباار ..
عبيد : حشرتني ترااك ... يابووك بااجر بودي سياارتك القلعه العينااويه ماأدري بعد شو يسمونها وبخليهم يغسلوون لك سياارتك .. إنا دووم أودي الإكس فاايف وربي غسيلهم فناان ..
حمد : إتسويلهم دعاايه ... ولا شووووو..؟؟!!
عبيد : ولاشوو ..؟؟!! (( ويستهبل يبى يعرف حمد شو بيسوي )) أقولك أظهر من المسيره لايشحفوون لك سياارتك ..
حمد : هااا .. هيه والله صدقت ...
..:: وعبيد ماات عليه من الظحك ::..[/align]

 

 

  رد مع اقتباس
قديم 04-12-2009, 01:52 PM   رقم المشاركة : 7
3šђőǑő8t,ālain
~ • غـٍُالٌٍُيً حـًٍُِبًٍُِوبًٍِ • ~
 
الصورة الرمزية 3šђőǑő8t,ālain 





معلومات اضافية 
  النقاط : 615
  الجنس :
  الدولة :
  الحالة :
الرسالة الشخصية

التقييم

افتراضي

 

 

" اليوم الثااني "
" في بيت سالم السويدي"

" مايد يالس يطاالع التلفزيووون .... و عدااله نهياان يلعب ... و أمل توها نازله من فووووق ..."
امل : ميووودي
مايد " مندمج فالفلم ": من الأخــير لو سمحتي ..
امل " و تيلس عدااله " : ميوودي .. ابااك اتوديني السووق
مايد: نععععم ... خلفتج و نسيتج
امل : نسيتنيييي ؟؟!.... اصلا ما عااش الي ينسى امووووله الحلوه
مايد : وااااااااع ... من حلااااتج ...
امل : احلى عنك يا السبااال
مايد : لاااااااا ... تدرين كنت بوديج بس يووم قلتيلي يا السباال... هونت
امل : ميوووووديييي
مايد : سيري ...لاااااا
امل : حراام عليك
مايد :والله سيري ويا الدريول
امل : الدريول محد
مايد : عيل انا ما اقدر عقب اشوي بطلع ويا ربيعي
امل " و تقووم واقفه ": ماالت عليك .... ما منك منفعه .. " و تسير "
مايد " ويقلدها ": ما منك منفعه " ويعلي صووته عشاان تسمعه ": عيل انتي شوو من المنفعه الي تسوينها ... غير انج راافعه فوااتير التلفونات و الكهربااااا
أمل (( وتصد صوبه )) : والله يوم أنته اللي بتكون تدفع فوااتير التلفوناات والكهرباا .. تعاال وأرمس (( وساارت عنه فوق .. أما هو فيلس يتاابع الفلم ))

" في بيت سيف "
" كانت اليده فارشتلهاا حصير فنص الحوي و محطيه دلااال القهوه ... و التمر عدالهاااا ..... وشافوووها عبيد و حمدااان و ساروااا صووووبهاااا... و بعد ما حبوها على راسهااااا "
مريم " اليده ": حبتكم العاافيه .... شخبااركم .. عسااكم بخير؟؟
عبيد +حمداان : الحمدالله بخير و نعمه ...
عبيد :يدوووو ...
اليده:هلاااا
.عبيد :عيل امايه وينهااا ؟؟؟ غريبه ما اشوفها يالسه اويااج
اليده : امك روحت ويا حريم خواالك عند حرمه مربي ... تباها بشي
عبيد : لالا ... بس كنت اسألج ....سمعتي آخر نكته
اليده :لا ... قوول.. شوو عندك؟؟
عبيد : يقوولج مصري يغاازل خليجيه .. وقالها انا اعرف اتكلم اماراتي ... وانا بحب قاابوس بن زاايد آل الصبااح ... رئيس دولة الامارات ...و بحب امارة قطر الي تقع ما بين امارة ابوزبي و امارة راس الخيبه ... وووووو ... و نسيت التكمله
حمداان : امحق نكته ...انا احسن لي اسير اكشششششششششخ
عبيد : ليييييييش وين بتطلع ؟؟؟
حمداان : بروح ويا ربيعي الموول
عبيد : بسير ويااك..
حمداان : آآآسف ما اشل يهاال و يايه
عبيد :يهاال فعينك ... بسير ويااك ... والله انه ما عندي شغله ... الا يالس و يا البنات " و يأشر على يدته " .. ولا العيايز
اليده : عيزن ركبك قوول آمين .
عبيد :افاااا ... هاا .. حمداان شو قلت ؟؟؟
حمداان : كسرت خاطري ... خلاص يابووك بشلك ..
" وبعد ما طلع حمداان" ....
عبيد : قصبن من عينك بتشلني

" و بعد خمس دقايق .... كاان عبيد قاعد يلعب بمبايله "

عبيد : افففف ... ما صارت كشخه ... " و لتفت عبيد صووب يدته و شافها طايحه .. و احلااااااااام سعيده "
عبيد : اووو .... ثرها العيوووز ديايه .. من الحين راقده
" و سار صوبها و قعد يوعيها "
عبيد : يدوووو ... حوووو ..... و انا اقووول ليش فطوووم " امه " .. ارقاادها ثجيل ثرهااا طالعه على العيوووز
" و قااام عبيد ... و ساار صووب بيت عمه خليييفه ..."

.................................................. ..................

** يوم السبت **
** بيت محمد الرميثي **
** عبيد يالس فالصاله و يطالع فلم **

فاطمة وتوها يايه من المطبخ : عبووود ... عبووود .... عبوود و صمخ جلاااب
عبيد ** و من دوون نفس **: نعم
فاطمه: يا قليل الادب الحين في ولد ايرمس امه بهذي الطريقه
عبيد : و يصد صوبها و بابتسامه مصطنعه : خير الوالدة بغيتي شي
فاطمه : قووم و ازقر اخووك و اختك للغداا
عبيد : اففف ... آآسف انا هب بشكاار عندج
فاطمه : و فاجه عينها : ما عليه ياعبوود جاان ما سرت و خبرت عليك سعيد الحين
عبيد : روحي خبريه .. شو يعني
و تقوم فاطمه و تركب الدري عشان تزقر سعيد
عبيد : توج ما ترومين تركبين و الحين عشان يهزبني قمت و ركبتي
طنشته فاطمه
عبيد ** و هو خايف ** : اوويه الحين سعيد بيي يضربني .. و بيبرد حرة سيرته للكليه فيني .. احسلي اشرد بيت خوالي

... طلع عبيد ركض صووب سيارته و حركها حتى قبل ما تحر .. و شرد ...

**العصر**
**في حوي الفله **
فاطمه يالسه ويا امها و حريم خوانها و ميثا
فاطمه : ياكم اليوم عبوود
ميثا : هي انا اليوم شفته ففلة عمي خليفه..
فاطمه .. و تتنهد ..
اليده : ومن سمعت تنهيده فاطمه : هااا .. بعد شو مسوي هذي الطرشه..؟؟
فاطمه : و الله شو اقولج يا امايه .. هذا الولد مشيبني .. كل يووم يرفعلي الضغط ... اذا ما اضاارب ويا روضه .. يا صوبي و تم ايراددني جني بشكاره هب امه..
اليده : الله يهديه ... وانتي اشعنه ما تخبرين عليه سعيد احيده يزيغ منه..
فاطمه : تراني اليوم سرت اخبر سعيد .. و هو اتغافلنا و شرد..
اليده : ههههه .. دوااج.. ثره عارفلج هووو ...؟؟!
فاطمه ** فخاطرههااا **: ماجذب عبوود فيهاا يوم قاال خرفت ...

..:: وتمن يالساات يسولفن إلين المغرب ::..

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ


" و فنفس الوقت و الحوي "
" كان حمد و فارس يالسين فالحديقه على الجهه الثانيه.. طلع عبيد وحفر ويلاات في نص الحوي وظهر من البيت "

حمد : بسم الله شو بلاااه اخووك استخف..
فارس : اكيد اضارب و يا امايه و لا ويا العيوز...
" و تيهم مهره "
مهره : فرووسي .. رواضي تبااك...
حمد : ما شا الله الاخت ادلعكم بعد .. و انا ما ادلعني .... مهاري انا شووو اسمي..؟؟
مهره : انته ؟؟؟.... امممممممممم .. اسمك حمد..
حمد : لا و الله و ليش الكل ادلعهينه الا انا..؟؟؟
مهره : انزين بس عن لا تصيييح سو تباني اقوولك...؟؟
حمد : امم .. قوليلي حموودي...!!
مهره : انزين خلااص مره تانيه بقوولك حمودي ... " و تطاالع فارس " ... يا لي ما تستحي مرتك تبااك و انته بعدك يااالس..؟؟
حمد " و انفجر من الضحك " :هههههههه
فارس " و يوجه الكلااام حق حمد " : لا و الله عيبتك النكته..؟؟
حمد " و بعده يضحك " : هههههه واااايد؟؟
فارس : تصوور إيواهااا ...
حمد:" و عقب ما شااف انه فارس بدا يعصب " مهاري حبيبي هذي اخته مش مرته؟؟؟
مهره : و انا شو يعرفني ... اشوووفه هو كل يوم اييبها..
حمد : هههه ... يا الله يا المعرس قووم سير صوووب العروووس..
فارس " يقووم و يفر كرتون الكلينس على حمد : سخييييييييييييف!!
حمد : يا اخي شووو اسوي طاالع عليك..
فارس " و هو ساير صووب الفله " : جب

حمد " و بعد ما روح فارس ويا مهره " : هههه ... اونه مرته ههه...." و لمح ميثا من بعيد و هي سايره صووب المطبخ "... يا سلاااام و اخيرا شفنا الحلوه " و سار صوبها "

" في المطبخ "

" دش حمد المطبخ و كان يكح ... اونه غص بالبسكووت... جذبه مكشوفه حتى اليهال نادرا ما يغصون إبسكوت "
ميثا " فزت من سمعت حمد و هو يكح " : بسم الله خوفتني...
حمد " و يكح و بشكل متوااصل ... و ستوى و يهه احمر من زوود ما كح "
ميثا " و بخوف .... و تقترب منه ... " : حمد شفيييك ...." ما رد عليها و تم يكح .... و قامت عنه و سارت اتيبله ماي بسرعه "
حمد" و هو كاتم ضحكته على شكل ميثا و هي خايفه .. وخذ من عندهاا كوب المااي ويلس يشرب .. ويقوول في خااطره " أول مرة أحس إن للمااي طعم "
وضحك على عمره وهو يشرب المااي .. فــ شرق وظهر المااي كله من حلجه "

" و يدش عليهم فارس "

فارس " و يضرب حمد على ضهره بقوو " : صحه صحه يا الهرم .... انا من متى ادورك و ثرك انته هني تطبخ العشا " و يطالع ميثا " ... شو سويتي بالريال
ميثا " و تعطيه بالظهر " : بعد شو سويتله " و تكمل السويت "
حمد " و بعده يكح لكن على الخفيف " : بغت تذبحني بعيونها الحلوه اليوم..
ميثا " خلاااص القيج ارتفع عندها و خاطرها تذبح حمد لاكن هذي المره بسجين
فارس " حس فيها و حب يغير الموضوع " : حمود يالله تعاال واحد من الربع يتريانا فالميلس

.................................................. .............................

" ومر الاسبوع على السريع ..... اليوم هو يووم الخميس .... الي كل النااس فيه مستانسين الا عبيد ... لان اليووم بيوصل سعيد من الكليه "

عبيد " و يالس في الصااله " :افففف ... يعني هذا لااازم ايي من الكليه لو يكمل هالسنتين فالكليه وما ايي هب احسن..
فاطمه : عبووود يا الهرم ... الحين في حد ما يبى يشووف اخووه مدة سنتين
عبيد : هي انا ....
فاطمه : هب منك ... اتحيده يووم ايي ما ترووم اتسير تسترغد برع البيت
عبيد : ردت و قالت استرغد .... اقوول ليش هو ما ساار يدرس في الخارج و شلج ويااه وبجييه ضربنا عصفورين بحجر..
فاطمه " وتفره بفنياان القهوه .. بس زين انه طااح فثباانه ": ما عليه يا مسود الويه الحين هو بيي جاان ما خبرته عن سواايك الي ساكته عنها و عن رمستك هذي..
عبيد : إنزيييييييييييين عااد يوم بتشوفيني ياالس في البيت ..
فاطمة : جييييه .. ثرك وين بتسير ..؟؟
عبيد : عند إمج ثره في مكاان ثااني إسير له .. والله أنا أحس من قمت إجاابل إمج صبح ولليل حظي وقف ... حتى الإسهم هب راضياات يغيرن لونهن .. وعاشقاات اللون الإحمر ..
فااطمه : عبوود .. خل عنك هالرمسه وتإدب هذي يدتك ...
عبيد : وهاي هي المصيبه إنها يدتي .. يالله فديتج في ماان الله .. هيه وقولي لــ حمزووه إييييب ولدج من عند موااقف الباصاات ... (( وظهر ))..

 

 

  رد مع اقتباس
قديم 04-12-2009, 11:36 PM   رقم المشاركة : 8
мзйά_άŁωάғά❀
موقوف
 
الصورة الرمزية мзйά_άŁωάғά❀ 





معلومات اضافية 
  النقاط : 10
  الجنس :
  الدولة :
  الحالة :
الرسالة الشخصية

التقييم

افتراضي

 

 





مرحبَـا ملاييْنَ فـ ذمتيّـه ولا يسْدّن . .
يسْعدَ ليْ مسـَاج بـڪْلَ خيّر .





..[[تـَِωـلَِمـيَِنَ عَ الـِωـرقَِة الِـغَاويَِة..}ْ~

..[[ونـَِتَِـريَأآآآ الـωَِـرقَِات الـَِياَيـهـ يـَِالَِـدبـَِهـ..}ْ~!!!!

هَِـهَِـهَِـ .,..

تـَِحَِيِـاتَِي كَِشـوؤؤؤؤؤؤؤؤ

بِأي

:banana:
:eek:

 

 


التعديل الأخير تم بواسطة мзйά_άŁωάғά❀ ; 04-12-2009 الساعة 11:43 PM.
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
خاطرت قلبي و روحي ®{ابو هزاع}® الخواطر ماهي حبر في يـوف قرطاس 4 17-08-2010 02:43 PM
[مدمنه روحي.~][انحني للهٍ,[.~ мazџôôη Dέƒşн التصميم و الدروس 11 23-08-2009 01:33 PM
ياروح روحي وين باروح(رنه) شـﮱـۈؤטּـﮱـي...}~~ الهواتــف المتحركــة 30 28-05-2009 03:40 PM
حبك ملك روحي وتعلى واعتلى((احدرووو كشووخه بوح القصيد والخواطر 5 24-08-2008 04:15 PM
فداك روحي »شقآوي الفجيره« الخواطر ماهي حبر في يـوف قرطاس 10 27-03-2007 04:18 PM

الساعة الآن 02:22 PM.


Powered by vBulletin® Version 3.8.7
Copyright ©2000 - 2019, Jelsoft Enterprises Ltd