رمزيات بلاك بيري خدمة تفسير الأحلام تصميم مواقع وصفات طبخ أعلن معنا


العودة   منتديات فريج دبي > فريج أم سعيد > قصص وروايات > قلم رصاص يسرد روايات

قلم رصاص يسرد روايات يختص في طرح الروايات


آخر المشاركات المطروحة في منتديات فريج دبي .


أمشي على درب الهوى عكس قانونه

قلم رصاص يسرد روايات


إضافة رد
 
أدوات الموضوع
قديم 18-10-2009, 01:15 PM   رقم المشاركة : 9
M S . H A B L A ©
 
الصورة الرمزية M S . H A B L A © 





معلومات اضافية 
  النقاط : 11998
  الجنس :
  الدولة :
  الحالة :
الرسالة الشخصية

التقييم

افتراضي

 

 

أمشي على درب الهوى عكس قانونه
الجزء(6)

سهيل: ساروووه والله ما كنت أقصد وبعدين انتي بروحج رزة.. منو قالج شلي السماعة وارمسي؟
سارة: وأنا شدراني أني بسمع صوت هالخام.. والله لو كنت ترمس وحدة صج كان وايد أرحم
سهيل: خيييييييبة لهالدرجة أنتوا ما اطيقون بعض..
سارة وهي منصدمة..ما أطيقون بعض..يعني حارب يكرهني.. قعدت سارة تفكر في رمسة سهيل ووايد حز في خاطرها.. مع أنها تقول أنها تكرهه.. بس ما تعرف ليش حست بغصة
.................................................. .......................................
الكل وافق على الروحة بعد ما خبروهم سهيل وحارب..عن الرحلة
يوم الجمعة وبعد ما خلصوا صلاة الظهر انطلق الجميع للبر..
كانوا مجموعة كبيرة من السيايير..
أول سيارة: سيارة حارب وخالته ظبية والممرضة عسب تساعد ظبية إذا تعبت ولا شي.. وخاصة أنهم رح يقعدون في البر 3 أيام..
السيارة الثانية: سيارة أبو سهيل ومعاه أم سهيل والبشاكير
السيارة الثالثة: سيارة سهيل ومعاه سارة وشمة وشهد
السيارة الرابعة: سيارة ثاني وأمه
السيارة الخامسة: سيارة حامد وأمه وأخته شيماء
السيارة السادسة: سيارة سلطان ربيع حارب وسهيل ومعاه علي وسيف يعني الشباب الباجين
السيارة السابعة: سيارة أحمد وحصة<<<<<<<<<<< خطيبته يا خي كيفه
خخخخخخخخخخخخخ
السيارة الثامنة: سيارة نادر وهزاع ويا خواتهم ميسون وعلياء اللي أصرت سارة أنهم إيون ..
على فكرة هزاع ولد عم نادر
.................................................. ..................
وصل الكل الساعة 5 العصر، بعد ما هلكهم حارب وهم يمشون وراه عسب يحصل مكان بعيد شوي عن الشباب
وأخيرا وصلوا ...ونزل الكل..وراحوا الشباب ينصبون الخيام
طبعا كانوا ثلاث خيام..وحدة للشباب والثانية للحريم والثالثة للبنات..عسب يسهرون يعني.
في الوقت اللي كان الشباب فيه مشغولين بنصب الخيام تيمعوا البنات عسب يجمعون خشب حق النار..
سارة: ياااااااي الجو عجيييييييب
حصة: هي والله.. بصراحة أنا طايرة من الوناسة
سارة وهي تغمز: لازم حبيبتي..... طول الطريج وأنتي ويا روميو مالج..
البنات: هههههههههههه
علياء: يا حظج حصوه..حصلتي لج واحد.. الدور علينا الحينة
ميسون وهي تضرب علياء على جتفها: والله انج ما تستحين
علياء: شفيها يعني... بعدين هذي سنة الحياة
( المعروف عن علياء أنها دايما تحب تسولف وتستهبل.. لكنها وايد حبوبة وجميلة بعد)
علياء : حصوه..ما عندج حد أدزيه صوبي
حصة: أفا عليج.. خلاص علوي حقج..وتصد صوب سارة: صح أن في واحد غيره بس هذاك محجوز حق بعض الناس
سارة وعرفت منو تقصد: يخسي الا هو... والله لو كان آخر ريال في الدنيا ما خذيته
علياء: نفسي أعرف شي واحد انتي ليش ما تحبينه؟
سارة: وليش أحبه بالأساس..ما يهمني بس جذي
حصة: انزين ما علي ساروه..وتقرب من سارة: دخيلج بس شوفيه... والله أنه عذاب
حارب كان لابس برمودا بيج على بدي سماوي وحاط نظارته الشمسية على راسه..
سارة وهي تصد عسب تشوفه في هاللحظة رفع حارب عينه وطاحت في عيون سارة اللي تيبست من شافته وما قدرت تشل عينها منه...

"شفتـــــك شفتك قلبي رجف صبري ضعف...شفتك يالهفة خاطري لوني تغير وانخطف..الكلمه انطقها وترد..حتى الكلام طعمه اختلف...وانا في صمتي اقول الله يا زين الصدف...حالتي يا حالتي عيت الخطوه تطول..خاطري ولهفتي امروني بالوقوف...حاولت اصبر واداري الشوق تحت رمشي..حاولت اصبر واصد عنك انا وامشي...قضيت الوقت في حيره وصمت"

أما حارب فتضاربت مشاعره في هاللحظة مشاعر حب على احتقار على كره على عطف.. بس قطع تفكيره صوت سهيل..
سهيل: ها..طحنا عليك ..فمنو سرحان؟
حارب وهو مرتبك يتحرى سهيل كان يشوفه: هاا؟ بلاك؟
سهيل: الحين أنا اللي بلاني وألا أنت؟أعترف منو اللي طيحك من الغرشوبات اللي ويانا؟
حارب: اسكت فضحتنا الله يخس ابليسك.. الحين بسمعك نادر ولا هزاع والله لا يشلخونك خخخخخخخخخ
سهيل: هي هي هي.. تنكت حضرتك.. المهم أنا غرشوبي بعيد عن هذيلا... بس حبيت أحذرك لا يكون تحط عينك عليها...
في هاللحظة تطمن حارب أن سهيل أخو سارة بس ما يدري ليش...
حارب: ومنو هذي اللي خشعتك؟
سهيل: آاااااااااااااااااااااااه شيمااا
حارب: هههههههههاااااااااااااااااااااااااي.. أخت حامد؟
سهيل: وطي صوتك الله يخسك .. الحين بسمعك حامد
حارب: هههههههااااااااااااااااي.. والله وطلعت هب سهل يا سهول هههههاااااااااااي
سهيل: طب السالفة طبك الله.. أنا شو اللي خلاني أقولك؟
حارب: انزين ما علي يا سهول جان ما فضحتك
سهيل : حارب جب خلاص عيب عليك
بس حارب ما صدق يمسك شي على سهيل وقعد يضحك عليه وبصوت عالي والكل انتبه لهم.. بس سهيل ما قدر يمسك عمره وفول من حركات حارب وقام يبي يضربه بس حارب كان أسرع منه وركض.. وقام سهيل يركض وراه.. الكل قام يطالعهم وهم ميتين ضحك عليهم
حارب وهو قاعد يراكض ..بس ما حس بعمره وين يسير لأن المكان كان محدود ومن غير لا يحس ركض صوب البنات..
سارة اللي كانت مشغولة بجمع الخشب ويا البنات سمعت سهيل يزقرها..
سهيل وهو يصارخ: سااااااااااااااااااارووووووووووووووووووووووووووووه .. دخيلج امسكيه دخيييييلج
سارة: بلاه سهيل يصارخ وبعدين امسك منو؟
شيما: سارة شوفي هناك.. سهيل شكله يركض ويا حد بس ما عرف منو؟
صدت سارة تشوف ورى مكان ما شيما تأشر عسب تشوف منو يراكض ويا سهيل بس كانت متأخرة لأن حارب صار جريب وايد وما حست بعمرها الا وهي تفر الخشب من ايدها ومسكت حارب من طرف قميصه اللي تعثر وما قدر يكمل ركيض.. وطاح عالأرض
حارب وهو يحاول يلقط أنفاسه ويرفع راسه عسب يشوف منو اللي يوده.. كانت الصدمة واضحة على حارب لما شاف سارة هي اللي مسكته..

عيونك توحي بضعفك .. كلامك .. والحواس الخمس
شفاتك ترتعش .. رمشك ، سكوتــــك أتلف أعصابك

في هالحظة سارة كانت في عالم ثاني.. أول مرة تحس أن حارب جريب منها هالكثر.. كان شعره الطويل مبعثر على ويهه من كثر الركيض كان جذااب بشكل فظيع..
سارة وهي صج مفتشلة وما تعرف ليش سوت جذي وشو اللي خلاها تمسكه..
حارب وهو حاس أنها استحت فقد يضحك عليها: ههههههههههههههههههههههههااااااااااااااااااي يوم انتي هب قد هالحركة ليش تسوينها؟
خلاص عصبت سارة .. كانت بترد بس لما وصل سهيل سكتت وما قدرت ترد..
سهيل وهو يمسك حارب ويطيح عليه: أخيرا مسكتك يالخام
حارب: هههههههااااااااي أصلا انت كنت بتموت ولا تمسكني يالبوتنبة.. بس كل من هذي الرزة ساروووووووووه... غصب ألا تلعب ويانا
سارة: ما شي شغلة العب وياك شو؟ أصلا أنا كنت العب ويا سهول حبيبي
انقهر حارب من سارة لما قالت حبيبي مع أنه شي عادي..
سهيل: أيوااااا سكتوه والله عاشت ساروه .. أصلا أنت محد يجلع عينك غيرها
حارب: سيري سيري يمعي خشب سيري.. والله تخسي هاي تجلع عيني أنا
سهيل: سارة الحقي.. قاعد يغلط ترى؟
سارة: والله أنا هب فايجة أضيع وقتي ويا..... وضحكت باستهزاء خلت حارب يفوووور دمه...هههاااااااااااااي.. وراحت عنهم
سهيل وفي ضحكة بس ميود عمره لأنه كان زايغ من ردة فعل حارب لأنه حس بأنه معصب..
حارب وبصوت عالي: بالطقاااااااااااااق وبعدين لو سمحتي لا ترزين فيسج مرة ثانية سمعتي..وصد صوب سهيل: وأنت قوم من فوقي بعد.. شو تتحرى عمرك؟ مثل الفنطاس غادي
سهيل: هذي عضلات بابا.. شو دراك أنت بالرشاقة..
حارب وهو يوقف وعينه صوب ما روحت سارة : اقول قم بس قم بسك خريط
.................................................. .......................
بعد ما ردت سارة للبنات .. الحين منو يفكها منهن ومن حشرتهن..
حصة: أقوووووووووووووووول
عليا + شيما + ميسون: قوووووووووووووووولي
حصة: في ناس أونهم أونهم ها..قالوا أنهم يكرهونهم وقبل شوي قاعدين يلعبون ويا بعض.. حد يفهمني شو السالفة؟
سارة وهي قافطة ومنزلة راسها..
عليا: اقولج منكر
ميسون: أقولكم كنا قاعدين أنا وسارة نجمع الخشب .. وشوي التفت ما حصلتها وينها يا ربي وينها..الحبيبة ظهرت عند حبيب القلب
الكل: ههههههههههههههههههههه
سارة: إذا ما سكتوا ترى والله ازعل عليكم
شيما: بس حرام عليكم.. ترى ما أرضى حق ساروه
ابتسمت سارة ابتسامة باهته حق شيما عقب نزلت راسها وسارت صوب عرقوب بعيد عنهم شوي..
هني حسن البنات أن سارة فيها شي.. وأنهم مصخوها... بس حصة قالت: عادي شفيكم هذي سارة تعرف أن نحن قاعدين نتمصخر بس .. عادي عادي..take it easy عقب أنا بتفاهم وياها
وردوا وكملوا شغلهم
.................................................. ..........
الساعة 22’9مساء.. في خيمة الرياييل..
سيف قاعد يلعب بلاي ستيشن ويا سهيل اللي كله يخسر.. حامد قاعد ويا حارب و هزاع وسلطان يلعبون ورقة... ثاني يلعب ويا شمه وشهد خواته مع علي برع الخيمة..والشواب راقدين..
هزاع: لا لا ما يصير
حامد: شو ما يصير كيفك شو؟
حارب: حامد لا تقعد تتمصخر لا أهفك بكف الحينة
(حامد طول الوقت قاعد يغش)
حامد: خخخخخخخخخخخ
سلطان: يا أخي جان بتلعبون العبوا مثل الناس.. والا أنا هب لاعب
حامد: خلاص خلاص.. خل نعيد من أول
وعادوا اللعبة من أول وهالمرة غمز حامد حق سلطان عسب يغشون ويا بعض..
حارب: شو السالفة؟
هزاع وهو يحك راسه وحاس أن السالفة فيها إن : بلاك حروب؟
حارب ويصد صوب سلطان: اصطلب
سلطان وهو ناقع ضحك بس ميود عمره: جي بوي .. شو شايفني.. صايع عسب اصطلب
هزاع: أنا شاك بحامد
حامد ويسوي عمره هب فاهم شي: يا أخي انتوا شفيكم حاطين علي اليوم.. إن بعض الظن إثم
حارب: وين الجوكر؟
سلطان وهو يطالع حامد: وأنا شدراني
حامد ونزل راسه وقعد يضحك شوي شوي عسب محد ينتبه له
حارب: شوفوا واحد منكم يطلع الجوكر
سلطان اللي انتهز الفرصة وخش الجوكر تحت هزاع: لو هب مصدقنا فتشنا
هزاع وشكله مل: يا أخي شو ها مصخرة شو..طلعوا الجوكر بسرعة
حارب: حامد طلعه
حامد: والله ما عندي
حارب وهو يصد صوب سلطان: وأنت؟
سلطان وهو يضحك: أقولك هب عندي
هزاع وبدى يصارخ: يعني وين سار ؟ طار يعني.. ويقوم من عندهم وهو مفول.. وطلع الجوكر تحته..
سلطان ويسوي نفسه مصدوم: الحقوووووووووا.. طلع الأخ خاشنه
هزاع وهو منصدم: لا والله
حارب: توك تصارخ وحالتك حالته وأنا ياحليلي صدقتك بعد
هزاع وحس أنه مقلب من حامد وسلطان اللي كانوا ناقعين ضحك.. وهجم عليهم وقعد يضربهم وهو يتمصخر طبعا.
.................................................. ....
برع الخيمة:
كانوا شهد وشمه يلعبون بالرمل جريب من علي وثاني:
علي: بررد
ثاني: يعني
شمة: ثاني ثوف لثمتي هلوة سح؟(شوف رسمتي حلوة صح؟)
ثاني ومن دون ما يطالع: هي هي حلوة
علي: انزين شوفها بالأول حرام عليك
ثاني: يا أخي هذيلا ما ينعطون ويه... الحين بتشوف شو أقصد..
وشوي أطب عليهم شهد: ثاااني رثمتي أنا أهلى..من رثمة ثموه ثح؟( ثاني رسمتي أنا أحلى من رسمة شموه صح؟)
ثاني: ما قلت لك.. الحين منو يفكنا
علي: ههههههه هي حبيبي حلوة بعد مالج حتى مال شموه حلوة
شهد: لااااااااا مالي بس هلوة
ثاني: يوم اقولك.. منو بفكك الحينة وشوي يقوم ثاني ويشل شهد وشمة: يلا بابا كش كش رقاد يلا يلا..
.................................................. ........
الساعة 4,9 الفجر..
نشت من رقادها أو بالأصح ما رقدت طول الليل وهي تفكر بكل اللي استوى..
ظهرت من الخيمة شوي شوي من دون ما أحد يحس بها وتوجهت صوب عرقوب جريب من الخيمة وقعدت تلعب بالرمل..
وفجأة..
: صباح الخير
حست برجفة في جسمها كله" يا ربي انا الحين منو قالي أظهر من الخيمة عنلاتي من قرادتي"..
شيما: صـ..صباح النور
سهيل وهو يستهبل : شيما صح؟
شيما وهي تبتسم ابتسامة رقيقة ذوبت سهيل: هي

أفضى وكلمني سمعني بس صوتك***لو هي دقيقة وبس من وقتك الغالي
عطني مساحة حب أتعبني سكوتك***خلي أعتبريني شي يعنيك بالتالي
ضيعتني بصمتك ...توهتني بصمتي***مدري متى الفرصة اتحقق آمالي
يكفي غيابك طال وأنا أنتظر وقتي***ليتك تخليني أشكي لك أحوالي
قول لي متى بسمع صوتك يداعبني***يملا علي الكون...ياحالي ومالي
أرجوك أوعدني وأعكس لي الحاصل***واللي بدينا به خليه بالتالي
أفضى وكلمني..خلينا نتواصل***لو مره في يومك من وقتك الغالي
(كلمات الشاعر عبدالله بن شماء(

سهيل اللي كان سهران طول الليل لأنه ما كان راقد أصلا لأنه ما متعود على المكان: ممكن أعرف شو اللي مسهرنج؟
شيما: ما ادري يمكن هب متعودة حق المكان
سهيل: حتى أنا تصدقين..
شيما و نزلت راسها من المستحى فاستغل سهيل الفرصة وقعد يتأملها..
سهيل: الحين هذا حامد أخوج؟
شيا ورفعت راسها: ليش يعني ؟
سهيل: هههه بلاج زغتي بس أقول مستحيل هالغزال أخو هذا الخام حامد
شيما وتلون ويها بألوان قوس قزح: حرام عليك ترى ما أرضى على أخوي
سهيل: لو سمحتي أنا اللي ما أرضى ترى أغار
شيما وخلاص هب قادرة تستحمل أكثر: أ..أنا بدش داخل
سهيل: يلا عاد قعدي خلينا نسولف
شيما: أخاف ينش أحد ويشوفنا
سهيل: ويعني عادي
شيما: لا والله وبصفتك شو عسب عادي ترمس وياي؟
سهيل وهو يبتسم ويغمز: بصفتي عريس المستقبل يا حلو
هني ما قدرت شيما تتحمل زيادة على طول شلت بعمرها ودشت داخل
.................................................. ........
دشت شيما الخيمة وهي تحمد ربها أن محد شافها ويا سهيل بس في نفس الوقت كانت طايرة من الفرحة.. آاخ يا سهيل والله إني أحبك... فديتك والله
سارة كانت توها ناشة من الرقاد سارت صوبها وقعدت تكلمها بصوت واطي عسب ما تزعج الراقدين..
سارة وهي ترتب شعرها المبعثر على ويها: أذن؟
شيما: لا وين توا الناس باجي نص ساعة.
سارة: أها.. بتيين وياي نظهر برع؟
شيما وخافت أنها تشوف سهيل مرة ثانية: لا لا بقعد هني
سارة وهي تلبس الوقاية: كيفج، وظهرت.
وسارت صوب المغاسل عسب تتغسل وبعدها فكرت تمر حق الخالة ظبية تطمن عليها..
سارة انصدمت يوم دشت الخيمة كان ودها تظهر بس وين بعد ما شافها الكل..
كان حارب منسدح على ريول خالته اللي كانت قاعدة تقرا قرآن..
حارب اللي اعتدل أول ما شاف سارة وابتسم ابتسامة استهزاء..
حست سارة ببتسامة حارب بس سوت له طاف..
ظبية: حياج يما سارة.. اقربي
سارة وهي مرتبكة من نظرات حارب اللي ما شل عينه من فوقها" يعلك عيونك تنشل": سوري خالوه بس أنا ما كنت أد..
ويقاطعها حارب: خلاص انزييييين الحين بتقعد تحشرنا كنت وما كنت
سارة اللي انقهرت منه بس ردت عليه خالته: بلاك حروب عالبنية؟
سارة: هي والله يا خالوه دومه حاط علي
حارب وهو يبتسم بخبث وينزل راسه
ظبية: لا يا حروب ترى ما أرضى على سارة الغالية
حارب: أفااااا الحين ساروه الغالية.. وأنا؟
سارة وبكل دلع: انت ما شي أنا الغالية وبس سمعت
حارب اللي حس بشي غريب تجاه سارة: احلفي انتي بس
ظبية: بس انت وياها.... شفيكم يما كله تتخانقون...
سارة: كله منه خالوه.. دومه يلعوز فيني
حارب: ههههههههه يهالو
ظبية: خلاص حارب، وبعدين انت شو مقعدنك للحين، قم يلا الحين بأذن سير توظأ وخلي الباجين ينشون
حارب والود وده ما يظهر بس شو يسوي: إن شاء الله خالوه.. ويبوسها فوق راسها وقبل لا يظهر جرب من سارة وهمس: لهالدرجة مشتاقين حقنا.... حشى تونا يالله بصباح الخير...
سارة وهي ماتت من المستحى : جب انزين
حارب مات من قالته جب وبكل دلع
ظبية: حروب انت للحين هني شو؟
حارب وهو يربع برع وعيونه على سارة: ظاهر ظاهر..
.................................................. ....
الساعة 8’11 الكل كان ناش..
كانن الحريم فارشين لهن برع الخيمة عسب الجو كان رووعة..
ومجابلتنهم خيمة الرياييل والشباب اللي كانوا ميتين على البنات
<<<<<<<<<<الله يعين بس
صوب الرياييل كانوا الشواب قاعدين يرمسون الشباب عن سوالف زمان أول..
أبو سهيل: الله يرحم ذيج الأيام والله أنها كانت غير
أبو علي: آاااااه صدقك والله، للحين وأنا اذكرها
حارب: هي والله
سهيل: طاعوا هذا أنتوا الحين بسوي عمره فهيم... انت شدراك بحياة أول؟
حارب: أونك الحين بتقول أن ما تذكر من حياة أول شي؟
سهيل: من كبري يعني عسب اذكر... أنا أمس شو ماكل ما اذكر
أبو علي : وين أيام قبل ووين الحين؟ خلوها على الله بس
علي: اقول عمي انت كيف تعرفت على خالوه أم سهيل؟ تراني سمعت رمسة وأبا أتأكد..
سهيل: واااااااااااااابويي الشيخ غدى احمر... لا لا ما يصير جذه علي بلا فشلت الريال..
أبو سهيل : ههههههههههه انت ما تيوز
ثاني: عمي.. لا تغير السالفة قول نبي نعرف السالفة
رفع أبو سهيل راسه يطالع صوب أم سهيل اللي استحت يوم طاحت عينه في عينها وشكلها حست أنهم يرمسون عنها..
أبو سهيل: الله يسلمكم كنت أنا هذاك اليوم طالع البحر كنت توني 19 سنة.. طرشني أبويا اييب شي وأرد البحر.. وأنا داش البيت حصلت وحدة في الحوش .. عاد أنا قلت يمكن هذي عمتكم سهيلة.. وجربت منها عسب أتأكد ويوم صدت تقولون غزاااااال واقف يمي.. تيبست مكاني هب عارف شو أسوي.... ومن هذاك اليوم وأنا الليل ما أرقده.. وعلى طول رسمت أمي وأبويا عسب يخطبونها لي.. وبعد شهر تقريبا استوى العرس..
ثاني وهو منصدم : يعني لما عرست كان عمرك 19؟
أبو علي: ههههههههه بلاك مستغرب يعني.. الواحد من يصير ريال خلاص ماله غير الحرمة
سهيل: عيل أمايا جم عمرها كان؟
علي: على ما أعتقد 10
الكل: ههههههههههههههههههههه
أبو سهيل: عيل أنتوا أشوا تتحرون.. يوم أقولكم زمان أول غير
سهيل: خلاص عيل أنا من باجر أبي أعرس
حارب: الله يعييييييييين
أحمد: شنو شنو لا يبا محد يعرس قبلي
سهيل: شووووو ما أدري منو الأكبر أنا ولا أنت؟
أحمد: ما يخصني.. أنا صارلي سنة من خطبت
سهيل: ونحن شو يخصنا .. مشكلتكم
وقعدوا يتهاوشووون والكل قاعد يضحك عليهم
حارب: لا الحبايب خشعتهم سوالف الشواب
حامد: صدقهم انزين.. ترى حتى أنا مليت من العزوبية شكلي بعرس وياهم
ثاني: وأنا تخلوني عزابي بروحي شو..
حامد: خلاص عيل انظم حقنا خخخخخخخخخخخخخ
حارب وهو يقوم عنهم: لا بالله كدينا خير
وظهر حارب برع وقعد يتمشى بروحة.. وشوي يرن موبايله..
حارب: هلا
سعاد: هلا فيك حبيبي.. شحالك؟
حارب: تمام
سعاد: حبيبي وينك البارحة عيزت وأنا أدق بس محد يرد
حارب: ما ادري شكله كان مفضي
سعاد: انزين متى بترد تولهت عليك.. ابي أشوفك
حارب: والله شكلنا بعد يومين إن شاء الله
سعاد: هاليومين عندي جنهم سنتين
حارب: هالكثر أنا غالي؟
سعاد: وأكثر بعد
حارب: تحبيني؟
سعاد: وأنت للحين تسأل.. أنا ما أحبك وبس أنا أمووووووووووووووت عليك.. تعرف شو يعني أموت عليك؟ لو تطلب روحي عطيتك.. أصلا انت روحي وقلبي وكلي
حارب: بل بل بل هالكثر أنا غالي وما أدري؟
حارب دايما يحب يتفلسف على سعاد مع أنها تعيد هالرمسة في كل مكالمة وطبعا حارب صار روتين ممل عنده..
.................................................. ............
ثاني كان ظاهر من الخيمة عسب يلعب ويا شهد وشمة..
ثاني: شهودة وين شموه؟
شهد: أند كالوه ميثون..(عند خالوه ميسون)
ثاني وشكله ما فهم شي: شو؟
وشوي تجرب منهم ميسون وهي شايلة شمة بس ما كانت منتبهه حق ثاني..وانصدمت لما شافته.. هي كانت دايما تتغشى بس الحين خلاص فضيحة ما تروم بس ما شافها..
ثاني وهو مبحلق قي القمر اللي ياي صوبه: شحالج أختيه.
ميسون وبكل رقة: يسرك الحال
ثاني: أكيد شمة خبلت فيج
ميسون : لا والله فديتها وايد حبوبة
ثاني " انتي اللي حبوبة وتجننييييين" ...
شهد: ينااااااااااااا نبي نلأب(يلا نبي نلعب)
ثاني ولا انتبه حق شهد: شرايج تيين وياي؟
ميسون: نعم؟
ثاني وانتبه حق الكلام اللي يقوله: أقصد ويانا.. هي تيين ويانا أنا وشهد وشمة
شمة: هي خالوه تآلي ويانا
ميسون: خلاص عشان خاطر عيون شمة بيي
ثاني" وااااااااااااااااااااي فديت شموه مالج أنا".....
وروحوا يلعبون ويا بعض بعد ما استأذنت ميسون من أمها..
.................................................. ..............
بعد يومين الكل رد بيته .. بعد ما قضوا وقت رائع ما رح ينسونه أبدا
سارة اللي وايد تعمقت علاقتها مع شيما وميسون وعليا
سهيل اللي بدى يميل لشيما
ثاني اللي حط ميسون في باله
أحمد وحصة اللي قرروا يعرسون بأقرب وقت ممكن بعد ما حست حصة أخيرا أنها مستعدة للزواج، والتوفيق بين دراستها.. يعني عادي بتتزوج وبنفس الوقت بتكمل دراستها
وأخيرا حامد اللي يموت في سارة اللي ما تعرف شي عن مشاعره صوبها
أما حارب ... للحين ما سكن حد قلبه<<<<<<<<<بس لين متى. ؟؟. الله وأعلم
.................................................. ....

 

 

 لِنگُن أرواح -[ رآقيَہ . .
نحٺرم ذآٺنا ، و نحٺرم الغير !
عندمآ نٺحدّث ، نٺحدّث بـ عُمق ،
نطلب بـ أدب ، نشّگر بـِ ذوق !
. . ونعٺذر بـِ صِدق

  رد مع اقتباس
قديم 18-10-2009, 01:18 PM   رقم المشاركة : 10
M S . H A B L A ©
 
الصورة الرمزية M S . H A B L A © 





معلومات اضافية 
  النقاط : 11998
  الجنس :
  الدولة :
  الحالة :
الرسالة الشخصية

التقييم

افتراضي

 

 

أمشي على درب الهوى عكس قانونه
الجزء (7)

بعد يومين الكل رد بيته .. بعد ما قضوا وقت رائع ما رح ينسونه أبدا
سارة اللي وايد تعمقت علاقتها مع شيما وميسون وعليا
سهيل اللي بدى يميل لشيما
ثاني اللي حط ميسون في باله
أحمد وحصة اللي قرروا يعرسون بأقرب وقت ممكن بعد ما حست حصة أخيرا أنها مستعدة للزواج، والتوفيق بين دراستها.. يعني عادي بتتزوج وبنفس الوقت بتكمل دراستها
وأخيرا حامد اللي يموت في سارة اللي ما تعرف شي عن مشاعره صوبها
أما حارب ... للحين ما سكن حد قلبه<<<<<<<<<بس لين متى. ؟؟. الله وأعلم
.................................................. ....
.................................................. ....
بعد شهر من الأحداث السابقة..

بدت الدوامات والكل انشغل..بدواماته
سارة وحصة وربعهن في الجامعة
حارب وسهيل بدوا يشتغلون في احدى الشركات اللي كانت هدية من أبو علي وكتبها باسمهم ..
.................................................. ..............
في الجامعة
سارة قاعدة مع شيما وعليا..
شيما: افففففففف
عليا: بلاج شيوم تتأففين؟
شيما: والله تعبت من المشاريع والواجبات.. من أولها جذه
سارة: ههههههه انتي وبعدج أول سنة وتتأففين عيل أنا شقول؟
عليا: بس أنا عادي عندي أهم شي أظهر من البيت وأغير جو
شيما: لا والله عيل منو يكتب واجباتج؟
عليا: عادي take it easy وبعدين اللي يبي الصلاة ما تفوته...
من صوب ثاني حصة وميسون توهن ظاهرات من الكلاس ويا بعض..
حصة + ميسون: السلام عليكن
الكل: وعليكن السلام
سارة: يلا استأذن.. عندي محاضرة .. وروحت عنهم أما الباجي ساروا صوب الكافيتيريا..
الساعة 1,8 الظهر.. الكل خلص محاضراته تقريبا..
حصة: سمحولي يا جماعة أحمد واقفني برع
عليا: يا حظج والله
حصة وهي تبتسم: يلا بااااااااي.. وروحت عنهن
ميسون: علييوه منو بييج؟
عليا: نادر..ليش؟
ميسون: شكلي برد وياج لأن هزاع دق لي وقال أنه مشغول
شيما وهي تعدل شيلتها وتتغشى وتوقف: أوكي بنات ..حامد وصل.. أشوفكم باجر
الكل: بااااي
تمن سارة وعليا وميسون.. وعسب يقضون الوقت قعدوا يسولفون ويتمصخرون حق بعض.. وشوي وصل سهيل...
سارة وهي توقف: أخيرا يا سهيل
عليا: يعني مليتي منا
ميسون: شكلها
سارة: أفاااا بس والله الشمس حرقتني.. يلا باي
عليا+ميسون: بايات
ركبت سارة السيارة بس انصدمت أنها هب الوحيدة اللي في السيارة...
سارة وبدون نفس: السلام عليكم
الكل: وعليكم السلام
سارة وأونها معصبة:سهيل.. بلاك تأخرت علي؟
سهيل: والله هب شغلي كله من هذا الأخ
سارة وهي للحين تتحرطم: كل ربعي روحوا قبلي ألا أنا.. ما اتخيل أقعد بروحي
سهيل: يالله عاد اللي يسمعج يقول انج في الصحراء.. مو جنج وسط البلاد وكلها أمان
سارة وهي تصارخ: يا سلام يعني عادي عندك
سهيل وهو يطالع سارة في المنظرة الأمامية وشكله فول من حركاتها: ساروه... بس
سارة: وتصارخ علي بعد
سهيل: الله يطولج يا روح.. انتي شفيج اليوم لا هب طبيعية
سارة: قلت لك ما أحب أقعد بروحي
حارب وهو يبتسم باستهزاء: هههههههه ياحليلها يهالو تزيغ تقعد لحالها
سارة وهي تصارخ حتى هي نفسها ما عرفت ليش سوت جذه: أنت آخر واحد ترمس. أصلا كل اللي صار من سبتك
سهيل وهو يضرب بريك : جاااااااااااااااااب احشمي الريال على الأقل
حارب وهو يفتح باب السيارة: هذي وين تعرف الحشيمة الله يخليك.. خلها على الله بس
سهيل: حارب.. وين ساير؟
حارب وهو يصد صوب سارة: أصلا انتي من أول ما ركبتي السيارة وأنتي حاطة علي بس والله تراني كنت ساكت عسب سهيل وإلا لا تتحريني ما رمست عسب سواد عيونج ويسكر باب السيارة بكل قوته
سهيل وهو ينزل من السيارة ويحاول يلحق حارب..
في هالوقت سارة كانت دموعها ممتزرات في عيونها..أنا ليش سويت جذه.. لييييييييييييش؟؟؟؟؟ ما ادري ليش عصبت.. أصلا السالفة ما تستاهل.. آاااااااااااااه الحين وين أودي ويهي عن سهيل.. وفرت ويها صوب سهيل وحارب ولقتهم قاعدين يرمسون ولاااااا المصيبة حارب قاعد يضحك ولا جنة سوا شي.. آااااااااخ يا القهر.. أحر ما عندي أبرد ما عندة..
وشوي ركب سهيل السيارة بس بدون حارب طبعا.. مثل ما تعرفون حارب عنيد وراسه يابس حتى سهيل ما قدر يقنعه بأنه يرجع..
في السيارة..
السكوت كان سيد الموقف
حست سارة أن سهيل كان زعلان منها بس طنشت
وتموا ساكتين الين ما وصوا البيت..نزلت سارة على طول ودشت حجرتها..
أخذت شور عالسريع وصلت وعقبها رقدت
.................................................. ......................
في بيت أم سلطان
أم سلطان وهي تنادي بصوت عالي: سعاد يما سعاد وينج؟
وشوي تنزل سعاد من فوق وهي بكامل أناقتها: ها يما
أم سلطان: وينج.. عيزت وأنا ازقرج بس ما تردين
سعاد وهي تقرب من أمها وتبوسها: سوري يما بس كنت داخل الحمام (تكرمون) عسب جذه ما سمعتج
" طبعا عرفتوا منو هي سعاد.. اللي ترمس حارب.. والغريبة أنها أخت سلطان ربيعه بس ما يدري حارب بهاشي.. رغم أن سعاد من هالبنات اللي يرمسون شباب في التليفون لكن عمرها ما رمست حد غير حارب وهي تحبه من كل قلبها.. وطبعا مثل ما قلتلكم حارب مو مسويلها أي سااااالفة، أما عن حياتها الإجتماعية فهي بنت مطيعة تحب أمها وأخوها الوحيد سلطان اللي تعتبره شرات أبوها الله يرحمه.. يمكن تستغربون من أنها ترمس حارب مع كل هالصفات الحلوة اللي تتميز بها.. بس حارب سحرها.. ويمكن الشيطان قص عليها فكانت لحظة ضعف منها.. وهي حاطة آمال أنها تتزوج بحارب اللي ما يفكر بالزواج خير شر لا منها ولا من غيرها.. بس طبعا منها من سابع المستحيلات.."
سلطان وهو توا ياي من برع: السلام عليكم
أم سلطان + سعاد: وعليكم السلام
أم سلطان: ها يما شو سويت اليوم في شغلك..؟
سلطان وهو يعق سفرته: والله الحمد الله.. كل شي تمام
سعاد: يا حظكم أنتوا الشباب على طول تشتغلون.. هب مثل حظنا نحن البنات ياحليلنا
سلطان: الله وأكبر عليج
سعاد: والله صج.. يعني اللي يقول عندك شهادة يالله يالله كملت الثانوية ولا بالدز بعد
سلطان:في هذي صدقتي.. الله يخلي الناس الطيبة بس..كله بفضل الله ومن ثم ربعي الله يجزاهم الخير
طبعا سلطان كان يقصد حارب وسهيل اللي شغلوه عندهم في الشركة اللي عطاهم إياها عمهم .. صح أنهاصغيرة على قدهم لكنها بدت تتوسع وشوي شوي قدروا يكونون نفسهم بنفسهم وأغلب اللي يشتغلون فيها شباب
أم سلطان: الله يبارك فيهم..
سعاد وهي تتمصخر: انزين ما يبون سكرتيرة شي؟
سلطان وهو يطالعها بنص عين: أقول.. استريحي
سعاد: أفففففففف يا ربي أنا شسوي والله حياتي أرف
سلطان: باجر بتعرسين وبتفكينا وبتفتكين خخخخخخخخخخ
سعاد وعلى طول يا على بالها حارب وقعدت تدعي في خاطرها.. آمييييييييييييييييييييييييين
.................................................. ............
بيت أبو علي..
حصة قاعدة على اللابتوب في الصالة عندها project
شوي ويدخل علي..
علي: السلاااااااااام عليكم
حصة وبدون ما ترفع راسها: وعليكم السلام
علي ويقعدوهو منصدم من شكل حصة المبهدل: حشى أعتقد في اختراع اسمه مشط.. شو تسوين؟
حصة: عندي واجب.. هب فايجة حق شعري الحينة من العصر وأنا قاعدة أعابل فيه
...............لحظة هدوء ..............
وفجأة..
صرخت بصوت عاااالي خلت علي ينقز من مكانه: لاااااااااااااااااااااااااااا
علينقز متخرع : ويعاااااااااااااا بلاج يالدبة
حصة وهي تضحك على شكل علي وفي نفس الوقت انقهرت لأن اللابتوب وقف وهي هب مخزنة المشروع..
حصة وشوي وبتصيح : كل شي انحذف
علي: اكتبيه مرة ثانية
حصة: تتمصخر حضرتك؟
علي: يعني شو تبيني أقولج؟
حصة: والله ما سويته مرة ثانية من 4 ساعات وظهري ناقع خله يولي وسارت وانسدحت فوق القنفة..
علي: والمشروع؟
حصة وهي مسكرة عينها: خله يولي.. الحين بدق حق علايا بقولها تسويه
علي: وهاي الفقيرة شو ذنبها؟
حصة: ترى المشروع أنا وهي مشتركين فيه
سارت حصة صوب التليفون واتصلت حق عليا..
عليا: هلأ
حصة: هلا عليو
عليا: شفيج.. بلاه صوتج؟
حصة: اسكتي .. أنا وقاعدة أسوي المشروع وقف علي اللابتوب والمصيبة اني ما خزنته
عليا: والحين؟
حصة: شو بعد.. كل شي انحذف
عليا: أحلفي.. بس التسليم باجر
حصة: ما يخصني أنا حلفت ما بعيده
عليا: شوووووووو وتضيع الدرجات يعني.. من الله درجاتي نازلة القاع
حصة: ما يخصني.. سويه أنتي
عليا: كم مرة أقولج هذا البرنامج ما عندي في البيت
حصة: خلاص عيل.. تعالي بيتنا ونسويه ويا بعض
عليا: وين ما اقدر.. يمكن أمي ما ترضى؟
حصة: الله يخليج حاولي والله تعبانة ما أقدر
عليا وغمضتها حصة: خلاص بحاول
بعد ما سكرت عليا عن حصة سارت صوب أمها وخبرتها أنها تبي تسير بيت قوم حصة وبعد محاولات كثيرة من الاقناع.. وافقت أم عليا
عليا: اممممممواح فديت أمايا أنا
أم عليا: شوفي ترى كلها ساعتين خلصتي ولا ما خلصتي
عليا: ساعتين ساعتين أفا عليج انتي بس
ودقت حق حصة عسب تخبرها أن أمها وافقت
.............................................
حصة: صج.. خلاص عيل اترياج..باي
وتصد صوب علي: علوي؟
علي: ما سمعت خير؟
حصة: أقصد الشيخ علي..
علي: اتحرى سمعت شي ثاني
حصة: أفا عليك انت شيخنا كلنا
علي: الزبدة.. هاتيها من الآخر.. شو تبغين؟
حصة: يا حلوك لما تفهمها وهي طايرة... شوف علي الحين بتييني ربيعتي عليا ومثل ما تعرف أمي محد في البيت وميري خذتها وياها.. فلو سمحت .. لو سمحت يعني تييب لنا.. عشا
علي: لا والله.. وانتي شو خانتج في البيت؟
حصة: وين تبى والله هب فايجة..أصلا أنا اليوم مشتهية أكل المطاعم.. وبعدين أنت تبي البنت تطلع من هني سيدة المستشفى غسيل معدة؟
علي: من هالناحية صدقتي..المهم شو تبون؟
حصة: مشاوي وفطاير وهي لا تنسى التبولة و......هي تذكرت بيتزا وكبة وعرايس..
وورق عنب.. ومحشي ملفوف عسب عليا تحبه..وChinese rise
و.....و.....و.....وبس
علي: بس؟
حصة: هي بس
علي: حرام وايد شوي.. شرايج اييب لج المطعم بكبره
حصة: جان زين والله
علي: الشره هب عليج علي أنا اللي ماعطنج فيس
حصة: يلا عاد علوي .. وبعدين عليا أول مرة تيي بيتنا
علي: جيه ياية من مجاعة؟
حصة: أوهووو علوي ما أحيدك بخيل جذه
علي وهو يقوم: والله حالة حريم وما يندلون المطبخ وينه
حصة وهي تحط ايدها على خصرها: نعم نعم.. ومنو اللي مسوي العشا البارحة؟
علي: هي والله نسيت.. بس كيف سويتي الزيتون والبيض المسلوق والجبن........ هي تذكرت بعد هذا الخيار اللي عليه ملح وليمون اسميه كان عجيييييب كيف سويتيه ما ادري؟
حصة: تتمصخر يعني؟
علي وهو ظاهر: ما أقول غير الله يعينك يا أحمد على ما بلاك
حصة: جب جب.. باجر بنشوف ست الحسن والدلال حرم الشيخ علي تندل المطبخ ولا لأ؟
طبعا علي كان برع الصالة بس سمع رمسة حصة وقعد يضحك عليها
.................................................. ..............
الساعة 8,8 مساء..
عليا في بيت حصة..
عليا: يلا بسرعة حصة ما فيني أتأخر
حصة: شو بسرعة.. ما شي طلعة من هني قبل لا تتعشين وياي
عليا: اسمعوا هذي أنتوا.. أقولج أمايا منبهتني ما أتأخر.. وأنتي تقولين أتعشي وياي..لا لا ما فيني
حصة: حرام عليج علاية.. وبعدين لو سرتي منو بياكل كل الأكل اللي يابه علي؟ ترى محد غيرنا في البيت وحرام ينعق
عليا: ليش وين الباجين؟
حصة: أمي في بيت عمي أم سهيل.. وأبويا ظاهر العزبة من يومين ومحد في البيت غيري أنا وعلي
عليا: والله أنا الود ودي ما أظهر بس ...
حصة: لا بس ولا شي...أنا برمس أمج
وقعدوا يعابلون بالمشروع وعقبها انحط العشا اللي فعلا ما قصر علي بشي.. اللي يقول عليا: حصووووه.. في حد غيرنا بتعشى؟
حصة: نووووو.. أنا وأنتي وبس
عليا: انزين أنا وأنتي وبس.. يعني ثلاثة وكل هذا منو بياكله؟
حصة: ثلاثة؟ ليش منو الثالث؟
عليا: بس...... خخخخخخخخخخخخخ
حصة: هههههههههه الله يقطع سوالفج
عليا: بس والله حرام كل هذا وايد.... يعني ادري أني وايد أزط بس هب لهالدرجة
حصة: الله يخلي علوي حبيبي ياحليله ما قصر
عليا: هي والله ياحليله.. وكملت وهي تتمصخر: إذا شفته لازم أشكره بنفسي
حصة: ههههههههه صج؟
عليا: هي عادي.. شو يعني
طبعا عليا كانت تتمصخر بس حصة حطتها في بالها
وقعدوا يتعشون وفعلا الأكل اللي زايد كان وايد
.................................................. ...
بعد العشى..
عليا: حصووه أنا وايد تأخرت لازم أسير الحينة
حصة: يلا عاد قعدي شوي ما سولفنا
عليا: لا لا وين تبين أمي تذبحني.. لا لا ما أقدر
وفجأة..
:هود..هود
عليا عدلت وقايتها
حصة: دش علوي ما في حد غريب
عليا وهي تقرصها: وأنا شو هب تارسة عينج
حصة: آاااااي خلاص علوي لا أدش نسيت أن في وحدة هني
بس طبعا قالتها متأخرة لأن علي دش..
علي: السلام عليكم
الكل: وعليكم السلام
وقبل لا يصعد فوق.. زقرته حصة
حصة: علي..
ويصد صوبها بس لا إراديا طاحت عينه على عليا اللي ماتت من تلاقت عينها في عيونه..
ابتسم ورد يطالع حصة: هلا
حصة: في نااااااااس يبووووووووووون..
وقبل لا تكمل انتبهت حقها عليا وقعدت تقرصها.. بس طبعا حصة إذا حطت شي في بالها لا يمكن أنها تتراجع عنه
حصة: آااي علي شوف عليا..
علي وهو يبتسم: شو السالفة؟
حصة: وهي تبتعد عن عليا: ترى عليا وايد عيبها الأكل وقالت إذا شفت علي لازم أشكره بنفسي
وصد علي صوب عليا اللي كانت منزلة راسها من المستحى وقعدت تتوعد حق حصة..
علي: المهم أنه عيبكم
حصة: واااااايد ، حتى عليا قالت أنها كل يوم بتيي تتعشى بيتنا..
عليا وترفع راسها صوب حصة تسكتها: حصة..
تخبل علي من سمع صوتها المخملي الرقيق اللي يكاد أنه ينسمع
علي: خلاص حصة.. لا تحرجين البنت
حصة: والله هي قالت جذه
علي: شفيها انزين.. حياها الله .. وظهر من عندهم لأنه حس أن عليا وايد مستحية
عليا: ما علي حصووووووه أراويج..
حصة: أنا ما يخصني.. مو أنتي اللي قلتي جذه؟
عليا وهي تقلد صوتها:مو أنتي اللي قلتي حذه.. يالدبه أسولف.. الحين شو بقول عني؟
حصة: عادي أنتي ما تعرفين علوي كثري.. تراه هو بروحه ما يحب الرسميات عادي عادي
وشوي سمعوا صوت سيارة برع
عليا: أكيد هذا نادر..
حصة: حرام يعني بتروحين؟
عليا وهي توقف: أحسن.. وما بيي مرة ثانية عسب ما تحرجيني
حصة وتقرب من عليا اللي صج كانت معصبة عالآخر: اممممواح فديت علايتي أنا.. والله سوالف فديتج
عليا: سوالف جذي.. إذا جد كيف؟
حصة: خخخخخخخخخخ كل شي بوقته حلو ياحلو
طبعا عليا ما فهمت شو تقصد حصة وسلمت عليها وظهرت..بس وايد استانست ويا حصة.. مع أن الموقف اللي انحطت فيه شوي محرج بس بعد حلو....ههههههه
..............................................
في شركة حارب وسهيل..
سهيل في المكتب قاعد يراجع بعض المعاملات عنده سكرتيرة سورية حلوة وصغيرة فهيمة ما شاء الله عليها.. يعني يعتمد عليها
سهيل: متى الاجتماع؟
سكرتيرة سمر: بكرة الساعة تماني..
سهيل: خيييبة.. ثمان عاد.. لالا ما أروم أنش الصبح.. خلي حارب يقابلهم
س. سمر: بس أستيذ حارب آل أنو ما بحظر الاجتماع بكره
سهيل: وليش إن شاء الله؟
س. سمر: ما بعرف بس هو ما داوم اليوم كمان
سهيل: خلاص أنتي روحي.. وسار ودق حق حارب يسأل عنه
حارب وبصوت رااااقد: الوووو
سهيل: صباح الخير.. أنت للحين منخمد؟
حارب: ليش كم الساعة؟
سهيل: 9’10
حارب: احلف..
سهيل: والله
حارب: لا تخبر حد..خخخخخخخخخ
سهيل: والله إنك متفيج، الحين أنا من الصبح ناش وأنت يالخام منخمد ولا تدري عن الدنيا..
حارب: بل بل بلاك بوي؟
سهيل وهو مصدق عمره عنده شركة: عن المصخرة وشغل اليهال هذا... ترى صج إنك ولد عمي وأخوي لكن الشغل شغل
حارب: سير لاه.. ويسكر التليفون في ويهه ويرد يكمل رقاده
سهيل: الخااااااام والله أنه ما يستحي..أراويك يا حروب
وشوي دش واحد بس ما انتبه سهيل لأنه كان قاعد يتحرطم على حارب
: السلام عليكم
سهيل:.............<<<<<<<<< الأخ معصب ويتحرطم
: حوووووووووه..
سهيل وتوه ينتبه: بسم الله الرحمن الرحيم..
حارب: ههههههههه شو بلاك؟
سهيل وهو فاج عيونه: متى لحقت توصل؟
حارب: المهم أنا وصلت
سهيل: يلا عاد لا تتمصخر.. شو السالفة؟
حارب: اسكت عني لا أهفك بكف الحينة.. أونه ناش 10 وقاعد يتفلسف علينا
سهيل: ها؟
حارب: حبيبي أنا من الساعة 7,30 هني؟
سهيل: بس..
يقاطعه حارب: ادري ادري شو بتقول.. أنا كنت مخبر سمر ومتفق معاها .. يعني هذا كان مقلب.. أصلا أنا كنت في مكتبي يا حلو
سهيل وصج مفتشل وقعد يحك خشمه: والله طلعت هب هين يا حروب
حارب: المهم شو الحينه عن سالفة الاجتماع؟
سهيل: خلاص أنا اللي بحضره
حارب: توك تقول ما أروم أنش
سهيل: لا يابوك.. ما فينا بعد.. والا تبيهم يقولون إني هب قدها؟
حارب: أفا عليك أنت بس.. قدها وقدود
سهيل: انزين..
حارب: شو؟
سهيل: يعني ما نقدر نخليه 9؟
حارب ويفره بالكلينكس: مالت عليك
سهيل: خلاص انزين.. بل كليتنا... ناش 7 وهب مصدق.. أنا باجر بنش 5 ولا أقولك ما برد البيت برقد هني في الشركة عسب ما يطوفني شي
حارب: هههههههههه الله يخس ابليسك
وشوي يدخل عليهم سلطان ..
سلطان: السلام عليكم
حارب+سهيل: وعليكم السلام
حارب: وأنت وينك بعد؟
سلطان: ترمسني؟
حارب: لا الطوفة
سلطان: هههههههه بصراحة أنا من الساعة 6ألا خمس في الشركة..
حارب: لا والله
سلطان: هي والله
حارب : لحظة شوي..ويزقر العامل اللي عندهم..
حارب: خميس..خميس..
خميس: هلا عمي
حارب: هلا خميس..أقولك أنت متى تفتح أبواب المكاتب؟
خميس: الساعة 7 بالظبط
حارب: 7 ها.. يعني هب 6 ألا خمس.. خلاص روح أنته
ويصد صوب سلطان وسهيل اللي كان ناقع ضحك
سلطان: الله يخليك هذا شودراه في الساعة؟
حارب وفيه ضحكة: لا يعني أنت الفهيم
سهيل: ههههههههههههههههههههااااااااااااااااااي يا أخي بسكم من الصبح جذه تضحكون.. والله أنك يا سلطووووووون.......طلعت هب هين بعد هههههههههاااااااااااااااي
حارب: هي اضحك انت شو وراك
سلطان: بلاك حروب شاب ضو اليوم؟
سهيل وبعده ميت ضحك وحارب يطالعه بنص عين
حارب: بذمتك ويأشر صوب سهيل.. هذا مدير؟
سهيل: هههههههههههههههااااااااي احترم نفسك.. ويرد يضحك
حارب: عفان الله.. العقل يمدحونه ترى
سلطان: هههههههه
وقعدوا يتمصخرون ألين ما وصل كل الموظفين وبدوا الشغل.. طبعا وقت الجد جد
حتى أنك ما تعرف سهيل لمن يكون في الشغل.. يكون جدي ورسمي بشكل كبير
.................................................. ..

في بيت أم نادر..
أم نادر وعليا قاعدين في الصالة يطالعون التلفزيون..
مسلسل دنيا القوي
وشوي يدش عليهم نادر..
نادر: السلام عليكم
أم نادر + عليا: وعليكم السلام
نادر: تعشيتوا؟
عليا: مستحيل أمايا ترضى نتعشى قبل لا أتيي حضرتك..
نادر وبخقة: أكيد .. أصلا أنتي ما تعرفين غلاتي عند الوالدة شكثر..
أم نادر: أكيد يا يما أنت أول فرحتي
عليا: يا سلام واحنا عيال البطة السودة يعني..
أم نادر: شو هالرمسة .. أنتوا كلكم عيالي
عليا: لا لا توج تقولين نادر أول فرحتي
نادر: يا ربي كيف تنقهر..
أم نادر: يا ربي بسكم تراكم صدعتوا براسي وقامت عنهم عسب تحط العشى..
نادر: وجيه ما تقومين تساعدينها.. بدل هالقعدة جدام التلفزيون
عليا وعيونها ما شلتها من على التلفزيون..
عليا : ما أقدر قاعدة أطالع المسلسل
نادر: الحينه المسلسل أهم من أمج
عليا: الحين بخلص انزين
نادر ويقوم ويسكر التلفزيون..
عليا: ناااادر عفية الحين بخلص
نادر: يالله جدامي المطبخ
عليا وهي تزقر أمها بصوت عالي: أماااااااااااايااااااااا
أم نادر تدخل الصالة وهي متروعة: بلاج؟
عليا: شوفي نادر قاعد يلعوز فيني
أن نادر: بلاك على أختك؟
نادر: أقولها تسير المطبخ عسب تساعدج.. هب طايعة
أم نادر: لا ما علي يما ميري عندي تساعدني
نادر: وهذي جي ما تساعدج؟
أم نادر تظهر من عندهم
عليا: يلا الحين بروحك سمعت أمايا خلاص أفتح التلفزيون
نادر وسار قعد عالقنفة..
نادر: سيري بروحج
عليا وتقوم وهي متغصصة وقعدت تتحرطم....يقهرصح..خخخخخخخخخخ
نادر: شو تقولين؟.
عليا: سلامتك
وظهرت لقطة في المسلسل عن زينب العسكري
نادر: طولي ع الصوت
عليا: توك سكرته والحين طولي على الصوت.. أقول شوي شوي عن تدخل في التلفزيون.. هب زينب هذي اللي خبلت فيك
نادر: جب ما يخصج
عليا: صج منكر..
وقعدوا يتابعون المسلسل عقبها تعشوا
.................................................. .........
To be containune....
اممممم شو آخر التطورات اللي بتصير بين حارب وسارة وسعاد؟؟؟؟؟
(حارب وهو يجرب منها ويهمس: وشلي بالسكر...
إذا العسل بكبره قاعد يمي.. <<<<<< تتوقعون لمنو بقول حارب هالرمسة؟؟؟؟؟؟؟؟؟)
عصافير..
فراشات..
أنهار..
يااااااااااااااااااااااي
كل شي عجييييييييييييييب
تبون تعرفون شو أقصد.. ؟؟؟؟؟؟؟؟
كل هذا وأكثر في الجزء( 8)
ترقبــــــــــــــــــــــــــــــــــــــــــوه

يلـأ عااد ابا تفااااااااااااااااعل نزلتلكم كمن بارت
:17: ابي اجوف الردووود اذا ماشي سمحولييه مابكملها :36:

:99::16::99::16::99:

 

 

  رد مع اقتباس
قديم 30-10-2009, 02:44 PM   رقم المشاركة : 11
دلوعه بس خجوله
~ • غـٍُالٌٍُيً فـًٌٍُِضٌٍِيًٌَ • ~
 
الصورة الرمزية دلوعه بس خجوله 





معلومات اضافية 
  النقاط : 730
  الجنس :
  الدولة :
  الحالة :
الرسالة الشخصية

التقييم

افتراضي

 

 

تسلمين اختية على البارتات الطرطريشن واتريا البارت الياي على احرررررررررررررررررررررررر من الجمر
بليييييييييييييييز ما طولين علينا ms.haplah
(حارب وهو يجرب منها ويهمس: وشلي بالسكر...
إذا العسل بكبره قاعد يمي.. <<<<<< تتوقعون لمنو بقول حارب هالرمسة؟؟؟؟؟؟؟؟؟ حق سارة)

 

 

 دلوعه بس خجوله

  رد مع اقتباس
قديم 02-11-2009, 02:02 PM   رقم المشاركة : 12
M S . H A B L A ©
 
الصورة الرمزية M S . H A B L A © 





معلومات اضافية 
  النقاط : 11998
  الجنس :
  الدولة :
  الحالة :
الرسالة الشخصية

التقييم

افتراضي

 

 

تسلميييييييييييييين خيوتي ع المروور بنزل البارت لعيونج الحين

 

 

  رد مع اقتباس
قديم 02-11-2009, 02:06 PM   رقم المشاركة : 13
M S . H A B L A ©
 
الصورة الرمزية M S . H A B L A © 





معلومات اضافية 
  النقاط : 11998
  الجنس :
  الدولة :
  الحالة :
الرسالة الشخصية

التقييم

افتراضي

 

 

أمشي على درب الهوى عكس قانونه
(8)
لابسة فستان وردي هادي عجيب
وفي بنوتة صغيرونة حلوة تركض معاي
كل مكان التفت ورود بيضا روعة
صرت أركض في كل مكان
جني ياهل عدت لأيام الطفولة
قعدت اضحك واغني
كنت مستانسة من الخااااطر
عصافير
فراشات
أنهار
يااااااااااااااااااااااي
كل شي عجييييييييييييييب
وفجأة..
: عليوووووووووووووووووووووووووووه
بسم الله الرحمن الرحيم
فجيت عيني شوي شوي.. ومثل ما توقعت كان هو
عليا: أففففففففففف حتى الحلم ما أقدر أستمتع فيه على راحتي
نادر: قومي قومي بسج رقاد.. وبعدين ميسون حرقت التليفون تباج ضروري
عليا وتفز من مكانها..
عليا: هي والله نسييييييييييت
نادر: شو نسيتي؟
عليا: وأنت شلك.. ممكن تظهر برع
نادر: نعم نعم نعم؟ ما سمعت.. again again please
عليا وهي زايغة: قلت مشكور أنك قعدتني الحين ببدل ممكن تظهر..
نادر وهو يطالعها بنص عين: اتحرى سمعت شي بعد
ويظهر
ربعت عليا سيدة صوب التليفون..
عليا: هلا ميسون
ميسون: جان ما قعدتي
عليا: سوري والله نسيت الحين توني ناشة
ميسون: خلاص انزين بلا كلام فاضي البسي بسرعة سارة الحين بتمر علينا
عليا : أوكي باي
وسكرت عنها... وربعت تلبس بسرعة
على أساس اليوم بظهرون يشترون فساتين حق عرس حصة.. في الشارجة في مركز
Mega mall
.............................................
في سيارة أم ثاني
سارة قاعدة جدام مع شهد وشمة اللي مخبلين فيها
ميسون وعليا وشيما قاعدين ورى
وطبعا أم ثاني هي اللي تسوق
أم ثاني: يعني ألا المركز هذا اللي في الشارجة؟ وايد بعيد عن العين
سارة: ما ادري شيما تقول أنه حلو
شيما: هي فيه وايد محلات في الطابق الثاني يبيعون فساتين أعراس تهبل
عليا: أنا خاطري بعيناوي
ميسون: وعععععع هذا اللون أبد ما أحبه
عليا: يا سلام.. جنج غلطتي توه.. وبعدين إذا العيناوي يع شو الحلو؟
ميسون: أكيد ما يباله رمسة أهلاوي حمرررررررر
أم ثاني: ههههههههههه والله أنكن..
شيما: وأنتي ساروه شو بتاخذين بعد؟
سارة: الله يسلمج أكيييييييييد وصلااااااااااااااااااااااااوي
عليا: وعععععععععععععيييييييييين
ميسون: أنا أهون بعد
أم ثاني: اللي يقول الحينة الفساتين زاهبة
شيما: ههههههههه صدقج والله خالوه
ميسون: وأنتي خالوه أي لون بتاخذين؟
أم ثاني: ههههههه وين أنا وين الفساتين.. بمر اليشمك وباخذلي جلابية فخمة
سارة: أصلا خالوه ما تبي تغطي علينا بحلاوتها عسب جذه بتلبس جلابية هب فستان
الكل: ههههههههههههههه
أم ثاني أونها استحت
شمة: وأنا؟
سارة: يا ربي…… الحين منو بسكت شنغل ومنغل..
الكل: هههههههههههههه
أم ثاني: لا ماما أنتوا خالوه حصة مفصلة حقهم عسب بتسوي حركة قبلها بتنزلون
سارة: الله.. صج؟
عليا: كيف مفصلة حقهم؟
أم ثاني: والله أنا روحي ما شفتها الفساتين حصة ودتهن مرة المصمم وفصلت لهن
سارة: أوب أوب منو قدهن شنغل منغل الحينة صاروا عرايس قبلنا
الكل: هههههههههه
وقعدوا سوالف وضحك الين ما وصلوا المول..
…………………………………..
من صوب ثاني كانت سعاد حارقة التليفون حق حارب بس حارب مسويلها طاف وهب معبرنها…
وأخيرا بعد 54 مكالمة رد عليها..
حارب وبكل برود: هلا وغلا
سعاد وهي مطنشة رمسته مع أنها ذابت من سمعت صوته..
سعاد وهي محرجة: ليش ما ترد؟
حارب: كيفي
سعاد: حارب بلاك علي هاليومين؟
حارب: ليش بلاني؟
سعاد: ما ادري أحسك كله أطنشني وما ترد على اتصالاتي .. أنا سويت شي زعلك؟
حارب: ……………………….
سعاد: أرمسك أنا جيه ما ترد؟
حارب: سعاد.. عندج رمسة عدلة قوليها ما عندج اسكتي.. تراني والله هب فاضي
سعاد: حارب؟ بلاك؟
حارب: يالله.. ردت تقولي بلاك.. با بنت الناس ما فيني شي
أنتي اللي حارقة التليفون
سعاد: يزاتي ولهانة وابي أطمن عليك..
حارب: هههههههههه
سعاد: ليش تضحك؟
حارب: كيفي
سعاد:…………
حارب: ليش ما تردين؟
سعاد: كيفي
حارب: هههههههههههههههههه يالغشاشة
سعاد: ههههههههه أحبك
حارب: قولي والله
سعاد: والله
حارب: ادري انزين.. هههههههههههه
سعاد: يالخايس
حارب: أفاااااا الحين أنا خايس؟
سعاد: تدري أني أمووووووووت عليك... والله إني أموت عالتراب اللي تمشي عليه
وقعدت ترد تعيد نفس الشريط اللي مل حارب من زود ما يسمعه
....................................
في الـ Mega mall:
أم ثاني ودت شهد وشمة صوب الألعاب وخلت البنات بروحهن
أم ثاني: بس تخلصن سوولي تليفون
شهد وهي تمط عباة أمها: ينااااا ماما بي ألأب ( يلا ماما أبي ألعب)
أم ثاني: خلاص خلاص انزين ماما وروحت عنهن
عليا وهي تأشر صوب واحد من المحلات: شوفوا هناك فساتين روعة
ميسون: يااااي طاعي الفستان الأخضر.. خلاص أنا حجزته
شيما: عيل وين رمستج توه اهلاوي واحمر.. آخر شي أخضر
سارة: أقولج ترى.. ألا هو خريط
ميسون وللحين تكابر: بسأله يمكن عنده من نفس الموديل بس يكون أحمر
الكل: ههههههههههه
ودشوا محل الفساتين " النفيس" اللي في المول
صج كانت الفساتين روعة
البنات احتارن أي فستان يختارن
كل وحدة شايلة ثلاث واربع في ايدها
آخر شي اشترن شيما وعلاية بس من محل النفيس
اما سارة ما عيبتها الفساتين وايد
وميسون مصرة ألا تاخذ أحمر
بالنسبة لفستان شيما..
كان ولا أروع
وردي على شيفونات بيج رقيقة مطرز بورود ذهبية
بدون أكمام
مع حركة روعة تنزل على الايدين
ومن تحت على شكل ستائر بالألون السابقة
يعني نقدر نقول أنه فنتكة
وبكون أحلى لمن تلبسه شيما أكيد
فستان عليا..
عاري شوي
بدون أكمام
عنابي غامج مدموج بلون فستقي
مخصر.. على قد جسمها
يعني روعة
مشبوك بعقد يرتبط على الرقبة وهو عبارة عن قوس دائري بلون برونزي روعة
أم ثاني: والحين سارة.. أنتي وميسون وين بتسيرون؟
سارة: ما ادري.. شو رايج ميسون؟
ميسون: أنروح الجعيدي؟
وساروا صوب الجعيدي..
حصلت ميسون فستان عجيب دش خاطرها أول ما شافته
مع أنه ما كان بلون أحمر بس عيبها وايد
كان باللونين الالأخضر الغامج مع الذهبي
بدون أكمام
مع شرايط خضرا تنزل على الكتف بشكل رقيق
وتطريز ذهبي ينزل من الخصر لتحت
واللي حلا الفستان بياض ميسون اللي كان يبرز لونه الغامق
عليا: ميسون فستانج وايد حلو.. تبدلين؟
ميسون: لا طبعا
عليا وهي تقلد صوتها: لا طبعا.. اللي يقول أنا ميته عليه يعني.. بالطقاق
أصلا فستاني روعة
ميسون: عيل ليش تبين تبدلين؟
عليا: منو قالج.. بس كنت اتمصخر
الكل: هههههههههه
أم ثاني: شو سارة.. بقيتي أنتي.. شو الحين؟
سارة وهي تتلفت : ما ادري.. ما عيبني شي
أم ثاني وهي تطالع ساعتها: تبين أوديج دبي..ترى عندنا وقت
سارة: ما ادري والله
عليا: يا سلام.. عسب تشتري فستان أحلى عن فساتينا
سارة: ههههههههه
أم ثاني: ها شو قلتي؟
سارة: خلاص.. انسير
وفروا خط صوب دبي..مركز البستان
وفعلا حصلت سارة أخيرا فستان حلو
كان أسود مخصر على قدها
عليه شيفونات ذهبية فظيعة
بالخصر شريطة حمرة
بدون أكمام
نقدر نقول أنه أحلى فستااااان
وبعد ما خلصوا ..
أم ثاني: ها.. يابنات وين تبون تتعشون؟
عليا: أنا بصراحة خاطري chilis
سارة: وأنا بعد
أم ثاني: ها الكل موافق نسير chilis؟
ميسون: ما عندي مانع
عليا: وإذا عندج مانع.. بنسير يعني بنسير
ميسون: عليوه انجبي أحسن لج
عليا: خخخخخخخخخخخ
وروحوا تشيليزم
وكل وحدة طلبت اللي تبيه
أم ثاني وهي اتطالع الساعة: يلا بنات ترى وايد تأخرنا
شيما: هي صج.. الحين حامد بياكلني
عليا: اسكتوا.. الحين نادر بسويلي سالفة
سارة: ياحليلكم.. أما أنا محد يروم ينازعني عسب خالتي وياي
في السيارة..
شهد وشمة راقدين من كثر الحواطة
وشوي يرن موبايل سارة..
ردت سارة وحطته سبيكر
سارة: هلاااااااا بعروستنا
حصة استحت: أهلين بسارونة.. وينكن.. وايد بطيتوا؟
عليا وهي داشة عرض: كل هذا عسب نختار فساتين حلوة عسب يقولون ربع حصة حلوين
الكل: ههههههههههههه
حصة: ها عليوه.. أي لون خذيتي؟
عليا:هب قايلة لج.. بخليه surprise أحسن
حصة: يلا عاد..
سارة بدلع: اسكتي يا حصوه كل فساتينهم بصوب وفستاني بصوب.. أحلى فستاااااااان.. حتى أسألي خالوه..
أم ثاني: وابويي عالخقة ..
حصة: ادري فيها ساروه دومها خقاقة
عليا: شوفي حصة أنا بقولج...
صح أن فستان سارة حلو بس في اللبس ترى فستاني يغلبه
سارة: لا والله وليش يعني؟
عليا: أونه بعد تسأل ليش.. أنتي ما تشوفين جسمج كيف ميت.. حشى عصاية تتحرك
الكل: ههههههههههههه
سارة وهي مبوزة: جب جب انزين
شيما: بالعكس.. جسم سارة وايد روعة.. خاطري أصير شراتها
سارة وهي مستحية: فديت شيامي والله
أصلا محد يفهمني غيرها...
ميسون: سيري لا أونه ساروه حلو جسمها.. عيل شو خليتي لي؟
حصة: أيه أنتي وياها.. أشوفكم نسيتوا العروس..اللي يقول وحدة منكن هي اللي بتعرس هب جني أنا.. اللي تقول فستاني أنا أحلى والثانية تقول جسمي أنا أحلى
الكل: هههههههههههههههه
أم ثاني: تعالي حصوه صج.. حجزتي لج فستان؟
حصة: خالوه.. صباح الخير فالليل... الفستان من شهر محجوز
حتى راعية الصالون محجوزة
أم ثاني: هههههههه الله يفرحج يابنيتي.. والفال حقكن با بنات
عليا: آمييييييييييييين
ميسون: خيبة أنتي ما تستحين؟
عليا: وليش أستحي.. وبعدين أنتي بروحج قلتي آمين
ميسون: انزين قلت بس بيني وبين نفسي.. شو تتحريني شراتج
الكل: هههههههههههههه
وكملوا سوالف وضحك الين ما وصلوا العين ونزلت أم ثاني كل بنت لبيتها..
أم ثاني: شرايج ساروة ترقدين في بيتنا؟
سارة: ما ادري.. أخاف أمي ما ترضى
أم ثاني: دقي لها.. شوفي شو بتقولج
ودقت سارة حق أمها..
أم سهيل: ألوو
سارة: هلا أمايا
أم سهيل: منو سارة.. هلا يما.. وينكم.. وايد تأخرتوا
سارة: تونا واصلين.. أقول أمايا؟
أم سهيل: قولي يما..
سارة: برقد بيت خالوه
أم سهيل: جيه بترقدين هناك؟
سارة: أمايا باجر الجمعة وما شي دوامات دخيلج.. وبعدين خالوه تعبانة ما تقدر توصلني البيت.. عسب جذة بسير بيتهم
أم سهيل: خلاص انزين بس ما أوصيج.. وسلمي حق خالتج
سارة: الله يسلمج مماتي..
وسكرت عنها.. وساروا صوب بيت خالتها..
أول ما وصلت سارة على طول حطت راسها ورقدت من كثر التعب والحواطة
...............................................
الساعة 8,23 الصبح...
نشت سارة وهي تتأفف من كثر الإزعاج..
ما شاء الله عليهم شهد وشمة شالين البيت من كثر الصراخ واللعب
سارة: أففففففففف أنا منو قالي أرقد هني
سارة وهي تصارخ: شموووووووووووووه شهوووووووودة
... لا حياة لمن تنادي....
غصبت عمرها أنها ترقد بس ما كو فايدة
حاولت تحط المخدة على راسها بس صراخهم ما شاء الله عليه كان يهز البيت هز
مع أن سارة كانت في الطابق الثاني
أخيرا قررت أنها تنش بعد ما طيروا الرقاد عنها
نزلت وهي تتأفف من الخاطر
في الصالة أم ثاني قاعدة ..
سارة: صباح الخير
أم ثاني وهي تطالع الساعة: سارة؟ ليش واعية الحينة بعدها الساهة 9 ما صارت
سارة: يعني بناتج يخلون الواحد يرقد
أم ثاني: ههههههه في هذي عندج حق
سارة: كان فيني رقاد الدنيا بس والله طار من حشرتهن
شوي ويدخل عليهن ثاني اللي كان توه راد من دوامه لأنه كان مداوم طول هالأسبوع
ثاني: السلام عليكم
أم ثاني + سارة: وعليكم السلام
ثاني: أقول ليش البيت منور؟
سارة: احم احم.. ادري ادري
ثاني: أنتي منو رمسج.. البيت منور بردتي
سارة: سخيييييييييف
أم ثاني: بسير أحط لكم الريوق
..وقامت عنهم..
ثاني: شحالج.. وشحال الدراسة؟
سارة: الحمد الله كل شي ترتبيشن
ثاني: وليش راقدة هني؟
سارة: ليش عندك مانع؟
ثاني: لا عندي دواس
سارة: ههههههههه مليق ههههههههههههههههه
ثاني: اقول ساروه من مساعة قاعدة تضحكين لي ليكون قاعدة اتسوين لي دعاية سيجنال تو وانا ما ادري
سارة: ههههههاي توك تدري
ثاني: انزين ما جاوبتيني؟
سارة: ما شي بس لأن البارحة طلعنا أنا وربعي وخالوه ودتنا عسب نشتري فساتين حق عرس حصة.. وتأخر الوقت فقلت برقد بيتكم
ثاني: ليش متى العرس؟
سارة: باجي أسبوعين تقريبا
ثاني: أهااااااا
سارة: ليش تسأل؟
ثاني: عسب نجهز ولا بس يعني انتوا البنات تتشرون؟ ونحن الشباب ما يحق لنا نكشخ؟
سارة: هههههههه لا مو قصدي.. بس أنتوا كشختكم محدودة كندورة وسفرة وخلاص
هب شراتنا نحن البنات
ثاني: هي والله.. أنتوا ما وراكم غير المخاسير
سارة: لا والله.. الحين نحن مخاسير؟
ثاني: عيل.. عفانا الله من سوق لسوق ومن محل لمحل..غصب تكشخون
بس نحن الشباب لا.. لأنا حلوين ما نحتاي هالخرابيط كلها
نعتمد على جمالنا الطبيعي
سارة: جب جب انزين.. " وهي تقلد صوته" أونه جمالنا الطبيعي..
ثاني: هههههههههه غصبن عليج جمالنا طبيعي
سارة: وليش نحن بلانا؟
ثاني: الله يخلي البودرة والكريمات و... و... و...
سارة: خيبة كل هذا نحن نسويه.. حرام عليك..
أصلا أنا ما أحب أخرب ويهي بهالأشياء
أخاف على بشرتي
ثاني: هي صح صح
شوي وسمعون صوت أم ثاني تزقرهم..
أم ثاني: ثاني.. سارة.. يلا الفطور زاهب
ثاني: أنا اسمحولي مدوخ.. فيني رقاد.. حتى ما أقدر أبطل عيوني
يلا تمسون على خير
سارة: فيك رقاد .. توك خرطت رمسة.. ما لها أول من ثاني عنا نحن البنيات
ياحليلنا
ثاني وهو يصعد الدري..
ثاني: وأنا الصاج.. ما أقول غير الله يعينا عليكم بس نحن الشباب
سارة وتمت تضحك على رمسته وسارت صوب خالتها..
أم ثاني: ثنوي وينه؟
سارة: سار يرقد... يقول تعبان
أم ثاني: فديته والله
وقعدوا يتريقون ويا بعض
..............................................
بعد أسبوعين
.... يوم العرس .....
عرس احمد عبدالله الخيلي
و
حصة أحمد الخيلي

مرت الأيام وصل يوم عرس أحمد وحصة اللي مسكين لعوزته حصة في آخر أسبوعين حتى مكالمات نادر ترد عليه بس هانت واليوم عرسهم والكل مرتبش البيت مرتب وكل شي جاهز البنات في الفندق من الظهر يتريون الكوافيرة وراعية المكياج توصل عشان تسويلهم التسريحة والمكياج على قولتهم مكياج سبيشل ..حصة معصبه ومتوترة ( حال أي عروس طبعا) سارة وعليا وباجي البنات يحاولون يهدونها ........
الساعة 8,28 الصبح
الكل ناش مرتبش.. ومشغووول
محد فاضي
في بيت ابو سهيل..
" بيت المعرس"
الحوش ممتزر بالحريم.. والجيران
ويهال يتراكضون في كل صوب
حشششششششرة من الخاطر
جدور الهريس والخبيص في المطبخ
الفوالة
الفواكة
الحلويات
المقبلات
وباجي التجهيزات
ما شاء الله ما في شي ناقص
أم شمسة وتوها تدخل من الباب: ألف مبروووك يا أم سهيل
أم سهيل وهي ترفع راسها من بين الحريم: هلا والله بأم شمسة.. الله يبارك فيج
الفال لعيالج إن شاء الله
أم منصور: عسا الله يهنيهم يا رب
الحريم: آمين
وقعدوا الحريم يباركون لأم سهيل ويشاركونها فرحتها
..................................................
في بيت أم علي
" بيت العروسة"
طبعا كان أهدى بما أنه بيت العروس
وطبعا حصة هب موجودة.. في الصالون تجهز
يعني محد موجود غير علي.. اللي كان راقد في سابع نومه
أم علي تتأكد من آخر التجهيزات وعقبها بتظهر بيت أم سهيل عسب تساعدها
............................
في هالوقت أحمد ظاهر مع أخوه سهيل عسب يأكدون على الحربية
واتفقوا معاهم على الساعة 5 العصر بعد الصلاة بكونون موجودين إن شاء الله
من صوب ثاني..
حارب وثاني وحامد قاعدين يشترون الذبايح
وبصراحة كل الشباب ما قصروا
حتى نادر وهزاع وسلطان
الكل شارك أحمد بفرحته
............................................
في هالوقت اتصل سلطان بأحمد..
أحمد: هلا سلطان
سلطان: هلا والله بالمعرس
أحمد وهو متشقق: الفال لك إن شاء الله
سلطان: لا الله يخليك خلنا جيه عزابية مستانسين
أحمد: بنشوف باجر.. بتغير رايك ولا شو..
سلطان: ههههههههههه المهم بتخبرك..
أحمد: خير؟
سلطان: ها خلصت شغلك؟
أحمد: تقريبا... وأنتوا
سلطان: هي نعم خلصناه
أحمد: المهم تعالوا كملوا شغلي تراني مشغول هب فاضي عندي شغل
سلطان:ليش شو عندك؟
أحمد: يا أخي بسير البيت باخذ لي شور وعقبها بسير الصالون .. بسويلي حمام مغربي
سلطان: ههههههه منو قدك معرس اليوم
أحمد: ههههه المهم تامر على شي؟؟
سلطان: سلامتك.
وسكر عنه
...................................
في الفندق
حصة / سارة / عليا / ميسون / شيما
كلهن اتفقوا أنهن يتعدلن ويا بعض
بما أن حصة العروس فهي بتكون آخر وحدة بتتعدل
عليا وشيما خلصوا شعرهن
وبدوا بالمكياج
عقبهن ميسون ومعاها سارة
عقب ما خلصوا
كلهن كانن غاويااااااااااات
كل وحدة تقول الحلا عندي
أول شي بوصف لكم "عليا"..
قمر.. شوية عليها
مكياج فستقي عجيب على لون فستانها
مع تسريحة شعر روعة
كانت رافعة شعرها بالكامل مع شوية خصل نازلة على يبهتها
" ميسون"
متغيرة وااااايد
وخاصة بعد ما لبست العدسات العسلية
مكياج زيتوني على ذهبي
مع روج أحمر رهييييييييب
تسريحة شعر فظيعة
" شيما"
طبعا شيما عيونها الخضر هب محتاية عدسات
جمالها جذاااااب
مكياجها الوردي على بيج برز أنوثتها بشكل كبير وحلو
مع تسريحة فير كامل لشعرها
وأخيرا..
" سارة"
ما ادري أسميك الدلع
ولا
أسميك الولع
لا...
أحسن أسميك الملاك
منت حلو...
أنت فظييييييييييييييييييييييييييع
طيرت عقلي
من حلاك
ما قدرت أوصف لكم سارة كيف كانت بس يمكن هالكلمات البسيطة قدرت تعبر عن سارة أكثر
المهم كل وحدة كان لها جمالها الخاص واللي تتميز به عن غيرها
وكلهن ما شاء الله عليهن كانن غاويات
" العروس حصة"
أخاف أوصف وأقصر في حقها
بس بحاول قد ما أقدر أرسم لكم صورة حصة
صج صج صج كانت عرووووووووووس
بمعنى الكلمة
فستانها الأبيض الطاهر مع شوية تداخلات من اللون البرونزي والذهبي
كان بمعنى الكلمة فخم وثقيل شوي وساعدوها سارة وميسون وحطت الذهب الأبيض الناعم واللي كان يجنن مع الفستان ..... يلست تتطالع نفسها على المنظرة الكبيرة والبنات يطالعونها لأنها صراحة كأنها أميرة أو ملكة تلمع من فوق لين تحت وكانت المسكه نفس تشكيلة الفستان ...... طبعا البنات كلهم لبسوا ويالسين
الباقة ولا أروع
كانت ضخمة
ورود طبيعية باللون الأبيض والذهبي والبرونزي
وتنزل منها شيفونات من نفس لون الورد لتحت
مكياجها عجيب
ألوانه برونزية على ذهبية فظيعة روعة
طالعة جنان
رسمت راعية الصالون على خدها شكل ورد وايد طالع جنان عليها
وأخيرا..
ما أقول غير..
الله
يعينك
الليلة
يا
أحمد
خخخخخخخخخخخخخخخ
.................................................. .........
ترقبوا تطورات العرس في البارت القادم

 

 

  رد مع اقتباس
قديم 02-11-2009, 02:09 PM   رقم المشاركة : 14
M S . H A B L A ©
 
الصورة الرمزية M S . H A B L A © 





معلومات اضافية 
  النقاط : 11998
  الجنس :
  الدولة :
  الحالة :
الرسالة الشخصية

التقييم

افتراضي

 

 

أمشي على درب الهوى عكس قانونه
(9)
وأخيرا..
ما أقول غير..
الله
يعينك
الليلة
يا
أحمد
خخخخخخخخخخخخخخخ
.................................................. .........
الساعة 5,30 العصر
وصلت فرقة الحربية
المكان ارتبش
وايد ناس حضروا
حتى في شيوخ من معارف أبو سهيل وأبوعلي حضروا
كل الشباب شاركوا الفرقة باليولة
هزاع وحامد وسلطان ونادر وثاني
وغيرهم وايد
حتى اليهال.. كل واحد شال سلاح وقاعد ايول
كلهم ما شاء الله عليهم
ما قصروا
وأحلى شي أن الشباب كانوا متفقين ويا الفرقة عسب يلبسون نفس لون الكنادير
كانوا كلهم لابسين لون بني غامج على سفرة من نفس اللون تقريبا بس على أفتح شوي
وكانت هذي فكرة حارب
ما عدا المعرس أحمد طبعا
كان كاشخ بالكندورة البيضة على السفرة اللي بعد بيضة
وشايل البشت على ايده.. على أساس أنه يلبسه أول ما يدش الصالة
بدت الحربية.. وارتبشوا الشباب
كلهم بصراحة يولوا من الخاطر
بس علي كان متميز شوي بيولته وكان متقننها
واللي يرزف واللي ايول واللي ايبس واللي يلعب بالسيف واللي شايل الخيزرانة
كلهم على بعضهم كانوا ولا أروع
حارب وهو يجرب من احمد: منو قدك معرس اليوم ها..
أحمد: اسكت.. ما أصدق متى إيي الوقت عسب أدخل الصالة
حارب: خيييبة.. الأخ متخشع
أحمد: انزين... بنشوف باجر أنت شو بتسوي..
حارب وهو يعدل عقاله: ههههههههه وقتها يصير خير
أحمد: يعني نويت؟
حارب: حاليا ما أفكر..
أحمد: شكلك بتصك الثلاثين وأنت ما بتعرس
حارب: عاد مو لهالدرجة
وشوي يطب عليهم سهيل..
سهيل: أوب أوب أحمدوه مصدق عمره
أحمد: أحمدوه فعينك... أقول حارب عدل عقالي شوي أحسه ياي بالغلط
سهيل: لا يكون يعني قلت صرت معرس بتشوف نفسك علينا يعني
حارب: ههههههههه بلاك على الريال خله مستانس في يوم عرسه بعدين أحمد معرس لازم معاملة خاصة
سهيل: أقولك لا تسويلي فيها فيلم قديم أنت تعرف تكشخ روحك... بعدين لا تنفخه وايد بتتبطل براغيه علينا بعدين ههههههههههه
أحمد: خله خله.. تلاقيه مقهور بس عسب عرست قبله
سهيل: مقهور أونه.. لاحق بوي لاحق حق عوار الراس
حارب: الحين بعض الناس " ويغمز حق سهيل" صاروا عوار راس
عيل وين رمستك قبل
سهيل: ههههههههه فدييت منطوقي والله
أحمد: شو السالفة.. لا يكون سهول يحب؟
حارب: يحب أونه..ألا متخشع
أحمد + حارب: هههههههههههههه
سهيل: ضحكتوا من سركم بلا.. خلني أقوم عنكم فشلتوني الله يخسكم
وقام وقبل لا يروح يبس حذالهم
حارب وهو يدزه: سير لاه
أحمد: هههههههه زين تسوي فيه
من صوب ثاني..
حامد مرتبش اللي يقول اليوم عرسه هو
نادر: حامد... عدال عدال يا بوك.. ترى الفرقة بس هي اللي بتاخذ البيزات
حامد وهو ايول من الخاطر ولا همه من احد وقعد يضحك بعد ما سمع رمسة نادر
...............................................
الساعة 8,3 مساء..
...في صالة العرس...
البنات ويا العروس توهن واصلات الصالة
الصالة في هالوقت كانت ممزورة بالحريم
سارة وهي اطالع الحريم من فوق: خيييييييييييييبة كيف زحمة..
عليا وهي داشة عرض: أشووووووف.. هي والله صج
ميسون: يلا بسرعة بنات البسواخلونا ننزل..
ولبست كل وحدة فستانها ونزلن بسرعة..
كلهن نزلن تحت وبقت سارة وقبل لا تظهر زقرتها حصة..
سارة وهي تسير صوبها: حصوه بلاج حبيبتي تصيحين؟
حصة: ما ادري زايغة
سارة: والله بعطيج كف لا تخربين مكياجج يالدبة
حصة وهي تحاول تمسك عمرها
سارة: يلا عاد في أحد يصيح في يوم عرسه.. وبعدين لا تنسين أنج بتاخذين أحمد الخيلي يعني أخو سارة الخيلي.. يعني حبي ايدج وهي مجلوبة
حصة وهي تضرب سارة على جتفها العاري برقة: لا والله مو جنج تخققتي شوي
سارة: هههههههه المهم بسير ازقر شهودة وشمة عسب نجهزهم حق الحركة
حصة: أوكي بس لا تخليني بروحي .. أبيج تنزلين ويايه
سارة وقبل لا تظهر تغمز حق حصة: أوكيك يا كيك
حصة: ساروه..
سارة وهي تصد صوبها: هلأ
حصة: خلي موبايلي عندج
سارة: ليش؟
حصة: يمكن أحد يتصل تعرفين مابي أرد حق حد
خذت سارة الموبايل عقبها ابتسمت حق حصة اللي تطمنت يوم شافت ابتسامة سارة الرقيقة وبعدين ظهرت
ابتسمت حصة وقعدت تتصور
...............................
في هالوقت نزلت سارة وهي نازلة اشتغلت فرقة سلامي
" أغنية.. يا عمري أنا"..<<<<<<<<<< فرقة ميامي
أول ما حطت سارة ريولها على الدري كل الحريم صدن صوبها..
يا حلووووها.. قمر ما شاء الله عليها... بنت منو هذي؟؟
مشت سارة صوب ربعها بكل ثقة وهي رافعة راسها وهي تبتسم في داخلها راضية كل الرضى عن شكلها
وبدت الأغاني الربيشة
عليا خلاص ما رامت تيود عمرها
وقامت ترقص
كل البنات التموا حولها وقعدوا يصفقون
عقب شوي مسكت عليا سارة عسب ترقص وياها بس سارة ما رقصت لأنها وايد تستحي
وقامت ميسون ترقص مع عليا..
أما شيما وسارة اكتفوا بالتصفيق
وشوي يرن موبايل حصة اللي كان مع سارة..
سارة وهي حاطة ايدها على أذونها عسب الحشرة وهي تحاول تسمع اللي متصل..
سارة بصوت عالي: ألووووووو
: خييبة أذوني.. تراني والله أسمع
سارة: منو ويايه؟
: انتي منو؟
سارة: أقول.. لحظة لحظة شوي
سارة وهي تبتعد عن الحشرة شوي وتحاول تسمع عدل
سارة: ألو
: هلأ
سارة: منووو؟
: أفاااا ما عرفتيني يعني.. ما نلومج ترى عرسج اليوم
سارة والحين انتبهت أنه تليفون حصة ويمكن هذا واحد من أهلها يبي يبارك لها
بس قالت ليش ما أقص عليه وأقوله أنا حصة
خخخخخخخخخخخ
: حووووه وينج؟..هب أحمد هذا اللي ماخذ عقلج
سارة وتسوي عمرها مستحية وتحاول تقلد صوت حصة الرقيق: ههههههههه فديت ريلي والله
: لاا والله ما تستحين تتفدينه بعد
سارة: ريلي وكيفي
" يا حليلها حصوه.. تموت ولا تقول شرات رمسة سارة.. صج أنها شريرة"
: هههههههه والله وطلعتي هب هينة يا حصوه.. ما أحيدج خبلة مثل ساروة
انصدمت سارة من قال اسمها.. يعرفني.. منو هذا؟
حارب: حصوه.. وينج.. لا الظاهر أحمد وايد مأثر عليج
سارة: لا حبيبي أنا هب حصوه.. وبعدين احترم نفسك تراني هب خبلة
تيبس حارب.. هب حصوه.. هذي.. هذي سارة..
وقبل لا يرد سكرت سارة في ويهه
سارة وهي تتحرطم: الخايس.. وهي تقلد صوته " ما أحيدج خبلة مثل ساروة "
الخبلة حرمتك
وشوي اطب عليها شيما..
شيما: ساروه وينج؟
سارة: كاني هني
شيما: بسرعة حصة الحين بتنزل
سارة: قولي والله
وربعت ويا شيما عسب يجهزون الأغنية اللي بتنزل عليها حصة
طبعا بعد ما انحط العشى و تعشوو الرياييل و حطو العشى للحرمات .. بس تأخرت حصة الين ما ظهروها ما ظهرت الا الساعه 11 ..
وقفوا شهد وشمه اللي كانن شايلات سلات ورد صغيرة على أساس أنهم ينثرونها على الحضور
كانن شهد وشمة ولا أروع
طالعات وايد حلوااااااااااااات
فساتينهم بلون وردي على أبيض عجييييبة عليهم
وعلى شعرهم الأشقر طوق ورد بنفس ألوان الفستان
عقبهن دشت حصة اللي كانت ميتة من الزيغة ومعاها سارة وأم ثاني و مشوها فالممر بين الحرمات .. كانت عذاااااااااااااااااااااااب .. طرحتها طوييييييييييييييييييلة و شعرها .. مسويله تسريحه نازله .. و مطلعين منها خصلات على ويها و على جتوفها و ظهرها .. كاااااااااااان شكلها واااااااااااااايد حلو .. و حطتلها مكياج رهييييييييييييييييييب .... و الحرمات يردن الشهادة عليها .. من الخاطر كانت حلوه.. تجذب اعيون الناظر لها .. رقيقه بمشيتها .. و حركاتها .. و.. من شافتها امها .. صاحت .. {{يالله حصة كبرت و اشوفها عروس جدامي}} و كانت دخلتها على غنية راشد الماجد " حد منكم شاف فالدنيا "


(حد منكم شاف فالدنيا بدر ..مقبل ٍ يمشي و من حوله بشر.. من حلاه ايزف لناظر ظيى ..ان ظهر لناس و الا ما ظهر و.. هذا ما هو بدر ليل يختفي مع طلوع صبح وبزوغ الفجر ,, أو بدر يصبح بعد مدة هلال... هذا بدر مكتمل طول الشهر ... لا اله الا الله .. عالنبي محمد يله صلو عليه .. والله يا نور بهالدنيا نراه ..مستحيل ان نشوفه في بشر.. و التقت شمس الظهير بالقمر .. و في محياها بدى الصبح الضيى ..مشرق ٍو اخدودها واحة زهر ..و العيون الي كما عين المها تمتزج فيها البراءه بالسحر..الليله الليله محلاها الليله.. الليله الليله حلوه و جميله... و الا اله الا الله و على العروس اسم الله )
عقبها بنص ساعة اتصل حارب بسارة على أساس برمسها من تليفون حصة اللي وياها
سارة وهي مرتبشة وترد من دون ما تشوف الرقم..
سارة: ألووووو
حارب: هلا بسارة
سارة وبعدها هب منتبهة: هلا هلا منو؟
حارب: أنا حارب..أقولج متى ندش؟
سارة وتوها تستوعب: نعم شتبي.. وبعدين شو متى ندش.. وأنت شلك
حارب: لا يا بابا أنا بدش وقوليلهم خل يغطون العروس
وما عطاها فرصة ترد ألا وهو مسكر التليفون في ويهها
وفعلا.. دخل المعرس أحمد ويا أبوه وعمه وحارب وثاني وعلي أخوها وسهيل وسيف أخوان سارة
نزلوا على أغنية حمد العامري.. " أهلا وسهلا هلا"
عقب ما غطوا العروس طبعا
وقفوا عسب يتصورون وكل البنات متخبلين على حارب وسهيل وثاني وعلي
كل وحدة تقول أنا باخذ هذا واللي تقول أنا باخذه
شهد وشمة اللي ما بينوا من بينهم عقبها انتبه لهم حارب فشال شمة وثاني شال أخته شهد وتصوروا رباعة
عليا و هي تطالعهم من بعيد: آاااااااه يا ليتني مكان شهد أو شمة
ميسون وهي تضربها على جتفها: أنتي ما تستحين؟
عليا: والله يهبلوووووووووووووووون
عقبها وقفوا سهيل وعلي وقعدوا ايبسون جدام المعاريس
حارب يهمس في أذن ثاني: شوف شوف.. والله أنهم لواتيه كل هذا عسب البنات ترى
ثاني: هههههههههه
عقب ما تصوروا ظهروا الشباب كلهم وقبل لا يظهر حارب زقرته خالته ظبية عسب تسلم عليه ووقف معاه سهيل رزة بس عسب يطالع البنات اللي كانن ميتات عليهم
حارب: هلا خالوه
سهيل وهو يجرب من ظبية عسب يسلم عليها وعيونه على البنات: شحالج خالوه ظبية
ظبية: هلا هلا.. بعيالي. الفال لكم إن شاء الله.. يلا عاد بسكم عزوبية كاهوا أحمد طلع أشطر عنكم وكمل نص دينه
سهيل: افا عليج خالوه أنا من باجر بقول حق أمايا تخطب لي
في هالوقت شيما وسارة كانن جريبات منهم وسمعوا رمسة سهيل
اللي انتبه لهم وكمل رمته وبصوت عالي وعيونه على شيما المتغشية: على فكرة ترى العروس موجودة
استحت شيما وعرفت أنها المقصودة
في هالوقت سارة كانت في عالم ثاني..كانت تتأمل حارب لأول مرة تحسه وسيييييييييييييييم بشكل فظيع.. كانت قاعده تتأمل كل شي فيه.. خاصة أنها كانت متغشية عسب جذه خذت راحتها وهي تناظره
حارب: انزين خالوه.. نستأذن الحينة
سهيل اللي مات ما وده يظهر: ها.. هي صح لازم نظهر
وظهروا من الصالة
سارة فجت العباة أول ما ظهروا: حشى ما بغوا يظهرون
شيما: ياحليلهم كانوا يرمسون الخالة ظبية
سارة: هي صح.. أصلا هذي حركات بس عسب يشوفون البنات
شيما: منو فيهم تقصدين؟
سارة: ما أدري أنتي ادرى
احمرن خدود شيما وابتسمت
عقبها صعدت سارة الكوشة عسب تسلم على المعاريس
سارة وهي تسلم على أحمد:ألف ألف مبروووووووووك
أحمد وهو يبتسم: الله يبارك فيج والفال لج
سارة بدلع: لا يابوك مابي مابي بعدني صغيرة
حصة ما ترمس بس تضحك أونها مستحية ألا ميته وأحمد طول الوقت زاخ ايدها هب راضي يهدها خير شر
سارة: احم احم... من الحين عاد.. بدينا
حصة احمرت من الخاطر
أحمد: كيييفي والحين ممكن تجلبين ويهج
سارة: لو تموتون ما أخليكم بروحكم بقعد وياكم
أحمد: ساروه فارجي
سارة: أوكي أنا ودي أروح بس ترى في ناس يغمزون ما يبوني أروح عنهم
أحمد وهو يصد صوب حصة ويبتسم
حصة ماتت يوم شافت ابتسامته
سارة: حصووووه وين لسانج لا يكون بلعتيه.. خخخخخخخخخ
أحمد: ما يخصج.. ويلا الحين ممكن تخلينا
باست سارة حصة وعقبها ابتسمت لهم وقبل لاتنزل تصورت معاهم جم صورة
عقبها صعدوا أم سهيل وأم علي الكوشة ومعاهم أم ثاني عسب يباركون لهم ويتصورون سوى
وعقبها نزلوا.. وأخيرا حس أحمد بأنه يقدر يرمس حصة شوي
أحمد يهمس في أذن حصة: شو مسويه في عمرج أنا شو قايل كل شي ظاهر من جمسج وين تبين ؟
حصة مستحية من رمسة أحمد: شو أسوي قلهم عايبنهم إلا أنت
أحمد يمسك أيدها : بس أخاف عليج من عيون الحريم عفانا الله هههههه
حصة تضحك: لا عادي أصلا ما يهمني حد غيرك انته وهاكله مب عشان الناس عشان أنا اظهر في عيونك أحلى وحده بس
حصة ترمس بس عيونها مايات مول في عين أحمد يرمسون ويطالعون الحضور....
أحمد : عيل نفاذ يالله قومي نسير بسنا لاعة جبدي الحريم ينطون يسلمون ليش ما سلموا من قبل عليج شكلهم يبون يتأكدون ريلج حلو ولا لأ هههههههههههه
حصة: أحمد لا تستوي سخيف بعدنا لا شربنا العصير وماقصينا الكيك
أحمد: ما احب هالسوالف
استانسوا العرسان وخلص العرس الساعة 1 وظهروا فوق والتصوير سالفة وحركات ماتخلص وأحمد من النوع الجاد شوي ومب متعود وكان متوتر طبعا سارة ما خلت بنت عمها حصة دقيقة وحده وساعدتها وطردوا أحمد مرة ثانية برى عشان تبدل يوم خلصت نادوا أحمد وأم علي وأم سهيل كلهم حضنتهم حصة وقعدت تصيح...
عقبها كلهم ظهروا وحصة ما رضت تخلي سارة تروح عنها..
سارة: حصوة يالدبة كلهم روحوا عني الحين منو بياخذني البيت.. الظاهر بسير وياكم الفندق
حصة: ياليت والله
سارة: حصوه انتي من صدقج.. بلاج أحسج وايد زايغة.. وبعدين أحمدوه والله ما يعض
حصة: فديته والله
سارة: ياربي.. بدينا
حصة: ههههههههه
سارة: اتكلم جد الحين منو بوديني البيت؟
حصة: ما علي الحين بخبر أحمد.. وسارت تدق عليه
وعقبها يا أحمد عسب يروحون الفندق لأن باجر بسافرون ماليزيا
أحمد: ساروة العلة للحين ما روحتي؟
سارة وهي تحط ايدها على خصرها: نعم نعم الحين أنا العلة.. وبعدين مرتك المزمزيل هي اللي قالت لي قعدي ويايه
أحمد وهو يطالع حصة ويبتسم: دام حبيبتي طلبت منج خلاص ما أروم أقول شي
حصة مااااااااااااتت من المستحى
سارة وهي تحس عمرها ضايعة من بينهم: أقول أحمدوه عندك الليل بطوله تغزل فحصوه ألين ما تشبع.. الحين ممكن تدبرون لي منو بوصلني البيت؟
أحمد: لحظة بشوف منو برع عسب تردين وياه..
وبعد شوي...
أحمد: سارووه
سارة: هلأ
أحمد: ولد عمج برع يلا الحين فارجي
سارة وبدون ما تسأل منو فيهم ظهرت حتى أنها ما سلمت على حصة من زود ما كانت تعبانة..
وأول ما ظهرت برع ما حصلت غير سيارة وحدة... طبعا كانت سيارة حااااارب

اممممممممممممممممم.........
شو تتوقعون يصير بين حارب وسارة؟؟؟
وشو سالفة الرد بول والكابري سن تفاح والباونتي؟؟؟
تبون تعرفون؟؟
خلاص عيل ترقبوا البارت (10)>>> نذله صحح خخخ :bapho:

السمووحه بس مارمت انزل البارتات لأن الجامعه ماخذه كـل وقتي وانشاءالله بنزل لكم البارتات يوم اقدر *__^

 

 

  رد مع اقتباس
قديم 02-11-2009, 02:10 PM   رقم المشاركة : 15
M S . H A B L A ©
 
الصورة الرمزية M S . H A B L A © 





معلومات اضافية 
  النقاط : 11998
  الجنس :
  الدولة :
  الحالة :
الرسالة الشخصية

التقييم

افتراضي

 

 

أمشي على درب الهوى عكس قانونه
الجزء (10)

أحمد: سارووه
سارة: هلأ
أحمد: ولد عمج برع يلا الحين فارجي
سارة وبدون ما تسأل منو فيهم ظهرت حتى أنها ما سلمت على حصة من زود ما كانت تعبانة..
وأول ما ظهرت برع ما حصلت غير سيارة وحدة... طبعا كانت سيارة حااااارب
ما كان جدامها خيار غير أنها تركب وياه وخاصة بعد ما روح الكل
وما فيها ترجع ويا أحمد لأن وايد مشغول
سارة وهي تركب السيارة.. بس حارب ما كان فيها..
قعدت 10 دقايق تقريبا وهي تنتظره وأخيرا.. ركب حارب
الحبيب كان قاعد يرمس في التليفون..
وأول ما ركب..
حارب وهو يطالع ورى: شحالج سارة؟
سارة وهي صادة الصوب الثاني ومن دون نفس: تمام
حارب للحين كان صاد يطالعها جنه أول مرة يشوفها.. تضايقت سارة .. أفففففففف هذا بلاه مينون عفانا الله شو يطالع.. وما قدرت تتحمل نظراته
سارة وهي محرجة: نعم.. خير في شي؟
حارب وهو يبتسم باستهزاء: لا والله.. وأنتي من ساع في الصالة كنتي تطالعني ما قلنا شي.. وألا يعني حلال عليج وحرام علينا
سارة وهي صج مفتشلة.. ياربي يعني كان حاس لما كنت أشوفه.. صج فشيييييييييييلة
سارة وهي مرتبكة: أ..أنا كنت أشوفك؟.. منو قص عليك.. الظاهر صابك حول
حارب وهو يشغل السيارة ويبتسم : والله يمكن
سارة وهي تتأفف... كل منج يا حصوه.. قعدي ويايه وقعدي ويايه.. وآخر شي طرشوني ويا هالخام
حارب بينه وبين نفسه ما قدر ينكر جمال سارة وكيف ظاهرة قمرررررررررر
طول الطريج كان السكوت سيد الموقف
شوي جان يوقف حارب جدام بقالة..
حارب: شو تبغين؟
سارة: ما بي شي
حارب: أقولك 1 رد بول و1 كابري سن تفاح و2 باونتي
سارة: شو تتحراني ياهل.. وتقلد صوته ... أونه كابري سن
حارب وهو يضحك: ههههههههههه توج تقولين ما تبغين شي والحين تتحرطمين..
عفانا الله طرارة وتشرط ...أنتي أحمدي ربج...
شوي واييب الهندي اللي طلبوه
حارب: أقولك... خذ ما يبي ردبول سير ييب بعد كابريسن واحد ثاني
سارة وهي مفتشلة للآخر
حارب: الحين مرتاحة؟
سارة:..................
حارب: عطاها العصير والباونتي وغصبا عليها خذته مع أنها ما أكلته جدامه بس أول ما نزلها ربعت سيدة حجرتها وقعدت تاكل لأنها من الصبح وهي هب ماكلة شي
عقبها خذت شور عالسريع.. وما حست بعمرها ألا وهي بسابع نومة
..........................................
بعد شهر من الأحداث السابقة..
في بيت أم علي..
أبو علي وأم علي وعلي قاعدين في الصالة..
أم علي: والله تولهت عليج يا حصوه
أبو علي: تعالي صح.. هم متى برجعون؟
علي: البارحة رمست حصة وقالتلي الاربعاء إن شاء الله بكونون هني
أم علي وهي متشققه: الله يبشرك بالخير يا علي
أبو علي: وجيه ما تخبرنا ؟
علي وهو يحك شعره: نسيت.. وبعدين هالكثر حصوه غالية عليكم؟
أم علي: كلكم يا عيالي غالين علينا
علي: خلاص عيل أنا من باجر بعرس عسب أشوف غلاتي عندكم
أبو علي: هههههههههه آه منك أنت بس ياللوتي
...........................................
في بيت أبو سهيل..
أم سهيل ترمس أحمد في التليفون..
أم سهيل: وأخيرا بترجعون .. والله لكم وحشة يا معاريسنا
أحمد: ههههههههه فديت أمايا والله.. المهم غناتي لا تنسين تخبرين علي عسب يستقبلنا في المطار الساعة 5 العصر
أم سهيل: انزين يما أنا بخبره وأنت بعد اتصل به وذكره أخاف أنسى
أحمد: حصة البارحة رمسته وقالتله بس حبيت تأكدين عليه
أم سهيل خلاص ما علي.. وأنت حط بالك على حصة
أحمد وهو يطالع حصة اللي توها ظاهرة من الحمام " تكرمون" : أفا عليج أنتي.. في أحد يوصي أحد على روحه
ابتسمت حصة ونزلت راسها من المستحى
أم سهيل: هههههههه المهم يلا حبيبي ما أبي أطول عليك.. فوداعة الرحمن ونشوفك على خير
أحمد: خلاص ما علي وسلمي على أبويه وسارة وسهيل وسوافي..
أم سهيل: يبلغ يا ولدي
وسكرت عنه..
..... في ماليزيا.....
أحمد بعد ما سكر عن أمه سار صوب حصة..
أحمد: تصدقين ما ودي أرجع
حصة: ليش عاد؟
أحمد: عسب نكون أنا وأنتي وبس طووووووووول العمر محد يزعجنا
حصة: ههههه يلا عاد أونك شهر وما شبعت مني
أحمد: وفي أحد يمل روحه؟
حصة: أوهو خلاص أحمدوه ترى والله أستحي
أحمد: فديييييييت اللي يستحون والله
وباسها على خدها
هني حصة خلاص ذابت
أحمد: انزين..
حصة: شو؟
احمد: أبي بوسة منج
حصة: لا والله.. ما شي ما بعطيك
أحمد: وليش إن شاء الله؟
حصة: بس جذه مزااااااااج
أحمد: تعرفين لو ما عطيتيني شو بسوي بج؟
حصة: شو بتسوي يعني؟
وفجأة ما حست حصة بعمرها ألا وهي مشيولة صوب البلكون
أحمد: عرفتي الحين شو بسوي بج؟
حصة وهي ما سكة أحمد بقو: أحمدوووووووووه دخيلك بطيح
أحمد: ما يخصني.. بتعطيني ولا شو؟
حصة: بعطيك بعطيك خلاص دخيلك نزلني ترى والله أخااف
أحمد وهو ناقع من الضحك: يلا أشوف .. ونزلها
حصة وبعد ما باسته على السريع..
حصة: يالخايس كنت بموت
أحمد وهو للحين فاطس من الضحك: ههههههههااااااااااااايييييييي عسب مرة ثانية لمن أقولج بوسيني يعني تبوسيني
حصة وتضربه على جتفه وللحين زايغة من الوقف اللي انحطت فيه
ياحليلها..
................................
يوم رجعة أحمد وحصة..
الكل تيمع في بيت أبو سهيل عسب يستقبلونهم
وكانوا مزهبين العشا عسب يتعشون كلهم سوا
الساعة 5 ....ظهر علي مع حارب يستقبلون المعاريس
في المطار..
علي: الحمد الله على السلامة.. توا ما نورت دار بو خليفة
أحمد: الله يسلمك.. والله الدار منورة بأهلها
حارب: شحالج حصوة... خيبة كيف ضعفانة.. لا يكون هذا الخام ما يوكلج؟
حصة: هههههههه لا حرام عليك أصلا ما كو مثل أحمدوه مدللني ومعززني
حارب: بعد أدافع عنه
أحمد: فديييت أم زايد والله
علي: خيييييبة متى لحقتوا؟
أحمد: الله وأكبر عليك بلاك.. قول ما شاء الله.. أنا أقصد اللي بيي إن شاء الله
حارب: ههههههههههه
علي: الله يعطيكم بس أنا أقول مسرع يعني
أحمد: شوفي حصوه ترى محد بيحسدنا غير هذا علوي أخوج
حصة : ههههههههههه الظاهر
علي: أفااااا الحين أناا أحسد حصحوصة حبيبتي
حارب: المهم يلا تأخرنا وفروا سوالفكم بعدين
وركبوا السيارة وطول الطريج سوالف وضحك
................................
في بيت أم سهيل..
سارة قاعدة في الحوش تنطر المعاريس سايرة رادة ومعاها شمة وشهد اللي يننوا فيها
شمة: سوفي سوفي سالة توبي أهلا من توب سهوده سه؟
( شوفي شوفي سارة ثوبي أحلا من ثوب شهودة صح؟)
سارة وعيونها على الساعة: هي صح صح
شوي وتصرخ شهد: نااااااااااااا توبي أنا أهلا
( لاااااااااااااااااا ثوبي أنا أحلا)
سارة: يا ربي صج أنكن مزعجات.. وصارخت عليهن: يلا الحين سيروا داخل لا أكفخكم الحينه
وشوي سمعوا صوت سيارة برع..
سارة وهي تربع: وأخيرا وصلوا
ومعاها شمة وشهد
سارة وهي تفج الباب.. وتربع صوب أحمد وحصة وتلوي عليهم وقعدت تصيح
أحمد: ساروه بلاج شوي شوي علينا يعني قلنا متولهين علينا
حصة: فديت ساروه والله .. والله إني تولهت عليج وقعدت تصيح وياها
علي: انزين دشوا داخل وكملوا صياح.. بلاكن فضحتونا
ودشوا داخل ..
والرياييل دخلوا الميلس عسب يتعشون
بعد ما سلمت حصة على أمها وعمتها أم سهيل وأم ثاني وظبية.. قعدت ويا سارة اللي ما هدوا بعض موليه
سارة: ها شو سويتوا؟ ووين سرتوا؟ وكيف الزواج؟ حلو ولا شو؟
حصة: ههههههه بلاج ساروه شوي شوي علي
سارة: ما أروم ما أروم أنطر زيادة.. شهر يالظالمة تقعدون. والله تولهت عليكم
حصة: آاااااه شو أقولج بصراحة الزواج عجيييييييييييييب
وخاصة إذا كان ريلج شرات ريلي أحمد
سارة: انزين..
حصة: شو أقولج بس.. كل يوم نظهر.. بصراحة ماليزيا فظيعة.. اللي يقول جنة.. سبحان خالقها
سارة: انزين..
وقعدت حصة ترمس سارة عن شهر العسل شو سووا ووين ظهروا
سارة: الله.. لهدرجة الزواج حلو.. خلاص عيل من باجر أبي أعرس
حصة: ههههههههههه
وشوي تقطعهم أم ثاني: سارة وحصة.. يلا يما العشا جاهز
حصة: ما علي خالوه الحين بننزل
ونزلوا تحت عسب يتعشون
صوب الرياييل..
سهيل: لااااااا الأخ أحمد محلو معقولة الزواج جذه يسوي بالواحد؟
أبو سهيل: أنت بلاك على أخوك قول ما شاء الله.. وبعدين أنت بروحك هب راضي تعرس
سهيل: جريب جريب إن شاء الله
أبو علي ويصد صوب حارب وثاني وعلي: وأنتوا؟ نويتوا ولا بعدكم؟
علي: أنا إن شاء الله أول ما ألاقي بنت الحلال رح أخبركم
ثاني: وأنا بعد.. مع أني حاط وحدة في بالي بس ما أبي استعيل
أبو سهيل: لا يكون حاطين في بالكم أنكم بتعرسون وحدة من هالخايسات اللي ترمسونهم في التليفون؟ ترى والله إن سويتوها لاني عمكم ولا أنتوا عيالي
أبو علي: صدقك والله يا أخوي.. والبنات الحشيمات وايدات
حارب: ههههههههههههههه لا ياعمي عاد مو لهدرجة.. نحن هب ميانين ناخذ وحدة ما ادري كم واحد مرمسة قبلنا؟
أبو علي: هي بعد أتحرى
وقعدوا يسولفون وعقبها انحط العشى واتعشوا
صوب الحريم..
ظبية: الله يفرحكم إن شاء الله.. يلا الحين استأذن
ام سهيل: وين وين للحين ما كليتي شي؟
ظبية: شو ما كليت شي عشا وتعشينا الحمد الله
سارة: أفا يا خالوه ما تبين تذوقين الـ sweet اللي أنا مسوتنه بإيدي
ظبية: ههههه فدييج والله يا سارة بس والله مثل ما تعرفين الحين موعد دواي وأنا نسيته في البيت
سارة: خلاص عيل بحط لج شويه عسب تاكلينه في البيت
ظبية: ما بردج يا بنتي بس شوية ها
وقامت سارة تحط حق ظبية شوية من الحلو اللي مسوتنه..
ودخلت الصالة بس ما لقتها..
سارة: وين خالوه ظبية؟
أم سهيل: توها ظهرت سيري لها برع وعطيها إياه
لبست سارة وقايتها وظهرت بسرعة عسب تلحق ظبية
ظبية توها تركب السيارة .. زقرتها سارة: اندوج خالوه..
شوي ويظهر حارب من داخل وتفاجأ بسارة..
حارب: شحالج سارة؟
سارة: الحمد الله
حارب: شو ها؟
سارة : sweet حق خالوه ظبية
حارب: ادري انزين أنه حق أمايه لا تخافين هب ماكل منه.. أخاف يصير بي شي
سارة: سخييييييييف
حارب وهو يركب السيارة وعيونه على سارة اللي كانت ترمس ظبية
ظبية: مشكورة يما.. وسلمي حق أمج والحريم.. والفال لج إن شاء الله نفرح بج
استحت سارة.. ونزلت راسها
حارب وهو ميت من الضحك: أونها استحت.. أصلا منو المينون اللي بياخذ وحدة هبلة شراتج؟
سارة: ومنو قالك أبي أعرس أصلا؟
حارب شغل السيارة أونه مسويلها طااف
ظبية: دشي يما داخل ما عليج من رمسة حارب يتمصخر تراه
ودخلت سارة وهي قاعدة تتحرطم على حارب
وهو ناقع عليها من الضحك
.................................................. ..
في اليوم الثاني..
الساعة 7,30 الصبح
أفففففففففففففففف زهقااااااااااان
مواصل من البارحة.... شسوي؟
اممممممممممممممم
خخخخخخخخخخخخخ
فكرة عجيبة..
دخلت شوي شوي وبكل هدوء
قعدت أمشي على أطراف أصابعي
الحجرة كانت ثللللللللللج
فيني ضحكة بس يودت عمري غصب
وأخيرا.. وصلت
وبدون تفكير جبيت الماي اللي كان أبرد من برودة الحجرة عليها..
سارة وهي متيبسة من الخاطر..
قعدت وهي ميتة من الماي الثلج وقعدت تصارخ: سهيييييييييييييييييييييييييييييييييييييل
سهيل :<<<<<<<<<<< شردة
خخخخخخخخخخخخخخخخخخ
بعد ما جب سهيل الماي على سارة
تخيلوا لو كنتوا مكانها في هاللحظة..
في سابع نومكم... وأنتوا مستغرقين في أحلامكم
وفجأة..
تنرشون ماي
ولااااا
هب أي ماي..
ثللللللللللللللللللللللج
ياحليلج يا سارة
في هالوقت سارة للحين متيبسة هب فاهمة اللي استوى
أنا في حلم ولا في علم
لحظة..
لا صج كاني أرتجف
يعني هب حلم
وقعدت عسب تبدل وعلى طول سكرت التكييف وقامت وهي تتوعد حق سهيل..
بعد ما بدلت ثيابها..
خلاص الرقاد طاااااار
أصلا مارح تقدر ترتاح بعد ما تنتقم من سهيل
الله يعينك يا سهيل
ومثل ما يقولون..:"اتق شر الحليم إذا غضب"
وفعلا ظهرت من الحجرة وطبعا بما أنها الساعة7 فأكيد الكل راقد
البيت كان هدوء
على طول دشت المطبخ وهي للحين ترتجف من البرد
حتى أن شعرها للحين مبلل
خذت دبة ماي من الفريزر وزادت عليه قطع ثلج
" العين بالعين.. والسن بالسن.. والبادي أظلم"
وهي طالعة لمحت واحد قاعد في الحديقة..
سارة: الحمد الله يعني سهل لي المهمة.. عسب ما أقعد أدور عليه
وشوي شوي الين ما وصلت
وأول ما وقفت وراه
على طوووووووووول
جبت الماي عليه...
: آااااااااااااااااااااااااااااااااااااه
سارة وهي منصدمة: حـ..حـ..حا..مد
حامد وللحين متيبس من البرد: شو السالفة.. ليش جبيتي علي الماي؟
سارة وهب مستوعبة أنها بليا شيلة: .............
حامد والحين استوعب بأن سارة بليا شيلة وقدر أنها مصدومة فلف ويه عنها..
حامد وهو يبتسم: أكيد كنتي تتحريني سهيل؟..
سارة وبعد ما لف عنها حامد استوعبت أنها جدام الريال بليا شيلة
ما حست بعمرها ألا ودموعها على خدها وربعت داخل
حامد بعد ما أتأكد أنها روحت...: فديتج.. والله لو تحريقني بنار ما أقولج لأ
" أونه عاد"
سارة وهي للحين مصدووووووومة
شو هالموقف اللي انحطيت فيه؟
الحين شو بقول عني؟
وين أودي ويهيي؟
وقعدت تصيح في حجرتها ألين ما رقدت
........................................
سهيل وتوه ظاهر من الحجرة وساير صوب حامد..
سهيل اللي انصدم من شكل حامد وهو مبلل وقاعد يرتجف
خاصة أن الصبح والجو بارد شوي
سهيل: بلاك حامد.. منو سوا بك جذه؟
حامد طبعا مستحيل يخبر سهيل بالساالفة ..
حامد: ها؟ لا بس كنت ساير صوب المغسلة عسب أغسل ايدي وشكلها خربانة
سهيل وشكله هب مصدق: أي مغسلة؟
حامد: لا لا ولا يمهك.. الحين توني خبرت عاملكم عسب يصلحها
سهيل: زين بعد.. المهم تعال الحين داخل عسب أعطيك كندورة ولا بتتجمد جذه
حامد: ههههههههه صدقك والله
.........................................
في بيت أم حامد..
شيما قاعدة في الصالة..
حامد توه يدخل
حامد: السلام عليكم
شيما: عليكم السلام.. هلا حامد.. وين كنت.. ؟
حامد: آاتشوا
شيما: يرحمك الله
حامد: يهدينا ويهديكم الله
شيما: مريض؟
حامد: لا بس شوية زجام
شيما: أهاا
حامد وتذكر الوقف وقعد يضحك
شيما استغربت منه: بلاك؟
حامد: أحب
شيما: ههههههههه جي مرة وحدة.. ومنو هذي؟
حامد: وحدة تعرفينها.. وإن شاء الله برمس الوالدة عسب تخطبها لي بأسرع وقت ممكن.. خلاص ما أروم اصبر زيادة
شيما: بل بل بل... كل هذا وأنا خبر خير.. انزين تعال خبرني منو هذي..؟
حامد: ســــــــــــــارة
شيما بين مصدومة وفرحااااااانة من الخاطر أن أخوها بعرس من ربيعتها وأخت اللي تحبه: قــــــــــــــــــول واللــــــــــــــــــــــه؟
حامد: هههههههههه الحين ريال طول وعرض... وما تصدقيني؟
شيما وهي تصارخ: مبروووووووووك... وأخيرا بصير عندنا عرس
والله وعرفت تختار.. طلعت هب هين يا حمود
حامد: ههههههههههه على فكرة تراني مزجم بسبتها
شيما: أحلف.. يعني أنت ترمسها؟
حامد: خبلة أنتي شو..
وقعد حامد يخبر شيما بالسالفة
شيما: ههههههههههههههههههههاااااااااااااااييييييييي ياحليلج يا ساروه.. أكيد الحين تلاقيها مزجمة هي الثانية
حامد: فديتها والله عساه فيني ولا فيها..
شيما: انزين.. متى بترمس أمايا؟
حامد: اليوم إن شاء الله.. وقام عسب ياخذ شور ويبدل
وهو صاعد الدري زقرته شيما..
شيما: حامد؟
حامد: هلأ..
شيما: تعال.. سارة ما تصير بنت عم حارب؟
حامد: ويعني؟
شيما: شرايك تخبر حارب
حامد: وليش انزين؟
شيما: ما ادري يمكن هو لد عمها ويعرف اذا كانت محيرة حق حد ولا لأ
يعني خل الموضوع بينك وبينه قبل لا يوصل الخبر حق اخوانها
وحارب ولد خالوه ما بقصر وياك
حامد: يصير خير
وكمل طريجه
.................................
في هالوقت حارب كان في سابع نومة..
اتصل حامد به عسب يخبره بالموضوع..
ياحليله من زود ما مستعيل هب قادر يرقد قبل لا يرمس حارب
حارب بعد ما رن موبايله ..طبعا في البداية ما عبره بس بعد ما مصخها حامد وما رضى يسكر الا بعد ما يرمس حارب..
وفعلا رد عليه حارب أخيرا..
حارب وبصوت راااااااقد: ألووووو
حامد: ما بغيت ترد يعني؟
حارب: منو؟
حامد: لا الأخ مغلق... أقول أنا حـــــــــامـد
حارب: هلا.. هلا حامد
حارب: شكلك لو ترمس بس بعدك في العالم الثاني.. المهم أول ما تنش بغيتك بسالفة
حارب: خلاص... تعالي البيت
حامد: أوكي بييك الساعة..
وقبل لا يكمل رمسته سكر حارب في ويهه
هههههههههههههههههه
ياحليله
وبعدين حارب ما ينلام
صج أن النوم سلطان
..................................
طبعا حامد ما استغرب من حارب حتى هو مواصل وسار يرقد وبعد ما يقوم بسيير وبرمس حارب...
الساعة 8,9 المغارب..
حارب توه يفتح عيونه..
دخل الحمام " تكرمون"
وبعد ما أخذ شور توضأ وصلى
ولبس لبس سبورتي..
ونزل تحت..
وكل العادة .. ياحليلها ظبية قاعدة في الصالة..
حارب وهو يبوسها على راسها: صـــبــاح الخــير
ظبية: أي صباح الخير؟.. بندخل اليوم الثاني وأنت توك ناش
حارب: ههههههههه شسوي.. البارحة كنت سهران ويا الربع شويه
ظبية وهي تكح: كح كح كح
لاحظ حارب أن خالته تعبانة شوي
حارب وهو يناولها كاس الماي: بلاج أمي ؟
ظبية: كح.. كح.. لا حبيبي ما فيني شي
حارب: خذتي دواج؟
ظبية: بلاك يا ولدي.. ما فيني شي عادي.. لا تخاف علي
حارب: إذا ما أخاف عليج على منو أخاف؟
ظبية واستغلت الفرصة: يعني صج تخاف علي؟
حارب: أمايا.. هذا يباله سؤال بعد؟
ظبية: خلاص عيل.. لو صج تخاف علي....... طلبتك
حارب: تم.. أفا عليج إنتي بس.. لو تبغين عيوني ما قصرت.. وعطيتج إياها
ظبية: تسلم عيوني يا ولدي.. كل اللي ابغيه منك أنك... تكمل نص دينك
حارب: هههههههههههههههه أتزوج؟
ظبية: هي يا حارب.. تتزوج. وبعدن أنت هب ياهل الحمد الله كبير وفاهم وعقلك براسك هب ناقص ولا شي.. وترى اللي عرسوا هب أقل عنك...وبعدين أنا حرمة عودة يا ولدي وأبي أفرح بك
ودمعت عينها..
جرب منها حارب وقعد يمسح دموعها: لا لا يا أمايا.. الحين شو اللي يصيح؟ لا تخليني أهون عن الزواج؟
ظبية: يعني أنت موافق؟
حارب: دام هذي رغبتج أنا ما عندي مانع
ظبية وهي متشققة: فديتك يا ولدي عسى الله يهديك ويوفقك
حارب: المهم أمايا تراني مستعيل الحينة.. يوم برد بنرمس في هالسالفة
ظبية: انزين ما تبي تعرف اسم العروس على الأقل؟
انصدم حارب: اسمها؟
ظبية: هي يا ولدي.. بلاك تروعت؟
حارب: لا بس..
ظبية: لا بس ولا شي.. العروس جاهزة وأنا بنفسي اللي اخترتها... وما أظن أنك بتلاقي مثلها لو لفيت العالم بكبره
جمال وأخلاق ورزة... وفوق كل هذا بنتا وتربيتنا
حارب شكله عرفها بس ما حب أنه يتسرع: منو؟
ظبية وهي تبتسم: بنت عمك .. ســـــــــــــــــــــارة..
.................................................. .................

امممممممممم أكيد متفاجئين صح؟؟؟!!!

تتوقعون شو بتكون ردة فعل كل من..
حـــــــــــــارب؟؟
وحــــــــــــــــامــــــــــــــــــد؟؟
وســــــــــــــــــــــــــــــــــــــــــــــــ ـــــــــــارة؟؟؟؟؟؟؟

(( ليت القدر يمشي على رغبة النفس جان القدر باطوعه لاجل عينك...))
ترقبوا الجزء (11)....

 

 

  رد مع اقتباس
قديم 12-11-2009, 11:02 PM   رقم المشاركة : 16
دلوعه بس خجوله
~ • غـٍُالٌٍُيً فـًٌٍُِضٌٍِيًٌَ • ~
 
الصورة الرمزية دلوعه بس خجوله 





معلومات اضافية 
  النقاط : 730
  الجنس :
  الدولة :
  الحالة :
الرسالة الشخصية

التقييم

افتراضي

 

 

امممممممممم أكيد متفاجئين صح؟؟؟!!! لا مو وايد انصدمت

تتوقعون شو بتكون ردة فعل كل من..
حـــــــــــــارب؟؟ احس انه بيوافق
وحــــــــــــــــامــــــــــــــــــد؟؟ ما ادري
وســــــــــــــــــــــــــــــــــــــــــــــــ ـــــــــــارة؟؟؟؟؟؟؟ بعد ما ادري

تسلمسن اختية على البارت الطرطريشن

 

 

  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
أمشي مع‘ـَـَﮧ ، من غ‘ـَير لـآ أين وٍلـآ گيف وٍ ليـ M S . H A B L A © شـيوخ الامارات والعرب 1 04-07-2010 06:08 PM
لحظـﮧ ترا أنا آمزح لايڪون زعلت !!! ڂۈَړفڪآڼيــﮧ طْړ نافذة الحوار 6 21-06-2010 03:40 PM
مآسي الروح جرح الغلا الخواطر ماهي حبر في يـوف قرطاس 10 07-01-2010 07:11 AM
أمشي واعد أخطاي أم مايد تراثي رمز هويتي 2 25-03-2008 07:51 PM

الساعة الآن 02:03 PM.


Powered by vBulletin® Version 3.8.7
Copyright ©2000 - 2019, Jelsoft Enterprises Ltd