رمزيات بلاك بيري خدمة تفسير الأحلام تصميم مواقع وصفات طبخ أعلن معنا


العودة   منتديات فريج دبي > فريج أم سعيد > قصص وروايات > قلم رصاص يسرد روايات

قلم رصاص يسرد روايات يختص في طرح الروايات


آخر المشاركات المطروحة في منتديات فريج دبي .



إضافة رد
 
أدوات الموضوع
قديم 09-10-2009, 11:12 AM   رقم المشاركة : 49
بدوية حشيمة
~ • غـٍُالٌٍُيً جـًٍَِديـٌٍُد • ~
 
الصورة الرمزية بدوية حشيمة 




معلومات اضافية 
  النقاط : 10
  الجنس :
  الدولة :
  الحالة :
الرسالة الشخصية

التقييم

افتراضي

 

 

البارت ... 17 .. والأخير ..

" يا حبيبي ارجع وداويني وانسى اللي فات وسامحني .. "

>>>> بدوية حشيمة + الخيلية <<<<<<

خالد :رقم غريب ..

موزوه : برايه رد . .

خالد : انزين ..

خالد :الوو ..

شما : هلا وغلا ومرحبا ملااااايييين ... ...

خالد خايف من موزوه : اهلين .. شو تبا ؟؟. ؟.

شما : افا لايكون المدام عندك ..؟.

خالد قام وطلع برع

خالد : هيه عندي المدام في شي .؟.

شما : اممم بغيتك بشي ضروووووري ..

خالد : ممكن اعرفه على التلفون .......

شما : لا ما يصير شي مهم ..

خالد : والمهم فيه .؟.

شما : المهم فيه اني بخليك بحالك وانا بحالي ...

خالد : خلاص اوكيه ..

شما : اوكيه تعال اليوم الساعة 10 في شقتية ,,

خالد : وليش شقتج ؟.....؟.

شما : لانه في شغله اباك اتسويه عالمكتب مالي ....

خالد : خلاص اوكيه .. في شي ثاني .

شما : لا سلامت قلبك .. ... .. ..

وسكر خالد التلفون ..

ودخل داخل ,,

موزوه : منو متصل ..؟.

خالد : ما ادريبه واحد كان يباني في سالفة الليلة ..

موزوه : يعني ما بتتعشى ؟؟.

خالد : لا بتعشى بس سالفة وراد ...

موزوه :اها زين ...

ومر اليوم ويا العصر ..

موزوه : ياربي رقم غريب ... .. خلني ارد عليه ..

........... : الو السلام عليكم ..

موزوه : وعليكم السلام والرحمه ... نعم اختي .؟؟.

........ : لو سمحتي .. ابغيج تين هالمكان ...... الساعة 10 ونص ممكن ..

موزوه : انزين ابا اعرف ليش ؟؟.

......... : تعالي وبتعرفين .. واعتبريني فاعلة خير لج ..

موزوه : انشاءالله ..

صكت موزوه السماعة ومستغربة منها

موزوه راحت الصالة .. : خلود خلنا نطلع اشوي

خالد : اممم مالي خلق ..

موزوه : خلوود عشان خاطري زهقت ..

خالد : خلاص روحي اتلبسي . .

واتلبسوا وطلعوا في الحديقة .. . .. ... .. ..

..................................شما ..........................

مزنة : انتي شو بتسوين .؟. .؟.

شما : ما ادري بسوي أي شي بس المهم يفترقون ..

مزنة : بس هالشي غلط انج تيلسين مع واحد غريب ..

شما : بس اللي اشوفه انه امي تيلس مع واااااايد هب واحد .. وبعدين ابا اريح عمري وافتك ..

مزنة : الله يهديج يارب ,..

شما : هاه الكناري يتمشون مع بعض .. . .

مزنة : خليهم في حالهم ...

شما : بخليهم وانشاءالله اليوم بيكونون مفترقييييييين ........

................................. خالد و موزوه .............................

خالد يطالع شما : موزوه متى وقت الطيارة .؟؟؟. ..

موزوه : اليوم الفير ليش ؟.؟.

خالد : بس لاني احس اني زهقت من هالمكان ..

موزوه : يالله هانت ..


. .. . .. . .. . . . . . الساعة 10 ... . .. . . . .. .... .. . .. . .

موزوه : يالله لا تتاخر .. عندي لك مفاجاة ... .. .

خالد : انشاءالله .. ..

وراح الشقة ..

طبعا شما كانت واقفة عند الباب هوه استغرب من لبسها انه محترم كانت لابسة زلااغ شفااف اسود لين فوق وتنورة قصير ولابسة فانيلا زرقاء طويييييلة ..وفيها ازرار طبعا .. .. .. .

شما بكل ادب : اتفضل خالد .. هاذي الغرفة .. .

ودخل الغرفة وكان فيها مكتب واوراق ولا بتوب ..

شما : اقعد اشوي ... اباك اتفهمني هاي .,,..

خالد : بس نحن خلصنا ...

شما : لا اخاف يسالوني وانا ما اعرفها ..

خالد : خلاص انا بطبعها لج في ورقة الحين ..

شما : هيه اتسوي خير وانا بروح اييب شاي ....

وراحت شما مسكت زر يبند الكهربا ويشغلها وشلته معاها وشلت الشاي ...

................... شو بتسوي هالحرمة .؟.............

موزوه .. ياربي الحين صح هذا هوه المكان .؟؟. الباب مفتوح انا اذكر قالتلي هوه يالله ادخل ..

.................................................. ............................

شما : خلص الشاي ..

وعطت خالد ويلست وين خالد يالس بس فوق المكتب ..

وجبت الشاي بالغلط فوقها ..

خالد : اووووووبس حاااااااار شو هذا ... .. .

شما : اح حار حار وفصخت قميصها .... . .. .. وتحت القميص .. كانت لابسة .. .. . .
شما : تعال ساعدني ..

خالد : يطالع تحت وفصخ جاكيته ... ولبسها اياه ...

وسمعت شما صوت حد فمسكت زر الكهربا وطفتها ... .

خالد : الحين شو هذا ...

شما : ماعليه الحين بترد ..

خالد : طاحت ورقة ..

شما : اووه خلني ادورها ويلست ادورها فصخت الجاكيت وطاحت فوق خالد ... واتبطل الباب وشغلت الكهربا . .. ..

موزوه مب مصدقة اللي اتشوفه ..

موزوه اتصيح : هاي آخرة الثقة اللي وثقتها فيك ...

وراحت ... ..

خالد : شما ساعديني انا شو اسوي الحين ..

شما : انا وعدتك ن خلصت اللي قلتلك عليه خلصت مهمتي معاك .. باااااااي ..

وطلع خالد ورا موزوه ..

خالد : موزوه سمعيني ... موزوه اسمعييي ..

موزوه : شو اسمع شو تباني اسمع رايح مع واحد وانته اصلن رايح مع هااااااي وكل مرة وين اشوفك معاها ....... شو تباني اسمع .. وراحت عنه ..

وراحت الشقة بسرعة وقفلت على عمرها . الباب .. .. .

وطاحت عالشبرية اتصييح ..

موزوه :: وهذا وانا اليوم ابا ابشرك اني حاامل ..

ويلست اتصيح لين ماياها رقااااد . .

وخالد رد الشقة وهوه منصدم من كل اللي صار .. ... ودخل الشقة يدور موزوه مالقاها وراح الغرفة لقى الباب مقفل .. . .

ويلس قدام الباب وحاظن عمره .. لين ما رقد .. .

الساعة 4 الفير ...........

رن تلفون موزوه ..

موزوه أي راسي يعورني .. وشافت التلفون ولقت ابوها متصل ..

سالم : موزانه يالله قومو سعيد تحت يترياكم الطيارة بعد نص ساعة ..

موزوه : بس ما ابا ارووح ..

سالم : افااااا ليش عااااد .. نحن حاجزين حقكم .. ..

موزوه كسر خاطرها : خلاص اوكيه بنروح بس ما بنطول ..

سالم : اوكيه هذا الكلام ... يالله اخليكم تجهزوون ..

موزوه : باي ..

موزوه الحين كيف اقومه انا اصلن هب طايقة حتى اشوف ويهه .. بروح اتلبس وبخليي حد ايي يظهر السامان ..

راحت اتلبست ودقت حق الرسبشن ايوون يشلون الشنط ..

و راحت فجت الباب لقت خالد راقد على الارض .. . ..

موزوه اطالع فوق .. : خالد خالد قوم يالله بنرووح ..

وطلعت برع ..

خالد قام ..: شاف موزوه ودخل داخل. .

وشاف فوق الشبرية بس مالقى ملابس .. .

خالد في خاطره : يالله اني اتعودت عليج اتعودت انه كل ما رحت اتسبح اللقى ملابسي مجهزة وكل شي مجهز ... وطلعله ملابس وراح يتسبح وموزوه خلتهم يشلون الشنط .. وينزلونهن تحت وكتبت في ورقة قدام الابجورة .. يالله تعال تحت .. ..

طلع خالد ومالقى شي يمشط فيه شعره ولا حتى عطر يتعطر لبس الكاب وشاف الابجورة وقرى اللي كاتبتنه .. .

وطلع برع ودفع الحساب وركب السيارة . . قدام ..

خالد : هلا وين رايحين ؟؟.

سعيد : على لندن ..

خالد في خاطره : ليش موزوه وافقت عالسفرة يمكن تفاهمت .. .

وصلهم المطار بس اللي اتفاجئ منه خالد انه موزوه غيرت مكانها من عداله ..وخذت مكان بروحها .. ..

في الطيارة ..

موزوه في خاطرها : ياربي انا في بطني رووح وانا بروحي ازيغ من الطيارة يارب ساعدني واول ما طارت الطيارة مسكت بطنها ... وكانت متقبظة بالقو .. أي يارب منو بيعاوني من بعدك يا .. حتى هب رايمة انطق اسمه .. وما صرت احبه .. بعد اللي شفته ...

واستقرت الطيارة .. ...

موزوه : الحمد الله ... ومسكت بطنها آه ياللي في بطني هل ممكن اتعيش بدون ابو ؟؟ . .؟ ..

.................................................. .............................

.. كانت بتزل الطيارة ..

خالد :ليش يا موزوه اتسوين جذيه ليش .. ؟.

ويلس خالد يطالعها يوم نزلت الطيارة ويطالع انها كانت ما سكة بطنها ..

خالد في خاطره : يمكن بطنها يعورها وانا هب موجود عندها. لازم اوقف معاها .. .

ماقدر خالد يسوي شي .. .

............................................... نزلت الطيارة ..............

راح خالد عندها : موزوه اساعدج ..

موزوه : لا شكرا . .: ..

خالد : موزوه شكلج تعبانة خليني اساعدج ..

موزوه ما ردت عليه ومشت ..

خالد : ليش جيه اتسوين فيني ليش ؟؟ .؟ .

موزوه : خالد ما يحتاي الكلام انته لا زم اتحط براسك انه اول ما انرد اطلقني فااااااهم ..

خالد اتفاجء من هالكلمة ..ووقف مكانه بس كمل لانه المظيفة قالتله ..

وراح ورا موزوه ...

وخلصوا الاجرائات وخذو تكسي وراحوا فندق ... . . . .

مووزوه : لو سمحت اطلبلي غرفة بروحي ..

خالد :: موزوه انتي شو اتقولين ..

موزوه : انا ما اروم اقعد معاك اكثر انته ما تفهم ... خلني بروح فترة ...

خالد :بس ..

موزوه : اذا ما حجزتلي تراني بحجز بروحي ...

خالد : خلاص اوكيه ..

وراح خالد حجز له غرفة حقه وحق موزوه .. ومجابل بعض . ... .

وراح خالد غرفته ..

وفر كابه عالارض . .

خالد : شو اتسوي موزوه شو اتحسب عمرها .. بس انا لازم استحمل وابين لها اني ما غلطت ... لازم ... . .

وفتح باب غرفته واتريى أي لحظة موزوه اتبطله بس طول الليل وهيه ما فتحت الباب .. وايوم االثاني مثل الشي ... واليوم الثالث ..

....................................... بعد شهر ونص ,.......................

موزوه : هلا ابوية . .. .. ..

سالم : هلا والله اشالج .. واشحال خالد ..

موزوه : والله كلنا بخير ...

سالم : هاه تراه اليوم بتروحون باريس. ..

موزوه : تو النااس ..

سالم : أي تو الناس الحين شهر ونص وانتو في لندن ..

.موزوه : يالله ما عليه انروح باريس .. بعد شو ..

سالم : يالله سلمي على خالد ..

موزوه : وانته سلم عليهم ..

سالم : اخوج مستعيل حليله يبا يعرس. .

موزوه : اشتغل ؟.

سالم : هيه ونجح مشروعهم وماشاءالله شوي شوي بادي يكبر ..

موزوه : الحمد الله على كل حال. .

سالم : يالله برايج .. اول ما توصلون بشريني ..

موزوه : يوصل ..

.......................... موزوه في خاطرها : الحين اشقايل اجابل خالد وكرشتي قدامي .. وانا حامل بثلاث اشهور واشوي جذيه ..

موزوه : امم بلبس شي وسيع احسلي ..

موزوه : اممم الحين خالد اخباره والله ما ادري عنه شي .. ليكون ياه شي يما بسرعة بروحله ..

موزوه وهيه تتلبس : ما انكر اني ما احبك ياخالدلين الحين بس مافي ثقة من بيني وبينك ..

وراحت غرفته دقت الباب وبطل خالد الباب ..

خالد : لا جان اتاخرتي وماطلعتي بعد ..

موزوه : شو تباني اسوي اشلك بالاحظان واستانس بانه ريلي ..

خالد : انزين انتي ماسمعتي شي خليني افهمج ..

موزوه : صبر اللي يايه اقولك انه ابوية دق تلفون وقال انه اليوم السفرة لباريس.. .

خالد : ... ممكن تدخلين افهمج السالفة ..

موزوه : سوري بروح ارتب الاغراض .. وراحت عنه ..

موزوه في خاطرها : ياربي شكله تعبان بس لا عادي. .. ..

وحطت الملابس ويا العصر .. وخلت الرسبشن ياخذون الشنطة .

واتريت خالد وشافته ياي وكان تحت عيونه هالات سود وشوي ظعفان حز في خاطرها بس مشت .. وركبوا التكسي ..

خاالد : موزوه لين متى بتمين جذيه ..

موزوه نزلت راسها وتقول في خاطرها : انته اللي تبا جيه يا خالد . .

ووصلوا المطار وهالمرة سكتت في انها تركب عدال خالد واول ما طارت الطيارة .. كانت متروعة من الياهل في بطنها بس هالمرة حست انه احسن من هذيك المرة .. . وطبعا اشوي طولت الرحلة ووصلوا باريس . .

وموزوه هب رايمة تتحرك. ..

خالد : اساعدج . ..

مووزوه ما تكلمت ..

خالد مد ايده .. وموزوه مسكت ايده وحست باقشعريرة بس حست بعرمها ثقيلة بس يلست اترص على ايدين خالد وهيه تمشي ..وكانت حاطه ايدينها على ظهرها ..

خالد : موزوه شو فيج ..

موزوه : هاه ظهري عورني من القعدة ..

خالد : اها يالله الحين بنوصل انشاءالله ..

وخلص ابسرعة خالد وراحوا فندق .. بس مالقوا فيه حجز الا غرفة وحدة وصالة وحمام ومطبخ . .

خالد : هاه موزوه ..

موزوه هب رايمة تمسك عمرها .. : خلاص اوكيه ..

خالد : اوكيه وابسرعة ابسرعة خالد شل موزوه ووداها الغرفة تنسدح عالشبرية ..

موزوه : آسفة تعبتك ..

خالد يالس تحت الشبريه . .: لا آسفة ولاشي . اهم شي صحتج ...

موزوه رقدت وخالد راح الصالة يرقد.. .

وطولت موزوه في رقادها ..

قامت موزوه وراحت تتسبح ولبست بجامة ..ووفتحت شعرها وراحت تنسدح ..

موزوه في خاطرها : يحليله خالد .. كان شكله تعبان يوم شلني ..

طلعت اشوي اشوي وراحت اتشوف خالد بس ما لقته ..

وسمعت صوت مسج .. وراحت عند التلفون ..

رقم هب غريب عليها ومطرش مسج .. على تلفون خالد

... اشلونك حبيبي ؟..

... انشاءالله احسن من البارحة ؟؟..

... انا شمااا ... رد علي .. .

موزوه عصبت وفرت التلفون .. وراحت الغرفة وهيه مفولة ..

موزوه في خاطرها .. : هذا شو اسويبه ليش جيه يخوني وهذا وانا حنيت عليه جيه ..

يلست في الكرسي وغفت ...
.................... خالد ............................

خالد : but him her and thank you ..

وعطاهم الفلووس وراحوا..

خالد : الحين لازم اتكون راقدة وفاجة الباب

بس قامت ولقت الفطور قدامها مع وردة والغرفة مترووووسة ورد ..

موزوه في خاطرها : انته اتحبني ولاا اتخوني انا ما ادري وين الله مودني انته مظلوم وله الخاين ..

وقامت كان مالها خاطر تاكل حظنت الوردة اللي ماسكنها الدبدوب ويلست اتصيح .. .. .على حاللها وعلي اللي في بطنها شو بيلقا من الدنيا .. وابوه بروحه ما يدري عني حامل ولا لا ..

بس الرقم اللي مطرشة المسج مثله اللي داقة وقالت فاعلة خير ..

سمعت دق الباب مسحت دموعها وفرت الوردة بعيد ..

خالد : افا ليش ..؟..

موزوه : ................................... ما تكلمت .,,

خالد يشوف الريوق . : ليش ماكلتي. .وهذا انا اللي تعبان يايبلج اكل ..

موزوه : في خاطرها : ما اتشوف شر من ويهك يبين عليك انك تعبان . . .

خالد يلس على ركبه بين اريولها ..

خالد : موزوه الله يخليج اباج تسمعين هالكلمة بس .. بس هالكملة ..

موزوه انا حبيتج ومت فيج موزوه لا تتوقعين انه شي بيني وبين شما لا والله ما بيني وبينها شي هذا كله من فعايلها .. انتي روحي وانتي كياني كيف تبيني اخونج .. اخون اللي صحتني من فقدان ذاكرتي .. كيف تبيني اخون نفسي وروحي .. وين تيبين شما عندج انتي غير انتي كل قطعة في جسمي .. انتي انسانه ملكت " وياشر على قلبه " هالقلب . وملكت روحي .. واهنيه دمعت عينه .. شوفيني موزوه انا هاي ثاني مرة اصيح اتعرفين بسبت منو بسبتج .. والريال م اتهزه مرة لاكن انا اتهزيني واتهزين كل مافيني .. موزوه .. انتي اذا ما تبيني واذا كنتي تتوقعين اني اخونج .. سوي اللي تبينه بس لا تحرمين عمرج من الاكل .. انا اللي لازم اقاطع الاكل لجل عيونج وهذا المقطع مهدا لج " لو انت سبب جرحي عساني ما اطيب ولو أني سبب همك عساني من الدنيا أغيب " بس انتي لا تقاطعينه انا ما كملتلج .. بعد الغيبوبة شو صار فيني كنت انادي شيخوه اختي باسمج وكانت اتقول اذا يبا بيذكر .. بس يوم شفتج دارن افكاري واتلخطبطت معلوماتي امي وابوي ما ذركوني بشي لاكن انتي بشوفتج ذكرت الدنيا ومافيها .. موزوه سامحيني .. وطلع من الغرفة ..

موزوه ... كانت اتصيح من كل كلمة قالها ..

..... انا قلت انك مب انته كنت حاسة فيك بس الله يسامح من كان السبب ..

وينك ياحبيبي تعال اللمك باحظاني تعال وسامحني .. ..

"" لمني لمحجر اجروحك حبيبي وسامحني .. سامحني لانه الدنيا لعبت علينا . وغربتنا مرتين عن بعض ""

طلعت الصالة ما لقت خالد برع سمعت صوت الرعد والبرق خافت ونقزت من مكانها يوم سمعت صوت المطر .. راحت صوب الدريشة .. وطالعت المطر يصب بالقوو.. وشافت طيف خالد يمر ويروح البحر .. وركزت عليه شافته ركب قارب .. زاغت ولبست عباتها وشيلتها وجاكيت بسرعة .. وطلعت بررع .. وراحت صوب البحر .. ويلست اتصييح .. يوم شافت القارب منجلب ... وشوي يا على الشاطي .. جاكيت خاااااالد

وراحت اتصيح صوبه ..

موزوه : هذا جاكيت خاااالد وصاحت ..

يت وحدة كويتية ..

.. اختي شو اتسوين في هالجوو ..

موزوه : ريلي ريلي في البحر ...

........ : ما في احد في البحر ..

موزوه : لا شوفي عدل القارب منجلب .. وهذا جاكيته

.........: منجلب انتي متاكدة انه ريلج اللي ركب فيه ..

موزوه : شفت طيفه شفت طيفه .. وهذا جاكيته

......... : ماعليه انشاءالله هوه بخير يالله تعالي داخل عن هالهوا ..

موزوه : ماابا ماابا اقولج ريلي في البحر ..

......... : ماعليه الحين بخليهم يشوفونه .. هوه شو اسمه ..

موزوه : حبيبي خااااالد

......... : خلاص انشاءالله بيلقونه يالله تعالي دااخل ...

ودلختها في الفندق وخبرتهم انه ريلها اسمه خالد وخليهم يدورنه ..

موزوه : كله مني انا اللي ودرته وماسامحته كله مني انا الغلطانة ..

.......... : اختي وين شقتج خليني اوصلج يمكن هوه في الشقة

موزوه : غرفة رقم 304

ووصلتها غرفتها وخلتها يالسة اشوي بعد ما بدلت ملابسها ويوم رقدت اشوي طلعت الكويتية وخلتها راقدة .. .

................................ شو تتوقعوووووووون .........................

قامت موزوه .. فتحت الباب ما سمعت صوت حد .. .

راحت عند الدريشة لقتها امبطله ... ويلست اتصييح ..

وسمعت صوت البرق وبندت الكهرباااااء..

موزوه : خااااااااااااااااااااااااااالد ... والله اني احبك يا خااااالد ساااااامحني ...

وسمعت صوت حد يبطل الباب . اتقدمت اشوي وقفت قدامه لقته كله مخيس ماااي واول ما طلع البرق شافت اعيونه وشافت من كانت اتنادي عليه ..

خالد : يا عيون وقلب وروح خالد ..

وعلى طووووول حظنته وتمت اتصيح ..

موزوه : ليش ودرتني ليش ..

وردت الكهربا . .

خالد : اممم كنت اشوف شو بسوين بدوني ..

موزوه : يعني ركبت القارب ..

خالد : اممم كنت رايح اركب وقلت اكيد بتشوفيني ورحت بس خليت جاكيتي وراح القارب حليله ..

موزوه : يعني تلعب بعصابي ..

خالد : اصلن اعرف انج ما تستغنين عني .. وانا ما استغنى عنج

موزوه : ههه خالد احبك

وخالد حظنها .. ..................وانا اموووووووووووت فيج ..


موزوه : بتم جذييييه يالله بسررعة بتمرض ..

خالد : ههه حتا انتي خستي ماي يالله بسرعة بتمرضين روحي بدلي ..

موزوه : ههه اوكيه يالله ..

اول شي دخل خالد اتسبح وموزوه دخل بعدين ..

.. موزوه كانت لابسة بجامة فانيلا كت وكانت اتبين كرشتها وااايد ..

اول ما طلعت ..

خالد يلس يطالعها ويطالع بطنهاا وربع بسرعة صوبها ..

خالد : موزوه شوفيه دااخل ,,

موزوه :ههه في بيبي ..

خالد : مسك راسه من متىىىى..؟.؟......

موزوه : الحين بدخل في الرابع ..

خالد فج عينه . : وانا اقول حرمتي منتفخة وهب ماكله شي ..

موزوه : هههه يالله خلني ايلس ما اروم اوقف وايد ..

خالد : وفديت اللي ما اتروم توقف وااااااايد ..

..................................... وخلص اليوم .. بسلاااااااااااااااااام ..........


... وبعد شهر ... خلوووووف طفش وقاللهم يردون بسرعة لانه يبا يعرس .. هب قادر يتريا .... وردوا خالد وموزوه الامارات ....

.................................................. ز في البيت ...

بعد كم يوم من الردة ..


شيخوه : كلووووووليش .. ياهلا ومرحبا .. وينكم غطيتوا حشا ..

موزوه : الا انتوا اللي معطينا التذاكر ولا نحن رادين حليلنا ..

شيخوه : حليلج .. تعالي بطنج منتفخ..

خالد : ايه لا تقوليلها جذي مرتي حامل ..

شيخوه : يماااااااااااااااااااااااا لحقي يدوووووووووووووووووووووه لحقيييي ..

اليده .. والام والابو .. وعوااش .. وسيفوه ..

كلهم : شو صاااااير ؟؟.؟

شيخوه : هههه موزوه حاااااااامل ..

.................................................. ............................


طبعا خلصت قصتنا وخلص البارت .. ...

واتزوج جسوم واتزوج خلوووف ..

وموزوه صارت دكتورة عامة وبعد خالد مثل الشي ..

.................................................. ............................

موزوه :شيخوه لحقي علي بربييي..

شيخوه : ههه تمزحين معاي .. ادريبج من يوم يومج .. ..

خالد عالتلفون : موزوه شوفيج ؟؟.

موزوه : خاااااااالد اللحقنييييييييييييييي ..

شيخوه : يالمكااااارة ..

موزوه مسكت الشنطة وظربت شيخوه فيها ..

موزوه : اتعرفين لو اني ايييييييييييييي ..

شيخوه : وااااااي انتي صدق بتربيييين ...

................ وودوها المستشفى خالد خلاص شوي بينتحر يقول هوه اللي بيربي ... .......

طلعت الدكتورة .. .

الدكتورة : مبروك اخ خالد مرتك جابت بنت .. ..

خالد : ومرتي اخبارها ..؟؟.

الدكتورة : ماشاءالله صحتها عالي العال .. الحين بينقولنها .. الف الحمدالله على سلامتها .... ..

خالد ... يلس يترياهام وطلعوها .. اول ماطلعوا ربع عند موزوه .. وشافها راقدة عقب شاف البنية .. لقاها اتصيح ..

شيخوه : ياربي محلاتها .. تشبهني صح ..

خالد : امحق ... ابا اشوف عيونها انشاءالله على امها ..

شيخوه : قل اعوذ برب الناس امها ملكة جمال والابو ملك جمال شوتبا البينة بعد ..

خالد : بسم الله من عينج ..

شيخوه : ههه شو بتسميها ..

خالد : بشوف حبيبتي ..

خلوف :اووووه انسيب صرت ابو ..

خالد : الفال لك ياريال

شيخوه : انا بيب ولد ..

خلوف :انا ابا بنت ..

شيخوه : ولد ..

خلوف : بنت ..
................................... .. .

خالد : الحمد الله عالسلامة حبيبي..

موزوه : الله يسلمك .. وينها بنتي ..؟.

خالد : الحين بيبونها ..

موزوه : شو بتسميها ..

خالد : كيفج ..

موزوه : ااممم انا ابا ....غرام خالد ..

خالد : يبوسها في راسها .. اللي تبينه .. بيصير ..

.................................................. ...................

وهذي انتهت قصة الحب ..

وكانت سعيدة .... والله يجعل ايامنا سعادة بسعادة ...

بعد مرور سنة .. ربة شيخوه ويابت ولد سمته .. بدر ..

وبعد مرور 3 سنوات .. صارت غرام ترمس .. وبدر بعده شوي شوي ..

وياب موزوه بنوته صغيره حلوه نسخة منها تشبها في العيون وكل شي ..

.................................................. ....................

غرام : اماااااااااية عمووووووووه يدوووووووووووووه

الكل تجمع من خلوف ومن خالد وشيخوه وموزوه والام واليده وعواش كلهم ..

كلهم : شو صاااااااااااااااير ؟؟.

غرام : والله ولدكم شل لعبتي ...

الكل : هههههههههههههههههههههههه ...

.................................................. ........................

وطلعت غرام نسخة من شيخوه ...

اما شوق فطلعت نسخة من موزوه ....

.................................................. ......

الحين حبيت اشكر كل من تابع قصتي ورد عليها ..

واعتذر من الكل لاني اتاخرت عليكم بس سمحولي شوي ظروف ..


اتمنى القصة عيبتكم ..... وسلامتكم ............

.. " قدر حكم قسوة علينا .. لاكن قدر علمنا معنا الحب وخلانا بالهوى غرااااااااااااااااااام .. "

.. وصح واتمنى عيبتكم خواطرية ...

 

 

  رد مع اقتباس
قديم 09-10-2009, 09:50 PM   رقم المشاركة : 50
BlőǾőṠђiά ṠτџlƏ
~ • غـٍُالٌٍُيً بـًٍُِرٍوُنـًٍِزًِيِ • ~
 
الصورة الرمزية BlőǾőṠђiά ṠτџlƏ 





معلومات اضافية 
  النقاط : 4782
  الجنس :
  الدولة :
  الحالة :
الرسالة الشخصية

التقييم

افتراضي

 

 

السلاااام عليكم ورحمة الله وبركااته ..~

اشحاالج خيتوو ..!

.
.

لا هنتي عالبارت الطرررر ..~

و يعطييج الــ 1000 ــف عااافيه عالقصه الروووؤوعه ..~

.
.

سلاااامي علييج ..~

=)

 

 

  رد مع اقتباس
قديم 10-10-2009, 10:55 AM   رقم المشاركة : 51
M S . H A B L A ©
 
الصورة الرمزية M S . H A B L A © 





معلومات اضافية 
  النقاط : 11998
  الجنس :
  الدولة :
  الحالة :
الرسالة الشخصية

التقييم

افتراضي

 

 

مررررررررررررررررررحبا ملـأايين في ذمتي ومايسدن

شحالج غلـايه؟ ربج بخير ؟

الصرااحه قصه ولـا ارووع وخواطرج ارووع :approved:

وننتضر كل يديد من صوبج


:16:

 

 

 لِنگُن أرواح -[ رآقيَہ . .
نحٺرم ذآٺنا ، و نحٺرم الغير !
عندمآ نٺحدّث ، نٺحدّث بـ عُمق ،
نطلب بـ أدب ، نشّگر بـِ ذوق !
. . ونعٺذر بـِ صِدق

  رد مع اقتباس
قديم 11-10-2009, 01:49 PM   رقم المشاركة : 52
دلوعه بس خجوله
~ • غـٍُالٌٍُيً فـًٌٍُِضٌٍِيًٌَ • ~
 
الصورة الرمزية دلوعه بس خجوله 





معلومات اضافية 
  النقاط : 730
  الجنس :
  الدولة :
  الحالة :
الرسالة الشخصية

التقييم

افتراضي

 

 

تسلمين اختية على القصة الطرطريشن والله انها قصه روووووووووووووووووعه وصراحه ما كنت ابيها تخلص هع هع
بس من بداية القصة عندي سؤال ليش خلوف اخو مموزة و عيال فاطمه الثانيين هوب اخوانها

 

 

 دلوعه بس خجوله

  رد مع اقتباس
قديم 13-10-2009, 03:11 PM   رقم المشاركة : 53
بدوية حشيمة
~ • غـٍُالٌٍُيً جـًٍَِديـٌٍُد • ~
 
الصورة الرمزية بدوية حشيمة 




معلومات اضافية 
  النقاط : 10
  الجنس :
  الدولة :
  الحالة :
الرسالة الشخصية

التقييم

افتراضي

 

 

اول شي اشكركم كلكم على مروركم ..

وسؤالج يا دلوعة بس خجولة ..

خلوف اخو موزوه بالرضاعة .. والباقين لا بس ..

 

 

  رد مع اقتباس
قديم 14-10-2009, 09:14 PM   رقم المشاركة : 54
мąžỵŏŋάђ
 
الصورة الرمزية мąžỵŏŋάђ 





معلومات اضافية 
  النقاط : 7946
  الجنس :
  الدولة :
  الحالة :
الرسالة الشخصية

التقييم

افتراضي

 

 

:.

يسلمــووو بدويهـ ع القصهـ ..

بصــرآحهـ يوم قريت في البارت 17 انه شمـآطلعت في حيـآة خـآلـد .. كنت أتوقع النهـآيهـ هب حلـووهـ ..

لكـن بصــرآآحـهـ أبدعتي في كتــآبة القصهـ ..

والخــوآآطـر اللي كتبتيهــآ في بـدآية كـل بــآرت عيبتنــي ..

تسلمين خيـتــوووهـ .. ولآ تحرمينـآ من قصصج الحلـووهـ ..

نورتــي القسم ..

خويتـج >نــآكسهـ شيلتهــآ<

.:

 

 

 




»ڦڸٻيْ« څڌيٍٺہْ ڵَڪٍنَ ٳٍنًـہْ ڜٍۊيـًہْ ..
.................................................ٺٍڛْتًاْهٍلْ أَڪْثَرْ يَآ دٍوَاْيْ وْ طٍبيْبيْ

  رد مع اقتباس
قديم 26-10-2009, 11:34 AM   رقم المشاركة : 55
أمورة
~ • غـٍُالٌٍُيً مـٌٍُِألـًٍُِقَ • ~
 
الصورة الرمزية أمورة 





معلومات اضافية 
  النقاط : 10
  الجنس :
  الدولة :
  الحالة :
الرسالة الشخصية

التقييم

افتراضي

 

 

نهاية روعة و القصة روعة
يسلمو على القصة
بانتظار جديج
تسلم الايادي
:1::1::1:

 

 

  رد مع اقتباس
قديم 16-12-2009, 10:36 PM   رقم المشاركة : 56
اغـلى البشـِر..!*
~ • غـٍُالٌٍُيً جـًٍَِديـٌٍُد • ~
 
الصورة الرمزية اغـلى البشـِر..!* 




معلومات اضافية 
  النقاط : 10
  الجنس :
  الدولة :
  الحالة :
الرسالة الشخصية

التقييم

افتراضي

 

 

بصــرآآحهـ القصه حلوووووووووهـ

مـآ شــآء الله علـــيج

صح اني متأخرهـ فـ رد بس حبيييت اقراا القصهـ كلهــآ ومـآ اطوووف شي

لان الاحدااااث تجذب الوااااحد ووو شخصية موووووووزهـ + خالد + شيخه + خلووف روووووووعه

وواحلــآ شي ساالفة العررررررس خيخي

عطته فالويه سمووحه يا ولد عمي انا ما احبك احب ولد يرااناا خاااااااالد هههههههههه

و شخصيه الي مووول ما حبييتهاا .. اكييييييييد شمــــــآآ حسييتهاا كرريييهه وان اتسوي اشياااء سخييفه

ووووووو اليدهـ بعاااااااد اضحك يووم تهزب شيييخوووووهـ هههههههههههه

وربي يعطيييييج الف الف عاااافيه اختـــي و الخوآطر بــصرآآحه كشخهـ

تسلميييييين يالغاااااااليه ع قصهـ الحلوووووووووهـ ونترقب القصه الثااااااااانيه ^^

هموووووسهـ .. : ممكن انقل القصهـ فـ منتدى ثــآني و تأكدي اني بخلي نكج ,, وو عاادي اخلييه الخواطرر ..؟؟

 

 


التعديل الأخير تم بواسطة اغـلى البشـِر..!* ; 16-12-2009 الساعة 10:40 PM.
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
روحك ربيع بقلبي ®{ابو هزاع}® الخواطر ماهي حبر في يـوف قرطاس 5 01-09-2010 02:35 PM
خاطرة لمن احببته بصدق و غدر بقلبي و ابتعد ®{ابو هزاع}® الخواطر ماهي حبر في يـوف قرطاس 2 21-08-2010 12:54 AM
أدور عنك بقلبي و لا ألقى سوى الذكرى mms ™ĀĻ•Ṱặļỳậήξ•⑩ SMS & MMS 2 10-06-2009 11:23 AM
يآخوي حبكـ سرى بقلبي بنت زايد و كلي فخر السوالف العامة 7 24-02-2008 05:58 PM
بحر غدار ،، غدر بقلبي المشتاق .. »{بَحّرْ أإلقۈؤآفــﮱ~ الخواطر ماهي حبر في يـوف قرطاس 6 14-02-2008 11:11 PM

الساعة الآن 11:22 AM.


Powered by vBulletin® Version 3.8.7
Copyright ©2000 - 2019, Jelsoft Enterprises Ltd