رمزيات بلاك بيري خدمة تفسير الأحلام تصميم مواقع وصفات طبخ أعلن معنا


العودة   منتديات فريج دبي > فريج أم سعيد > قصص وروايات > قلم رصاص يسرد روايات

قلم رصاص يسرد روايات يختص في طرح الروايات


آخر المشاركات المطروحة في منتديات فريج دبي .



إضافة رد
 
أدوات الموضوع
قديم 03-09-2009, 10:06 PM   رقم المشاركة : 17
دلوعه بس خجوله
~ • غـٍُالٌٍُيً فـًٌٍُِضٌٍِيًٌَ • ~
 
الصورة الرمزية دلوعه بس خجوله 





معلومات اضافية 
  النقاط : 730
  الجنس :
  الدولة :
  الحالة :
الرسالة الشخصية

التقييم

افتراضي

 

 

لا تعليق
اتريا البارت على احر من الجمر

 

 

 دلوعه بس خجوله

  رد مع اقتباس
قديم 06-09-2009, 03:17 AM   رقم المشاركة : 18
بدوية حشيمة
~ • غـٍُالٌٍُيً جـًٍَِديـٌٍُد • ~
 
الصورة الرمزية بدوية حشيمة 




معلومات اضافية 
  النقاط : 10
  الجنس :
  الدولة :
  الحالة :
الرسالة الشخصية

التقييم

افتراضي

 

 

البارت السادس

لهـ يا قلبي سرينا ..ظاقت الدينا علينا واللهـ اهنا...ــا..يمكن عند ربي نرتاح ...و يرحمنا من خلقنا....تراه الدنيا كلها هموم و عوار راسـ...ناديـ ملك الموت يجيـ ياخذنا...


صوب خالد الكل ظهر يشوف شو اللي استوى

خالد يصيح : شلوها امي شلوها عني قالت انه في شي بيستوي شلوها واغمى عليييييييييييييه ............................

وطاح ع الدري بالقو وطلع منه الدم

شيخوه : خاااااااااااااالد

الام : يحسرتي على ولدي روحي قولي حق ابوج شيخوه ابسرعة ويبي عباتي ......


اليده : بسم الله عليك يا ولدي .. الحين وينها موزوه .؟..

الام : يمكن شلتها فاطمة خلونا الحين انروح المستشفى بسررعة

صوب موزوه

موزوه : اسمعني انزين حرام عليك والله ما سويت شي

فاطمة : اي ما سويتي شي انتي بتفظحينا ف الحارة

موزوه وهيه اتصيح : انا وديت السـ...........

بريك بالقو ولف سالم ورا وصفعها كف خلا الدم يظهر منها واغمى عليها


فاطمة :افف احسن فكيتنا من حنتها

سالم ساق و ما كلم فاطمة

فاطمة : وين بتوديها ه الخايسة ؟؟...

سالم : بوديها عند اميــ وخليها تتصرف وياها اتعقها شو اتسويبها كيفها

فاطمة : احسن وخليها اتوديها دار الايتام شو تباباها في البيت


""ف المستشفى ""

كل واحد يالس يتريا ع الجمر

اليده : شيخوه اتصلي حق خلوف شوفي موزوه يته

شيخوه اتصلت

خلوف : هلا بالطش والرش والعنبر والعود

شيخوه وصوتها ف نبرة صياح : خلوف موزوه يت البيت

خلوف قام : لااااااااااا هيه هب عندكم


شيخوه بدت اتصيح : يعني شلوها

خلوف : منو شلها

شيخوه : امك وابوك وخالد ف المستشفى يارب الحين شو اسوي

خلوف : ما عليج الحين بتصل ف امي وبسالها والحين ياينكم

شيخوه : يالله باي دقلي على طوول

اليده : شو قاللج

شيخوه : قال ما يت والحين بيدق على امه وبيشوف يالله يارب يستر

"" صوب خلوف"""

دق حق امه وشغل السيارة وهو رايح وصوب المستشفى

خلوف : هلا اماية

فاطمة : هلا امي

خلوف : هاه وينكم اتاخرتوا

فاطمة : والله هاي مسودت الويه فظحتنا يالستل عند ولد الايران

خلوف سرع اشوي : امي انتي شو اتقولين وينها هيه الحين

فاطمة : فريناها ما ندري وين

خلوف : امي وين اختي ويننننهااااااااااااااااااااااااااااااااااااااااااا ااااا ؟؟.

فاطمة : خلوف اصطلب والله تراني لامرخك بالعصا لا تعلي صوتك عليه

خلوف وهو يصيح : امي ردي لي اخــــ,....


تتوووووووووووت توووووووت

انقطع الخط ..............

"" المستشفى "

كل واحد كان يتريا ووايد طول الدكتور وشوي طلع الدكتور

الدكتور : انتوا اهله

الكل: هيه دكتور

الام : بسرعة دكتور قول ولدي شوفيه

الدكتور : ااممم انتوا ايمانكم اؤوي ولازم ما تصارخوش زي البائي ولازم تؤمنوا بقضا الله

شيخوه : دكتور بالتلخيص بسرررعة

الدكتور : امممم ولدكم احتمال يفقد الزاكرة\\

الابو: كيف احتمال دكتور الله يخليك شوف شوفيه اتاكد

الام : بسم الله ع ولدي دكتووووور ابا ادخل عليه

شيخوه راحت عند اخر الممر وطاحت اتصيح

اليده: راحت بهدوء ويلست في الكرسي

دخل خلوف وهوه يصيح وشاف بنت حاظنه اريولها واتصيح حس انها شيخوه وراح ويلس قدام وسوا مثل حركتها وصاح

رفعت شيخوه راسها : الدنيا ليش جيه اتسوي فينا ونزلت راسها

خ لوف : لا تعاتبين الدنيا عاتبني الناس اللي فيها واستحملي القدر شو يكتبلج

شيخوه رفعت راسها : بس الدنيا ما لقت الا اللي احبه اتسويبه جذيه

خلوف : رفع راسه ليش خالد شوفيه

شيخوه : احتمال يفقد الذاكرة

خلوف : الحمد الله على كل حال بعدج اخوج بتشوفينه لا كن انا ما بشوف اختي

شيخوه : ليش وينها

خلوف : امي قالت فرتها بس وين ما طاعت اتقول

شيخوه : شفت انه الدنيا قاسية

خلوف : تعالي خبريني ليش شلوها

وخبرته شيخوه السالفة

شيخوه : آه يالدنيا آه مقسااااج


......: الدنيا مش قاسية ادري انج اتقولين اللي انحبه شلته بس هذا قضا اصبري وبتلقين الفرج

لفوا شيخوه وخلوف لمصدر الصوت : يدووووووه ...؟..

اليده : هيه انا .... انشاءالله هالدنيا بتجمعكم يا عيالي انشاءالله بس انتوا اصبروا اصبروا


"" صوب موزوه ""

بطل سالم الباب : يالله ابسرعة نزلي

كنت موزوه طايحة ومثل ماهيه الدم ينزل من راسها ومغمى عليها

فاطمة : قوم اندش داخل الحين بتقوم

سالم راح ودخل داخل

سالم : السلام عليكم

اليده : وعليكم السلام والرحمه

سالم : اشحالج اماية ؟؟.؟؟.

اليده :ابخير الحمد الله

فاطمة : السلام عليكم

اليدة : وعليكم السلام والرحمه

اليده : غريبة ليش يايين ؟؟.

سالم : انا .....

فاطمة : هاي الحقيرة الوصخة اللي يايبتنها حقنا طلعت ام شباب واترمس شباب الخايسة

اليده : استغفر الله ...... هالبنت مراببية بيدنج يا فاطمة كيف اتقولين جذاا ؟؟.

فاطمة : : اتخسي الا هييييييه هاي بنت امها الخايسة

سالم : فاااااااااطمة بس خلااااااص

اليده : وينها بنتي ؟؟؟ ز

سالم : في السيارة خليها عندج وانا بعطيج مصروفها

فاطمة : عقيها فدار الايتاااام

اليده : فاطمة حسني اللفاظج

اليده : قوم يا ولدي ودني صوبها

سالم : يالله تعالي

وشل امه ووداها صوب السيارة وفج البااااااب

اليده : شو امسوبها ؟؟؟.

سالم : مب بيديه يا يما

اليده : الله بيجازيك ع هالبنت الله بيجازيك بس ما اقول غير الله يسامحك انته طيب وادري انه كله من حرمتك حسبي الله عليها

قامت اليده اتشل موزوه وشلها سالم يساعد امه وودوها الغرفة ويلست اليده اتخوز الدم اللي فيها

سالم : قومي يالله بنرد البيت

فاطمة : افففف منك ومن امك

سالم : صكي اللسانج لا اقصه

"" المستتشفى ""

الابو : يعني دكتور ولدي بينسانا

الدكتور : انا مؤولتش كدا انا بئوول احتمال ....وازا نساكوا دا معناتو فقد الزاكرة .... وانتوا بئا بتعملوا اللي عليكوا

الابو :: واذا سفرناه

الدكتور : ما بينفعش العلاج هنا زي العلاج هناك وولدك ظرب من الخلف يعني بعد احتمال يفقد النظر ...انتوا عليكوووا تدعولوا وهنحتوا تحت الملاحضة

الابو : لا حو ولا قوة الا بالله شكرا دكتور

الدكتور : العفو وهنعمل اللي نئدر عليه

الابو : تسلم وظهر عنه

الام : هاه بشر شو قال

الابو : انشاءالله بخير بس يمكن يفقد نظره او يقل

الام : ويفقد الذاكرة ؟.؟.......

الابو : قال بعد احتمال اذا نسانا قال عادي نحن بنذكره

اليده : الحمد الله ع كل حاااااال

الابو : ووينها موزوه

شيخوه : ما نعرف وين شلوها وقالوا فروها

الابو : كيف فروها ؟؟... لا يمكن

خلوف : انا بحاول معاهم لا تخافون هاي اختي ؟؟.

الام : يالله انشاءالله تلاقاها

اليده : انا خبرت ولدي عيسى وبنتي ميرة

الابو : الله يهديج ما يحتاي

اليده : هذا خااااالد ما تعرف شو يعني خاااالد

والكل يلس يتريا خالد لين ما يقوم ويا العمومة عيسى وميره ومع احمد ومحمد ومريوم والكل سلم ويلسوا يدعون حق خالد انه ينش بالسلامة ويا اذان الظهر وخالد مانش راحوا الكل يصلي ويدعي له وراحوا اتغدوا الا الام وشيخوه بعد اجباااااااار طبعا


"" صوب موزوه ""

موزوه ما كنت باللي حواليها بس كانت اتصيح

اليده : بسم الله عليج لا تصيحين انتي عندي يا بنيتي

موزوه فجت عينها بصعوبه :يدوه

اليده : عيون يدوه

موزوه : يدوه شفتي شو سوو فيني .... انا ما سويت شي يا يدوه انا بس وديت السويج حق ولد ايرانا

اليده حظنتها : خلاص اماية لا تصيحين انا ادريبج اتربيتي تحت عيني وعقب رحتي لا تخافين يا بنيتي

موزوه : يدوه راسي يعورني

اليده : الحين بييبلج بندول صبري اشوي

موزوه : لا انتي يلسي زقري الخدامة

اليده : فد يت روحج يا بنتي من عيوني


"" المستشفى ""

صوب خلوف

فاطمة : خلوف وين انته ؟.

خلوف : انا ف المستشفى ... وين اختي

فاطمة : شو عندك ف المستشفى

خلوف : ولد ايرانا طايح ف المستشفى

فاطمة : رد ابسرعة البيت ه الاهل ما باك اتقرب صوبكم

خلوف : اصلن الحين برد عندي موضوع افتحه

شيخوه : هاه شو قالت

خلوف : ما طاعت اتقول الحين بروح اشوفها

اليده : دير بالك ع نفسك

خلوف : انشاءالله

طلع خلوف وراح البيت واذن العصر قبل لا يدخل راح المسيد عشان يصلي ورد البيت

دخل داخل

خلوف : السلام عليكم

فاطمة : وعليكم السلام والرحمه

فاطمة : ولا الاخ عند الايران ه ذول الفضيحة

خلوف : اماية ماسولج شي

فاطمة جب ولا كلمة اقولك ساااااااارة يبي العصا

خلوف : امي انا هب ياهل عشان تظربنيي انا عقل

فاطمة : اتراددي بعد ومسكت العصا من ايد سارة وظربت خلوووف

خلوف : مستحمل بس قولي لي وين اختي

فاطمة : اختك محدددد انته ما بتتأدب

خلوف :امي وييييييييييييييييييييييييين اختيييييييييييييييييييييييييييييييييييي

فاطمة ظربته عظهره بالقو وعقب عريله

خلوف : يعني ما بتقولين

راح غرفته وشل اغراظه فالشنطة ظهر برع مالقاها طرشلها مسج انا رايح مثل ما وديتي اختي انا بعد بروح



""المستشفى ""

الام : آه عليك يا ولدي لين الحين ما قمت

اليده : انشاءالله بيقوم

الابو : روحوا انتوا البيت وانشاءالله بن وصللكم خبر

أحمد : هيه ابوية يالله ماينفع تيلس انته فيك السكري

محمد : حتا انتي اماي يالله قومي اوثلج

الكل راح وبقى الابو وشيخوه واليده والام

بعد شوي .... دشت النيرس الغرفة ..وظهرت تربع عند الدكتور

الابو ربع :هاه دكتور شوفي

الدكتور يربع صوب الغرفة حالته صارت خطيرة ادعولوااا

الابو : يا حسرتي عليك ياولدي

الام :: شوفيه ولدي

الابو : ادعوله هووووه فمرحلة خطر

اليده : اللهم سترك ياااااااارب


توقعاتكم ؟؟......


شو مصير خااااالد ؟؟؟.

وموزوه ؟؟؟.

خلوف وين ممكن ايروووووح ؟؟؟.


شو ممكن اتكون ردت فعل فاطمة ؟؟؟...

انشاءالله يعيبكم البااااارت ^_^

 

 

  رد مع اقتباس
قديم 06-09-2009, 03:18 AM   رقم المشاركة : 19
بدوية حشيمة
~ • غـٍُالٌٍُيً جـًٍَِديـٌٍُد • ~
 
الصورة الرمزية بدوية حشيمة 




معلومات اضافية 
  النقاط : 10
  الجنس :
  الدولة :
  الحالة :
الرسالة الشخصية

التقييم

افتراضي

 

 

البارت الساااااااابع

"" لا تروح حبيبي وتخليني في دنيا القسوة علمتني الصبر لكن بفرقاك ماني متعلم الصبر ""


>>>>>> حقوق الخاطرة محفوظة لبدوية حشيمة + الخيلية <<<<<<<



الدكتور يربع صوب الغرفة حالته صارت خطيرة ادعولوااا

الابو : يا حسرتي عليك ياولدي

الام :: شوفيه ولدي

الابو : ادعوله هووووه فمرحلة خطر

اليده : اللهم سترك ياااااااارب

شيخوه طاحت اتصيح : ربي يقومك بالسلامة يا اخوي يا اغلى ما عندي ف هالكووووون

الابو قام وقف عند حرمته خاف عليها ويلسوا يدعوله

رن تلفون شيخوه

خلوف : الو

شيخوه : هلا خلوف

خلوف : شيخوه انا رايح بروح العين

شيخوه قاااااامت :: ليييييييش ؟؟..

خلوف : لاني تعبت انا كبير وانظرب واختي ما اعرف وين وانشاءالله اذا كونت نفسي بي و ..................... وبخطبج لانج الوحيدة اللي بقيتي لي

شيخوه اتصيح : ليش كلكم اتروحون عني لييش ؟؟.

خلوف : والله تعبت شيخوه ما تحسين فيه تعبت

شيخوه : خلاص روووح بس ارجوووووك ما تنساني لاني ما بنساااااك ..

خلوف : لا الا هذا شيخوه فهمي ""أنا أحــــــــبجـــــ "" ولايمكن انساج

شيخوه : حتا انا والله وصاحت

خلوف : اشحاله خالد ؟؟.

شيخوه : هوه الحين فمرحلت خطر والدكتور يشوفه

خلوف : الله يقومه بالسلامة يالله برايج الحين اي خبر عن خالد دقيلي

شيخوه : انشاءالله وطمني ع موزوه اذا عرفت عنها شي

خلوف : انشاءالله


"" صوب موزوه ""

شربت الدوا موزوه وعقب رقدت ورقدت عدالها يدتها

نشت اليده ع اذان العصر ويلست تقرا قرآن وبعد تقريبا 10 دقايق قامت موزوه وصلت وقرت عدال يدتها عقب صاحت

اليده : شوفيج يا بنيتي

موزوه : يوم لقيت الناس اللي ارتاحلهم يستوي فيني جذي

اليده : هذا قضاء يابنيتي ولازم تصبرين وبيجمعكم انشاءالله يابنيتي

موزوه : صابرة يدوه صااابرة بس اخوي يا يدوه اخوي

اليده : اخوج بيدبر

موزوه : بس ما اروم انام مندونه ما اشوفه وشوف اخباره هذا اخوي هذا نص كيااني يدووووه وصااحت

خلوف : موزوووووووووووووووه انتي اهنييييييييييييييييييييييييييييييه

موزوه : خلوووووووووووف الله يابك يا حبيبي وراحت فحظنه اتصيح وهوه مثل الشي

اليده و\معتها طاحت : الله لا يفرقكم يا عيالي

موزوه رفعت راسها : ليش اتصيح الريال ما يصيح ومسحت دموعه

خلوف : انتي ما عرفتي شو صار فيني انا ياي اهنيه وما اعرف انج اهنيه انا ييت لاني انظربت بالعصا وانا كبير انا عاقل انا ما طلبت منها شي غير اني سالتها وين اختي

موزوه : فديتك يا خوي وحظنته

اليده : خلاص لا تخااف انته ما بتروح اهناك انته ريلك ع ريل موزوه

موزوه راحت عند يدتها وخلوف مثل الشي

موزوه وخلوف : ربي لا يحرمنا منج يدوووه

"" صوب خاااالد""

طلع الدكتور من الغرفة

الابو : هاه بشر دكتور

الدكتور : اممم ولدكم دخل غيبووووبة

الكل !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!

شيخوه : ليش تخرط اخوي بخير

اليدة : متى بينش ؟؟.

الدكتور : هوه الصراحة على حسب الجسم كيف يستجيب يمكن اليوم باجر اسبوع شهر سنة مابعرفش ويمكن يظل ع مثل الحاله جسد بلا رووح

الام : شووووووو تقوووووووول ؟؟. لااااا مستحيل يحسرتي عليك ياولدي وطاحت ومسكها ريلهاا وشلوها وودوها غرفة

شيخوه : يدوه قوليلي انه كذب قوليلي

اليده : الله يصبرنا يا بنيتي بس الله يصبرنا

"" صوب خلوف ""

خلوف : الحين شيخوه اكيد بطير من الفرح

موزوه : فديتها ها شيخوه اتصللها

خلوف : اوكيك

اتصل حقها

شيخوه : الوو

خلوف : هلا شيخوه

شيخوه اتصيح : هيه فيها اهلين

خلوف خايف يخبر موزوه : انزين انا لقيت موزو ه

شيخوه فرحت : والله فديت روحها خلوف ......... لا تخبرها عن خالد هيه اكثر وحده اتحبه

خلوف : اعرف اعرف بس بنتم جذيه لين متى

شيخوه : لين ما ينش

خلوف : ينش ليش هوه شو فيه

شيخوه : طاح فغيبوبة

خلوف قام : اعوذ بالله

شيخوه : لا تبين حق موزوه بليييز

موزوه : خلوف شوفيك شيخوه فيها شي خالد حد فيه شي

خلوف : هاه لا محد

موزوه : عطني اكلم شيخوه

خلوف : شيخوه موزوه تبا اتكلمج

شيخوه : خلاص اوكيه

خلوف : مسحي هاه مسحي ماابا اشوفهن

شيخوه : هه انشاءالله

خلوف : والله فديتها هالظحكة اخيرا ظحكتي

موزوه : ايييييه بس غزل وليش اخيرا ظحكتي هاي

خلوف : هاه ولا شي دوج رمسيها

موزوه : عطني

شيخوه : اهلن اهلن

موزوه : اهليين شحااااااالكم واشحاله خالد وشحالها يدوتي الحلوه

شيخوه : الحمد الله بخير خوفتينا عليج يالسبالة

موزوه : استغفر الله انا انسانة لا سبالة ولا حيوانة

شيخوه : هههه

موزوه : يالله نبا انشوفكم عاد

شيخوه : انا اللي لازم اقول جذيه

موزوه : ههه انشاءالله

شيخوه : يالله برايج موزوه

موزوه : يالله برايج سلمي عليهم وعطي يدوه بوسة

شيخوه : يووصل بااااي

موزوه :باي

موزوه : خلوف شوفيه شو صاير

خلوف : يابنت الحلال ماصاير شي

موزوه : قلبي ناغزني الصراحة ويتنافض حاسة فيه شي

خلوف : الله يخليج بس

""صوب فاطمة ""

فاطمة : ساااااالم شفت خلوف الجلب شو سوااا

سالم : شو سواا بعد

فاطمة : راح بيت امك

سالم : شو سويتي فيه

فاطمة نزلت راسها : ظربته بالخيزرانة

سالم : خليه برايه عند امي انا بطرش لهم فلووووووووس

فاطمة : يعني شورك

سالم : هيه خليه عند امي وبعدين هوه راح خلاص امي ما بطيع اترده لانج اذيتي ""ورص عليها ه الكلمة " وهوه لا يمكن يرر د من اللي سوتيه هوه هب ياهل تظربينه ولا شو

فاطمة : خلاص برااايه مش محتايه له


صوب "" خلوف وموزوه ""

سكتوا اشوية واذن الاذان وراحوا يصلون وردوا يلسوا يلسوا يطالعون التلفزيون

موزوه : خلوف

خلوف : عيونه

موزوه : فديت عيونك انا ابا اطلب طلب بس احس انك مابتوافق

خلوف : بوافق لجل عيونج يالحلوه

موزوه : انته ما يهمك الا عيوني

خلوف : شو اسوي احبهن

موزوه : انزين احم احم خلنا انسافر انكمل دراسة برع

خلوف : مااااااااااشي

موزوه قامت وقعدت عداله : خلوفي حبيبي عشان عيوني

خلوف يمسك خشمها : محلااااااااج يالدبة ..... اانا اصلن كنت افكر فيهااا

موزوه :: والله يعني بنروح

خلوف : يب يب بدق حق جسوم يا ويلي منه الحين

موزوه : ههه اكيد لانك ما قلتله

خلوف : يب يب .. وبخليه ايي معانا

موزوه : اللله حلوووو

خلوف : قولي انشاءالله اهله يوافقون

موزوه: انشاءالله ... عطني انا اكلمه

خلوف : تعالي انسويله مقلب حطي اسبيكر اوكيه

موزوه : خلاص اوكيه

خلوف : يالخبلة بيعرف الرقم

موزوه : لا يمكن سرحان او شي وما شاف الرقم

خلوف : لا تعالي بناخذ تلفون يدوه

موزوه : ههه حليلها يدوه قوم بروحلها برررع

خلوف : وبنتمصلح وبنشله

موزوه : ههه وهوه في غير جذييه

راحوا برع ولقوها قاعدة في الزرع وعندها ايرانها عيايز طبعا

خلوف : السلام عليكم ياعربان زاااايد

موزوه :السلام عليكم

وراحت اتسلم عليهن

اليده : هذيلا عيالي

خلووف وموزوه

خلوف : يدوه حبيبتي

يدوه : عيون يدوتك

خلوف : احم احم نبا تلفونج

موزوه :هيه يدوه دقيقة بس

يدوه : ماشي كل واحد عنده تلفونه

خلوف : انا مافيه شرج

موزوه : وانا عقيته ما ادري وين

اليده اطالعهم : آه يا منكركم انتوا قبل اشوي شايفتنك ترمسون

موزوه : لا هذاك العصر

خلوف : وماكن فيه غيرحبه وحده

اليده : دوكم التلفون وطلعته من مخباها

خلوف : يسلمو ياحلا يده

موزوه : تسلمين يدوه

قاموا وراحوا الحوش الخلفي

موزوه :احم احم

رد جاسم : الو السلام عليكم

موزوه : وعليكم السلام والرحمه

جاسم : احم احم منو بغيتي الغالية

موزوه : بغيتك انته

جاسم:ياهلا والله

موزوه : هلا فيك جسومي

جاسم : موزوه عن مصاخاتج تراني اعرفج

موزوه وخلوف: هههههههههه شكوووووونا

جاسم : هيه شكيتكم عيل شو تتحروووني خبببل شراتكم

خلوف: يمكن يعني

موزوه : جسووم الدبه قوم روح ماعانا برع ندرس

جسووم : اوووه زين يتوا ع الجرح اماية يالسة تقنعني اروح كندا ادرس برع تبا الشهادة اللي ترفع الراس وي فقت الشهادة

خااالد : ههههه ويا ويهك يعني شو

جسوم : اكيد برووووح

موزوه : الله بنروووووووح كندااا

جسوم : ههه فقتج يالياهل

موزوه : جب جب انزين انا كبرك احترم نفسك

جسوم : ماماااااا روعتيني

خلوووف : هههه الله بيكون وناسة جذي دوم الصبح مناقر

جسوم : ههه اتصدق حلو بس لو اتصيح بيلس اطنز عليها

موزوه : احم اححم ما عاش اللي يصيحني عاد منو غيره جسوم يصيحني

خلوف : الحين خلونا اي تخصص بندش

موزوه : اممممم انا بدش دكتوراااااه

جسوم : فقتج خلينا اندش مع بعض

خلوف : هاي حلمها تبا اتخربه

جسوم : لا يعني بتم وايد هناك الدكتوراه يباله شغلانه

خلوف : هيه صدق واايد بطولين

موزوه : امممم ما اعرف والله

جسوم : يالله موزوه

موزوه اتذكرت خالد يوم طاح :

خلوف : موزوووووووه

موزوه : لا مابا وما بتاخر ورا بعض بدرسهن انتوا درسوا اللي تبونا وانا بدش دكتوراه هذا حلمي وقالت في خاطرها : وهذا اللي قربني من خالد وخلاني احبه

خلوف : خلاص برايج ..هاه جسوم شو اندش

جسوم : اممم

موزوه : دخلوا تجاارة

جسوم : الله حلو ونفتح شركه

خلوف:الشركة خلها علي

موزوه : عيل خلصتوا ... ماباقي غير السفرة

جسوم : الصراحة تفكيرنا طررر

موزوه : ههه جناااان بس بنتغرب عن بلادنا فديتها

خلوف : هيه والله انه بنتغرب عن دارنا

موزوه : الحين متى السفرة

جسوم : ما اظن اكثر من اسبوع عشان ناخذ كورس انجليزي

خلوف : هيه وبدق حق ابوية وبخليه يحجز النا نحن الثلاث

جسوم : يالله عيل بروح ابشر اماية

خلوف : وانا بخبر ابوية

موزوه : بباي جسووووووم الدبه

جسوم : باي موزانه السبالة

موزوه : يالددب انا انسانه

خلوف : يالله برااااايك

جسوم :: باااي

"" المستشفى ""

فغرفة الام الكل قاعد

اليده : هاه شو قالوا متى بيظهرونها

الابو : بعد ما تقوم

شيخوه : انا برقد عند اخوي

اليده : ماشي قعده اهنيه كلنا بنروح

شيخوه : انزين خلاص ... صح ما خبرتكم موزوووووه عند يدتها ف العين

اليده : والله ه البشارة الحلوة

شيخوه : واتسلم عليكم كلكم

الكل : الله يسلمها من الشر

شيخوه : بس ما خبرتها عن خاالد

اليده : احسن لا تخبرينها

واذن العشا وراحوا يصلون و قامت الام وراحوا الكل البيت

""صوب خلوف ومواز ""

خلوف : هلا ابوية

سالم : اهلين خليفة اشحالك واشحالها امي واختك

خلوف : الحمد الله بخير يسلمون عليك

خلوف : ابوية طلبتك قل تم

سالم : تم ياولدي ما برد لك طلب

خلوف : بنسافر انا وموزوه انكمل دراسة برع

سالم : والله زين بس وين بتروحون

خلوف : كندا ونباك تحجزلنا ف الجامعة وتقصلنا تذكره وماعانا جاسم اربيعي تذكره

سالم : هيه هيه اذكره خلاص من عيوني انتوا اطلبوا بس .... بس شو بتدخلون

خلوف : فكرنا ندخل تجارة انا وجسوم وموزوه تبا تدخل دكتوراه

سالم : والله زين وتراه شركتكم بتكون علي

خلوف : فديتك يا بوي تسلم ما تقصر

سالم : بس انته دير بالك ع اختك

خلوف: موزوه ف عيوني يا بوي

سالم : يالله برايك

خلوف : مع السلامة

موزوه : هاه بشر

خلوف : قال الشركة عليه ودير بالك ع اختك

موزوه : ابوك طيب بس امك السوسة

خلوف : نعم انها سوسة \\\\

موزوه : استغفرالله انا ما يخصني

خلوف : ويا ويهج

""صوب شيخوه""

كانت قاعدة ف الغرفة خالد وتقرا قرآن طاحت دمعتها

شيخوه : يارب تقومه بالسلامه يارب ........يارب ترا موزوه ما تعرف عنه وله بتكون اسوا من حالته يارب

ونامت وهيه تتعدي ربها انه يقومه بالسلامة ...

اما موزوه ....... كانت يالسة برع وتقرا قرآن

موزوه : يارب ليش احس انه قلبي يدق واااايد يارب ليييييش ياترا خالد بخير ولا لا اكيييد شيخوه خبرته ولا لا يارب يارب يكون بخير يارب

ودخلت داخل راحت عند خلوف شافته راقد وباسته عراسه وراحت ترقد ف غرفتها

وخلص هاليووم .....,,,


يالله توقعاتكم >>>


بينش خالد ولا ؟؟؟.....

وموزوه : ما بتعرف وبيتمون داسين عنها ولا لا ؟؟...

وهالسفرة بتغير شي ولالا ؟؟.

ويمكن يستوي ف هالسفرة شي واتغير كل شي ؟..؟... يمكن ؟؟..

 

 

  رد مع اقتباس
قديم 06-09-2009, 03:20 AM   رقم المشاركة : 20
بدوية حشيمة
~ • غـٍُالٌٍُيً جـًٍَِديـٌٍُد • ~
 
الصورة الرمزية بدوية حشيمة 




معلومات اضافية 
  النقاط : 10
  الجنس :
  الدولة :
  الحالة :
الرسالة الشخصية

التقييم

افتراضي

 

 

البارت الثامن

"" حبيبي قلبي ماهو مرتاح بغيابك ..... حبيبي طمني عليك وخل قلب العشاق مستريييح من الالم ""

>>>>>> حقوق الخاطرة محفوظة لبدوية حشيمة + الخيلية <<<<<<<

اليوم الثاني

الكل كان قاعد يتريق خلوف وموزوه ويدتهم

موزوه : يدوه اذا كان قلبي ناغزني شو يعني هذا ؟.؟.

اليده : اكيد صاير شي

موزوه : يعني مثلا حق منو

خلوف : اييه هذي خرافات

اليده : لا يا ولدي في ناس قلوبهم اتحس بالناس اللي تحبهم يعني يا موزوه الناس اللي اتحبينهم فيهم شي

موزوه نغزها قلبها اكثر فخاطرها معقولة خالد بس شيخوه قالت الحمد الله زينـ.. بس ....


خلوف قطع تفكيرها : ما عليج انتي محد فيه شي انا عدالج وشيخوه وخالد وكلهم ابخير امس مرمستنها

موزوه تغطي نغزات قلبها : صح بس بعد احس بنغزات

خلوف : موزوه خلي نغزات قلبج ع صووب

موزوه : انزيــــن


"" المستشفى ""

الابو : الحين بنتم جذيه وولدي ما نش

الدكتور : معليش هوه حالته مستقرة

الابو : كيف حالته مستقرة وهوه فغيبوبة

الدكتور : ما تستونوا وانتوا روحوا واي خبر انا هندهكوم

الابو : لا حول الله

وطلع من الغرفة

شيخوه : هاه شو قال

الابو : قال روحوا البيت يالله بروح اصلن مالنا حايه اهنيه

شيخوه : صدق واماية تعبانه تبا اتييي شو اتسوي ما اعرف

الابو : حتا امي تبا اتيي

شيخوه : يالله الله يقومك يا خوي بالسلامة


""صوب خلوف وموزوه """

خلوف يشوف تلفونه : هذا ابوي

موزوه : رد بعد شو تتريا

رد خلوف : الو

سالم : هلا خلوف اشحالك

خلوف : الحمد الله بخير اشحالك ابوية

سالم: الحمد الله ابخير ..اممم ابا اخبرك ترا قالولي انه لازم يكون باجر اتروحون لانه بعد اسبوع بيكون دورة انجليزي

خلوف : وانته حجزت

سالم : هيه حجزت يعني السفرة بتكون الفير الساعة 4

خلوف : خلاص ومتى بتيب التذكرة

سالم : انا في الطريق ياي ابا اعطيكم فلوسكم وانا دفعتلهم واخترتلكم الشقة وخلاص ناقص اتروحون تتشرون حق السفرة

خلوف : من العين بتكون

سالم : هيه بطير في العين

خلوف : زين يالله عيل نترياك

سالم : مع السلامة

موزوه : هاه شو ؟؟؟.؟.

خلوف : قال باجر الفير بطير
\
موزوه : قرريب واااايد

خلوف : شو انسوي احسن انروح ونفتك من الهموم

موزوه : صدقك والله

خلوف : شو رايج ادق حق جسوم اخليه ايي عشان انروح نشتري لنا اغراض ؟؟.

موزوه : اوكيه انا بروح الغرفة

خلوف : خلاص برايج

راحت موزوه الغرفة في خاطرها .. > يارب مااريد اروح لين ما اطمن ع خالد ..<

ما اروم اروح وقلبي زاخني شو اسوي ..... نزلت راسها ونزلت دمعه من عيونها اشتقت لك يا خالد ...

صوب خلوف ..

خلوف : جسوووم بسك ارقااااد نش

جسوم : اففف ما تخلي الواحد يرقد

خلوف : يالله تراه باجر الفير بنسافر

نش جسوم ابسرعة : بل بل مسررررع

خلوف : ويالله تعال العين بنروح المول نتشرى

جسوم : اففف بدينا من اليوم كرااااااف

خلوف : اقولك تراك بتروح غصبن عن ه الخشم

جسوم : انزين يالله برااااايك ...

خلوف : باي

جسوم : صبر ..صبر وينها الحشرة "المزعجة "

خلوف : اختي حشرة يا الحشرة

جسوم : هههه

خلوف : بروح اشوفها بااي

جسوم : باااااي يالحشرة

صك خلوف الخط في ويهه وراح عند موزوه لقاها في الغرفة اتصيح

خلوف :موزوه شو فيج

موزوه : خلوف والله هب مرتاحة

خلوف : من شو هب مرتاحة

موزوه : من قوم شيخوه حاسه انه فيه شي

خلوف فخاطره : صدق انج اتحبينه من الخاطر عيل لو دريتي انه طايح في المستشفى فيه غيبوبة شو بتسوين

موزوه : خلوووووووف

خلوف :هاه .. صح اذا تبين تتاكدين بندق حق شيخوه

موزوه : انزين عطني اكلمها

خلوف: يالبزاية انتي

موزوه تمسح ادموعها : ههه جب

شيخوه : الوو

موزوه : شيخووووه اشتقت لج

شيخوه : حتا انا اشتقت لج

موزوه : اشحالكم اخباركم ؟؟.

شيخوه : الحمد الله بخير الكل يسلم عليييج

موزوه : الله يسلمهم

خلوف يزاعق : شيخوووووووه تراه موزوه اتصيح خايفة لا يكون فيكم شيييييي

شيخوه : ههه الله يهداج شوفينا يعني ما فينا شي

موزوه صاحت : شيخوه نحن بنسافر

شيخوه : وييين

موزوه : بنروح ندرس في الخااارج

شيخوه : ومتى بتروحون ؟؟.

موزوه : باجر الفير ...حرام والله بشتاق حقكم واااايد

شيخوه : يا بابا في شي اسمه تلفون وله نسيتي

موزوه مسحت دموعها : ههه صح ذكرتيني ههه

شيخوه : ههه صباح الخير ... انزين شو بدشين

موزوه : دكتورااااه

شيخوه : انزين ادري دكتوراه دكتورة في شو ؟؟؟.

موزوه : عام ماشي شي محدد

شيخوه : زين زين

موزوه سمعت الهرن : برايج الحين شيخوه بدقلج عقب

شيخوه : خلاص برايج سلمي ع خلوف

موزوه : يوصل وانتي سلمي عليهم

شيخوه : يوصل بباي

موزوه : بااي

خلوف : هاااااه ارتحتي

موزوه : تقريبا

خلوف : لا حووول يعني شو تبين انقولج عشان ترتاحين

موزوه : ههه بروح اسلم ع ابوية

خلوف : ههه اتصدقين نسيته

موزوه : بسبقك لووول بااااي وركضت صوب الباب

اليده : موزوه شو ه الخبال اللي ظاربنج

خلوف : هههه تراه ابوية برع

اليده : الله يهديج ويا كل الظرب اللي انظربتيه وبعدج اتحبينهم

موزوه : يدوه هذيلا هم اللي ربوني وبعدين انا في حياتي ما كرهت حد

ودش سالم وكان ماسك باقة ورد عووودة ومنخش وراها

سالم : ولا انا بكرهج يا بنتي انتي تربيتي وما اظن انج بتسوين الغلط وظهر ويهه وهاي الوردة حق احلى وردة بالدنيا موزاني

موزوه نزلت راسها : تسلم يا بوي يالغالي وراحت وايهته

موزوه : ليش متعب عمرك

سالم : لا تعب ولا شي انا غلط غلطة وندمان عليها واباج اتسامحيني

موزوه : وانا هب زعلانة عليك لانك ابوي واللي تعبت عليه

خلوف : الحين بيبدا الفلم الهندي مال موزان وابوية

سالم : يالهرم تعال سلم على ابوك

خلوف : ههه وانته خليت فيها سلام ... شلي وردج عن ابوية شليه ادري انه خاطرج فيه

موزوه : خلوووف

خلوف سلم على ابوه وشل الورد

سالم يحب راس امه : اشحالج امي

اليده : الحمد الله يا وليدي عايشة مع مناقرتهم

سالم : ههه يسلونج اشوي

خلوف :موزوه خلاص انا بشل الورد بعطيه حق جسوم حليله زعلان مني

موزوه اطالعه بعيونها وهوه يكمل

خلوف : صدق صكيت الخط في ويها وقلتله سبال

موزوه اشوي وبتقوم تذبحه لانها تموت في شي اسمه ورد جوري وخلوف يعرف ويغايظها

خلوف : يبوج شليه نعرف انج اتحبينه شليه

موزوه : سالم والله لا اذبك بس احترام لبوي ويدوه

خلوف : هههه فديت المعصبين انا دوج احلى ورد لاحلى وردة

سالم : ههه اسميكم يهال امسك هاي التذاكر وانا طلبتلكم سيارة هناك اتوديكم واذا تبون سيارة بروحكم قولوا حق سعيد "" سعيد ....> هندي يشتغل عند سالم في كندا ....< ""

اليده : خير شو صاير على وين رايحين

موزوه : ههه خلووف نسينا انخبر يدووه

اليده : هاه وين رايحيين اسمع كندا شو اتسووون في المستشفى

موزوه : أي مستشفى يدوه

اليده : مستشفى كند بسم الله حد فيه شي موزوه فيج شي

خلوف : ههههههههه يدوه نحن رايحيين كندا بلاد صوب امرييكا

اليده : وييه يحسرتي شو اتسووون اهناك اتشوفون ه المفصخات اللي برع

سالم : اماية بيروحون يدرسون في الخارج

اليده : واشحقة الله يرحمه الشيخ زايد ما قصر

خلوف : يا يدوه هناك الشهادة غير واهنيه غير

اليده : قول انك تبا اتشوف المفصخ

خلوف : المهم ابوية تسلم وما قصرت

سالم : وهذي فلوسكم وهذي البطاقة اذا تبون أي شي اسحبوا منها وانا كل شهر بنزل لكم فلوس

موزوه : بس هذا وااايد

سالم : بالنسبة لي واللي سويته لكم اشويه

سالم : يالله الحين من رخصتكم حب راس امه ويوم ياي يظهر

اليده : روح وخل عيالك يهيتون

خلوف : ههه روح ابوية نحن بنتفاهم معاها

موزوه : ههه يا يدوه

اليده : جب قوموا عني وقامت راحت المطبخ

موزوه : اييه حرام يدوه زعلت

خلوف : ههه تعالي انروح انراظيها

موزوه : ههه قوم يالله

خلوف : والله اتصدقين موزوه بشتاق حق يدوه يوم اتعصب

موزوه : اييه حرام عليك فديتها يدوتي

اليده : نعم خير في شي

خلوف : يدوه نحن رايحيين نرفع راسكم

موزوه : هيه صح يدوه وانا بيب لج شهادة الدكتوراه

اليده : يعني بتصير دكتورة اتعالجين لي اريولي

خلوف : هههه هيه

اليده : يالهرم ليش تضحك

موزوه : يطنز عليج يدوه

اليده : قوم من عدالي قوم

خلوف : افا وانا اللي بشتغل في الشركة عشان ايبلج mony

اليده : يا حسرتي عليك يا ولدي من الحين متعرف على وحده منو هاي موني

موزوه : ههه يدوه يعني فلوس هب بنية

اليده : فديتك يا ولدي يوم بتيبلي بيزات ما اريدهن خلهن لك اهم شي ترفع راس ابوك يا وليدي

خلوف حب راسها : فديتج يا يدوه ربي لا يحرمنا منج

موزوه : ولا مني يارب

اليده : يالملسونة حبيني بسرعة

موزوه : ههه فديت يدوتي انا حظنتها وباستها ع خدها وراسها
اليده : مسود الويه تلفونك ايرن

خلوف : وانا شو يخصني يوم هوه يرن .. اهئ اهئ بعد اتقوللي مسود الويه

موزوه : هههه لا ابيض الويه ولا يهمك

خلوف : ها ها ها ظحكتيني

اليده : ههههه والله انكم اتظحكون

خلوف : الووووووووو ""كان حاط اسبيكر""

جسوم : ماما روعتني بسم الله

خلوف : شو تبااااااااااااا ..؟...

جسوم : انا احسلي ارد دبي ولا اقعد عندكم


خلوف : احسسسن ..

اليده : يا مسود الويه تروغ الصبي ليش ... ويرت التلفون

اليده : الو

جسوم :منو انتي ؟؟..؟.

اليده : انا يدة خلوف الهرم

جسوم : نعم انه هرم شفتيه عيل انا بسافر وزاقرني من دبي للعين واخرتها يطردني

اليده : ليش انته بتروح عندهم مستشفى كند

جسوم : هيه والله ورطونا ويا ه المستشفى

اليده : يحليلك يا ولدي

جسوم : والله هذيلا خلوف وموزوه غاصبيني الا اروح وانا ماابا افارق بلادي

اليده : صدقت يا ولدي

جسوم : واقوللهم بناخذ الشهادة من اهنيه ما طاعوا يبون يروحون المستشفى افف

موزوه وخلوف : ههههههههههه

خلوف : يدووه يخرط عللللليج

جسوم : انا اخرط يالهرم

موزوه : تعال البيت وبراويك شغل الله

جسوم : ههه انزين وين البيت الحين انا واقف في الشارع

خلوف :روح حارة ...... مجابل الكافتيريا رووح سييييييدة بتيك لف اجبارية يمين ويسار خذ يمين وروح بعد سيدة بيييك دوار خذ يسار اول بيت على ايدك اليسار

جسوم : والله سهل البيت زين الحمد الله اشوف في اللفاته اسم الحارة يالله تريووني سوو استقبال حقي احم احم

خلوف : يالله نترياك

جسوم : ببااااااي

اليده : يحليله اربيعك

خلوف : ههه هيه نعم يحليله

موزوه : شو مسوين غدا ؟؟..؟.

اليده : مشبوس دياي

خلوف : وابوووك اكلة موزوه واكلتية المفظلة

موزوه : اتحيد الخلطة خلوف

خلوف: الحين بتروحين اتسوينها

اليده : خلطة شو

خلوف : خلطة فلفل رهييييبة

موزوه : بروح اسويها بااااااااي

خلوف : بااايااااااات

""صوب شيخوه ""

شيخوه : يدوه اتعرفين انه موزوه واخوها بيسافرون يكملون دراسة في الخارج

اليده : والله .؟..

شيخوه : هيه والله توها مكلمتني موزوه

اليده: يحليلها ه الموزوه ما سالت عن خالد

شيخوه : اليوم دقت كانت اتصيح قلبها حاس اتصدقين يدوه هذيك المرة حست انه بيستوي شي واستوى وهالمرة حاسة انه في شي وهوه صح

اليده : شيخوه هذا يسمونه الحب وموزوه وايد اتحب خالد ويبين عليها

شيخوه : الله يعلم لو درت

اليده : الله يقومه بالسلامة

شيخوه : صارت له وحشة يا يدوووه

اليده : كلنا اشتقنا له يا بنيتي البيت صار فاظي

شيخوه : الحين كيف بيكمل دراسته
اليده : هوه شو كان داخل

شيخوه : دكتوراه وكان باقله 5 شهور

اليده : انشاءالله يوم بيقوم بالسلامة

شيخوه : انشاءالله

""على فكرة انا ما ذكرت في القصة هوه شو داش والحين ذكرته ^_^ ""

""صوب فاطمة ""

فاطمة : وله خلوف وموزوه بيسافرون

سالم : هيه بيسافرون عندج مانع

فاطمة : هيه عندي ليش ما ياخذ شوري

سالم : تراه خذ شوري

فاطمة : لا والله وانته من متى يمشي شورك

سالم : فطوم قصري حسج

فاطمة : ما بقصره انا اتعب واشقى واخر شي اتسفرهم وانا ىخرمن يعلم

سالم : تراج انتي اللي طاردتنهم

فاطمة : والله شوف تربيتك شو سوتبهم

سالم عصب : فطووووم انتي طلعتي عيالج من البيت بس انا بالاخير بطلقج وبظهرج من هالبيت

فاطمة : اظهرني انا ليش بالله من تكون

سالم عطاها كف خلاها اطيح في الارض :فاطمة انتي طاالق طالق طالق وظهر عنها

فاطمة يلست اتصيح ...."" بالاصل فاطمة ماعندها اهل عندها اختها الوحيدة بس ما تدري عنها شي وامها وابوها ماتوا من بعد ما تزوجت ماتوا ""...

فاطمة في خاطرها ... وين اروح الحين طردني من البيت وين اروح انا ما سويت شي له ...

راحت غرفتها وغسلت ويهها ويلست في الغرفة دش سالم

سالم : انتي ما طلعتي انا بطرشلج ورقت طلاقج وشلي قشارج وظهري من البيت ما ابا اشوف رقعة ويهج مرة ثانية في ه البيت

فاطمة : ما بظهر من هالبيت هذا بيتي

سالم تقرب صوبها ومط شعرها وفرها صوب الباب : انتي شو ما تفهمين برررررع بطل الكبت وفر الملابس في ويهها .. ظهري برع انا ما ابااااااااج في بيبتي

فاطمة يابت شنطة وشلت الملابس وظهرت برع ركبت السيارة وراحت صوب البحر

فاطمة في خاطرها : انا دومه راسي مرفوع وما بنزله عشانك يالخايس من تكون انته عشان انزله خربت شعري كنت رايحه البارحة الصالون مطلي اياااه الخايس خلني اروح الصالون بحجزلي في فندق احسلي ...,,.,


"" صوب خليفة ""

تغدوا ويلسوا كلهم في الصالة واليده راحت ترقد

جسوم : هاه متى بنروح نتشرى سامان ترى ما شي وقت

خلوف: صدقك والله

موزوه : خلونا نظهر انروح العين مول

جسوم : يالله فوقه

وراحوا المول طبعا ما بقوا شي ما شرووه وجسوم ما بقا وحده ما اطنز عليها

جسوم : اتصدقون لين الحين اللي شفتهن خمس ست اللي لابسات راص ومطلعات قصيص ولابسات بناطلين ورافعات كشيشهن

خلوف :ابوي هاي العين شو تتحرى بناتها حشام شو تتحرىالدنيا كلها جذيه

موزوه : احم احم اتربيت على ترابها العين فديتها زينه ومافيها شي ويوم بعرس بي اسكن اهنيه ما بسكن في دبي

خلوف : خلي خلوود ايي يسكنج اهنيه

جسوم : منو خلوود ؟؟؟.

خلوف : احم احم اسالها

موزوه : اففف ما تخلون الواحد بحاله

دشت محل عيبها لبس الاولاد شرات لبس الممثل زاك إيفرون

موزوه: خلوف شرايك في هاللبس والله انه طرر من الخاطر

خلوف : حلو دامه من ذوقج

جسوم : الله حلو لبسهم

موزوه : اللبسوا انته وخلوف مثل اللبس وله شو رايكم

خلوف :انا عن نفسي موافق

جسوم : مي تو

وخذتلهم تقريبا كل اللبسات اللي هناك مع الجواتي والكابات

خلوف : موزوه ما تروحين اهناك تلبسيلي عباة

موزوه : والله شو تباني اللبس

جسوم : لبسي بنطلون بعد شو لبسين

موزووه : ما ابا

خلوف : يا هبلة اشتري الفوانيل الطوال على الاقل اللي لين الركب تيي

موزوه : افف ما احب اللبس بناطلين

جسوم : عيل انا اشوف ه الجيل كله يحب يلبس بناطلين

موزوه : انا ما احبهن بس احب اللبس برمودات حق البيت

جسوم يقلدها : والله حلفي انتي بس

موزوه : ههه والله

خلوف: ماعليك منها الحين بنختارلها ودشوا محل واشترولها قمصان لين الركب وبناطلين وجواتي

موزوه : اففف ما احب اللبسهن

جسوم : بتلبسينهن

موزوه : انزين خطفني لوزان عشان اشتري لي شيل

خلوف: العين هذي قبل هذي امري

موزوه : وبعد لا تنسى شنط حق السفرة

خلوف : انزين انزين يبوج

جسوم : هاه هذا شغل الحريم

موزوه : والله هالشنط حقكم هب حقي ويا ويهك

جسوم : ويهج انتي

موزوه : جب

جسوم : جبتين

موزوه : جسوووووووووووووم

خلوف : بس انتي وياه نقير اربع وعشرين ساعة حشا ما صارت

موزوه : هه فديت اخوية المعصب

خلوف : ههه ويا فيسج محلاااااج

جسوم : هههه والله انك ...


وراحوا يشترون اغراضهم وخلصوا تقريبا بعد آذان المغرب ووصلوا البيت .. ..

موزوه : تعال بندق حق شيخوه

خلوف : صدقج والله نسيناها

موزوه : عطني التلفون

خلوف : انزين

جسوم : منو شيخوه

خلوف يأشر على قلبه ....

جسوم : هييه عرفتها

موزوه : هلا والله

شيخوه : هلا فيج اشحااالج دبوه

موزوه : الحمد الله بخير وانتي شحالج

شيخوه :الحمدالله زينة هاه وينج ما دقيتي

موزوه : يبوج رحنا نشتري اغراض حق السفرة

شيخوه : هيه زين زين يالله عيل الله يوفقكم

خلوف : عطيني اكلمها

شيخوه : ههه شوفي خلوف محتشر

موزوه : يبا يكلم القلب

شيخوه حمر ويهها : جب يالسبلالة

موزوه : استغفر الله ويا ويهج

جسوم: اكيد قالتلها حيوانه وله سبالة اكيييد

شيخوه : هههه صح اشدراه ؟؟.

موزوه : ههه يعرفني

شيخوه : منو هذا ؟؟..

موزوه : جسوم تراه بيروح ويانا..

شيخوه : اها اا

خلوف : بسج عاد خلينا انرمسها

موزوه : منقوود

خلوف : ابوها ما قال انتي بتقولين

موزوه : ههه لا امزح دوك كلمها

موزوه : يالله شيخوه براايج

شيخوه : يالله بباي بشتاقلج

موزوه قلبها نغزها : انا بعد

وعطت السماعة لخلوف ببرود

راح خلوف يكلمها وجسوم يلس عندها

جسوم : شوفيج؟؟.

موزوه : ما ادري ليش احس انه هاي اخر مكالمة ..

جسوم : لا ماعليج ؟؟..

موزوه : والله انه قلبي ناغزني موووت

جسوم : يا ربييي بديينا

موزوه : ههه قوم برووح عند يدوه انطفربها حرام بشتاقلها

جسوم : حليلهااا

صوب خليفة ...

شيخوه اتصيح : والله انه غصبن عني اخش عنها ماروم اخبرها وهوه مثل حالته

خلوف : انزين خلاص ما يحتاي ليش اتصيحين

شيخوه : لانه ما عندي غيرك اشكيله ويواسيني

خلوف : فديت روحج .. انزين خلاص مسحي دموعج وانشاءالله الله بيقومه بالسلامة

شيخوه قافطة من رمسته : انشاءالله

خلوف : مسحتيهن دموعج

شيخوه : هيه

خلوف : انزين سمعيني ظحكتج قبل لا اروح

شيخوه : خلوف تدري اني ما اروم اظحك شلي بيظحكني مثلا

خلوف : ايوا يعني تبين نكتة قولي جذيه يا بنت الناس

خلوف : كان في ثلاثة في الغرفة دخل عليهم واحدة استوو اربعة

شيخوه : هههههه مسخف النكتة

خلوف : ياربي يعلني ما اخلى من ه الظحكة

شيخوه مستحية : خلوف بتم جذيه بسكر

خلوف : يا ويلي عاللي يستحون ... انزين خلاص بسكت

شيخوه : يالله بخليك سير ارقد

خلوف : انزين بشتاقلج

شيخوه : حتى انا والله ...يالله روح ارقد

خلوف : اوعديني ما تنسيني

شيخوه : اوعدك ...وانته واعدني ما تشوف وحده مني ومناك وتنساني

خلوف : ههه لا هاي محلولة ... اوعدج

شيخوه : يالله تصبح على خير

خلوف : وانتي من اهل الخير


صوب جسوم وموزوه

جسوم : يدووووه

اليده : انته ما تروم ترمس بصوت خفيف والله اني اسمع بس انته مخلني صمخة

موزوه : جسوم شوي شوي على يدوه فقة صنعتك

جسوم : من زين صنعتج يعني

موزوه : هيه والله اني حلوه

اليده تمسك راسها : بس مناقر بسسسس تعبت راسي عورني

جسوم : ههههههه والله فديت راسج وحبها على راسها

موزوه : اييييييه يدوه مالتي

جسوم : بالله حلفي انتي بس ...ليه هيه مصاصة وانا ما ادري

اليده : مصاصة في عينك يالهرم

موزوه تحظنها وتبوسها : فديتج والله اني بشتاقلج مووووت

اليده : يالله نشوا كلوا طيارتكم الفير يالله

موزوه : من عيوني يا عيوني

وراحوا ياكلون وكل واحد راح غرفته وطبعا جسوم وموزوه راحوا بعد مغايض ورقدوا

""خلص البارت يالله توقعاتكم

موزوه ما عرفة عن خالد شي بس قلبها ناغزنها ؟؟.؟. شو السب ؟؟؟.

وهل صدق راح يستوي شي ويخلي اتكون المكالمة آخر مكالمة ؟؟؟..؟.

شلي بيصير في الايام الياية ؟؟؟.؟.

اتريا ردودكم .....

 

 

  رد مع اقتباس
قديم 06-09-2009, 03:21 AM   رقم المشاركة : 21
بدوية حشيمة
~ • غـٍُالٌٍُيً جـًٍَِديـٌٍُد • ~
 
الصورة الرمزية بدوية حشيمة 




معلومات اضافية 
  النقاط : 10
  الجنس :
  الدولة :
  الحالة :
الرسالة الشخصية

التقييم

افتراضي

 

 

البارت التاسع

"" حبيبي انا مسافر ... مسافر ولاني داري بحالك ... مسافر اكسر همي وابعده عن طيفي واسليه .""

>>>>>>حقوق الخاطرة محفوظة <<<<<<<

الساعة 2 ونص

قامت موزوه اتسبحت وخلصت وقومت خلوف وخلوف قوم جسوم

راحت موزوه صوب يدتها وعطتها بوسة وحظنتها وطلعوا الاغراض برع كل واحد متجهز بيروح لكندا مودعين بلادهم الحبيبة الامارات

وصلوا المطار وقف جسوم برع يشم بس ريحة الاماارات

موزوه : هاه خلصت

جسوم : لا والله الود ودي ايلس ما اروح

موزوه : يالله الله كريم

خلوف : ههه اوه في تطور ما تهازبتوا

جسوم : ياريال ما فينا تونا قايمين من الرقاد

موزوه : حلو جوها العين في الليل

جسوم : هيه والله برد

خلوف : يالله خلصوا الساعة صارت ثلالث باقي ساعة

موزوه : يالله جسوم باااي

جسوم : بباي

خلوف : جسووووم والله بطير الطيارة

جسوم : انا اصلن اترياها الطير

موزوه : ليش اتخاف من الطيارة

جسوم : لا ما اخاااف

موزوه : ههه يالخواااف

دخلوا داخل وخلصوا الاجرات

ووصلوا صوب الطيارة اول ما ركبوا اتقبظ جاسم عددل وموزوه قاعدة اطالعه وتضحك وركبوا واول ماوصلوا صوب الكراسي قعد جسوم وربط حزام الآمان

موزوه : هههه شفت انك خواف الطيارة ما طارت وانته جذيه عيل لو طارت شو بتسوي

جسوم : اشهد ان لا اله انا الله ... ما فيني اسبج خلينا ننزل عقب

موزوه : الحمد الله اصبي استقاااام

خلوف :هههه ...والله انك يا جسوم دياية ما كنت ادري انك اتخاف من الطيارة

جسوم : استغفر الله استغفر الله

خلوف : ليش علمتك موزوه

موزوه : استغفر الله ... احسله خله يتوب يتأدب لو تي بعد مطبات هوائية يكون احسن بعد

جسوم : لاحول ولا قوة الا بالله ... في مطبات هوائية انا بتشهد عروحي اهئ اهئ اهئ بصييييح

موزوه : ههههههههههههه الله يعين حرمتك

اما خلوف طرش مسج حق شيخوه انه الطيارة طارت وغلق تلفونه وتكلم الطيار

موزوه : جسوووووم ...

جسوم : نعم اختاه ..؟.

موزوه : هههههههه الحين بطير الطيارة

جسوم : لاااا انا اصمخ تراني ما اسمع شو يقول ... استغفر الله استغفر الله

خلوف : وييه مالت عليك يالخديية

موزوه : هههههه ... يالحرمة ... هههه

خلوف : خلوني اررقد هب ناقصنكم بروحه ادرب شو طوله

جسوم : والله بصيييح حرااااام

وطارت الطيارة وجسوم يتشهد على عمره لين ما استقرت وكان حاط سماعات المبي وفيها قرآن

موزوه : ههه جسوووووم ... وهزت بالقو لانه كان مغمض عينه

جاسم زايغ : شوفيييييييييييه

موزوه : ههه خلاص استقرت الطيارة ارقد

جاسم : انتي اتروعين بلد الله يعين ريلج انتي بس

موزوه : ههه ريلي مستحملني انته سو يخصك فيه

جاسم : يبوج كلتينا خلاص بسكت وبنخمد بعد

موزوه : ههه ..اوكيه ..مي تو تصبح على خير

جاسم : وانتي من اهله

كل واحد رقد يتريون وصول الطيارة ........

اليوم الثاني في الامارات ..

.............
الساعة 10
...............
صوب اليده اول ما قامت حصلتلها باقة ورد مع دهن عود ومخلطات وقطع كنادير شافتهن وابتسمت وراحت اتغسل وييهاا ......

.....

.....

اما عند شيخوه فأول ما قامت شافت تلفونها حصلت مسج خلوف طرشة له اول ما توصلون دقلي ....


.....

....


صوب فاطمة ...

نشت من الرقاد وراحة تتسبح وطلبتلها اكل تاكل ويلست بروحها تاكل

فاطمة اتكلم عمرها : سكنت في بيت في عيال وكنت اكل بروحي ما فكرت اكل معاهم .... والحين في مكان فاظي مشتاقة اكل معاهم ... خلني اظهر هالافكار وافكر وين بظهر اليوم .. اممم صح ادق حق اربيعتية ونروح المولات والمقهى ...

دقت فاطمة حق اربيعتها ...

فاطمة : الووو

اربيعتها سلوى : اهلين فطووم

فاطمة : هاه شو قاعدة اتسوين

سلوى : يبوج طفرانة من هاليهال

فاطمة : انزين شو رايج نظهر انا وانتي اليوم

سلوى : وين انروح .؟؟.

فاطمة : انروح المول وعقب نيلس اشوي في المقهى

سلوى : انزين انا ما عندي فلوس وريلي الزط ما بيعطيني

فاطمة : هاي محلولة انا بعطيج

سلوى : تسلمين يالغالية

فاطمة : انتي تامرين يالغلا

سلوى : خلاص عيل اشوفج اليوم بتخطفين عليه صح

فاطمة : هيه هذا شي اكيد


سلوى : يالله عيل براايج سي يو

فاطممة : سي يو تو بباي

.............

كندا الساعة 6 الفير
............


موزوه : الله محلات الشرووق عندهم ومحلات كندا

خلوف : هيه نعم انها حلوه

جسوم : الحمدالله يبوكم ما بغينا نوصل

موزوه : ههه الخواف وصل كندا

جسوم : جبب

كانوا يمشون في الشارع هم طلبوا جذيه وخلوا سعيد يلقاهم في مكان محدد يعرفه خليفة

موزوه : افتح تلفونك خلوف

خلوف : انزين انزين

كانوا ييتريون اللي قدامهم يخطفون عشان يعدون الاشاير وكان خلوف متقدم بس جاسم كان قدامه وكان خلوف ماسك التلوفون وشوي التلفون يطيح ووخا جاسم عشان يشل التلفون وكانت الاشاير خظرة يعني بيخطفن السيايير وتي وحده عالسريع وتعقه واتخرطفت وياه

خلوف : خيبة كان جاسم بيروح واسبة التلفون

موزوه : اتصدق انه اللي ساعدة حلوه

خلوف : شكلها اماراتية ...

موزوه : معقولة

خلوف :عادي

اما صوب جاسم فكان يستوعب اللي صار والبنت اللي عند نشت ابسرعة لانها كانت فحظنه وهوه في حالة صدمة ومنبهر بجمال ه البنت

البنت مدت ايدها : شكله محد بيساعدك غيري

جاسم يالس يطالعها

البنت : ماعليه شكلك من صدم من الحادثة اللي صارت بس حبيت اساعدك يعني والحين بخليك يالله مع السلامة وركبت تاكسي وراحة وجاسم بعده منبهر بهاي البنية اللي انقذته

موزوه : جااااسم نحن هنا

خلوف : البنية ساعدته وهوه واقف ما تحرك

موزوه : هههههه شكله طاح فيها الريال

خلوف : اكيد يالله نمشي امشي ياريال امشي

ومشوا لين ما وصلوا المكان المحدد اللي بيلتقون فيه مع سعيد وركبوا السيارة وجاسم ساكت

خلوف : هاه شو الجامعة مكانها زين

سعيد : هيه مكانها so putefull "" وايد بتشوفونهن التنقيعات مشوا انتوا ""

موزوه : نبا شي نظييف

سعيد : اممم انته شوف مسكن in a college وفي مسكن مرتبط بالجامعة يعني يمشي بالمرر ويقدر روح وشوف طلاب الجامعة

خلوف : انته شو تتوقع الاحسن

سعيد : I don’t see t هوه الصراحة الفندق so nays وحلو انته بيرتاح فيه وبابا سو يحجز حق انته

موزوه: انا ارتحت حقه

خلوف : مي تو شو الراي جسوم

جاسم يطالع برع : كيفكم

موزوه : خله هاه طايح طيحة

خلوف : ههه هيه عقولتهم طحت طيحة في هواهم

جسوم ماعطاهم ويه وشاف الجامعة وانبهر فيها كانت فخمة وحلوه بعطيكم صورة منها ....






ووصلوا الفندق وكان سالم حاجزلهم ثلالث غرف مع حماماتهن و صالة عوودة وغرفة طعام ومطبخ عود وعيبهم الموقع وكل واحد راح في غرفته يرتاح الا موزوه

راحت غرفة خلوف

موزوه قعدت في الشبرية

موزوه : خلوف تعرف كم رقم شيخوه

خلوف نقز من فراشة

خلوف : اووه تعالي التلفون انكسر

موزوه : صباح الخير ... هاه حافظنه

خلوف : لا وانتي هب حافظنته

موزوه دمعت : لا يعني لو حافتنه بسألك

خلوف : ولا بيتهم

موزوه هزت راسها : لا شفت قلتلك انها بتكون اخر مكالمة وطاحت في حظنه

خلوف : انزين بيدبر

موزوه : من وين بدبرة نحن ما بنشوف الامارات لين ما نخلص

خلوف : موزوه خلاص بس بس

يلست اتصيح في حظنه لين ما رقدت وهوه مثل الشي

...

...

اما عند جاسم فيالس يطالع من الدريشة الجو والهواء يحرك شعر راسه وكان لابس بنطلون اسود مع فانيلا حمرا في مثل الصبغ مرشوش بالاسود وفكر ينزل تحت ويشوف الطلاب ونزل وراح الممر يشوف الطلاب وكان يطالع وراه يشوف المسافة اللي مشاها وشوي يدعم ويتناثرن الاوراق والقلامة والكتب

جاسم : اوبس سووري

وماشاف البنت ونزل يساعدها وجمع الوراق والقلامه وهوه ياي يعطيها شاف اللي ما كان يتوقعها

جاسم : انتي ...

البنت : ههه هيه انا

جاسم : انا آسف ما شكرتج هذيج المرة ... مشكورة

البنت : لا شكر على وااجب

جاسم : يعطيها الاوراق ويوم يا يعطيها القلامة لامست ايده ايد البنية

البنت ارتبكت : عن اذنك الحين بروح

جاسم : على وين نحن لين الحين ما تكلمنا

البنت مستعيلة : بعدين

وجاسم يلس يطالع الملاك اللي قدامه ...

اما البنت ...

راحت صوب بنت خالتها ..

البنت اسمها مريم بتتعرفون عليها من خلال احداث القصة : مادري منو يتحرا عمره

مزنة : منو هذا ؟؟.

مريم : هذا اللي ساعدته في الشارع

مزنة : ومتى ساعدتيه

مريم : يالهبلة مش انا اليوم ياية من السفر فكنت رايحة بالتكسي ومادري حسيت اني مخنوقة فخليته يوقف و شفت الاشاير استون خظر وهو مخوي يشل التلفون وربعت وساعدته

مزنة : اهاااااااا انقذتي فارس الاحلام

مريم : اييه انتي تستهبلين ؟؟.

مزنة : عيل ليش كنت ""تقلدها "" مخنوقة ؟؟.

مريم فكرت فيه ويوم طاحت في حظنه وفكرت يوم لامست ايدينها بيدينه

مزنة : الحبيبة هب معانا مع فارس الاحلام شكلها

مريوم انتبهت الها : اييييه مزنوووووه الدبه بس

مزنة : يالله قومي خلينا انروح الكافتريا تعبت

مريوم : لا انا بروح الغرفة برايج

مزنة : خلاص اوكيه

وراحت مريوم اللفت وهيه اتفكر فيه ويت بتركب بس دعمت واحد وبسرعة رفعت راسها

مريوم : ام سوري

جاسم : ههه يعني انتي ما غيرج في الشارع في الجامعة وبعد في الفندق

مريوم ابتسمت ونزلت راسها

جاسم : ما اقدر ارمس وياج

مريوم رمست : اخوي السموحة اذا انته شايفني من هالنوع فانا مش من هالنوع والسموحة منك

جاسم ياس بس ابتسم انه لقى وحده حشيم مثلها ونزلت في الطابق اللي تباه وسكر اللفت

وكتتتت للقصة ...

امم انا حبيت اقصره من ردودكم اللي شفتهن واتمنى تتحسن ردودكم المرة الياية

...... سوري ع تقصيرة بس هذا غصبن عني عشان اشوي تتأدبون ....


توقعاتكم ...,

شو راح يصير في فاطمة ... هل الفلوس بتبقا لها دووووم ؟؟.. ؟.

وموزوه وخلوف ما بيقدرون يتواصلون مع شيخوه باي طريقة ؟؟؟.

وجسوم شو بيصير معاه ؟؟.

وهل مريوم حبته وله مجرد وهم يخطف في بالها ؟؟.......

 

 

  رد مع اقتباس
قديم 06-09-2009, 05:32 AM   رقم المشاركة : 22
إماراتي و كلي فخر
~ • غـٍُالٌٍُيً نـٌٍُِشًَُِيـًٍِط • ~
 
الصورة الرمزية إماراتي و كلي فخر 





معلومات اضافية 
  النقاط : 10
  الجنس :
  الدولة :
  الحالة :
الرسالة الشخصية

التقييم

افتراضي

 

 

تسلمين والله القصة حلووه اتوقع الي دخل خلووف ماغيره
واتوقعه بيحب شيخووه سياكل هههههههههههههه

تسلمين خيتووو

 

 

 

انتي ياريم هوى نفسي وعشيقه
اعشك واهــــــواك ياروحي بهــــــبل
انتي لي صوتك كما لحن المسيقة
والوجـــــــــه حسنه كما البدر اكتـــــمل

  رد مع اقتباس
قديم 07-09-2009, 04:51 AM   رقم المشاركة : 23
M S . H A B L A ©
 
الصورة الرمزية M S . H A B L A © 





معلومات اضافية 
  النقاط : 11998
  الجنس :
  الدولة :
  الحالة :
الرسالة الشخصية

التقييم

افتراضي

 

 

السلام عليكم ورحمة الله وبركاته

تسـلمين خيتو القصه سو نـاايس

توقعاتي

شو راح يصير في فاطمة ... هل الفلوس بتبقا لها دووووم ؟؟:لـا ما راح تبقا لها
وموزوه وخلوف ما بيقدرون يتواصلون مع شيخوه باي طريقة ؟؟؟.:مم اتوقع هيه بيوصلون لها

وجسوم شو بيصير معاه ؟؟:مم بيحبها
وهل مريوم حبته وله مجرد وهم يخطف في بالها ؟؟ : اتوقع انـها حبته
نتريا الباارت تسلمين خيتو ^^

:approved:

:16:

 

 

 لِنگُن أرواح -[ رآقيَہ . .
نحٺرم ذآٺنا ، و نحٺرم الغير !
عندمآ نٺحدّث ، نٺحدّث بـ عُمق ،
نطلب بـ أدب ، نشّگر بـِ ذوق !
. . ونعٺذر بـِ صِدق

  رد مع اقتباس
قديم 09-09-2009, 12:09 AM   رقم المشاركة : 24
دلوعه بس خجوله
~ • غـٍُالٌٍُيً فـًٌٍُِضٌٍِيًٌَ • ~
 
الصورة الرمزية دلوعه بس خجوله 





معلومات اضافية 
  النقاط : 730
  الجنس :
  الدولة :
  الحالة :
الرسالة الشخصية

التقييم

افتراضي

 

 

اتوقع جاسم يحب مريوم
وفاطمه ما تبقالها الفلوس
وخلوف وموزة بيوصلون لشيخوة
ونتريا البارت الياي ع احر من الجمر:approved:

 

 

  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
روحك ربيع بقلبي ®{ابو هزاع}® الخواطر ماهي حبر في يـوف قرطاس 5 01-09-2010 02:35 PM
خاطرة لمن احببته بصدق و غدر بقلبي و ابتعد ®{ابو هزاع}® الخواطر ماهي حبر في يـوف قرطاس 2 21-08-2010 12:54 AM
أدور عنك بقلبي و لا ألقى سوى الذكرى mms ™ĀĻ•Ṱặļỳậήξ•⑩ SMS & MMS 2 10-06-2009 11:23 AM
يآخوي حبكـ سرى بقلبي بنت زايد و كلي فخر السوالف العامة 7 24-02-2008 05:58 PM
بحر غدار ،، غدر بقلبي المشتاق .. »{بَحّرْ أإلقۈؤآفــﮱ~ الخواطر ماهي حبر في يـوف قرطاس 6 14-02-2008 11:11 PM

الساعة الآن 07:00 PM.


Powered by vBulletin® Version 3.8.7
Copyright ©2000 - 2019, Jelsoft Enterprises Ltd