رمزيات بلاك بيري خدمة تفسير الأحلام تصميم مواقع وصفات طبخ أعلن معنا


العودة   منتديات فريج دبي > فريج أم سعيد > قصص وروايات > قلم رصاص يسرد روايات

قلم رصاص يسرد روايات يختص في طرح الروايات


آخر المشاركات المطروحة في منتديات فريج دبي .



إضافة رد
 
أدوات الموضوع
  #1  
قديم 25-08-2009, 07:27 PM
الصورة الرمزية بدوية حشيمة  
بدوية حشيمة
~ • غـٍُالٌٍُيً جـًٍَِديـٌٍُد • ~
 
 


معلومات اضافية 
  النقاط : 10
  الجنس :
  الدولة :
  الحالة :
Icon26[1] فز قلبي بلقياك .... وانحرف اسمك بقلبي ..

 



فز قلبيــ بلقياكـــ .. .. .. .. وانحرفـــ اسمكـ بقلبيـ

المقدمة :::_


السلام عليكم

اخباركم يا عرب زايد ربكم بخير؟؟؟


اممم هاي قصة تتكلم عن اغلبية الاشياء اللي اتصير لامهاتنا والاباء بس انا مسوية مع اظافات ..

فيها تشابه من قصتية الأولى اللي هي مكتوب في القدر بس مش واايد وانشاءالله هاي اطولها واتكون مغامرة وما اخربها مثل ما سويت بقصتية الأولى كتبتها بطريقتين وهاي بتكون بطريقة وحده مع دمج الاحساس والمكان والناس ...

وقبل كل شي انا ادري انه اذا عيبتكم بتنقلونها واتمنى اذا نقلتوها اتخبروني او حتا تكتبون اسمي .. >.< بالعكس ما بزعل بشكركم اذا نقلتوها ...


خلونا نبدا القصة اللي تتكلم عن موزة ..


"" فز قلبي بلقياكــ. . .. ..وانحرف اسمك بقلبي .. .. لكن محال في يوم انسى اسمك وحبك اللي انسكن و انحرف في قلبي ""


طبعا الاسم من تأليفي وبتكون بعظ الأشعار من تأليفي ..>> بدوية حشيمة + الخيلية <<< طبعا هذا اسم واحد واللي هي انا


أتمنى القصة تعيبكم ...


حقوق القصة محفوظة

 

رد مع اقتباس

رمزيات بلاك بيري | تفسير الاحلام | أخبار الامارات | أخبار دبي | وصفات طبخ


قديم 25-08-2009, 07:28 PM   رقم المشاركة : 2
بدوية حشيمة
~ • غـٍُالٌٍُيً جـًٍَِديـٌٍُد • ~
 
الصورة الرمزية بدوية حشيمة 




معلومات اضافية 
  النقاط : 10
  الجنس :
  الدولة :
  الحالة :
الرسالة الشخصية

التقييم

افتراضي

 

 

البارت الأول :.. .. ..

"" آه يادنياي متى اللقي الروح اللي تساعدني وتظمني لروحها واشتكي لها من سيف الظوماي و غدر الدنيا والهموم اللي حلت بي ""

>>"" من تأليفي ""<<
موزوه تفج باب غرفة خلوف : اففف افف افف

خلوف عالكمبيوتر : شوفيج ؟؟..

موزوه واطالع الدريشة : هذيله ايرانا تعبت منهم خلصت الحين ثالث ثانوي وبدش الجامعة ومافي بنت ارتحتلها واخاف ايرانا ايون واما ارتاحلها بس شو اسوي ادعي ليل ونهار انه اتكون كبري و مثل تصرفاتي

خلوف يلف بالكرسي يجابلها : امم موزوه ليش تبينها ما اكفيج انا
موزوه اتنزل راسها : بس اباها في كل شي انته اخوي وكل شي لي في الدنيا بس هيه بنت واباها تفهمني

خلوف : اترعفين لو انتي هب اختي كنت باخذج جمال واخلاق وكل شي فيج

موزه : هه اتصدق بس انته صغير

خلوف : ولو انتي انسانه ما تتعوضين وايد صبرتي ونزل راسه

موزه : لفت وييها اطالع برع ونزلت دمعة من عيونها اللي تبرق
.......... : موووووووووووووووووزه

لفت موزه ولف شعرها معاها ودمعتها طاحت

خلوف شافها :وقام روحي مافينا نسمع حشره ومسح دموعها
موزه ابتسمت له ولفت شعرها وطلعت

"موزة في خاطرها " آه يالدنيا انتي وايد جاسية علي ما ادري شو مخبية علي السنين الياية آه "

...
اعرفكم على عيلة موزة
...
الاب >> سالم

الام >> فاطمة

اكبر وحده موزة ::: 17 مدخله صغير ^_^ وهيه مخلصة ثنوية عامة أمم شكلها شعرها طويييييييل لونه اسوووود غاامج من الخاطر هوه لين الركب وهيه بيظة من الخاطر فيها جمال ومشاءالله عليها واحلى شي فيها عيونها البني فااااااتح وهيه واااااااايد حساسة

خلوف كبر موزوه هوه ثاني ثانوي بيروح ثالث عمره 17 ومشاءالله عليه حلو حنطاوي ويحب موزه وااايد ويرتاحلها

سعود :: 2 اعدادي رايح ثالث عمره 13 ويحب يطلع ويروح المول
عمر :: 2 ابتدائي عمره 7 يحب امه ووين ما تظهر يظهر وهوه آخر العنقود

عندهم يده في العين :: اسمها كلثم

والباقين متفرقين اللي في راك واللي في اليحر واللي في دبي
"" بس مافي حد كبرها ولو فيه كله اصغر منها يعني هيه اكبر وحده في العيلة ""

راحت موزوه الصالة ولقت فاطمة يالسة اتابع التلفزيون

موزوه : هلا اماية

فاطمة : اففف حشا من اصبحت وازقرج وينج تتصيمخين

مزوه : كنت عند خلووف

فاطمة : يوم بزقرج لا تتصيمخين تعالي

موزه : انشاءالله وقفت موزوه تتريا شو تباها

موزوه : اماية تبين شي

فاطمة ادور شي اتقوله : هيه روحي قولي حق سيتي اتكوي عباتي وخلي مريم اتخم الحوش وسارة اتنظف

موزوه اتهز راسها : شي ثاني

فاطمة :اففف ابا اتااااااابع قوووووومي

موزوه : لفت وهيه نازلة نزلن دموعها وشافت سعود قدامها ومسحت دموعها ابسرعة

سعود : مووااز خليها اتكوي كندورتي واتسوي دخون

موزوه : انشاءالله

نزلت تحت وراحت اتخبر الخدامات وظهرت خاري وراحت صوب الحديقة ويلست تمشي والعصافير حولينها والماي ينرش ع الحشيش

موزوه في خاطرها >>> متى بتون واتكون عندكم بنت كبري واذا ما عندكم بروح عند يدوه ومحد عقبها ابا بيلس وحده وبعرف انه ربي يبا هالشي .. ويعد كم يوم بتظهر النتيجة

وردت ودخلت داخل . راحت فوق غرفة خليفة ولقته يالس عالشبرية ويفكر

موزوه : احم ممكن ادخل

خلوف : هيه دشي وثكي الباب

موزوه : شوفيك حبيبي سرحان

خلوف ابتسم : هاه آه يا موزوه اتخيلي رببيعي اللي وياي

موزوه : منو ؟؟. ليكون جااسم

خلوف هز راسه ورفع راسه لفوق بقهر و حزن : كان يكلم وحده وانغدلر وانخان منها وهاي الوحده من اهله والحين مب راظي يظهر قلتله ما ينفعن البنات كلهن مثل الشي بس ما سمعني وحبها نزل راسه أي حبها عشق التراب اللي تمشي عليها ورفع راسه وكانت دمعة طايحة منه أخاف بموت بسبتهاااا موزوه قوليلي شو اسوي هذا ربيعي خايف رب العالمين يشله

موزوه قربت صوبه وحظنته ويلست تمسح عراسه : خلوف لا تقول جذيه انشاءالله ما يموت بس هوه حبها ومثل ماقلت عشق التراب اللي يمشي عليها يعني لا يمكن ينساها بس قولي كم يوم تم وييها

خلوف : أي يوم هوه تم وياها اربع سنين اتعرفين شو اربع سنين

موزوه : انزين انته هدي اشوي انته لازم اتنسيه شو يعني حبيبته لازم اظحكه واتسليه لا تخليه جذيه وكل ما يسرح سوي حركة اظحك او سافروه

خلوف : اذا السفر بيغير نفسيتها ما عندي اشكال

موزوه نزلت راسها وطالعت عيونه : بس كيف بتودرني اهنيه بروحي


خلوف بسرعة رفع راسه وطالعني : انتي لا يمكن تيلسين بتين وياانا
موزوه : وامك وابوك شو بيقولون

خلوف ابتسم وهوه يطاله اعيوني : ما عليج انا بخبرهم بس ابا اشوف ابتسامتج وانتي عندي انتي لا يمكن اتفارقيني ابتسامتج اتنسيني الآلام مش الم وعيونج اتخلين ابتسم ولو انا ما ابا ابتسم

ظحكت موزوه وقالت : اممم انزين شو رايك اليوم نظهر

خلوف : امممم اممم

موزوه : شو قول

خلوف : اممم الصرحاة بشلج بس عادي اشل ويانا جاسم

موزوه ابتسمت : هيه عادي ...

خلوف يالله بدقله ::: بقوله اختنا بتشلنا

موزوه : ههه ايوه خلي يعتبرني اخته يا ويله اذا راح باله بعيد لاني وقصرت صوتها ما احتاج للحب من أي انسان ادري انه بيغدر بي وبيعذبني مثل ما السنين عذبتني

خلوف : بلاااااااج تتحرطمين ... قومي اتلبسي يالله ابسرعة
موزوه : انشاءالله

راحت موزوه تتلبس

خلوف بحزن بس يكسر هالحزن : اهليييييين جسوم هاه شو سويت بجحرك قوم نش يالله بنظهر

جاسم : وين اظهر وانا لاقي العذاب

خلوف بحزن :جاااسم انته ما شفت العذاب بعينه انته شفت جزءئه واللي هوه الشي الاكبر بس اختي اختي لقت العذاب واكثر من عذابك سنين وهيه متحمله وانته الا 3 أيام

جاسم : خلاص من عيوني الحين بيي بس وين بنروح

خلوف :: اممم شو رايك انروح الامارات مول

جاسم :: يالله اوكي موافق

خلوف :: بس اختيه بتروح

جاسم :: اوووه يعني اختي بتروووح

خلوف :: هيه اتقولك اعتبرها اخت وله والله بتنويلك على نيه

جاااسم :: بل بل بل ههه لا ابوي اختي لاغير

خلوف :: هههه اوكي يالله بنخطف عليك

جاسم يالله اترايكم

موزوه ظاهرة من الغرفة

فاطمة :: هاه على وووييييين

موزوه : بروح عند خلووف

فاطمة : يا هذا الخلوف اللي مدلعنج

موزوه في خاطرها : كيفه حشا حشا

فاطمة :: يالله انزين انا بظهر واتردوون بسرعة

خلوف ظهر مسرع :: اماية لحظة

فاطمة هلا شو تبا

خلوف :: احمم احمم ابا فلووس

فاطمة مسكت شنطتها وظهرت له 2500

فاطمة : يسدن ولا ازييد

خلوف :لا يسدن وتراه يمكن يمكن نتاخر بدقلج اذا اتاخرنا

فاطمة : انزين يالله باااي

موزوه اطالع خلوف وخلوف يطالع موزوه واشوي :: ههههههههه

موزوه : اشفيها امك معصبه جذي

خلوف : طول عمرها على هالحال

موزوه : انزين صبر بيبلك المدخن عشان تتدخن

خلوف : اللله البنات بيربعن وراية

وقفت موزوه بريك وردت ريوس : نعم نعم

خلوف :: ههه انتي اختي جذيه عيل حرمتي شو بتسوي

موزوه :: ههه انا بختار الحرمه طبعا

خلوف :: يالله بسرعة قدامي المدخن


موزوه : حاظر سيدي ورات ودخنت وظهروا

خلوف :: اسوق انا وله الدريول

موزوه :: خلوف توك ماخذ الليسن بواسطة خل الدريول

خلوف : لا خلاص انا بسوق

موزوه على راحتك يالله

وراحوا صوب جاسم واول ما يت موزوه تركب ورا مسكها خلوف وما خلاها

موزوه : خلوف هدني فظيحة الريال يركب ورا

خلوف : هالريال اللي اتقولين عنه اصغير منج وخليه ورا هههه

جاسم يفج الباب اللي ورا : أي استقبال هذا اتركبوني ورا شو راكب ويا الدريول ما يسوي جذيه

موزوه :: ههه سوري جسوم هذا كله من خلوف

جاسم قفط من جمال البنت اللي قدامة وبسرعة خوز الفكرة اللي في باله : لا عادي اختاه اشحالج ؟؟.

خلوف : هههههههههههههه

موزوه : ههه بخير خلوف يالدبة ليش تظحك

جاسم براية خلييه يظحك هالسبال

موزوه لفت ورا بغظب بس مزوحي : استغفر الله يا ويلك من ربكم وبعدين هوه مب حيوان اتقوله سبال

خلوووف : هههههههههههههههههه

جاسم طالع عيونها واستغرب قال لا يمكن عدسات : يمه نزلوني نزلوني العائلة متوحشة

موزوه : هههه لا مش متوحشة بس ولو الكلام اللي قلته مب زين

خلوف : هههه يزوي ما تحب هالألفاظ ع قولت اماية شريفة مكة هالمطوعة

موزوه : سرحت واذكرت يوم اتقولها """ سوري ع هالالفاظ بس حتى ولو الاغلبية يقولونها فحبيت انزلها لكم مب غرظ انكم تتعلمون لا غرظ انكم تستفيدون """ >> يالجلبة << وموزوه : اتقول استغفر الله عيب اماية هاكلام يا... واتسكتها شو عيب انجبي ولا كلمة ويالله انقلعي من قدامي .............

خلوف :: سوري موااااازي آسف والله آسف

موزوه : لا عادي اتعودت


جاسم : اياها ااا شغلولنا اغاني تراني مليييييت

خلوف : ههههههههه

جاسم :: انته ليش تظحك

خلوف :شوووووووف ههههه

موزوه ردت ولفت ورا :: الساعة كم ؟؟؟.

جاسم : الساعة ست وشوي

موززوه :: يعني بدل ما تذكر الله لين ما ايي وقت الأذان قاعد اتقولي >>> شغلو اغنية

خلوف :: هههههههه يزوي حرام رحمته خلينا بنشغل

موزوه : ردت ولفت : هههه سوري والله سوري بس هذا انا ما احب هالاشياء وابتسمت

جاسم فخاطره : حشا هالبنت عذاب حلوه واخلاق اول مرة اشوفها ماشاءالله عليها لو هب اعتبرج اختي كنت حبيتج

وشغل خلوف المسجل : موزوه أي شريط تبين ""كانوا رايحين بالبورش ""

موزوه : اممم امم شغل عبد المجيد عبدالله

خلوف : انشاءالله

جاسم :: اخييييج ما دانيه

موزوه : اممم انزين دقيقة وبنبدل انته شو تبا

جاسم :: اممم حمد العامري

موزوه :: اوكي

وشغلو اغنيه عبدالمجيد عبدالله >>> ودي


""ودي اكون أي شخص ثاني أي شخص عابر والتقاك وابا اسالك وش منك جاني بالمقابل شلي جاني انته ما تذكر حناناي وكيف كنت اشتري رظاك كنت اشوف العمر ثاني واللي يبقالي هواك ""
.
موزوه تلف صوبه : احطلك حمد


جاسم ودمعة نازلة مسحها على طول : هاه هيه

موزوه : وهيه اطلع السيدهات :جاسم افهم ان الدنيا فيها غدر وخيانة
وقسى ولا تتوقع انه الدنيا طول عمرها بتعطيك الحنان هذيه هيه الدنيا خبزتها خباز وعرفت كل صغيره وكبريه تمر فيها الا الحب ما جربته وانته جربته بس اقولك من الحين اعرف ان الدنيا غداارة وانسا الماظي لفت وييها صوبه وكانت ادمع >> اوعدني انك ماراح اتخلي الالم يفوز عليك .

جااسم يشوف عيونها ::: اوعدج يا موزوه هههه بس هب عشانج عشان عيونج

موزوه : ههــ

خلوف : اييه هاي كلمتيه

جاسم ::: هههه عادي سرقتها

خلوف :: يالله وصلنا

نزلوا واتوجها لداخل

موزوه : تعالوا شو رايكم انروح المدينة الثلجية

خلوف وجاسم : من قال انه ما بنروح

موزوه : واي فديت خوااني

جاسم :: الله عندي اخت تتفداني

موزوه : ليش يعني

خلوف : لانه ما عنده خواات

موزوه : يالكذااااب منو قال

جاسم : طلعت مرة وحده كذاااب والله العظ...

موزوه تبتسم :: وانا منو ؟؟؟.

جاسم :: ههه انتي اختي

خلوف :: هه قلتها بلسانك

ويلسوا يتمشون لين ماراحوا صوب المدينة الثلجية وحجزوا ولبسوا ودخلوا

موزوه متمسكة فخلوف ::: برررررررررد

جاسم يمثل انه متجمد وطاح ولا يتحرك منه شي

موزوه و خالد :: ههههههههههه

خالد :: جسوم عنالت بليسك نش قوم

موزوه تزل تحت واتشل ثلج :: واااااااااحد , اثنيييييييييييييييييين

جسوم قام يربع ويصارخ : موزوه لاااااااااااااااااااااااااا

موزوه : اليوم الا اراوييك وتربع ورااااه

جاسم : موزوه موزوه الله يطولي بعمرج ويربع

موزوه : اييييييي اييي

جاسم حليله صدق وراح يشوف شوفيها وشوي طاااااااااااااااااااااااااااخ على ويهه بس شوي شوي سوتله اياها

موزوه : تربع صوب خااالد :: ههههههههههههه خلود الللحقني

جاسم وهو ياي معصب :: موزوووووووووووووووووه

موزوه :: ههههههههههههههههه

خالد :: ويووووووووووو بنية غلبته هههههههه

جاسم شله وحده عوووودة :: وااااااحد

تقرب منه خالد وحط نصه في جسم جاسم والنص الثاني عقه شوي حاط مش

جاسم يتراااقص من البرد

موزوه وخالد ::: ههههههههههههه

موزوه : خلود خلنا نشرد والله لا ينويلنا على نية

خلووود : بسرررررررعة

وراحوا يندسون ما عرفوا انه واحد قدامه وهم يطالعون ورا واشوي طااااااااااااااااااخ

موزوه : اهئ اهئ اهئ ماماااااا

خلوووووود : هههه خلاص خلصت

جاااااسم : الحمدالله بريت ذمتي

خلود : انروح الكوفي وعقب نلعب ولا نلعب وانروح الكوفي

موزوه : نلعب خلاف بنروح الكوفي

جاسم وخلوف : اوكيك

ويلسوا مستانسين يلعبون وغيره واتصورو وراحوا الكوفي من عقبها رااحوا يشترون لبسات على ذووق موزوه طبعا طقمة انه خلوف وجاسم يكونو مثل الشي وراحت اشترتلها مثله بس فانيلا طويلة طبعا وعقب راحوا السينما فلم ررررعب ويت لقطات الرعب

موزوه : هعهع شوفوا شوا سوووااا

جاااسم :: ياويلي ما بنام فليل

موزوه :: جاااسم طالع طالع ابسرعة

جاسم يطالع :: يماااااااااا ابا اماية

خاااااااالد :: ههههههههههههه موازي ما خافت وانته خقت انا شال عندي الاخ موزوه والاخت جاسم هههههه

موزوه : ههه ما فيه شي يخوف بس يدلع

خلوف : يالله هذا خوااااااف رقم واااااحد

وتموا على هالحال وخلص الفلم وكل وحد اتوجه ع بيته ومن التعب ناااااموااا

قامت موزوه الفير قومت اخوها يصلي وقرت قرآن ورقدواا

اليوم الثااااااااني .... الساعة 11

فطوووووم : موزووووووووووووووووه

موزوه : اصبحنا واصبح الملك لله ... هلا اماية

فاطمة :: قومي سوي قهوة حلوه وسوي شاي و السويت اللي اتسوينه

موزوه : ليييش ؟؟ز؟؟

فاطمة : قومي يوبه وانتي ساكته

موزوه اتغسل وويهها واتصيح اصبحت ع هالحشره ليش جذي اتسوي حتى لو انا مش بنتها بس ليييشــ.......؟؟.....

طلعت من الحمام ولبست الشيلة واول ما ظهرت

فاطمة : سويها زينة عشان يرااناا من امس يايين فظيحة

موزوه بفرج :: انشاءالله

وخلص البارت الأول

يالله توقعاتكم ؟؟..؟...
اشقايل ظهرت فاطمة مش امها ولا زلت اللسان ؟؟؟..
وهل بتطلع بنت بترتاحلها ولا لا ؟؟..
وجاسم بينسى البنت ؟؟.. واذا نسى اللي خبها ممكن يحب موزوه ولا ولا صدق يعتبرها اخته ؟؟؟.
انشاءالله تعيبكم قصتية واتريا ردودكم واذا لقيت ردود لاني مسافرة بنزلها في سفريا واذا مالقيت بنزله يوم برد

ترقبوا البارت الثااااااااني ..........

 

 

  رد مع اقتباس
قديم 26-08-2009, 01:21 AM   رقم المشاركة : 3
دلوعه بس خجوله
~ • غـٍُالٌٍُيً فـًٌٍُِضٌٍِيًٌَ • ~
 
الصورة الرمزية دلوعه بس خجوله 





معلومات اضافية 
  النقاط : 730
  الجنس :
  الدولة :
  الحالة :
الرسالة الشخصية

التقييم

افتراضي

 

 

مشكورة على البارت الطرر

 

 

 دلوعه بس خجوله

  رد مع اقتباس
قديم 26-08-2009, 01:22 AM   رقم المشاركة : 4
دلوعه بس خجوله
~ • غـٍُالٌٍُيً فـًٌٍُِضٌٍِيًٌَ • ~
 
الصورة الرمزية دلوعه بس خجوله 





معلومات اضافية 
  النقاط : 730
  الجنس :
  الدولة :
  الحالة :
الرسالة الشخصية

التقييم

افتراضي

 

 

:approved:مشكورة على البارت الطرر

 

 

  رد مع اقتباس
قديم 26-08-2009, 03:38 AM   رقم المشاركة : 5
яǻɜчț றşђǻќεı
عضو
 
الصورة الرمزية яǻɜчț றşђǻќεı 





معلومات اضافية 
  النقاط : 10
  الجنس :
  الدولة :
  الحالة :
الرسالة الشخصية

التقييم

افتراضي

 

 

السلام عليكم ورحمة الله وبركاته

يسعدلي مسـأأكم / صبـأأحكم بكــل خيـــــر



مشكووووووووره فديتج عالبااارت الجمييل..

ونترياا الباارت الثااني

لا تبطيين عليناا..

 

 

  رد مع اقتباس
قديم 26-08-2009, 02:46 PM   رقم المشاركة : 6
بدوية حشيمة
~ • غـٍُالٌٍُيً جـًٍَِديـٌٍُد • ~
 
الصورة الرمزية بدوية حشيمة 




معلومات اضافية 
  النقاط : 10
  الجنس :
  الدولة :
  الحالة :
الرسالة الشخصية

التقييم

افتراضي

 

 

يسلمو على مروركم الغوالي ...


وجاري تنزيل البارت الثاني ..,

 

 

  رد مع اقتباس
قديم 26-08-2009, 02:50 PM   رقم المشاركة : 7
بدوية حشيمة
~ • غـٍُالٌٍُيً جـًٍَِديـٌٍُد • ~
 
الصورة الرمزية بدوية حشيمة 




معلومات اضافية 
  النقاط : 10
  الجنس :
  الدولة :
  الحالة :
الرسالة الشخصية

التقييم

افتراضي

 

 

[b]""سوري على الأخطاء اللي لقيتوهن في البارت الأول يالله بحاول اركز معني عارفة انكم بتعذروني لاني كاتبة خالد ""

البارت الثاني

......(( اخيرا جيت فموعدك بعد غيبة طويلة وبعد اماني وامنيات آه ياني متحمس لجل احكيلك قصتي اللي ما انكتبتـ....((...)_..........

>>>>>من تأليفي <<<<<<<

فاطمة : سويها زينة عشان يرااناا من امس يايين فظيحة

موزوه بفرح:: انشاءالله

وطلعت موزوه خلصت من الشاي والقهوة وسوت السويت احلى ما عندها وحطتها في الثلاجة .. وظهرتـ. راحت فوق اتسبحت واتلبست وظهرت من الغرفة...

فاطمة : موزوه

موزوه يلست اتابع معاها : هلا اماية

فاطمة : بترومين اتودين الاكل بيتهم ؟؟..

موزوه : اممم هيه ليش لا وبعدين الحين توها 11 ونص يعني وقت مناسب

فاطمة خلاص ظهري بس شلي الخدامة وياج ..

موزوه في خاطرها : محلاتج وانتي جيه :::: انشاءالله اماية

قامت موزوه شلت عباتها وشافت شكلها اتعطرت "" وعيونها لازم الشحال ما يخوز هذا اللي محلنها "" و زقرت الخدامة وشلت السويت والدلال واتوجهوا صوب بيت الايران >>> بيت الايران بيكون قدام بيتهم يعني باب ف باب مرة مجابلنهم <<< اول ما دخلوا البيت يلس قلبها يدق وعيبها منظر بيتهم تصميمة حلو حشيش مع نافورة في النص ""كانه ددواار "" وبيتهم هب مصبوغ لا بالاحجار مسوينه "" ف دقت الجرس ودخل اول ما دخلت شافت عيوز يالسة اتأمر وقاعدة برع

........ : حياااااج يا بنيتي قربي قربي

موزوه : قريبة حبيت راسها ::: شحالج يدوه ربج ابخير ؟.؟...


اليدة : الحمد يا بنيتي عايشين وانتي اشحالج

موزوه : الحمد الله طيبة

اليدة : هيه ماشاءالله انتي بنت ايرانا

موزوه : هيه يدوه ..

اليدة : هيييه انتوا قوم بن من

موزوه : سالم محمد ***

اليدة : حياكم يابنيتي هالاسم هب غريب علي .. المهم انتي شو اسمج

موزوه : انا اسمي موزه

اليدة : عاشت الاسامي ..... اففف يابنيتي عندكم رطوووووووبة لواهيب اهنيه

موزوه : لاعادي يدوه بالعكس نحن تعودنا ... ليش يدوه انتوا ياايين من وين ؟؟.

اليدة : من العين دا الزين ربي يحفظها

موزوه : هيه يدوه فديتها هنااك

اليدة : والله فديتج يابنيتي انتي عاقلة هب شرات هذي اللي عندي ما تنش ما عندها الا سهر في الليل

موزوه : اممم منو ؟؟..

اليدة هيه من سناج بس شيبة لي راسي عووووذ بالله من اللسانها طوويل اه لو قبظتها بيدي لذبحها

موزوه : هههههه ... خلاص يدوه اخليج الحين اكيد اماية تباني وهاه اذا امت البنية اللي من سناي طرشيها صوبنا

اليدة : افا عليج شويخ يبالها اتروح تتسنع وتتعلم الاصول من عندج

موزوه : هههه ..حبت راس اليدة

اليدة : سلمي على امج وانشاءالله نحن العصر عندكم

موزوه : يالله يدوه نترياج

وردت البيت

موزوه تربع في الدري

فاطمة : اشعندج ليش جذيه اترابعيين "" طبعا كانت بنبرة صريخ ""

موزوه : هاه ولا شي بس يلسمون عليج ويقولون لج مشكورة واليوم العصر بيون البيت

فاطمة : نعمممم اليوم بيون البيت لا ابوي انا هب متفيجة حق عوووار الراااااس مافيني وبعدين انا بظهر

موزوه اتقلدها : تراااه هذي هيه العادات جذيه

فاطمة : اففففف انقلعي من ويهي "وهيه اتصارخ " انتي نظفي وزهبي الفوالة وانا بيلس

موزوه في خاطرها : وانتي في عمرج سويتي شي ... استغرف الله

وراحت صوب غرفة خلووووف اول ما بطلت الباب لقت برااااااد و دشت شوي شوي وراحت صوبح ولقته رااااقد بطريقة حلوه ويلست عداله ومسحت عشعره

موزوه : خلوفي خلوفي قوم حبيبي

خلوف يمسك ايد موزوه ويبوسها : هلا موااااز .. غريبة اشوف ظحكة في ويهج وحزن مخلوط بفرح في اعيونج

موزوه تلعب في شعره : اتعرف الحزن من وين بييني والفرح انته خمن ليييش ؟؟؟.

خلوف :: انتي كنتي تحلمين في شي وااحد ..

موزوه : ههه هيه واللي هوه

خلوووووف :: ليكون ايراانا يوو

موزوه : ههه عليك نوور ومن امس يووو

خلوف نش : الحمد الله وانشاءالله تلقين وحده اتسليج واتفظفظين لها

موزوه اتنزل راسها : انشاءالله

حبها خلوف ع راسها وراح يتسبح ظهرت له موزوه لبس وظهرت خااري

العصر : موزوه يبي الدهون .... وشوي موزوه عدلي الفوالة .... وشوي موزوه لو لقيت وصخ يا ويلج مني ,,, وشوي موزوه خليهم يكون الشيلة .... >>> لو خدامة ما بتستحمل

خلصت موزوه كل شي قبل لا اييون وراحت لبست كندورة عربية مخورة لونها ازرق مخلوطة مع ابيض ووشوي من اللون البني وراحت صوب الكميديوم وعدلت شعرها من ورا وظهرت قصة واتشحلت وحطت أي شدو خفيف باللون الازرق واحمر خدود وقلوس وخلصت .؟؟

بطلت الباب الا وخلوف في ويها

خلوف : واااااااي محلا اختي فديتها وفديت عيونها

موزوه : خلووف عااااااااد قم خلني اروح عند العرب

خلوف : ماشي لين ما تعطيني بوسة

موزوه : ههه من عيون انا كم خلوف عندي

خلوف : وااااااافديت عيونج انا قمر اختي قمرر

غطته بوسة وفي نفس الوقت كان سغود خاطف وشافها وبسرعة عدلت الشيلة

سعووووود : اتصدق خلوف يحظك عندك اخت مب مالت عليه انا

خلوف : هههه حليلك انا فديت موااااازي اتنششني وتعطيني بوسة وتصبحني واتمسيني بكلام حلوو

سعود يمثل انه يصيح : اهئ اهئ تقهر والله تقهر يحظك

موزوه : لا والله بتخلوني واقفة اهنيه ابا اخطف كد العرب وصلوا وانا عندكم

سعود : موااااز انتي عيونج عذاااااااب شو رايج اخذج

خلووف : لااااا شو تاخذ اخت اخوك ما يستوي هاي مالتي بس

موزوه : ههههه خلوف شو مالتي جيه حرمتك

خلوف : لا بحري اللي يخفف همؤمي

سعود : صدق موزوه هذه همومة قد شعر راسة وكل يوم اسمعج اتخففين عنه

خلوف : فديت اختي يوم اقولك بحري اللي يخفف همومي

موزوه : سولفوا انا بروح

خلوف يبا يقهر سعوود ::انزين صبري مايصيرخد هيه وخد لا

موزوه : ههه من عيوني

موزوه تعطيه وخلوف : وااااااااي فديت عيونج

سعوووود : اييييه تقهر والله انك تقههررر

موزوه : بباي ونزلت تحت

فاطمة : تعالي موزوه

موزوه : السلام عليكم

اليدة + ....... + ........ : وعليكم السلام والرحمه

وراحت موزوه اتسلم عليهن ويوم وصلت عند شيخوه

موزوه : احم احم ما بغيتوا اتيوون

شيخوه : هههه الا بغينا بس ما حبينا انودر بلادنا

مواز : هه ليش قالولج رايحة الصومال وانا ما ادري

شيخوه : هههههه يمكن

مووزوه : بتيلسين اهنيه وله بدشين عندي الصالة

شيخوه : لا خلي العيايز بروحهن قومي اندش

اول ماظهرن ظهر خلوف فويه شيخوه يتحسبها موزوه : ههههه لراوييك يا سعود وعطاها بوسة بدون لا يشوف منو طبعا بعد ما مسك خدها وعطاها

موزوه : خلووووووووف انا اهنيييييييه

شيخوه قفططت

خلوف : اول ما شاف اللي عطاها بوسة فقط من الخاطر وبعد عنها لانه وايد كان قريييييب : سوووري والله سوري كنت اتحسبج موااااز

شيخوه ما ينسمع لها صوت : لا عادي

موزوه : هههههه اتصدقون لايقين ع بعض

سحيتها شيخوه وراحوا الصالة وطول الطريج موزوه تظحك ع شواخ

شيخوه : بسج من الظحك بطنج بينطر

موزوه : ههه لا لا حلوه الحركة الله

شيخوه : سخيفة احم احم اخوج حلووو

موزوه : هههههههههههههههههههههه

شيخوه : بلااااااج اييييييه ببلا ظحك بس سكتي عاد

موزوه تمسح ادموعها اللي طاحن من كثر الظحك : ههه فحياتي من يوم يابتني امي ونزلت راسها ما ظحكت مثل هالمرة

شيخوه حست فيها وقعدت عدالها قالت بتغير السالفة وبتفتحها بعدين

شيخوه : مواز اتصدقين اني دووم اقرا قصص واقول متى تستويلي هالمواقف بس اقول ما بستحي بس صدق من الخاطر عجيب

موزوه : احم احم تراني اغار

شيخوه : هههه اول مرة اشوف اخو يحب اخته بهالطريقة

خلوف وهوه داخل : احم احم لانها البحر اللي اشكي له اهمومي ويزيحن من اشوف ابتسامتها

ابتسمت له موزوه ونزلت راسها شيخوه

موزوه : هاه خلوفي شو تبا

خلوف : احم الشيخة انا آسف ما كنت اعرف اتحسبج اختي

موزوه : حتا ولو لازم اطالع

خلوف : ههه كنت اغايظ سعووود حليله

موزوه : ههه ارحمه هالانسان

خلوف : هههه يالله برايكم بروح

موزوه : سلم على اخوية

خلوف : ههههه يوووصل

موزوه :باااااي

شيخوه : تعالي منو سعوود

موزوه : اممم سعووود .....

فاطمة : موزووووووووووووه

موزوه : هههه امرة في الوقت اللي بقوله

شيخوه : صبري بيي وياجل

موزوه : يالله

فاطمة : موزوه خلي الخدامة اتورزع الاكل

موزوه : انشااااااااءالله

شيخوه مسكت ايد موزوه وراحن صوب الخدامات

موزوه : ساروه ومريوم روحن وزعن الفوالة وشيتي نتي وزعي العصير

شيخوه : الله خلينا نيلس في المطبخ وناكل

موزوه : اوكك ما عندي مانع

شيخوه : يالله انتي ابدي تعريف عن عمرج

موزوه : انا بقولج اول شي ش بسيط عن عمري عقب بقول الباقي

شيخوه : اوكك

موزوه : اممم انا موزوا عمري 17 سنة خلصت ثالث ثانوي وبدش الجامعة بتخصص دكتوراه واحب اخوية خلووووف واااايد عندي هموم الدنيا وبلاويها وعندي خوان اخوية سعود وعمر واهم صفة فيني اني من النوع الحساس

شيخوه : بل بل بل كل هاه مرة وحده ابا اعرف شو السالفة

موزوه : هيه بتعرفينه بس هب الحين لانه هب الوقت المناسب

شيخوه : اصلن في حد ياكل وتنفتح نفسيته ع انه يذكر اهموم

موزوه : يالله كلي وقولي

شيخوه واللقمة في حلجها : انا احب الاكل

موزوه: هههه اول شي والاهم الاكل

شيخوه : هههه حياتي اصلن الاكل المهم انا شيخوه اممم توني داشة 17 خلصت ثالث مثلج وووو كنا عايشين في العين والاخوه يوم بتين البيت بتعرفينهم

موزوه : ههه اوكك

شيخوه : طلعت النتيجة

موزوه : لا وبعدين ما وحى توه الا مكمل اسبوع

شيخوه : ههه انا باجر بيدقون تلفون

موزوه : وانا انشاءالله يوم الاحد بيقولون لي "" اليوم .. الخميس ""

شيخوه : اها انزين دبوه تعالي عندنا باجر

موزوه : اممم باجر الجمعة يعني احسن وقت اييه

شيخوه : بدل ما تقولين يوم الجمعة بقعد عند اهلي

موزوه : هههه انتي ما تعرفين شو السالفة

شيخوه : ليش شو السالفة

موزوه: يستوي بارتي في بيتنا

شيخوه : الله بيي

موزوه : ويا ويهج فهمي عاد

شيخوه : يعني مافهمت

موزوه : تستوي حشرة ولوية وغيره وغيره باجر اذا ييت بخبرج

شيخوه : يبي وياج اخوووج

موزوه : ههههه انتي ما تتستحين

شيخوه : ليش استحي تراج بتصيرين توأم روحي ولا مرة حسيت براحه كثر ما حسيتها وياج

موزوه : انشاءالله وحتا انا طبعا من غير اخوية

شيخوه : فديته اكيد قلبه ابييض

موزوه : االا طيب وحنون في هالبيت لقيت الحنان لاكن من صوبه حنانه دااايم

شيخووه : الله

موزوه : يالله خلصتي قومي براوييج البيت

شيخوه : يالله

موزوه اول شي تحت اممم اهنيه غرفة الاستاذ عقب غرفة الظيوف مجابلين بعض بعدين بييج ميلس الحريم اللي هوه هذا

شيخوه : واللي الحين نحن فيه

موزوه : ميلس الرياييل

شيخوه : اها

موزوه : وهذي الصالة بعدين انتي شفتيه بييج غرفة الطعام مرتبطة بمييلس الريياييل وبعدين المطبخ التظيري وبعدين غرفة الخدم والملابس

شيخوه : والحين فوق

موزوه : اول شي غرفة الفراش اللي في الخشة من عقبها غرفة سعوود

شيخوه : الله حلوه

موزوه : عيونج الاحلى انكم بعدين اهنيه غرفة امي وعقب هالصالة فالنص وبعدين غرفة عماري اللي دومه يلعب في الغرفة مايظهر وفجت موزوه الغرفة

شيخوه : خيييييييبة بييب خواني اهنيه حق شوه انوديهم المولات

موزوه : هههه عمااااري

عمر: هاه موزوه

موزوه : شو اتسوي

عمر: اللعب بليستيييشن

شيخوه : واي فديت اللي بلعب البلستيييشن

موزوه : ههه اوكك يالله بباي

وصكت الغرفة واهنيه صالة صغيرة ومن بينها غرفتية غرفة خلوف

شيخوه .: طبعا هاي غرفة خلوف وفجت الباب

موزوه : يب يب

شيخوه : اح محلات ريحة العطر اتجنن وشافت صورة معلقات وفي نصهن مصورنهن وموزوه معاه وكانت فاجة شعرها ومسوتنه بطريقة حلوه

شيخوه : محلاتكم انتوا الاثنين ... ماشاءالله لين الحين شعرج طويل

موزوه : هيه وازديج من الشعر بيت لين ركبية وصل

شيخوه : اللله يحظج حلوووو

موزوه : ليش انتي لين ويين

""الله أكبر الله أكبر ""

شيخوه : الله اكبر واعظم ... لين جتوفي طبعا مدرجات

موزوه : فجيه اشوف

شيخوه : عادي افصخ العباة

موزوه : خلوف توه ظاهر يعني ما اظن بيي

شيخوه :اوكك ....وفصخت عباتها

فجت شعرها وطاحن خصلاتها وطلعت ملاك ماشاءالله عليها بوصف لكم شو كانت لابسة ""اممم كانت لابسة كندورة لونها احمر مخصرة وكانت مسوية أي شدوه بالخفيف لونه احمر وراسمة عيونها .""

موزوه : الله محلاتج اتجنين

شيخوه عيونج الحلوه


وشوي انفتح البابـ ............................................


يالله توقاعتكم ؟؟..

خلوووووف بحب شيخوه ؟؟.

وكيف يظهر خلوف اخوها وسعود وعماري لا ؟؟؟...

ومنو اللي بيدخل ؟؟؟... على شيخوه وبيشوفها بالحلاه

وشو اصل موزوه ؟؟؟... اختهم ...الخ الخ

كل هاه بتعرفونه في البارت الثالثـ ....

وليش اليدة قالت انه هالاسم هب غريب عليه ؟.. بطولون لين ما تعرفون وبيكون في ... بعدين بذكركم .؟؟..
[/B]

 

 

  رد مع اقتباس
قديم 01-09-2009, 02:34 AM   رقم المشاركة : 8
دلوعه بس خجوله
~ • غـٍُالٌٍُيً فـًٌٍُِضٌٍِيًٌَ • ~
 
الصورة الرمزية دلوعه بس خجوله 





معلومات اضافية 
  النقاط : 730
  الجنس :
  الدولة :
  الحالة :
الرسالة الشخصية

التقييم

افتراضي

 

 

مشكورة على البارت الطررررررررررررررر
بليييييييييييييييييز نزلي البارت بسرعه لاني مااروم اتريا وايد

 

 

  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
روحك ربيع بقلبي ®{ابو هزاع}® الخواطر ماهي حبر في يـوف قرطاس 5 01-09-2010 02:35 PM
خاطرة لمن احببته بصدق و غدر بقلبي و ابتعد ®{ابو هزاع}® الخواطر ماهي حبر في يـوف قرطاس 2 21-08-2010 12:54 AM
أدور عنك بقلبي و لا ألقى سوى الذكرى mms ™ĀĻ•Ṱặļỳậήξ•⑩ SMS & MMS 2 10-06-2009 11:23 AM
يآخوي حبكـ سرى بقلبي بنت زايد و كلي فخر السوالف العامة 7 24-02-2008 05:58 PM
بحر غدار ،، غدر بقلبي المشتاق .. »{بَحّرْ أإلقۈؤآفــﮱ~ الخواطر ماهي حبر في يـوف قرطاس 6 14-02-2008 11:11 PM

الساعة الآن 02:08 PM.


Powered by vBulletin® Version 3.8.7
Copyright ©2000 - 2019, Jelsoft Enterprises Ltd