رمزيات بلاك بيري خدمة تفسير الأحلام تصميم مواقع وصفات طبخ أعلن معنا


العودة   منتديات فريج دبي > فريج أم سعيد > قصص وروايات > قلم رصاص يسرد روايات

قلم رصاص يسرد روايات يختص في طرح الروايات


آخر المشاركات المطروحة في منتديات فريج دبي .



إضافة رد
 
أدوات الموضوع
قديم 12-04-2009, 04:29 PM   رقم المشاركة : 9
ملاك UAE
 
الصورة الرمزية ملاك UAE 





معلومات اضافية 
  النقاط : 59188
  الجنس :
  الدولة :
  الحالة :
الرسالة الشخصية

التقييم

افتراضي

 

 

شواخ : واااااااااااي واخيراااااا بنظهر ..
عنود : ههههه بلاج متحمسه كل هاه عسب مايد ..
شواخ : جب جب انتي ..
عنود : ميره ميره .!!
ميره : ( كانت سرحانه ) هاااه .!!
عنود : يالله نشي بنروح الحينه ع البحر .. ويا ولد عمتي واخووي
ميره : ان شاء الله ..
ونزلو كلهم تحت ف الحوي .. وكل محتار ويا منو يركب.. جان خليفه يقول حق مايد..
خليفه : و الحل الحينه ؟!!
مايد : خلاص انت خذ خواتك وانا باخذ علي وبنت عمي .. وهناك بنخليهم يتيمعون عدل بعض
خليفه : خلاص اوكي ..
ميره : ( وهي ترمس علي ) اقوولك منو هااه الريال ..
علي : الله يسلمج هذا خليفه ولد خالي اخوه عنود وشواخ
ميره : ايواا
عنود : شحالك علي ؟؟ شخبارك ؟؟
علي : والله تمااام انتي شحاالج ..
عنود : بخير ربي يعافيك ؟. وتصد صووب شواخ .. بس بس خفي عينج .. وعسب ترتاحين بنروح ويا اخوي خليفه هههههه
شواخ : ( وهي تترحطم ) اففف ليش جي بعد .. خلنا نروح ف موتر واحد ..
علي : بلاه اختج محترشه ..
عنود : هااه لا مافيها شئ بس تقول متى بنتحرك ..وتاخذ اختها صخي بتفضحينا انتي .!!
شواخ : عادي شو يعني .. ( وهي تطالع ميره من فوق لين تحت .. وتقول اخاف بس الي ف بالي يصير ) علي زقر ميره وركبو موتر مايد اللكزس .. وخليفه ركب خواته ف المرسدس ..
ميره ف الموتر وهي تطالع ولد عمها مايد وهو لابس الكاب ولابس النظارة وتقول ف خاطرها .. مادري خقاق ع شو ياربي .. هاذو علي هب شراته شمعنه هو جي .. الحمدالله والشكر
علي : ( وهو يحط السي دي ف المسجل ) بنت عمي هالاغنيه اهداء لج ..
ميره ( وهي تضحك ) ههههه تسلم ..وشويه وميره تنطرررر من الضحك ظهر السي دي الي حطا اغنيه سودانيه .. وكلماتها " انا شووفت الملاك " << باللهجه السودانيه لاه ..خخخ
مايد كان صاخ طول الدرب وكان يتطالع بنت عمه من الجامه .. ويتطالع ويها الي شرى اليهال .. وعفويتها .. وطيبتها .. بس هو مستغرب ليش تعاملني غير ..
ووصلو البحر .. ونزلو كلهم يتمشوون البنات والشباب .. رووح خليفه وخذ لهم اسكريم .. وعطى علي عسب يعطي بنت عمه ..
علي : هاااج اترسي كرشتج .!
ميره : ايييه استحي آكل لاه
علي : اووب قامت تقول لاه بعد ههههه .. شو تستحين بعد برايه اكلي ..
ميره : اووقف يدامي مابي حد يشوفني ..
علي : أمري لله .. دلع بنات والله ..
ميره : ( وهي تضحك ) ههههه مكشلتك تحملني يالله .. دقيقه وبخلصه ههههه
علي : اووكي ..
مايد وهو يتطالع علي وميره ومقهور منها .. طول الدرب ماترمس وياي حتى عن حالي ماتسأل .. وكان كل شويه يتطالعهم .. وشواخ من الصوب الثاني مقهووره من مايد لانه طوول ماظهرو وهو ماشل عينه عن ميره ..
شواخ : ( وهي متضايجه ) افففف شو هـ الحال ..؟؟ لين متى بيتم يتطالع يعني ..
عنود : ياخي بنت عمهم الوحيده والبنت وحليلها يتيمه ومالها حد
شواخ : اوكي ماقلنا شئ بس هو شحقا جي يتطالعها عنبو حتى ماسالني شحالج ولا سلم حتى.!!!!
خليفه : خير شواخ شو مستوي ..
عنود ( متردده) لا مابلاها شئ ..
خليفه : ( وهو يتطالع شواخ) اكيييد مافيج شئ ..
شواخ : ( وترد من دون نفس ) هي مافيه شئ .!
مايد روح عند قوم خليفه وخواته .. : هااه ان شاء الله مستانسات بنااات الخال
عنوود : اكييييد مستانسين ..
مايد : هههههه .. هي انتو عاده مب ويه ظهرات .. ( كان يتمصخر )
عنود : جب يلا جب .. وايد مصدق عمرك اشووف ..
مايد : حشى كلتني اسوولف والله .. ولا شو رايج شواخ ..
شواخ : ( بشرود ) هي عنودو شوفيج يالس بتمصخر ..
مايد : شفتي انج ظلمتيني وحليلي .. مالي خص ف حد مووليه ..
خليفه : ( وهو يضحك عليهم ) ههههه خلهم ف حالهم مايد ..
علي : ( وهو يرمس ميره ) يلا قومي خلنا نروح عندهم
ميره : اوكي ..
علي : هاااه .. شكلكم مليتو اشووف ..
مايد : لا مب ملانين .. بس انتو مادري بكم ماتون اتسولفون ويانا وانتي ميره تعالي عند البنات سولفي وياهن .. بسج من مجابل علي وطايحه وياه سوالف من الصبح.!!
ميره : ( وهي منصدمه من رمسته .. وتقول ف خاطرها .. اووويه هذا شو يقول .. اونه بسج من مجابل علي .. هو شو يخصه ..ميره انقهرت وايد ودمعت .. بغت تصيح وزخت عمرها وعلي استحى صدق لانه مايد قال الرمسه يدام الكل وشل ف خاطره )
ميره : ان شاء الله ولد عمي .. وركبت السياره ولا ظهرت منها
شواخ كانت مستانسه لانه خله ميره تقفط وتستحي ع ويها ..وهي من الله تتريا الزله عليها
خليفه .. كان مصدوم صدق .. اول مره هو يشوف ميره .ومن اول مااشافها اعجب فيها .. وكانت كاسره خاطره ف نفس الوقت لانه يتيمه .. وانقهر ليش مايد جي رمسها .!!
خليفه : الله يهداااك مايد شو هالرمسه الي قلتها ..حق بنت عمك .. حليلها غمضتني والله
مايد : ( وهو متضايج ) خلاص يالله بنرد البيت ومشى عنهم وركب الموتر ..
خليفه خذ خواته وروح البيت ..وشواخ مستاااااانسه ومن الفرحه الارض مب شالتنها ..


بررب اتريوا البارت الثالث .!

 

 

 


؛
{ ڛبحــآن آلله ۋبحمــده } ،{ ڛبحــآن آلله آلعظــيم }


التعديل الأخير تم بواسطة ملاك UAE ; 12-04-2009 الساعة 04:31 PM.
  رد مع اقتباس
قديم 12-04-2009, 05:03 PM   رقم المشاركة : 10
™ĀĻ•Ṱặļỳậήξ•⑩
عضو مؤسس
 
الصورة الرمزية ™ĀĻ•Ṱặļỳậήξ•⑩ 





معلومات اضافية 
  النقاط : 1436
  الجنس :
  الدولة :
  الحالة :
الرسالة الشخصية

التقييم

افتراضي

 

 

انا راسي عورني ..
وايد أسامي وماقمت أفرق هذا منو وهاي منو ^_^
بس أحس أحسن شخصيه هي ميره ..
المهم ثانكيو خيتو ملاك ونتريه شو ورانا ^_^

 

 

 


يـ ق ــولون النــآآس عـ ن ـي مـ غ ــرور ..~
~.. وآنآآ آقـول لـهم وين آلغرور دآآآم آلتوآآضع آآنوصف فيني

  رد مع اقتباس
قديم 12-04-2009, 11:52 PM   رقم المشاركة : 11
ملاك UAE
 
الصورة الرمزية ملاك UAE 





معلومات اضافية 
  النقاط : 59188
  الجنس :
  الدولة :
  الحالة :
الرسالة الشخصية

التقييم

افتراضي

 

 

ههههههههههههههههههههههههه ,,

لازم اتكون كذاا شخصيه ف القصه عسب تحلى لوول ,,

يلا ان شاء الله اتكون من متابعيين القصه ,,

تسلمموون ع المرور ,,

وربي يعطييكم الف عافيه

^^

 

 

  رد مع اقتباس
قديم 13-04-2009, 05:17 PM   رقم المشاركة : 12
أم مايد
V!P
 
الصورة الرمزية أم مايد 




معلومات اضافية 
  النقاط : 3860
  الجنس :
  الدولة :
  الحالة :
الرسالة الشخصية

التقييم

افتراضي

 

 

اترقب البارت الثالث..}فيني حماأإأس

 

 

 

  رد مع اقتباس
قديم 13-04-2009, 09:24 PM   رقم المشاركة : 13
.. τңβ7ЙЏ 7βқ
~ • غـٍُالٌٍُيً ذًٍُِّهـًٌٍُِبًٍَُِيًِ • ~
 
الصورة الرمزية .. τңβ7ЙЏ 7βқ 




معلومات اضافية 
  النقاط : 785
  الجنس :
  الدولة :
  الحالة :
الرسالة الشخصية

التقييم

افتراضي

 

 

الصراحه البارتين طرطريشن..
نتريا التكمله باسرع وقت لو ما عليج امر شيختيه..

:1:

 

 

  رد مع اقتباس
قديم 13-04-2009, 10:39 PM   رقم المشاركة : 14
ملاك UAE
 
الصورة الرمزية ملاك UAE 





معلومات اضافية 
  النقاط : 59188
  الجنس :
  الدولة :
  الحالة :
الرسالة الشخصية

التقييم

افتراضي

 

 

لوولَ ,,

ثاانكس والله على متابعتكم ,,

خلوا اختييه اتخلص البات الثالث وعلى طوول بنزلكم ايااه ,,

انتوا تامرون امرَ

^^

 

 

  رد مع اقتباس
قديم 14-04-2009, 10:20 AM   رقم المشاركة : 15
ملاك UAE
 
الصورة الرمزية ملاك UAE 





معلومات اضافية 
  النقاط : 59188
  الجنس :
  الدولة :
  الحالة :
الرسالة الشخصية

التقييم

افتراضي

 

 

آلبآرت آلثآلـــث .~


ميره ركبت السياره وعيونها ممزوره دموع .. هي صدق كانت تقول انه مايد خقاق بس ماتوقعت منه انه يقول هالرمسه يعني شو فيها لو كانت ويا ولد عمها الي اصغر عنها .. هاللحظه ميره كرهت مايد من خاطرها .. وعلي مسكين قاعد ف الموتر ويلعب ف تيلفونه .. وهو مضايج من اخوه .. موليه ماتوقع هالموقف يصير له .. هو مازعل ع عمره كثر ماعزعل ع بنت عمه لانه علي متعود ع رمسه اخووه مايد .. وكل شويه يسمع ميره وهي تصيح .. وتحاول اتخفي دموعها .. وماايد .. مصدووم من عمره .. انقهر ليش قال هالرمسه حق بنت عمه .. ليش ظهرت هالرمسه منه .. هو روحه ماتوقع من عمره هالشئ .. قال معقوله قلت هالرمسه لاني اغااار .~ معقووله .. اني بديييت .!! وصخ .. ماايد ع صوت ميره : رجعني البيت الحينه .!! مابي ارد بيت خالك ..
مايد : بدوون رد ..
ميره : ( وهي تصررخ ) قلت لك رجعني الحيييين .!! ماتفهم انت ..
مايد : بعد بدووون رد ..
ميره : ( بعصبيه) بترد علي ولا ابطل الباب الحييينه .. قلت ردني البيت ..
علي : ميره .. اهدي بنرد ج البيت خلاص..
ميره : وجي مايرد اخوك .. ولا بس شاطر يعق رمسه يداام الناس ..!!
مايد حس هني بآنه احد قاعد يطعنه .. هو صدق ماكان قاصد الي قاله .. بس خلاص ماشئ فايده ..
علي : مايد خلاص رجعنا البيت وبلاه مشاااكل ..
مايد : ( بصووت مخنوق) ان شاء الله ..
اول ماوصلو البيت .. ميره نزلت من السياره بسرعه وصعدت ع غرفتها .. وقفلت ع عمرها وتمت تصيح صياح .. وتمو علي ومايد ف الموتر ولا واحد منهم طايع ينزل .. وكل واحد سرحان ..
مايد : ماكان قصدي اجرحها .!!
علي : ( بدون رد ) .!!!!!!
مايد : اااااااه والله ..
علي : ( وهو يظهر من الموتر ) .. مره ثانيه حاسب ع رمستك .. صدق اني اخوك ومتعود ع اسلوبك بس مالها خص .. >> ومشى عنه ورااح ..
ماايد تمنى انه الارض تبلعه ويختفي هاللحظه ولا يسمع هالرمسه من اخوه الصغير .. معقوله معقوله آخذ ع رمست هالياهل .. بس هالياهل .. بين لي غلطتي .. الي راح اي يوم واندم عليها .. كيف راح اندم وانا الحين كلي ندم .. والله ياناااس ماكان قصدي من هالرمسه بس ماااعرف شو الي خلاني اقول هالشئ .!! وشغل موتره وظهر من البيت ..!!


علي اول مادخل البيت حس بهدووء فضيع .. مب متعود يرد البيت ومايحصل بنت عمه نازله من تحت تسولف وياه .. روح لها فوق وسمعها تصيح .. كان ف خاطره يواسيها بس ماشئ فايده اكيد مابتطيع .!!
غرفة ميره : وينح يااا أميييه روحتي وخليتيني برووحي ويينج انا متحااايه لج واايد .. وينك انت ياابوي الي كلك حنااان .. اااااخ والله .. وتصيح وهي تشاهق .. ومن التعب رقدت بدون ماتحس بعمرها والوقت كان متآخر .. الساعه 4 الفير .. وعلي من الضيج الي فيه مارام يرقد .. تم سهراان .. وماايد .ّ!! مارد البيت .. تم بررع البيت .. مايد وهو ع البحر .. يتمشى .!! وقاعد يفكر كيف بيجابل بنت عمه الي جرحها .. وحسسها انها رخيصه .. فقرر انه يروح شقته الي ف بوظبي .. بيرقد هناك كمن يووم لين ماتهدى الامور ويحصل الفرصه المناسبه عسب يعتذر حق ميره ..

 

 


التعديل الأخير تم بواسطة ملاك UAE ; 14-04-2009 الساعة 10:28 AM.
  رد مع اقتباس
قديم 14-04-2009, 10:22 AM   رقم المشاركة : 16
ملاك UAE
 
الصورة الرمزية ملاك UAE 





معلومات اضافية 
  النقاط : 59188
  الجنس :
  الدولة :
  الحالة :
الرسالة الشخصية

التقييم

افتراضي

 

 

الساعه 4ونص الفير وميره تسمع صوت اذان الفير .. وتنش بثقل وتتوضا وتصلي .. وظهرت الصاله وحصلت علي قاعد ع الغنفه ومنزل راسه وحاطه ايده على راسه .. وكان باين عليه انه متضايج ..
ميره : ( بصووت خفيف) علي .!!
علي : ( يرفع راسه ) ميره ,, انا آسف ع الي صار البارحه ... وقطعت رمسته ميره
ميره : ماعليك .. وبعدين انت مالك خص ف السالفه .. لا تحمل نفسك الغلط ..
علي : بس .. انا الي كنت وياج ,, ومايد الله يهداا مادري شو استوى به .
ميره : وهي متنرفزه ) دخييلك لا تيب طاري ..
علي : ان شاء الله .. بس اتمنى انج مب زعلانه مني ,.
ميره : وليش ازعل منك .. انت ماسويت لي شئ .. بالعكس .. انت ولد عمي الوحيد الي يفهمني وتحاول قد ماتقدر انك تونسني .. صدق انك اصغر واحد فيهم واصغر عنيه بس والله ظهرت تسواهم .. ( ودخل عم ميره حميد الصاله )
حميد : ماشاء الله عيالي متيمعييين .. عيل وينه مايد ماشوف .. ( الكل صخ هني )
وين مايد اخووك من البارحه من ظهر وياكم البحر موليه ماشفته ماخبركم وين روح
علي : لا والله مادري وين دق براسه ..
حميد : دق عليه شوفه وين ..
علي : وهو يظهر تيلفونه من جيبه . ويتصل ع مايد .. ومايرد .. رد اتصل مره ثانيه بعد مارد عليه .. مايرد .!! مادري ليش ..
حميد : رد اتصل به حاول ..
علي : ان شاء الله ابووي . ويرد يتصل بس هالمره رد عليه مايد
علي : هلا مايد ..
مايد : ( بدون نفس) اهلين ..
علي : ممم مايد انت وينك ابووويه يسال عنك ..
مايد : لا تحاتون .. انا ف بووظبي .. عندي شغل شويه وبرد بعد 3 ايام خبر ابوي وامي ..
علي : اهاا .. خلاص اووكي .. ان شاء الله بخبرهم .. يلا تحمل ع عمرك مع السلامة
علي وهو يرمس ابووه : ابووي مايد مروح بوظبي .. يقول عنده كمن شغله هناك ..
حميد : غريبه ماخبرني قبل .. بس يالله المهم اطمنا ع اخووك ..
علي : هي والله .~ وروح حميد ..
علي وهو يلس ع الكرسي ويتطالع تيلفونه ويلعب فيه ويقول ف خاطره.. اقص ايدي اذا عنده شئ هناك .. بس عمره مايد ماهزه شئ . معقوله كلام بنت عمي ميره اثر فيه .. بس الله يهدا ان شاء الله .. ميره وهي ترمس علي ...
ميره : انا بروح ارقد .. يلا اشوفك ع خير .
علي : خلاص اوكي وانا بعد بروح ارقد لاني مارقدت البارحه ..

.. الساعه 9 الصبح نشت ميره .. وماكان لها بارض تنزل تحت .. كل شويه تتذكر السالفه ..بس سمعت حس مرت عمها وهي تزقرها .. قالت بتنزل بتشوف شو تباه منها ..ميره وهي تظهر من غرفتها .. وتطالع غرفه مايد بحقاره .. و عقبها نزلت تحت .. وهي تشوف مرت عمها ..
ميره : صبحج الله بالخير مرت عمي .!!
مريم : صبحج الله بنور والسرور .. هااه بنتي شحالج شخبارج .. ان شاء الله مرتاحه ؟!!
ميره : الحمدالله ع كل حال .. والله مرتاحه دامكم مب مقصرين ويايه ..
مريم : عيل بنتي ابغيج تروحين فوق وتتزهبين بنروح السوق بنتشرى كمن غرض وباخذ لج الي تحتاينه .!!
ميره : ( الصراحه انا موليه مب محتايه شئ بس بظهر مابي اردها ) خلاص ان شاء الله .. دقايق وبرد لج ..
مريم : انزين فديتج وف طريجج وعي علي خلي ينش بنودي ويانا .. لانه قال يباه ياخذ له كيمرا عاده مادري شو بيسوي فيها .
ميره : من عيووني .. ميره ركضت لفووق .. مستااانسه لانه علي بياخذ كيمرا يديده وهي ف خاطرها من زمان حد يعلمها ع التصوير وعلي كان ماشاء الله عليه ف التصوير ..
ميره وهي اتدق ع غرفه علي .. : علي .. علوووه .. يااخي نش ..
علي : بدوون رد .
علي : علوووه بتنش ولا ايك بماي بارد الحينه .!!
علي : بعد مايرد ..
جان تروح اتيب ماي من الحمام ومزرت ايدها ماي .. فجت البااب وصبته ع وييه علي ..
علي : ( وهو يفز من فراشه ) :واللعنه .!! ..بسم الله .. ليش ؟؟ متى ,, منووو ..
ميره : ( وهي ناقعه من الضحك) ههههههههههههههههه ..
علي : ( توه يستوعب الي استوى به ) : الله يغربل بلسيج .. زيغتيني .. عاده مالقيتي غير الماي البارد وياه هالويه ..
ميره : شو اسوي بك مب طايع اتنش .. عيزت وانا انبح .. انزين يالله قووم اغسل ويهك ..
علي : ( وهو رافع حياته ) وانتي خليتي فيها غسال ويه .. ماشاء الله علييج .. حمام مغربي مب ماااي هاااااااااااااه ..
ميره : هههههههه انزين انزين يالله بسرررعه بدل ثيابك لانه مرت عمي مستعيله بنروح السوق ..
نش علي من شبريته وهو يتحرطم .. دخل الحمااام .. وعقبها لبس كندوورته البيج واحتاااار يتسفر ولا يلبس كاااب .. جان ياخذ كابه الاسود وظهر .. وهو ظاهر ميره ظهرت وياه وهي تعدل شيلتها .. وكل ماتشوفه ميره تذكر الموقف وتنقع من الضحك
علي : ( يتطالعها من فووق لين تحت ) : ماعليه ماعليه اضحكي براويج اناا ..
ميره : انزين طوف طوف يدامي .. ونزلو تحت
مريم : جان مانزلتو .. عنبو سنه سنه .!!
علي : امييه الله يهداااج حد يروح السوق هالوقت .. الصبح عااااااااااد .. ويتثاوب
مريم : جب يلا جب حط ايدك ع حلجك انت اول .. وبعدين ماادري منو محتشر البارحه .. يباه يروح السوق
علي : هههههه انزين عااد الستي مابيطير ..
مريم : يالله ميره امشي فديتج هذا الكلام ضايع وياه .؟؟.
ميره : صدقج ههههههه ..
علي : طالع هايله انتو ايييه اتريووني ؟؟
علي وهو يتطالع الدريييول .. ويرمس ميره نفس الوقت : ميروه ميروه شوفي بلعوز امييه.!!
علي : ممتاااااااااااااازووه .. حبيبي قلبي انت والله .. زهب الموتر .. تراني انا لي بسووقه ..
مريم : ( فجت عيونها ) استرييييييييح .. هذا الي قاصر .. ابوي نحن مب بايعين عمارانا .~!!
علي : ههههههههههههه خيبه خيبه .. افففف ياخي متى باخذ الليسن ولا مذله هالدريول القرعه ..
ميره : ههههههههههه حرام علييك ..
وركبو كلهم الموتر وروحو الستي .. والستي طبعاُ فاضي من الخاااطر موليه مافي حد .. الصبح يعني بيكون منو موجود ..
علي : زين جي اميييه .. عنبو حتى سيلانيه ماشئ عسب نجحل عيونا شويه ..
مريم : صدق انت ماتسحي ع ويهك مسود الويه ..
ميره : ههههههههه انت حتى السيلانيه مابتطالعك ..
علي : وهو يرفع كابه ) : احم احم انتي شووفي شعري بس .. وصخي .!!
ميره : عشتااااااااااااو .. جي البنات بيتطالعوون شعرك ولا شيفتك ..
علي : مادري ماسالتهم .. وفجاه علي : اااااااخ اااااااخ قلبي لالالا ماصدق الي اشووفه
ميره ووامه : بسم الله شو استوى ؟؟؟!!
علي : شوفو شووفو .. كااااااااااااااااامي الي باااخذه ..
مريم : غربلات العدوو . تحريت شئ الحينه .!!
علي : هااي مب شئ الا اشياااء . .
ميره : صدقه مرت عمي .. الكااام وايد تخبل ..
ودخلو المحل .. وخذا علي الكام .. ومب مصدق الاخ وكل شويه يتطالع الكرتوون ههههه
الله يسلمكم خذى Sony ألعوووده .. من زمان ف خاطره كانون بس حب يتحدى ربيعه .!!
ومرو ع محل الرصاصي للعطور وميره خذت لها كمن عطر وحتى مرت عمهم .. واستوت الساعه 12 وردو البيت .. علي ركض روح غرفته يباه يجرب الكام
مريم : هالولد موووليه مب صااحي والله
ميره : هههههههه حليله مستانس الحينه ..
وفجأة مريم صخت وقعدت وتضايجت ..
ميره : عمووه شو فيييج .. عسى ماشر ..
مريم : لا والله يابنتي . بس احاتي مايد من البارحه مارد البيت ومادري به وين ..
ميره : جي ماخبروج .. ولدج رووح بوظبي _<< قالتها بدون نفس
مريم : هاااه .!! لا والله ماخبروني .. شو عنده ف بوظبي مروح مب من عادته ..
ميره : والله مادري به عمووه ..
مريم : والله محد بيعلني غير هالولد ..
ميره : بسم الله عليج عمووه . ماعليج منه .. ..
مريم : الله يهديييه ..:(
ميره : اميين .. عمووه انا بروح ارتاح شويه ..:)
مريم : انزين امي اتري اتغدي ويانا ..
ميره : لا عموه موليه مالي نفس ..
مريم : خلاص فديتج ع راحتج ..
وروحت ميره حجرتها ورتبت اغراضها الي خذتها .. وفجاه حد دخل عليها ..
علي : قوولي " جييييييييز "
ميره : بسم الله .. ههههههههههههههه .. طاالع هذا انتو
علي : شراايج ف الفتوغرافي المحترف .. علي حميد .
ميره : والنعم والله .. يالله عاده ابيك تعلمني عليها
علي : افاا علييج ماطلبتي شئ والله .. وتمو يخبصون بالكام وكل شويه يصروون شئ الا جوتي ولا الدريشه ولا عطر << خبال المصورين ع اول الايام هههههههههه ..


>> يتبع البآإآرت >> 4 << ع حسب ردودكم ههههه

 

 


التعديل الأخير تم بواسطة ملاك UAE ; 14-04-2009 الساعة 10:34 AM.
  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
. آنآ ڷـۈ ڷآ حڜمتي ڷنفـسي ۈفيني آعْتدآڷ ڷخڷـي ڪڷ من سمعْ آسمـي يۈقَف ڷـي بَحترآم . معسولة الشفآاتي SMS & MMS 4 08-03-2011 03:43 PM
[you] سَجڷـ حضۈرڪ آڷـيۈم بمقۈڷـه من آقۈآڷـ آڷـشيخ زآيد أۈ بيت شعر من آشعآره.. غنــآتے شـيوخ الامارات والعرب 164 25-02-2010 06:02 PM
ڪڷـ عآم ۈآنتي بخير غنــآة آڷـــرۈـבـ .. من أختج .. ۈنه آڷـقڷـب آڷـڪسَير~ . ونـﮧ القلب الڪسيـر ~ مرحبــا الساع 12 26-11-2009 03:45 AM
ڷۈ ڪْڸ شے بخآطري ,, رבـٺ آسۈيه ! ۈش عآد آبښۈي .. آذآ خآطري طآب ؟ 3šђőǑő8t,ālain المكرر وسلة المحذوفات 1 06-11-2009 12:31 PM
أنآ مْسِآآفر ۈ څڷۈ قڷيَبيَ عندِڪمْ غصب عنيَ ٺرى ڷآ مْۈ بدِيَـﮧ .. بنۈﯚٺـﮧ مْآرڪـﮧ التصميم و الدروس 20 23-08-2009 02:10 PM

الساعة الآن 03:32 AM.


Powered by vBulletin® Version 3.8.7
Copyright ©2000 - 2019, Jelsoft Enterprises Ltd