رمزيات بلاك بيري خدمة تفسير الأحلام تصميم مواقع وصفات طبخ أعلن معنا


العودة   منتديات فريج دبي > فريج أم سعيد > قصص وروايات > قلم رصاص يسرد روايات

قلم رصاص يسرد روايات يختص في طرح الروايات


آخر المشاركات المطروحة في منتديات فريج دبي .



إضافة رد
 
أدوات الموضوع
  #1  
قديم 11-04-2009, 02:03 PM
الصورة الرمزية ملاك UAE  
ملاك UAE
 
 



معلومات اضافية 
  النقاط : 59188
  الجنس :
  الدولة :
  الحالة :
New2[1] ڪَنت آشۈفــڪَ شئ ثآنـي ] [ سُـۈد آڷـعيۈن .~

 



السلام عليكم ورحمه الله وبركاته .ْ







طبعا هاي أول تجربه لشقيقتي في كتابه القصص .. من تآليفهآ .~اتمنى انها تعيبكم .

وهييه نكهاا سـَـود آلعيـَـــؤن ]| ,,


آخليكم ويا البآرت الاول


ملوؤوكهـ !

 

 

 


؛
{ ڛبحــآن آلله ۋبحمــده } ،{ ڛبحــآن آلله آلعظــيم }


التعديل الأخير تم بواسطة мąžỵŏŋάђ ; 21-11-2009 الساعة 07:59 PM
رد مع اقتباس

رمزيات بلاك بيري | تفسير الاحلام | أخبار الامارات | أخبار دبي | وصفات طبخ


قديم 11-04-2009, 02:07 PM   رقم المشاركة : 2
ملاك UAE
 
الصورة الرمزية ملاك UAE 





معلومات اضافية 
  النقاط : 59188
  الجنس :
  الدولة :
  الحالة :
الرسالة الشخصية

التقييم

افتراضي

 

 

اليووم بالنسبه لميره حلم لانه هاليوم تخرجت من الثنويه واليوم النتايج .. وامها وابوها راحيني ايبون النتيجه .!!



وكانت نسبتها حلوه 92 % .. اتصلت ام ميره لميره وبشرتها بالنتيجه الحلوه وقالت لها انه بتوصل لها هديتها



اليوم .. من الفرررحه ميره صكرت التيلفون ف ويه امها ههههه حليلها .. المهم خلني اعرفكم ع ميره .. الله يسلمكم ميره بنت طيوبه وحبوبه ودفشششه ههههه لاكنها حساسه ف نفس الوقت عمرها 18 سنه وماشاء الله عليها وايد حلووه وشعرها كان يخبل لانه وايد طويل .. المهم حدرت المسن الاخت وبشرت ربيعاتها كلهن .. وباركو لها .. بس فجأة يااه اتصال غريب .. والرقم غريب ع ميره المهم اول ردت

الريال : السلام عليكم

ميره : وعليكم السلام ورحمه الله ..

الريال : الاخت ميره سلطان ..

ميره : هي نعم اخوي ؟. بس منو انت ؟؟

الريال : انا النقيب راشد سيف من الشرطه .. حبيت اخبرج انه حصلنا هالتيلفون ف سيارة والي فيها تعرضوه لحادث ..

ميره : ( وترد بصوت مبحووووح والدموع ماليه عينها ) هاااااه .!! شوو قلت .. امييه وابوويه مسوين حااادث

الريال : اختي ان شاء الله مابيحصل الا كل خير .. بس حبينا نبلغكم ..

ميره : ( هدت سماعه التيلفون وماحست بالي حواليها وهي تصيح وتصرخ ..تمنت تمووت ف هاللحظه ولا تسمع هالخبر لانه امها وابوها بالنسبه لها كل شئ .. بدوون ماتحس ظهرت بررع البيت وهي دموعها ماليه عينها ماتعرف وين اتدق براسها روحت بيت عمها لانه كان مجابل بيتهم .. دخلت وهي تصييح والكل منصدم منها .. عمها قبض قلبه .. قال خير شو السالفه ميره بلاج تصيحين شو مستوي .. وأغمى عليها .. والكل كان زايغ ومااايد مصدووم من الي يستوي .. مايد هذا ولد عم ميره هو يدرس ف الجامعة الامريكية وهو مب وايد وياهم .. وكل شئ عنده فرري .. المهم ياه اتصال حق عم ميره حميد وخبروه عن الحادث الي مستوي .. المهم كلهم ركبو مواترهم وروحو المستشفى .!! والكل كان ينتظر حد من الاطباء يطمنهم ع الاقل وميره طايحه ف حضن عمها وتصيح .. وياه الدكتور وهو منزل راسه والكل وقف قلبه هنه .!!! رووحت ميره ركض للدكتور وتقول : طمني دكتوور شحالها امي وابوي ابوي شحاله اكييد زين انا اعرف ابووي وعدني انه ايب لي الهديه اكيد الحن هو بخير ومابلاه شئ .. والدكتور عيونه دمعت ماعرف شو يسوي .. جان تزخها مرت عمها مريم .. وتهديها .. الدكتور زقر حميد وخبره بالخبر الي ماكان حد حاب يسمعه .!! الي هو وفاة اخو العوود ومرته .. عمهم تم مصدووم من الخبر وبعده مب مستعوب الي يصير يدام عيونه .. وراح عند ميره وحضنها وتم ساكت وعيونه تذرف .. وميره تطالعه باستغراب تقول له " شو فيك عمي لا تصيح ترى امي وابوي مابلاهم شئ وهم الحين بينشون ماعليك ( وتصيييح ) .. وعمها ماعرف شو يسوي او كيف يقول لها الخبر .. بعدين ميره التفت صوبها وتشوف عيال عمها منزلين راسهم وعمها يصيح ومريم نفس الشئ .. عرفت انه امها وابوها ماتو .!!

مررت ايام العزا مثل والناس يو عزوهم .. وميره موليه ماكانت تظهر ولا تاكل ولا شئ كانت ف غرفتها وتصيح .. فقدت اعز ماعندها .. وبعدها مب مستوعبه انها بتودر بيتهم وبتعيش عند عمها .!!

مرن خمس شهور ع وفاة امها وابوها .وقامت تتقبل شويه الوضع .. بس ماكانت تحتك باي حد بحكم انه ماعندها بنات عم ..وكلهم شباب .. محمد ولد عمها العود معرس وعنده ولد اسمه سعيد .. ومايد 23 سنه ويدرس ف الجامعة الامريكيه وماكانت تشوفه وايد .. وعلي كان الصغير عمر 15 سنه وكان دوم اي لها الغرفه ويواسيها ويسولف وياها ..

علي : ( يدق الباب ع ميره ) ميره ميره .!

ميره : ( بدون رد )

علي : ميره دخيلج تعالي تغدي وياي محد طايع يتغدى وياي ؟.!! ميره ميره ..

ميره ( وهي تقوم بتعايز ) نعم علي ؟.!!

علي : زين يوم انج بطلتي الباب شووفي ويهج كيف غاادي اصفر وهالسواد الي تحت عيونج مب زين الي تسوينه بعمرج .. يالله انزلي وياي تحت خلينا نتغدي

ميره ( بثقل) لا ماشتهي شئ روح بروحك

علي : افااا تردين ولد عمج .؟!!

ميره : علي صدق والله ماشتهي شئ مول مالي نفس .

علي : اوكي خلاص ع الاقل انزلي تحت غيري جو مب لازم تاكلين المهم تعالي وياي تحت .. لا ترديني ..لاه

ميره : ( وهي تضحك ع كلمت لاه ) . خلااص اوكي انزل تحت وبنزل لك ..

دشت ريم غرفتها وغسلت ويها وبدلت لبسها ..لبست خوار بنفسجي وتجحلت ع الخفيف لانه شكلها كان تعبان .. وتعطرت ونزلت .. اول ماشافها علي قال .: هلا والله ببنت عمي .. حياااج توه مانور البيت ..

ميره : هاااه نزلت يالله قوولي شو تباااه فيه .

علي : خيبه خيبه هدي مانباه ئ بس نباه نسوولف وياج وابي اغير عليج الجو لاه .

ميره وهي تضحك : هههههه انت حقا حاط دوبك من دوبي . خلك شرات اخوك مايد ماله خص ف حد

علي : هااااااااااااااه .؟ لا والله تبيني اغدي شرات هالامريكي .!

ميره : اي امريكي ..

علي : هاااه اخوي ميووود 24 ساعه وياه ربعه هاايله الي يرطنون عنجليزي ولا افهم منهم كلمه ..

ميره : ههههه وانت حليلك بروحك ف البيت .. ومجابل هالسوني وماشئ شغله ..

علي : دامج يبتي طاري السوني تعالي العبي وياي كووره ..

ميره : لالا ماعرف انااا .. العب بروحك

علي : يالله ماعليه تعالي بعلمج شقا تلعبين .. انتي ماعليج زخي وهووسي ع الدقم ههههههههه

ميره : خلاااص يالله عطنااا .

علي : يالله اذا فزتي علي بعطيج ممممممم شو تبين

ميره : ابي بيبسي هههههههه

علي : صدق احلام فقااره ياخي

ميره : جب جب خلااص مابلعب وياااك ..

علي : لالا اسوولف وياااج تعالي ههههه خلاص بيب لج البيبسي ولا تزعلين ..

وتمو يلعبوون وحليلها ميروه ماتعرف شئ وتمت تضحك ع ولد عمها علي الي متحمس ههههه وعلي ف نفس الوقت كان وايد مستانس لانه قدر انه يظهر بنت عمه من الحاله الي هي فيها ..

وهم يلعبون سمعوو صووت موتر يدخل الحوي .. واتبطل باب الصاله .. جان تعدل يلستها ميره وتحجت عدل ..دخل ولد عمهم مايد ومرتبش ويغني .. جان يدخل ويقول هاااي .. جان علي يرد وعليييكم الهااي

جان تقول ميره : وعليكم السلام ورحمه الله وبركاته ..

مايد : ( وهو ويه قافط ) احم احم هلا بنت العم شحالج اشوفج اليوم نازله تحت

ميره : هي علي ماقصر حليله الوحيد الي يسال عني

مايد : زين زين يلا انا رايح غرفتي جااااو

ميره : ( مستغربه) علي بلاه اخوك جي خقاق وشايف عمره ..

علي : صخي صخي عن يسمعج ههههههه

ميره : خله يسمعني عااادي مازيغ منه ..

وكملو لعبهم وخلصو وميره روحت غرفتها وهي تفكر ف مايد الي غير عن عيال عمهم كلهم لانه الوحيد الي غير عنهم ومول مايقعد ف البيت 24 ساعة برع وحواطه ويا ربعه بعدين شلته مب بالها ورقدت لين المغرب وعقبها نشت .. وظهرت للصاله وشافت عمها وباسته ع راسه

حميد : هلا والله ببنتي ..

ميره : اهلين عمي ..

حميد : علومج ميره ان شاء الله مرتاحه ومحد مأذنج ..

علي : ( راز بويه ) لالا محد مأذنها بالعكس اسالها حتى قوول علي شو سوى لج اليووم ؟.!!

ميره : ( وهي تبتسم ) لا ياعمي مرتاحه الحمدالله وعلي صدق ماقصر وياي ..

حميد : ان شاء الله دووم هالوناسه بنتي .. واذا بغيتي اي شئ لا يردج الا لسانج .. المهم انا ظاهر بروح وياه الشواب القهوة يالله مع السلامه

وتمو علي وميره رواحهم ..

علي : بنت عمي ..

يتبــع ~>

 

 

  رد مع اقتباس
قديم 11-04-2009, 02:14 PM   رقم المشاركة : 3
ملاك UAE
 
الصورة الرمزية ملاك UAE 





معلومات اضافية 
  النقاط : 59188
  الجنس :
  الدولة :
  الحالة :
الرسالة الشخصية

التقييم

افتراضي

 

 

ميره : هلا ..

علي : شراايج نسهر اليوووم ونتطالع فلم رعب

ميره : بسم الله رعب ايييه انا وحده تزيغ الصراحه مافيه

علي : اخييييج لاه الا هو فلم انزييين

ميره : بشرط

علي : يلا قووولي شرطج ..

ميره : العشا ع حسابك :p تراني يوعاااانه

علي : هااي الي تباه تفلسنا الحينه .!! ههههههه لالا افا عليييج خلاص تم . انا الحينه بروح اصلي العشا وخلاف بتصل حق الكفتيريا

ميره : اوكي خلاص وانا بعد بروح اصلي

علي هو مروح المسيد يفكر ف بنت عمه المسكينه يقول ف خاطره والله ماتستاهل الي استوى بها وحليلها محد وياها ف البيت حتى ماشئ بنت ع الاقل تواسيها .. وعقبها دخل المسيد وصلى ..

خلص علي صلاته ودخل البيت .. والبيت كان فاضي مريم الي هي مرت عم ميره ظاهره مروحه بيت اختها وحميد عمها ظهر القهوه ومايد كالعادة مايعرفوون وين غادي .. ومحد ف البيت غير الخدامه وميره وعلي ..

روح علي غرفه ميره

علي : ( وهو يدق الباب) ميرووووه تعالي بسرررعه برررع

ميره : انزين انزين يايه ( وهي تبطل الباب ) هلا ؟؟

علي : تبين الحين تتعشين ولا بعدين ع نص الليل ههههه

ميره : لا نص الليل احسن لاني الحين مب يوعانه

علي : وانا اقوول جي بعد .. المهم يلا تعالي انزلي تحت خلنا ندور فلم حلو نشووفه

ميره : ( وهي نازله تحت ويا علي ) اقوول علي

علي : هاااه

ميره : اخووك مايد وينه ؟.!!

علي : تبين الصدق هذا الوحيد الي مانعرف عنه شئ موليه مايخصنا فيه .. حتى يوم نتخبره وين مروح مايرد علينا مادري شو مشكلته

ميره : معقوله ..!! جي هو غير عنكم يعني

علي : والله مادري به . يلا تعالي اختاري الفلم الي تبين تشوفينه ..



الساعه 12 فليل وميره وعلي مندمجين ف الفلم الي يشوفونه وميره كل شويه تصررخ هههه من الزيغه ..

علي : ياخي شووفيج انتي الا هو فلم كل شويه ولا فزيتي ..

ميره : ههههههههه ماقدر ياخي هاااه فلم رعب ولا شو ؟.!! بسم الله ..

عقبها بنص ساعه وصل مايد البيت .. دخل لهم وكان منصدم من الي شافه .. شاف بنت عمه وهي تضحك واول مره يشوفها جي مستانسه وكااان نص شعرها ظاهر برع وماشاء الله عليها كانت ظاهره قمر .!! بدون ماتحس ميره صدت صووبه ..وقالت

ميره : بسم الله انت متى ييت وبلاك جي واقف متسمر ..!!

مايد ( بشروود ) هاااه .!! لا ولا شئ

ميره : اها .. انزين تعال اتطالع ويانا الفلم ..

مايد : لالا بووي انا ماحب هالافلام الجديمه انا كل يديد اشوفه ف السينمااا .! مشكووره

ميره : ف خاطرها ( بلاه هاه شايف عمره وااايد وخقااق ) ع رااحتك ..! وجان تصد بويها وتكمل الفلم

مايد : علووه .!!

علي : هااااه ..

مايد : غريبه هب راقد هالوقت ولا بنت عمي خربتك .. ( يابها بإستهزاء )

ميره ( مقهوووره منه ومن رمسته )

علي : لا مايخصه انا الي طلبت منها اتي وتغير جو ..

مايد : ايوااا . اوكي اووكي كملوو افلامكم هالمصخرره الي من سنه عارضينها ..

ميره : ( بعصبيه ) انت شو مشكلتك ؟؟

مايد : ( ببرود ) مااشئ يلالالا باااي

ميره : ( وهي ترمس علي ) بلاه اخوووك خقاااق شايف عمره ومووليه مايعيبه شئ .!!

علي : ميوود دومه جي مايعيبه شئ وكله يحط عليه جنه محد ف البيت غيري وشكله ياينج الدور لانه محد يروم ع لسانه

ميره : ( بتحدي) هههاي لو فيه خير خله يرد يرمس جذه وياي .~

علي : ههههههه الله يستر منج بنت عمي شكلج ناويه عليه

ميره : ههههه لا تخاف .. انزين يالله خلنا نقوم نرقد باجر وراك صلاة يمعه خله نروح نرقد ..

علي : صدقج .. بس تعالي تدرين انه باجر شئ عزيمه بيت خالي حمد

ميره : لا والله ماعرف وشكلي مابي .. لاني ماعرف حد هنااك موليه

علي : لا ماعليج تعالي ايلسي ويا بنات خالي .. ع الاقل غيري جو

ميره : خلاص يصير خير .. يالله تصبح ع خير .

علي : وانتي من اهله ..

روح كل واحد ع غرفته .. وميره هي صاعده فووق سمعت حس مايد وهو يرمس بس كانت مستغربه .. لانه كان يرمس ويقول : ماعليج منه ؟؟!! انصدمت .!! قالت معقووله يرمس بنااات بالغلط وهي تمشي مصدومه دعمت الطاوله الي موجوده وظهرت صوت .. جان يظهر مايد من الغرفة

ماييد : بسم الله شو تسوين انتي هني ..؟؟!

ميره ( بتررد) ولا شئ بس كنت ابي اروح الحماام .

مايدد : ايوااا بس ع ماظن شئ حماام جريب غرفتج .!

ميره : يالله باي انا مروحه ..

مايد : لحظه لحظه ..

ميره : نعم امر شو بغيت ؟.!!

مايد : خيبه بلاج لابقه شرات الجبريت ..

ميره : لا ماشئ بس شو بغيت .!

مايد : لا ماشئ بس مره ثانيه لا تتصوخين عيب هاااه .. يلا روحي وهالله هالله ف الدرب عن تكسير الطاولات بعد .!!

ميره ( وهي مقهوره ) : ماشئ شغل اتصوخ عليك .. بعدين جي انت منو ؟.! يلا مابطول باااي

مايد : ( وهو يضحك ) هههههه عصبت .!! باااياااات .. يالحلوه

ميره : ( وتطالعه بنظره حاده) حلوه ف عينك ... ومشت عنه وهي مقهوره منه



ف غرفة مايد : قعد يفكر ف بنت عمه ..

هااي ليش جي تتعامل ويايه .. شايفه عمرها ع شوو .. عنبو اتمصخر وياها .. ولا القهر انه علي يرمس وياها وداقه سوالف وضحك يوم اي ارمسها تتنرفز ,,؟ برايها والله مابجبرها .. جي هي منو .!! رقد مايد وهو غارف ف التفكير ..

ف غرفة ميره :

ميره متضايجه وايد وماتعرف و سبب هالضيج وبدون ماتحس بعمرها تمت تصيح اتذكرت امها وابوها .. ورقدت عقب صياح يقطع القلب ..~


واتريواا البارت الثاني

برب ,,

 

 

  رد مع اقتباس
قديم 11-04-2009, 02:40 PM   رقم المشاركة : 4
أم مايد
V!P
 
الصورة الرمزية أم مايد 




معلومات اضافية 
  النقاط : 3860
  الجنس :
  الدولة :
  الحالة :
الرسالة الشخصية

التقييم

افتراضي

 

 

السلاأإأم عليكم..}

يسعدلي يوؤومج غناأإأتوؤو؟؟

اشحالج؟؟


><
><
><



سلاأإأمي على أختج..}حبيت القصه

وتسلم اناملج ..}

اترقب البارت الثاني^^

 

 

 

  رد مع اقتباس
قديم 11-04-2009, 02:44 PM   رقم المشاركة : 5
ملك ايطاليا
~ • غـٍُالٌٍُيً حـًٍُِبًٍُِوبًٍِ • ~
 
الصورة الرمزية ملك ايطاليا 





معلومات اضافية 
  النقاط : 10
  الجنس :
  الدولة :
  الحالة :
التقييم

افتراضي

 

 

اقدم اجمل تحيه للمؤلفه الواعده سود العيون
قصه مؤثره لها عده نواحي فنحن نعيش الفرح وتخرجنا الكاتبه الى حاله الحزن بكل سهوله وهذا يدل ع الموهبه
واتوقع ان لها مستقبل ف ها المجال واذا تبى تألف قصه ف كتاب انا المنتج ههههههه
استويت سيبويه
ولج الشكر ملوكه اللي كل تسوين خير ومحد يمدحج كل المدح حق سود العيون هههههههههه

تقبلوني ملك ايطـــــــــــــــاليا

 

 

 NO للحب
لانه كله خيانه
SO تيكت ايزي

  رد مع اقتباس
قديم 11-04-2009, 05:03 PM   رقم المشاركة : 6
شـﮱـۈؤטּـﮱـي...}~~
عضوية خاصة
 
الصورة الرمزية شـﮱـۈؤטּـﮱـي...}~~ 




معلومات اضافية 
  النقاط : 9972
  الجنس :
  الدولة :
  الحالة :
الرسالة الشخصية

التقييم

افتراضي

 

 

تسلمين اختيه الغاليه علي القصه

يوم بكون فاضي بقراها كلها لاني قريت البارت الاول بس شكلها طر

 

 

 

  رد مع اقتباس
قديم 11-04-2009, 09:42 PM   رقم المشاركة : 7
ملاك UAE
 
الصورة الرمزية ملاك UAE 





معلومات اضافية 
  النقاط : 59188
  الجنس :
  الدولة :
  الحالة :
الرسالة الشخصية

التقييم

افتراضي

 

 

تسـَـلمـَـونَ ع الردودَ الغآويـهَ ,,

وربيَ يعطيكمَ الفَ عافيهَ ,,

وانَ شاءَ الله جريبَ بيبَ لكمَ البارتَ الثاني ,,

والسموحهَ ,,

 

 

  رد مع اقتباس
قديم 12-04-2009, 04:20 PM   رقم المشاركة : 8
ملاك UAE
 
الصورة الرمزية ملاك UAE 





معلومات اضافية 
  النقاط : 59188
  الجنس :
  الدولة :
  الحالة :
الرسالة الشخصية

التقييم

افتراضي

 

 

آخليكم مع الــبآرت آلثآنـــي .~
.

اليوم اليمعة .. الصبح الساعه 9 الصبح ..
نشت ميره وهي حاسه بويع فضيع براسها من الصياح الي صاحته .. المهم دخلت الحمام وتسبحت ونزلت تحت .. وشافت مرت عمها مريم ف الصاله .!!
مريم : هلا والله بالشيخه ميره
ميره : اهلييين مرت عمي .. صبحج الله بالخير
مريم : صباح النور والسرور فديتج .. تعالي تريقي وياي .. يالسه بروحي تعالي بنتونس
ميره : ان شاء الله مرت عمي ..
مريم : ( وهي تحط ايدها ع جتف ميره ) اليوم فديتج بنروح بيت اخوي حمد مسوين عزيمه وابغيج تتزهبين لانه بعد الصلاه بنظهر ..
ميره : هي خبرني علي البارحه .. ان شاء الله بكون زاهبه ..
وشوي ولا ينزل علي ومايد واشكالهم تضحك لانه ابوهم ماخلاهم ف حالهم من الصبح يزاعج عسب ينشوون يتغسلون حق صلاة اليمعة .. ميره وهي تطالعم وناقعه ع شكل علي
علي : وهو يروح عند امه .. امييي الصراحه ريلج موليه مايخلينا نرقد ..
مريم : يزاااك محد قال لك تسهر نص الليالي ..
علي : ياخي اجازه شو تبينا نسوي نرقد الساعه 9 مثلا ..
مريم : صخ صخ وروح اتسبح يلا اشوف .. وهي تصد صوب مايد .. مايد امي روح اتسبح وتعال تريق ويانا ..
مايد : لالا امي مابا ماشتهي .. انا بروح اسبح ولا تنسين اميي العوود اهم شئ ..
مريم : ان شاء الله .. بخلي ميره بنت عمك اتيب لك اياااه .!!
ميره : ( وهي منصدمه ) هاااه ..
مايد : ( يتطالع ميره ) ايواا .. خلاص اووكي هاتي الغرفه يوم بتخلصين ريووقج .. وروح ..
ميره : ( وهي تنش وتروح صوب المبطخ وهي تتحرطم ) يعني ليش انا لا والقهر اسوي حق منو حق هالخقاق .. وسوت الضو وودت المدخن فوق حق مايد .. وهي تدق الباب
محد كان يرد عليها ودشت الغرفه ومحد كان فيها .. حطت المدخن وبسرعه كانت بتظهر ولا يظهر ف ويها مايد ودعمته بالغلط .. ميره ويها قفط وظهرت بسرعه من الغرفه ..
مايد وهو يضحك : هالبنت مب صاحيه مووليه .. المهم كشخ مايد واتبخر واتعطر وماخلى شئ وروحو كلهم المسيد ..
غرفة ميره :
اففففف شو هالحال وانا دووم حظي وياااه هالمايد جي . الا ادعم الطاوله ولا ادعمه شوهااا ..
المهم تذكرت انه وراهم عزيمه ولازم تتزهب .. بطلت كبيتها ويلست تتنقى .. لبست قميص اصفر وياه تنوره صفرا وسكارف اصفر وظهرت طررر .. وشخط ع السريع عيوونها بالجحال وظهرت تحت عند مرت عمها ..مرت عمها وهي ترمسها
مريم : ماشاء الله علييج والله .. كاشخه هااه ..
ميره : وهي تبتسم ) وين كاشخه الله يهداااج ..
ودخل علي من باب الصاله وكان توه ياي من المسيد .. يزقرهم يقوول يالله تعالو بنركب الموتر مريم : انزين ف موتر منو بنروح
علي : النص ويا ابوي والنص الثاني ويا مايد
مريم : جي موترين نحن الا كمن نفر مب وايد
علي : لا لانه هاذو محمد ياه وياه حرمته ميثه وبيون ويانا
ميره : ( بحماس ) انا بررركب وياه عمي حميد فديته
علي : ههههه بلاج متحمسه صخي صخي لا احطج ف الدبه ..
ميره : لا والله .. يلا يلا مناااك وتركض بررع تباه تركب موتر عمها .. بطلت باب الموتر وكان لكزس
انصدمت الي ف الموتر مب عمها ظهر مايد .. صكرت الباب وعفدت ع السياره الثانيه الي هي الاستيشن .. وركبت ورى وهي زاخه قلبها ..
المهم كلهم ركبو المواتر وروحو بيت خالهم حمد ..
روحو الشباب صووب الميلس .. والحريم روحو الصاله .. دخلت ميره وهي حليلها مستحيه ماتعرف حد بحكم انهم ماكانو يتازورون قبل .. سلمت ع مرت عمهم حمد عايشة وبناتها وكانت عندها بنتين وولد .. البنتين وحده اسمها شيخه والثانيه عنود .. شيخه كبر ميره 18 سنه وعنود قد علي 15 سنه .. سلمو ع بعض وقعدو وكل وحده تطالع الثانيه
عايشه : امييه شواخ رووحو فوق وخذو ميره وياكم يمكن البنت تستحي ..
شواخ : ان شاء الله امييي .~ يالله ميره تعالي بنروح فوق ..
ميره : اووكي à وهي مستحيه ..
روحو فووق .. ويلسو ف الغرفه ... وعنود من وصلو موليه ماسكتت ههههه وميره كانت مستانسه عليها اما شواخ كانت ماترمس وتطالعها بنظرات غريبه .. وكل شويه تتطالع من الدريشه وتوايج من الدريشه .. جان ترمسها عنود :بسج بسج موايج .. الناس يتغدون
شواخ : جب جب انتي مالج خص ..
عنود : ( وهي تطالع ميره ) ههههه تتريا الحب تباه تشووفه
شواخ : جب انزييين انتي بعد
ميره : هههه منو الحب ؟؟
عنوود : جي ماتعرفييين منوووو ؟!!
ميره : وانا شعرفني ؟!!
عنود : الله يسلمج هذا ولد عمتي مااايد ..
شواخ : بس عاااد .. ماتعرفين تصخييين انتي وياه هالويه ..
ميره : ( وهي مصدموومه ومقهووره نفس الوقت بس ليش ماتدري وبعدين قالت انا شلي فيهم ) اهااا
عنود : ( تهمس حق ميره ) بس هو مايدري عنها ههههه ..
ميره : وليش ؟!!
عنود : هي ماتحب تقوول له تقول تباه هو بروحه يحس .. وتحس مب شئ انها تفوله لانه بتطيح من عينه ع قولتها ..
ميره : اايوااا صدق رمستها انزين ..
شواخ: وهي متحمسه : هااذو هااذو ظهر ..
عنود : شوفي شوفي الخبله .
ويت الخدامه تزقرهم عسب يتغدوون ونزلو كلهم تحت .!!

>> الساعه 4 العـصر .. والشباب توهم رادين من المسيد .. وخليفة يرمس مايد .. الله يسلمكم خليفه هذا ولد خال مايد وهو وحيد من بين خواته الثنتين .. هو قد مايد .. ونفس الجامعه يدرسوون بس خليفه فرق عن مايد ..
خليفة : أقوولك اليوم صدق ملل يااخي خلنا نظهر ..
مايد : والله مادري ..
علي : تبون الصدق خلونا نظهر نروح ع البحر .. ترى صدق بنفجر لاه ..
خليفة : البحر البحر خلاص ..
علي : بس ....!!
مايد : بس شو بلاك .!!
علي : (خذا اخووه مايد ع ينب ورمسه ).. شرايك نظهر ميره بنت عمي ويا بنات خالي حليلها والله موليه ماتظهر ولا تنسى انها يتيمه ومالها حد غيرنا ..
مايد : ( وهو رافع حياته) يااخي هاي بنت عمك واايد خقاقه وشايفه عمرها
علي : حراام علييك .. لا ترمس عن البنت جي ترى وايد طيبه .. المهم هاه شو قلت
مايد : خلاص ان شاء الله بخبر خليفه عسب يخبر خواته .. عسب ايون وياها ..
علي : ( وهو مستانس لانه هالشئ قليل ف حق بنت عمه ) .. تسلم والله
مايد : ( وهو يرمس خليفه عن السالفه وخليفه ماكان عنده اي مانع )
روحو كلهم البيت ومايد خبر ابوه انه بيظهر وياه ولد خاله وبناته وبياخذ ميره وياهم .. وابوهم من سمع طاري ميره ع طول وافق ..
المهم علي اتصل ع تيلفون امه وخبرها وهي خبرت البنات
..

 

 

  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
. آنآ ڷـۈ ڷآ حڜمتي ڷنفـسي ۈفيني آعْتدآڷ ڷخڷـي ڪڷ من سمعْ آسمـي يۈقَف ڷـي بَحترآم . معسولة الشفآاتي SMS & MMS 4 08-03-2011 03:43 PM
[you] سَجڷـ حضۈرڪ آڷـيۈم بمقۈڷـه من آقۈآڷـ آڷـشيخ زآيد أۈ بيت شعر من آشعآره.. غنــآتے شـيوخ الامارات والعرب 164 25-02-2010 06:02 PM
ڪڷـ عآم ۈآنتي بخير غنــآة آڷـــرۈـבـ .. من أختج .. ۈنه آڷـقڷـب آڷـڪسَير~ . ونـﮧ القلب الڪسيـر ~ مرحبــا الساع 12 26-11-2009 03:45 AM
ڷۈ ڪْڸ شے بخآطري ,, رבـٺ آسۈيه ! ۈش عآد آبښۈي .. آذآ خآطري طآب ؟ 3šђőǑő8t,ālain المكرر وسلة المحذوفات 1 06-11-2009 12:31 PM
أنآ مْسِآآفر ۈ څڷۈ قڷيَبيَ عندِڪمْ غصب عنيَ ٺرى ڷآ مْۈ بدِيَـﮧ .. بنۈﯚٺـﮧ مْآرڪـﮧ التصميم و الدروس 20 23-08-2009 02:10 PM

الساعة الآن 02:02 PM.


Powered by vBulletin® Version 3.8.7
Copyright ©2000 - 2019, Jelsoft Enterprises Ltd