رمزيات بلاك بيري خدمة تفسير الأحلام تصميم مواقع وصفات طبخ أعلن معنا


العودة   منتديات فريج دبي > فريج أم سعيد > قصص وروايات > قلم رصاص يسرد روايات

قلم رصاص يسرد روايات يختص في طرح الروايات


آخر المشاركات المطروحة في منتديات فريج دبي .



إضافة رد
 
أدوات الموضوع
قديم 31-10-2008, 07:56 PM   رقم المشاركة : 17
كيفيـ احبهـ
~ • غـٍُالٌٍُيً نـٌٍُِشًَُِيـًٍِط • ~
 
الصورة الرمزية كيفيـ احبهـ 





معلومات اضافية 
  النقاط : 10
  الجنس :
  الدولة :
  الحالة :
الرسالة الشخصية

التقييم

افتراضي

 

 

خخـ .. حتى هني شي مايد وريم ..

مشكوور اخوي ع القصـهـ ..

ونتريــآ التكمــلـهـ .. ~

 

 

  رد مع اقتباس
قديم 02-11-2008, 11:52 PM   رقم المشاركة : 18
ms.gucci
~ • غـٍُالٌٍُيً مـٌٍُِألـًٍُِقَ • ~
 
الصورة الرمزية ms.gucci 





معلومات اضافية 
  النقاط : 10
  الجنس :
  الدولة :
  الحالة :
الرسالة الشخصية

التقييم

افتراضي

 

 

تسلم خيوو على القصه

 

 

 [flash=http://www.freejdubai.com/vb/uploaded/8435_21249508739.swf]WIDTH=435 HEIGHT=214[/flash]

  رد مع اقتباس
قديم 03-11-2008, 10:29 AM   رقم المشاركة : 19
شـﮱـۈؤטּـﮱـي...}~~
عضوية خاصة
 
الصورة الرمزية شـﮱـۈؤטּـﮱـي...}~~ 




معلومات اضافية 
  النقاط : 9972
  الجنس :
  الدولة :
  الحالة :
الرسالة الشخصية

التقييم

افتراضي

 

 

عقب ماظهرو الاهل من المستشفي ويهو البيت والكل الي في البيت كان علي انتظاارهم
اول ماحدروو البيت ريم : وااااااااو عدلوو الكووخ
الود : هيه ايجنن صح
ريم : يب
وحولو من السياره وراحن داخل
ام ماايد : ياامرحبا السااع وراحت اتوايه ام حمدان
الود : اماايه مابااركتو حق خالوه
ام حمد : مبرووك علي شوو
اليده : حمداان صحي من الغيبوبه
الكل : الحمدالله الحمدالله على سلاامته واستانسوا علي هل الخبر الحلو
ام حمدان : الله يسلمكم من كل شر
ام حمد تزقر البشكااره : مليتااااا مليتااا كم هير
مليتا واهيه يايه : يس مداام
ام حمدان : تيك ذيس بااك ان كبيت ان روم سير احمد اند ذبلاك ون ان الود روم
ملينا : اوكي مداام
ورااحو العرب يتيلسون
ريم : ودووه مهو تعالن بنرووح خااري
مها والود : اوكي
وراحن خاري يقعدن في الكوخ
وعقب حمد ومايد يوهم
الود : حمد طلبتك
حمد : امري
الود : نبا نظهر ملينا والله
مايد : هيه ووالله ملل
مها : اريد اروح اشري
حمد : عيل خلاص مش ظا هرين
ريم : ليييش ؟؟؟
حمد : دامكن بتروحون تشرون بتعفنونا مافينا
شوق واهي ياايه
شوق : اييه اماايه اتقول تعالو اتغدوو
الكل : اوكي
الود : حمد شو قلت
حمد : بتروحون تتمشون بوديكم اما بتروحون تشرون فماشي
مايد : زين اتسويبهم
مها : ماايد لا ازيده
مايد : مازته ولاشي يلا انروح داخل
الكل : اوكي
اليده وهم علي الغداا : باجر ثره بيوناا قوم سيف بن محمد
ام مايد : ياامرحباابهم متا بيون
يدوه شيخة : باجر علي الغداا
ام حمد : عيل بااجر لازم انطرش العيال الجمعيه ايبون اغراض
حمد : امايه احنا عقب بنظهر بنرووح انيبلج الاشياء الي اتريدينها
الود : اماايه بنت موزه هيه الي اسمها ساره الي بنتها شما
ام حمد : هيه
الود : ريمو مهو اتعرفونها الي كانت اربيعت سلامه بنت حمدان
ريم : الي في قريد 12d
الود : هيه الي عيونها زيتوتيه
مها : هيه هيه عرفيتها طيبه وحبوبه بعد
الود : هيه انا اعرفها كم مره قعدت معاها اربيعتيه هيه لاكن شو جنه
مها : خلاص عيل انا بخطبها حق ماايد
الود: ياحيه يوم بيضويها
مايد : نعم نعم اخت مها والود اناييت اشتكيتلكم قتلكم اريد اعرس دورولي عرووس
مها : لا بس نحجزها
اليده : فديتها شما وفديت منطوقها ياحيك يوم بتضوها
مايد وهو عايف هل الطاري : انزين خلاص عقب بنرمس فيه
امل : المهم نبا نظهر
شوق : هيه والله ملل
حمد : احنا عقب بنظهر العصر وعقب بنروح حق حمدان
امل : هيه مارحناله ابوويه وعمي في المستشفي
اليده : هيه
الود : الحمدالله شبعت مهو ريمو يوم بتخلصن تعالن فوق
مها وريم : اوكي
رااحت الود فوق وينها مها وريم
الود : اييه شورايكن في هل اللبسه
ريم : ناايس
مها : حلوه
الود واظهر لبستين من الكبت وعطتهن مها وريم
الود : هذيل البستين بتلبسنها بااجر يوم بين الحريم انا خذيتلكن شراتي
مها : متي خذتيهم
الود : قبل فتره وكنت بعطيكن اياها لاكن نسيت
البسه هيه تنوره زرقااء مع بادي ازرق هاي نك وجاكيت بني اقصير مع اكسسوريز
مها وريم : ثاانكس
الود : جوفن بنلس طبعن هل البس مع الاكسواريز وبنخلي شعرناا مفتوح وطبعن بنسوي فيه حركات
ريم: ودوه اجوفج مشطه
الود : ابدن بس اول مره ايزورونا وتبين ايقولون بناتهن هب حلوات
امل واهي تحدر الغرفه : منو الي بيقول انه احنا مش حلوين
الود : ماحد بس احنا انظهر لبسه حق باجر يوم بينا الحريم
شوق واهي تحدر عليهن : ول العثره من احين حق باجر
ريم : هيه احنا جيه خلونا انزين
الود : ريموه ثرج بتنامين معانا انا ومهو
شوق : خيبه بثلاثتكن في غرفه وحده
مها : هيه ماتعرفين احنا توام مانقدر ننفصل عن بعض
الود : اتعرفن شو شعارنا عاشن 3مااينين عاشن
شوق : ماجذبيت ي انزين
حمد واهو يزقر البناات شووووووووووووووق الوووووووووود يلا حولن ماتريدن تظهرن
الود : يلا بناات الي تحت بنظهر ابسرعه يانا الفرج
خلال دقايق البنات جاهزات
حمد : اييه جوفو بننقسم سيارتين انا معايه الود ومها وريم ومع ماايد امل وشوق
مايد : لا انا اعترض
حمد : ليش ؟؟
مايد : مابغيت غير الكايبات معايه ماريد انا اريد ودوه ومهو وريمو عاشن ثلاث مياانين عاشن
شوق : احنا ياميود كايبات ياحمار
مايد :هههه لا بس انتن كله ساكتات اما هذيل اخترش معاهن
حمد : اوكي انتن بتروحن مع مايد وشوق وامل بين معايه
وراحو اول شي الملاهي قعدوو يلعبون واستانسوا واايد وعقب ظهرو وراهو يتعشون وعقب راحو سوبر ماركت يشرون اغراض حق البيت ورجعو البيت

 

 

 

  رد مع اقتباس
قديم 03-11-2008, 10:30 AM   رقم المشاركة : 20
شـﮱـۈؤטּـﮱـي...}~~
عضوية خاصة
 
الصورة الرمزية شـﮱـۈؤטּـﮱـي...}~~ 




معلومات اضافية 
  النقاط : 9972
  الجنس :
  الدولة :
  الحالة :
الرسالة الشخصية

التقييم

افتراضي

 

 

في اليوم الثاني الي هو يوم العزيمه الكل كان صاحي من وقت
اليده : بنات روحن فازعن امهااتكن
حمد : هيه روحو اشعنه ماتروحون هب انتن بنات لازم اتعرفن تطبخن عقب ماحد بيزوجكم
مها : ليش احنا بشاكير يزوجنا عسب طبااخ حلمه يلي بيضويني اني اطبخله
حمد : متاكده انسه مها
مها بتحدي : هيه
اليده : امحق بنات
مايد : امايه الشباب بيون معاهم
اليده : هيه فديتك بيون
امل : انا باروح اسوي اسويت
الود : انا بعد بااروح اسوي سويت
الريم : فديت حمدان يحب سويت
اليده : عيل الود وامل اقسمو حق حمدان بنطرشله
الود وامل : انشاء الله
وراحن المطبخ يسون سويت
انروح حق حمدان
عنده ابوه واعمامه
بو حمدان : حمداان بغيت اخبرك بشي
حمدان : شوو ؟؟
بوحمدان : ابويه ثرك تعرف انك من متي وانت في غيبوبه
حمدان وبدي ينشغل باله : هيه اعرف
بوحمدان : احين لازم تخضع لتمارين
حمدان واهو مستغرب : تمارين شو ؟؟
بوحمدان واهو خايف علي ولده انه مايتقبل هل الشي : تمااريين المشي
حمدان سكت فجاه وعقب رمس : يعني انا احين مشلوول كنت حااس اني ماروم احرك اريولي واجوف ليش الدكاتره ايبولي كرسي يوم اريد شي ( سكت اشوي ) ليش ماخبرتوني ليش يا ابويه ونزلن كمن دمعه من اعيونه
بو حمد : الغالي بتمشي بس لازم اتسوي تمارين حق اريولك وانشاء اله بتغدي احسن من اول
بوحمدان : هيه فديتك بس يبغيلك وقت يعني لمده شهر انت قول متا تبا تبدا وخبرنا
حمدان واهومضايق : ابوويه خلوني بروحي دخيلك
بومايد : خله يا احمد يرتاح ويفكر
بوحمدان : انشاء الله
وظهرو من الغرفه وراحن ييلسون في الكفتريا الي في المستشفى
حمدان واهويفكر ( احين عقب ما عرفت انه الود تحبني شرات ما احبها وقلتها مابتخلى عنها اظهر في النهايه ما امشي ) عقب رد قال ( الدكتور قال اني اقدر امشي بس يحتايلي تمارين انشاء الله من باجر بدا تمارين بس الي اريده انه الود ماتعرف )
بوحمدان : يلا انرووح عند حمدان
بوحمد : خله اشوي عقب بنروحله
بوحمدان : الي تشوفه بس قلبي ماكلني عليه
بومايد : عيل روحله وتعالنا احنا قاعدين
بوحمدان : غايتيه انا رايح عيل
وراح عند حمدان اول ماحدر لقي حمدان سرحان وقطع تفكيره
بوحمدان : حمداان ابوويه
حمدان واهو توه ينتبه : لبيه
بوحمدان : ابويه انت فكر وخبرنا من متا مابغيت قولي
حمدان : ابويه انا فكرت وخلصت
بوحمدان : هابشر
حمدان : من باجر بدا بس بشرط ماريد حد يعرف من البنات
بوحمدان واهوفاهم قصده منو : انشاء الله ابويه
نرجع حق الي في البيت
اليده : يو ميثه زهبتن الغدا ثره عربانا علي وصول
ام مايد واهي يايه من المطبخ : هيه عمتيه
الود : ريموه مهو هيا الي فوق
مايد : ليش عندج حرب
الود : لا بس امور بنات مايخصك
حمد : ههه عجيبه
الود : يلا نقلع
مها وريم : نقلع
شوق : الله يكملكن بعقلكن انا بعد باروح اغير ملابسيه
امل : انا بعد
وراحن يغيرن ملابسهم وحمد ومايد راحو الصااله الي براعيه يستقبلون الضيوف
اليده واهي اترحب : يامرحبا الساع حيااكم توه مازارتنا البركه
ساره الي امها موزه : هلا والله خاالتيه اشحاالج ربج الا بخير
اليده : بخير وسهااله من صوبج
ساره : بخير مانشكي باس
ام حمد واهي ياايه : ياامرحبا بسااره
ساره : مرحبتين اكبار اعلومج فاطمه عسااج بخير
ام حمد : بخير يعلج الخير ماشاء الله هذي بنتج
ساره : هيه هذي شما
ام حمد : هلا والله حبيبتي اشحاالج
شما : يسرج الحال (وراحو يقعدون)
اليده : الي اتخبرج ساره وينها ختج نوره فديتها مايت معاكن
ساره : نوره ومي بنتي تمن عند اماايه ماحد عنها
اليده : اعلوم سعيد فديته ماشفته
ساره : مع الرياييل
ام مايد وام حمدان توهن ياايت : السلام عليكم
الكل : عليكم السلام
ام مايد وام حمدان ايروحون ايوايهون ساره وبنتها
وقعدن الحريم ياخذن اعلوم الثانيه
ونزلن امل وشوق قبل راحت شوق اتسلم ووراها امل
شوق : هلا خالتيه اشحالج
ساره : فديتج ياشواقه كبرتي وغديتي حرمه
شوق مستحيه : هيه كبرنا واتغيرنا
وراحت اتوايه شما وامل راحت اتوايه ساره
ساره : اكيد انتي اموله طبجتها لازم معاها
امل واهي اتظحك : ههه هيه
وقعدت ساره : اعلومكن بنات واعلوم الدراسه معاكن
امل وشوق : بخير
اليده : عيل وين مها والود والريم
امل : احين ياايات
واشوي نزلن البنات وكل وحده اتقول حق القمر روح وانا بقعد
ساره يوم جافت البنات تمنت لو وحده منهن هب مخطوبه
الود واهي تمشي مشيتها الشيوخيه الي خلت ساره تنعجب بالود
الود واهي تبتسم : هلا والله خالو اشحالج ( واتوايها )
ساره : يسرج الحال غناتي من صوبج
الود : بخير مانشكي باس
واتروح اتواايه شما : هلا والله شميم اشحاالج اتغيرتي ؟؟
شما : اعرف كل حد يقولي اعلومج انتي اتغيرتي ودوه
الود : شي اكيد للحسن
الريم : مدااح نفسه يااباله
قبل لا اتكمل ريم جملتها الود قاطعتها : يباله بووسه
واتروح الريم اتوايه ساره وعقب يت مها
ويلسن البنات مع بعض
ريم : بنات شورايكن نظهر خاري الجو يجنن
البنات : اوكي يلا
وظهرن البنات
مها واهي الفضول ذابحنها : اقول شموه
شما : قولي
مها : انتي عندج اخت صح
شما : هيه مي بس مايات معنا
مها : ليش؟؟
الريم : انتي شولج تتخبرين
شما : لا عادي خليها
مها : سمعتي قالت خليها كملي ليش مايات
شما : مع خالتيه نوره تمن عند يدووه
الود : شموه انتن بس 2
شما : لا احنا 4
ريم : والله انا على بالي 2
شما : لا
الود : الثانين اكبر عنج ولا اصغر
شما : اكبر
مها : اولاد ولا بنات
شما : جوفي عبدالله عمره 25 وعقبه سعيد عمره 23 وعقب انا وعقب مي
الود : اتعرفين توني اعرف انه عندج اخوان اكبر منج
شما : والله
الود : هيه
مها : في حد منهم مزوج
ريم وهيه اتنرفزت من مها : عنبو مهو خليتي شي ماقلتيه اذا مزوج ولا هب مزوج انتي شولج بتزوجينه
شما : ههههههه خلها عادي فديتج اسالي
مها : سمعتي قالت خليها مالج خص فيه
شما : هب مزوجين
الود : شمو انتي بدشين أي جامعه
شما : انا بزوج وبكمل دراسه في كندا
الود : لييييييش حراام مابتكونين معانا؟؟
شما : نوو
ريم : متي بتزوجين ؟؟؟
شما :بدايه 8
مها : منو بتاخذين ؟؟
شما: ولد عمي
الود : ياحيج بتكملين دراسه برع
شما : وييييييو حره
الود : عادي الي بيخاذني بقوله يدرسني برع
ريم : هب كيفج ما اقدر استغني عنه
شماا : هااا ودوووه اعترفي منو ؟؟
الود : ماااحد هااي جذووب
الريم : لا اصلن الود امحيره حق حمدان اخويه
شما : حمدان الي في المستشفي صح ؟؟
الريم : هيه
شما : اخوانيه ايعرفونه
مها : هيه ثرني سمعت مايد اخويه يقول حق حمد ولد عمي انه عبدالله وسعيد يااين عاد انا ماعرفت انهم اخوانج
شما : اها
الريم : عمج سعيد هو الي مع ابويه في السفاره صح
شما: هيه
الريم : انا يوعانه حد يبا شي من المطبخ
الود : ريمو يبي السويت الي انا امسوتنه بس خلي واحد حق حمدان
الريم : اوكي وبعد
مها : عصاير
الريم : اوكي
راحت الريم المطبخ من الباب الخارجي
انروح حق الشباب
حمد: ههههه ياخي اقولك عنه يااهل
عبدالله : ههه صدقك مايد وسعيد عقلهم عقل يهال
سعيد : انا احين يااهل افا
مايد : بو عسكور عادي اتقبلها برووح رياااضيه
سعيد : لا عاد انا ما احب الريااضه
حمد وعبد الله : ههههههههه
عبد الله : حلوه حلوه
ماايد : اوو شت ليش مارقميتها هههههههههه
عبدالله :هههههه الله ينطب سوالفك المهم اخلاف بنروح حق حمدان وعقب بنظهر
مايد : هيه اوكي
عبدالله بدي يكح
حمد : صحه صحة تبا مااي
عبد الله : لا مايحتاي
سعيد : عادي هب اول مره جيه يكه
عبدالله وبدت الكحة تزيد عنده
مايد : لحظه باروح اييبك مااي
عبدالله : مايحتاي انت قولي وين المطبخ وانا باارووح
حمد : مايصر ياخي انتو يااينا المفروض احنا الي نقوم
عبدالله : والله ماحدايرووح انت بس قولي
حمد : اول ما تظهر لف من وراء البيت وبتحصل بااب روحله
عبالله : اوكي
وظهر من عدهم واهوبعده يكه
والبنات ماكانن منتبهيله لانهن يسولفن
ظهر عبدالله وراح من ورا الفله وجاف بااب وفتحه اول مافتحة جاف بنت قاعده اتعدل شعرها الاسود الطويل
عبدالله يهود :هوود هود
ريم واهي اتفز من مكانها واتعدل شيلتها وتتحجب : هدي هدي
عبدالله : السموحه الشيخة بس بغيت ماي
ريم واهي تلتفت تجااهة وانصدمت يوم جافته : انت انت
عبدالله واهو شراتها : هيه انا انا
عبدالله يقول في خاطره ( واخيرن جفتج ولا وبعد عرفت انتي احين من بنته قلت هل الصوت مش غريب عليه )
ريم واقفه والصدمه امبينه عليها
عبداللله : شو مابتعطينا مااي
ريم : هااا
عبدالله : الغاليه بغيت ماي
ريم توها استوعبت : انشاء الله>>> صبتله مااي ويلسته علي الطاوله وشلت الاغراض الي اتريدها وظهرت من المطبخ واهي اتفكر في الي صاار
ريم اكيد هذا اخو شماا بس أي واحد فيهم ماشاء الله عليه احليو وانا شولي يمكن بعد يحب بس بتخبر شمو عنه ولا لا احسن ما اخبرها بتقول هذيل ميتين علي اخواني غربالله عدوج يامهوماخليتي سوال ماسالتيه
وارجعت حق البنات واهي بعدها اتفكر
الود : عنبو ريمو شو سويتي هل الكثر اتاخرتي
ريم : لا ماشي بس الين ماقعدت اعدل الاغراض
شما : المهم خلونا شوقلتن بتن
الود : ماعرف يمكن مايخلونا
ريم : وين
مها : انروح معاها المستشفي وعقب انروح نتسوق
ريم : هيه صح انا بعد اريد اروح اخذلي شي حق الجامعه
الود : انا بعد
مها  وانا حق المدرسه
شما : احليلج احنا اول سنه جامعه وانتي ثالث السنه
مها : هيه بصيح
الخدامه واهي ياايه : قيرز كم انسايد يور ماذر سيد
ريم : اكيد حطو الغدااا
الود : مليتا كم تيك ذيس ان يوبت ان ذافريج
وراحن البنات داخل يتغدن وعقب الغدا راحت ساره وبنتها واولادها المستشفي
وراحن البنات مع امهاتهن المستشفي وعقب رجعن البيت لانه اليده مارضت ايروجن البنات السوق

 

 

  رد مع اقتباس
قديم 03-11-2008, 10:31 AM   رقم المشاركة : 21
شـﮱـۈؤטּـﮱـي...}~~
عضوية خاصة
 
الصورة الرمزية شـﮱـۈؤטּـﮱـي...}~~ 




معلومات اضافية 
  النقاط : 9972
  الجنس :
  الدولة :
  الحالة :
الرسالة الشخصية

التقييم

افتراضي

 

 

هل ريم بتحب عبدالله ؟؟؟؟
هل الود بتعرف انه حمدان مايمشي ؟؟؟؟



اه من قلب غدا حبه جنوني 000
واه من خلن علي بالي طارا 000
لي سطاه فالروح تملك شجوني 0000

في المحبه ياعرب لا تعذلوني0000

لانه حبه في فواده قد سراا 0000


مرت الايام وحمدان يمارس العلاج وابطالنا يمارسون حياتهم الطبيعيه


بو حمد وهو حادر البيت مع بو مايد
بوحمد وبو مايد : السلام عليكم
الكل : عليكم السلام
اليده : اشحال حمدان فديته
بو مايد : يسرج حاله الحمدالله اتحسن بواايد عن اول
الكل : الحمدالله
بو حمد : امايه ثرنا بنرجع الامارات هل الخميس عقب 4 ايام
اليده : ويدي اشعنه انروح وانخلي الصبي برووحه لا لا انا هب راايحه
بو مايد : امايه الحمدالله حمدان احين هب محتايلنا واحمد ثره بيتم اهنيه والعيال حمد ومايد
واحنا بنرجع حق الاشغال
اليده : لاحقين علي الاشغال وانا من يظهر حمدان برجع معاه
ام حمدان : عمتيه الحمدالله حمدان مافيه شي واحنا بنلحكم عقب اسبوع
الود من سمعت ام حمدان اشقت واتقول في خاطرها ( يااي فديته متي يظهر ويرجع الامارات )
اليده : يعني هو متي بيظهر ؟؟؟
ام حمدان : اذا انتو بتروحون هال الخميس احنا بنرجع الخميس ولا السبت لانه خلص علاج وبيكمل علاج في الامارات
اليده : عيل خلاص بنروح هل الخميس
ابو مايد : عيلل خلاص انتو رتبو اموركم واحنا بنخلص اجراءات السفر
مها : ابوووويه كيف انرووح واحنا ما اشرينا اريد ارووح اخذ شي حق المدرسه
امل : هيه حتي انا اريد اخذ حق الجامعه
الود : ميتو  باااااباااااااتي
بو حمد : عونج غناتيه
الود واتروح تقد عدال ابوها
ام حمد : يالله ياملقها هل البنت
ام حمدان : تستاهل الزينه خلها تتبزي احلي مافيها دلعها
الود متشققه : باباه
بو حمد : امري
اليده : امف عليج يعريه شو كبرج وباباه يوم نوروه بنت خالد ماتقول باباه
الود : انزين  خلاص بس مابقول كلتونيه
بومايد : لا تزعلون حبيبتيه ما ار ضي عليها
الود : فدييك ياعمي ماحد فاهمني غيرك
بو حمد : احين ماحد فاهمنج غير عمج وانا يامسوده الويه
الود : ابوويه حراام عليك انا مبيضه هب مسوده
الكل :هههههههه
الود تكمل حديثها : ابويه شو رايك دام قوم عمي بيتمون اهنيه انا اتم معاهم
ام حمد : امره سكيها هاي السالفه ماشي اتمين اهنيه بترجعين معانا هب ناقصه خبال
الود:  افا يعني احين انا مينونه
بوحمد: لا فديتج حشاج بس ما اصبر عنج انا
الود : انزين خلاص بس برووح معاكم 000 وراحت تقد عدال البنات
مها : اونج عاد بتدهنين سيرهم
الود : حراام ماريد ارجع
شوق : خلاااااااااص ارضي بالوااقع
امل : حليلج ماتنفع محاولاتج
الريم : حراااااااااام بفتدكم وااااااااااااايد
شو ق : احين الي يسمع مابتجوفون بعض ماجنه الا سبوع
الريم : اعرف الاسبوع ثره عندي شهر
مها : اففففففففف
امل : وانتي شو فيج الثانيه
مها : ملانه بموت ان ماظهرت شو هاي الحاله
الود : يامج كلنا ملانات اف احين ماشي ظهره وماعرف شو
الريم : انا عندي فكره انقولهم انه بنروح عند حمدان وعقب بنظهر مع حمد ومايد
شوق: هيه جيه يدوه مابتقول شي
الود : خلاص انتن احين ارمسن انا مافيه اخر شي يدوه بجوتني
الريم : لا انا الي بقول حق يدوه
راحت الريم عند اليده
الريم وهي تقعد عدال اليده : يدوه فديتج
اليده : لبيه امايه
الريم : الغاليه توه حمدان متصل يقول يباني ايبله كمن حايه وبخلي حمد ومايد ويودونا بتخاوينا ؟؟
يدوه : لا فديتج ماروم اظهر تعابانه روحو انتو
الريم تسوي حق البنات حبتين
الريم : ابويه هب اهنيه صح
ام مايد : هيه فديتج هب اهنيه عند حمدان
بو حمد : ريم فديتج دقي حق مايد ولا حمد ايونكم اتروحون
الريم : ليش عمي انتو مابتروحون
بو حمد : لا غناتيه انا تعبان باروح انام
الريم : اوكي
وراح بوحمد ينام والريم راحت عند البنات
الريم : ليتس قوو قير
الود : يلا نقلع لنغير ملابسنا
امل : ياميانين دقو انزين حق حمد ولا مايد
الود : ريمو كملي مهمتج ودقي حق حمود ابسرعه
الريم ظهرت مبايلها من جيبها ودقت حق حمد
حمد : الوو
الريم : هلا والله في ولد عمي
حمد : هلا والله ريم اشحالج
الريم : بخير مااشكي باس
حمد : امري شو بغيتي
ريم : احم احم مايامر عليك عدو تقدر اتي اتشلنا وتيبنا عند حمدان ولهت عليه وماحد بيبنا شورايك اتي اتشلنا
الود تسوي حركات حق الريم واتشرانه تكون حزينه
حمد :فالج الطيب يابنت عمي انتي تامرين امر احين ياينكن يلا اتزهبن وان ماظهرتن بسرعه لا اروح عنكن
الريم : انشااء الله خمس دقايق واحنا مخلصين
سكرت الريم عن حمد وراحن يجهزن البنات
عند حمدان في المستشفي
حمدان : شو كانت اتريد ريم
حمد : ماشي الا تريدني أي اخذهن يبن اين اهنيه
مايد : عيل رووح انت يبهن وانا بقعد اهنيه مع حمدااااانوووووه
حمدان : ميود انا هب اصغر اعيالك حمدانوه
مايد : كيفي ياخي
حمد : يلا تامرون بحايه انا رايح
حمدان : لا سلامتك تيكير
حمد : يلا بباي
وظهر حمد من عند حمدان وراح ايب البنات

انروح لخالد وميره

ميره : خاااااالد حبيبي قووم
خالد : بس خمس دقايق
ميره : خالد بمووت قوم احس اني بولد
يفزخالد من نومه : شوو
ميره : أي بمووووت الحقني خاالللد
يروح خالد بسرعه يغير ملابسه ويدق حق سلطان اخوها
خالد: بوميد الحق ميره بتربي وماعرف شو اسوي امايه هب اهنيه انا احين رايح المستشفي تعال اهناك مع خاليته
سلطان : اوكي أي مستشفي ؟؟
خالد: الكورنيش يلا ببااي
سلطان: باي
وراح خالد المستشفي ودخلو ميره غرفت العمليات وبعد خمس دقايق وصل سلطان اخو ميره ومعاه ام ميره وغلا
ام ميره واهي رايحه جدا خالد : هاا بشر ولديه شو قالو
خالد : ماعرف ياخالتيه الدكتوره بعدها ماظهرت
ام ميره : قعدت تدعي انه يقوم بنتها بالسلامه
عقب ساعه ظهرت الدكتوره والكل راحلها
خالد : هابشري دكتوره
الدكتوره : مين فيكم زوجها
خالد : انا زوجها خير ؟
الدكتوره : ميره حالتها وايد خطره ولازم انولدها عمليله لانو حالتها اكتير خطريه وبيشكل خطر لبيبي اخصوصن انو توام
خالد: اكيد دكتوره لو ولدتوها عمليه ماراح ياثر عليها
الدكتوره : لا انشاء الله انا لازم اروح لانه أي تاخير يسبب خطر لبيبي ولها
حدرت الكتوره غرفة العمليات وتم خالد وام ميره وغلا وسلطان ضاربنهم حفوز مرت ساعه عليهم وساعه ثانيه والدكتوره الين احين ماظهر والكل كان متروع
عقب ساعه ظهرت الدكتوره والكل راحلها
ام ميره : هاا بشري
الدكتوره والابتساامه علي ويها : الحمدالله المدام بخير والبيبي بعد هي نايمه دل واتي
قعد خالد علي اول كرسي وحمدربه
ام ميره : تستاااهل سلامتها الغالي
خالد: الله يسلمج اماايه
سلطان وايروح يوايه خالد: تستاهل سلامتها
خالد : الله يسلمك
غلا : مبروووووووك مالي خص اتسمون البيبي اذا كانت بنت عليه
خالد: لا الله لا قال تظهر عليج مافينا
واشوي ظهرت النيرس وهي معاها التوام ورايحه الحظانه
والكل راحلها
خالد واهويجوف البيبي : يالله محلاهم يجنون
غلا : هيه فديتهم وفديت اعيال ختيه
ودت النيرس اليهال الحظانه ورااح سلطان يتخبر عن غرفت ميره وعقب الكل راح يجوف ميره
وهم في غرفت ميره
خالد : خالتيه روحي البيت ارتاحي وباجر تعالي
ام ميره : أي باجر احين الساعه 4 ونص الفجر
سلطان : هيه امايه تعالي اوديج البيت ترتاحين وعقب ايبج اهنيه وميره مابتقوم احين لاتنسين هيه احين تحت تاثير البنج
خالد: هيه خالتيه
ام ميره : خلاص شوركم وهدايه الله بس اول ماتصحي اتسويلي تيلفون
خالد : انشاء الله فالج الطيب
ام ميره : فالك مايخيب الا اتخبرك ابويه
خالد : امري
ام ميره : مايامر عليك عدو نوره وين
خالد : نوره في البيت مع بشكارتها
ام ميره : عيل بروح اشلها عن اتقوم ماتلاقي حد
خالد : اوكي روحي شليها انا احين بادق حق الخدامه بخليها اتجهز اغراضها
غلا : ماعليه نوروه الدبه في الحفظ والصون لا تخاف بخليها عندي عاد اذا نرفزتنيه لا اجوتها من غرفتيه
خالد : لا عيل استريحي اريدها بنتي
سلطان : ماعليك منها هاي اتسويها
خالد: غلوه ان سويتي شي في بنتي ياويلج
غلا : امزح ياخي كليتنا الا هيه نوروه
ام ميره : شو هب ماليه عينج
غلا : لا مالتنها ومن كثر ماهي مالتنها بتظهر بعد
ام ميره : انا ماعرف من وين يايبه هل اللسان مطوله
غلا : منج الحب مايطع الا علي بذره
ام ميره : يامسوده الويه احين انا لساني طويل
غلا : حشاج امايه سليطين هو الي لسانه طويل
سلطان : حدج عاد طوفي جدامي وايد تهذربين
ام ميره : تامر علي شي ابويه
خالد: لا سلامتج الغاليه
وظهرو من الغرفه وتم خالد قاعد عند ميره

 

 

  رد مع اقتباس
قديم 03-11-2008, 10:32 AM   رقم المشاركة : 22
شـﮱـۈؤטּـﮱـي...}~~
عضوية خاصة
 
الصورة الرمزية شـﮱـۈؤטּـﮱـي...}~~ 




معلومات اضافية 
  النقاط : 9972
  الجنس :
  الدولة :
  الحالة :
الرسالة الشخصية

التقييم

افتراضي

 

 

دنيا وفيها رمش العاشق وانا حبيبي علي كيفه يمشيني0000




اربع جهات ضاعت في سواليفه روما غدا لي وله درب لي يوديني 000

اليوم الكل قاعد يجهز اغراضه عسب بيرجعون الامارات
اليده : يوو ريم ريييم
ريم واهي يايه : امري يدووه
اليده : اتصلي فديتج حق ابوج يالله نبا انروح حق حمدان فديته وبسلم عليه
الريم : انشاااء الله احين باروح ادقله
راحت ريم ادق حق ابوها

نرجع لميره وخالد
قامت ميره من النوم وهيه تتلفت يمين ويسار انتبه خالد الي كان نايم علي الكرسي
ميره : حبيبي قووم رووح البيت ارتااح
خالد واهوينتبه علي ميره وابتسمالها احلي بتسامه : الحمدالله علي السلامه حبيبتي
ميره واتردله الابتسامه : الله يسلمك الغالي
خالد : ميرووه ليش ماخبرتيني انهم توم
ميره وهيه تبتسم : شو رايك في المفاجأه حلوه صح
خالد : يعني كنتي تعرفين انهم تؤم
ميره تهز راسها بهيه ويقوم خالد من مكانه ويروح يقعد عدال ميره وباسها علي خدها
خالد: وحياتج احلي تؤم
ميره : اعرف دامهم اعيالنا لازم يكونون حلوين اقول حبيبي
خالد : امري
ميره : دقيت حق خالتيه خبرتهم
خالد : اووه شت نسيت اتصدقين
ميره : انزين دقلهم مايصير مايعرفون
خالد واهويظهر تيلفونه من مخباه : احين بدق
ميره : اوكي عيل انا احين باروح الحمام
خالد : ازقرلج النيرس
ميره : لا ارووم نشت بكل صعوبه واهيه تتالم
خالد : حياتي خليني ازقرلج النيرس
ميره : لا مايحتاي انت بس امسك اديه الين الحمام
ومسكها خالد ودخلت هيه الحمام واهو اتصل علي ابوه
بو خالد : مرحبا الساع ياحي هل الصوت
خالد : المرحب باجي اشحاالك الغالي
بو خالد : يسرك الحال ومن صوبكم واعلوم ميره ونوره
خالد : يسرك حالهم ابويه وانتو اعلومكم ربكم بخير
بوخالد : بخير مانشكي باس
خالد : وحمدان اعلومه واعلوم العلاج معاه
بو خالد : الحمدالله وبيرد انشاء الله الاسبوع الياي
خالد : الحمدالله ابوويه لك بشاره
بوخالد : شو هيه
خالد : اول قولي شو البشاره
بوخالد : الي تامربه
خالد : هيه جيه اوكي بااركلي ابويه ميره ربت
بوخالد والفرحه علي ويهه : مبرووووك الغالي شو يابت
خالد : يابت احلي توم بنت ولد فديتهم
بوخالد : ماشاء الله تؤم يتربون في عزكم انشاء الله
واهنيه ظهرت ميره من الحمام
خالد : ابويه ميره تبا ترمسكم 00 وعطاها اليتلفون
ميرا : مرحبا ملاييين ولا يسدن في ذمتيه اعلومك الغالي
بو خالد: المرحب باجي فديتج اعلومنا طيبه مبروك
ميرا : الله يبارك في حيااتك ها عمي متي بتون ؟؟؟
بوخالد : انشاء الله باجر
ميرا : باااجر!!!
بوخالد : هيه الغاليه لانه حمدان خلاص بيرجع الاسبوع الياي
ميرا: اها انزين عيل عمي مابنطول عليكم
بوخالد : انزين الغاليه تامرون بحايه
ميرا : سلامت راسك سلم عليهم
بوخالد : يبلغ انشاء الله يلا فدااعت الله
ميرا : بحفظ الله
سكرت ميرا من بو خالد ويا خالد وقعد عدالها
خالد : حياتي بشو تحسين احين انشاء الله احسن
ميرا وهي تحط راسها علي السرير واتغمض اعيونها : هيه الحمدالله
خالد : احسبج تعبانه
ميرا : لا عادي لا تحاتي
خالد : كيف ما احاتي وانتي حياتي
ميرا : انا بخير اتخبرك وين نواري
خالد : اوه شت نسيت اتصل في امج واخبرها انج قمتي اسميها اتحاتي
ميرا : هيه دقلها اريد غلوه اتمر البيت اتيبلي ملابس
خالد :اوكي ودق حق غلا
غلا : مرحبا ملاييين بو غلا
خالد: مرحبا ام لسان
غلا : شت شت اسمحلي انا ما اقبل اتقولي ام لسان علي الاقل ام لسانين اهون
خالد: ههههه اسميج انتي سوالف
غلا : مايحتاي امر
خالد : ما يامر عليج عدو خبري خالتيه انه ميرا صحت وتباج اتيبيلها ثياب
غلا : فينها هيه يا ابني عاوزه اطمن عليهاا
خالد : ماتريد اتكلمج ماريد حرمتيه اتغدي شرااتج مينونه
غلا : يااسلام احين انا مينونه يا خويلد
خالد : هيه
غلا : اقول عطني اختي احسن منك فديتها وينها ولهت عليها ما اكلمك ولا تكلمني لمده قرن من الزمان
خالد واهويظحك علي خبال هاي البنت : هه اندووج يامج التيلفون كلتنا ختج
ميرا واهي تاخذ التيلفون من عند خالد : الو
غلا : مرحبا ملايييين ولايسدن في ذمتيه وان زادن فلا باس اعلومج عساج بخير شو اصبحتي واعلوم اليهال ربهم بخير
ميرا : خـيـبه خيــبه اشوي اشوي عليه في سوال ماسالتيه
غلا : مالت عليج احين انا اوفر عليج كلام وانتي اتقوليلي جيه احمدي ربج اني اعابل بنتج الشيطانه ثره عادي احين اروح افرها من البلكونه اخذ بثاري
ميرا : اتهبين اتسوين شي في بنتي تبيني الا اقوملج خلودي حبيبي روح يب نوروه مافيه هاي بتذبح بنتي
غلا : ههههههههه شو فيج عصبتي الا نوروه هاي
ميرا : اقول ماما بسج هذربه اريدج اتروحين البيت واتـيـبيلي ملابس واتيبين معاج نواري فديتها ولهت عليها وخبري امايه
غلا : اوكي اوامر ثانيه الشيخة
ميرا : لا سلامتج ياالله اقلبي ويهج
غلا بشقاوه : أي صفحه هه
ميرا : الي تبغينها
غلا : يالله ببااااي
ميرا : باااااي
خالد : الصراحه هاي ختج عجيبه اذكرتني في ودوه ومهو
ميرا : هيه ثرها الا ربيعتهن لازم
خالد : وانا اقول بنات العايله كلهن مخبل
ميرا : انزين حبيبي
خالد: عونج
ميرا : وين اليهال مايابولي اياهم اريد اشوفهم
خالد : في الحضانه عقب بيبولج اياهم
ميرا : يعني مايصير احين
خالد : نو ما يصير
ميرا : شو في خاطرك اتسميهم
خالد : انا مافبالي اسم وانتي
ميرا : انا في خاطري اسمي بنتي قمر
خالد : وربي انها قمر احس انها اتشابه ودوه يوم صغيره وتاخذ ملامح مني
ميرا : ماشاء الله كل هذا ظهر في بنتي عيل الولد شو
خالد : الولد فديته غير حلو وبيعق البنات عقه
ميرا : ههه خله يكبر اول عقب قول
خالد : انزين خلاص البنت اسمها قمر اسم علي مسما والولد منصورشورايج
ميرا: تم حلو اسم منصور
خالد : خلاص عيل انا احين بخليج فديتج بروح البيت بتسبح وبغير وعقب باروح اسجل اليهال
ميرا : لا الغالي روح ارتاح اول عقب سجلهم
خالد : لا ماعليج بسجلهم وعقب بروح ارتاح تامرين بحايه
ميرا : سلامتك
خالد يروح يطبع علي خدها بوسه : يلا فداعت الله
ميرا : ربي يحفظك

 

 

  رد مع اقتباس
قديم 03-11-2008, 10:33 AM   رقم المشاركة : 23
شـﮱـۈؤטּـﮱـي...}~~
عضوية خاصة
 
الصورة الرمزية شـﮱـۈؤטּـﮱـي...}~~ 




معلومات اضافية 
  النقاط : 9972
  الجنس :
  الدولة :
  الحالة :
الرسالة الشخصية

التقييم

افتراضي

 

 

في المانيا

حمدان : ههههههه الله ينطب سوالفك ياميود
مايد : ههههههه ليش
حمد : عيل هاي سوايا اتسويها
مايد : ماسويت شي
حمدان : باااين
حمد: حمدان مابيون قوم عبدالله
حمدان : مادري بس قالو بيون
مايد : انزين دقلهم جوفهم لنه قوم امايه بيون عن ايون وهم يكونون اهنيه
حمدان : اوكي 0000 ودقالهم حمدان
عبدالله : مرحبا ملايين في الشيخ حمدان
حمدان : احم احم يا مرحبابك والله
عبدالله : اعلوومك ربك بخير
حمدان : بخير وسهاله
عبدالله : دوم هب يوم واعلوم عرباانك
حمدان : والله اعلوم الخير
عبدالله : هاا متي بترد الامارات
حمدان : والله علي الاسبوع الياي انشاء الله وانت متي بتينا
عبدالله : والله عقب يمكن
حمدان : ياامرحبابك والله حيااك
عبدالله : الله يحيك واعلوم الشباب
حمدان : هكم عندي
عبدالله : سلم عليهم وقوولهم الشيخ عبدالله يسلم عليهم
حمدان : عدال ياخي مافينا علي خقت بني جتب
عبدالله : ههه شفت عاد
حمدان : يردولك السلام
عبدالله : انزين عيل الغالي تامرنا بحايه
حمدان : لا سلامتك
عبدالله : الله يسلمك يلا فداعت اللله
حمدان : ربي يحفظك
مايد : ها امتى حييقي يابني
حمدان : مش دل واتي يابابا
حمد : اوه هاي الود داقه
حمدان فز قلبه من طرا حمد اسم الود
حمد : مرحبا ملايين في الغرشوبه
الود : احم احم نعم امر شو فلوس ماعندي مسجات ماعندي اغاني ماعندي رصيد ماعندي
حمد : مالت عليج انا هب ياي اطر منج عاد
الود : هههههه ادري فديتك انزين حمادي ماماتي تسال عنكم
حمد : قوليلها اشوي وبني نشلكم
الود : اوكي انزيننننننن حموود
حمد : امري تدللي
الود : انت اخويه الوحيد وانا ختك الصغير الود الحلوه الامووره ( وهيه تتكلم حمد يسوي حركات في ويه جنه عارف طلباتها) والود وهي تكمل كلامها يعني يرضيك اكون زعلانه ومضايقه
حمد : لا ابدن
الود : يريضك انه امسوينا طااف نبا نروح السوق نشرى حق الجامعه وانا احين بدخل الجامعه يعني لازم اشرى ملابس عسب يعرفون اخت حمد لازم تكون كشيخة
حمد : خلصتي القصه ولا بعد
الود : حمااااااد شو قصه ماقصه اكلمك انا احين
حمد : انزين شوقلت
الود : قاعد تطنز حاضرتك
حمد : ابدن انا اطنز علي الشيخة الود لا مستحيل
الود : والله حمد جوف باجر احنا بنرجع نبا نروح نشرى ويدوه ماتخلينا نروح لازم انتو اتكونون معانا
حمد : انزين عقب بوديج ارتحتي
الود : امواااااااااااااااااااح ياحبيبي احبك ياخي
حمد : ههههه مالت علي المصلحة
الود : ياخي شو اسوي لازم اتمصلح عسب تحسون فينا
حمد : انزين يا ماما بسج هذربه
الود : اوكي فديتك نترياك جوف يوم بني المستشفي بنقعد خمس دقايق وعقب بنظهر ويدوه اكيد بتم مابتي معانا
حمد: بعد مخططه الحبيبه
الود : لازم عسب نظمن
حمد : اوكي فديتج يلا ببااي
الود : جااو وسلم علي عيال عمي المخبل والمفاليع
حمد : ههه اسم حلو والله
الود : اكيد يلا جااااااااو
سكر حمد من عند الود هو يظحك علي خبال اخته المينونه
حمد : الشيخة الود بنت محمد اتسلم علي عيال عمها المخبل وامفاليع
حمدان: الله يسلمها اذا احنا مخبل عيل هيه العاقله ماشاء الله عليها
مايد : عيل حمد راوها ولا توديها السوق
حمد : مافيه ياخي حرام كسرت في خاطريه صدق والله ماظهرو من ين اهنيه
حمدان : هيه والله ظهرها حرام كله ولا الود
حمد : انزين يابويه بظهرها ماقلت شي
مايد : هيه بس ولا بعد القوم معاها
حمد : اكيد معاها عيل هيه احين بترمس عن نفسها لو عن نفسها بروحا جان قامت القيامه
مايد : انا ابا اعرف هاي علي منو ظاهره جيه ملسونه
حمد : اشدراني الله يعين الي بيضويها بيتخبل
حمدان : لا عاد هب لهدرجه بل العكس الا بيستانس كل يوم بتسويله مقلب من مقالبها
مايد : ياخي ابا افهم انت ليش كله ادافع عنها
حمدان وهو خاف انه شاك مايد انه يحب الود : ابدن بس انا اجوفها عاديه
حمد : المهم انا باروح أيـبـهن باي
حمدان : االله ويااك
ظهر حمد من عندهم

اممممممم انروح عند عبدالله
عبدالله قاعد مع شما اخته
عبدالله : اممم اقول شميم
شما : عوونك
عبدالله وهو هب عرف كيف يبدا : شمامي
شما : هلا امر
عبدالله : مايامر عليج عدو بقولج شي
شما : شو
عبدالله : تذكرين يوم كنا رايحين بيت هل حمدان
شما : هيه
عبدالله : كنت اكح فرحت المطبخ كنت اريد اشرب ماي فيوم حدرت جفت بنت هناك
شما وهي تذكر : هييييييييييه ريمووو كانت اهناك
عبدالله وهو يرمس نفسه : الحمدالله اسمها وعرفناه
شما : ليش ؟؟؟
عبدالله : لا بس اتخبر لاني هيه نفسها جفتها قبل في المستشفي
شما : اها
عبدالله وهو يستدرجها : مزوجه هيه صح
شما : لااا هيه قدي هب مزوجه ولا مخطوبه ولا شياته
عبدالله واهو ارتاح : اها علي بالي مزوجه
شما : اتخبرك انت ليش تتخبر عنها
عبدالله : لا ابدن
شما : اهااا
عبدالله : اوكي يلا قومي وين مي
شما : مع بنت خالو نوره
عبدالله : اها انزين يلا قومي بنظهر
شما : اوكي بروح ابدل ملابسيه
راحت شما تغير ملابسها وعبدالله تم يفكر في الريم

 

 

  رد مع اقتباس
قديم 03-11-2008, 10:36 AM   رقم المشاركة : 24
شـﮱـۈؤטּـﮱـي...}~~
عضوية خاصة
 
الصورة الرمزية شـﮱـۈؤטּـﮱـي...}~~ 




معلومات اضافية 
  النقاط : 9972
  الجنس :
  الدولة :
  الحالة :
الرسالة الشخصية

التقييم

افتراضي

 

 

0000احـــبك مــوت انا واحـــيا 000
000كثر ماحب انا ذاتي 0000
000من شر وبلا الدنيا 0000
0000 عليك كم انا احاتي 0000


الود كانت قاعده في المستشفي واتسوي حركات حق حمد عسب ايروحون السوق
حمد قاعد يكلمها في الحركات
ام حمد : انتو الاثنين شو فيكم ؟
الود : مااشي
حمد : اقول امايه؟
ام حمد : عونك غناتيه
حمد : انا بظهر وبشل معايه البنات
ام حمد : انزين شلهن امبونهن يبن يظهرن
حمد : يلا بنات قومن
الريم : واخيرن يانا الفرج
حمدان : ليش حبيبتي كنتي في سجن
الريم : هيه اتعرف عاد حكم غرغوش
البنات والشباب : هههههههههه
الود : يدووووووه
اليده : هاا امايه
الود واهي اتروح تقعد عدال يدتها وكانت امجابله حمدان
الود : يدووه هاا بتخاوينا ( وهي تدعي انه اتقول لا )
اليده : لا فديتج مافيه ما اقهر انا البرد اعضامي تتيبس عليه
الود : اها <<< والتفتت الود للبنات وتلاقت عينها في عين حمدان وتمت فتره واهي قاعده اطالعه وهو بعد الين مانتبهت وكلمت مها
الود : مهو
مها : هاا شوو
الود : بسج اكل يا درام قومي باجر بتغدين دبه وماحد بيضويج
مها : مشكلته هااي
اليده : عنبو خلي البنت تاكل الظهره مابطير
الود وهي تبتسم : هه لا يدوه ماشي وقت واحنا باجر بنرجع <<< من قالت الود جيه انقبض قلب حمدان
حمدان في خاطره خلاص يا ودوه احين مابشوفج

مها : ها خلصت يلا
حمد : يلا بنات خلصت الشيخة مها
مها واهي اتسوي حركات : احم احم يلا ورايه
الريم : مالت
الود وهي تفز واقفه وهي كلها شموخ : لا الشيخة انا ما امشي ورا حد <<< ومشت وراحت عدال الجامه تعدل شيلتها
وظهرن البنات وحمد معاهن والود كانت اخر شي لانها راحت عند امها تاخذ فلوس
والود وهي تفج الباب عسب تظهر
حمدان : الــود
والتفت الود اطالعه : لبيه
حمدان : لبيتي حايه اذا ماعليج امر قولي حق الريم تاخذلي العطور الي خبريتها عنهن
الود : انشاء الله تامرون بحايه
الكل : لا سلامتج <<< وراحت وراهم

**في الامارات**
ميرا قاعده وقمر بنتها في ثبانها : غلو اتجنن فديتها
غلا : هيه فديتها والله اتخبرج ليش سميتيها قمر
ميرا : الله يسلمج ها الاسم عايبني من متي والود فديتها قايله اونه بتسمي بنتها يوم بتيبها قمر وانا سرقت الاسم منها
غلا : هاي الهبله اول خل اتعرس وعقب اتسمي اسامي عيالها
ويندق الباب ويحدر خالد
خالد : السلااام عليكم
ميرا وغلا : عليكم السلا م
خالد : اعلوم الحلوين
غلا : بخير يسرك حالهم
خالد واهو يجعمها: انا ماقلت غلا انا اقصد حرمتيه وعيالي فديتهم
غلا : ميروووووووو جوفي ريلج كيف يجعم هذا يزايه اني قاعده معاكم واهتم في عيالكم اللوعه الي مايسكتون
خالد : شت شت كيف لسانج ماطوله بس يامج اكرمينا بسكوتج
غلا : خلاص ما اكلمكم لا تكلموني وانا امبوني قايله لا تكلمني اشعنه اتكلمني
خالد : غلا ماما اسكتي اشوي اريد اتخبر عن عيالي وحرمتيه واني ماخذتني في شراع وميداف
غلا : انزين خلاص بنطم ها
خالد : يكون احسن
ميرا : خالد
خالد : لبيه امري ياعيون خالد
ميرا : تسلم اعيونك باجر بيون قوم عمي
خالد : هيه باجر علي الساعه 10 فليل
غلا : يااااااااااي اسميني ولهت علي البناتات

في المانيا

شوق : املوه
امل وتلتفت علي شوق : همم
شوق : ايه وراء باجر عيد ميلاد ودوه
امل : والله
شوق : هيه لانه وراء باجر بيكون التاريخ 25
امل : شت نسيت ضاري هيه اتذكرنا
شوق : ادري هيه ناسيه فشو رايج ناخذلها هديه
امل : هيه وبقول حق العنز هاييل
شوق : اوكي من دون هيه ماتدري
وراحت امل اتقولهم طبعن الود ماتدري لانه امل قالتلها اتروح عند حمدومايد
الود وهي رايحه عند حمد
الود : ها حمد شو تريد
حمد : منو قال اني اريدج
الود وهي مفوله من املوه : هاي املوه السباله قالت انك تريدني
مايد : اتاكدي اول من المعلومه عقب تعالي
الود : والله لا اتجوف وراحت
عند البنات
امل : بس سكتن يت
الود : حاضرتج يا انسه امل اشعنه اتخليني اروح عند حمد وهو مايريدني
امل : امزح ياخي حرام يعني
الود : ياخي انا انسانه ما احب المشي حرام اتعب عمري علي شي مايسوا
شوق : انزين خلاص خلصونا
الود وهي تطالع البنت الي تمشي ومشبهة عليها : اقول ريموه
الريم : هممم
الود : هب جنها هاي شمامي
الريم وهي علي نياتها وتاشر من بعيد ومانتبهت علي الشخص الي معاها : هااااي شمامي << وايروحولها هي والود
شمامي فرحت يوم جافتهن : فدييييييييتكن والله واتوايهن
الود : شمووووووه حبيبتي اي مس يو
شمامي : ميتو اتولهت عليكن ياعنز
الريم : ايييييييييه احنا عنز ياعنزه
وعبدالله كان قاعد يراقب حركات الريم ويتفداها في خاطره
الود : شموه
شمامي : هلا
الود : منو ياي معاج
شمامي وجنها تذكرت شي : شت نسيت عبادي اخويه معايه
الريم ومش مهتمه : اها عيل بنخليج معاه نتلاقي عقب
شمامي : اوكي حبيباتي يلا سيو
الود : صح شمامي احنا باجر بنرجع الامارات
شمامي : لييييييييش ؟؟
الود : عسب قوم باباتي عندهم اشغال
شمامي : اها اوكي ترجعون بالسلامه وراحت اتحبها
الريم : يلا بنروح
شمامي : بباي
البنات : بباي
وراحن الكوفي عند الباجين
مها : اييييييه ياحمير وين رحتن عني
الود : جفنا شمامي ورحنا نسلم عليها
مها : لا والله وليش ماخبرتني
الريم : والله كنتي تشرين
حمد : يلا نروح
البنات : يلا
ورجعن البنات البيت
في غرفت الود
الريم وهي قاعده تطالهم وهن يحطن اغراضهن: ايييييييييييييييه بتوله عليييييكن وااااااااايد
الود ومها : نحن بعد
واتكمل الود اغراضها ومهايه بعد
الود : ريماني
الريم : هلا ودادي
الود : خذتي حق حمدان العطور
الريم : هيه اول شي خذتله فدييييييييييته اخيرن بيخلص علاج المشي
الود منصدمه : شوووووو

 

 

  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
آغ،ـلى شوكولـآ بالع ـألمـ ،، άłŜђǿǾǿġ الاكلات و الطبخ 17 23-07-2010 05:53 PM
مملوحة قطر ..... بعد غيبة طويله .. مملوحة قطر مرحبــا الساع 14 10-07-2009 09:51 PM
عودتي بعد غيبة طويله ‏άℓ3иέε∂αн-vίρ™ღ.,\~ مرحبــا الساع 9 18-01-2009 08:33 PM
احــبك من صغر سني ** ما بالغ من يوم ميلادي غرس زايـد قصص وروايات 45 07-08-2008 03:25 PM
عيد ميلادي بنوتة صغيرونة مرحبــا الساع 16 15-11-2007 03:14 PM

الساعة الآن 02:19 AM.


Powered by vBulletin® Version 3.8.7
Copyright ©2000 - 2019, Jelsoft Enterprises Ltd