رمزيات بلاك بيري خدمة تفسير الأحلام تصميم مواقع وصفات طبخ أعلن معنا


العودة   منتديات فريج دبي > فريج أم سعيد > قصص وروايات > قلم رصاص يسرد روايات

قلم رصاص يسرد روايات يختص في طرح الروايات


آخر المشاركات المطروحة في منتديات فريج دبي .



إضافة رد
 
أدوات الموضوع
قديم 31-10-2008, 11:06 AM   رقم المشاركة : 9
شـﮱـۈؤטּـﮱـي...}~~
عضوية خاصة
 
الصورة الرمزية شـﮱـۈؤטּـﮱـي...}~~ 




معلومات اضافية 
  النقاط : 9972
  الجنس :
  الدولة :
  الحالة :
الرسالة الشخصية

التقييم

افتراضي

 

 

غلا : اعرف يا حلوه
غلا : ميرووووه
ميرا : هلا
غلا : اتعرفين يزووي بنت عمي محمد
ميرا : شو فيها ؟؟؟
غلا : انخطبت
ميرا : ليش ماحد خبرني
غلا : اشدراني اماايه ماخبرتج
ميرا : لا وبعد خبريني عن اليديد
امل: ليش غلوه انتي عندج اخبار البيت كلها
مها : ماتكون غلا الي ماتعرف اخبار البيت وبعد اخبار اليران وجان تبين تعرفين شو صار في دبي والعين غلا ماتقصر في الخدمه
غلا : هب هباج الله عنلاتج بتحسديني
ريم : اقولكن جوفو ربيعت الود ماتشبه نانسي عجرم
شوق : لا ولا يخصها
ريم : فطوووووووووووووم يا السبااله ليش ماخبرتيني انج بتين
فطووم : هلا والله اشحاالج يا السبااله العووده
شووق : ههه فطوم ثرج انتي حيه وينج عنبو ماتتخبرين ولا اتين
فطووم : شو اسوي يامج مشااوير الدنيا
غلا : فطوم امنيه البنت الي معاج
فطوم : عنبو غلوه ماعرفتيها هااي حمدووه الي كانت تدرس معانا
غلا : لاتقولين
الود وهي يايه مع ربيعتها عنود : لا عاد قالت وراحت ااتوايه فطوم وحمده ربيهاتها
غلا : حمدوو يا الحيوانه اتغير شكلج
حمده : اعرف احلويت من دون ماتقولين
ميرا : اتخبركن انتن ماعدكن سوالف غير كل اشوي سباله ولا حيوانه
شوق : يهال ماينلامن
البنات كلهن بصوت وااحد : نـــــــعـــــــم
شوق : خيـبه كلتني
امل : شوقوه هاذيل كلهن من طينه وحده سكتي عنهن عن ينشلج نشه
وكملن البنات سوالفهن الين الساعه 11 وعقب كل وحده رجعت بيتها بس العايه تمت
ام حمدان : هاا حبيباتي الحلوين استانستن
اترووح الود وتحظن مرت عمها : واايد فديتج وتطبع علي خدها بوسه ( الود واايد تحب مرت عمها من يوم ماكانت صغيره وساعات اتقولها امايه )
ريم اتي: يااسلاااااااااام انسه الود هااي اماايه مش امج اهنااك امج واتاشر علي ام الود
الود : هااي بعد اماايه صح
ام حمدان : هيه فديتج
الود : خلاص انا بروح عند خالوه ميثا وعقب عند اماايه
ام حمد: توج اذكرتيني
الود : اماايه ثرني امجابلتنج 24 ساعه بس مش امجابلتهنم هذيل القمرين يومين
مها : ودووه حدج عااد كله ولا اماايه ما تقهر حد يبوسها
الود : عيل احين بتشوفين شو بسوي
رااحت الود وطبعت بوسه كبيره علي خد ام ماايد وعقب ماخلصت : شو راايج خاالوه
ام مايد : حسبي الله عبليسج عنبووه كسرتي خدي
شوق : خاالوه مره ثانيه اقرصيها شرات ماكنتي تقرصينا انا واملوه يوم كنا يهال
امل: ههههههههه تذكرين شوشو
شوق : ايام ماتنسي
ريم : اماايه وين ابوويه
ام حمدان : حبيبتي ابوج مع اعماامج رايحين دبي وهزري احين في الطريق
ام مايد : الله يوصلهم بالسلامه
ميراا : يل اخليكم احين انا راايحه تامرين بشي عمته
ام مايد : لا غناتي الا وينها نوره ماريتها اليوم
ميرا : رااحت بيتنا
ام مايد : هيه وحين رايحن اتشلونها
ميرا : هيه احين خالد يترياني خاري
ام حمدان : اشعنه ماحدر بيتقهوي
ميرا : مستعيل خالتيه
ام حمد : عاد قوليله المره الثانيه بيتعشا عدنا
ميرا : انشاء الله يلا فداعت الله
الباجين: الله يحفظكم
الود : سكووت سكووت الشيخة الود بتغني بتهديكم اغنيه
البنات : ايوااا عااشت الشيخة
ام حمد تحب تسمع صوت الود يوم تغني لانه صوتها ماشاء الله عجيب
الود: يلاببدي هاي الاغنيه اهدااء مني الي اماايه واماايه مريم واماايه ميثا
الامهات : تسلمين
الود : امي يا اول حبه عشته في دنياي يا اول اسمج تنطق اشفايه طاريج امي نظر عني وبسمه شفايا 0000
وبعد ماخلصت كلهن صفقن حق الود والود اتحيهن شرا المغنين
الود : اخجلتم تواضعي
ام حمدان : واايه انا علي الصوت الغاوي ماشاء الله عليج
امل : ودووه الله يخليج اغنيه ثاانيه
الود : امره فالكن الطيب وغنت الود اغنيه ( خلاص منك مل صبري ذكت العنا والمر والويل )
وبدخلت حمد وحمدان وماايد : عااشواا يابس يابس
البنات يعدلن الشيل ام حمد : حيااكم اقربو
ماايد : ششششت ودووه اول مره اسمع صوتج ايجنن ماشاء الله عليج
الود وهي مفتشله وويها غادي امر من المستحي انه سمعوها : تسلم
حمدان من اول ماحدر واهو يطالع الود ويتفدي صوتها
حمد : الود
الود : عونك غناتي
حمد : اندووج هذيل الاجياس ماليلج
الود وهي اطالع الاجياس : مشكور بس انا ماطلبت منك شي غرييبه شو هل الكرم
حمد : هذيل مني ومن حمدان ومن ماايد هديه نجاحج
الود وهي تروح اتبوس حمد علي خده : تسلم حبيبي
الود : حمدان ماايد ثااانكس ليش تعبتو اعماركم مايحتاي
حمدان : لازم يا بنت العم كم الود عدناا
مايد : هاا ودوه جانج ماتبين الهدايا يبيهن انا اريدهم
الود : عاناد الك باخذهم
حمدان: ريامي حبيبتي تعالي خذي ماليلج
ريم : الحمدالله مانسيتوني
الكل : ههههه
حمد : خيبه بنت العم لهدرجه ماحد يابلج شي
ريم : لا يابوك ماحد معبرني غير ابويه واماايه فديتهم واحين اخويه حبيبي واطرش حق حمدان بوسه علي الطاير
ماايد : ماعليج ريموه من اتريدين هديه دقي وانا في الخدمه
ريم : لا مشكوور ماريد منك شي
امل : هيه ودوه وريموه ثرنا مانسينااكن يوم بتروحون بتحصلون هدااياكم فووق كل وحده واسمها
مها: وانا ليش ماحد امعبرني 
حمد: انجحي وبنيبلج احلي هديه 
مها واالفشله باينه علي وويها
ام حمدان : يلا حمدان قوم بنرووح
ام حمد : وين بتروحون تموا
ام مايد : وانا بعد ياخويته بااروح
ام حمد: وين بتروحون خلكم معايه اموسيني
ام حمدان : باجر من الصبح بتحصلينا عندكم
ام مايد : دقيقه واحنا عندج
وراااحن العيايز كل وحده علي بيتها
وفي الصاله حمد والود وامل وشوق والود ومايد ومها
الود : اييه بااي بااروح انا اتخدرت مهو بااتي في بيتنا ابليز ريموه السباله مارضت
مها : اوكي تعالي معايه البيت باشل ملابسيه
الود : اوكي
امل : لحظه بااي معاكن بااروح انام تعبت
شوق : املووه ابليز انتي بعد باتي عدنا
امل : لا فديتج مافيه
الود : انتي الخسرانه
ورااحن البنات مها شلت اغراضها وراحت اتنام في بيت عمها

 

 

 

  رد مع اقتباس
قديم 31-10-2008, 11:07 AM   رقم المشاركة : 10
شـﮱـۈؤטּـﮱـي...}~~
عضوية خاصة
 
الصورة الرمزية شـﮱـۈؤטּـﮱـي...}~~ 




معلومات اضافية 
  النقاط : 9972
  الجنس :
  الدولة :
  الحالة :
الرسالة الشخصية

التقييم

افتراضي

 

 

اليوم الثاني نشت الود من الرقاد وراحت تتغسل وصلت الضحى عقب ماخلصت
الود : يلا نشي مهوو
مها : اممممم
الود : والله ان مانشيتي لا اتجوفين ابسرعــــــه
مها وهي تقعد : اف منج ماتخلين حد يرقد ارووح بيتنا احسن
الود : دامج في بيتنا اتعودي اتنشين من وقت امف عليج عقب الريل مايباج دامج ترقدين الين الظهر
مها وهي تبغم : الووووووووووووووووود انقلعي خليني ارقد
الود وهي تظحك : هههه يااي عجيب يوم اطفرين في الشخص



مها : يااحيواانه انقلعي
الود : انا راايحه تحت اسلم علي اماايه وابوويه واتريااج برووح اتريق
مها : فكه رووحي
رااحت الود تحت اتسلم علي امها وابووها
الود : صباااح الخير يااحلوين ورااحت بااست ابوها وامها
بو حمد : هاا امايه شو اصبحتي
الود : والله رقيص
ام حمد : رووحي اماايه اتريقي
الود : بتريا مهو الين ما تي امايه وين شوق وحمد؟؟؟
ام حمد : شوق ناايمه وحمد بعد رووحي فديتج ثوريهم
الود : انشااء الله
ورااحت الود فووق اتصحي شووق
الود : شوووشووو الحقي شوووشووو
شوق وهي تفز من الرقااد : هاا شوو امايه فيها شي ابويه حمد
الود: لا نشي ابسرعه
شوق : شو فيهم ودووه
الود تظحك علي شكل شوق : ههههههه كنتي في مقلب صاادووه خخخخخ
شوق وهي تفر الود بالمخده : عنلاااااااااااااااااتج ياا لسبااله والله لا اتجوفين وكانت يايه بتركض وراها والود شردت وهي تظحك
شووق : والله ما اخليج ياودووه بتجوفين اف كيف طيحت قلبي (واتحط ايدها علي قلبها )
الود راايحه غرفه حمد تتسحب اشوي اشوي تمشي وقفت الود عدال السرير تفكر كيف اتصحيه لانه حمد يوم يكون نايم وحد يصحيه لازم يحصل كم كفخه من حمد
الود رااحت اقعدت عدااله وياابت تيشو ولفته وقعدت تحطه في اذن حمد وحمد يجلب يوم جافته خلاص احين بيقوم ايصفعها رااحت وقفت عدال الباب تجهز حق الشرده وبغمت :حمداااااااااااااااااااااااااااااد قوووووووووووووم ابسرعه
حمد وشكله امعصب وااصل حده : انقلعييي لا تتكفخين احين من الخااطر
الود : انا مالي خص اماايه قالت اوعيكم وشردت وهي تمشي رايحه غرفتها اتجوف مها
مها كانت قاعد اتمشط شعرها الي احين وااصل الي اخر ظهرها
الود : يلا يا انسه ابسرعه
مها : انتي جب ماتخلين حد يرقد
الود : والله نشوو احين السااعه 10
مها : so what
الود: اوكي يلا خلصي بسرعه بنرووح تحت
مها : اوكي ( عقبها بشوي رااحن تحت )
حمد وشوق قاعدين يتريقون
الود : صبااح الخير
حمد : اييه والله يااودووه ان ييتي وصحيتيني مره ثانيه والله يااوييلج
مها توها حادره : صبااح الخير
حمد وشوق : صبااح النور
وقعدن يتريقون وحمد يطالع مها
الود : مهو شورايج اليوم انرووح بيت عمي عند ريمووه واندق حق غلووه اتي
مها : اوكي انا بارووح بيتنا اغير ملابسيه وعقب بااييج
الود : اوكي شوشو بتروحين معانا
شوق : لا انا واملووه بنرووح عند خالوه ظبيه
حمد : اووه اعلومها خالتيه
شوق : زعلانه منك
حمد : افا ليش
شوق : عسب ماتروحلها
حمد: عيل اليوم برووح معاكن
شوق : احنا بنروح العصر
حمد : اوكي انا بوديكن
الود : الحمدلله بروح غرفتيه
مها : دقايق وباييج
راحت الود غرفتها وقعدت اتجووف الهدايا مالت حمد وحمدان ومايد
يوم فتحت كيس حمدان حست بقشعريره وقعدت تقرا البطاقه مره واثنين وثلاث وحست بشي غريب وعجبنها لاغراض واايد ودخلت عليها مها
مها : ودووه انا باروح بيتنا بتسبح وبغير ملابسيه وعقب باييج وانتي دقي حق ريمو
الود : اوكي
مها : ببااي
ظهرت مها من الغرفه وهي ظاهره جافت حمد ظاهر من غرفته ومعاه كيس
حمد: مها
مها : لبيه
حمد: اندووج هل الكيس
مها : شو سببه
حمد : انتي اخذيه وبس
مها وهي متردده : بس
حمد : لا بس ولاشياته
مها : اوكي ( وخذت الكيس وراحت بيتهم ) وحمد كمل طريقه ورااح غرفت الود
حمد:الود ادخل
الود : هيه
حدر حمد الغرفه وقعد علي سرير الود والود قاعده تطالعه
الود : شوفيك حمد ؟؟
حمد : ودووه بقولج شي بس لاتخبرين حد
الود : افا عليك سرك في بير وراحت قعدت امجابلتنه
حمد : ودوه انا احب مها بنت عمي
الود : شو اليديد
حمد : كيف يعني شو اليديد
الود : الكل يعرف انك تحب مها وهي بعد تحبك
حمد: انزين هي قالتلج اني احبه
الود : حمد شوفيك البنت تحبك من زمان مش من احين
حمد والفرحه علي ويه مستانس انه مها بعد تبادله الشعور : تسلمين فديتج اموااح ورااح غرفته
الود : اللهم لك الحمد والشكر وراحت تسبح
انروح عند ميره وخالد
ميره : اقول حبيبي
خالد : امري فديتج
ميرا : شو رايك انروح دبي انغير جو مليت
خالد : تامرين امر غناتي الا اتخبرج وين نورووه فديتها ماجفتها
ميرا : تحت عند عمتيه
خالد : اها واعلوم الشيخ الي في بطنج
ميرا : امتعبني واايد
خالد : الله يقومج بالسلامه يارب ( ويروح يقد عدالها )
ميرا وتحط راسها علي جتف خالد وخالد يمسك ايدينها
خالد : شوفيج حياتي ؟؟
ميرا : مافيه شي بس احس في تعب
خالد : اوديج المستشفي
ميرا : لا عمري مايحتاي
خالد : انزين اذا حسيتي في تعب خبريني
ميرا اتنش من مكانها وحطت راسها علي ريول خالد وخالد قاعد يلعب في شعرها الين مانامت
نهايه الجزء
شو تتوقعون ميرا يصر فيها شي ؟؟؟

 

 

  رد مع اقتباس
قديم 31-10-2008, 11:07 AM   رقم المشاركة : 11
شـﮱـۈؤטּـﮱـي...}~~
عضوية خاصة
 
الصورة الرمزية شـﮱـۈؤטּـﮱـي...}~~ 




معلومات اضافية 
  النقاط : 9972
  الجنس :
  الدولة :
  الحالة :
الرسالة الشخصية

التقييم

افتراضي

 

 

البارت


الود قاعده اتكلم الريم بنت عمها
الود : هاي ريمووه
الريم : هاايين ودوووه
الود : ريمو انا ومهو وغلو بنتي بيتكم
الريم : والله غلوه بتي بعد
الود : هيه عقب شوي بني بنتغدااعندكم
الريم : اوكي اتريااكن
الود : اوكي بباي
ريم: اوكي بباي
سكرت الود من عند ريم ورااحت تتلبس ويتها ومها ومرن علي غلا
غلا : مرحباا السااع في الشيووخ
الود ومها : هلا والله بالشيخة
غلا : هاا بتودني عند ريلي
مها : ههه هيه
غلا : قلتلكن جانه حلو باخذه اذا لا اسمحولي مافيه ابتلش
الود : لا مشكلتج هااي
غلا : الله يعينا اوييه انت حوو شغل مسجل لا اكنسل ويزتك
الدريول : انت شو كل ما اييجي لازم سوي قرقر واجد راس مال انا يعور
الود : ههههههههه يعلج جفتي حتي عبد الحميد يشتكي منج
غلا : احلف انت بس لا احين اخبر عليك خالد ومايد
قعد الدريول يتحرطم
غلا : اييه انت اعصاابك
مها : غلوه حرام عيليج عاد
غلا : ماحد قاله يتحرطم ( ووصلو بيت عمهم )
حمدان كان قاعد في الصاله مع ابوه وامه
الود ومها وغلا : السلام عليكم
الباجين : عليكم السلام
ام حمدان : ياحيالله من يانا تعالن بنات
الود : اشحاالك عمي فديتك وراحت اتوايهه
بو حمدان : يسرج الحال فديتج
مها : اعلوومك عمي
بو حمدان : اعلوم الخير امنيه هل البنت الحلوه
غلا : افا عمي ماعرفتني انا غلا بنت سالم ال00
بو حمدان : يا هلا والله ابنيتيه اشحالج الغاليه
غلا : يسرك حالي اشحالج خالتيه ؟
ام حمدان : يسرج الحال
حمدان: اشحالكن بنات
البنات : بخير طاب حالك
حمدان : دوم هب يوم اسمحولي برووح عنكم
الود : لا حمدان تم احنا بنترووح عند ريم
قعد حمدان مكانه وراحن البنات فووق غلا اتساسر مها : مهو هذا حمدان
مها : هيه ليش
غلا : ماكنت اعرف انه جيه حلو (سمعتها الود وحست بغيره )
الود : امبونه ولد عمي احليو فديته
مها : ودووه مش كانج قلتي انه مش حلو
الود : قبل الاول تحول
الود ماكانت تعرف انه حمدان سمع الكلام وكملة طريقها وراحت غرفت مها
حمدان قاعد يفكر في كلام الود شو قصدها في فديته يعني تحبني شرات ما احبا ولا شو اف من هل البنت كيف
ورن تيلفونه مايد كان متصل
حمدان : هلا مايد
مايد : هلا والله اشحاالك
حمدان : عالي العال
مايد : دوم هب يوم انزين
حمدان: نعم
مايد: شو رايك نظهر انرووح دبي
حمدان : اوكي ماعندي مانع بروح اتسبح وحمد بيروح معانا
مايد : لا حمد بيروح مع شوق وامل بيت خالته
حمدان : اها المهم يوم بتكون عند بيتنا كلمني
مايد : اوكي جاااو
حمدان : جااااو
الود ومها وريم وغلا كانن يلعبن دير دبل دير (لعبه الصراحه )
يا دور ريم تسال الود والود اختارت دبل دير وريم خيرتها من بين شاين يا اترووح غرفة حمدان او تصعد وتنزل عشرين مره
الود : والله اروح غرفه حمدان اهون من اني انزل واصعد ( راحت الود غرفة حمدان وعلي بالها حمدان تحت فيوم حدرت الغرفه انصدمت يوم جافت حمدان واقف يطالعها
الود وهي فاتحه اعيونها من الصدمه
حمدان : الود شو اتسوين اهنيه
الود : هاا شو
حمدان : شوفيج ثرج لاحقة علي الغرفه وغمزلها
الود : لا والله منو قال
حمدان : هب كيفج والله
الود : عيل كيف منو
حمدان : كيفي وانتي امحيره حقي من زمان
الود : اعرف
حمدان : الود يوم تعرفين عيل ليش تكابرين الود اعرف انج اتحبيني
الود كانت بتتكلم بس حمدان قاطعها وتعرفين اني احبج فليش كل هذا واقولج كلام يوصلج ويتعداج الي بياخذج غيري يكون اخر يوم في حياته الود كانت تسمعه واهي ساكت وعقب ظهرت عنه راحت غرفة ريم
ريم : عنبو وينج ؟؟
الود : رحت الغرفه وعقب رحت تحت اشرب ماي
غلا : اها يلا تعالي بنكمل
الود : اوكي وكانت طول الوقت سرحانه في كلام حمدان

نهايه الجزء شوتوقعون يصير لحمدان ومايد ؟؟
حمدان بيتقدم حق الود ؟؟؟؟
وغلا بتحب حمدان ؟؟

 

 

  رد مع اقتباس
قديم 31-10-2008, 11:08 AM   رقم المشاركة : 12
شـﮱـۈؤטּـﮱـي...}~~
عضوية خاصة
 
الصورة الرمزية شـﮱـۈؤטּـﮱـي...}~~ 




معلومات اضافية 
  النقاط : 9972
  الجنس :
  الدولة :
  الحالة :
الرسالة الشخصية

التقييم

افتراضي

 

 

الباااارت

مايد وحمدان وهم علي طريق بوظبي رايحين دبي مايد كان يسوق وفجاة ظهرتلهم سيااره من صووب حمدان حمدان: مااااااااااايد انتبه انتبه
مايد : ماقدر ماقدر ويات السياره ودعمتهم وشاحت عنهم السياره كانو ا بينقلبون بس الله ستر
حمدان وهو اكثر المضررين لانه الظربه من صوبه وانضرب راسه في الجامه وغمي عليه
والشباب سارعو ينقذون الي في السياره ظهرو مايد بس حمدان ماقدرووا ولين مايت الشرطه والاسعاف وعقب ظهرووه ودوهم المستشفي وحمدان كان في شبه غيبوبه ومايد قالو فيه بعض الرضوضات وكسر في ايده
وحمدان نقلوه سيده علي العنايه والشرطه اتصلت في الاهل اتبلغهم
تلفون بيت احمد بن حمد يرن ( بوحمدان )
الود اتشل التيلفون : الو
الشرطي : الو السلام عليكم هذا بيت احمد بن حمد ال00
الود : هيه نعم اخويه خير
الشرطي : معاج الشرطه
الود وهي خايفه : امر اخويه شو فيه
الشرطي : ابصراحه حمدان في المستشفي هو ومايد امسوين حادث
الود : نعم لا اكيد انت اتقص عليه حمدان توه ظاهر مافيه شي
الشرطي : ختيه هم حالتهم الحمدالله بخير
الود : انتو بأي مستشفي
الشرطي : مستشفي0000
الود : باي
الود اربعت فوق غرفت ريم فجت الباب ابسرعه
ريم : اعصابج ودوه
الود : اييه ريموو واهي اتصيح
ريم ومها وغلا خايفين ريم : اييه ارمسي شو فيج ؟؟؟
الود : حمدان ومايد سواا حادث وهم في المستشفي
مها وهي منصدمه : شوو لا انتي جذابه
الود :و الله
ريم : منو خبرج <<واهي اتصيح علي اخوها الوحيد
الود : الشرطه دقت
ورااحت الود اتدق حق حمد اخوها
حمد: الوو
الود : حمد انت وين
حمد : الود شو فيج
الود : حمداان وماايد واتصيح
حمد وهو خاايف : شو فيهم ارمسي
الود : سواا حاادث
حمد : منو خبرج ؟؟؟
الود : الشرطه دقواا
حمد : بأي مستشفي
الود : مستشفي 000
حمد : اوكي يلا باي
واشوي انتشر الخبر والحريم يصيحون
ام مايد : واايه ياحسرتيه علي ولدي
ام حمدان : يارب مايكون فيهم شي
ام حمد : اذكرو الله انشاء الله مايكون فيهم شي
ميره : بدق لخالد بخليه يطمني
خالد : الو
ميره : هاا خالد بشر
خالد : والله ياميره شو اقولج خايفين علي حمدان الي احين في غيبوبه
ميره : ومايد ؟؟؟
خالد : مايد مافيه شي الحمدالله بس كسر بس حمدان
ميره : الله يومه بالسلامه
خالد : امين يارب
سكرت ميره عن خالد والكل يترياها
ام حمدان : طمني شو قال
ميره واهي خايفه اتقولها عن ولدها الي لين احين مايعرفون حالته
ميره : مايد الحمدالله مافيه شي بس كسر في ايده
وام حمدان : وحمداان
ميرا وتبلع ريجها : حمداان يقولون في غيبوبه ومايعرفون عنه شي لين احين
ام حمدان واهي تصيح : واايه ياولدي بااروح اجووفه ظنايه
الود واهي اتصيح وتدعي انه الله يقومه بالسلامه
والريم راحت عند امها وحظنتها وتمت اتصيح
ورجعوا الريايل من المستشفي ومايد رجع معاهم بس حمدان مارجع
ام مايد اتروح تحظن ولدها :واايه فديتك مافيك شي ماشي شي يعورك
مايد وهو مضايق عسب حمدان : لا مافيه شي برووح غرفتيه
ام مايد : الله يحفظك فديتك
ام حمدان واهي اطالع بوحمدان : ولدي شو قالو عنه
الكل تم ساكت مايعرفون في شو يردون
ام حمدان واتروح صوب بو حمداان وتمسك ايده :قووول شو فيه ولدي لا اتم ساكت
بوحمدان : ماعرف شو اقولج يام حمدان حمدان الدكاتره لين احين مايعروف عنه شي قالو نترياهم خلال 24ساعه
ام حمدان : وايه ياحسرتيه يعله فيه ولا فيك وسوتها مناحه
الود راااحت بيتهم واهي وريم ومها وشوق وامل وكل وحده فيهن اتصيرح
الود من كثر الصياح رقدت علي ريول شوق
وخلص هل اليوم النحس
وفي اليوم الثاني راحو حق حمدان المستشفي ايجوفونه
وكان ظاهر الدكتور من عنده وايروحله بو حمدان وحمد
بو حمدان: هاادكتور بشر
الدكتور : الحمالله عدا مرحله الخطر بس في شي مش ماكدين منه
بو حمدان خاف انه يمكن حمدان صار في شي : شو
الدكتور: تعال معايه الغرفه
راح بو حمدان وحمد الغرفه مع الدكتور
الدكتور وهو يقعد علي الكرسي : والله يا بو حمدان انا مابلف ولا بدور صح انه حمدان عدا مرحله الخطر لاكن يمكن اذا قام من الغيبوبه مايمشي
حمد وبوحمدان في صدمه : هااشو اتقول دكتور
الدكتور : هذا هو الي كشفته اليوم بس من الاحسن تنقلونه برع
بو حمدان : انشاء الله خلاص بنطرشه برع بكلم السفاره وخلا ل كمن ساعه كلم بوحمدان حد من معارفه وحمدان بينقلونه اليوم فليل
ام حمدان يوم صلها الخبر تعبت والكل كان حزنان علي الخبر
والعصر رااحو المستشفي ايسلمون عليه بس ماكان ايرد عليهم
الود واريم راحو بيتهم عسب يحطون اغراض حمدان في الشنطه
الريم : ما اقدر اتخيل انه حمدان مايمشي
الود وهي اتصيح علي حمدان : انشاء الله بيسافر وبيتعافي وبيغدي احسن من اول
الريم : انشاء الله الود فجي هل الكبت وحطي اغراض حمدان انا باروح اييب صابون وشامبو اشياءه الشخصيه
الود اوكي ( واهي قاعده اتحط اغراضه تتذكر ابتسامته الحلوه ويوم تضارب معاه الين ماوصلت الين قالها قبل لا يظهر وقالت الله يقومك بالسلامه ياحبيبي وقعدت تشم ريحه ثيابه وفجاه حست بايد علي ظهرها يوم صدت لقتها ريم
ريم : حتي هو ايحبج
الود انصدمت كيف عرفت اني احبه ويحبني
ريم : اعرف يالود انج منصدمه لاكن انا اعرف انج تحبين اخويه وهو يحبج بعد وهوقايل بيتقدملج لاكن تعرفين احين حالته
الود : اعرف وامقدره وقعدت علي سرير حمدان وتمت اتصيح
راحت ريم وقعدت عدالها : ممكن اعرف الحلوه ليش اتصيح
الود : اخاف يا الريم علي حمدان اخاف اخسره
الريم : فال الله ولا فالج انشاء الله يرجع بالسلامه وبتاخذينه وتعيشين في بيتنا
الود : امين
الريم : يلا خلصي بنسير ماتبين تلحقين علي الحبيب وغمزتلها
الود : واافديته ياليته يحس بوجودي
الريم : ماعليج ان ما حس انا بخبره يوم بيقوم بالسلامه
الود فرتها بالموسده وراحت عنها وحطن اغارض حمدان في السياره وراحن البنا ت المستشفي وشافن الكل اهناك واليده محتشره عسب ماخبروها وخلال كمن ساعه يات الطياره الخاصه رااحو مع حمدان بوحمدان وام حمدان والريم وحمد ومايد بيروحون عقب ووددعوا حمدان ويدعوله بالسلامه
رجعت الود بيتهم رااحت غرفتها وتمت حاظنه الدبدوب الي يايبلها اياه حمدان وقعدت اطالع صورهم وهم في المزرعه ويوم كانو اصغار وقعدت تصيح الين نامت

 

 

  رد مع اقتباس
قديم 31-10-2008, 11:08 AM   رقم المشاركة : 13
شـﮱـۈؤטּـﮱـي...}~~
عضوية خاصة
 
الصورة الرمزية شـﮱـۈؤטּـﮱـي...}~~ 




معلومات اضافية 
  النقاط : 9972
  الجنس :
  الدولة :
  الحالة :
الرسالة الشخصية

التقييم

افتراضي

 

 

في بيت بو مايد
امل : ابوويه
بو خالد : عونج غناتي
امل : ابويه شورايك انروح المانيا عند قوم عمي بما انه اجازتنا
مها : هيه والله ابويه شورايك؟؟
بو خالد : والله انا ماعندي مانع امبوني كنت بخاوي حمد ومايد
ام خالد : والله انه قلبي ماكلني علي حمدان فديته الله يعافيه
الكل : أمـــين
بوخالد : مها فديتج دقي بيت عمج بشاور محمد اخويه جانه بيخاوينا
مها : انشاء الله ( وراحت تتتصل في بيت عمها )
ترن ترن 000
مها بدلع غير مقصود: الووووووو
حمد : مرحبااااا الساع يابو عيون سود ووساع
مها : المرحب باجي اشحاالك ربك بخير
حمد : بخير من سمعت هل الحس
مها وهي تقول في خاطرها فديتك انا : اقول
حمد : امري
مها : ابوويه يبا ابوووك ويييينه
حمد : والله ابويه عرس
مها : احلف وليش ماخبرني ياسخيف لا تنكت
حمد : اوه شت مهو صرتي اتجعمين احين
بو خالد : مها ردو عليج
مها : هيه ابويه هذا حمد
بوخالد : عطيني امايه بكلمه
مها : حماادي دادي يريدك
حمد : فديت الدلع انا عطيني عمي حبيبي
مها : اندووك ابويه ( عطت مها السماعه حق ابوها )
بو خالد : مرحبا الساع الغالي
حمد : المرحب باجي اشحاالك عمي ربك بخير
بو خالد : بخير مانشكي بااس
حمد : امر عمي
بو خالد :ما يامر عليك عدو الا وين ابوك
حمد : ابويه قاعد خاري مع عيوزته
بوخالد : انزين عيل ابويه يوم بيحدر خل يكلمني ضروري
حمد : انشاء الله
بو خالد : فدااعت الله
حمد : فداعت الله
المانيا
ريم كانت ظاهر من المطبخ وفي ايدها عصير
ريم : ابوويه يلا متي بنروح المستشفي
بو حمدان : احين الغاليه بس اتريا الدريول
ريم وهي قاعده تدعي : ياارب اتشافي اخويه وتبعده عن كل شي ياارب اتخفف عنه المرض ماعندي غير هل الخو يارب اترجعنا اياه يارب( وقعدت اتصييح )
بوحمدان : اميين يارب بس امايه لا اتصيحن انشاء الله بيقوم بالسلامه >>> وهو ابروحه مستهم احليله ضناه
ام حمدان وهي يايه من الغرفه وشاله في ايدها اغراض حمدان : هاا وصل ولا بعده
بوحمدان : احين بيوصل خل نحول تحت نترياه
ريم وهي اتمش دموعها : اوكي انا رايحة البس شيلتيه وياايه
دقايق وكان السايق تحت يتريااهم واتجهو الي مستشفي وراحوقسم حمدان بس وقفوا عند الباب عسب
الدكاتره كانو يفحصون حالته
اول ماظهر الدكتور جاف بوحمدان
الدكتور : hi iwould like to tell you same thing about hamdan
بوحمدان : ok lets go
الدكتور : ok
بوحمدان وهو وقف : كيف يعني مستحيل يمشي 
الدكتور : no he will wook but he have to do same exsrsais
بوحمدان : are you shour?
الدكتور :yes!
بوحمدان k think you
الدكتور : welcom
بو حمدان :by
الدكتور : by
وظهر بوحمدان من عند الدكتور ويفكر في كلامه ويدعي ربه انه حمدان يتقبل ويمشي
وصل الغرفه وجاف ام حمدان قاعده عند راس حمدان وتقرا عليه وريم من الناحيه الثانيه وكانت قاعده تلعب بشعره .
ام حمدان : هاا الغالي بشر شو قال الدكتور ؟
بوحمدان : تعالي فديتج اريدج بكلمه راس
ريم وهي انشغل بالها وحست انه في شي في حمدان ومش راضين يقولولها
ام حمدان راحت مع بو حمدان
ام حمدان : شو الغالي شغلت بالي
بوحمدان : الي اريد اكلمج عنه عن حمدان
ام حمدان : شو ؟؟لايكون فيه شي ؟؟؟
بوحمدان : حمدان لازم عقب مايقوم بالسلامه يخضع لتمارين المشي عسب حالينا مايمشي
ام حمدان : شوو ليش ؟؟؟
بوحمدان : عسب ماحرك اريوله لمده اسبوع ولاتنسين انه احين هو في غيبوبه بس الحمدالله تعدي مرحله الخطر وقالو خلال يوم او يومين احتمال يقوم من الغيبوبه اذا ماقم احتمال مايمشي
ام حمدان وهي تصيح : يارب يارب اتقوم ولدي ياارب اني والدين ياارب
وراحت ام حمدان الغرفه وتمت اتجوف ولدها بكل حنيه
ام حمدان وهي تمسك ايد حمدان : فديتك ياحبيبي يارب اتقوم بالسلامه
نرجع لارضنا الحبيبه الامارات الغاليه
الود وهي رايحه تحت
بو حمد : الود
الود : لبيه
بوحمد : لبيتي حايه وين شوق ختج
الود : في غرفتها مع امل بنت عمي
بوحمد : هيه انزين امايه ثره باجر فليل بيكون سفرنا
الود وعلامات التعجب في ويها !! : ليش ماخبرتونا من اول وين بنسافر؟؟؟
بوحمد : لاني حصلت حجز حق باجر وماشي حجز غيره الاعقب اسبوع وثرنا احنا رايحن حق حمدان ولد عمج
الود والفرحه باينه علي ويها :صدق باباتي يعني باجر بنرووح ياااي امووااااح يا احلي ابو في الدنا
بوحمد: شو فيج فديتج اتخبلتي ؟؟
الود : ياي برووح عند قوم عمي ولهت عليهم واايد >>> والحبيبه تبا اتجوف الحبيب
بوحمد : عيل روحي حطي ملابسج وقولي حق شوق وامل
الود : قوم عمي بعد بيون معانا
بوحمد : هيه احنا كلنا وبعد يدوتج بتخاويناا احين حمد ومايد رايحين ايبونها بيتنا
الود : واايه فديت يدوتيه انا ولهانه عليها الا وين مامي
بوحمد : ماماتج راحت غرفت يدوتج ترتبها
الود : عيل باروح افازعها
بوحمد : روحي الله يرضي عليج 00
غرفه شوق
شوق : املووه بتلبسين اهناك عبايه
امل : ماعرف علي حسب الاوضاع
شوق : اتعرفين انا مابلبس لاني بلبس جاكيت طويل عباره عن عباه
امل : انا قلت جيه بس يمكن بعد البس عبايه تعرفين يدوه بتروح معانا
شوق : هيه صح نسيت انزين املووه شلي معاج لبسج الازرق الي انا ونتي شرات بعض
امل : انزين ثرني شليته اقولج انا باروح بكمل اغارضي وعقب بااي يوم بتوصل يدووه
شوق: اوكي تعالي وين مهو ختج غريبه مايات اليوم
امل : مهو قاعده اتحط ملابسها وعقب حتيقي ياامه ماتصبر عن فراق الحبيب
شوق : ههههه ميرا وخالد مابيون معانا صح
امل : هيه لانه ميره ماتقدر تعبانه من الحمال احليلها تعرفين هيه احين في الشهر الثامن
شوق : الله يعينها يارب اتقومها بالسلامه
امل: امين اوكي بباااي
شوق : جااااااااوو
راحت امل بيتهم وشوق عقب ماخلصت اغراضها راحت تحت
الود : شوووووووووووق
شوق : شوو اف منج كم مره قايلتلج لا اتباغمين ماقهره صوتج
الود : هههههه احب انرفزج ياخي شو اسوي
شووق : انزين جهزتي جنطج
الود : no
شوق : ليش انشاء الله ؟
الود :بيكوز ايم نوت قايقه
شوق : وااي يور نت فايقه
الود : عسب ماي يدوه شي ول بتي
شوق : so whaut
الود : رحت افازع امايه
شوق : اوه اوه الشيخة الود بنت محمد ال000 اتسوي شي نووي
الود : ليش انشاء الله اتعلم كيف عقب يوم بزوج لازم افازع عمتيه خخخ
شوق: الله يعين الي بيضويج بيتينن منج
الود : الاقولي يحب ايده جدام ووراء يوم انه بيضويني صح تعالي
شوق : امممم
الود : اعلووم خلوف ولد خالتوو ما ايجااا
شوق : لا وليك
الود : يخرب بيتك ولييك ماعرف ارمس شراتهم ان رمست بخرب الرمسه فأجلبي ياامه علي الاماراتي
شووق : خخخخ احليلج مشكله الي مايعرفون
الود : اايه وصلت يدووه اسمع الهرن انا ظااهره حتيقي معايه
شوق : يب
ورااحن البنات خاري يستقبلن اليده
يدووه شيخه : اعلوومكن بناات
الود وشوق: اعلووم الخير
يدووه شيخة : الود قوديني بارووح داخل
حمد : اقوودج يدووه
يدووه شيخة : انت اسكت لا تكلم بغيت اتضحبيبي
حمد : افا يدووه
يدووه : ماشي ماشي اسكت عني
حمد يرووح يحظن يدوته يدووه : ضك عني ضك ياا مسود الويه
ماايد : شت شت حمد العيووز امفوله عليك
يدوه شيخة : عيزالله ركبك انا احين عيوز ( وضربته بعصاتها )
الود : هههه يعلك ماحد قالك اتقول عيوز اصلن يدووه بعز شباباها
يدوه شيخة : هيه يامج بس هم شودراهم يلا فديتج انحدر ما اقهر الحر
رااحو داخل والكل قاعد
ام حمد : عمتيه اصبلج اقهوه
يدووه شيخة : هيه الغاليه
ام حمد : اندووج وعطتها الفنيان
يدووه شيخة : اتخبرج ميثه (ام مايد ) وين خالد وميره
ام مايد : احين يااين
يدووه شيخة : محمد فديتك باجر متي سفرنا
محمد : باجر الفليل انشاء الله
يدووه : انشاء الله اتخبرت عن ولد اخووك ؟؟؟
محمد بو حمد\: هيه اماايه وقالو بعده في الغيبوبه واحتمال يصحي منها احين
يدووه شيخة : يارب اتشاافيه من كل مكرووه
الكل: اميين
واشوي وياات ميره مع خالد ونوره بنتهم وعقب رااحو ينامون

شو تووقعون رده فعل حمدان يوم يعرف انه مايشي ؟؟؟
والود شو بتسوي يوم بتعرف ؟؟؟

 

 

  رد مع اقتباس
قديم 31-10-2008, 11:09 AM   رقم المشاركة : 14
شـﮱـۈؤטּـﮱـي...}~~
عضوية خاصة
 
الصورة الرمزية شـﮱـۈؤטּـﮱـي...}~~ 




معلومات اضافية 
  النقاط : 9972
  الجنس :
  الدولة :
  الحالة :
الرسالة الشخصية

التقييم

افتراضي

 

 

اليوم هو يوم سفر العايله
في بيت حمد
حمد : الووووووووووووووود شووووووووق يلا حولن
شوق وهي تنزل : اوكي اوكي شو فيك عنبوو
حمد : اخرتونا وينها ودوه الدبه
الود وااقفه اطالعه من فوق : مرتك الدبه يادب ياتنكر يادرام ياكل شي
حمد : فديت حرمتيه انا اونتي يام السان ان ماحولتي احين لا اياي فوق وامطج من كشج
الود : دقايق انزين بس باااروح البس عبايتيه تعال وين ميود ومهو ؟؟؟
حمد : كلهم خاري الا انتي انسه الود بعدج يلاااااا ثره ان مايتي لا اروح عنج وتمي انتي اهنيه
الود وهي تركض : ياايه ياايه
حمد : بسرعه اتريااج خاري
وصلت الود تحت : اتريا
حمد : هاا
الود : خلصت
وظهرو خاري والكل ركب السياره واتويهيو المطار
سياره حمد فيها بوحمد وحمد وام حمد وشوق والود
وسياره مايد بومايد وامل وام مايد
وسياره خالد فيها اليده ومها مع بشكاتين
عند حمد
ام حمد : حمد ابويه حفدت علي الزراع انه يسقي الزرع كل يوم
حمد : هيه امايه
ام حمد : وسكرت كل البيبان
حمد : هيه
شوق : عنبو يا امايه عن كل شي بتتخبرين
ام حمد : مايصير يامايه اظهر من البيت وهو مفتوح
بوحمد : حمد فديتك اتصل في مايد اتخبره هو وين
حمد : انشاء الله ( واتصل في مايد )
مايد : هلا واللله
حمد : اهلين بوسليطين وين انتو
حمد : اهنيه جريب المطار انتووين ؟؟
حمد: احنا بعد جريب اوكي يلا نتلاقي في المطار ببااي
مايد: باي
وعقب كمن دقيقه وصلو الكل المطار وخلصو الاجراءات اتويهو ابطالنا الي المانيا
في المانيا
ريم كانت رايحة المستشفي عند حمدان وهي بطريقها كانت قاعده تمشي وفجاه اصتدمت بشخص
ريم والصدمه باينه علي ويها : اوبس سوري
الشخص وهو منبهر بجمالها : بالحل الشيخه
ريم عرفت انه امارتي من رمسته وافتشلت وكملت طريقها واتجهت الي غرفة حمدان اما الشخص تم واقف مكانه تحت عند مدخل المستشفي وهو يكلم نفسسه : يالله مجملها يليت لو اعرف هيه بنت منو شت عليها جمال مش في حد ورد لصوابه وانا شولي افكر فيها يمكن معرسه ولا مخطووبه وكمل طريقه ورااح عند اهله

الساعه 5العصر في المانيا وصلو ابطالنا الي المانيا
الود وهي تحول من الطيااره : يااااااااااااااي محلاج ياا المانيا
ومها من وراها : بس ماتي شي جدا الامارات فديتها وفديت اهلها
مايد : اييه لو تتمدحين من اليوم لين باجر مابيخلونج تحكمين البلاد ههه
مها : هب معناته اني امدح بلادي يعني اريد شي منها بس انا احب الامارات واايد
حمد : عااشت الاماراتيه ابوويه بنروح بيتنا ولا بناخذ فندق
بو حمد : لا ابويه بنروح بيتنا خلصو الصيانه واحين كلنا بنرووح
الود : عمي انتو بعد بتون معانا صح
اليده : عيل وين تبينهم يروحون
ويكملون طريقهم
الود : لا يدووه اقصد انه مابيروحون فندق
يدوه شيخة : اشعنه ياخذون فندق وعندهم بيت
بومايد : اماايه منو قال انه بناخذ فندق ثره البيت يسد وكبيرهب انه صغير
مها : اوكي يلا انرووح مليت ثرني
امل : ميتو\
ام حمد : ماعليه حبيباتي احين بتروحون وارتحاااحو وباجر بنطب عليهم المستشفي
وياات السفاره الاماراتيه وخذتهم الي بيتهم وهم كانو ساكنين بمنطقت ميوونخ
وبيتهم كان ديزاينه ديزاين اجنبي وهذا البيت عندهم من زمان يعني بيت الكل
الود وهي بالسياره : واااو عدلو البيت صاير جنان
شوق: هيه صدقج ايجنن ودووه جوفي الكوخ الي كنا نلعب فيه كيف صاار
الود : ياااي يوم حطو الشير عداله ظهر احلا
بوحمد : عيبكم
البنات : واايد
بوحمد : يلاحولن خلونا نجوف البيت
اليده وهي تحول من السياره الثانيه : يااللله كيف البرد عندهم في دارالحمر اف ماقهر البرد يوحمد
حمدوهوياينها : لبيه امري الشيخة
يدوه شيخة : ابويه قودني باروح داخل ما اقهر البرد اعضامي اتيبسو
حمد:ههههاي اتيبسو مره وحده
يدوه شيخة : هيه يابوك الله غاوي بعد البيت
حمد : هيه ماشاء الله ثره سوله صيانه
بو ماايد : يلا بنات خلونا نحدر عقب تعالن خاري
ام مايد : احين الي يسمعك بين والله ولا وحده بتي بيلسن يلعبن شرات اليهال
عندالبنات
امل : يلا اييه قومن بنلعب كوره ماااايد
مايد وهوواقف عند الشواب: هااا
امل : تعال
ويااهن مايد : هاشوتبن عنبو هب تعبانات
شوق : لا
حمد واهوياينهم من عقب ماوصل يدته
الود ومها كانن عندالجلب قاعدين ياكلونه
الود وهي معصبه : جونير ياا حيواان يااجلب ان جربت جداايه ياويلك سمعت مافيه اكون نيسه يااي اشحلاتك كبرت
حمد وهو يسمع خته المينونه :ههههه الله يكملج بعقلج
الود تلتفت وراها : ليش؟؟؟
مها وهي تظحك :هههه لانج هبله
الود : الله يساامحك انت وياها احين انا الود الحلوه القمر شيخة البنات اتقول عني مينونه افا يا اخويه ياولد امايه وابويه
حمد : الله الله شو هل القصه العجيبه
الود بمرح : شكرن شكرن اعجبتك القصه من تاليفي
مها : يوم اقولك مينونه
الود تبتسم بخبث : انا عادي ياحبيبتي قولي لي بتقولينه وانزلت علي الارض يعني علي مستوي الجلب وقعده اتمسحه
مها : اع يااوصخه اععع الله يغرفج مش توج اتقولين مافيج اتكونين نيسه
الود : هيه بس لازم هههه
حمد : مهو مكانج تخافين من الجلب
مها : هيه( يااي بتكمل كلامها الا والود فاتحة الجلب وعفد علي مها
الود وااقفه اطالعها وتظحك الود :هههههههههههههه ههههههههههه شورايج
مها تركض : ايييييييييه امسكوو اماااااااااااااااااااايه مااايد
مايد ايطالعها وهي تركض ويضحك :خخخخخخخخخخ
امل : حرام عليك ميود روح امسكه
شوق :خخخخخخخخخخخ ودووه اتعرف كيف اتادب
مها وهي تركض واتصيح والجلب يربع وراها علي باله قاعده تلعب معاا : حرااام شلووو حمااااااااااااد شله
حمد هو اصلن مش رايم ايسوي شي من كثر الضحك وهي تركض ياات جريب من حمد وقفت اشوي
الا والجلب عفد عليها مها كل الي سوته رااحت واتعلقت في حمد
الود : هههه دوااج يامسوده الويه عيل انا مينونه
مها وهيه اتصيح وبعدها متعلقه في حمد : اماايه حمد الله يخلييك شله بمووت اع كملت اصيااحها حمد حن عليها
وزقر الجلب : جوونير ويركض والجلب يركض ورااه وودااه الين بيته وربطه ورجع مره ثانيه ومها بعدها اقاعده واتصيح
الود : هههههه عنبو مهو بسج
مايد وهو كاتم ضحكته : انتي انسه الوود جب ولاكلمه كله منج خليتي ختيه تركض واتصيح ويكمل ضحكته هههههههه
امل : بس عاد حراام عليكم
شوق : بس انزين يلا قومن بنروح نلعب
ماايد : اووه انتي حيه علي بالي متي
شوق:هههه سخيف ما اتضحك
الود : مهو يلا بسج حركات يهال قومي
مها بعصبيه غير متوقعه :انتي جب مالج خص فيه ابدن مشكوره علي الحركه يا انسه ورااحت كاانت صدق امعصبه
الود تطالع مها باستغراب وماايد اندهش من اسلووب مها
ماايد عصب علي خته وبغم عليها : مهااااا هب عيب عليج جيه اتكلمين بنت عمج
الود والصدمه باينه علي ويها : لا عادي ماايد خلك منها هيه اضااهر امعصبه وانا حركتيه بعد سخيفه المهم سوري مهاايه مش قصدي ورااحت تقعد في بيتها الكووخ الي هيه دايمن يوم اتي المانيا تقعد فيه
مها وهي حاسه بالذنب وقعده اتصيح
ماايد : هب عيب عليج اتردين جيه علي البنت انتي اكثر وحده اتعرفين الود كيف طيبه وهااي حركاتها ومش قصدها شي
مها كانت قاعده تسمعه اتصيح
مايد : اتمني هل الشي مايتكرر مره ثانيه يا انسه مها
ورااح وين ما شوق وامل وحمد قاعدين
ماايد وهو يقد عدال حمد : الا وين الود
حمد : رااحت تقعد في الكوخ
مايد : اها احين رايح اجوفها
رااح مايد الكوخ واول ماكان بيحدرداخل سمع الود تصيح
ماايد : الود
والتفت الود وراء وهي تمش تموعها وتبتسمله : هلا
ماايد حس فيها انها كانت اتصيح : الود اتمني انج مازعلتي من مها ثرها ماتقصد
الود : لا مايد عادي بس انابعد زودتها اشوي اعرف انها تخاف من الجلاب مع هذا رحت وفجيته وهذا يزاايه
مايد : بس مع هذا المفروض ما اترد عليج بالهل الرد
الود : عاادي انا مش زعلانه والله
مايد : الود اعتقد اني اعرفج اكثر من نفسي انج يوم تكونين زعلانه او مضايقه ما اتبينين والي اعرفه اكثر انج يوم تزعلين اتحبين تقعدين ابروحج صح ولا انا غلطان
الود : صح بس ماايد والله انا مش قصدي اني ازعلها والله يامايد اني اضحك واسولف وانا في داخلي ناار
ويوم مها ردت عليه جيه احس انه النار زاادت في داخلي ماعرف ليش مضاايقه ضيقه فضيعه احااول اني العب واسوي أي شي عسب انسي وقعدت تصيح لاول مره جداام شخص ( الود طبعها مستحيل اتصيح جدام أي شحص شخصيتها قويه ) مايد واهو منصدم من الود
مايد : الود شوفيج ؟؟؟؟
الود : مااشي وقعدت تصيح روكضت ورااحت دااخل
امل وشوق وحمد ومها يطالعونها وعلامات التعجب باويهم!!!!
ماايد واهورايحلهم
حمد : ليش الود اتصيح ؟؟؟؟
ماايد ابرووحه منصدم ! : ماعرف بس الي اعرفه انها كاانت مضاايقه وقعدت اتصيح ومارضت اتقولي
حمد : بااروح اجوفها ماتهون عليه
شوق : فديتها ودووه من متي واهي مضايقه
مها نزلت راسها تحت وقعدت تلعب بطرف شيلتها واتقول لنفسها : والله مش قصدي ياودوه ازعلج كله مني انا اسبب وقعدت تلوم عمرها
انرووح لريم وحمدان في المستشفي
ريم : اماايه ماقالو حمدان متي بيصحي من الغيبوبه
ام حمدان : قالوا يوم او يومين ولين الحين ما اجوف أي شي
ريم : اماايه ابوويه وين راح
ام حمدان : رااح عند نااس من معارفنا
ريم : امنو هذيل الناس
ام حمدان : ابوهم كان مع ابوج في السفاره
ريم : اها
ام حمدان : اماايه روحي نامي جوفي كيف اعيونج غاديات
ريم : لا ماعليج عقب بنام
نرجع لغرقت الود
حمد : ودووه حبيبتي شو فيج اتصيحين
الود : مااشي بس انا اشوي مضاايقه
حمد : يعني مصره ما اتقولين المهم فديتج انا راايح اريح وان بغيتيني تعالي غرفتيه وباسها علي جبينها ورااح
والود تمت في الغرفه تفكر في حمدان وتدعي ربها اذا صحي من الغيبوبه ولا وهي قاعده اتفكر فيه انقطع حبل افكارها ودقات الباب
الود : منو
مها : انا
الود : دخلي
مها وهي تحدر الغرفه ومفتشله من الود
مها : ودووه im sorry
الود : لا عادي مهو المفروض انا الي اقولج سوري مش انتي لاني انا السخيفه
مها : ابدن بس لا تزعلين مني كنت امعصبه وثرج تعرفيني يوم اعصب
الود : لا فديتج هب زعلانه ولا شياااته
مها : عيل ليش كنتي اتصيحين
الود : كنت مضايقه اشوي وبس
مها : يعني اكيد مش مني
الود هي تبتسم : يس 
مها اتروح وتحضن الود : فدييتج والله مااحد يسوااج يا بنت عمي وياختيه وياا صدقتيه
الود : بلا كلام فاضي اريد انام لوسمحتي
مها : مي تو بااروح اغير ملابسيه
الود : يلا فكيني بنااام
مها : اوكيي راحت غيرت ملابسها وفرشت اسنانها ويت طااحت عداال الود
لانه كان تقسيمهم انه الود ومها بغرفه وامل وشوق بغرفه وفيه غرفه فااضيه بس جيه امخلينها
وقسم الشباب فيه 3 غرف ومايد في غرفه وحمد في غرفه وغرفه فاضيه حق حمداان
واربع غرف في الطابق التحتي يعني هل البيت كان بيت عائلي واحلي مافيه انه يضمهم كلهم بس ناقصهم قوم حمدان

 

 

  رد مع اقتباس
قديم 31-10-2008, 11:11 AM   رقم المشاركة : 15
شـﮱـۈؤטּـﮱـي...}~~
عضوية خاصة
 
الصورة الرمزية شـﮱـۈؤטּـﮱـي...}~~ 




معلومات اضافية 
  النقاط : 9972
  الجنس :
  الدولة :
  الحالة :
الرسالة الشخصية

التقييم

افتراضي

 

 

--------------------------------------------------------------------------------

في اليوم الثاني في المانيا
صحو الشواب
ام حمد : صبحج الله الخير عمتيه
يدوه شيخة : صبحج الله بالنور اماايه شواصبحتي
ام حمد : والله بخير وسهاله الاوين ميثه
يدوه شيخة : رااحت اتفازع البشكاره
ام حمد : عيل بروح تامرين علي شي
يدو شيخة : هيه الغاليه قوليلهم ايبون الخمير باكل دوايه
ام حمد : انشاء الله
بومايد : هلا والله بالغرشوبه
يدوه شيخة اونها استحت ههه: هلا ابويه اشحاالك
بومايد وايرووح ابوسها علي راسها : يسرج الحال
يدوه شيخة : ابويه روح اتخبر اخوك متي بنروح حق حمدان
بومايد : انشاء الله الا وينه محمد
يدوه شيخة : خاري يتكلم في التيلفون
بومايد انشاء لله وراح حق بوحمد
ام مايد وهي تحدر الصاله ومعاها البشكاره شاله معاها الاكل
ام مايد : هاا عمتيه يبنا الخمير بس احين ايبون القهوه وجاي حليب
يدوه شيخة : زين يامج اتلاحقتيني ولا كنتو بالضحوبي
ام مايد : اشعنه انضحيبج عموه
يدوه شيخة : ما اقهر البرد
ام حمد واهي يايه وفي ايدها صينيه القهوه وجاي حليب
يدوه شيخة : الا وينهم العيال ماجفنا حد منهم
ام مايد : اكيد ارقود
يدوه شيخة : شوهل المذهب الي عندهم رقود لين احين قبل ماعدنا البنات يرقدن الين الظهر ينشن من غبشه ويفازعن امهاتهم في المطابخ احين الا فيهن بزاا
ام حمد : احليلهم اماايه تعبانين واحين بعدها الساعه 9
يدوه شيخة : ثره ماحد امعلمهم البزاا غيركم احين رايحتلهم
وراحت اليده غرف العيال
اول ماحدرت حدرت قسم البنات
دخلت غرفت امل وشوق
يدوه شيخة : املووه انتي منو الي عدالها وشلت اللحاف عنهن شووقوه نشن يلا بسرعه جداامي
امل : اممممم فيه رقااد
يدوه شيخة : نشي بسرعه لاحين بالعصاا
امل : يدووه حرام عليج
يدوه شيخة : ماشي حرام قومن صلن الصبح حسبيالله عليكن من بنات امره امضيعاات المذهب وانتي اشويق يلا بسرعه قومي
شوق : يدووه قمناا خلاص احين بني ورااج
يدوه شيخة : يلا بسرعه وان ماشفتكن تحت لا ارش عليكن مااي امف عليكن من بنات
وظهرت من عندهم عقب مااطيرت الرقاد
شوق وهي تقعد علي السرير: اف حرااام والله فيه رقااد
امل واهي شبه وااعيه : ميتو اريد اناااام
شوق : فزي يامج لااحين اتكنسل ويزتنا
ورااحت الحمام وانتو بكرامه
ونرجع لليده واهي بغرفه مها والود
يدوه : الود مهااا يلا نشن
امسوياات اكبر طااف مابغت غير هل الثنتين
يدوه شيخة : يلا نشن ودووه واتمط اللحااف عنها
الود : يدووه حرام عليج فيه رقااد تعباانه
يدوه : شوفيج تعبانه لا انج غاديه حرمه بيت ولا شيااته مهوو يامسوده الويه نشي يلا نشي
مهاا : يدووه خلينا انام ليش انش احين شو انسوي
يدوه شيخة : اتعاون امهاتكن بعد عقب منو بيضويكن دامكن ما اتساعدن امهااتكن
الود : اماايه مش لازم انعرس مانريد نبا انااام
يدوه شيخة ماسوتلهن واحد ثنين راحت وفجت الجاامه والجوو كان باارد
مهاا : اماايه حراام علييج بتضحيبناا
يدوه شيخة : ياامسوده الويه انا بضحييبكم ابسرعه يلا نشن
الود : بس خمس دقاايق
يدوه شيخة : ولا دقيقه بسرعه يلا نشن
ونشن البنات وكل وحده منهن اهيز عن الثانيه
يعني علي الساعه عشر الكل كان قايم
امل : ميوود صبلي جاي حليب
مايد : اوكي حد يبا
الود : انا
شوق : ميتو
مايد : حمود مهوو تبون
مها واهي مندمجه في الاكل : همممم لا ماريد
حمد : يا ماما مابيطير الاكل اشوي اشوي
الود :هههه خلها ضاربنها يوع قطااو
ام حمد واهي تدخل عليهم : صبااح الخير حبايبي
الكل : صباح النور
حمد : توه مانور المكان
ام حمد : امنور بوجودك فديتك
الود : ياا سلام نسيتيني انا ما اتقوليلي فديتج بنت البطه السوده
ام حمد : هههه لا حبيبتي انتي نوور البيت واترووح حق الود وتحضنها
الود : فدييت ماماتيه انا ويوووووووو
شوق : افا افا يا ام حمد تنسين بنتج العوده واتروحين حق اليهال
ام حمد : ثركم خبلوتبي
ماايد : اقوول خالتيه لا تعطينهن ساالفه البنات شكايات
شوق : ميود لا اتشوش اماايه عليناا
مايد : حشي ماشوشيتها
بوحمد : السلام عليكم اعياالي
الكل : عليكم السلام
الود : وصل شيخ الرياايل اعلوومك داادي هاور اريو
بوحمد : بخير فديتج اقول حمد ماايد
حمد ومايد : امر
بو حمد : ما يامر عليكم عدواا من اتخلصون بنرووح المستشفي عند حمداان
مها : واحنا متي بنرووح
بومحمد : العصر انشاء الله
الود : ابوويه حراام بااي معاكم برووح عند رياامي
حمد : شو اتسوين قالج ابويه عقب بتروحون
الود : ابوويه شوقلت الله يخليك ابليز
بوحمد واهو يفكر : اوكي روحي لبسي
الود: ياااي واترووح اتبووس ابوهاا >>>> مصلحجيه الحبيبه
وراحت الود تلبس ولبست تنوره بيضه مع باادي بنكي وجااكيت ابيض وكان لبسها حلو وشكلها ظاهر كيووت وحطت اقلوس بنكي خفيف ومزرت اعيونها من الجحال وظهر شكلها ايجنن من غير اخدودها الورده الطبيعيه
والود ووهي تنزل من الدري الكل التفت يطالعها جنها ملاك واهي تنزل
الود : شوفيكم اطالعوني واترمش اعيونها
مها : ماشاء الله عليج ودووه اليوم ظااهره جناان
الود بكل غروور : اعرف فديتني مايحتااي ومشت مشيتها الشيوخيه الي اتخلي الكل يلتفت اطالعها واهي تمشي
يدوه شيخة : وين عباتج ؟؟
الود بكل بسااطه : مابلبس عباايه
اليده واشوي بتقوم اتكفخها : ان مالبستي عباايه مابتروحين تسمعين شو هل المذهب اخ عليج
الود : يدووه حرام حنا مسافرين يعني عاادي
يدوه شيخة : لاهب عادي ان مالبستي ماشي روحه
الود :اوكي وراحت الود وهي تتحرطم
حمد : زين ادبتيها يدووه
يدوه شيخه : عيل عنبو تبا العرب يتكلمون عنا ماعدنا بنات مايلبسن عبي
[/color][/b]

 

 

  رد مع اقتباس
قديم 31-10-2008, 11:11 AM   رقم المشاركة : 16
شـﮱـۈؤטּـﮱـي...}~~
عضوية خاصة
 
الصورة الرمزية شـﮱـۈؤטּـﮱـي...}~~ 




معلومات اضافية 
  النقاط : 9972
  الجنس :
  الدولة :
  الحالة :
الرسالة الشخصية

التقييم

افتراضي

 

 

بوحمد : الود يلا فديتج
الود : وهي تحول ياايه
بو مايد : يلا هبانا نوصل
يدووه شيخة : يلا ياعيالي
وراحو بوحمد وبومايد ويدوه شيخة وحمد ومايد والود المستشفي
الود وهي بالطريق قاعده تدعي( يارب يارب يوم اروح الاقيه صااحي يارب وتبعده عن كل مكرووه)
يدوه شيخة : محمد فديتك اتخبرت هم في أي غرفه
بوحمد : هيه امايه بس هم ثره مايعرفون انه احنا ياايين امسويلهم مفاجأه
يدوه شيخة جنها الفكره عايبتنها : هيه احسن
في السياره الثانيه فيها حمد ومايد وبو مايد
بو مايد : حمد اتخبرت ابوك هم في أي غرفه
حمد : هيه عمي
نرجع حق البيت
مها : يالله ودووه احين بطيرمن الفرحه
شوق : وين احليلها مابيكون في وعيه
امل : اتصدقون انا اشكثر احب حمدان ماعرف ليش يعجبني اسلووبه تعامله مع الاخرين غرووره طيبته وكل شي
شوق : خيبه خليتي شي ؟؟
امل : لا بعد فيه بس ماخليتوني اكمل
مها : احنا احين مش في حصه تعبير يوم بتجوفينه عبري علي كيفج
شوق :ههههه حلوه حلوه
مها وهي اتحب تستهبل : ليش مارقمتيها هههه
شوق وامل : ههههههههه
مها : اييه شوشو اريد فونج اشوي بادق حق ودوه بقولها اتقول حق ريموه اتي معاها ولا هم ايون اهنيه بدال الفندق
امل : لا اتعبين عمرج الحكومه بتعزر عليهم ايون وبيوون
شوق: صدقج حكومه عيل جفتي يوم ماخلت ودوه اتروح ابلي عبااه
مها : حراام والله
شوق : باروح عند امايه بتن معايه
امل ومها : يس
نرجع حق قوم الود وصلو المستشفي وهي قلبها بايدها اول ماكانو جريب الغرفه وهي خلاص قلبها اشوي وبيظهر
اول من دخل اليده
بوحمدان وااقف ايطالعهم مستغرب: هااا متا ييتوماشالله عليكم شو هاالطله الحلوه الصراحه ماتوقعتها ؟؟؟؟؟؟
اليده : يابوك ماقدرنا نتحمل وقلبنا ماكلنا عل الولد
ام حمدان واهي اترحببهم : ياامرحبا السااع اقربووو الحمدالله علي السلامه
ريم : اووه ماي قااد ودوووووووه حبيبتي ييتي معااهم وراحن يتواايهن البناات
ماايد : عنبوو هب سلام هذاا
بو مايد: خلك منهن ان ماجافن بعض يسونها منااحه
حمد : وانا اشهد
الود اترووح اتواايه عمها وعقب مرت عمها وغااديه هااديه
وقعدوو العايله مع بعض كل واحد ياخذ اعلوم الثاني
يدووه شيخة : احمد فديتك ماخبروك حمدان متي بيقوم من الغيبوبه
بوحمدان : خبروني قالولي احتمال يومين يوم
يدوه شيخة : الله يشاافيه
الود وريم في زااويه ابروحم قاعدين
ريم : ودووه اتصدقين واايد خايفه
الود : ليش ؟؟؟
ريم : ماعرف
الود : علينا كيف يعني ماتعرفين
ريم : صدق ودووه انا من كمن يوم جيه مضايقه وماعندي حد اشكيله الحمدالله انكم ييتو صح تعالي انتو بس ياين
الود : لا كلنا قوم مهو في البيت ماخلوهم ايون انا عقب حنه ييت
ريم : زين زين تعالي خلص البيت من الصيانه
الود : اتعرفين انج غبيه
ريم : لا والله
الود : هيه اقولج في البيت وتسالين خلص البيت من الصياانه علي فكره ثره اليوم بتين معاناا
ريم : اكيد داام خلص البيت اكيد بااي معاكم
نرجع حق الشواب
يدوه شيخة : احمد ثره اليوم بتون عدنا البيت
بوحمدان : انشاء الله بيروحون عقب ايوبون الاغراض
مايد : ماعليه عمي انا باروح معاهن ايبون الاغراض
ام حمدان : ماتقصر فديتك
حمد : عيل انا بخاوييكم
بوحمدان : صح نسيت اخبركم
الكل : شو ؟؟؟
بوحمدان : اماايه اتعرفين قوم سيف من محمد ال000
اليده : هيه اشو فيهم
بوحمدان : ياابين امهم اهنيه علاج
اليده : موووزه بنت سيف اهنيه اخويته فديتها من متي واهيه اهنيه
بوحمد : اماايه هااذيل الي ساكنين في حارتنا بس الناحيه الثانيه
اليده : هيه الله يسلمك ام موزه اتصيرلي
بومايد : والله عيل ماخبرتونا انا نقرب حق بعض انا اعرف ولدها سعيد
بوحمدان : ثره سعيد كان معانا في السفاره
بوحمد : مايصير لازم انرووح انززورهم
اليده : احمد الغالي ودني عند ختيه بااروح اجوها من متا هب شايفتنها يعلني فداها
بوحمدان : غايتيه يلا انرووح
بوحمد وبومايد : عيل احنا بنخااويكم
ورااحو الكل حق موزه بنت سيف
ام حمدان : رياامي اشعنه فديتج مااضيفين اعيال عمج
الود اترووح تقعد عدال ام حمدان : فديت خالتيه انا مايحتاي احنا من انريد شي امره قاايمن وانيبلنا الشي الي انريده صح ياا خواني
مايد وحمد : صح
ماايد : خاالتيه انرووح احين انيب الاغراض
ام حمدان : هيه ابوويه
حمد : اوكي عيل انا اتريااكم تحت
واظهرو حمد ومايد خاري يتريوون ريم وامها
ام حمدان : الود فديتج انتي تمي اهنيه الين احنا مانرووح
الود : انشااء الله
ريم :اوكي برب
الود : تيت
تمت الود قاعده ابرووحها ماتعرف شو اتسوي فقعده اتقق في ملامح حمدان
الود رايحه قريب السرير وتمت واقف وقاالت : الله عليك ولد عمي حلوو ماشاء الله عليك بس ياارب اتشاافيك
ونزلت كمن دمعه من اعيونها وعقب مسكت ادينه وقالت : ليش ياحمدان عقب ماحبيتك بتتخلي عني بهسهووله الي اعرفه عنك انك قوي اه ياحمدان ليت فيني ولا فيك ماقوى اجوفك جدامي مريض يارب تشفيه حمدان رجيتك تحدى المرض تحدى كل شي عسب تصحاا يااحبيبي ياسبب فرحتي وقعدت اتصييح احين عرفت قدرك يااولد عمي احبك يااولد عمي والله احبك جذاب الي يقول انا ماحبك اصلن انا اموووت فيك
الي ماتعرفه الود انه حمداان كاان صااحي من الغيبوبه من متي وهيه والكل مايعرف بس كاان تعبان مايرووم يرمس ويووم جااف الود قريبه منه ماقدر مايقول شي فكل الي سوااه قعد ايحرك صبعه الابهاام علي ايد الود
الود حست بشي قالت يمكن اتخيل فعقب رد حمدان ايحرك صبعه يوم جاافته الود جافت انه فااتح عينه
اول ماطاالعته تمت فااتحة اعيوونها بكبرها
حمدان يرمس والتعب مبين عليه : حتي انا احبج ياابنت عمي ومنو قاال بتخلي عنج حد يتخلي عن قلبه
الود واهي اتصييح : الحمدالله علي السلااامه لحظه باازقر الدكتور
حمدان : اتريي وين بتروحين ماشبعت منج
الود : عقب عقب>>>ربعت خاري واهي كانت ظاهره من الغرفه ادور نيرس ولا دكتور جاافت عمهاا بوماايد
الود واهي تركض تجااهه : عمي عمي
العم واهوخاايف : شووو
الود : عمي الحق حمداان
العم خلاص قلبه بيوقف : شوو يا الود قوولي
الود : صحي من الغيبووبه عمي صحااا وحظنت عمهاا
الود واهي بعدها في حضن عمها : يااي عمي الحمدالله الحمدالله ويين الدكتور
العم وهو حابس الدموع :اللهم لك الحمد الشكر اللهم لك الحمد والشكر
الود وجافت ابوها وعمها: عميي ابوويه يدوه حمداان قاام من الغيبووبه
بوحمداان مومصدق الكلام : شوو
الود : والله عمي تعال معاايه >>> وتسحبه من اييده واتودييه الغرفه والكل ورااها
بوحمداان ايرووح حق حمداان ويوم تاكد راح عنده والدموع فعينه : الحمدالله على السلاامه فدييتك
حمدان: الله يسلمك ابوويه
وعقب يدت اليده وحضنته وسوت منااحه
حمدان : بس ياايدووه فديتج انا بخير احين
اليده : ماايعورك شي ماتتويع من شي
حمدان : لا فدييتج
والود وااقفه عداال ابووها وتحمد ربهاا مليون مره وبعد تدعي ربها ان ماسمع شي
والكل اتحمدالله بالسلاامه الين يوم يو ام حمدان وريم سووهاا منااحه
حمد ايرووح ايسلم علي حمداان : الحمدالله علي السلاامه يااخي خوفتنا علييك
ماايد : لا ماعليك يتغلي علينا بس
حمدان : هه لا والله هب تغلي ولا شيااته
وعقب يااهم الدكتور وفحص حمدان والحمدالله ظهر بخير وبس الي هو مش زين انه مايمشي حاالياا واهومايعرف هل الشي بس مع التماارين بيمشي انشاء الله 0000



[COLOR="Red"][B]توقعاااات
شوو بيصير لحمداان يوم بيعرف ؟؟؟؟؟؟
والشخص الي ريم جاافته هل بترد اتجووفه مره ثاانيه ؟؟؟؟

 

 

  رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
آغ،ـلى شوكولـآ بالع ـألمـ ،، άłŜђǿǾǿġ الاكلات و الطبخ 17 23-07-2010 05:53 PM
مملوحة قطر ..... بعد غيبة طويله .. مملوحة قطر مرحبــا الساع 14 10-07-2009 09:51 PM
عودتي بعد غيبة طويله ‏άℓ3иέε∂αн-vίρ™ღ.,\~ مرحبــا الساع 9 18-01-2009 08:33 PM
احــبك من صغر سني ** ما بالغ من يوم ميلادي غرس زايـد قصص وروايات 45 07-08-2008 03:25 PM
عيد ميلادي بنوتة صغيرونة مرحبــا الساع 16 15-11-2007 03:14 PM

الساعة الآن 03:13 AM.


Powered by vBulletin® Version 3.8.7
Copyright ©2000 - 2019, Jelsoft Enterprises Ltd