عرض مشاركة واحدة
قديم 21-02-2010, 08:01 PM   رقم المشاركة : 5
εïзĴή8ăłĩāђεïз
 
الصورة الرمزية εïзĴή8ăłĩāђεïз 




معلومات اضافية 
  النقاط : 10581
  الجنس :
  الدولة :
  الحالة :
الرسالة الشخصية

التقييم

افتراضي

 

 




البـارت الـ 2 ..



راشـد : انزين قوليلي منو سـوالج جيه ؟؟ ولييش !! لانه الصراحه .. حالتج .. سكت شويه .. : ماتسر !!
فطـوم سكتت شويه جان ترمس : وانا فالحجره .. كنـت ارمس واحد .. وامي سمعتي و قالتي من قبل ان رمستي حد بذبحـج .. انا يوم شفت الأمور هدت .. قلت بس بسلم علييه .. وسمعتـني وطاحت فيني ضرب بـ الوااااير !! وبايدهـا ومن غير الرفسـات اللي يتنـي .. وهـا تشوف حالتي كيف صـارت !!
راشـد حزن عليهـا : انزين وبعـدين ؟
فطـوم بتعب :شليت بعباتي و طلعت من البيت .. و عقب انته حصلتني وانا الحين فالمستشفـى ..
راشـد : اهـاه .. حليلج .. انزين تبيني ارمس اهلج ! وتردين شرات قبل !
فطـوم صرخت : لو اشووه ما اررد بيت اهليه مره ثانيه ..
راشـد : عيل وين بتسيرين !!
فطـوم : ماعرف !!
راشـد : بتين دبي ؟؟
فطـوم : دبــي !!! ليش ؟؟
راشـد : بيت اهلي اهنـاك .. محـد اييه .. يعني تقدرين تقولين انه البيت مالي ..
فطـوم : انا وانـته فـ بيت وااحد !!!!
راشـد : شوفييج !!
فطـوم : شو بيقولون اهلك !
راشـد : اهلي مابيعرفـون الحين ..
فطـوم : .............
راشـد : شو قلتي ..
فطـوم : اللي تشوفه .. بس راشد انا مابا اتم فـ هالبـلاد ثـانيه !
راشـد انصـدم : عيل وين تبين تسيرين !!
فطـوم : ابا اسـافر !
راشـد : تسـافرين !! وين بتسيرين !
فطـوم صاحت اهنيه : يا راشد دخيلك حس فيني !! ابا اعيش حياتي ابا اغير جوو !! ابا انسـى اللي استوالي !
راشـد : انزين شوفي ! انا ادرس فـ بريطـانيـا بتين ؟
فطـوم : هييييييه .. لو ان ايلس فـ الفندق ما اطلع !!
راشـد : انزين .. عاد عندج جـوازج !
فطـوم : هـاا !! لا ..
راشـد : هههه عيل كيف بتسـافرين !
فطـوم : سالفة الجواز خلهـا عليه .. بس طلعنـي من هالمكـاان !!
راشـد : كيف بتيبينه !! اهلج مابيخلونج تروحين لو سرتيلهم ..
فطـوم : هههه لا ماعليك .. طلعني انته من اهنيه اول ..
راشـد يبـا يقهره : ماشي طلع
فطـوم عصبت : رشوود أبا اطلع ولا تراني بطلع من المستشفـى بروحي
راشـد : شو بتسوين يعني ! بتشردين ؟
فطـوم حاست بوزهـا : هييييييه ..
راشـد : اكـوه الدرب ..
فطـوم : رشود لاتم تسويلي هالحركـات ..
راشـد : هههههه ان شاء الله بس انتي بعدج تعبانه ..
فطـوم : حييل تعبانه .. بس ابا اطلع ..
راشـد : مايستوي جيه فطيم .. صحتج اهـم ..
فطـوم : انته متى بتسـافر ؟؟
راشـد : هالخميـس !!
فطـوم : عيل لازم اييب الجواز باجر ! عـاد بتحصل حجز ؟؟
راشـد غمزلها : الواسطـه ماتقول لا ..
فطـوم : ههههه خلاص ماعليه .. ثانكس ع الورد ..
راشـد ابتسـم : بسير عيل ارمس الدكتـور ..
فطـوم : اوكيـه ..

راشـد : عمـره 19 .. وحيـد ابـوه .. امه اتوفت ويا بنتهـا فـ حادث سيـاره .. عليه سمارة بدو .. شعـره طويل وغليض ومشاء الله عليه ناااعم .. غرشوب من غراشيب بوظبي =pP .. ملحــي .. طوله تقريبـا 170 او ازيـد .. يدرس فـ بريطـانيـا ..

طلع راشد و سـار صوب الدكتـور ..
الدكتـور : هيـا صحييت ..
راشـد : هيه وتبـا تطلع ..
الدكتـور : هههه لا مابيصيـرش !! هيه تعبـانه كتيـر ..
راشـد : ماعليه انا بتحمـل عليهـا ..
الدكتـور : اوكيه بس بتظهر بليل ..
راشـد : خلاص ماعليه ..

عنـد فطـوم .. دق دق دق

فطـوم : تعـال ..
الممرضه : الحمدالله ع سلامتيك ..
فطـوم ابتسمـت : الله يسلمج ..
الممرضه : حبيبتي هاديلا هـدوميك .. مغسولات وصايرين زي الفـل ..
فطـوم : تسلمين فديتج .. ممكن تلبسيني ياهم ..
الممرضه : لك على عيني ..

يوم الممرضه فصخـت ثيـابهـا دش راشـد ..

راشـد : فطييم وافق الدكتـوور ..
فطـوم : اييييييييييييييه ياحمااار !!
راشـد فاجت عيونه : هـا .. سوري .. جان يطلع ..
فطـوم : وييي فشله ..
الممرضه : ههههه ماعليه ..
المهم الممرضه لبستها ثيـابهـا وكانت فطـوم تعبانه من بطنهـا .. وجان تطيح .. .. وطلعت برع الممرضه وقالتلها بتيبلهـا ريـوق .. جان يدش راشد ..

راشـد : ماشالله لبستي ! منو قال وافق ..
فطـوم رفعت حيايهـا ..
راشـد : هههه لا لا وافق ..
فطـوم : وانته ليش ادش عليييه ؟؟ ماتعرف تدق الباب ؟؟
راشـد : وانا شدراني انج تبدلين ثيـابج ..
فطـوم غطت ويهـا : قفطــه !!
راشـد غمزهـا : عـااادي لااه ..
فطـوم : ههههههه ..
راشـد : انزين بتظهرين فليل ..
فطـوم : افف ..انزين ماعليه .. الحين بيبولي ريووق .. ابا اكل شي ياخي يوعـانه ..
راشـد : بسسسج بتنطرييين شوفي ويهج كيف غـادي !!
فطـوم : حلاتهـا البنت وهيه مربربه .. جان تغمزله
راشـد نقعت من الضحك : ههههههههههههههههه .. هيييه حلاتهـا .. غمزلهـا ..
فطـوم قفطت : .......
جان ايي الريـوق .. وكلت شويه وجان تشبع ..
راشـد : ماشالله كلتي الصحون حتى !! يعيب عليهـا " ياخي يوعـانه " .. وماكلت الا شويه ..
فطـوم : بس بنطر ..
راشد : يلا قوليلي شو بتسوين ع سالفة جوازج ؟؟
فطـوم : ممكن تعطيني فونك ..
راشـد : يودي ..

اتصلت فطـوم حق ربيعتهـا مريـوم كانت توها ناشه من الرقـاد ..
مريوم : منو هـا !! قلبي ينغزني .. ارد ولا لا .. همممم برد .. : الـووو ..
فطـوم : مريوم ..
مريـوم : فطـوووووم !!! انتي وييين !!! اهلج يورون عليج ..
فطـوم : والله يا مريوم ثم والله .. ان يبتي طارييه لـ اهليه بزعل عليج طول حيـاتي ..
مريـوم : انزين فهميني شو استـوا ..
فطـوم : قالتلهـا السـالفه .. كلهـا ..
مريـوم : هـااا !! والحين هوه وياج ..
فطـوم : هيه يعني وين بيكون .. انزين مريوم .. بغيتج فـ طلب .. بلييز لاترديني ..
مريـوم : آمري ..
فطـوم : اباج تيبيلي جـوازي !!
مريـوم : من ويين !!
فطـوم : من بيتنـا من وين يعني !!
مريـوم : انزين كيف ؟
فطـوم : شوفي .. اباج تسيرين انتي و نـوروه اختج العصر بيتنـا .....................................
مريـوم : وابوييه تبيني اسوي ها كله ..
فطـوم : جب انزين ..
مريـوم : انزين .. خلاص ..
فطـوم : يلا انا بصكـر الحين .. اتصليلي ع هالررقم يوم بتكون صوب بيتنـا ..
مريـوم : اوكي خلاص ..
فطـوم : باي ..
مريـوم : بـاي ..

مريوم : عمرهـا 15 .. قد فطوم .. توأم روحهـا من صف خامس ويا بعض .. لين الحين .. دبدوبه بيضـا شويه .. حليوه .. حبوبه و راعية سوالف وكشخه .. طيبه حيل .. وتحب فطووم مـوت ..

وعقب مـر الوقـت بسرعه .. و استوت السـاعه 5 .. طلعت مريوم ويا اختهـا نـووره و سـارو بيت فطـوم .. دقـو اول شي جرس .. جان تطلع سيـاني .. يوم شافت مريوم .. استناست ..
سيـاني : مريووم .. كيف حالك ؟؟
مريـوم : بخير .. اخبرج .. ماما فـ البيت ؟؟
سيـاني : لااء ..
مريـوم : انزين سيـاني .. بعطيـج 100 .. بس لاتخبرين ماما اوكيه ؟؟
سيـاني : اوكيه خلاص ..
مريـوم : سيري سويلي درب .. ابا ادش حجرة بابا ..
سيـاني : انزين ..

جـان توديهـا صوب الغرفه .. و اذكرت رمست فطـوم يوم تقولهـا " بتشوفين عدال الحمام كبت .. اكيد الحجره بتكون مقفـوله .. دوري المفـتاح داخل .. و بتحصلينه "
مريوم دروت دروت وجـان تحصله .. دشت الغرفه جان تقفل الباب عليهـا .. تذكرت رمست فطـوم ..
" سيري سيده صوب التيلفزيـون فجي الكبت بتشوفين كندوره سودا .. فـ المخبـا بتحصلين مفتـاح التجـوري
مريوم سارت صوب الكبت .. وحصلت المفتـاح .. سارت صوب التجـوري و فجته و شـافت الشنطه السودا فيها الجوازات .. تمت تدور جواز جواز .. لين ما حصلت جواز فطـوم .. خذته و صكرت التجوري و ردت المفتـاح مكـانه .. جان تفج الباب شوي شوي .. سيـاني طلعت .. هيه اونها كانت تغسل الحمام .. وطلعت بسرعه و ركبت السيـاره ..
نـوره : ها حراميه حصلتييه ؟؟
مريـوم : ههههههه اكـووه .. يلا سيري مستشفـى الزهرا ..
نـوره : عشـنا و شفنـا .. اختيه تسرق جوازات خخخخ
مريـوم : خخخخخ .. عشـان فطـوم فديتهـا ..

و يوم وصـلوا صوب المستشفـى .. اتصلت حق راشـد ..
راشـد : اندوج هاي ربيعتج ..
فطـوم خذت الفون و ردت : هاا مريوم ؟
مريـوم : انتي اي طابقه ..
فطـوم : ماعرف ..
راشـد : هيه بتي ؟؟
فطـوم : انتي بتين ؟
مريوم : هيه ..
فطـوم تشوف راشد : هيييه ..
راشـد : انزين قوليلها اتم تحت انا الحين بييهـا ..
فطـوم : تمي الحين رشود بييج ..
مريـوم : انزيـن ..

صكرت منهـا .. وراشد نزل تحت و شاف بنتيـن يالسين .. سار صوبهم ..
راشـد : مريـم ..
مريـوم بغت عيونهـا تطلع : هـا .. هييه ..
راشـد : تعالي بوديج صوب ربيعتج ..
مريـوم : انزين .. قومي نوره ..
هم ورا وهوه جـدام ..
نـوره : بالله عليج من وين اصطت علييه ها ؟؟
مريـوم : ماتعرفه ويا هالراس ..
نـوره : يخرب بيته حلـوو !!
مريـوم : اييه جب ..

دخلـوا اللفت وهم ساكتين يوم وصلـوا الطابقه اللي فطـوم فيه .. دشت مريوم سيده الغرفه .. يوم شافت المغـذي و الشاش اللي صوب رقبتهـا ..
مريـوم : فدييييييييتج والله .. تقربت سيده صوبها ولوت عليها بالقـو ..
فطـوم دمعت : ولهت عليج ..
راشـد : عيل استأذن انا ..
فطـوم :لا ورفجـه اتم .. هب غريب = ) ..
راشـد : عسب تاخذون راحتـكم ...
مريـوم : لا افا عليك ..
نـوره : الحمدالله ع سلامتج فطوم ..
فطـوم : الله يسلمج فديتج .. ها حرامييوه .. يبتي الجواز ولا ..
مريـوم طلعته من شنطتهـا : أتـوووووووووه ..
فطـوم صرخت : يااااااااااااي .. فدييت حرامتييه انا ..
الكـل : ههههههههه ..
مريـوم : عاد سوري مايبتلج شي ..
فطـوم : لا يبتيلي جوازي هههه .. احسن اني مواطنه الحين
مريـوم : عديتي ع غلووي .. > واحد فالمنتدى
فطـوم : ههههههههه .. حليله والله ..
مريـوم : انزين .. والحين وين بتسيرين ؟؟
فطـوم : دبي ..
مريـوم : و اهلج ؟
نـوره : هيه تعالي ترا امج و ابوج يوو عندنـا
مريـوم : هييه وانا انصدمت يوم كانو يدورون عليج ..
فطـوم : والله ان قلتولهم شي لا ازعل عليكم .. دخييييييلكم ..
نـوره : افا عليج فطـامي لاتحـاتين ..
مريـوم : رشووود .. عـاد كله ولا فطـامي .. هاي حبيبتي وحطها فعيونك ..
راشـد : ههههه بالله عليج انا شو بسويلهـا يعني .. لاتحاتيين فطـامي فعيـوني الثنيين .. و يغمزلهـا ..



.. كـــت ..
هممم شو تتوقعـون بيستوي فـ البارت الثـاني ..
السمـوحه ..
البـارت الـ 3


.


.

 

 

 

  رد مع اقتباس